رقم (3) قبل الصلاة جاهزية الثوار قبل الصلاة وهتافات لاسقاط النظام
---- معذرة في عدم الالتزام في ترتيب الفيديوهات حسب الاحداث و سنحاول انزالها حسب زمن الاحداث لاكتمال الصورة تماما في هذه الوسيلة الجديدة والفعالة للانتفاضة وتقييمها
سلامات يا اشرف تعرف يا اشرف بالرغم من احتمال تلاشي الاثارة قليلا من عرض فيديوهات احداث ودنوباوي - لكن لدي رغبة للمواصلة للتوثيق لاغراض كتيرة للحدث بكل تفاصيلها حتي ذهاب اخر عسكري-رباطي من الميدان ! وبمعني آخر الغرض ليس تعبوي فقط لكن احيانا اتخيل وجود (audiences ) مختلفين في تعاطيهم لمعرفة كيفية و مجريات الوقائع بالضبط وايضا عرض كل الفيدوهات قد يكون مفيد في عقد مقارنات التخيلات الاسفيرية لوقائع الثورة بالضبط - اضافة لتقييم فعالية هذه الطريقة المستحدثة للثورة وخلق مقترحات اواضافات
يا هيثم أظن دا أهم بوست حتى الآن لفيديوهات انتفاضتنا المجيدة أول باشتان عنوانه ما استقطابي وبعيد عن جو البروبقاندا الحاصل، ودا شيء مهم لنقل الحدث بصورة مهنية ولحد كبير محايدة، بالرغم من تأكدي إنو الشباب الأنتجوهو منحازين. ودا، زي ما إنتا قلت، بدي الزول البعيد مساحة خيال وتقدير للحدث ثاني باشتان صوت الراوي المصاحب للتصوير مهم ودعم الصورة كتير فيديو حرق الأمجاد لو بدأ تصويره أبدر ثواني كان قدرنا شفنا العسكري الرمى البومبان داخل السيارات، وكان يكون دليل مهم المهم، الشغل دا ممتاز بس الشباب ديل يعملوا حسابهم من الأمن ممكن يتبع أثرهم عشان يوقف الشغل دا لهم التحية
Quote: أول باشتان عنوانه ما استقطابي وبعيد عن جو البروبقاندا الحاصل، ودا شيء مهم لنقل الحدث بصورة مهنية ولحد كبير محايدة، بالرغم من تأكدي إنو الشباب الأنتجوهو منحازين.
العزيز اشرف سلامات و شكرا للتعليق شكلي ما وضحت قصدي كفاية - ! ما قصدت بفكرتي عن البوست مهنية بمعني الحياد - ابدا - اتخيل ياخي انا منحاز ومتطرف للثورة لدرجة انو ما بعتبر الانحياز للثورة موقف سياسي و لكن موقف اخلاقي زاتو ! شفت التطرف دا ! بس قصدت نقل الصورة بصورة اكمل -حتي لو "الاثارة" نسبة لانوالحدث بقي قبل ايام ممكن تكون مفقودة نوعا ما بمعايير المنبر لانو الناس طبيعي متشوقين للجديد --- بخصوص الدليل بتاع حرق العربية - تعرف ثورات المدن والاهالي زي الانتفاضة الفلسطينية ! مثلا الشوارع الرئيسية بحتلوها الامنجية والعسكر اما الشوارع الفرعية بتكون حقت الثوار و ما بقدروا يجوا خاشين -- في الحالة بتاعت العربيتين - "البمبان" بتفكا بمدافع و لو ركزت في العربية الاكسنت ح تلقي اثر دخول البومبان من الزجاج الخلفي المكسور و نفس الحالة في الامجاد- البونبان دخل من الخلف والنار قامت بعد فترة - والاسواء في الامر انو الاهالي بترجوا العسكر "هدنة" لاطفاء الحريقة لكن الامنجية بواصلوا في ضرب الثوار امعانا في الضرر والحريق !