Post: #1 Title: ضاربين الكندشة و الراحات و ندعوا للثورة! Author: سيف النصر محي الدين Date: 06-20-2012, 05:40 PM
اها نفترض يعني اننا متجدعين و مجدوعين خارج السودان و عندنا مكيفات نقوم ننسى ناسنا و اهلنا و نشوفهم بتعذبوا و يجوعوا و يموتوا و يقتلوا و تتفنن حثالة الجبهة الاسلامية و المؤتمر الوطني في التلاعب بمقدراتهم و بالبلد و برضوا نمسك خشومنا علينا؟ ياخ الدين المتلصقين فيهو و ما فاهمينوا ده مش قالوا فيه بلسانه و بقلبه كطرق للتغيير؟
Post: #2 Title: Re: ضاربين الكندشة و الراحات و ندعوا للثورة! Author: سلمى الشيخ سلامة Date: 06-20-2012, 05:48 PM Parent: #1
كندشة العدو الماصليح النصها تقوم مخلوع لانه فى زول عيان وانت ماقادر توفر ليهو حباية اسبرين لانه فى ناس ما اتعشو وقالول ليك فى الحلم ربما لانك بتحس بالناس يا سيف ياخوى الوهم العايشين فيهو الناس الفاكرين كل الناس العايشين خارج السور بتاع الجغرافيا انهم مبسوطين و"الاشيا معدن " "بسطة العدو الماصليح " اللهم اعدنا الى حيث ننتمى وابعد عن بلادنا كل من يتسول باسم الدين وكل من يتسيس باسم الدين
Post: #3 Title: Re: ضاربين الكندشة و الراحات و ندعوا للثورة! Author: elsawi Date: 06-20-2012, 05:55 PM Parent: #1
سلامات يا سيف تعرف الجماعة ديل ذكروني قصة حصلت لي زمان لما كانت المواصلات بكاسي لو تتذكرها اها انا كنت ماشي بيت ناس جدي في حي العمدة وواقف في العدني مع الناس منتظرين لينا بوكس يجي، ولما البوكس جا الناس جروا وركبوا وانا ما ليقيت لي مقعد ووقفت على السلم مع نفرين تاني، وبعداك قامت الشمطة ناس يقولوا البوكس يمشي بالنص وناس يقولوا يمشي بالوادي، المهم انا قلت البوكس يمشي بالنص لأنه اقرب لي و اصريت على ذلك، اها في واحد من الناس القاعدين كان عايز يمشي بالوادي قال لي: "انت ركوبك ده زاتو ما قانوني ما تفتح خمشك ولا تقول بالنص ولا تقول بالوادي"
Post: #4 Title: Re: ضاربين الكندشة و الراحات و ندعوا للثورة! Author: هشام عباس Date: 06-20-2012, 06:03 PM Parent: #3
تحياتى سيف يا اخى الجماعة ديل لا دين ولا اخلاق ولا ضمير لهم وهذه احدى طرقهم الملتوية لاخماد كل ثورة وراى ضدهم من يسمونهم مناضلى الكيبورد والكندشة لم يخرجوا من وطنهم بارادتهم بل لما لاقوه من عذاب وتشريد واضطهاد وكتم للافواه وحرمانهم من اقل حقوقهم خرجوا من اجل تامين لقمة عيش كريمة لاسرهم بعد ان نهب لصوص الحكومة ومفسديها وسرقوا اللقمة من افواههم خرجوا لتامين وضع صحى وعلاج لمرضاهم حين جعلت الحكومة الوضع الصحى اسوء من وضع الكلاب .. ان كانوا يخجلون لعرفوا ان ناس الكندشة خرجوا يصبون العرق من اجل الرزق الحلال بينما بقى اللصوص امثالهم ياكلون الحرام والسحت والسريقة لو كان هؤلاء بلا ضمير ولا اخلاق ولا دين مثلهم لارتضوا العيش تحت كندشة الخرطوم بالحرام الذى يدخل بطونهم وبطون اببناءهم .. هؤلاء حثالة لا يخجلون حين يقولون ذلك لان فى ذلك سب لهم ... ثم .. من قال لهم ان الثورة يعنى عودة الجميع الى وطنهم لقيادتها ؟؟ اليس لكل شخص دوره من موقعه ومن اى مكان فيه وحسب قدراته ؟؟ هل عاد كل المصريين الى مصر حتى قامت الثورة ؟؟ هؤلاء حثالة يريدون احباط الشعب والتفرقة بينهم
Post: #5 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-20-2012, 06:03 PM Parent: #3
Quote: اللهم اعدنا الى حيث ننتمى وابعد عن بلادنا كل من يتسول باسم الدين وكل من يتسيس باسم الدين
آمين يا سلمى بت الشيخ سلامة آمين الناس البرة هم البلد ككل و هم عوائلهم و هم أسرهم الصغيرة لا يزايلهم و لو للحظة و هم اصحاب مصلحة حقيقية في التغيير. يكفي أن نسبة مقدرة منهم ما غادرت البلد إلا بسبب المضايقة و المحاربة في الرزق و الأمان التي قام بها النظام و ازلامه تجاههم.
Post: #6 Title: Re: ضاربين الكندشة و الراحات و ندعوا للثورة! Author: عماد الشبلي Date: 06-20-2012, 06:28 PM Parent: #5
سيف النصر سلام
تعرف في واحد زميلنا مصري
اولادو بيدرسو في الجامعة في القاهرة
من يوم ما اندلت الثورة اجنن جن
كل يوم بيتصل بيهم ويوصيهم ما يروحوش ميدان التحرير
وما يمشوش من الشارع الفلاني والسكة الفلانية
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! حال المغتربين فلوبهم علي اولادهم ...
Post: #7 Title: Re: ضاربين الكندشة و الراحات و ندعوا للثورة! Author: أمير عثمان Date: 06-20-2012, 06:30 PM Parent: #5
سيف سلامات ... إذا كنت تقصد بوست الأخ صلاح فإنه يتحدث عن:
Quote: الذين يوزعون صكوك النضال والمعارضة والتوبة والغفران على الناس !! من أنتم ؟؟ ومن الذي أعطاكم هذه الحق ؟؟ ومن أين حصلتم عليه ؟؟ وما هي صفاتكم ؟؟ ما هي مواصفاتكم كموزعين ؟؟ مناضلين يعني واللا كيف ؟؟ ووين مكان نضالكم ده عشان نمشي كان نلحق لينا فَرَقَة ، نوزع بيها صك ، صكين.. حاجة عجيبة!!
وليس عمن يدعون للثورة ...من يريد ان يدعو لثورة فله ذلك ... ولكن لا لتصنيف للآخرين ... وخاصة من جاء منتقدا للنظام ... فلا لأحد إطّلاع على ما فى قلوب البشر ..
وإن لم تكن تقصده ... فعذرا .. هذا والله أعلم ... وتحياتى ..
Post: #8 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-20-2012, 06:53 PM Parent: #7
لا يا أمير لم اقرأ بوست الأخ صلاح و الله على ما اقول شهيد. أنا ارد على اكليشيه يتردد هنا و هناك باستمرار كلما خرجت مظاهرات في السودان.
Post: #9 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-20-2012, 07:02 PM Parent: #8
Quote: تعرف الجماعة ديل ذكروني قصة حصلت لي زمان لما كانت المواصلات بكاسي لو تتذكرها
كيفن ما بتذكرها يا صاوي، حقتنا في الكلاكلة كان خطها اصفر. عارف المغزى الحقيقي لقصتك في رأيي هو أنو وقفة السلم ما بيقيفها زول إلا مضطرا فهو لو وجد مكانا بالداخل لما عرض روحه للخطر و البهدلة. و شوف رغم التمن الكبير الذي يدفعه يطالبه الايدهم في الموية بالسكوت و يحاولون نزع حقه الطبيعي و القانوني في ابداء رأيه.
Post: #10 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-20-2012, 07:09 PM Parent: #9
Quote: يا اخى الجماعة ديل لا دين ولا اخلاق ولا ضمير لهم وهذه احدى طرقهم الملتوية لاخماد كل ثورة وراى ضدهم من يسمونهم مناضلى الكيبورد والكندشة لم يخرجوا من وطنهم بارادتهم بل لما لاقوه من عذاب وتشريد واضطهاد وكتم للافواه وحرمانهم من اقل حقوقهم خرجوا من اجل تامين لقمة عيش كريمة لاسرهم بعد ان نهب لصوص الحكومة ومفسديها وسرقوا اللقمة من افواههم خرجوا لتامين وضع صحى وعلاج لمرضاهم حين جعلت الحكومة الوضع الصحى اسوء من وضع الكلاب ..
100% يا هشام ياخي و لا فض فوك و لا انكسر كيبوردك.
Post: #13 Title: Re: ضاربين الكندشة و الراحات و ندعوا للثورة! Author: الصادق سلفاب Date: 06-20-2012, 07:33 PM Parent: #10
دكتور سيف سلام
الغريبه انه الناس البتفترض انه الناس البره ديل بيدعوا للثوره وهم متفيئين همبريب الكوندشن هم زاااااتم ضاربين كندشنات علي حساب الناس الجوه يعني اسي نحن نفهم من كلامهم انه مجاهدين الكيبورد ديل قاعدين في جهمورة في سوق ليبيا؟ ما هم قاعدين يخزلوا في شعبهم ويتاجروا بي معاناته ومتنعمين حامدين سيدهم والله مرطبين اكتر من كيكي في الدوحه الواحد يمرق من مكيف عربيه يدخل في مكيف مكتب ينوم في مكيف بيت!!!!! يا زول اضرب كندشنك وناضل النضال ياهو النضال بالحرف او بي البندقيه.... والسايقه واصله ويوم بكره اجمل
Post: #11 Title: Re: ضاربين الكندشة و الراحات و ندعوا للثورة! Author: محمد أبوالعزائم أبوالريش Date: 06-20-2012, 07:14 PM Parent: #9
يا سيف ... المهم إنت ما تشتغل بيهم أدعوا للثورة ... وحرّش زي ما عايز.
Post: #12 Title: Re: ضاربين الكندشة و الراحات و ندعوا للثورة! Author: مها عبد الله Date: 06-20-2012, 07:29 PM Parent: #11
بل لأن للكلمة سحر تأثيرها القوي والفعَال تحاول جميع الأنظمة الديكتاتورية كسر همم الضاربين الكندشة وهم لايعلمون معني المعاناة الحقيقة كونك بعيد عن وطنك ولولا هؤلاء لما كان التغيير بجميع دول الربيع العربي ... وبالمقابل أيضا لما كان هذا التواجد القوي من ردة فعلهم المضادة وإستخدامهم للكي بورد كوسيلة جهادية للحفاظ على حكم هؤلاء الطغاة .
سلامات د. سيف وبقية المتداخلون الكرام
Post: #14 Title: Re: ضاربين الكندشة و الراحات و ندعوا للثورة! Author: عبداللطيف حسن علي Date: 06-20-2012, 08:20 PM Parent: #12
دي فتوي ما بتعرفوها..
القرضاوي بس اللي من حقو يقعد في قطر
ويكفر حملة شفيق و12 مليون يناصروه
Post: #15 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-21-2012, 05:13 AM Parent: #14
Quote: !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! حال المغتربين فلوبهم علي اولادهم
قلب الوالد يا شبلي. و لكن لابد مما ليس منه بد.
Post: #16 Title: Re: ضاربين الكندشة و الراحات و ندعوا للثورة! Author: خالد العبيد Date: 06-21-2012, 06:01 AM Parent: #15
Quote: انت ركوبك ده زاتو ما قانوني ما تفتح خمشك ولا تقول بالنص ولا تقول بالوادي"
تعرف يا الصاوي ذكرتني طرفة صاحبنا سافر من سيدني للخرطوم بعد غيبة اظنو نسى المكابسة في المواصلات لمن الحافلة وصلت صاحبنا وقف عشان يخلي القدامو يركبو الجماعة كابسوه من كل الجهات والحافلة اتملت صاحبنا صرخ في اقرب واحد ليهو ياخ انا ما واقف قدامك الراجل قال ليه انت القال ليك اقيف منو ! --------------- بعدين يا سيف الناس ديل يا ريتهم يعرفو فواتير الكندشة والايجار البتقص كل المرتب يا ريت الكيزان الكيزان يعرفو حقيقة واحدة عننا انو كل ما المعيشة تضيق على ناس الداخل نحن بنزيد ساعات عملنا هنا !!
Post: #17 Title: Re: ضاربين الكندشة و الراحات و ندعوا للثورة! Author: الخير محمد عوض Date: 06-21-2012, 06:11 AM Parent: #16
ياخ انا فكرة انو الناس القاعدة برة انهم ناس مرطبين وضاربين الكندشة والله الفكرة دي مؤرقاني عديل كدا.... ياخ في زول مرتاح ومتوفرة ليهو سبل الكسب الحلال عشان يعيش مرتاح وسط اهلو واحبابو واصدقاؤه وجيرانو وزملانو يقوم يطلع؟؟ معقولة بس !!! .... الناس المتبنين او المعشعشة في اذهانهم اننا مرقنا برة عشان نرطب ونروق مفروض والله يغيرو رايهم دا لانو رأي متعسف وفهم مغلوط وجائر جدا انا والله اؤمن تماما بانو الناس المرقت برة مكرهة دي اكثر مجاهدة وجهاد ممن هم وسط ذوييهم ينعمون براحة ضمير النظر فقط لامهاتهم واباءهم امام اعيمنهم كل يوم انا هسي مشتاق للوالدة والوالد لي سنين الله ... يعني باختصار كدا انا شوق لمن ربياني صغيرا ممكن اكون مجاهد درجة اولى .... ومثلي كثير.
تحياتي يا سيف وضيوفك الكرام
Post: #18 Title: Re: ضاربين الكندشة و الراحات و ندعوا للثورة! Author: Asim Fageary Date: 06-21-2012, 06:15 AM Parent: #17
تحياتنا يا دكتور سيف
نقول بس:
نحنا ضاربين الكندشة وإنتوا ضاربين حق الشعب كله
اللهم عليك بالظالمين
Post: #19 Title: Re: ضاربين الكندشة و الراحات و ندعوا للثورة! Author: حمور زيادة Date: 06-21-2012, 06:35 AM Parent: #18
أول تبادي يا دكتور بعد ما السيد وزير المالية المستغفر قال امبارح انو من مصادر الدخل تحويلات المغتربين يبقى من حقنا كمصادر دخل للدولة اننا نقول رأينا ثانيا الزول البره ده بيرسل قروش لأهلو في السودان .. ما أظن في زول مغترب ما بيحول مصاريف السودان لزول .. يعني ارتفاع الاسعار بيضرو .. الكان بيحول 500 ريــال لازم يحول 1000 هسه .. يعني الا يشتغل كفيل هو زاتو .. مش يشتغل عند كفيل .
تاني حاجة ما اظن البره محتاج يحرش الجوه .. انا اخدت لي لفة على بوستات صلاح غريبة و استغربت جدا .. الزول من الدقي يكتب يقول للناس مافي مظاهرات في السودان و الدنيا تماما و صفاً واحد خلف القائد .. الكلام ده لمنو ؟ الجوه عارفين كان في مظاهرات وله مافي .. و الجوه شايفين الارتكازات الليلية الرجعت دي و شايفين الاحتياطي الساكن في شارع الجامعة .. ديل يعني مزوزين عشان ناس سودانيز الضاربين الكندشة قالو في مظاهرات ؟ أها طيب انا هسه ماشي اكتب اقول انقلبت .. عشان البشير يسلم نفسو كوبر طوالي وقت اصلو البينكتب هنا مصدق قدر ده. الجوه ما دايرين مننا شي غير الدعاء و الدعم. لا راجين مشورتنا لا راجين تعليماتنا وله كضبنا. البنقدر نقدمو ليهم انو نسلط عليهم الضو لأنو النظام سياستو هي التعتيم.
وقصة كل شيء هادئ في الخرطوم دي لو بتحل كانت حلت بشار.
Post: #20 Title: Re: ضاربين الكندشة و الراحات و ندعوا للثورة! Author: Asim Fageary Date: 06-21-2012, 06:44 AM Parent: #19
Quote: بعدين يا سيف الناس ديل يا ريتهم يعرفو فواتير الكندشة والايجار البتقص كل المرتب يا ريت الكيزان الكيزان يعرفو حقيقة واحدة عننا انو كل ما المعيشة تضيق على ناس الداخل نحن بنزيد ساعات عملنا هنا !!
خالد العبيد
كلام في الصميم
وهم نسوا إنوا كان ضرايب المغتربين مصدر أساسي قبل
ما تجيهم الخلعة حقت البترول الطار دا
والمغتربين ديل جايين من المريخ ولا شنو ؟
ولا ما بيقروا الأخبار البتنزل هنا عن واحد في المستشفى بيتبرعوا ليهو عشان يطلع
و واحد مات وما لاقيينم أهله
و واحد حصل ليهو وحصل ليهو
يحسدوا النحيل على بروز عظامه .. عالم عجيبة !
Post: #21 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-21-2012, 04:48 PM Parent: #20
Quote: الغريبه انه الناس البتفترض انه الناس البره ديل بيدعوا للثوره وهم متفيئين همبريب الكوندشن هم زاااااتم ضاربين كندشنات علي حساب الناس الجوه يعني اسي نحن نفهم من كلامهم انه مجاهدين الكيبورد ديل قاعدين في جهمورة في سوق ليبيا؟
كلام في الصميم يا سلفاب و الحمد لله انو الناس واعية كويس للمفارقة دي و عشان كده ننصحهم انو الكرت ده ما يلعبوا بيهو.
Post: #22 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-21-2012, 04:49 PM Parent: #21
شكرا يا محمد ابو العزائم على الدعم السخي.
Post: #23 Title: Re: ضاربين الكندشة و الراحات و ندعوا للثورة! Author: معاوية المدير Date: 06-21-2012, 05:07 PM Parent: #22
Quote: ضاربين الكندشة و الراحات و ندعوا للثورة!
يا اخي نسيت اهمّ حاجة!!! ضاربين الولفير...
تحياتي...
Post: #24 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-21-2012, 09:51 PM Parent: #23
Quote: المعاناة الحقيقة كونك بعيد عن وطنك
و يا لها من معاناة يا مها.
Post: #25 Title: Re: ضاربين الكندشة و الراحات و ندعوا للثورة! Author: ABDELMAGID ABDELMAGID Date: 06-21-2012, 09:59 PM Parent: #24
Post: #26 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-22-2012, 04:59 AM Parent: #25
Quote: القرضاوي بس اللي من حقو يقعد في قطر
ويكفر حملة شفيق و12 مليون يناصروه
حلال على بلابله الدوح يا عبداللطيف. عين السخط اجارك الله.
Post: #27 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-22-2012, 05:03 AM Parent: #26
Quote: يا ريت الكيزان الكيزان يعرفو حقيقة واحدة عننا انو كل ما المعيشة تضيق على ناس الداخل نحن بنزيد ساعات عملنا هنا !!
ناسك ديل يا ود العبيد عايزين يستمروا في دور الاستعباط ده كتير لعل و عسى يلقوا من يصدق، لكن اعتقد أنو خلاص كل الحجج بقت ميتة و كل الحيل ما عادت تجدي.
Post: #28 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-22-2012, 05:06 AM Parent: #27
Quote: ياخ انا فكرة انو الناس القاعدة برة انهم ناس مرطبين وضاربين الكندشة والله الفكرة دي مؤرقاني عديل كدا.... ياخ في زول مرتاح ومتوفرة ليهو سبل الكسب الحلال عشان يعيش مرتاح وسط اهلو واحبابو واصدقاؤه وجيرانو وزملانو يقوم يطلع؟؟ معقولة بس !!! .... الناس المتبنين او المعشعشة في اذهانهم اننا مرقنا برة عشان نرطب ونروق مفروض والله يغيرو رايهم دا لانو رأي متعسف وفهم مغلوط وجائر جدا انا والله اؤمن تماما بانو الناس المرقت برة مكرهة دي اكثر مجاهدة وجهاد ممن هم وسط ذوييهم ينعمون براحة ضمير النظر فقط لامهاتهم واباءهم امام اعيمنهم كل يوم انا هسي مشتاق للوالدة والوالد لي سنين الله ... يعني باختصار كدا انا شوق لمن ربياني صغيرا ممكن اكون مجاهد درجة اولى .... ومثلي كثير.
ارجو يا الخير أنو من تبقى لديهم لسه شوية ضمير يقرأ و يفهم كلامك ده.
Post: #29 Title: Re: ضاربين الكندشة و الراحات و ندعوا للثورة! Author: سيف النصر محي الدين Date: 06-22-2012, 05:08 AM Parent: #28
Quote: نقول بس:
نحنا ضاربين الكندشة وإنتوا ضاربين حق الشعب كله
اللهم عليك بالظالمين
مش بالله يا عاصم؟ لابد للظلم من نهاية.
Post: #30 Title: Re: ضاربين الكندشة و الراحات و ندعوا للثورة! Author: ibrahim alnimma Date: 06-22-2012, 05:30 AM Parent: #29
دكتور سيف سلام هم يعرفون حال المغتربين ......ولكن حاجتهم للكذب هي واحدة من مبرراتهم ......لي صديق قابلته في الخرطوم .....وهو من هؤلاء المترفين .....فقط ذكر لي بالحرف الواحد والله هو اكثر زول مشفق علي المغتربين .....وحكي لي كيف ان الكثيرون منهم يستدينون في قبل نهاية اجازاتهم ........ولكن انا على قناعة انه لو اتيحت له فرصة الحديث السياسي سيقول انهم مرطبين .....طبعاً حفاظاً علي تصوير نفسه وكان اختياره للسودان كان خصماً علي راحته ......وتفضيلاً وتظاهراً بوطنية زائفة ومدعاة ....... ياخي ديل لا يختشون حينما يصفون السودانين الذين عرضو حياتهم للخطر حينما هربو لا سرائيل لا يتورعون من وصفهم بالعملاء ......وكان اسرائيل هي التي اختارتهم كجواسيس ومخبرين ....ولم يذهبوا الي اليها هرباً من الموت ..........
ياخي ارسل لي ايميلك او تلفون او اي وسيلة للتواصل علي الماسنجر تحياتي للاولاد
Post: #32 Title: Re: ضاربين الكندشة و الراحات و ندعوا للثورة! Author: Elawad Date: 06-22-2012, 06:03 AM Parent: #30
حقنا و واجبنا يا دكتور و العنده في السودان أكتر مننا ولا قلبه عليه أكتر مننا اليجي يحمينا. و صدق النبي الكريم صلى الله عليه و سلم (إن بالمدينة أقواما ما سرتم مسيرا ولا قطعتم واديا إلا كانوا معكم و إلا شركوكم حبسهم العذر).
Post: #33 Title: Re: ضاربين الكندشة و الراحات و ندعوا للثورة! Author: Souad Taj-Elsir Date: 06-22-2012, 07:54 AM Parent: #32
Quote: بل لأن للكلمة سحر تأثيرها القوي والفعَال تحاول جميع الأنظمة الديكتاتورية كسر همم الضاربين الكندشة وهم لايعلمون معني المعاناة الحقيقة كونك بعيد عن وطنك ولولا هؤلاء لما كان التغيير بجميع دول الربيع العربي ... وبالمقابل أيضا لما كان هذا التواجد القوي من ردة فعلهم المضادة وإستخدامهم للكي بورد كوسيلة جهادية للحفاظ على حكم هؤلاء الطغاة .
شكراً الأستاذة مها. والشكر موصول للدكتور سيف وضيوفه الكرام. إضافة لكل الإضافات الهامة التي تكرّمتم بها، ينسى هؤلاء أننا أُجبرنا على ترك تراب الوطن الغالي تحت نيران سياسة النظام الإسلاموي الشمولي المجحفة وإحالته للكثيرين لما يسمي (بالصالح) العام مما حرم الأبناء الأحباء من الترعرع في كنف بلادهم بين أهلهم وعشيرتهم. وحجم المعاناة التي مررنا بها لجل سنوات الغربة الشاقة ما بين فصول الدراسة والعمل لساعاتٍ طوال لتوفير لقمة العيش الكريم لأبناءنا وتعليمهم بعيداً عن وطنهم وحقهم فيه. ثم يريدون بعد كل هذه المعاناة أن يحجروا علينا الإسهام فيما يحدث في بلادنا بالكلمة، أضعف الإيمانّ!؟ حسبنا الله ونعم الوكيل من هذه الفظاظة والجور، ولكن هيهات، فهذه الكلمة النافذة التي ترى بوضوح ما يرتكبون من جرائم ضد الوطن، هذه الكلمة النافذة هي التي توجعهم عميقاً في الصميم. يستمر النضال وشعبك في الشتات يا بلادي، شعبك أقوى وأكبر من ما كان (العدو) يتصوّر. إنها ثورة حتى النصر ويستمر النضال أكثر فعالية. صادق المودة لكم جميعاً.
Post: #31 Title: Re: ضاربين الكندشة و الراحات و ندعوا للثورة! Author: Elsiddig A. Ahmed Date: 06-22-2012, 05:42 AM Parent: #29
الماعارف يقول عدس دكتور سيف سلامات ومشتاقين كثير التجاني بيسلم عليك كثير قال كندشة قال !!!! تعرف يا دكتور الناس البرة بتشتغل 12 ساعة يوميا عشان يعشوا ويرسلوا لاهلهم فى السودان والغريب فى الامر لولا هؤلاء ، كان اقتصاد البلد راح فى مرقة عارف ليه لانو الاسر التى تعتمد كليا على ناس الخارج ماعندها دخل فقط بتصرف وتحرك اقتصاد السوق بشكل كبير ولو ديل وقفوا التحويل لمدة شهر مش اقتصاد البلد ينهار بل يكون فى خبر كان! اذاً من حقنا نقول راينا ونحرض الناس للتورة ضد الوضع المتردي والمنهار كل يوم الناس بترسل وتتطالب بزيادة التحويل الكان بحول 200دولار شهريا بقى يحول 350دولا وقس على ذلك يعنى هم مطحونين ونحن مطحونين لا هم مرتاحين ولا نحن ده خلاف المصاريف الاخرى !!!!!!!!!!!!!!! وعشان نغنى لاطفال الجايين لابد للثورة ان تندلع وتنطلق شرارة لكنس هؤلاء اللصوص اسمك الظافر ينمو في ضمير الشعب ايمانا وبشرا وعلى الغابة والصحراء يلتف وشاحا وبأيدينا توهجت ضياء وسلاحا فتسلحنا بأكتوبر لن نرجع شبرا سندق الصخر .. حتى يخرج الصخر لنا زرعا وخضرا ونرود المجد.. حتى يحفظ الدهر لنا إسما وذكرا
بسمك الأخضر يا أكتوبر الأرض تغنيالحقول اشتعلت قمحا ووعدا وتمني والكنوز انفتحت في باطن الأرض تنادي بسمك الشعب انتصر .. حائط السجن انكسر.. والقيود انسدلت جدلة عرس في الأيادي
كان أكتوبر في أمتنا منذ الأزل كان خلف الصبر والأحزان أحيا.. صامدا منتظرا حتى إذا الصبح أطل أشعل التاريخ نارا واشتعلكان أكتوبر في نفضتنا الأولى مع المك النمر كان أسياف العشر ومع الماظ البطل وبجنب القرشي حين دعاه القرشي حتى انتصربسمك الأخضر يا أكتوبر الأرض تغنيالحقول اشتعلت قمحا ووعدا وتمني والكنوز انفتحت في باطن الأرض تنادي مع تحياتي للاسرة الكريمة