Post: #1 Title: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 05-06-2012, 07:49 PM
والان أمين أمانة الإعلام والتعبئة والناطق الرسمي باسم المؤتمر الوطني الدكتور بدر الدين محمد ابراهيم امين
Post: #2 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: أسامة البلال Date: 05-06-2012, 08:07 PM Parent: #1
يا هو زاتو يا بكري
بدر الدين أحمد إبراهيم بتاع علوم كان في كيمستري بوتاني ويسكن داخلية التاكا في البركس. ويبدو إنه دخل العلوم عن طريق الخطأ لأنه ما كان مواظب في الكلية وكانت له إهتمامات صحفية وكان مرات بيصدر صحيفة حائطية لا أذكر إسمها كان بعلقا في بورد بين قسم الزولوجي والأندرلاب.
ما أظنو كمل علوم لأنو كان بدرس في نفس الوقت إعلام من الإسلامية وواصل في دراسة الإعلام حتي درجة الدكتوراة وأصبح رئيس لقسم الإعلام وأظن عمل مخرج في التلفزيون.
رغم تواجده القليل في جامعة الخرطوم إلا أنه كان شخص إجتماعي وهادئ وباعد نقسو من كوادر العنف في الإتجاه الإسلامي.
حقيقة أنا تفاجأت بيهو كيف قدر يصل ويبقي رئيس لأمانة الإعلام في المؤتمر الوطني مع الحيتان الكبيرة المكنكشة في المناصب
Post: #3 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 05-06-2012, 08:17 PM Parent: #2
شكرا اسامة هل هو دفعة عوض جادين مدير سونا حاليا و خريج قسم الفيزياء....
Post: #4 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: احمد حامد صالح Date: 05-06-2012, 08:27 PM Parent: #3
نعم هو بدرالدين دفعتنا فى العلوم79 - 84 عضو الاتجاه الاسلامى كان معاه فى الدفعة من الاتجاه الاسلامى عوض الله و مصطفى محمد نور
Post: #5 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: صلاح غريبة Date: 05-06-2012, 08:35 PM Parent: #4
بروفيسور بدر الدين أحمد إبراهيم
تخرج من كلية العلوم جامعة الخرطوم
ثم من كلية الإعلام جامعة أم درمان الإسلامية
نال درجة الماجستير في الإعلام عن أطروحته تكنولوجيا الصورة التلفزيونية
ثم حصل على الدكتوراه في الإعلام عن دراسته في الأخبارالتلفزيونية
بالتطبيق على قناة الجزيرة
تلقى دورات تدريبية في مجال الإنتاج التلفزيوني داخل السودان
وخارج السودان كمعهد بوسطن في أمريكا،
عمل مخرجاً في تلفزيون السودان وله العديد من الأعمال التلفزيونية،
كما يعد من المؤسسين لبرنامج في ساحات الفداء
وقام بإخراج عشرات الحلقات منه ،
إلتحق بكلية الإعلام جامعة أم درمان الإسلامية محاضرا وتدرج في
السلك الاكاديمي حتى نال درجة الأستاذية وعين عميداً لكلية الإعلام
ومديراً للقناة القومية بالتلفزيون القومي كما عمل مديراً لتلفزيون
ولاية الخرطوم..
الآن هو أستاذ جامعي ومشرف على الكثير من رسائل الدكتوراه والماجستير
بجانب رئاسته لأمانة الإعلام والتعبئة والناطق الرسمي للحزب ...
وصوله لهذا المنصب جاء بعد مشوار طويل في مجال الإعلام أكاديمياً وعملياً ..
فمن خلال سيرته الذاتية الباذخة نجد الرجل قد أختير في المكان المناسب فهو أهل له..
نسأل الله له السداد في موقعه الذي هو فيه
صلاح غريبة - اعلامي وكاتب صحفي مقيم بالقاهرة
Post: #6 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: علاء الدين يوسف علي محمد Date: 05-06-2012, 09:02 PM Parent: #5
Post: #7 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: حافظ انقابو Date: 05-06-2012, 09:16 PM Parent: #6
بروفيسو بدر درس بكلية العلوم بجامعة الخرطوم في ٨ سنوات وكان من المفترض أن أن يتخرج منها ٥ سنوات وبنفس شهادة العلوم درس الدبلوم العالي ثم نال درجة الماجستير عرفته عن قرب خلال فترة دراستي بالكلية ولا يبان عليه أنه منظم سياسيا .. وكانت مفاجاة لي وللزملاء بأن هذا الاستاذ كوز ولكن بعد الرجوع إلى سيرته الذاتية وجدت فيه ملامح الكوزنة فقدنان مخرجا لبرنامج"ساحات الفداء" الذي كان يصور من ميادين الحرب الضارية قبل نيفاشا ومع أنه كوز واتضح لنا ذلك بعد تعيينه قبل شهرين إلا أنه شخص نظيف وخلوق ومتواضع جدا وبالامس إلتقيته بمكتبه بالكلية صدفة وهو يباشر عمله كمشرف لبحوث الماجستير والدكتوراة وكاستاذ لمادتين في تخصص الاذاهة والتلفزة لطلاب الفرقة الثانية والفاينل
التحية له بقدر إحترامه وأدبه وزقه وهدوءه
Post: #20 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: Nasir Ahmed Elmustafa Date: 07-03-2012, 06:50 PM Parent: #3
سلام بكري الجاب بدر الدين لي عوض جادين شنو عمك عوض لأمن كان طالب في جامعة الخرطوم شارك في انقلاب 76 يعني جيل السبعينات في جامعة الخرطوم بدر الدين احمد ابراهيم رجل خلوق من القيادات التنظيمية للاتجاه الاسلامي بالجامعة لأمن جينا برالمة 83 لقيناهو المسئول الاداري لطلاب الوسط وهي مسئولية تنظيمية رفيعة لا تحمل الا لشخص مسئول فعلا
Post: #8 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 05-30-2012, 07:37 PM Parent: #1
Post: #9 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: طه جعفر Date: 05-31-2012, 03:56 AM Parent: #8
كان يسكن في الغرفة 19 السوباط و لمدة سنتين او اكثر كان برفقته محمد طه محمد احمد من 1985 الي 1987 في عشرين السوباط كان جون اندرقا عمل سكرتيرا عاما علي ما اظن لاتحادين منعزل و كوز قيادي
طه جعفر
Post: #10 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 06-13-2012, 07:37 PM Parent: #9
شكرا لكل من قراء و تداخل فى البوست طيب يا اسامة,طه و احمد
ناس مجاهد و عادل و باشرى .......و هلمجرا راحوا فيها ساكت
Post: #11 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: أسامة البلال Date: 06-13-2012, 10:12 PM Parent: #10
بالجد يا بكري صعود بدر الدين المفاجئ محير جدا !!!!
لم يكن قياديا أو كادرا خطابيا في فترة الجامعة وكان يميل للإنزواء ولا يشارك حتي في النقاشات العادية بين الطلاب
غايتو دا تخطي وفات الكبار والقدرو .... ولا بد أن هناك حسابات خاصة أوصلته لهذا الموقع القيادي أو لعبة توازنات مع حالة الإستقطاب الحادة داخل المؤتمر الوطني خاصة هو ليس محسوب علي الجهويتين الكبيرتين داخل الحزب
Post: #12 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 06-14-2012, 05:02 AM Parent: #11
و المحير شديد يا اسامة .......مجاهد مامون سكرتير KUSU و عضو المجلس الاربعينى لسنوات عديدة و الذى ضحى بعمره من اجل الاتجاه الاسلامى الان يعمل فى شركة لافى ساكت زى صديقنا و زميلنا بالمنبر عمار محمد ادم حسب معلوماتى الاخيرة عنه ...... و ناس اميرة الفاضل وزيرة الرعاية الاجتماعية,ادريس سليمان سفير السودان بلبنان و عوض جادين و هم جميعا خريجى كلية العلوم ما غيروا او زحوا من مناصبهم لسنوات عديدة.... يا عمار ما تجى تفتوا لينا و تحكى لينا عن كميرا جادين
Post: #13 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: د. ياسر عبد القادر Date: 06-14-2012, 05:26 AM Parent: #12
بكري سلامات
أعرف عدد من الكيزان ممن أضاعوا سنينهم النضرة في الجامعة و في كوسو تجديدا...و هسي لافين ساكت
Post: #14 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: Siham Elmugammar Date: 06-14-2012, 05:51 PM Parent: #13
سلام يا بكرى الناس الافين مااا شوية مره فى كوزه بعرفها ندبت لى حظها عدييييل كده وكانت مليانة مرار قالت لى نحن كنا بنصرف على حملة مهدى ابراهيم هسه عاينى حالى كيف
كان بتتكلم عن نفسها لكن امور زوجها كانت ظاااابطة شدييييد بس الغريبة فازوا بلوتر السنه دى وهسه بترتب لامريكا
شفت كيف؟
Post: #15 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: حافظ انقابو Date: 06-14-2012, 06:10 PM Parent: #14
يا ريس الزول دا ما صعد فجأة
بس لانو هادئ ومتخفي وبحبز يكون مبتعد عن الاضواء
في زول سمع بمدير لتفزيون السودان اسمو بدر الدين؟؟ في زول سمع بمدير تلفزيون الخرطوم اسمو بدر الدين؟؟ في زول سمع بمدير البرامج في النيل الازرق اسمو بدر الدين؟؟ في زول سمع ببدر الدين عميد كلية الاعلام بامدرمان الاسلامية؟؟؟
الزول دا حيرنا والله انا كنت عارفو كان مساعد مصور ومصور ومساعد مخرج ومخرج لبرنامج ساحة الفداء ايام حرب الجنوب لكن اول مرة اعرف انو قيادي في المؤتمر الوطني لمن سمعت خبر تعيينو ناطق رسمي ؟؟ شفت كيف برغم من معرفتي الشخصية بيهو كاستاذ درسني .. وعلاقة ممتدة لاكثر من خمس سنين
وفي نقاش جنب ست شاي بين عمال في التلفزيون سمعتهم بتكلمو عنو .. واحد الزول دا لمن كان مديرنا كان بجي يشرب معانا الشاي الصباح في محل فلانة دي وبنبز معانا في الحكومة وبنشتغل المدير سوياً ونتونس ونضحك ونحنا ما عارفنو هو المدير .. بس جا يوم السواق بتاعو كشف لينا السر وبعد داك لمن اكتشف اننا بنتحفظ لمن يتونس معانا بقى ما بجي
غايتو الزول دا غريب
Post: #16 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: Fawzi Babiker Date: 06-14-2012, 06:59 PM Parent: #15
الاخ بكرى تحياتى
يخيل الى معظم المتداخلين بما فيهم انت وطه جعفر قد طاشت سهامهم.
بدرالدين احمد ابراهيم من ابناء الرباطاب ودرس الثانوى بعطبرة الثانوية.
دخل كلية العلوم العام 1982 وسكنا معا بغرفة واحدة بداخلية النيل الازرق (يعنى كان دفعتك يا بكرى).
رفد من كلية العلوم بالسنة الثانية ولم يعد الى البركس الا لماما.
اعرف انه ذهب الى اميركا وحصل على دبلوم فى الاعلام ولا علم لى بالباقى.
كان اسلاميا منظما منذ دراسته بعطبرة الثانوية وكان سكرتيرا عاما لجمعية تطوير الريف.
رجلا مهذبا هادئاعفيف اليد واللسان وكان فعلا لا يحب الاضواء.
..........................................
التعديل لتصحيح اسم الداخلية.
Post: #17 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: حافظ انقابو Date: 06-14-2012, 07:11 PM Parent: #16
Quote: ولد بولاية نهرالنيل بمدينة (ابوحمد) فى قرية (عتمور ) بالريف فى 20/1/1960 م تلقى مراحله التعليمية الأساسية بمدرسة (امكى) الإبتدائية بنين ثم انتقل الى المرحلة المتوسطة (بأبوهشيم ) ودرس المرحلة الثانوية بـ(بعطبرة الثانويه بنين ) ثم إلتحق بالجميلة المستحيلة (جامعه الخرطوم كليه العلوم ) التي تخرج منها في ثمان سنوات بدلاً عن خمس عطفا على انه يعمل متعاوناً بالتلفزيون القومي اثناء فترة الدراسة ، ثم اتجه الى دراسة الإعلام بجامعة ام درمان الاسلامية (دراسات عليا ) الى ان عين استاذ بالكلية في عام 1997 م ثم ترقى لدرجه الدكتوراه فى (2001) م ، اخرج عدد من الافلام والبرامج التلفزيونية ابرزها برنامج ساحات الفداء . وكذلك عين بعدد من المناصب الهامة: مدير تلفزيون السودان وانتهت خدمته بـ(الاستقالة) لعدم تنفيذ خططه التطويرية التي قدمها للبرلمان ورئاسة الجمهورية ولم تجد الاستجابة. مدير البرامج بقناة النيل الازرق وانتهت خدمته بـ(الاستقالة) مدير تلفزيون ولاية الخرطوم وانتهت خدمته بـ(الاستقالة) بسبب تاخر صرف مستحقات العاملين وبشهادة احد الزملاء ان هذا البروف استدان المبلغ ودفع مرتبات العاملين قبل ان يستقيل واسترد المبلغ من حكومة الولاية بعد مدة ليست طويلة.
Post: #18 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: ABDELMAGID ABDELMAGID Date: 06-14-2012, 07:48 PM Parent: #17
ياهو ( ظااااااطو ! ) و غالبية الكيزان ( 95 % ) منهم لم يضيعوا ( ساكت ! ) !!!!!!! إلا القليل منهم ( 5% فقط ! ) هو الذى ( ترسّب ! ) فى سبيل المصلحه ما بين ( الشيخ ! ) و ( جرابيعه ! ) .. ......... الكيزان ALWAYS NOT BENIGN ............ DON`T FOOL YOURSELF OUT BETWEEN WHICH`S CALLED ( مؤتمر شعبى ! ) OR ( مؤتمر وطنى ! ).. THEY ALL SHARE THE SAME ( S ! ) WORD ............ عبدالماجد
Post: #19 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 06-28-2012, 02:17 PM Parent: #1
Post: #21 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: Abdelmoniem ALHAJ Date: 07-03-2012, 08:38 PM Parent: #19
معليش يا باشمهندس لكن كضب غريبة ده حارقني
Quote: بروفيسور بدر الدين أحمد إبراهيم
تخرج من كلية العلوم جامعة الخرطوم
Quote: دخل كلية العلوم العام 1982 وسكنا معا بغرفة واحدة بداخلية النيل الازرق (يعنى كان دفعتك يا بكرى(.
رفد من كلية العلوم بالسنة الثانية ولم يعد الى البركس الا لماما
Post: #22 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: بكرى ابوبكر Date: 07-04-2012, 05:36 AM Parent: #21
شكرا صديقنا و ود حلتنا المهندس ناصر احمد المصطفى
Quote: سلام بكري الجاب بدر الدين لي عوض جادين شنو عمك عوض لأمن كان طالب في جامعة الخرطوم شارك في انقلاب 76 يعني جيل السبعينات في جامعة الخرطوم بدر الدين احمد ابراهيم رجل خلوق من القيادات التنظيمية للاتجاه الاسلامي بالجامعة لأمن جينا برالمة 83 لقيناهو المسئول الاداري لطلاب الوسط وهي مسئولية تنظيمية رفيعة لا تحمل الا لشخص مسئول فعلا
والشهادة اعلاه شهادة من قيادى فى الاتجاه الاسلامى فى 80 و عضو فى المجلس الاريعينى لكوسو و ابصم عليها بدون تعليق
لكن يا حبيبنا عمار ادم اديتنى معلومات مضروبة عن ناس جادين و البقية و الله يا عمار طلعتنى خردة على حسب خردة واشنطن
شكرا ناصر مرة اخرى واين اخوك الاستاذ بكداش الان ؟ بكرى
Post: #23 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: Nasir Ahmed Elmustafa Date: 08-06-2012, 05:28 PM Parent: #22
نرفع هذا البوت ترحيبا بالأخ البروفيسور بدر الدين في حواره مع سودانيز أونلاين
Post: #24 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: عبد الحي علي موسى Date: 08-06-2012, 06:25 PM Parent: #23
Quote: و المحير شديد يا اسامة .......مجاهد مامون سكرتير KUSU و عضو المجلس الاربعينى لسنوات عديدة و الذى ضحى بعمره من اجل الاتجاه الاسلامى الان يعمل فى شركة لافى ساكت زى صديقنا و زميلنا بالمنبر عمار محمد ادم حسب معلوماتى الاخيرة عنه
زي ديل كتاااااااااااااار يا بكري. معانا واحد (83-88)، كان بتاع سيخ ومخلص جدا، اليوم شبه لافي ساكت والانتهازيون مشوا فوق. والمجير أكتر، الشاب الوديع ملهم محمد الحسن، الذي لم يحمل سيخة ليتوكأ عليها، صادر من المنظرين اقتصاديا ودينيا.
Post: #25 Title: Re: ناس جامعة الخرطوم فى 80 هل دا بدر الدين عضو الاتجاه الاسلامى!!!! Author: حماد الطاهر عبدالله Date: 08-27-2012, 12:00 PM Parent: #24
شكرا يا ريس على تساؤلكم فقد عرفنا معلومات كثيرة عن البروف.بدر الدين،
والسؤال الذى يطرح نفسه، طالما هذا الرجل مؤهل أكاديميا وذو خبرة تراكمية
وواضح بأن له مقدرة علي الحوار، وربما يكون واحدا من المستشارين أو أصحاب
القرار بخصوص موقع سودانيزأونلاين، إذن، فلماذا لجأوا لأجبن الحلول وهو حجب الموقع،
أو ليس هنالك ثمة طرق أخري لمحاورة المسئولين من الموقع والتواصل والتوصل للحد
