(شيل منوا معلومة واكتلوا ) فيديو جديد ملشيات الحكومة فى جبال النوبة

يا عامر انقل البوست لو سمحت للربع القادم و خليهو دايما فوق
خلي ناس الملازم خالد حسن يجوا يشوفوا
محتجين قالوا ما ادوهم اكل كويس و ختوهم في غرفة ضيقة!!!
خليهم يجوا يشوفوا سلوك حكومتهم و قواتهم عليها و عليهم لعنة الله!
شيلوا منو معلومة و بعدين اكتلوا
لا حول و لا قوة الا بالله.

يا بكري
ده مانشيت جاهز

* هذا هو سلوك جنود البشير في التعامل مع الأسرى، سلوك لا يحكمه دين ولا أخلاق.
* البشير لا يستاهل المحكمة الجنائية الدولية، بل يستاهل تعاملاً مثل تعامل جيشه مع هؤلاء الأسرى.
* وستدنو ساعة القصاص قريباً.

كلاب مسعورة اجاركم الله.

الاخ امير جابر
بالله أرفع البوست للموسم القادم تفاديا للارشفة

تم نقل البوست للربع القادم

*

لا حولا ولا قوة الا بالله

يا اخوان

لنترحم اولا على روح هذا الشهيد الذي قد يكون في عداد الاموات، وان لم يمت فالرحمة تجوز ايضا

ولا نحسبه الوحيد، فلربما هذه القرية قد تم ابادة من فيها من اطفال ونساء وعجزة

____________

الداير اشوفهم في البوست دا ناس احنا ما بنخلي جيشنا ووراه الا نكون خائنين؟؟

وين كمال على الزين
وين الاستاذ الموصلي

Quote: ولا نحسبه الوحيد، فلربما هذه القرية قد تم ابادة من فيها من اطفال ونساء وعجزة

اكيد يا ابن عوف شوف النيران و الحرائق في البيوت و القطاطي و اسمع اصوات الطلقات المتفرقة
تعرف أن تقديرك هذا هو اقرب للحقيقة.

عليكم لعنة الله والناس اجمعين

مؤكد انهم اناس مرضي وساقطين

*

شكرا لكل الشباب الذين عبرو من هنا شكرا سلمى الشيخ سلامة

نواصل التوثيق

لمذيد من المشاهدة

فوق لمشاهدة مزيد من العار الانقاذي.

لا حولا ولا قوة الا بالله

شيل منو معلومة واكتلو
لا حول ولا قوة الا بالله
ديل مابشر ديل وحوش
ربنا ينتقم منكم

على اهلنا فى الجبال عدم وضع البندقية


تبا لنظام سافل عنصرى منحـــــــــــــط

كيف يكون الحياة مع هاولا ولو اتي السلام هذه المرارات لاتنسي نعلم ان هناك ابرياء لايرتكبون شي في حق الهامش السوداني لاكن الكراهيه والغبن ظاهر في عيون هاؤلاء الجنود لانسان الهامش او تحديدا انسان البسيط في الريف هو المتمرد وان كان برئا

Quote: لاكن الكراهيه والغبن ظاهر في عيون هاؤلاء الجنود لانسان الهامش او تحديدا

المشكلة إنو اللي بيستجوبوا المسكين ده هم برضو من أهل الهامش--- العسكريين كان بقوا من أهل الهامش او غيره فهذا هو ديدنهم

لأخ عامر جابر ها هى الحرب يا عامر التى كنا نحذركم منها .. أنا عشت منذ عام 1985 - 1990م أشد أنواع العنف فى جنوب كردفان ..

وقلنا ليكم أن الحرب لا أخلاقية ضد الأخضر واليابس لكن العنتريات كانت ديدن بالنسبة للحركة الشعبية.

على الحركة الشعبية أن توقف الحرب ..

لاحظ كل الذين يتحدثون عن الفيديو يتحدثون عن جيش الحكومة، أنت تتحدث عن مليشيات الحكومة.

هل لاحظتم عقلية ناس الحركة الشعبية!!

بريمة

بريمه في دور الحرامي الفي راسه ريشه!

Quote: الأخ عامر جابر ها هى الحرب يا عامر التى كنا نحذركم منها .. أنا عشت منذ عام 1985 - 1990م أشد أنواع العنف فى جنوب كردفان .. وقلنا ليكم أن الحرب لا أخلاقية ضد الأخضر واليابس لكن العنتريات كانت ديدن بالنسبة للحركة الشعبية. على الحركة الشعبية أن توقف الحرب .. لاحظ كل الذين يتحدثون عن الفيديو يتحدثون عن جيش الحكومة، أنت تتحدث عن مليشيات الحكومة. هل لاحظتم عقلية ناس الحركة الشعبية!! بريمة

اولا يا بريمه عامر جابر ليس حركه شعبيه حسب علمي!

لكنه تحدث عن المليشيات لانه ابن المنطقه وهكذا يسميها اهل المنطقه!

ثانيا:
انت لو ما طرف السوط هبشك مالك قمته تقابض؟!

ما تدخل تدين وتتخارج زي خلق الله!!

لا حول ولاقوة الا بالله
لقد تقيآت بمشاهدة هذا المقطع
المقبوض عليه شافع يافع
والقابضين شفع لم ارى بينهم قائدا راشدا
والكروش الكبيرة بعيد
هذا الفيديو ادانه كبيره ادانه لاريب فيها
ورحم الله السودان

لا حول ولا قوة إلا بالله

ربنا ينتقم منهم





سلام يا عامر

شكرا عامر جابر على التوثيق
وفضح هذا النظام العرقي العنصري الذي استرخص دماء اهل السودان المهمشين.






ويا استاذ الموصلي احمد ابن عوف سال عنك شخصيا:

Quote: الداير اشوفهم في البوست دا ناس احنا ما بنخلي جيشنا ووراه الا نكون خائنين؟؟ وين كمال على الزين وين الاستاذ الموصلي

ياهو نفس جيشكم الظليتوا تدافعوا عنه ايام هجيليج ونحن قلنا اصله لا جيشنا ولا بنعرفه.


الكلام ده فضفاض يا استاذنا:

Quote: لا حول ولاقوة الا بالله لقد تقيآت بمشاهدة هذا المقطع المقبوض عليه شافع يافع والقابضين شفع لم ارى بينهم قائدا راشدا والكروش الكبيرة بعيد هذا الفيديو ادانه كبيره ادانه لاريب فيها ورحم الله السودان

ادانه كبيره لمنو يا استاذ لم تحدد؟؟!!

اصعب يا ترى تكتب ادانه للجيش المسلمي وطني؟! ولا يعرف كيف انه مسرل عن حماية مواطنيه؟!

كتيبة كبريت

هذا ما يفعله جنود عمر البشير، وما تجرأ وسجله واحد منهم، أما ما لم يسجل فيمكننا أن نتخيله. ماذا نتوقع من جيش يقوده مجرمون ليس لديهم إنسانية ولاضمير يظنون أن القتل والإرهاب وسفك الدماء هو الحل لمشاكل السودان، لكنهم لايعلمون أن النار التي أشعلوها في مساكن هؤلاء الفقراء ستمتد غدا إلى قصورهم.

الاخ العزيز/ عامر جابر

سلام



هؤلاء مجرمون..
حرب بلا ذمة
بلا أخلاق..

هم فاكرين الحكاية ايه!!
هم لوحدهم في هذا العالم..

حيجي يوم الحساب قريبا

مودتي

تراجى

Quote: انت لو ما طرف السوط هبشك مالك قمته تقابض؟! ما تدخل تدين وتتخارج زي خلق الله!!

طبعاً أنتم يا تراجى فى النت يداب ضميركم بدأ يصحو من الثبات العميق .. أنا بقول ليك منذ عام 1985م فى الحرب الدائرة فى جنوب يتم حرق مساكن المواطنين ومعاشهم .. بأختصار الأخضر واليابس

وأنا يا تراجى شهود عيان على المحارق التى ترتكبها الحركة الشعبية .. والله على ما أقول شهيد.

يعنى بالضبط كما تدين تدان .. تيت فور تات .. والمواطن المسكين يموت ويتم تهجيره وتنهب ثروته، فقط لأن حظه العاثر أوقعه فى تلك اللحظة فى الزمان والمكان الخطأ ..

أنتم شفتوا حاجة حسى .. فقط طفل واحد تم مسكه وحرق قليل من المبانى. الله لا شوفكم الشفناه.

بريمة

كتب بريمة:

Quote: أنتم شفتوا حاجة حسى .. فقط طفل واحد تم مسكه وحرق قليل من المبانى. الله لا شوفكم الشفناه.

انتا شفتا شنو يا بريمة؟ انت مفروض فى الأول تدين هذه الأفعال
الإجرامية اللاإنسانية بعداك ممكن تحكى الشفتو !!
هذه الحكومة ..المدهش فى أمرها ان هناك اناس يؤيدونها
رغم ما فعلتها فى دافور والآن فى جبال النوبة وقبلها
فى جنوب السودان !!

UP

ول ابا عامر..حبابك
كتر خيرك على هذا الفيديو المحزن للغاية..و هو سلوك مرفوض تماما..فالأسير يجب ان يعامل بكرامة و انسانية..و لكن..!
هي الحرب يا صديقي..ولا اخلاق للحرب في اي مكان كان..
نعم للتوثيق..




و دمت..

كبر

فوق من أجل القصاص .
وتفكيك الغام الهوس .

Quote: هل لاحظتم عقلية ناس الحركة الشعبية!!

بريمة تقريبا انا زكرته ليك انا ما حركة شعبية لكن من جبال النوبة يعنى انا كل ما تقوم بة الحركة الشعبية يصب فى مصلحة شعب
جبال النوبة وانا ما حركة شعبية لانو ما بسرق انتصارات الناس ومجهود المقاتلين فى الميدان يعنى لو انا حركة شعبية كنتا فى الميدان

عموما يا بريمة دى مليشيات المؤتمر الوطنى الافضل ان تحاول الاصلاح بدل الانكار الفيديو مشكلة كبير وانته عارف لى منوا


خالص التحايا كبر تراجى مصطفى وكل الشباب

وبرجع تانى

عامر جابر
سلامات ..
أنت يا أخى حركة شعبية .. نسيت صورة البروفايل بتاعتك ولا شنو؟ متوشح زخيرة وشايل ليك كلاش وطالع فى شجرة .. بتقول لينا جاهزين بس قيادة الحركة الشعبية تأمر ونحن ننفذ. أنت مؤمن بفكر الحركة الشعبية وتنظر إليها كمخلص لشعب جنوب كردفان .. تانى الناقص شنو يا أخى؟
الفيديو بالطبع أنتهاك خطير وأدينه بشدة .. هل تدينوا إنتهاكات الحركة بنفس الطريقة ..

تعال يا عامر نشتغلوا على الأتى: محاصرة أجندة الحكومة والحركة الشعبية فى جنوب كردفان حتى ننزعوا فتيل الحرب، أهلنا وبس مافى حاجة أسمها جنوبين أو جلابة، هل الكلام كويس معاك؟


بريمة

الشخص الأسير جنوبى وليس من سكان الجبال ..

لاحظوا أن الأسير قال أنه: نجكتاوى (جكتاوى)

ثم أخيراً هم توصلوا أنه نجوراى (جوراى) ..

هذه الصفات ليس من سكان المناطق الوسطى فى جنوب كردفان أو شمال جنوب كردفان ..



الجور، أليس هم فرع من النوير ..؟ يبدو أن الشخص جنوبى وليس من سكان الجبال؟

بريمة

Quote: عامر جابر سلامات .. أنت يا أخى حركة شعبية .. نسيت صورة البروفايل بتاعتك ولا شنو؟ متوشح زخيرة وشايل ليك كلاش وطالع فى شجرة .. بتقول لينا جاهزين بس قيادة الحركة الشعبية تأمر ونحن ننفذ. أنت مؤمن بفكر الحركة الشعبية وتنظر إليها كمخلص لشعب جنوب كردفان .. تانى الناقص شنو يا أخى؟ الفيديو بالطبع أنتهاك خطير وأدينه بشدة .. هل تدينوا إنتهاكات الحركة بنفس الطريقة .. تعال يا عامر نشتغلوا على الأتى: محاصرة أجندة الحكومة والحركة الشعبية فى جنوب كردفان حتى ننزعوا فتيل الحرب، أهلنا وبس مافى حاجة أسمها جنوبين أو جلابة، هل الكلام كويس معاك؟ ----------------------------- لم أستطع التعرف على المكان من خلال الفيديو، حتى هوية الأسير لم أستطع أستنباطها

بريمة الانتماء للحركة الشعبية القتال شرف لكن اللاقتتال جريمة يعنى انا لو حركة شعبية ما خايف منك وشرف كبير اكون عضوء فى الحركة الشعبية
لكن الحركة شعبية تنظيم سياسيى لديه شروط للانضمام وتنظيم على نطاق العالم قدمة تجربة كبيرة التحية للحركة الشعبية وكل الشهداء الابرار طوال تاريخ النضال

الموضوع التانى :- لو بتعرف اى انتهاك من الحركة الشعبية فى جبال النوبة عليك بالفيديو او الصور او اى دليل مادى لكن كلام ساى ما بنفع ونحنا مراقفين
الحركة الشعبيه

هل تحرق الحركة الشعبية منازل الموطنين بالدليل
هل تقتل الحركة الشعبية مواطن الدليل لو سمحتا
هل هناك اى تقرير يثبت عنصرية الحركة الشعبية
هل تم اعتقال شخص مدنى وتم قتله ؟!

لو فى تعال نحاصر

Quote: لم أستطع التعرف على المكان من خلال الفيديو، حتى هوية الأسير لم أستطع أستنباطها

يا راجل حاول تانى شوف الفيديو بتعرف يا بريمة حاصر انته الحكومة ناس الحركة ما محتاجين لى حصار وبعدين انا ماعارف علاقة الحركة الشعبية بالفيديو دا شنوا ؟؟

Quote: هي الحرب يا صديقي..ولا اخلاق للحرب في اي مكان كان..

كلام غريب ما عارف جبتو من وين. لكن هي العقلية التبريرية لمساواة المجرم مع الضحية
الاسير الجنوبي في الفيديو استجوبوه و سلمو لبلدو علاقتو شنو بحرق قرى الابرياء!!!

Quote: هي الحرب يا صديقي..ولا اخلاق للحرب في اي مكان كان..

كلام غريب ما عارف جبتو من وين. لكن هي العقلية التبريرية لمساواة المجرم مع الضحية
الاسير الجنوبي في الفيديو استجوبوه و سلمو لبلدو علاقتو شنو بحرق قرى الابرياء!!!

Quote: الشخص الأسير جنوبى وليس من سكان الجبال ..

؟!!!!!

طيب افترض انوا جنوبى يعنى انته مرتاح لو كان جنوبى ولا شنوا بريمة ياخى نصحية ليك اطلع من البوست لانو بقيت تخرمج وتقول كلام خارم بارم ساى من غير اى فايدة


يعنى يفترض دا يحصل فى الاسرى الجنوبين ؟ ولا رايك شنوا بعدين يا بريمة بقيت ما بتفرق ما بين الجنوبين والنوبة خلاص

التقدير الأخ عامر على المثابره.

للقتال أو الاقتتال شرف - وهذا التعبير لم يسمع به الاسلاميين فى الخرطوم.

الاسرى لايمكنهم القتال لذى اقيمت الاتفاقيات والمعاهدات الدولية التى تضمن المعاملة الكريمة لهم وبالطبع عدم تصفيتهم ....
الجــبناء وعديمى الانسانية هم الذين يطلقون النار على غرماءهم بعض من الخلق بعض أن يضمنوا انهم لايحملون سلاحا!

العار عليهم المجرمين.

اتفاقيات جنيف 1949 وبروتوكولاتها الإضافية

http://www.icrc.org/ara/war-and-law/treaties-...neva-conventions.htm

.

حسبى الله ونعم الوكيل

دا ياهو السودان..

وما خفى أعظم









القصاص العادل فى الطريق

بإذن الله

Quote: موثق بالفيديو : مليشيات البشير تعذب الاطفال فى جبال النوبة

Quote: بقلم : عثمان نواي

Quote: ان نظام البشير لا يزال يستمر فى اعطاء الشعب السودانى بكافة اعراقه واطيافه السياسية الاسباب المتتالية لاسقاطه . ففى هذا الفيديو المسجل قبل عدة اشهر فى احدى القرى فى جبال النوبة المشتعلة منذ عام الان , تقوم مجموعة من المليشيات المسلحة لنظام البشير بضرب وتعذيب طفل لا يتعدى ال15 عاما , كان يرعى الابقار حينما قبضت عليه المليشيا فى القرية التى احرقوها وفر منها اهلها واصبحت رمادا فى لحظات . ان الطفل فى الفيديو حطمت اسنانه الامامية وهى لا تزال تنزف وهم يواصلون ارعابه , وتهديده باسلحتهم , ويظهر فى الفيديو ان احدهم ينادى الاخرين بان لايقتلوه حتى تستخرج منه المزيد من المعلومات , ولا يعلم مصير الطفل , ولكن مليشيات البشير لا تتوانى فى قتل الاطفال بالرصاص او الطائرات او القنابل العنقودية او الطائرات , وبمنع الغذاء عنهم حتى يموتون جوعا . وما يقوم به افراد هذه المليشيا يقوم به نظام البشير على مستويات مختلفة شكلا ونوعا ضد معظم افراد الشعب السودانى الذى لا تنتهى محاولات هذا النظام لتعذيبه واهانته وابادته , فيبيدون البعض المختلفين معهم فى العرق او الدين بالقتل والتجويع , واما بقية الشعب فهم يبيدونهم بالافقار والتخويف والقمع , وعمليات العنف المفرط التى يمارسها النظام الان ضد الشعب السودانى الثائر فى الخرطوم هذه الايام , انما هى تمظهر اخر للعنف وجرائم الحرب التى تتواصل منذ عام فى جبال النوبة والنيل الازرق ومن قبلهما استمرت لسنوات فى دارفور . والعنف الانقاذى يتدرج على حسب درجات الرفض للنظام , فالذين رفضوا هذا النظام وواجهوه بالسلاح تتم ابادتهم بالاسلحة المحرمة دوليا ويعذب اطفالهم حتى الموت ويجوعوا حتى الموت , والذين يرفضون النظام سلما يضربون ويحكم عليهم بالجلد وتحلق حواجبهم لتهان كرامة الشباب الثائر ويخوف , ويقتل بعضهم بالضرب فى المعتقلات او بسواطير رباطة النظام , ورغم اختلاف درجات العنف المستعمل فان هذا النظام يثبت ان جبروته ورغبته فى التمسك بالسلطة وقمع المحتجين والمعارضين له بكل الوسائل هى رغبة غير محدودة ومدى العنف المستعمل لاحدود له على الاطلاق . ويبدو ان العنف ضد الشعب السودانى من قبل هذا النظام هو قاسم مشترك يجمع السودانيين الان لاسقاط هذا النظام الفاسد والمجرم , فاجتمعت جميع القوى السياسية السودانية الان شبابا وشيبا حركات سلمية وحركات مسلحة على هدف واحد , هو وجوب انهاء جرائم النظام السودانى ضد هذا الشعب الذى ما طعم راحة منذ استقلاله , وهو يدور فى رحى النظم الفاسدة والديكتاتوريات العسكرية والديمقراطيات المتشظية . والشعب السودانى الذى خرجت طلائع شبابه الان تدافع عن ما تبقى لها من امل فى مستقبل افضل , وترفض افقار الشعب وتجويعه ليبقى البشير فى السلطة محتميا بحصانته الرئاسية من جرائمه التى ادانه بها العالم اجمع , مستعملا الشعب السودانى باكمله كراهئن فى محاولة بائسة لانقاذ نفسه من مصير زملاءه الذين لا تمثل جرائمهم قطرة من بحر جرائم البشير من امثال مبارك والقذافى . ان الطفل فى هذا الفيديو باسنانه المحطمة وعيونه المرتعبه وطفولته المنتهكة وصيره المجهول , انما يمثل حال معظم اهل السودان الان الذين حطمت امالهم , وانتهكت حقوقهم وارعب من نطق منهم بالحق ورفض الظلم , ولكن الثورات من حولنا قى العام الماضى انما تثبت لنا ان الشعوب دائما تنتصر , ان الطغاة ينهزمون مهما كان جبروتهم , فالتستجب جموع الشباب والشعب السودانى لاعين هذا الطفل المستغيث بكم , ليحيا امنا ان كان حيا , او ينام فى قبره مطمئنا ان حقه لم يضع وان طفولته المنتهكة هناك من يطالب بحقوقها وبالقصاص لها من منتهكيها . هنا رابط الفيديو: http://arry.org/?p=529 [email protected]

ود جابر

شكراً ليك على التوثيق دا.

هذا البوست يجب أن يكون عالياً ويجب على بكري نقله للربع الجديد.

الحرب التى تدور في كردفان تحتاج للكثير من الإعلام ليعلم السودانيون والعالم الفظاعات التى ترتكبها قوات الحكومة هناك.


سأحاول أن اتعهد هذا البوست بالرعاية وجعله عالياً حتى نفضح عقلية الجبهة الإسلامية والإبادة التى تقوم بها ضد السودانيين.

*

عامر جابر

Quote: هل تحرق الحركة الشعبية منازل الموطنين بالدليل هل تقتل الحركة الشعبية مواطن الدليل لو سمحتا هل هناك اى تقرير يثبت عنصرية الحركة الشعبية هل تم اعتقال شخص مدنى وتم قتله ؟!

معقولة يا عامر، أنا ظللت أقول شاهد عيان لجرائم الحركة الشعبية .. وكتبت هنا مراراً وتكراراً أن المقابر التى شهدتها أعرفها قبراً قبراً .. أعرف مقبرتين يرقد فى كل قبر نفرين .. وفى حالة الأطفال أكثر من أثنين.

شاهد عيان .. يا حبيب .. والقريتين تم مسحهم ومساواتهم مع الوطا .. ونهب كل المحصول والمواشى .. والناس قعدوا فى السهلة فى قعر الشجر.



معقول يا عامر، يداب تصحوا على المأسى .. يا أخى والله مثل هذه المناظر شفناه منذ عام 1989م فى قرانا.

بريمة

كلام غريب ما عارف جبتو من وين. لكن هي العقلية التبريرية لمساواة المجرم مع الضحية
الاسير الجنوبي في الفيديو استجوبوه و سلمو لبلدو علاقتو شنو بحرق قرى الابرياء!!!


ول ابا ناصر الإحيمر جانوه..حبابك
انت زعلت ولا شنو يا قريبي؟..
ول ابا عامر جابر عرض فيديو يعامل فيهو اسير بصورة وحشية ولا انسانية..و قال الموضوع توثيق..و افتكرنا الحكاية توثيق معاملة الأسرى لفضح العقلية السودانية و عدم اخلاقيتها ..و برضك تقول كلام غريب؟.. يعني الأسرى و معاملتهم كمان فيها خيار و فقوس..و كلو موثق؟..

طيب يا ناصر انت قلت الأسير الجنوبي فكوه و مشى بلدو.. ليه تلفون كوكو لسع مقبوض في سجون الحركة الشعبية في جوبا؟..ولا تلفون ما استوفى شروط المسجون المظلوم الأعزل؟..
انت يا اخوي بقيت ما بتشوف كويس..تلفون كوكو حركة شعبية و تعتقله الحركة الشعبية في جوبا..ودكتور بشرى قمر حسين و الأستاذة جليلة كوكو الإتنين حركة شعبية و يعتقلهم المؤتمر الوطني في سجونه في الخرطوم..!

و التلاثة يا ناصر من مواطني جبال النوبة..و اعتقالهم مرفوض و مدان و بنطالب باطلاق صراحهم..اها انت معانا ولا مع الخيانة؟..
الأسرى في الشريطين المعروضين يا ناصر فضيحة..القابض هامش..و المقبوض عليهم هامش..و برضك بتعاين للعقلية التبريرية؟..يارااااااااااجل..!!!!

الشريطين بيوضحوا مافي فرق بين المجرمين يا حبيب..و الفرق ما بيغيب الإ على زول فعلا مسيطرة عليهو عقلية تبريرية بتغش في روحها انو فعلو صاح و مبرر و فعل التانيين جريمة... كل الأفعال دي جريمة بالباب العديل..!!

كبر

.

صورة بريمة ادم بتقفذ للذاكرة، متي ما تاملت هؤلاء المساكين بدورم، البقومو باقذر الادوار ضد اهلهم، مشبعين بي امباز الجلاد، كراهية للذات جعلت منهم جنود لدويلة الابارثيد!

حاجة تقطع انياط القلب، كيف ريع ده كلو بيمشي لي امثال علاء يوسف، قاعدين في بكانم في القرير، العفاض، كريمة، او شندي فوق!

يالهذا الكائن، المدعو بريمة ادم!

كبر،

كالعهد بك، دايما، قبلي للنخاع!

خلي كلام بريمة، ول ابا، او شبك في ناصر او عامر!

شيل منو المعلومة وبعد داك أكتلو


هل هؤلاء بشر أسوياء؟

Quote: أنتم شفتوا حاجة حسى

غايتو نحن شفنا الفديو دا.
إنا لله وإنا إليه رآجعون.

قال تعالى: (لَقَدْ خَلَقْنَا الْإِنسَانَ فِي أَحْسَنِ تَقْوِيمٍ (4)
ثُمَّ رَدَدْنَاهُ أَسْفَلَ سَافِلِينَ (5) إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ (6)

هكذا ينزل الإنسان بنفسه إلي أسفل سافلين.
نسأل الله السلآمة...

تراجي حتى لا يختلط عليك الامر
الادانه موجهة للجيش السوداني وحكومة الانقاذ الوطني
اما كلامي عن الجيش في موضوع هجليج فآنا ثابت فيه
فهي آرض وطني تم الاعتداء عليها ودافع عنها الجيش
وهسع الانتفاضة دي ان لم يساندها الجيش فستكون مشكله
ونرجو آن نرى وقوفه مع الشعب كما دافع بصلابه عن هجليج
لا آحتاج للدفاع عن نفسي
ولا انتظر ان يسآل عني آحد ولكنني
لم اراك تدينين اعتقال المناضلة نجلاء سيد آحمد برغم
آن ذلك في خضم الثوره ونرجو توضيحا كما وضحنا لك
يا ام مازن

الفيديو يحكي مأساة الحرب بوضوح
الحركات المتمردة تقاتل وتروع لاجندات خارجية، ليس من بينها مصلحة المواطن
الحكومة موجودة وآمنة في الخرطوم، من اراد قلعها سلماً او حرباً مرحباً به
ما ذنب هؤلاء الآمنين في بيوتهم؟ وهل لهم مصلحة لهذه الدرجة في زوال/بقاء البشير



الصوت المصاحب للصورة مدبلج، و دهـ واضح من عدم المواكبة

قطعان المؤتمر الوطنى تستاسد على العزل والابرياء..حتما ستضيق عليهم الارض بما وسعت...

ابدا يا بشاشا يا صديقي..دي حاجة ما بتعرفها و مش ح تعرفها ليوم الدين؟ عارف ليه؟.. لأنك مستلب و ما بتعرف عن السودان التكتح..خليك من جنوب كردفان/جبال النوبة..!!!

و الله يا بشاشا..وحياة ربك امون رع في ذات نفسو.. انا القدامك ده لو وقعت مافي زول بيشيلني قبال عامر و ناصر ديل..شفتا كيف؟.. ديل بيموتوا فيني قبال بريمة القدامك ده..و لو وقعوا انا البشيلهم يا بشاشا ولا على كيفهم.. تصدق أو ما تصدق بطريقتك..و لتذهب النخبة السودانية الى الجحيم..!

عامر بنتلاقى معاهو في السماسم و الكرقل (امشي فتش خرط العالم كلها كن تلقى صرفة للسماسم دي)..و ناصر بنتلاقا معاهو في كندكر و كندكيرة (قبل كده سالنا زولك خالد كودي لو يعلم شي عن حرف الكاف في ثقافات جبال النوبة..و عمل اضان الحامل طرشاء..طلع حنكوش ساكت زيك..)..!

الفيديوهات دي محزنة يا بشاشا..عارف ليه؟.. الناس البتستجوب الأسير الوقع في يد الحركة الشعبية فيهم بقارة..و الناس البتسجوب الأسير الوقع في يد مليشيات المؤتمر الوطني فيهم بقارة..شفت المحنة دي كيف؟..ده كلام لا انت ولا تراجي ولاخالد كودي ولا امنة مختار..ما ح تعرفوهو ليوم الدين..(محمد سليمان عرف البير و غطاها و مشى بي دربو..)

هسع ده يا بشاشا.. لو قام عامر ولا ناصر قلقك و دمك ساح .. أنا الح ادفع الدية فيك غصبا عنهم ( لأنو ده قانونا القبلي في جنوب كردفان /جبال النوبة)..و لو انا قمت فلقتك و دمك ساح.. عامر و ناصر الإتنين (غصبا عنهم) ح يدفعوا ديتك قبال بريمة..دي حاجة ناس البندر و الجلابة المتلك ما بيعرفوها و ما ح يعرفوها ليوم الدين..!!!

انا كتبت عن ضرورة استقلال غرب السودان.. مافي زول عتب غير محمد سليمان (انت شخصيا دفنت دقن و زغت بدربك)..و بعد شهور ناصر الفكرة وقعت ليهو و كتب مقالات عن جمهورية جبال النوبة..و الليلة دي لو الحركة الشعبية قطاع جبال النوبة (زي ما سماها استاذنا يوسف كوه و ابونا فليب عباس غبوش) خطت ياسر عرمان و خالد كودي و قالت تطالب بجمهورية جبال النوبة,.. انا اول زول ح اقيف معاها..لأنو النوبة في جبال النوبة يستاهلوا جمهورية و اكتر من جمهورية..!!!

بشاشا..عامر جابر و ناصر الإحيمر القدامك ديل بالنسبة لي دم و لحم..و ليتململ قضاعة و جده معد يكرب في قبورهم.. وأيم الله لأبيعنهم بسفة تمباك من جبل مرة و الباقي خليهو يبقى..!!!!

التحية لشهداء صدقوا ما عاهدوا عليه: حماد الإحيمر ، عباس برشم ، عبد الرحمن شامبي ، محمد شايب فضل الله ، سيما الكنامة..و لتذهب انتلجنسيا السودان الى الجحيم غير مأسوفا عليها.. ان تناست اسماء شهدائنا الذين يهمنا امرهم زي جوع بطوننا..!!!

قلت لي قبلي؟.. قبلي في عينك انت و المدعو دينق.. و تالتكم الحنكوش خالد كودي..ورابعتكم امنة مختار في ذات نفسها..!!!!

كبر

Quote: الصوت المصاحب للصورة مدبلج، و دهـ واضح من عدم المواكبة

يا راجل وتانى ؟!!

عذر اقبح من الذنب ودود فطيرة جدا

يا للعار..
ليكم يوم يا ولاد الهرمة...

وكمان بيقولو الله اكبر...

الله اكبر عليكم

بشاشا
سلامات ..

Quote: صورة بريمة ادم بتقفذ للذاكرة، متي ما تاملت هؤلاء المساكين بدورم، البقومو باقذر الادوار ضد اهلهم، مشبعين بي امباز الجلاد، كراهية للذات جعلت منهم جنود لدويلة الابارثيد! حاجة تقطع انياط القلب، كيف ريع ده كلو بيمشي لي امثال علاء يوسف، قاعدين في بكانم في القرير، العفاض، كريمة، او شندي فوق! يالهذا الكائن، المدعو بريمة ادم!

أنت كنت تحلم حينما كنت تدعى أن الحركات المسلحة سوف تغير واقع الهامش العربى السودانى! .. الحركات المسلحة غيرت الهامش الأفريقى السودانى، أمشى أقرأ بوستى عن: منبر الهامش العربى السودانى .. تجد أن هناك ثوابت بالنسبة لنا هى
1. وحدة تراب هذا الوطن ..
2. حماية تراب هذا الوطن، أرضاً وعِرضاً ..

غير النقطتين السابقتين نحن لا غرض لنا (كقبائل هناك فى أرض الواقع) بمن يحكم السودان .. وهل تصدق أن تطّلع أبناء الهامش العربى السودانى للسلطة يساوى صفر حتى السبعينات .. وحتى هذه اللحظة لم أدر قط أن أبناء القبائل العربية فى الهامش أشتركوا فى إنقلابات عسكرية لتغيير النظام، اللهم إلا تحت راية الأنصار فى السبعينات .. عشان كده يا بشاشا بكل صراحة مسألة تغيير القبائل العربية فى أرض الهامش لمواقفها حتى تكون دعماً للتمرد ما ممكن تتم، مسألة منتهية وفرضية ميتة، شوفوا غيرها. هناك سبب بسيط لأن التمرد يحاول أن يثبت وجوده فى قتيل أهلنا وحرق قراهم .. وتكون فى عقولهم أن المتمردين هم العدو بالنسة لهم.

أكاد أجزم، إلى أن يأتى اليوم الذى يتم فيه إعادة تعريف من هو المتمرد فى ذهنية القبائل العربية فى أرض الهامش لن يكونوا فى صف التمرد .. وإعادة تعريف المتمرد فى ذهنية القبائل العربية ليس مسألة كتابة حبر على ورق، هى مسألة تحول المتمردين من خانة الضدية وسلب ثروات القبائل العربية وحرق قراهم وتقتيل أبناءهم إلى حالة المصالحة بأن يكونوا الملجأ للقبائل العربية .. وهذى ما ممكن تتم فى الوضع الحالى. عليكم أن تبقوا شطار حتى تحققوا هذه المعادلة، الزول الوحيد طوال تأريخ الحرب الذى حاول جاداً وجاهداً هو أستاذى يوسف كوه مكى، قائد التمرد فى جنوب كردفان قبل وفاته .. يوسف كوه بدل ضرب القرى وتلغيم طرق العربات، حاول أن يقوم بالعكس، تأمين حركة المرور إلى القرى وعدم نهب ثروات مواطنى جنوب كردفان .. وأعدم ناس فى مسألة النهب رمياً بالرصاص، حتى يقلل من الظاهرة. كل المتمردين من دارفور إلى جنوب النيل الأزرق مافى زول حاول ولا حتى عايز يحاول أن يقوم بخطوة المصالحة بين الأثنيات .. وهذه النظرية، تثبيت القبائل هى عكس نظرية الحركة الشعبية فى ضرب القبائل بعضها ببعض كما هو حاصل بين النوبة والبقارة فى جنوب كردفان ومناطق الهامش.

عشان كده أنا بقول لأخوتنا من أبناء النوبة فى الحركة الشعبية، نحن أخوتكم، تعالوا إلى كلمة سواء، أن نوقف الأعتداء على أهلنا من الطرفين .. وسوف تجدوننا عند حسن ظنكم بنا .. أنتم حملة السلاح أوقفوا الأعتداء على أهلنا وقراهم وثرواتهم، ولن يكن فى زول ظهيراً عليكم. يعنى عايزين سلام داخلى.

بريمة

Quote: سأحاول أن اتعهد هذا البوست بالرعاية وجعله عالياً حتى نفضح عقلية الجبهة الإسلامية والإبادة التى تقوم بها ضد السودانيين.

الصادق خالص التحايا وشكرا كتير


عامر بيضاوى سلامات كيف الحال منتظرك لسع يا راجل كيف الجماعة هناك

تبريرات فطيرة وغير مقنعه من بعض المتداخلين نفترض انوا دى الحرب كدا طيب الاسلام دينكم قال ليكم شنوا فى حالت الحرب ؟ّ كما قلت قديما ان المسلمين وبخاصة العرب منهم لم ولن يقنعوا بالاسلام ولا بتعاليم الاسلام التى توصى فى بعض النصوص القرانية فى التعامل الاخلاقى فى الحرب وخاصة مع الاسرى . استعمال الدين الاسلامى كدراع لصد اى هجوم من قبل الاخر اصبح موضوع غبى ( ومكنه لا تفيد وتنفع ) ومحاولة ارهاب الناس بالدين الاسلامى لن تنفع فما عاد الناس مقتنعين بالهرطقا والكلمات التى لا تدخل راس طفل صغير انه العام 2012 وتطور العالم بصورة ملفته للنظر عموما الفيديو يوضح بصورة قاطعه كيف يعامل هولا الارهابين الموطنين العزل وعلينا تثمين دور الحركات المسلحة التى يجب ان تحمى الموطنين فى تلك المناطق وفى مناطق السودان المختلفه وعليهم توخى الحذر حتى لا يسقطوا فى دوائر الانتقام والتشفى عليهم التعامل مع هذه الوثائق بمنطق وبعقلانية , ومواصلة نضالهم المسلح ضد الارهاب لمساعدات المجتمع الدولى للقضاء على هولا الارهابين حتى يعيش الناس فى العالم فى امان وسلام .
الفيديو رسالة واضحة وصفعه فى وجوه الذين يزحفون الى النظام من اجل نيل الرضى والمناصب الرفعية عليهم العودة الى الصف او ان التاريخ لا يرحم

فيديو يخرس اللسان.


.
.
.

بريمة و كبر ....

Stop digging

الصورة التالية هى لمنطقة البرام فى جنوب كردفان .. قبل الحرب الأخيرة وبعد بداية الحرب .. ومنطقة البرام شهدت مواجهات عنية بين الحركة الشعبية والحكومة ..
أنظروا الصورتين: تكاد تكون منطقة البرام تم مسحها من الخرطة .. وهذا ينطبق على منطقة اللحيمر والتيس وتبانيا .. وكرنقو عبد الله .. وغيرها

الصورة أكثر وضوحاً هنا
http://www.flickr.com/photos/enoughproject/6753009659/

وهنا تجدون موقع البرام على الخرط المرفقة ..
كاودا .. طبيعة المنطقة .. وخطوط عامة لتحركات المتمردين فى المنطقة

مثل هذا المنظر يجب على الناس تحمل الحكومة والحركة الشعبية المسئولية فيه .. لأنهم طرفى الحرب .. وهذا ما يحصل فى كل قرية من قرى جنوب كردفان .. المسئولية تقع على الحكومة والحركة. الناس العايزينها من طرف واحد لن يساعدونا فى محاصرة الحرب فى جنوب كردفان.

بريمة

Quote: شيل منو المعلومة وبعد داك أكتلو هل هؤلاء بشر أسوياء؟

قطعاً هولاء ليسوا ببشر

والانكى ان ابو طاقية يتحسر على فتاة نجت ادواتهم التى يراهنون عليها وهم فى طريقهم الى الجنة

حين " البت ديك جلت مننا"

يعنى لو تم القبض عليها سوف يعتبروها "حورية عينية"


حقاً ان الشيطان ارحم من هولاء فهل سمعنا بشيطان يغتصب او يقتل اسيراً؟!

This video has clearly documented two criminal cases: giving permission to kill a person, and wide spread burning houses

مأساة إنسانية بمعنى الكلمة تعذيب الأسرى وتصفيتهم

الدين الأخلاق الأعراف تمنع مثل هذا السلوك المشين

لا حول ولا قوة إلا بالله

لك التحية الأخ أمير

شكرا كل المتداخلين الاخ ادم صايم هذا ما تم بالزبط


بريمة انا ما فاهم انته عايز تقول شنوا ؟ بالضبط

عموما الفيديو قدامك لو عندك واحد ضد الحركة نزل هنا علشان ندين الحركة لن للحقيقة والتاريخ تاريخ الحركة فى معاملة الاسرى معروف
والحركة الشعبية فى تقاتل من اجل قضية يحترف بها بكل العالم والاصوات التى تنعق هناك وهناك لن تسمع بسسب ضعفها قوة حجتها وصوت الحق
اقوى من الباطل دائما

*

Quote: ابدا يا بشاشا يا صديقي..دي حاجة ما بتعرفها و مش ح تعرفها ليوم الدين؟ عارف ليه؟.. لأنك مستلب و ما بتعرف عن السودان التكتح..خليك من جنوب كردفان/جبال النوبة..!!! و الله يا بشاشا..وحياة ربك امون رع في ذات نفسو.. انا القدامك ده لو وقعت مافي زول بيشيلني قبال عامر و ناصر ديل..شفتا كيف؟.. ديل بيموتوا فيني قبال بريمة القدامك ده..و لو وقعوا انا البشيلهم يا بشاشا ولا على كيفهم.. تصدق أو ما تصدق بطريقتك..و لتذهب النخبة السودانية الى الجحيم..! عامر بنتلاقى معاهو في السماسم و الكرقل (امشي فتش خرط العالم كلها كن تلقى صرفة للسماسم دي)..و ناصر بنتلاقا معاهو في كندكر و كندكيرة (قبل كده سالنا زولك خالد كودي لو يعلم شي عن حرف الكاف في ثقافات جبال النوبة..و عمل اضان الحامل طرشاء..طلع حنكوش ساكت زيك..)..! الفيديوهات دي محزنة يا بشاشا..عارف ليه؟.. الناس البتستجوب الأسير الوقع في يد الحركة الشعبية فيهم بقارة..و الناس البتسجوب الأسير الوقع في يد مليشيات المؤتمر الوطني فيهم بقارة..شفت المحنة دي كيف؟..ده كلام لا انت ولا تراجي ولاخالد كودي ولا امنة مختار..ما ح تعرفوهو ليوم الدين..(محمد سليمان عرف البير و غطاها و مشى بي دربو..) هسع ده يا بشاشا.. لو قام عامر ولا ناصر قلقك و دمك ساح .. أنا الح ادفع الدية فيك غصبا عنهم ( لأنو ده قانونا القبلي في جنوب كردفان /جبال النوبة)..و لو انا قمت فلقتك و دمك ساح.. عامر و ناصر الإتنين (غصبا عنهم) ح يدفعوا ديتك قبال بريمة..دي حاجة ناس البندر و الجلابة المتلك ما بيعرفوها و ما ح يعرفوها ليوم الدين..!!! انا كتبت عن ضرورة استقلال غرب السودان.. مافي زول عتب غير محمد سليمان (انت شخصيا دفنت دقن و زغت بدربك)..و بعد شهور ناصر الفكرة وقعت ليهو و كتب مقالات عن جمهورية جبال النوبة..و الليلة دي لو الحركة الشعبية قطاع جبال النوبة (زي ما سماها استاذنا يوسف كوه و ابونا فليب عباس غبوش) خطت ياسر عرمان و خالد كودي و قالت تطالب بجمهورية جبال النوبة,.. انا اول زول ح اقيف معاها..لأنو النوبة في جبال النوبة يستاهلوا جمهورية و اكتر من جمهورية..!!! بشاشا..عامر جابر و ناصر الإحيمر القدامك ديل بالنسبة لي دم و لحم..و ليتململ قضاعة و جده معد يكرب في قبورهم.. وأيم الله لأبيعنهم بسفة تمباك من جبل مرة و الباقي خليهو يبقى..!!!! التحية لشهداء صدقوا ما عاهدوا عليه: حماد الإحيمر ، عباس برشم ، عبد الرحمن شامبي ، محمد شايب فضل الله ، سيما الكنامة..و لتذهب انتلجنسيا السودان الى الجحيم غير مأسوفا عليها.. ان تناست اسماء شهدائنا الذين يهمنا امرهم زي جوع بطوننا..!!! قلت لي قبلي؟.. قبلي في عينك انت و المدعو دينق.. و تالتكم الحنكوش خالد كودي..ورابعتكم امنة مختار في ذات نفسها..!!!! كبر

ود ابوك

بشاشا كان بيفهم كلام زي دا البيقعدوا هنا شنو؟ بشاشا دا تايه ورايح ليهو الدرب في المويه، وأول ما حكومة الجبهة دي تمشي صاحبك بتجهجه (طبعاً أي زول بيدرس كلام بشاشا بيشوف لأي مدى بشاشا مستلب)

وود ابوك عامر طنش موضوع الحركة الشعبية، لأنو المهم الموضوع الهسه دا، والحركة الشعبية دي ما ملاك نازل من السما وأنابقول ليك في تجاوزات وأنا عضو في الحركة الشعبية، والفرق إنو بنتكلم عنها لكن التجاوزات دي عمرها ما كانت سياسة بتاعت الحركة دائماً هي الإستثناء، ومعاملة الأسرى كانت كويسة جداً، وما في اسير بيقتلوهو بعد ما يقبضوا عليهو او بيعذبوهو، ويا هو السلام جاء ما في اسير دا جا اتكلم عن إنو كان في تعذيب للأسرى كسياسة من الحركة الشعبية.


عشان كده بوست زي دا ما مفروض ينزلق فيهو النقاش للحركة الشعبية، لأنو حيظهر كتبرير مش توثيق للحاصل هسه في جبال النوبة من قتل وتصفية وتجويع وكلو قائم على اساس عنصري.

أنتم شفتوا حاجة حسى .. فقط طفل واحد تم مسكه وحرق قليل من المبانى. الله لا شوفكم الشفناه.

فقط طفل
وحرق ...


من
اين اتي هؤلاء

العار العار

الرجاء من الاخ بكري رفع البوست

فووووووووووق ومزيد من التوثيق لجرائم هؤلاء القتلة المجرمين .

أبو قصي

الاخ عامر
شكرا للتوثيق لجرائم الانقاذ

المؤسف في الامر هو استخدام نظام الانقاذ لاهل الهامش في قتل بعضهم وذلك بتاجيج والتاصيل للتفرقة القبلية والعنصرية
فنلاحظ ان معظم الوجوه الظاهرة في الفيديو من ابناء كردفان واذا دققنا فيمكن ان نقول من ابناء البقارة
فهذه جريمة كبري بالاضافة لجريمتي قتل الاسري وحرق بيوت المدنيين الذين يفقدون ابسط مقومات الحياة الا هذه القطاطي التي تحميهم من هجير الشمس

لا حول ولا قوّة إلا بالله!
الله انتقم من كل جبّار وظالم!!

فوووووووووووق ...

الصادق إسماعيل
سلام

Quote: وأنا عضو في الحركة الشعبية

أوكى ..

بريمة