كل التوفيق لابطال المريخ في المهمة الانتحارية الاولي .
Post: #7 Title: Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) Author: نور الدين عثمان Date: 03-19-2011, 07:22 AM Parent: #5
تحياتى لك اخى هارون كبير صفوة المنبر واحساسى يقول ان المريخ سينتصر فى موقعة اليوم وسيذهب قدما فى هذه البطولة باذن الله ودايما مريخنا فووق فوووق
هلا يا هارون طبعا أبو الخل الهلالابي عندو سوء حظ قاهر جدا مع هلالو وكلما كتب متفائلا كان لأبي الهل رأيا آخرا، عشان كدا لما كتب قبل يومين متشائما من الهلال قلت ليهو الله يستر الهلال ما يكوش على الموسم داخليا وخارجيا.. أها ياخ أتمني ما تصدق توقعاتي بشأنك وتكون فال خير على المريخ المرة دي .. لكن بصراحة كدا المريخ الشايفو دا ما عليهو تكل حتى ولو حصل على نتيجة إيجابية اليوم .. المريخ مازال غارقا في جوطة عميقة جدا ما ح يمرق منها إلا بالعمل الخالص له لا لتحقيق المصالح الذاتية الضيقة .. الكلام دا يا هارون قلتو ليك ولغيرك من المريخاب قبل كدا كتير لكن المشكلة أنو عاطفتكم القوية نحو المريخ ما مدياكم فرقة عشان تتحسسوا مواطن الخلل المعطلو . تحياتي يا زول جميل .
يا هرون يا حبيب إذا إتا والغيرك من محبي المريخ مكتفين بالساهل وهو حب المريخ دون الإنشغال بأوجاعو وهمومو فصدقني ح يستمر الحال على ماهو عليه إلى أن ينقلب إلى ضده. الإحتفاء المبالغ بكل ما يفعله مجلس الإدارة ويكتبه الإعلام وتمجيده والموافقة عليه بطاعة عمياء لن يصلح حال المريخ لأنه في الحقيقة ضوء أخضر يتيح لهم المضي قدما في ضلالهم القديم.. المريخ يا هرون لم يبدأ ولن ينتهي بمجلس جمال الوالي الحالي ومن شايعه وبايعه بل هو كيان راسخ في جذور التاريخ وسيظل هكذا لا تؤثر فيه متغيرات الزمن وتقليات الطبيعة. المريخ ملك حر لجماهيره ولها فيه كما للذي لإدارته والمتنفذين فيه فلا تتركوه مضغة علكة في أفواههم يمتصون حلاوتها ثم يلفظونها.. أثنوا على أصحاب العمل الجيد وأرفعوا من معنوياتهم لكن بالمقابل حاسبوهم على تقصيرهم ولا تسمحوا لهم بالفوضي وتمرير الاجندة والمصالح خاصتهم على حساب هذا الكيان الشامخ .
Post: #25 Title: Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) Author: الامين موسى البشاري Date: 03-19-2011, 09:35 AM Parent: #23
بالتوفيق يا صفوة للمريخ ثقتنا كبيرة في فتية المريخ الاشاوس لصنع الافراح تحاياي
تاني هلا يا هرون أصدقك في قولك أنك ما راضي من البحصل في المريخ ولا أوافقك على تأجيل الجهر بمناهضتك للحاصل بدعوى انو ليهو وقت تاني مع أنو الحاصل دا وأعني به الفوضي وتغليب الأجندة والمصالح الشخصية جدا ليهو سنين بقدر فترة مجلس جمال الولي في السلطة ولا أعرف متي يأتي هذا اليوم الذي تقصده يا حبيب ؟ الفوضى في المريخ لا تحتمل السكوت والصبر فهي تتسع كلماإتسعت دائرة المجاملة والعواطف بالسكوت عما يحدث بمزاعم ودعاوي إختيار الزمان والمكان وما شابه .. كل شىء في المريخ يدعو للثورة او على الأقل تعنيف المسؤولين ... أمسك عندك مثلا الفيديو الجابو الحبيب البشاري فوق دا .. دا فيديو لحفل غنائي أو ما شابه (المهم فيهو هجيج وفرح وسعادة) فهل تقول لي ما الداعي لمثل هذه الإحتفالات إذا وضعنا في الاعتبار الإخفاقات المتتابعة للفريق داخليا ومحليا ..؟؟؟؟؟؟ الذي يري غناء أهل المريخ وإحتفالاتهم يدفعه الفضول لرؤية إنجازاتهم وبطولاتهم لكنه حتما سيصطدم بقائمة طويلة من الخيبات على مختلف الصعد . بدلا من أن يهدر مجلس المريخ أمواله في مثل هذا الشو فكان أولي أن يدفعها لمدرسة براعم الكرة التى تشتكي من إنعدام أجرة المواصلات للاعبيها الصغار، لكن لا أحد في مجلس الشو والفشخرة والبوبار سيلتفت لحالها لأنها بعيدة عن الإعلام ولا تجلب فلاشات الكاميرا وأضواء البوبار . إن أردتني أن أعود فسأعود ..
Post: #29 Title: Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) Author: رامي إبراهيم أحمد Date: 03-19-2011, 04:32 PM Parent: #28
حبيبنا هارون ..
كوطني غيور ، عهداً وصدقاً ، لأشجعنكم بضمير طيلة التسعين دقيقة + الوقت بدل الضائع ..
Quote: لكن لو طبزتوها ما تلومونا بعد الحكم يصفر ..
اها ....
نحنا ربنا خارجنا من لسانكم
عقبال ليكم الليلة
Post: #48 Title: Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) Author: omer osman Date: 03-20-2011, 06:07 AM Parent: #47
Quote: مبرووووك ياهارون وكل الصفوة فعلا كنا نتمناها اكثر من واقع السيطرة المطلقة وهدف العجب كاد يؤدي بحياة الحارس العكليتة فعلا انه العجب ولا عجب
مبرووووووووك ياهارون ......
Post: #50 Title: Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) Author: الصادق خليفة Date: 03-20-2011, 06:16 AM Parent: #48
ألف مبروك يا صفوة هارون وكل المريخاب
على فكرة يا هارون سبب تعاطفي مع المريخ غير انو بيلعب بأسم السودان و زارة الداخلية مريخابية حتى النخاع يعني من النوع الببرطم اذا المريخ انهزم وده سبب اضافي للتعاطف في المباريات الخارجية
Post: #49 Title: Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) Author: محمد عبد الماجد الصايم Date: 03-20-2011, 06:09 AM Parent: #47
مبروكـ يا عمكـ .. لكن انتشو كويس بالصدارة دي! عشان ح تشموها قدحة قريب دا!!