يطرشني ماسمعته بيهو قبل كده.....الاحتفال بالهزيمة.....!!!!!

Post: #1
Title: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:10 PM

يعني بي طريقتكم دي

الواحد تاني عااااااااادي

لامن الولد يقول ليك جبت 49 من خمسين

تعمل ليهو حفلة صغيرووووووووووووووونة.......!!!

Post: #2
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:14 PM
Parent: #1

ولا دي اسمه

ثقافة الاحتفال بالهزيمة....؟

Post: #4
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:16 PM
Parent: #2

احضان....

وتهاني

وتبريكات

وبوستات

ومقالات

يعني لو كنتو درنتو ساااااااكت

كنا نشوف لينا بلد تااااانية....!!!!!!

Post: #5
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:21 PM
Parent: #4

انا كان لي ....

يطرشني....

ماسمعته باحتفالات الهزيمة

يمكن....

عشان متعود علي النصر دائما

في حضرة الاحمر الوهاااااااااااج

وكاااااااااااااااااااااااااااااكـ

Post: #3
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: معاوية عبيد الصائم
Date: 10-31-2010, 03:15 PM
Parent: #1

سلامتك من الطرش

غاغاغاغاغاغاغ

شكرن

الاحتفال الكبير فى المقبرة ام درمان

هارون انت اصبحت من الخونة(درجه اولى)زى ود القاضى واساسى واميرة الشيخ

Post: #6
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: خالد درق
Date: 10-31-2010, 03:24 PM
Parent: #3

هارون ياصفوة سلام

الرشاشات فرحنين بالهزيمة 1/ 0 السبب ما مصدقين هذه النتيجة هم متوقعين 5 وكدا اصلوا فى تونس بيخد 5 عادى !!!!!!!!!!! لكـــــــــــن الكلام بعدين الصفاقسى بلعب خارج اشد وحا نشوف كااااااااااااك صح

Post: #8
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:29 PM
Parent: #6

خالد درق ياصفوتنا

مساء الجمال

Quote: الرشاشات فرحنين بالهزيمة 1/ 0

ياخي تدقشني نفس التريلا

السايقه الحبشي زاااااااتو

وتفجغني عدييييييييييييييل كده

انا قايل جماعتك غالبين 1/صفر

معقولة بس .....؟

Post: #7
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:25 PM
Parent: #3

اووووووووووه عمنا الفرحان بالهزيمة

سلام ياود الصائم بالهمزة

Quote: الاحتفال الكبير فى المقبرة ام درمان

ماياهو ده كلامنا.....

كان تصبرو وبعدين تحتفلوا

ذكرتوني قريبنا اللقي الوتد

قام دقاهو قال : لامن نشتري الحمار نربطو هنا....!!!

وكاااااااااااااااااااااكـ ياعمك

Post: #9
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: أبوعبيدة محمد الأمين
Date: 10-31-2010, 03:31 PM
Parent: #7

أخونا وحبيبنا الصفوة هارون دياب

Quote: ماعارف ليه اتذكرت منظر بعض الديكة التي تذبح
ورغم ذلك تنهض مهرولة ولكنها سرعان ماتنهار
هل نجد عندكم إجابة
على السؤال أعلاه؟؟؟؟؟

Post: #11
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: معاوية عبيد الصائم
Date: 10-31-2010, 03:37 PM
Parent: #9

بوست غير وطنى...

Post: #18
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:49 PM
Parent: #11

Quote: بوست غير وطنى...

يمكن ...

حركة شعبية

هيييييييي يكااااااااهههههههههه

Post: #12
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: عمران حسن صالح
Date: 10-31-2010, 03:39 PM
Parent: #9

يا ود دياب
ياخي انت الباب مفتوح ليكـ
ان شاء الله تشيل عصاتكـ وتجي تدقنا فوق راسنا الصغير ده
ما عندنا مشكلة معاكـ
لأنكـ صفوة (فهم) وعرفة بالحاجات حقت ( المكاواة ) من أجلها فقط
نحن قاصدين ناس قريعتي راحت
الفرحانين بى نتيجة الخمسة قبال تحصل
المتعودين يتخبطو ويجو يفكو غبينتم في أخوان البرنس
فرسان الحوبة
ديل ناسنا تب
ويا نحن
يا هم
والبتاع شنو داكـ يملأ شبكتو وشبكة جيرانو
وتشوووووووووووووووووووووف يا المنطط / ـه حواجبيكـ

Post: #19
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:52 PM
Parent: #12

عمران يا اجمل حاجة هنا

مشتاقين

Quote: يا ود دياب
ياخي انت الباب مفتوح ليكـ
ان شاء الله تشيل عصاتكـ وتجي تدقنا فوق راسنا الصغير ده

تسلم ويسلم راسك الكبير المقام

عارفك سيد الراي والفهم

شكرا ياحبيب

ريحتني في كنكوج اساسي زاااااااتو

Post: #13
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:41 PM
Parent: #9

ابو عبيدة الجميل

سلام

Quote: هل نجد عندكم إجابة
على السؤال أعلاه؟؟؟؟؟

مادي زي.....

البسننو في سكينو وقاعد يعاين....!!!!

والله اعلم

Post: #17
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:47 PM
Parent: #9

امسك عندك

هكذا سيفوز الهلال اليوم....وقابلوني بعد المباراة

اها ده يقابلوه كييييييييف....؟

كااااااااااااااااكـ

Post: #10
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: حيدر بشير
Date: 10-31-2010, 03:36 PM
Parent: #7

اخونا هارون
لك التحايا

دحين ما كنت محضر البوست بتاعك للرباعية الكنت متاكد منها و تاميها بى كاك

نحن عاذرنكم و عارفين انكم مهجومين و من ما تسمعوا الصفاقسى دى طوالى يجى فى بالكم الاربعة

دحين الاحتفال دا عشان نطير منكم الهجمة دى و تقدروا تلعبوا عادى مع اى فريق لامن تلاقونا

لانه المرة دى علولو حالف يبطح رمزى دا و قال لى ناس سادومبا انتو اخدتو بطحاتكم فى اكرم

وزى ما قال ليك ود الصايم احتفالنا الرسمى حقنا نحن فى المقبرة ان شاء الله

Post: #14
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: أحمد ابن عوف
Date: 10-31-2010, 03:43 PM
Parent: #10

Quote: كنا نشوف لينا بلد تااااانية....!!!!!!

اصصصصصلو ما كنت قايلكم قاعدين لي هسع لووووووول

انتو ما بئبو تيجو، انتو ما بتجوش لييه

سلام للعزيز هارون

Post: #21
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:57 PM
Parent: #14

ابو عوف

سلام ياصاحب

Quote: انتو ما بتجوش لييه

ما اها جينا

والله اكان كنتو عملتوها

كان الشردة الياها

في دي

الله شاف لينا نحنا

Post: #15
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: motaz
Date: 10-31-2010, 03:45 PM
Parent: #10

يا هارونا
ياخي في جماعة من الصفوة لما يجو يكتبو عن الهلال يوم المباراة
بكون عارف إنو الهلال حا يعمل حاجة كويسة
أمبارح قبل المباراة قلت لي زول الهلال حا يتعادل أو يخسر بفارق هدف
وفعلا حصل ده
المهم
عايزك تكلم لينا الصفوة ديل إنو يوم المباراة حقت الرد مافي زول يجي ماشي بي هنا

و
اقعد عافية

Post: #22
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 04:01 PM
Parent: #15

سلام ياوزة

واريتك انت طيب

Quote: المهم
عايزك تكلم لينا الصفوة ديل إنو يوم المباراة حقت الرد مافي زول يجي ماشي بي هنا

يعني عاوزنا نجي مع بص السيرة

ياخي يوم بتكتلو ليكم رشاشة في المكان ده

وتجيبو لي بكري مصيبة

Post: #16
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: جمال السنوسي
Date: 10-31-2010, 03:46 PM
Parent: #10

يا هارون

المباراة شوطين

انتهى الشوط الاول بهدف

باقي شوط تاني

نحن ما فرحانين الهزيمة

نحن فرحانين عشان عارفين

سيد البلد

في الشوط التاني

بجيب اكتر من هدفين

مش زيكم هنا في الفيديو ده ومع نفس الفريق

وفي امدرمان

وفي النهائي

شفت كيف الفرق يا هارون

Post: #24
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 04:06 PM
Parent: #16

حبيب البي ود السنوسي

كل الود

طيب ....

افرض

مثلا....مثلا

انو الاخ المايتسماشي ده

قااااااااام كده وجاب ليهو قون

اها ....

في الحالة دي انا اعمل شنو....؟

اغني ظلموه....

ولا اغني ....

في الحالتين انا الضائع

بعدين الفيديو ده ذكرني عمك صالح اليماني

سيد الدكان ....

اول مايفلس ....عندو درج صغيييييييييير

في الركن ....يجري عليهو ويطلع الدفاتر القديمة .

اها بي كدة اديتني فرصة انو عندي دفتر دفترين كده

اتسلي بيهم هنا الليلة .

وراجع ليك ...راجع... راجع.... راجع ليك

----

تلفونك في الخاص ضروووووووووووري

لاني ضيعتو .

Post: #20
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 03:55 PM
Parent: #10

حيدرنا ياحبه

سلام يغشاك

Quote: دحين ما كنت محضر البوست بتاعك للرباعية الكنت متاكد منها و تاميها بى كاك

ياخي لقيتك خطييييييير

وحاتك محضره ومعاهو اغنية بس كان

خماسية مارباعية....!!!!

الله شاف ليكم

Post: #23
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: معاوية عبيد الصائم
Date: 10-31-2010, 04:02 PM
Parent: #20

متى ثم متى ؟
سيكون الصفوة فى خندق الوطن الرياضى

شكرن الهلال الوطنى

Post: #25
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 10-31-2010, 04:11 PM
Parent: #23

ود الصائم يامهموم بالوطن

Quote: شكرن الهلال الوطنى

يازول الكلام ده بدينك

حسع يجيك اخونا واحد يقول ليك :

انت بقيت ....؟ ولا شنو...؟

Post: #26
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: امير عوض الجمري
Date: 10-31-2010, 05:03 PM
Parent: #25

Quote: يعني لو كنتو درنتو ساااااااكت

كنا نشوف لينا بلد تااااانية....!!!!!!

الغريبة كانوا فاتحين بوستات فوز وانهم حا يغلبوا كم كده ما عارف وشنو كدي ما بعرف
عشان تعرف انها كانت هضربة ساااااااااكت.

هارون شفت زعمطة الترجي ...
والله كنت دايرليهم واحدة زي دي ... لكن جماعتك محظوووظين ياخ.

غايتو هلال الشوط التاني دا مطمني جنس (طمين).

Post: #27
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: كمال حسن
Date: 10-31-2010, 05:48 PM
Parent: #26

تعرف يا ود دياب
بعد التحايا الطيبه
الهزيمه البيحتفلوا بيها دي معناتها نحن واثقين من من مباراة الرد
الهزيمه الما بيحتفلوا بيها زي بتاعتكم الجابها ليك ابو الجيم دي (كومكان أربعه)
والله بتاعة الترجي بتاعة الليله الخماسية البيضاء
الكنتو كوللللللكم بتمنوا نفسكم تحصل علينا
لكن فرق كبير بين فريق قاعد يقالع ليكم ويمثل فيكم (غصباً عنكم)
وفريق منجمي من زماااااااااااااااان قاعد يحرس في البيت
لغاية ما نجي راجعين ليكم، نشوف نسوي فيكم شنو

Post: #28
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: محمد البشرى الخضر
Date: 10-31-2010, 08:14 PM
Parent: #27

ياخي الشوالي زاتو سغيل سغالة
امس وسط رجفتو و شحدتو لي الله لي القون التاني بدون مناسبة يقول ليك الفرق التونسية لم تفوز على الفرق السودانية بأرضها ما عدا (البالي بالك داك)
و يشيل و يكرر فيها لمن خجلت زاتو

ياخي ما تجي تورينا شعورك شنو يا صفوة بالله ... *

_______________________
* قلنا نكابرك في حركتك المفضلة بتاعة الحوامة باللنكات وكدا

Post: #29
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: الصادق ضرار
Date: 10-31-2010, 08:22 PM
Parent: #28

ثقافة جديدة من لدن المريخ الماعظيم

اتمنى للهلال ان يسلك مسلكه بدل التبعية العمياء و التقليد الاجوف لكل ما هو مريخابي

اللهم اني بلغت فاشهد

Post: #30
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: Sayed Bekab
Date: 10-31-2010, 08:53 PM
Parent: #29

Quote: عشان متعود علي النصر دائما

في حضرة الاحمر الوهاااااااااااج

وكاااااااااااااااااااااااااااااكـ

يا اننقا اي و الله متعودين علي جزيرة الفيل وهلال حلائب

افرح من قلبك يا رجل انه الهلال ممثل السودان فى نهائي الكونفدرالية

Post: #31
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: ALZOLZATOO
Date: 10-31-2010, 09:40 PM
Parent: #30

هارون دياب يامفتري

ياخي الولد الا يقفل ليك المجموع عشان تحتفل

ياخي الجماعة ديل فضل ليهم العرس في امدرمان عشان يكملوا الخمسين التانية

ولو لا قدر الله وفازوا في الخرطوم بتكون فرصة طيبة لانو الخسارة في النهائي ليها طعم خاص هاهاهاهاهاي

غايتو الهلال السنة دي لو ماشال الكاس تاني صعبة جدا بالنسبة ليهم

تحياتي واحتفل بالولد حتى لو جاب ليك 25 في ارضو وامام جمهورو كاااااااااااااك

ياخي وين حسامووو

زاتوووو

Post: #32
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: امير عوض الجمري
Date: 10-31-2010, 09:45 PM
Parent: #31

Quote: ولو لا قدر الله وفازوا في الخرطوم

Post: #33
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: صديق الموج
Date: 10-31-2010, 10:16 PM
Parent: #32

هارون يا صفوة سلام

انت ما سمعت بى ديك المسلمية

البكشنو فى بصلته وهو يعوعى

وحاتك بقت عليهن زاتا..

اللهم ربى لاخمسه فى الخرطوم

درون صفر صفر والمحلى يدخل عطبرة،،،

Post: #34
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: حبيب نورة
Date: 11-01-2010, 00:45 AM
Parent: #33

يا هارون
ياخ ده تمرين ماتش

والتلي ماتش ح تكون في زريبة العيش

أصحي يا زرقان وسيبك من ود الصائم بالهمزة الظاهرة والسنوسي وعمران وبقية الرهط

Post: #35
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: Ashraf el-Halabi
Date: 11-01-2010, 01:23 AM
Parent: #34

في والكورة السودانية كراع البقر جيابة يا هارون
زي ما في هلالاب زمان سموا الكونفدرالية الجعرانية والليلة يصلوا ويدعوا بفوز الهلال بالجعرانية، الخوف يجي يوم يلاقيك فريق من الغلبوكم كتير زمان (زي الفريق الأردني داك) وتقوم تتغلب منهم تلاتة أربعة بس، أها، في ذمتك ما حتفرح؟

Post: #36
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: عبدالله ابوشوارب
Date: 11-01-2010, 04:12 AM
Parent: #35

Quote: ولا دي اسمه

ثقافة الاحتفال بالهزيمة....؟

دي اسمها الثقة بالنفس والثقة في اللاعبين والجماهير

Post: #37
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: Abdlaziz Eisa
Date: 11-01-2010, 04:23 AM
Parent: #36

الصفوي ودياب

الناس ديل بالجد ليهم حق يحتفلوا..
فهم كان متوقعنها خمسة/ صفر..

وسيفرحوا أكتر اذا تعادلوا في المقبرة..

تحياتي

Post: #61
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:33 PM
Parent: #37

ابو عيسي الراقي

كيفنك

Quote: الناس ديل بالجد ليهم حق يحتفلوا..
فهم كان متوقعنها خمسة/ صفر..

اذا كان كده....!!!!

يبقي معاهم الف حق .

Post: #38
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: Abdlaziz Eisa
Date: 11-01-2010, 04:47 AM
Parent: #36

الصفوي ودياب

الناس ديل بالجد ليهم حق يحتفلوا..
فهم كان متوقعنها خمسة/ صفر..

وسيفرحوا أكتر اذا تعادلوا في المقبرة..

تحياتي

Post: #39
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: Hassan Senada
Date: 11-01-2010, 05:05 AM
Parent: #38

Quote: دي اسمها الثقة بالنفس والثقة في اللاعبين والجماهير

الثقة ال مايها نفس الاعبين ونفس الجمهور ونفس الاستاد الرشوكم خمسة والاسماعيلى رايح جاى وانشاءالله

الصفاقصى رايح جاى سلام ياهارون يا انيق

Post: #43
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: معاوية المدير
Date: 11-01-2010, 06:18 AM
Parent: #39

هارون يا حبيب، سلآم.
يا اخي تاني من هنا وغادي اسمع بحكاية الإحتفال بالهزمة
دي. حليل عتوقة، والكعبي، وعقربي، وتميم، وطارق
دياب. نحن كنا قايلين نفسنا حا نلآقي لعيبة زي ديل،
مشينا لقينا الجماعة جايبين ليهم لعيبة من موريتانيا!!!؟
تصدق، يا هارون نحن خُلعة ساكت إتغلبنا وآحد،
وفرحانين عشان الرآكوبة كشفنا عيوبا، وإن شاء الله
نملآها ليكم أهداف في الخرطوم.
لآعب من مويتانيا تصدق يا هارون. يطرشني
ما سمعته بيهو قبل كده. حليل تونس...

Post: #63
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:49 PM
Parent: #43

معاوية المدير

سلامات ياشقيق

Quote: لآعب من مويتانيا تصدق يا هارون. يطرشني
ما سمعته بيهو قبل كده. حليل تونس...

عليك الله انت بي صحك....؟

المهم كان ده حصل

يبقي الرماد كال حماد...!!!!

موريتانيا حتة واحة....؟

غايتو بالغتو يارشاشات

Post: #62
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:35 PM
Parent: #39

حسن سناده

مساء الخير

Quote: الصفاقصى رايح جاى سلام ياهارون يا انيق

قول يامهون....!!!

وكااااااااااااك لود البشري

Post: #60
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:26 PM
Parent: #36

ابو شوارب

اخونا الذي في بلاد العم سام

سلام ياجميل

Quote: دي اسمها الثقة بالنفس والثقة في اللاعبين والجماهير

طيب....

الفرحة في شنو ياعمك....؟

الدفن قداااااااااااام...!!

Post: #59
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:23 PM
Parent: #35

اشرف ياحلبي

سلام

Quote: (زي الفريق الأردني داك)

يازول قول بسم الله ...هجمتني عديييييل كده

دي سيرة الله لاعاده....!!!

بالمناسبة....

مباراة الوحدات مباراة للنسيان

Post: #58
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:20 PM
Parent: #34

حبيب نوره وحبيبنا كلنا

مشتاغوووووووون

Quote: ياخ ده تمرين ماتش

والتلي ماتش ح تكون في زريبة العيش

الله يطمنك...

دائما تجي بالنجيضة

Post: #57
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:16 PM
Parent: #33

موج ياموج

سلامات

والله بصلتو دي لو ما اتكشنت مظبوط

ياهو الرماد كال حماد

ياتو تشوف لي مكان معاك يالعكس

لكن بلدا بتشيلنا معاهم مافي

Post: #56
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:13 PM
Parent: #32

جمري

Quote: ولو لا قدر الله وفازوا في الخرطوم

قدم للوتري طوااااااااااالي

ياخوي ديونا كترت مع الجماعة ديل ...!!!

Post: #51
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 12:01 PM
Parent: #31

زااااااتو ياقلب

والله العظيم مشتاقين

Quote: غايتو الهلال السنة دي لو ماشال الكاس تاني صعبة جدا بالنسبة ليهم

يارااااااجل قول كلام تاني.....!!!!!

ياخي ديل غلبو الجميعابي 21/ صفر مايجيبو الكاس...؟ هههههههه

Quote: ياخي وين حسامووو

بخيييييير ويسلم عليك كتير السلام

لكن علي راي المصريين ....

الغربال الجديد ليهو شدة....!!!

اها صحبك ده من يوم اتوظف بقينا نشوفو طشاش ...طشاش

من 6 لي 6 تقول حيورث الوزارة ...!

ابقي اظهر ياجميل

Post: #46
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 06:28 AM
Parent: #30

سيد بكاب

اشواقي

Quote: افرح من قلبك يا رجل انه الهلال ممثل السودان فى نهائي الكونفدرالية

سمح..!!

Post: #45
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 06:27 AM
Parent: #29

الصادق ضرار

يخليك ربي

Quote: اتمنى للهلال ان يسلك مسلكه بدل التبعية العمياء و التقليد الاجوف لكل ما هو مريخابي

خاصة الجري وراء الحصول علي بطولة خارجية........!!!!!

وكااااااااااااااكـ

Post: #44
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 06:18 AM
Parent: #28

ابو حتوت

مبروك الهزيمة

Quote: يقول ليك الفرق التونسية لم تفوز على الفرق السودانية بأرضها ما عدا (البالي بالك داك)

نفس التاجر اليمني بتاع جمال السنوسي

المهم....

شكرا علي الثقافة الجديدة بتاع الاحتفال بالهزيمة

وجاييك بهناك

Post: #41
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 06:11 AM
Parent: #27

كمال حسن

ازيك

Quote: وفريق منجمي من زماااااااااااااااان قاعد يحرس في البيت

براك جيته النجيضة....!!!!

عشان ماتجو تقولو غلبتونا ( بالمنجمين....!!!)

سلام

Post: #40
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 06:09 AM
Parent: #26

الجمري ياحبيب

سلام

Quote: غايتو هلال الشوط التاني دا مطمني جنس (طمين).

انا غايتو بعد الشفتو امبارح ده

نصيحة لله

للخلف دور وكفاية كده

Post: #42
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: جمال المنصوري
Date: 11-01-2010, 06:13 AM
Parent: #40

الجميل / هارون دياب

سلامتك من الطرش يا بوي

القصة بسيطة

نحن نحتفل ب (النظر الي نص الكاس المليان )
مش برضوا بقولوا كدي ؟؟
محبتي

Post: #47
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 06:30 AM
Parent: #42

ياشباب

صفوة ورشاشات

الرسول فوقكم

اتجدعو سااااااااكت

راجع بعد الدوام لكل واحد

اكان الله مد في الاعمار

احترامي لكم جميعا

Post: #48
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: khaleel
Date: 11-01-2010, 06:37 AM
Parent: #47

دي معركة كسر العظم يا هارون

معركة نرد بها الجميل لاجمل الراحلين من ابناء الهلال

روح الطيب عبد الله وروح والي الدين وكل عظماء الهلال الراحلين

معركة لكل اجيال الهلال معركة الثار ورد الاعتبار وطول الانتظار

صدقني لو هزمنا الصفاقسي بالخمسة هناك سنهزمه بالستة في امدرمان

نعم اقلعت طائرة الهلال نحو سماء البطولات

موعدنا يوم الوقفة سيجعل الهلال العيد عيدين

Post: #65
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:54 PM
Parent: #48

خلي ياهندسة

Quote: صدقني لو هزمنا الصفاقسي بالخمسة هناك سنهزمه بالستة في امدرمان

طيب ما مازيمبي هزمنا خمسة ...الحصل شنو....؟

Post: #50
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: dardiri satti
Date: 11-01-2010, 07:02 AM
Parent: #47

هارون ،
ياخوي ما تقوم تشوف ليك شغلة،
كلم جماعتك الحارسين البيت ديل،
زي ما قال ليك واحد أخونا،
قول ليهم يستعدوا لأن تمرين النهائي
حيكون بيهم .

Quote: لآعب من مويتانيا تصدق يا هارون. يطرشني
ما سمعته بيهو قبل كده. حليل تونس...

ياخي موريتانيا دي قريبة من أوروبا؛
لكن الجماعة ديل كان عندهم واحد يماني،
يماااااااني، يماني عدييييييييل كدا
أها اليمن دي قريبة من شنو؟؟
الغريبة إنهم جنسوه كمان!!!

تحياتي

Post: #66
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 04:04 PM
Parent: #50

درديري ياقريبي

وينك يامان

Quote: ياخوي ما تقوم تشوف ليك شغلة،
كلم جماعتك الحارسين البيت ديل،
زي ما قال ليك واحد أخونا،
قول ليهم يستعدوا لأن تمرين النهائي
حيكون بيهم .

شكرا...للاعتراف الضمني وانت القانوني الضليع

حارسين البيت جوه

وكان طلعنا رافعين الراس

اها نعمل ليكم شنو اكتر من كده.....؟

سلام

Post: #64
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 03:50 PM
Parent: #42

المنصوري ياعمك

Quote: نحن نحتفل ب (النظر الي نص الكاس المليان )

والله الا يكون مليان....؟

ولا بلااااااااااااش

مشتاقين

Post: #49
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: hassan bashir
Date: 11-01-2010, 06:38 AM
Parent: #40

الأخ العزيز هارون دياب

تحياتي

Quote: يطرشني ماسمعته بيهو قبل كده.....الاحتفال بالهزيمة.....!!!!!

.. يا ترى ماذ حل بأذنك تلك الأيام عندما لم تسمع عن الاستقبالات الحافلة لأبطال المريخ والمهرجان الكبير الذي أقيم بالرد كاسل وشرٌفه، بل وخاطبه السيد/ جمال الوالي احتفالاً بـ ...

Quote: حقق المريخ السوداني انجاز كبيرا للكرة السودانية وتأهل إلى نهائي بطولة كاس الاتحاد الأفريقي رغم خسارته أمام دولفين النيجيري 3/0 في اللقاء الذي جمع الطرفين عصر اليوم في نيجيريا .

ملحوظة: تلك الهزيمة الشبيهة بالنصر قادت إلى مباراة الهزيمة الشبيهة بالهزيمة

Post: #52
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: الحاج حمد الحاج
Date: 11-01-2010, 12:57 PM
Parent: #49

هارون دياب
Quote: يعني لو كنتو درنتو ساااااااكت

كنا نشوف لينا بلد تااااانية....!!!!!!

يعني لو جابو الكأس نشوف لينا قارة تااااانية

Post: #68
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 04:13 PM
Parent: #52

الحاج حمد

سلام ياصفوة الصفوة

Quote: يعني لو جابو الكأس نشوف لينا قارة تااااانية

لاي اعمك...

نشوف لينا قبر عدييييييييييل

انشاء الله بعد عمرا طويل

وهو العمر ساهل ياخوي

Post: #53
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: احمد الأمين على إدريس
Date: 11-01-2010, 01:14 PM
Parent: #49

هارون ياصفوة

الاحتفال بالهزيمة ظاهرة متأصلة عندكم تماماً والا بماذا تفسر
او تسمى تواجد الصفويين على سطح الاحداث لا ناقة لا جمل وهم بعيدون عن التنافس القارى بعد الوحدة من الاستفتاء ....
اها هسا خروجكم من الادوار الاولى وعلى يد مين ! الجيش النيجرى !
دى ما شر هزيمة ممكن يلقاها فريق وبعد دا كلو نلقاكم انت وبقية الوصيفاب مهللين وللبوستات فاتحين
وتتجلى مظاهر الاحتفالات بهزايمكم المدوية فى الخطاب الاعلامى لمجموعة المشجعين المسماة زوراً
بصحفيين فى وهج الصفوة والصدا وما الى ذلك من المنابر والوسائل فى حين كان الانفع والاجدى
الانزواء والتسبيح لفوز الهلال بالبطولة علكم تستمروا فى ضلنا ومصاحبتنا فى دورى الابطال بالمعية كدا ساكت ..

هارون يوم 14 شوفليك دوحة تانية غايتو

كما اود ان انوه الى قرب انضمامك الى قائمة من سيبلع ......فهنيئاً للبالعين رفقتك الميمونة

Post: #54
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: مريم بنت الحسين
Date: 11-01-2010, 01:19 PM
Parent: #53

متفقه معاك تماماً يا هارون (رغم اني ما لي في الكوره)... لكن بتغاظ من التخبّط بتاع الفرق السودانية بشكل عام (عارفاك مريخابي)... والفرح بالانتصارات الما مؤسسه ولا مبنيه على نظام... مبنيه على انه الفريق لما يجي السودان (إرهاب) ساي، بفوزوا عليه! ده احتفال مستمر بي الmediocrity ....

هذا والسلام للجميع هنا

Post: #55
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: وليد عبد اللطيف
Date: 11-01-2010, 03:02 PM
Parent: #54

غايتو انا يا ود الجمري فتحت بوست ( يالله درون .... هل يفعلها الهلال )
Quote: الغريبة كانوا فاتحين بوستات فوز وانهم حا يغلبوا كم كده ما عارف وشنو كدي ما بعرف
عشان تعرف انها كانت هضربة ساااااااااكت.

حاقدين انتو وهارون دياب ان شاء الله الهلال يشيل الكاس على قول ( الحاج حمد )
وتشوفوا ليكم قارة تانية

Post: #72
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 05:57 PM
Parent: #55

وليد

جاييكم بعد كورة الخرطوم

انشاء الله الفاتح ( يفتح....!!!)

وكااااااااااااااااكـ

Post: #71
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 05:56 PM
Parent: #54

استاذة / بت الحسين

حبابك 1000

Quote: متفقه معاك تماماً يا هارون (رغم اني ما لي في الكوره)... لكن بتغاظ من التخبّط بتاع الفرق السودانية بشكل عام

ايييييييوه...ده الكلام

وده كلام صفوة

تخبط وهستريا حتي عند الهزيمة....!!!

ويستثني من ذلك ( الاحمر الوهاج )

عشان نجيب ليكي الكلام مع الرشاشات ( الهلالاب )

هذا وشكرا للمرور الجميل

والمريخ عالم جميل

Post: #70
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 05:50 PM
Parent: #53

احمد الامين

مرحبتين ياجميل

Quote: هارون يوم 14 شوفليك دوحة تانية غايتو

كما اود ان انوه الى قرب انضمامك الى قائمة من سيبلع ......فهنيئاً للبالعين رفقتك الميمونة

اها يوم 14 ده الحشاش يملا شبكتو...!!!

ونشوف الببلع منو....

انا غايتو كان لي مقدم لوتري

Post: #67
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-01-2010, 04:11 PM
Parent: #49

حسن بسير

سلامات

Quote: .. يا ترى ماذ حل بأذنك تلك الأيام عندما لم تسمع عن الاستقبالات الحافلة لأبطال المريخ والمهرجان الكبير الذي أقيم بالرد كاسل وشرٌفه، بل وخاطبه السيد/ جمال الوالي احتفالاً بـ ...

مابراااااااك رديت

Quote: حقق المريخ السوداني انجاز كبيرا للكرة السودانية وتأهل إلى نهائي بطولة كاس الاتحاد الأفريقي رغم خسارته أمام دولفين النيجيري 3/0 في اللقاء الذي جمع الطرفين عصر اليوم في نيجيريا .

تأهل الي النهائي....!!!!

واخد بالك انت ....؟

فرق ياعمك....فرق

Post: #69
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: امير عوض الجمري
Date: 11-01-2010, 05:00 PM
Parent: #67

حاقدين انتو وهارون دياب ان شاء الله الهلال يشيل الكاس على قول ( الحاج حمد )
وتشوفوا ليكم قارة تانية

والله على قول هارون ذاااتو يا ولي الا نشوف لينا مقابر غايتو .

الله يطوووووووووول عمرنا يا رب ويدينا الفي مرادنا...هههههههههههههههههها

Post: #73
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: ناصر جبريل
Date: 11-01-2010, 05:59 PM
Parent: #69

العزيز هارون ..... يا راجل يا مدهش

...... ياخي انشاء الله الناس دي تعمل حاجة في المقبرة

غايتو كان عملوا حاجة عليك الله ما تجينا انت وود الجمري عشان تستمتعوا بناس الفتح ديل

Post: #74
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: haroon diyab
Date: 11-06-2010, 08:16 AM
Parent: #73

ناصر جبريل ياصاحب

سلامات واشواق

Quote: ...... ياخي انشاء الله الناس دي تعمل حاجة في المقبرة

غايتو كان عملوا حاجة عليك الله ما تجينا انت وود الجمري عشان تستمتعوا بناس الفتح ديل

ياحبيب دعوتك مقبولة

لكن لو الجماعة شالو الكاس

نبقي علي راي سعيد صالح

( لو انا نجحت وهو سافر ....اساط انا تاني ازاااااااي....؟

دعوة منها خوووووووووووف....!!!!

Post: #75
Title: Re: يطرشني ماسمعته بيهو قبل كده.....الاحتفال بالهزيمة.....!!!!!
Author: Abdlaziz Eisa
Date: 11-06-2010, 09:23 AM
Parent: #74

الصفوي هراون دياب

سلامم
ياخي لازم نشاطر الجماعة ديل..

بس نقول با الله درون

تحياتي