Post: #1
Title: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!!)
Author: haroon diyab
Date: 09-01-2010, 10:30 AM
Parent: #0
اصلو الخمسة محمداااااكم
وكااااااااااااااااااكـ....!!!!!
|
Post: #2
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 10:33 AM
Parent: #1
يعني حسع نفهم
انكم عاوزين تشيلوا الكونفدرالية......؟
|
Post: #3
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد عبد الماجد الصايم
Date: 09-01-2010, 10:37 AM
Parent: #2
لا .. ماشين نعمل سياحة في دبي ونرجع للأمل!!
|
Post: #7
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 10:42 AM
Parent: #3
ياعمكـ
| Quote: لا .. ماشين نعمل سياحة في دبي ونرجع للأمل!! |
تمشو دبي ....تمشو الجميعابي....في الاخر
نوع مازيمبي راجيييييييكم....!!!!!
بعدين ياعمكـ
اكان حصل حنقعد وين معاكم في البلد دي.....؟
|
Post: #4
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 10:37 AM
Parent: #2
Quote: يعني حسع نفهم
انكم عاوزين تشيلوا الكونفدرالية......؟ |
اتذكرته....
واحدة مسافرة لي راجلة المغترب
نست الجواز في البيت ومشت.....
دخل خاله البيت لقي الجواز...!!!!
قال ليهم بت خالكم واخوكم مسافرين.....؟
لا سافرو....!!!!!
اها....
لا شلتو....!!!!
|
Post: #6
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: الصادق صديق سلمان
Date: 09-01-2010, 10:40 AM
Parent: #4
ويييييييييييين يا هارون دياب
يا الكلك امل
وعليك الله انت لسه مؤمل
هل مازال لديك أمل
البوست دا نفهمو ليك كيف نحن وبي ياتو فهم
يعني قصدك تحبطنا
ما بتقدر
إنشاء الله قدرها
الصادق
|
Post: #9
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 10:48 AM
Parent: #6
حبيبنا الصادق
سلامات
Quote: البوست دا نفهمو ليك كيف نحن وبي ياتو فهم
يعني قصدك تحبطنا |
ياخي احباط شنو لاسمح الله
الموضوع ....اني
عاوز اوفر عليكم المشوار
الله في 
|
Post: #5
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-01-2010, 10:37 AM
Parent: #2
حسي ريقنا ناشف
نجيك بعد المويات نشوفك مالك الحاصل عليك شنو؟
|
Post: #8
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Hassan Senada
Date: 09-01-2010, 10:44 AM
Parent: #5
هارون كل عام وانت بخير الجماعة شابكين امل امل يمكن نسوا هلال الجبال وحى العرب بورسودان واسماعيلية رايح جاى
|
Post: #10
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Moawia Mohammed
Date: 09-01-2010, 10:53 AM
Parent: #8
أمشي يا و هم يا حاقد
نوعيتك دي هي الغطست حجر المريخ
قوم لف كدا
|
Post: #14
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:08 AM
Parent: #10
| Quote: أمشي يا و هم يا حاقد |
|
Post: #13
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:02 AM
Parent: #8
حسن سناده
كيفنك
ياخي انت بتقول في الامل.....؟
انا لي حسع هارني بالسفن اب بتاعت الوحدات.....!!!!!
الله يجازي الكان السبب 
|
Post: #15
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: أيمن دياب
Date: 09-01-2010, 11:09 AM
Parent: #8
والله ده المغتس حجركم أكتر وأكتر ياهارون..
يخسر المريخ من الأمل.. تجيبو سيرة مازيمبي..
عليك النبي ياهارون سيرة مازيمبي دي بتبرد ليك بطنك شوية؟؟
عليك الله افتح ليك بوست واشتغل فيهو أولادكم وقول ليهو العبوا زي الرجال..
|
Post: #16
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:15 AM
Parent: #15
ايمن دياب ياشقيقي
| Quote: عليك النبي ياهارون سيرة مازيمبي دي بتبرد ليك بطنك شوية؟؟ |
في شنو....؟ نفسك يازول
حسع قلنا شنو.....؟
دايرين نجهزكم عشان الاحباط وكده.....!!!!!
بالمناسبة....
انت زعلت يادكتور....؟
|
Post: #11
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 10:55 AM
Parent: #5
ابو حتوت
عليك الله من حسع ريقك نشف .....؟
ده حالتو ماشفتو الصفاقسي....!!!!
وحاتكـ.....
يندموك الاتاهلته
|
Post: #12
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 10:58 AM
Parent: #11
ياعمكـ
لسع الغريق قداااااااااااااااااااااااااااااام.....!!!!!
|
Post: #17
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: السيد أحمد إبراهيم
Date: 09-01-2010, 11:17 AM
Parent: #12
ياهارون
عليك الله الجقلبة الفيها المريخاب اليومين دي
براها ما بتساوي عشرين كأس . .
المريخاب خلوا المريخ وأصبح شغلهم الشاغل الهلال
النصف الأول من المريخاب شغال أمنيات وأحلام زلوط بهزيمة
مدوية للهلال تنسيهم مرارة واقعهم
الفريق ده هنا في المنبر بقيادة مواهب إدريس
وبمساعدة حسن سنادة .. والمؤسف جداً إنو هارون دياب
إنضم (الآن ) لهذا الفريق من المريخاب .. وكذلك ( النفاي )
عمر عثمان .
النصف التاني من المريخاب شغال غزل في لاعبي الهلال
القلوبهم حارة ومخلصين للشعار وعندهم وفاء وكذلك غزل
في جمهور الهلال المابستسلم حتى لو فريقه مهزوم وهذا يقوده
( الشفت ) وليد المبارك .. ياخ ده بيكتب عن نجوم الهلال
لمن تحلف تقول ده الرشيد على عمر والمدهش أن مزمل أبو القاسم
من من ضمن هذا النصف من المريخاب . .وكذلك عبد المجيد عبد الرازق
يا أخوانا أقعدوا في الواطة وشوفوا حال فريقكم ده ..
نحن دايرنكم تكونوا أقوياء .. عشان الفوز عليكم يكون ليه طعم
ياخ ما بنستمتع لمن نهزم لينا فريق خسر من الأمل عطبرة ( صاحب المركز السابع )
فسيبوا البتسووا فيهو ده وأقعدوا في الواطة .
يادوب عرفت ثنائي العاصمة عملوا أغنيتهم الشهيرة ليه ؟؟ وفصلوها بالمقاس
علي الواقع الحالي ( ناس أفراحها زايدة وناس ...... يلا تمها بإحساسك )
بس عليك الله ما تقول لي يتوحموا هههههههههههههههههههههههههه
|
Post: #20
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Dr.Elsadig Abdalla
Date: 09-01-2010, 11:23 AM
Parent: #17
سلامات ياهارون
يازول كاس شنو كمان ...فال الله ولا فالك...ديل وش كاس خارجي؟؟ديل يقعدوا يحلموا بس كده ...أحلام ظلوط !!!!!
|
Post: #23
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:30 AM
Parent: #20
دكتورنا لي حدنا
دكتور الصديق
ياخي مشتاقييييييييييييين
| Quote: يازول كاس شنو كمان ...فال الله ولا فالك...ديل وش كاس خارجي؟؟ديل يقعدوا يحلموا بس كده ...أحلام ظلوط !!!!! |
ده الكلام....
|
Post: #21
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:28 AM
Parent: #17
حبيبنا / السيد
سلامات
Quote: ياهارون
عليك الله الجقلبة الفيها المريخاب اليومين دي
براها ما بتساوي عشرين كأس . . |
ياعمك تساوي مئة كاس
لكن مايكون فيهم واحد محمول جوا.....!!!!
انشاء الله كاس ....؟( اللهم اني صائم ....!!!!)
|
Post: #18
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: omer osman
Date: 09-01-2010, 11:18 AM
Parent: #12
Quote: حسي ريقنا ناشف
نجيك بعد المويات نشوفك مالك الحاصل عليك شنو؟ |
جبت ليهم سيرة الخمسة .......
طوالي ودالبشري في عقلو الباطن اتذكر موية ترباس الشهيرة ............
|
Post: #24
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:33 AM
Parent: #18
جنابو ياحلو
سلام
Quote: جبت ليهم سيرة الخمسة .......
طوالي ودالبشري في عقلو الباطن اتذكر موية ترباس الشهيرة ............ |
داك بس قال يعني الواحد مايشرب.....!!!!
بتاع مازيمبي قال :
يعني ما......؟
وكاااااااااااااااااااااكـ
|
Post: #19
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:19 AM
Parent: #12
لغايت الوكت داك......!!!!!
|
Post: #22
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: ابراهيم محمد الحسن
Date: 09-01-2010, 11:29 AM
Parent: #19
إنتو دحين
صلاح إدريس ده كان متوقع الغرق وشايل شبشب إحتياطي
ولا في زول إتبرع ليه بشبشبو ،،
ومشى حفيان ؟!!
مجرد سؤال ،،
|
Post: #25
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:35 AM
Parent: #22
ابراهيم
كيفنك
وسؤال موضووووووووعي.....!!!!
الزول قال للمصري بعد ماشاف الاخبار
ياخي الدنيا دي كلها مأسي....!!!!
المصري رد عليهو :
هو مأسك ادي ايه.....؟ ههههههههههههههههاي
ونفس الوش بتاع جنابو
|
Post: #26
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Emad Mohamed
Date: 09-01-2010, 01:11 PM
Parent: #25
بالامل صبرت قلبى وعشت فى دنيا الامانى
هارون يا (سفوه) تالله انك لفي ضلالك القديم
دع عنك الحسد واهتم بشؤون فريقك المتهالك ياحبيب
نخريمه:
افطار ناس الدوحه في السلك.
|
Post: #27
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 01:32 PM
Parent: #26
عمده يارشاشة
سلامات ورمضان كريم
| Quote: هارون يا (سفوه) تالله انك لفي ضلالك القديم |
ياخوي انتو كلكم اتعاديتو......؟
| Quote: افطار ناس الدوحه في السلك. |
طيب ياخي ماتشرفنا لسة في 10 يوم
مودات كتيرات
|
Post: #28
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد عمر الفكي
Date: 09-01-2010, 01:51 PM
Parent: #27
هارونا،
غايتو لو "الاعمي" كتل "عنتر" انت شخصياً تاني الله تالم ترجع السودان
غايتو اكان دا الاعمي الخايفين منو على الكونفدرالية امشي اقرأ قرايتك.
|
Post: #29
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: tmbis
Date: 09-01-2010, 02:00 PM
Parent: #28
والله الدخلت فيك يا هارون من (مطــرة) مهند الطاهر .. وكــاريكا، سفرية لي عطبرة ما تطلعه ليك
غايتو يحليلك كنت كويس
لكن الرش كتر عليك
كدي حسع خليكم في دوريكم دا .. الكاس دا شعرا ما عندكم ليهو رقبـة
كورتكم الجاية لاعبين مع منـو..؟ ارتقاشــا؟؟
|
Post: #35
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:50 PM
Parent: #29
تامبا ياعمك
سلامات
| Quote: الكاس دا شعرا ما عندكم ليهو رقبـة |
يمين اليومين ديل ماشة
معاكم صفيحة طحنية سااااااكت.....!!!!
ياخي ....
الواحد عمل مقارنة بين الوالي والارباب لقي مافي
بين منير الانتر وبشة صغيرة وهاليفا
ووراغو والنفطي والمرابط ...لقي فرق السماء من الواطة
يبقي السبب شنو....؟
ياربي المطرة دي بتصب في مكان واااااااااد.....؟
|
Post: #34
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-01-2010, 11:45 PM
Parent: #28
محمد عمر
سلامات ياعمك
وطولت الغيبة
| Quote: غايتو اكان دا الاعمي الخايفين منو على الكونفدرالية امشي اقرأ قرايتك. |
انا قرايتي بقراها....!!!!
الا البغطي المستخبي شنو.....؟
الله يستر ساااااااااااااكت .....!!!!
سلام
|
Post: #30
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Emad Mohamed
Date: 09-01-2010, 02:05 PM
Parent: #27
طيب عشان ماتزعل يا(صفوه)
| Quote: طيب ياخي ماتشرفنا لسة في 10 يوم |
يشرفنى ويسعدنى, بس ياخوى انا مشوارى بعيد شويه(من ساكنى الساحل الشرقى للولايات المتحدة)يمكن السنة الجايه لو ربنا سهل.
طالبين مساعدتك فى حاجه ياصفوة: بسال من صديق عزيز مقيم بالدوحة من سنين امكن تكون بتعرفو..اخونا عبدالاله حسين عبدون,يعمل بنادى السيلية, لو امكن تجيب لينا تلفونو او ايميلو(تلفونو ضاع منى) ونكون شاكرين ومقدرين.
شكرا مقدما...اخوك عماد حامد محمد
|
Post: #31
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: أحمد الصديق
Date: 09-01-2010, 03:26 PM
Parent: #30
هلا بالحبيب هارون دياب
كدي إنت من يوم الفنان كان
بغني مسكين البدأ يأمــل،،
كنت لابد وين؟؟
ورينا وبعدين بنجي نغطيك.
|
Post: #32
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: عمران حسن صالح
Date: 09-01-2010, 03:58 PM
Parent: #31
كر يا يابا كُر
دي مصيبة شنو الجاتكـ دي يا ود عمي
ما كنت كويييييييييييييس مالو رمضان سوى فيكـ كدي
كر
يا هارون كُر
لووووووووووووووووووووووووووووووووووووول
حارقكم شدييييييييييييييييييييييييييييييييييييييد
وماليكم مغايسسسسسسسسسسسسسسسس
الله يهرد مراراتكم اكتر واكتر كمان
يمين الله كان شلنا كاس البتاعة دي بكري ده لو ما عمل لينا منبر سماهو منبر الهلالاب بسودانيز أون لاين من حسي بكلمكـ خليهو يشيل عدتو
نبقى زي منبر الشعبية ومنبر هندسة
ياهندددددددددددددددددسة انت ياخي
__________
صورة إلى أميره غاغ
|
Post: #33
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Moneim Malik
Date: 09-01-2010, 04:58 PM
Parent: #32
العجب حبيبى
سلامات ورمضان كريم
|
Post: #36
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: لطفي علي لطفي
Date: 09-02-2010, 00:47 AM
Parent: #33
خلاص يا الفالح صايم الدهر و فطرت بي بصلة
كل عام و انت بخير يا هارون
لطفي
|
Post: #37
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: حبيب نورة
Date: 09-02-2010, 03:45 AM
Parent: #36
لا ياخ
الهلال السنة دي نار منقد
الخوف بس من المطرة
|
Post: #46
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 07:18 PM
Parent: #37
حبيب نوره وحبيبنا كلنا
Quote: لا ياخ
الهلال السنة دي نار منقد
الخوف بس من المطرة |
متعودة ....دائما
وتيب.....؟
|
Post: #45
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 07:16 PM
Parent: #36
وانت بالف خير يالطفي ياحبيب
نحنا فطرنا بي بصلة
انتو يحلكم الله من المطرة
وكاااااااااااااااكـ
|
Post: #42
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 06:38 PM
Parent: #33
يامنعم
سلامات
لكن عمو ( البرنس ) بالاحمر خطيييييييير......!!!!!
|
Post: #41
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 01:05 PM
Parent: #32
عمران ياعمك
شايف صورك في الافطار
ياخي ماتمشي اغاني واغاني
بالجد تخرت احمد الصادق ظاااتو
Quote: يمين الله كان شلنا كاس البتاعة دي بكري ده لو ما
عمل لينا منبر سماهو منبر الهلالاب بسودانيز أون لاين
من حسي بكلمكـ خليهو يشيل عدتو
نبقى زي منبر الشعبية ومنبر هندسة
ياهندددددددددددددددددسة انت ياخي |
المنبر هييييييييييييين
الخوف تسمو ( سودان الهلال....!!!!)
وتمرقونا من البلد.....!!!!
غايتو....
الله لاورانا اليوم داك....وكااااااااااااااك
ياخي ماقلنا مشتاقين
|
Post: #40
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 10:28 AM
Parent: #31
احمد صديق
رمضان كريم
| Quote: ورينا وبعدين بنجي نغطيك. |
انا غطاي سااااااااااااااااهل
بس بعدين مانبقي في....
ياطارق غطي الثعلب.....
|
Post: #38
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 10:07 AM
Parent: #30
ياعمده
سلام
| Quote: اخونا عبدالاله حسين عبدون,يعمل بنادى السيلية, لو امكن تجيب لينا تلفونو او ايميلو(تلفونو ضاع منى) ونكون شاكرين ومقدرين. |
وعشان كلمة صفوة دي بس
دقائق ورقم الكابتن بكون عندك هنا
وبرضو في انتظارك
|
Post: #39
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 10:10 AM
Parent: #38
ياعماد
اتفضل
عبد الاله
0097455346497
|
Post: #43
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: عبدالوهاب علي الحاج
Date: 09-02-2010, 07:10 PM
Parent: #39
|
Post: #44
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: khaleel
Date: 09-02-2010, 07:14 PM
Parent: #43
الله يسترنا من العجين
ومن مريخ الهجين
اميييين
|
Post: #49
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 07:22 PM
Parent: #44
ياخلي
Quote: الله يسترنا من العجين
ومن مريخ الهجين |
اكان قدرتو علي التحت
الفوق هييييييييين.....!!!!!
سلام ياصاحبي
|
Post: #51
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-02-2010, 07:30 PM
Parent: #44
دياب يا عمك انت السنة الحاصل شنو عليكم يا صفوة
الجرسة الليها ضل دي شنو؟ أول مرة تطيروا و تخسرا نقاط في المحلي
ولاّ آآآآآآآآ السنة دي بابا الوالي فات فحركات التخدير بتاعة تسجيل ولدنا ومحترفين العيار الثقيل ما في ليها طريقة
كدي اقرا الصدى الليلة عمود حسن محجوب شوف الجرسة دي
Quote:
يوميات مفلس حسن مغلوب!!
بقت علينا ثلاثة.. رمضان سخن.. والهلال غالب.. والمريخ مغلوب!!
إذا لقيت ليك واحد فى نهار رمضان حانف وشو أكيد مريخابي!!
كل الجماهيرالمريخ سمها فائر وأخلاقا مكورة فى قبضة اليد!!
أنا شخصياً جاهز للعض عشان كدة ما عايز ألاقي أي لاعب من المريخ!!
بطلت قراية الجرائد عشان ثقالات خالد عز الدين!!
إنت قايل يا خالد ناس الصفاقسى ديل اعتزلو الكورة.. قاعديييييييين!!
لا أمل لعودة المريخ فى ظل هؤلاء المحبطين!!
كلمة (أمل) بقت تعمل لينا إشمئناط فى القولون المستعرض ونفسيات!!
يا قريش جيب ورق وقلم وخليك معاي جاهز للشطب!!
حراس المرمى ديل ماعندك معاهم طريقه لأنو البلد فيها أزمة حراس!!
خط الدفاع اللاعب المستواه متدهور وأخذ كل الفرص وقاعد فى كشف المريخ بالسبحة!!
اللاعب البلعب من القون للقون!!
يجب كتابة إسمو أول واحد فى الكشف!!
زميلو الصحتو مانعة ده وسبب كل البلاوي والأهداف السهلة!!
نقول كده إتنين.. الأروش ده أديهو فرصة لحدي شهر ستة!!
الاتنين المشوا بدون إذن ديل... واحد فيهم عسكري كسر إيدو!!
والتانى طويل وقوي من دون فائدة، غشانا.. اتألق في سيكافا وبقى لينا ماسورة بعد ما اتعاقدنا معاهو!!
كدة أربعة ولاحظ شداد وفات يعني الشطب ممكن يكون أكثر من سبعة!!
القصير المكير الكان شالوهو مابنشال وكان خلوهو سكن الدار!!
اللاعب الذى يلف حول نفسه والبتمتم أبوي ما بديهو!!
اللاعب اللقف خزنة المريخ وخلاها خلا والنتيجة هدف فى شجرة اللالوب!!
كدة خمسة بعدين كل اللاعبين الذين أتوا من بلد تشتهر بتصدير الزيتون!!
أولهم القديم الذى أكمل نصف دينه وفرح ولم يفرحنا إطلاقاً!!
والتانى البجيب الأهداف فى الفرق الفشنك!!
الأهداف الما بتودي ولا بتجيب ...اللاعب الفى ساعات الحارة فص ملح وبذوب!!
راقبوا الثالث لحدي نهاية الموسم كان بقى زي رفاقتوا إن شاء الله القشة ماتعتر ليهو!!
حتى اللاعب الذى كتبت فيه مالم يكتبه مالك فى الخمر!!
آن الأوان للمغادرة لو دامت لك لكانت دامت لكمال عبد الوهاب!!
وأيضا يجب أن يغادر ذلك اللاعب الذى يحافظ على نظافة قميصه الكروي!!
اللاعب الذى جلس فى كنبة سعد الله أكثر من سعد الله!!
بصراحة كدة ركز على الشباب وتكوين فريق الشباب!!
سوف نصبر ثلاث أربع سنوات ما فارقة معانا!!
لقد بلغ السيل الزبى وجفت حناجر جماهير المريخ!!
جاء زمن الحساب وبصراحة كدة جماهير المريخ مافارقة معاها!!
نسأل الله ان يعيد إلينا طمبل وكلتشي حتى تعود العافية لجسد المريخ!!
أبعد عننا المدعو فخرى يعيش ...فقد تنسمنا على يديه بأوراق الخريف!!
صديقى أبوشيبه يبدو أن الصيام طلع ليهو فى راسو وقال يجب على الفرقه الحمراء
أن تكسب المباريات التسع أولها فى كسلا والتانية فى بورتسودان .....حولا!!
إذا كان فى عطبرة جو شايلين قفطتين فى بورتسودان المسخنة دى حيجو بالشوالات!!
أنا ومجموعة من المريخاب قررنا نعمل منافسات فى السباحة ..يا حوض المريخ جاك بلاء!
عسى ولعل نجيب ليك كاس جوي بعد ما كوفرنا مع ناس عم قلق!!
سوف أسافر مع اللاعبين لمحكمة الانضباط بالكاف عشان أقول للقاضى أديلهم بالحتة الفيها الحديدة!!
زعلانين منكم جد .. دلع ودلال وتركيبة هشة وضعف وخنوع واستسلام!!
آخ وآخ ....وتمت الناقصة الهلال يغلب بالأربعة ....نمشى وين؟؟
يا جمال الوالى عامل فيها مستقيل وما هميك ...سمعت بأغنية النوم جافاني!!
كل مجلس المريخ مشترك فى المسئولية وبكرة إن شاء الله بتسحر بيكم من طرف!!
المشكله هسع مافى كاس الممتاز المشكلة إنو الهلال يجيب كاس الكونفدرالية!!
يا آدم موسى أحجز لي جنبك الاغتراب بقى حقيقة!!
|
Quote: المشكله هسع مافى كاس الممتاز المشكلة إنو الهلال يجيب كاس الكونفدرالية!!
يا آدم موسى أحجز لي جنبك الاغتراب بقى حقيقة!! |
بالله التقول قرا بوستك دا
وشوف دا برضك كلام حار جدا
|
Post: #54
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-03-2010, 00:30 AM
Parent: #51
ابو حتوت ياعمك
صباح الخير
عارف ياجميل.....
الاس دي يوم من الايام
خلت اخوك مقتنع بانو المريخ
لو قابل برشلونة احتمال برشلونة
يتعادل وااااااااارد.......!!!!!!
صحافة السلطان بدت في الظهور بعد ذهاب الوالي .
وماتستغرب اذا شفت نشر الغسيل ظهر الايام الجاية .
قول يامهون......
لكن برضو المطرة صااااااااابة
|
Post: #47
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 07:20 PM
Parent: #43
وهبه.....
انت جيت يارمضااااااااااااان.....؟
ينيلك يابوصيام....!!!!!
ويييييييييييييييينك ياعمكـ
|
Post: #48
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: waleed dawash
Date: 09-02-2010, 07:21 PM
Parent: #43
ياسلام بالله ياهارون كان لاقيت الزول الاسمو عبدو ده بلغو اجمل التحايا.
و يا ود دياب السنه دي الله يستر عليكم من الضغط والسكري ...
|
Post: #50
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-02-2010, 07:25 PM
Parent: #48
ياوليد
مشتاقين وسلامات
| Quote: ياسلام بالله ياهارون كان لاقيت الزول الاسمو عبدو ده بلغو اجمل التحايا. |
دقائق وتصلك تحاياك للكابتن عبد الاله
| Quote: و يا ود دياب السنه دي الله يستر عليكم من الضغط والسكري ... |
ياخي انت قدييييييييييييييييييم
الضغط والسكري دي مرحلة اتجاوزناها مع وفاة ايداهور
داخلين علي القلب وماشابهه
|
Post: #53
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Emad Mohamed
Date: 09-03-2010, 00:22 AM
Parent: #39
Quote: ياعماد
اتفضل
عبد الاله
0097455346497 |
شكرا كتير ياصفوة ولاعدمناك.
وهاك الدعوات الصالحات ديل عشان اتظارفت معانا:
اللهم اعد للمريخ عافيته
ونضاره وشبابه
اللهم اخذل اعداءه واجعل كيدهم فى نحرهم
اللهم وحرم عليهم كاس الكنفدرالية
ومتعة المباريات الرسمية والودية
اللهم وحطم امالهم الوردية
لنيل كاس الكنفدرالية
فتناك بعافية ياحبيب
|
Post: #55
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-03-2010, 09:53 AM
Parent: #53
اها انا جبت حاجة من عندي
ياها دعواتكم برااااااااكم
Quote: وهاك الدعوات الصالحات ديل عشان اتظارفت معانا:
اللهم اعد للمريخ عافيته
ونضاره وشبابه
اللهم اخذل اعداءه واجعل كيدهم فى نحرهم
اللهم وحرم عليهم كاس الكنفدرالية
ومتعة المباريات الرسمية والودية
اللهم وحطم امالهم الوردية
لنيل كاس الكنفدرالية |
|
Post: #52
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Elsheikh Mohd Aboidris
Date: 09-02-2010, 07:38 PM
Parent: #1
بالله شوف الحقد السبيعابي دا
معليش ما ما عندكم امل
الواحد فيكم ماشي ويفلق في الناس في الشارع بالحجارة
فليقاب سبيعاب
|
Post: #56
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: khaleel
Date: 09-03-2010, 10:53 AM
Parent: #52
هسع يا هارونا ناسكم ما حايشوفو الطيارة
الا مع الفريق القومي وينتظرو شهر فبرابر القادم
مساكين والله
|
Post: #59
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-03-2010, 11:41 AM
Parent: #56
ياخلي
كدي سيبك من الطيارة
مقال مزمل ده معاك كيف.....؟
شايفو رفع كثافة عباس.....!!!!!
|
Post: #57
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-03-2010, 11:09 AM
Parent: #52
طبعا المقال بتاع مزمل ده
الليلة بكون رفع ليهو ضغط
ناس كتااااااااااااار
Quote: فرق بين المجدد.. والمقلد!
* مساعي الهلال للفوز ببطولة الكونفدرالية مشروعة ومبررة.
* واجتهاد الأهلة لتحقيق أول لقب قاري في تاريخهم يُحسب لهم.
* ونعترف أن الهلال اجتهد بشدة لتحقيق حلمه الكبير خلال السنوات الأخيرة، وأنه كان دائم الحضور في مراحل متقدمة قارياً، وحقق نتائج لافتة وانتصارات تستوجب الإعجاب.
* لكن إصرار إعلام الهلال على ربط طموحات الهلال الخارجية بالسخرية من المريخ مضر بها لأسباب عديدة، لأن المقارنة لن تصب في مصلحتهم!
* إذا بلغ الهلال نهائي الكونفدرالية الحالية سيكون حقق ما فعله المريخ عام 2007!
* وإذا فاز باللقب سينجز ما فعله شقيقه الأكبر قبل 21 عام!
* وطالما أن بعض كتاب الهلال مصرون على عقد المقارنات بين العملاقين فإننا نقبل طرحهم وسنجادلهم به!
* المريخ هو الرائد والمجدد في عالم الكرة السودانية لأنه نال لقب أول ناد سوداني يحقق بطولات إقليمية، وأول ناد سوداني يحقق بطولة قارية!
* هذه حقائق ثابتة لن تمسحها ثقالات العالم كله!
* والتاريخ يحتفي عادةً بالمجددين ويخلد المكتشفين ولا يحفل بالمقلّدين!
* خلّد التاريخ ماركوني باعتباره مخترع التلغراف، ولم يذكر من استخدموا التلغراف بعد ماركوني!
* وحفظ التاريخ لمدام كوري وزوجها أنهما كانا أول من اكتشف عنصري الراديوم والبولونيوم، ولم يحفل بمن استخدموا العنصرين المذكورين لاحقاً!
* وخلد التاريخ الإخوان رايت بصفتهما أول من اخترع الطائرة، ولم يذكر من طوروا الطائرات!
* وذكر التاريخ ألفرد نوبل مخترع الديناميت، ولم يحفل بهوية من استخدموا الديناميت من بعده!
* واحتفت كتب التاريخ بإلكسندر فيلمنج مكتشف البنسلين، ولم تهتم بمن غنوا للبنسلين يا تمرجي!
* وتم إطلاق اسم أميركو فيسبوتشي على قارة أمريكا، ولم ينشغل التاريخ بهوية من زاروا أمريكا بعد أمريكو!
* وبالمثل خلد التاريخ المريخ واحتفى به في عالم الكرة السودانية لأنه أول من استكشف عالم البطولات الخارجية بين أقرانه، لذا فتحت له أبواب القصر الجمهوري وتم تكريم لاعبيه بأرفع الأوسمة والجوائز!
* ولن يحفل التاريخ كثيراً بمن يسيرون على درب المريخ في البطولات الخارجية لاحقاً، هذا إذا ساروا طبعاً!
* لكل مجالٍ رائد، والمريخ هو رائد البطولات الكبيرة والألقاب الخارجية في السودان، وما دونه مقلدون!
* يقول المصريون (اللي سبق أكل النبق)!
*علماً أن الأهلة لم يبلغوا درجة (مقلد)، إذ أنهم ما زالوا في طور التقليد، ولم يفرغوا من محاكاة المريخ بعد!
* بعد أن يجتهدوا ويتفوقوا على أنفسهم ويفوزوا بكأس الكونفدرالية بعون الله سينالون لقب (مقلدي المريخ)!
* ولن ينالوا الخلود، لكن البجاور السعيد يسعد!
آخر الحقائق
* يا خالدونا المريخ ما بتلحق!
* حتى في مجال الثقالات، ثقالتنا عينة!
* والمغالط يطالع منتديات وصيف البلد اليوم، وصحفه غداً!
* ولو أغلق المريخاب ناديهم لمدة نصف قرن سيظل يحمل لقب أعظم أندية السودان.
* لا تستكثروا الخمسين عام، فمساعيكم للظفر بلقب خارجي امتدت 44 عاماً!
* حتى في النشأة نحن السابقون وأنتم اللاحقون!
* وفي البطولات الخارجية ريادتنا لا تقبل الجدل!
* اجتهدوا تتجعرنوا!
* ابتكارات المريخ استعصت على سواه!
* هو القائد وهو الرئيس.
* أول ناد سوداني أحرز بطولات إقليمية، وبطولة قارية، وبطولات خارجية غير رسمية.
* في بطولات الكاف المريخ في السجل الذهبي، والآخرون يسعون لتقليده في مجال التنقيب عن الذهب.
* وفي سيكافا أسوأ مركز للمريخ الأفضل لغيره!
* وعلى المستوى المحلي: لدى المريخ الدوري المقفل، والمقفل ناقص نقطة!
* وأول وأطول متوالية في تاريخ مباريات القمة!
* وأول كأس في تاريخ الكرة السودانية ناله المريخ في العام 1934 بهدف عوض أبو زيد في مرمى بري!
* وأول هدف في مباريات القمة بواسطة الثعلب الزين الشفيع في مباراة سوق القش الشهيرة!
* وهو أول ناد سوداني يصدر صحيفة، وقد جاراه وصيفه لاحقاً وأصدر صحيفته ثم توقفت!
* حتى في الجرايد نفسكم ما طويل يا خالدونا!
* وتقليدكم غير متقن، ( فرق يا إبراهيم)!
* أول ناد سوداني بنى مسرحاً، أول ناد سوداني شيد مقراً متعدد الطبقات وإستاداً ثنائي الطوابق!
* أول ناد سوداني مزق ثوب العصبية الضيق ونبذ أسماء الأحياء.
* حتى إخفاقات المريخ خلدها التاريخ لتفردها، لأنه أول ناد في العالم خسر لقب الدوري دون يُهزم!
* وعندما خسر أمام الهلال في كأس السودان تذكر الناس أن هجوم الهلال لم يهز شباك المريخ لمدة 20 عام!
* ومن قبل هز ماجد أبوجنزير شباك الهلال 11 مرة في 8 مباريات متتالية ولم يستغرب أحد!
* لكن جكسا دخل التاريخ بهدف وحيد في شباك المريخ، لأنه أوقف به أول وأطول متوالية!
* وبهدف وحيد خلد الأهلة سيرة حلاوة جكسا!
* علماً أن المريخاب لم يخلدوا أهداف ماجد على كثرتها، لأنه قلد الزين الشفيع ولم يأت بجديد.
* حتى في الدوري الممتاز، حقق المريخ أول متوالية عندما فاز بالكأس 3 مرات متتالية!
* ومن بعده جاء المقلدون.. واجتهدوا للتفوق على المجددين!
* تعودت جماهير المريخاب على الإنجازات والانتصارات، لذا تشعر بالضيق من غيابها حالياً!
* لا عليكم يا صفوة، فالمريخ هو المعلم والكتاب!
* وما يحدث له حالياً يمثل فرصة جديدة لإظهار تميزه، حتى في مجال إدارة الأزمات!
* شتان بين المجدد والمقلد!
* حتى في السوق: البضاعة التايوانية لا تنافس اليابانية!
* المقلدون يمتنعون!
* فرغنا من الرد على غلاة الفيفاب، وتفرغنا للرد على كُتاب الصفيراب!
* غداً تطالعون عشرات الردود على هذا المقال من إعلام الفوفوزيلا الصفرية!
* وأولها من مقلد عز الدين، والتقليد علي عمر! |
|
Post: #58
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: abas
Date: 09-03-2010, 11:31 AM
Parent: #57
سواطة الابري حاره
والعصيده في عصر رمضان بالفحم حاره
ومباراة الامل وحي العرب حاره
ووووووووووووووووووووب عليكم من سوات الجبنه
بره بره مافي
فتو بي بطنكم رجعتو بي نقطتكم
|
Post: #60
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: khaleel
Date: 09-03-2010, 11:47 AM
Parent: #58
Quote: ياخلي
كدي سيبك من الطيارة
مقال مزمل ده معاك كيف.....؟
شايفو رفع كثافة عباس.. |
يا هارونا
مزمل اذا لم يشتم الهلال جريدتو ما بتباع
الا يبيعها لمحلات التمباك والاسماك
|
Post: #61
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-03-2010, 11:51 AM
Parent: #60
| Quote: مزمل اذا لم يشتم الهلال جريدتو ما بتباع |
لكن....
مرات ...مرات بيتجلي ويكتب ليهو كلام زي
الدكوة.......!!!!
|
Post: #62
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-03-2010, 11:53 AM
Parent: #61
بالمناسبة ياخلي
صور تكريم المهندس كيكي
نزلت في بوست الافطار
اها عاوزين لينا ندوة كاااااااااربة
عن العلاقة بين الرشاشة والمطرة......!!!!!
|
Post: #63
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-04-2010, 07:01 AM
Parent: #58
ياعباس
صباح الخير
Quote: سواطة الابري حاره
والعصيده في عصر رمضان بالفحم حاره
ومباراة الامل وحي العرب حاره
ووووووووووووووووووووب عليكم من سوات الجبنه
بره بره مافي
فتو بي بطنكم رجعتو بي نقطتكم |
يازول مزمل الليلة
رافع رجله من البنزين شوية .
ارجو الراجيكم بكرة
قال ده السم القدر عشاكم .
انا مااااااااااااااااااااالي.....!!!!!!!!!
|
Post: #64
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-05-2010, 05:56 AM
Parent: #63
Quote: الكاردينال تعال.. سكت الهلال!
* البيئة تؤثر على الإنسان!
* صرح هيثم متحدثاً عن جوع زملائه فقال الكاردينال: لن أدعم الهلال ولو بساندوتش فول!
* وتصريح الكاردينال يتناسب مع البيئة التي سبقت تعيين المجلس الجديد.
* من قبل دخل الشاعر علي بن الجهم على الخليفة المتوكل، وكان بدوياً قاسياً وجافاً، فأنشد قائلاً: (أَنتَ كَالكَلبِ في حِفاظِكَ لِلوُد وكالتَيسِ في قِراعِ الخُطوبِ، أَنتَ كَالدَلوِ لا عَدِمناكَ دَلواً.. مِن كِبارِ الدِلا كَثيرَ الذَنوبِ)!
* شبه ابن الجهم الخليفة بال###### والتيس والدلو، فكاد ندماء الخليفة يفتكون به، لكن المتوكل منعهم لأنه عرف حسن مقصده وخشونة لفظه، وقال لهم: (مدحنا بأفضل ما عنده)، ثم طلب منهم أن يتركوه ليتأقلم على عالمه الجديد، ويستمتع برؤية الماء والخضرة والوجه الحسن!
* منح الخليفة المتوكل علي بن الجهم بيتاً جميلاً في الرصافة، وعلى شاطئ دجلة وبالقرب من جسر بغداد، وفيه بستان يتخلله نسيم لطيف يغذّي الأرواح،
* أقام صاحب ال###### والتيس حيناً في بيئته الجديدة، ثم استدعاه الخليفة بعد فترة ، فحضر وأنشد قائلاً: (عيون المها بين الرصافة والجسر، جلبن الهوى من حيث أدري ولا أدري)!
* وقال: وبتنا على رغم الحسود كأننا.. خليطان من ماء الغمامة والنهر!
* ما أشبه حال الكاردينال بحال علي بن الجهم حين قال: لن أدعم الهلال ولو بساندوتش فول!
* أشرف الكاردينال شاعر، وعلي بن الجهم شاعر!
* وكلاهما تأثر ببيئته، وما يحيط به!
* وتأثير البيئة على البشر قوي.
* ومن الطبيعي أن يتحدث مرشح الرئاسة عن الفول بعد أن تحدث كابتن الفريق عن الجوع!
* لو أقام الكاردينال في المفخرة عدة أشهر مثلما أقام ابن الجهم بجوار نهر دجلة، ولو تعلم الكاردينال في جامعات الصفوة وتشبع بأدبياتها وتعود على أجوائها الجميلة ونال بكلاريوس دبي الذهبي ودبلوم الشارقة ليبرتي وماجستير سيكافا ون وتو ودكتوراه مانديلا لما تحدث عن ساندوتشات الفول، ولنطق بأحلى العبارات قال على أسوأ الفروض: لن أدعم الوصيف ببطولة جوية، أو: لن أبني للهلال حوض سباحة!
* ولربما قال: لن أبني للهلال طابقاً ثانياً!
* فرق يا إبراهيم!
آخر الحقائق
* بحسب كُتاب بني الأزرق: رئيس الهلال الجديد يوسف أحمد يوسف ولدنا!
* ونائب الرئيس (علي قاقارين) بالثابتة ولدنا!
* تربى قاقا عندنا، وشرب لبنا، ولعب في أشبالنا ولبس شعارنا!
* والأمين العام الجديد مالك جعفر ولدنا، ويسوق شعاراتنا!
* وهناك من يزعم أن عبد الله الجراري أيضاً ولدنا!
* كان اتحادي وصفوة!
* هيمنة المريخاب شملت كل أنحاء الوسط الرياضي!
* الوزير الاتحادي سوار ولدنا!
* والوزير الولائي ونسي ولدنا!
* رئيس الاتحاد العام ولدنا!
* رئيس اتحاد الخرطوم ولدنا!
* الكاردينال ذاتو لو زار المفخرة كان بقى ولدنا!
* الكاردينال تعال، أدعم الهلال!
* المؤتمر الوطني ونادي السينما الوطنية اندمجوا!
* حبايبنا الحلوين.. فرحانين بالتعيين!
* راح الحديث عن الديمقراطية والسينما الوطنية والصفيراب الأوائل خُماسي في مازيمبي!
* مسيرة البحث عن شبيه للوالي مستمرة، ولو بالتعيين.
* والوالي نسيج وحده، تكراره مستحيل!
* الفيكم اتعرفت!
* ونادي الحكومة ذاتو اتعرف!
* رئيس الوصيف.. رئيس الغرفة التجارية.
* لو أقام علي بن الجهم يوم واحد في العرضة جنوب كان بقى مريخابي!
* ولو أقام في العرضة الشمالية كان واصل نهجه الأول!
* وعشان ما تزعلوا قالوا واحد مريخابي حضر مباراة الهلال والجيش النيجري!
* كل ما فريق يجيب قون صاحبننا ينطط ويهلل!
* سألوه: كيف تنطط للفريقين؟ قال: ممغوص منهم.. الاتنين غلبونا!
* المريخاب الغتيتين يصفقون باعتبار ما سيكون!
* نظام دفع مقدم، ولو حتى نبدأ من الصفر! |
|
Post: #65
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-05-2010, 06:53 AM
Parent: #64
صحي بعد الوالي شال عدتو اعلنتو ترشيد النفقات وكدا
أجرتوا لي عطبرة حافلتين هايس و بوكس 81 للعفش وفي رواية في مقعدين فاضيات تميتوهن من السوق الشعبي بنص تذكرة وكدا
واسي كمان وارغو اعرتوه مجاني بي باقي رواتبو
يا زول ما مشكلة ظروف وتعدي والله كريم
اسي شوف لينا الكلام دا كيف
دي ح تعملوا فيها شنو؟
|
Post: #66
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-05-2010, 10:51 AM
Parent: #65
يا ابوحتوت
سلام
دي ح تعملوا فيها شنو؟
يمين ختيتنا في الحتة الضيقة.....!!!!!!
|
Post: #67
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: waleed dawash
Date: 09-05-2010, 12:47 PM
Parent: #66
Quote:
* هيمنة المريخاب شملت كل أنحاء الوسط الرياضي!
* الوزير الاتحادي سوار ولدنا!
* والوزير الولائي ونسي ولدنا!
* رئيس الاتحاد العام ولدنا!
* رئيس اتحاد الخرطوم ولدنا!
* الكاردينال ذاتو لو زار المفخرة كان بقى ولدنا!
* الكاردينال تعال، أدعم الهلال!
* المؤتمر الوطني ونادي السينما الوطنية اندمجوا!
* حبايبنا الحلوين.. فرحانين بالتعيين! |
الله يسالك يا هارون .... في زول عاقل يدفع
500 جنيه كل يوم عشان يقرا الكلام الفاضي ده؟
|
Post: #68
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-06-2010, 11:53 AM
Parent: #67
وليد الجميل
سلامات
Quote: الله يسالك يا هارون .... في زول عاقل يدفع
500 جنيه كل يوم عشان يقرا الكلام الفاضي ده؟ |
ياخوي الزول ده قال :
عمودي بقرو الهلالاب قبل شاي الصباح
اها تاني في كلام.....؟
|
Post: #69
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-06-2010, 01:51 PM
Parent: #68
الزول دا يا هرون رئيس تحرير صحيفة نشرت لقاء مع اتوفستر قبل كم يوم اشاد فيه ببلة جابر و قال انو كان بعتمد عليه
مع العلم ان بلة اتسجل للوصيف بعد استقالة اتوفيستر
اها دا يكون من شنو ؟
يا اللقاء مفبرك من اساسو و دي يتحمل مسؤوليتها رئيس التحرير و الصحفي
يا كمان اتوفيستر يكون جاه الزهايمر و بقى ينسى وكدا
|
Post: #70
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-07-2010, 07:20 AM
Parent: #69
ود البشري ياعمك
Quote: مع العلم ان بلة اتسجل للوصيف بعد استقالة اتوفيستر
اها دا يكون من شنو ؟
يا اللقاء مفبرك من اساسو و دي يتحمل مسؤوليتها رئيس التحرير و الصحفي |
يا انتا معلومتك غلط.....!!!!!
|
Post: #71
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-07-2010, 07:29 AM
Parent: #70
صححني طيب
|
Post: #72
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Hassan Senada
Date: 09-07-2010, 08:12 AM
Parent: #71
بحسب كُتاب بني الأزرق: رئيس الهلال الجديد يوسف أحمد يوسف ولدنا!
* ونائب الرئيس (علي قاقارين) بالثابتة ولدنا!
* تربى قاقا عندنا، وشرب لبنا، ولعب في أشبالنا ولبس شعارنا!
* والأمين العام الجديد مالك جعفر ولدنا، ويسوق شعاراتنا!
* وهناك من يزعم أن عبد الله الجراري أيضاً ولدنا!
* كان اتحادي وصفوة!
* هيمنة المريخاب شملت كل أنحاء الوسط الرياضي!
* الوزير الاتحادي سوار ولدنا!
* والوزير الولائي ونسي ولدنا!
* رئيس الاتحاد العام ولدنا!
* رئيس اتحاد الخرطوم ولدنا!
* الكاردينال ذاتو لو زار المفخرة كان بقى ولدنا!
اها ياود البشرى رايك شنو بقينا نسلفكم حتى الكوادر الادارية قالوا مفلسين سلفناكم فلوس حتى الادارة ياكافى البلاء والله مشكلتكم مشكلة والعجب يا ود البشرى مرتضى الزليعى طلع مريخابى وكاااااااااااااك
|
Post: #73
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Osama Mohammed
Date: 09-07-2010, 10:23 AM
Parent: #72
Quote: بحسب كُتاب بني الأزرق: رئيس الهلال الجديد يوسف أحمد يوسف ولدنا!
* ونائب الرئيس (علي قاقارين) بالثابتة ولدنا!
* تربى قاقا عندنا، وشرب لبنا، ولعب في أشبالنا ولبس شعارنا!
* والأمين العام الجديد مالك جعفر ولدنا، ويسوق شعاراتنا!
* وهناك من يزعم أن عبد الله الجراري أيضاً ولدنا!
* كان اتحادي وصفوة!
* هيمنة المريخاب شملت كل أنحاء الوسط الرياضي!
* الوزير الاتحادي سوار ولدنا!
* والوزير الولائي ونسي ولدنا!
* رئيس الاتحاد العام ولدنا!
* رئيس اتحاد الخرطوم ولدنا!
* الكاردينال ذاتو لو زار المفخرة كان بقى ولدنا!
اها ياود البشرى رايك شنو بقينا نسلفكم حتى الكوادر الادارية قالوا مفلسين سلفناكم فلوس حتى الادارة ياكافى البلاء والله مشكلتكم مشكلة والعجب يا ود البشرى مرتضى الزليعى طلع مريخابى وكاااااااااااااك |
يا لفقركم وبؤسكم اصبحتم علماء في الانساب والانتساب وفريقكم اصبح ملطشة . كلما ارى الحسادة والحقد يزينان كلام وكتابات اهل المريخ اعلم ان فريقهم يمر بمحنة حالتكم بالجد تحنن حنة شديدة ..وما كنت احسب هارون يخوض مع الخائضين فاذا به (كبير ) الخائضين .... قلتا لي ما طار طائر وارتفع ، تيب انتو ليكم كم سنة ما ارتفع .
|
Post: #98
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-21-2010, 07:36 AM
Parent: #73
اسامه ياعمك
سلام
| Quote: وما كنت احسب هارون يخوض مع الخائضين فاذا به (كبير ) الخائضين |
وضحك حتي بانت ( نواجزه...!!!)
يمين ( نواجزه دي ماعارفه ياتا فيهم...
|
Post: #74
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-07-2010, 11:08 AM
Parent: #72
شيخ سنادة حالتكم تحنن قلب الكافر
قلتو لي خلاس لا مشاركات خارجية لا تنافس دولي قعدتو في رصيفكم دا و اتمحنتوا وبقيتوا لي سماحة الوصف
دا هلالابي و دا مريخابي
الخوف بي الحال دا المحلي زاتو في غضب الله
بعدين شنو الحكاية الـ"قلعة" الحمراء بقت البركة الحمراء ولاّ كيف
كدي هاك سلّي صيامك بالعمود دا - من الصدى برضك خلّي بالك
Quote:
يوميات مريخابي لافي صينية!!
* لا أجد ما أقوله للاعبى المريخ غير عبارة الله يسامحكم يا لاعبى المريخ
رفعتونا فوق وفجأة عيونا ما شافت إلا النور وخليتونا لافين صينية!!
* الليلة نحن مع المنتخب الوطني وحنشجع بس لاعبى الهلال!!
* يعنى بالمختصر كدة لمن تستلموا الكورة حنغمض عيونا وندعو ليكم..!!
* كنت أود أن أحضرها لايف لكن قالوا فى زريبة العيش عملت طوالى ترس خلف
مازدا.
* قالوا الروح المعنوية عالية وعازمون على حصد أول ثلاث نقاط!!
* ذكرتني غانا ورائعة كابلى ثلاثة قدور محلبيه وثلاثة قدور سرتية وثلاثة قدور ريحة نية!!
* إسماعيل عطا المنان قال الكنغو لن تفلت من الهزيمة هو الكلام بقروش ياسمعة!!
* يا مزمل يعقوب حضر الدفار وجيب معه بطاح عشان زكاة الفطر هوادة!!
* على العموم ماعايز أكسر المجاديف لكن لاعبي المريخ طممو بطنا من الفرجة وسيرة الكورة!!
* نتمنى ونحن فى أواخر هذا الشهر الفضيل أن يخذلنا لاعبونا ويفرحونا بثلاثية!!
* ولا أقول ليكم جيبو المسمار الجماهير بتتم ليكم باقي الوقت!!
* بلة جابر قال: لا نهاب محترفي الكونغو.. إنت يا بلة جوز كرعيك ديل أقدر عليهم!!
* ود ضيف الله قال: تقبلت قرار رفض سفري لمعاودة والدتي المريضة بصدر رحب!!
* إنت لمن كانت لياقتك فل أمام الأمل عملت شنو؟؟ ...خلوهو يمشي القشة ما تعتر ليه!!
* لو كنت مكان قريش لاصطحبت الثلاثي للدندر والرجاف والبجراوية طالما جو سياحة!!
* مبرووك لصديقي الدبلوماسي الراقي علي قاقارين عودته للإدارة في نادي الفلس والفول
والذى صرح بأنهم سوف يعملون على حل المشاكل المالية بالنادي!!
* أنصحك بأن تسير على خطى سلفك سياسة التجويع وسندوشات الفول وصباع الموز!!
* أى همبرغر ولا بسبوسة العبد حتفارقو الأربعات فراق الطريفى لجملوا!!
* فى زول فى الدنيا دي بتصور الذى حدث للمريخ ... عين واحد فاطر نهاراً جهاراً فى رمضان!!
* المريخ الذى نشأ فى حي المسالمة مكمن السحر ومبعث الشعر!!
* الحى الذي ضم بين جوانحه (صفوة) القوم الذين أتوه من كل حدب وصوب!!
* كان اسمه (المسالمة) لي فى المسالمة غزال ..وظبية المسالمه الفي الخمائل حايمة!!
* يجى واحد اسمه صالح يجيب فيه قون لا أدرى لماذا تذكرت صالح اليماني وفول الهلال!!
* مش حقو يا صديقي قلق تمشوا ميدان الأمم المتحدة والباقي تمو خيال!!
* المريخ هو المسالمة ياسفاري احتضن المزيج من الأعراق والأديان موطن الإبداع!!
* سيد عبد العزيز عبيد عبد الرحمن على أبو الجود زنقار إبراهيم عوض أحمد الجابري سيف الدسوقي برعي أحمد البشير الطاهر إبراهيم!!
* لذا كان لابد أن يكون وراء مؤسسة المريخ حركة مجتمع مستنير كمجتمع المسالمة
انصهرت فى بوتقته الديانات والثقافات فصار مظهراً لتوحد أهل السودان!!
* يجي واحد قصير من نيجيريا يلت ويعجن ويلف ويدور ويضيع الكورة فى خط ستة؟؟
* تخيلوا بس الرمز الخالد والأب الروحي للمريخ شاخور حي وحضر مبارة الأمل!!
* المريخ يمرض ولكنه كما قال شاخور عندما حل نميري جميع الأندية الرياضية!!
* المريخ باق وإن أراد له نميري أن يموت ..المريخ باق وإن أراد له لاعبو المريخ أن يموت
غاسروكا قال عايز جواز سفر والجواز عند الداخلية والداخلية مطالبة غاسيروكا بالحضور
ويحلها الشربكها أقول ليك يا غاسيروكا آخر كلا م خليك.. الورقة بتجيك لحدي عندك!!
* بقدرة قادر تحولت مبارة الميرغني للثامن عشر من هذا الشهر!!
* وهي فرصة للاعبي المريخ لمصالحة جماهيرهم والاستعداد من الآن!!
* ألقينا المنديل منذ مباراة الأمل فهل هناك أمل؟؟
|
كااااكي سمح
|
Post: #75
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-07-2010, 11:23 AM
Parent: #71
علي قولك
بعد الفطور حسع ريقنا ناشف
|
Post: #76
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-07-2010, 11:34 AM
Parent: #75
نشاف الريق العليكم دا يا ابوي ماااا ظنيتو بتبل ليكم بي آبري
لا وكمان كان لحقنا جبنا الفلانية تشربوا ما ترووا
عموما هاك اللنك بتاع الحوار http://alsadda.net/topics.php?topic_id=11205&on=1
Quote: نجم ومدرب
أوتوفيستر: بلة جابر لاعب ذكي.. ويمكنه الاحتراف في الدوريات الأوروبية دون أدنى جدال
يدافع ويهاجم بحماس.. ويملك طاقة جبارة.. ولا يوجد ظهير أيمن أفضل منه في الكرة السودانية
أفضل من يقود الهجمة المرتدة من الأطراف.. ومشكلته أنه لا يجد لاعبين سريعين مثله
انطلاقاته السريعة تؤمن منطقته تلقائياً من هجمات الخصوم.. يشغلهم بتحركاته فلا يفكرون في التقدم وتشكيل خطورة من جهته
كنت أعتمد عليه كثيراً ويمنحني الحلول.. وجابر ينتظره مستقبل كبير
يعتقد الألماني أوتوفيستر مدرب المريخ الأسبق أن بلة جابر لاعب ذكي وأن من يعتقدون أنه من اللاعبين الذين يفتقدون هذه الميزة عليهم مراجعة اعتقادهم، ونبه إلى أن بلة جابر لاعب صغير السن ومتميز وصاحب مجهود جبار وسرعة ورأى أنه لاعب مهاري يجيد الالتحام وعكس الكرات والاختراق وأفاد أنه يلعب بحماس زائد في بعض الأحيان لذلك يرتكب أخطاء ويتدخل بعنف أمام المنافسين، وقطع بأفضليته مشيراً إلى أنه أفضل ظهير أيمن في الكرة السودانية وأفضل من يقود الهجمة المرتدة عن طريق الاطراف، واعتبر أن مشكلة بلة جابر أنه لا يجد لاعبين سريعين مثله لذلك يكون هناك عدم انسجام في بعض الأحيان مع زملائه، ونبه إلى أنه يهاجم ويدافع بقوة ورأى أن قدراته تمكنه من اللعب في وسط الملعب وفي الهجوم وكشف أنه كان يعتمد عليه كثيراً وأنه كان يمنحه الحلول اللازمة وأكد المدرب الألماني أن انطلاقات بلة جابر السريعة على الجهة اليمنى تجعله يؤمن منطقته تلقائياً ويجعل لاعبي الخصم في هذه الناحية منشغلين طوال الوقت بإيقافه فلا يفكرون في التقدم وتشكيل خطورة من جهته ولم يتردد المدرب المخضرم في ترشيح بلة جابر للاحتراف في أوروبا مؤكداً أنه سينجح حال خاض التجربة لأنه لاعب قوي وصاحب تكوين جسماني ممتاز وصاحب لياقة عالية وعنده رغبة في تطوير نفسه.
حديث غير صحيح
قال أوتوفيستر في حديث للصدى عبر الهاتف من خلال باب نجم ومدرب: من يعتقدون أن بلة جابر لاعب غير ذكي ليسوا دقيقين، بلة جابر فعلاً من اللاعبين الأذكياء، في تقديري أنه لاعب جيد جداً وواحد من أفضل اللاعبين الذين أشرفت على تدريبهم في المريخ، لديه كل مقومات اللاعب المتميز، سريع، قوي، مهاري والأهم من كل ذلك أنه من اللاعبين الذين لديهم الرغبة في تطوير أنفسهم وقدراتهم، دائماً يريد أن يكون الأفضل من بين زملائه، يؤدي بغيرة وحماس ويرفض الهزيمة وكل هذه المواصفات مطلوبة وتجعل بلة جابر من نوعية اللاعبين الذين يفضلهم المدربين، أنا شخصياً كنت معجباً ببلة جابر وأرى أنه لاعب مفيد ومهم ومؤثر في التشكيلة، لما لا وهو لاعب صاحب قدرات ودائماً ينفذ ما أطلبه منه على الوجه الأكمل، ومن كل النواحي بلة جابر لاعب مطلوب لا يخلق مشاكل ولا يعرف التخاذل، لاعب منضبط وجاد وملتزم ولا يتعرض للاصابات باستمرار وهذا يعود إلى أنه لاعب قوي في الأصل وصاحب لياقة عالية.
حماس كبير
نوه المدرب المخضرم إلى أن بلة جابر يؤدي بحماس وغيرة وقال: اتفق مع من يعتقدون أن حماسه يزيد عن الحد في بعض الأحيان وأنه ينبغي عليه أن يسيطر على الحماس الدافق الذي يعرضه للبطاقات الملونة في كثير من الأحيان لأنه يندفع ويرتكب أخطاء، يتدخل بعنف مع لاعبي الفريق المنافس والغرض بالتأكيد انتزاع الكرات ولأنه كما أوضحت من اللاعبين الذين يرفضون الهزيمة ويطلبون النصر دائماً لذلك يطلق العنان لحماسه من دون حساب في بعض الأحيان فيأتي هذا الأمر بنتائج عكسية ويجعله يحصل على إنذارات قد تجعله يتوقف ويفتقد الفريق جهوده، وكنت دائماً أتحدث معه في هذه الناحية.
اللاعب الأميز
رأى أوتوفيستر أن بلة جابر أفضل ظهير أيمن في السودان وقال: لست متابعاً للكرة السودانية حالياً ربما يكون هناك لاعبين جدد في هذه الوظيفة ولكن وفقاً لفترتي ومتابعتي للكرة السودانية وقتها أعتقد أنه أفضل ظهير أيمن، ويتفوق على أي ظهير آخر بفضل المميزات التي يمتلكها.. وفي رأيي أن بلة جابر أفضل من يقود الهجمة المرتدة عن طريق الأطراف ويستغل في هذه الناحية سرعته ورشاقته وخفته في التنقل وتخطي المدافعين ويستفيد من لياقته العالية، المشكلة أنه لا يجد من حوله لاعبين سريعين مثله، ولذلك يبدو نشاذاً في بعض الأحيان والمشكلة ليست فيه تكون في اللاعبين القريبين منه عادة لأنهم ليسو سريعين كفاية وبلة جابر يحتاج إلى لاعب وسط سريع إلى جواره لأنه يريد أن يسلم الكرة للاعب الوسط القريب ويتحرك بسرعة خلف المدافع ويحتاج للاعب بنفس سرعته بحيث يتفاهم معه وينسجم، وعندما لا يكون هناك لاعب وسط سريع يبدو بلة جابر نشاذاً ولذلك يقول البعض أن بلة جابر لاعب غير ذكي أو أنه لا يعرف كيف يتصرف في الكرة، ولكنني أعتقد أن بلة جابر لاعب ذكي وممتاز وتتوافر فيه كل مواصفات اللاعب الجيد كما ذكرت.
الدفاع والهجوم
ذكر أوتوفيستر إنه من النادر أن تجد لاعباً تتوافر فيه القدرات الدفاعية والهجومية وقال: اللاعبون الذين يشاركون في وظيفة الظهير ينبغي أن تتوافر لديهم القدرات الدفاعية والهجومية، هناك مباريات تتطلب أن تطلق العنان للجانب الهجومي في اللاعب وهناك مباريات تحتاج لاستخدام الجانب الدفاعي بالكامل وفي بعض المباريات تحتاج إلى التوازن، وفي تقديري أن بلة جابر تتوافر فيه المواصفات الهجومية والدفاعية بحيث يستطيع تنفيذ الشق الهجومي على الوجه الأكمل وكذلك ينفذ الجانب الدفاعي من دون ملاحظات وأرى أنه يمكنه أن يفيد فريقه في وظائف أخرى، يستطيع اللعب في وسط الملعب وفي خط الهجوم وكل ذلك القدرات الكبيرة التي يملكها كما انه يستطيع منح فريقه حلول ناجعة بالتسديد من خارج منطقة الجزاء وهو سلاح مهم يلجأ اليه اللاعبون عندما يكون هناك فريق يؤدي بطريقة دفاعية.
اعتماد كبير
أفاد المدرب العجوز انه كان يعتمد على بلة جابر كثيراً وقال: لا أخفي أنني كنت معجباً به دائماً أحب اللاعبين الجادين وبلة لاعب جاد، كان يمنحني الحلول المطلوبة واستفيد من سرعته في الكثير من الأحيان، انطلاقاته السريعة من الجهة اليمنى تجعله يؤمن منطقته تماماً ويشغل اللاعب الذي يقابله في الجانب الآخر في الفريق الخصم، ودائماً لاعب الفريق المنافس يفكر في كيفية إيقافه ولذلك يبقى في إطار الجانب الدفاعي فقط ولا يفكر في الجانب الهجومي وتشكيل خطورة على فريق المريخ باستغلال منطقة بلة جابر وهذه نقطة مهمة جداً والسبب فيها حيوية اللاعب ولياقته العالية وقدرته على قيادة الهجمات على طول الخط.
المستقبل ينتظره
رأى مدرب المريخ الأسبق أن بلة جابر لاعب صغير السن وينتظره مستقبل كبير وقال: يستطيع أن يقدم الأفضل ويمكنه الاحتراف في الدوريات الأوروبية من دون شك، أعرف جيداً كيف يفكر الأوروبيون يحبون اللاعب السريع والجاد وصاحب التكوين الجسماني القوي وكل هذه المواصفات تتوافر في بلة، إذا وجد من يسوقه في أوروبا فإنني أعتقد أنه سيحقق النجاح المأمول. وأبان أوتوفيستر أن بلة جابر ينبغي عليه أن يسعى لتصحيح أخطاءه وقال: كما ذكرت يندفع في بعض الأحيان بحماس كبير ويرتكب أخطاء تعرضه للبطاقات الملونة وهذه الأمور يجب أن يتخلص منها لأن لاعب بقيمته يفترض أن يكون في خدمة فريقه دائماً والبطاقات الملونة تجلعه يتوقف وبالتالي يفقد الفريق جهود.
متعاون
لفت المدرب الألماني إلى أن بلة جابر من اللاعبين المتعاونين مع زملائهم وقال: لا يعرف الفردية ولا يتسم بالأنانية، يحب التعاون مع زملائه وهذه أيضاً من الميزات التي تجعله محبوباً لدى زملائه والمدربين، كما أنه شخصية لطيفة وصاحب نكتة، لمست ذلك عندما كنت مدرباً للمريخ، اللاعبون يحبونه ودائماً يفضلون أن يكونوا معه في المعسكرات وخارج الملعب وهذه أيضاً واحدة من المميزات المطلوبة في اللاعب وتمنى أوتوفيستر التوفيق لبلة جابر مع فريق المريخ وأن يقدم الأفضل مع الفرقة الحمراء. |
شفت يا هارون المعلومة الغير صحيحة واحد من اتنين
يا ما ورد في الحوار كلام اتوفستر يا بلة اتسجل قبل ما اتوفستر يستقيل
جبت ليك الحوار مع الرابط يبقى فضّل تاريخ تسجيل بلة و تاريخ استقالة اتوفستر (قبل الأمم الأفريقية 2008 بشهر او اتنين)
يلاّ شد حيلك و بل ريقك وجيب التاريخ
|
Post: #79
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: طلحة عبدالله
Date: 09-07-2010, 11:49 AM
Parent: #76
والله يا هارون اخوي الواحد ذاتو ما عارف يقول ليك شنو ..
لأنو قدر ما قلت ليك وحذرتك ( لمعزتك عندي ) مصر ما تسمع الكلام وماشي في الأنت ماشي فيهو
وكل يوم واقع في ليك في مصيبة جديدة بسبب المريخ وناس المريخ ..
قلت ليك بطريقتك دي ناس ود البشري ديل بلحقوك زولم داك ويعقدوك من دخول الحوش دا ، ما سمعت الكلام ..
أها صدقا لكلامي ليك :
هسع عليك الله لافتة القماش المعلقة دي لو أنت لاعب موش كان اعتزلت الكورة للأبد ..؟
وبعدين بصراحة الحوار بتاع أتوفيستر دا فضيحة لا مسبوقة ولا ملحوقة ...
غايتو آزول أنا فقدت الأمل فيك وشوف ليك صرفة مع ناس جرجرة ديل وأبقي عاد قدر جرجرتم ليك .
الله يكون في عونك والله ..
|
Post: #84
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-09-2010, 10:28 AM
Parent: #79
طلحة ياشغيغي .....!!!!
سلامات
ياعمك اخوك عاااااااااطفي
والمريخ ده يايابا مابنقدر
نعاين ليهو مرتين بدون مانفرح
اها الايام دي حصل العكس.....!!!!
انا عااااااااارفك لافي في شنو....؟
لكن اخوك عامل اضان الحامل طرشة......!!!!
حنقعد نباريهو كده لامن الضغط والسكري يقولو
كلمتهم الاخيرة....وبعد داك وصيتك الوليدات.....
ويتبع علي قولك
|
Post: #82
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-09-2010, 08:29 AM
Parent: #76
ابو حتوت
سلام
ومعليش للتأخير الدنيا قبايل عيد
وشحططه من سوق لي سوق ..........
Quote: شفت يا هارون المعلومة الغير صحيحة واحد من اتنين
يا ما ورد في الحوار كلام اتوفستر يا بلة اتسجل قبل ما اتوفستر يستقيل
جبت ليك الحوار مع الرابط يبقى فضّل تاريخ تسجيل بلة و تاريخ استقالة اتوفستر (قبل الأمم الأفريقية 2008 بشهر او اتنين)
يلاّ شد حيلك و بل ريقك وجيب التاريخ |
المهم.....
كلام اتوفيستر حتي ولو كان فيه
نوع من عدم المصداقية حتي الان علي الاقل .
الا انه لفت نظري تغزله الغريب في اللاعب نفسه ....!!!!
اعتقد بان اللقاء مفبرك بالكاااااااااااااامل ....
اقول قولي الفوق ده ورزقي علي الله.......!!!!!!!!!
انا عارف انو بله جابر اتسجل في المريخ ابان وجود اتوفيستر
حسب اعتقادي وحتي اتاكد من تاريخ التسجيل .
الاهم.....
والله نسبة لاهمية الكلام الانت جبتو انا علي بعد خطوات
لايجاد التاريخ الحقيقي لتسجيل بله في المريخ .
اكيد راجع
|
Post: #77
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: صلاح أبودية
Date: 09-07-2010, 11:36 AM
Parent: #75
Quote: علي قولك
بعد الفطور حسع ريقنا ناشف |
خلوها بعد العيد..
منها تبلوا ريقكم..
ومنها تنبلوا من الجماعة !!!
|
Post: #80
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-08-2010, 09:33 PM
Parent: #78
شنو يا هارون .. ريقك ناشف معقول لي أسّي ؟!!
بعدين صحي الكلام دا
قالوا معسكرين للميرغني في اريتريا
كان كدا لكورة الهلال اظنكم ح تعسكروا في اسبانيا
|
Post: #81
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: Hassan Senada
Date: 09-09-2010, 07:39 AM
Parent: #80
الحبيب ود البشرى مباراةالهلال مايحتاج معسكر الاعيبى من منازلهم حيفوزا على الهلال لايغرك فوزكم على
الحمام الميت الجيش وفى الطريق حمام اخرى يوم الجمعة لاكن الغريق لقدام الصفاقصى حبيبنا التوانسة
|
Post: #83
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-09-2010, 09:45 AM
Parent: #81
| Quote: مباراةالهلال مايحتاج معسكر الاعيبى من منازلهم حيفوزا على الهلال |
شيخ سنادة طيب الكلام دا قولو لكروجر العايز يعسكر للميرغني
أما حكاية الصفاقسي دي ياخي دا شهر ما لك فوقو نفقة مالك شاغل روحك بعد أيامو
دي شئون دولية بيننا و بين الصفاقسي و حرس الحدود و الجيش و سائر الأتيام التي تتنافس على المستوى الدولي لنيل لقب البطولة
انتو وناس الميرغني و التيم الأرتري الح تلعبو معاه ودي خليكم في محلياتكم و ارصفتكم
وساعدونا بالسكات و عدم الازعاج بالله
|
Post: #85
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-20-2010, 10:21 PM
Parent: #83
وبداءت الانبراشة مبكرا....!!!!
وياخوفي من يوم الاحد
التيحا التفتيحة نار منقد....!!!!
|
Post: #86
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-20-2010, 10:22 PM
Parent: #85
ياربي مطرة امبارح دي
يوم الاحد حتكون كييييييييييييف.....؟
خاصة الخريف لسه ما انتهي......
وكااااااااااااااااااااااااااااكـ
|
Post: #87
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: أبوعبيدة محمد الأمين
Date: 09-20-2010, 11:52 PM
Parent: #86
هارون ياصفوة
يوم الأحد الجائي؟؟؟؟؟
إحتمال يكون زي يوم الأحد بتاع أمس
لأنه (نحن) قربنا نصل سوبا وهي تمثل نهائي الجعرانية
والحبشي قاعد والترلة أهي ماشة بالبركة ساكت يعني ما أظن تصل سوبا ذاتو
حكاية الحبشي القلب الترلة في سوبا وفريق الهلال
ياخي أتاريها الجعرانية دي بطولة مهمة شديد
لأنه سيد اللبن أ%C
|
Post: #88
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: أبوعبيدة محمد الأمين
Date: 09-21-2010, 00:13 AM
Parent: #86
هارون ياصفوة
يوم الأحد الجائي؟؟؟؟؟
إحتمال يكون زي يوم الأحد بتاع أمس
لأنه (نحن) قربنا نصل سوبا وهي تمثل نهائي الجعرانية
والحبشي قاعد والترلة أهي ماشة بالبركة ساكت يعني ما أظن تصل سوبا ذاتو
حكاية الحبشي القلب الترلة في سوبا وفريق الهلال
ياخي أتاريها الجعرانية دي بطولة مهمة شديد
لأنه سيد اللبن أخد ليها أتنين (تمنة) رايح في سبيل الوصول لسوبا
لكن الترلة تعباااااااااانة تعبااااااااااااااااااانة
أو كما قال هنيدي
|
Post: #89
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-21-2010, 05:58 AM
Parent: #88
يا معلم شنو ياااا Quote: والله نسبة لاهمية الكلام الانت جبتو انا علي بعد خطوات
لايجاد التاريخ الحقيقي لتسجيل بله في المريخ .
اكيد راجع |
ما قلت راجع
|
Post: #90
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-21-2010, 06:22 AM
يمين راجع....!!!!
بس شيل الصبر
وخليك مع المطرة.....!!!!
|
Post: #91
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: الحاج حمد الحاج
Date: 09-21-2010, 06:30 AM
Parent: #90
هارون دياب صباح الخير يا صفوة.
ما تكتر من كااااك لأنو ح نحتاج ليها لي قدام كتيييييير.
|
Post: #92
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-21-2010, 06:51 AM
Parent: #90
يا عمك Quote: يمين راجع....!!!!
بس شيل الصبر
وخليك مع المطرة.....!!!! |
إنت عايز تفاوضوا يسجل تاني
ما تاريخ تسجيلو بتلقاه في ارشيف اي جريدة من جرايدكم الكتار و مساخ ولا في المنتديات حقتكم
بعدين يا عمك المطرة دي سيرتها بتوّر عليكم وجع كتير ارخيها اخير
|
Post: #97
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-21-2010, 07:18 AM
Parent: #92
ياعمك
| Quote: ما تاريخ تسجيلو بتلقاه في ارشيف اي جريدة من جرايدكم الكتار و مساخ |
جرايدنا ياتا.....؟
الواحدة قايمة والتانية نايمة
وحاتك بفتش فيهم غير.....
كاااااااااااااااكـ مالقيت فيهم....!!!!
حا اجيبو من جوه الجك
|
Post: #93
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: هشام المجمر
Date: 09-21-2010, 06:53 AM
Parent: #90
المريخاب اصبحوا
خاتين الكراسى قدام البيت و يتفرجون
وعن التاريخ القديم يحكون
وعن بطولة الممتاز يبحثون
واذا انتصروا على الميرغنى يفرحون
الحقيقة
الهلال يفوق المريخ كثيرا فى ترتيب الاندية على المستوى القارى رغم بيضة الديك الوحيدة
حساب نقاط الهلال و المريخ قاريا
اولا الهلال
الاندية الابطال
وصل لنهائى الاندية الابطال مرتين 1987 و 1992
مجموع النقاط 2 فى 3 = 6
وصل لنصف نهائى الاندية الابطال ثلاث مرات فى 66 و 2007 و 2009
مجموع النقاط 2 فى 3 = 6
وصل لدور المجموعات مرة واحدة ولم يتأهل لنصف النهائى 2008
نقطة واحدة
الكونفدرالية
وصل لدور المجموعات مرتين واولها كانت 2006 و باعتباره خرج من البطولة هذه السنة
المجموع نقطتين
المجموع الكامل لنقاط الهلال على المستوى الافريقى 15 نقطة
ثانيا المريخ
الاندية الابطال
مشاركو وحيدة فى دورى المجموعات تذيل فيها مجموعته 2009
نقطة واحدة
الكونفدرالية حاليا و كاس الكؤوس سابقا
كاس مانديلا 1989
4 نقاط
نهائى الكونفدرالية 2007
3 نقاط
دور المجموعات فى الكونفدرالية مرة واحدة واحراز المركز الثانى فى المجموعة
نقطتين
المجوع الكامل 10 نقاط
على المستوى المحلى
لا داعى للحديث عن ذلك حتى لا ننكأ الجرح المفتوح
لا ادرى من اين لكم طولة اللسان يا هارون
لو كنت مريخابى لواصلت الفرجة بس بصمت
|
Post: #94
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: محمد البشرى الخضر
Date: 09-21-2010, 06:59 AM
Parent: #93
| Quote: لو كنت مريخابى لواصلت الفرجة بس بصمت |
سلامات يا هندسة لو تفرجت بصمت معناها انت لست بمريخابي
المريخابي النجيض اديهو طولة اللسان والعرضة في طهور اولاد جيرانو و الفصاحة كمان
|
Post: #100
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-21-2010, 08:18 AM
Parent: #93
ود المجمر ياهندسة
سلام وشنو من ديك وعييييييييييك
ياخ نحنا لغة الارقام بتاعتكم دي
فترنا منها عديييييييييييييل....!!!!!!
المهم في كلامك ده كلو......
لامن الكتوف تتساوي بعدين نتفاهم
شفته كيف.....؟
يعني حسع في نقاطكم دي بتساوي ليها
كاس ولا درع ولا درقة....؟
|
Post: #96
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-21-2010, 07:11 AM
Parent: #78
صفوة الصفوة الحاج حمد
سلامات
| Quote: ما دا الخايفين منو زاااتو! |
ياخوي تخاف من شنو.....؟
الهبوب وهبت ...والمطرة صبت....!!!!!
|
Post: #95
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: haroon diyab
Date: 09-21-2010, 07:07 AM
Parent: #77
ابو دية ياملك
صباح الخير
| Quote: ومنها تنبلوا من الجماعة !!! |
انت حاوي ياصفوة.....؟
جبت النجيضة قبال يومه...؟
|
Post: #99
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: ابراهيم محمد الحسن
Date: 09-21-2010, 08:15 AM
Parent: #95
هشام المجمر ،،
دي كلها كوم ...
Quote: الهلال :
وصل لنهائى الاندية الابطال مرتين 1987 و 1992
وصل لنصف نهائى الاندية الابطال ثلاث مرات فى 66 و 2007 و 2009
وصل لدور المجموعات مرة واحدة ولم يتأهل لنصف النهائى 2008
وصل لدور المجموعات مرتين واولها كانت 2006 و باعتباره خرج من البطولة هذه السنة |
ودي براها كوم ..
Quote: ثانيا المريخ
كاس مانديلا 1989 |
|
Post: #101
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: هشام المجمر
Date: 09-21-2010, 09:11 AM
Parent: #99
Quote: هشام المجمر ،،
دي كلها كوم ...
Quote: الهلال :
وصل لنهائى الاندية الابطال مرتين 1987 و 1992
وصل لنصف نهائى الاندية الابطال ثلاث مرات فى 66 و 2007 و 2009
وصل لدور المجموعات مرة واحدة ولم يتأهل لنصف النهائى 2008
وصل لدور المجموعات مرتين واولها كانت 2006 و باعتباره خرج من البطولة هذه السنة
ودي براها كوم ..
Quote: ثانيا المريخ
كاس مانديلا 1989 |
كلام ماصاح
المريخاب يعددون فى انجازات المريخ فضية الكونفدرالية 2007
المهم فى الموضوع
الواضح انكم هنا تتحدثون عن تاريخ فقط لأن حاضركم ليس بمشرق ولا حتى المستقبل بهذه الطريقة لن يكون مشرقا
دايرين الصراحة
الفريق الحالى لا يشرف المريخ ولا يمكن أن يكون اللاعبين الحاليين ممثلين للمريخ العظيم الذى ربما نحن نحب أن يكون عظيما دائما اكثر من بعض غير المدركين من اخواناالمريخاب.
النصيحة ان ينتبه الاخوة المريخاب لحال فريقهم المائل و يحاولون اصلاحه بجد وجهد حتى يرجع لمستوى ايام مانديلا ويرجع ماردا يهز الارض تحت اقدام الفرق السودانية و الاجنبية.
ضعف المريخ ضعف للهلال و للكرة السودانية و سيستمر الحال الا اذا.....
|
Post: #102
Title: Re: ماطار طيرا.... وارتفع....الا كما طار.... لقي .....زي مازيمبي (يوجد صفر دولي كبييييير.....!!
Author: ابراهيم محمد الحسن
Date: 09-21-2010, 09:16 AM
Parent: #101
ود المجمر ،،
كلامك صاح ..
وربنا يعدل الحال ..
وحتما سيعود المريخ العظيم
بعيدا عن الجدية ،،
| Quote: ضعف المريخ ضعف للهلال و للكرة السودانية و سيستمر الحال الا اذا..... |
إلا إذا .........
غلبتو الصفاقصي ،،
غااااااااااااااااااااااااااااااااغ ،،،
|
|
