Post: #1
Title: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 07:53 AM
Parent: #0
ياخي والله عينكم تفلق الحجر.....!!!!
|
Post: #2
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 07:54 AM
Parent: #1
الموسم الماضي اصيب
الطوربيد طمبل ولم يستطيع
العودة للفورمة حتي الان ....!!!!
|
Post: #3
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 07:56 AM
Parent: #2
وفجعنا ايضا بوفاة
السهم النيجيري
اندراوس ايداهور
في بدائة الموسم
ليصاب هجوم المريخ
في مقتل .....!!!!!
|
Post: #4
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 07:58 AM
Parent: #3
ومساء امس وخلال لقاء
المريخ باهلي الخرطوم
اصيب نجم الهجوم المريخي
الاباتشي النيجيري كلاتشي اوسنوا
هداف البطولة الموسم الماضي
في الدقيقة العاشرة من المباراة
حيث لم يستطيع العودة مرة اخري .
|
Post: #6
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:02 AM
Parent: #4
اخر الاخبار الواردة من
قلعة الزعيم ( الرد كاسل )
والتي لم يتم تاكيدها حتي الان
تشك باصابة الاباتشي بقطع
في الرباط الصليبي.....
علما بانه تم عمل اشعة لم
توضح شي اكيد حتي الان .
|
Post: #7
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:03 AM
Parent: #6
سترك ياااااااااااااااااااااااااارب
|
Post: #5
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: علاء الدين يوسف علي محمد
Date: 04-08-2010, 07:58 AM
Parent: #2
يا حبيبنا
كِدة تاني المُحترفين حيخافوا من فريقكم البِقى زي مُستشفى الحوادِث
يا يروح فيها
يا يبقى زي وارغو ماسورة
أخير ليهم اللِعب في المضمون
|
Post: #8
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:08 AM
Parent: #5
علاء القريب من القلب
اشواق كتيييييييييييييرة
Quote: يا حبيبنا
كِدة تاني المُحترفين حيخافوا من فريقكم البِقى زي مُستشفى الحوادِث
يا يروح فيها
يا يبقى زي وارغو ماسورة
أخير ليهم اللِعب في المضمون |
ياعمك
الظاهر الفكي ابو سبحة اللالوب
شايف شغلة.....!!!!!
معقولة بس .....؟
طميل.....العجب .....ايداهور
وحسع كلاتشي....الفضل شنو....؟
ربنا يستر علي النفطي ...عشان تكمل
من شر حاسد اذا حسد
|
Post: #9
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:11 AM
Parent: #8
نتمني انبتهل الي الله
ان تكون الاصابة بسيطة
او تمزق في الاربطة لاتحتاج
الي تدخل جراحي.....
الوضع اصبح غير محتمل اي اصابات
في ظل وجود الدكتاتور كمال شداد
وتابعه مجدي شمس الدين والذين لم
ولن يسمحو للمريخ بتسجيل اي لاعب
مكان كلاتشي اذا لا قدر الله وكانت الاصابة
ستوقفه عن اللعب طويلا.....
|
Post: #10
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:14 AM
Parent: #9
لانه....
هل يعقل ان يوافق شداد
علي هكذا طلب...وهو الذي
رفض طلب المريخ بتسجيل الدافي
مكان المرحوم ايداهور ، علما
بانه ( الدافي ) مقيد في سجلات
المريخ والمرخ يدفع له كل مستحقاته
وحصل علي الجنسية السودانية الا في
فترة التسجيلات القادمة في يونيو ....؟
حكم قرقوش عدييييييييييييييييل......!!!!!
|
Post: #12
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:19 AM
Parent: #10
معليش ياعريس
حلو القرمصيص
|
Post: #11
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: بهاء بكري
Date: 04-08-2010, 08:15 AM
Parent: #8
مقدرين ياهارون القصة صعبة والترجي بخوف لكن اركزو ..... يااخوي قروش الحرام دي بتبين دائما ... يعني انت متوقع شنو مادي قروش علاج الغلابة .....
علي العموم الكونفدرالية ماعايزة ليها محترفين يعني بناس الزومة ودامر الحال بمشي ولا دامر ده شطبوهو
|
Post: #13
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: عمران حسن صالح
Date: 04-08-2010, 08:21 AM
Parent: #11
ما قضاء وقدر يعني ؟؟ 
|
Post: #17
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:43 AM
Parent: #13
ياعمران
| Quote: ما قضاء وقدر يعني ؟؟ |
ونعم بالله
بس دي القضاء وقدر
وبتاعت علاء الدين شلاليت مع( ماذنبي) عصير مخدر.....!!!!!
كاااااااااااااااااااااااااااكـ
|
Post: #14
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:25 AM
Parent: #11
ياباهي
سلام
| Quote: مقدرين ياهارون القصة صعبة والترجي بخوف لكن اركزو ..... يااخوي قروش الحرام دي بتبين دائما ... يعني انت متوقع شنو مادي قروش علاج الغلابة ..... |
طبعا خبر جاكم في جرح
كيف لا.....
وقد اعتاد الاباتشي وضع
بصمته الغالية في الشباك
العارية كلما راها تحت انظاره.
كدي سيبك من الترجي والكونفدرالية
انت فرحان لي نفسك دي...اصلو الخلعة
الدخله فيكم مابتمرق بالساهل
قروش الحرام عرفناها.... قروش الحلال عملت ليكم شنو....؟
ياخي لفة منير امبده في كادوقلي براها بي ستة ملايين بالجديد
كدي بل راسك سمح للحلاقة الماخمج...
الليلة قراقير بلعبو في الطين
|
Post: #16
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: أيمن دياب
Date: 04-08-2010, 08:31 AM
Parent: #14
Quote: يا حبيبنا
كِدة تاني المُحترفين حيخافوا من فريقكم البِقى زي مُستشفى الحوادِث
يا يروح فيها
يا يبقى زي وارغو ماسورة
أخير ليهم اللِعب في المضمون
|
بالله ياعلاء طلعت هلالابي (من عندنا)..
ياخي محتاجين (للدفس) بتاعك شوية..
السياسة أعمتك، وأعمتنا نشوف لونك التاني..
عليك الله أدينا أسبوع واحد بس..
|
Post: #18
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:45 AM
Parent: #16
ايمن دياب ياشقيق
وحاتك انت شقيق السجم والرماد....
ياخوي ماتسلم شفتنا متيييين
ولادي حركات الرشاشت علموك ليها....!!!!
مشتاغووووووووووووووووووووووون
|
Post: #15
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: البدري عبد الله
Date: 04-08-2010, 08:27 AM
Parent: #11
سلامات يا هارون
عاجل الشفاء لكلاتشي لانو بالجد وجودو مهم في ماتش الترجي ..وان شاء الله مربوحة زي ما بيقولوا التوانسة ..واخوك يوم الترجي حا يشجع المريخ بدون اي تردد لانو نحن بالجد زهجنا من قصة انو الجماعة ديل يخارجونا من اي منافسة نتلاقة فيها معاهم ..وبالمناسبة المريخ ما عندو مشكلة صناعة لعب ولا ممشكلة مهاجمين ...المريخ يحتاج لتقوية الدفاع ومحاور الارتكاز ..وجود الباشا في وسط الملعب يوم الترجي وعودة بلة جابر للطرف اليمين مهم جدا بس السيد كاربوني يلقى زول يقنعوا بالموضوع ده ..وبالتوفيق للجميع ان شاء الله...
.
.
.
*ياخ نحن عاوزين نلاقيكم في المجموعات تاني (ان شاء الله في الفاينل ) عشان نعيد ذكرى غذوة المله عمر ..
|
Post: #19
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 08:49 AM
Parent: #15
البدري
المشكلة ماقابلتك بدري
كنت مشيت مكانك الطبيعي
ياصفوة....!!!!( كيتن في ناس هناي...)
والله كلام زي الدكوة
Quote: سلامات يا هارون
عاجل الشفاء لكلاتشي لانو بالجد وجودو مهم في ماتش الترجي ..وان شاء الله مربوحة زي ما بيقولوا التوانسة ..واخوك يوم الترجي حا يشجع المريخ بدون اي تردد لانو نحن بالجد زهجنا من قصة انو الجماعة ديل يخارجونا من اي منافسة نتلاقة فيها معاهم ..وبالمناسبة المريخ ما عندو مشكلة صناعة لعب ولا ممشكلة مهاجمين ...المريخ يحتاج لتقوية الدفاع ومحاور الارتكاز ..وجود الباشا في وسط الملعب يوم الترجي وعودة بلة جابر للطرف اليمين مهم جدا بس السيد كاربوني يلقى زول يقنعوا بالموضوع ده ..وبالتوفيق للجميع ان شاء الله... |
بس دي....
| Quote: *ياخ نحن عاوزين نلاقيكم في المجموعات تاني (ان شاء الله في الفاينل ) عشان نعيد ذكرى غذوة المله عمر .. |
وحاتك السنة دي بتاباها عدييييييييييل....!!!!
انت الليلة الله يخارجك من الموردة
موداتي واحترامي
|
Post: #20
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: Mohamed Doudi
Date: 04-08-2010, 09:04 AM
Parent: #19
ياعمك بطل هضربه.....المباراه لسع باقى ليها حوالى اسبوعين تلاته
|
Post: #21
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: badr alkalika
Date: 04-08-2010, 09:06 AM
Parent: #20
يا باشا
دييل كلهم اولادنا ما بنفعوكم
كدي ورونا كلتشي اخبارو شنو
في المستشفى ولا في البيت
ولا ........
|
Post: #24
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 09:12 AM
Parent: #21
ياعمكـ
سلام
Quote: يا باشا
دييل كلهم اولادنا ما بنفعوكم
كدي ورونا كلتشي اخبارو شنو
في المستشفى ولا في البيت
ولا ........ |
لا ياجميل اولادكم ناس كادوقلي النسو العشرة....!!!!
ديل ناس الكاس بقلل النقاش
|
Post: #23
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 09:10 AM
Parent: #20
يامحمد
ازيك
| Quote: ياعمك بطل هضربه.....المباراه لسع باقى ليها حوالى اسبوعين تلاته |
لا ياخوي نهائي الممتاز ده لو جاء
بي عكازين برضو حيديكم المعلوم....
كااااااااااااااكـ
|
Post: #22
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: أيمن دياب
Date: 04-08-2010, 09:08 AM
Parent: #19
Quote: ايمن دياب ياشقيق
وحاتك انت شقيق السجم والرماد....
ياخوي ماتسلم شفتنا متيييين
ولادي حركات الرشاشت علموك ليها....!!!!
مشتاغووووووووووووووووووووووون |
بالأكتر يا أبو أمنية..
موردة شنو يامان..؟
ومن متين الموردة بتقيف معانا..؟
موردة مع ناس الغزال والغربال..
انت صاحي وبي صحك؟
وعشمان يعني كده في شنو؟؟
والترجي كيف..
وحات الله قالوا عندهم قاطرة بشرية اسمها (اينرامو)..
دي بشوت من النص.. وكرومي الكريم متعود على فتح الشباك والانبطاحة..
الله يورينا فيكم يوم..
|
Post: #25
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: وليد عبد اللطيف
Date: 04-08-2010, 09:32 AM
Parent: #22
سلامات للقناص
كلاتشي
|
Post: #28
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 10:52 AM
Parent: #25
وليد ياصاحب
سلام
وربنا يقبل دعواتك
معقول الناس تنسي العشرة....؟
بعدين ولدنا معز ده الظاهر حيرتاح
السنة دي....!!!!!
|
Post: #26
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: عثمان الخير
Date: 04-08-2010, 09:47 AM
Parent: #22
هارون سلامات
يا جماعة بالراحة على حبيبنا دة
هو الفيهو مكفيهو , ما تجيبوا سيرة الترجي دي كل مرة ...
هارون كامل تضامننا معكم , وكلتشي ما يشوف شر انشاء الله
بس انتوا بطلوا الرجفة الظاهرة دي
وانشاء الله كلو تمام...
|
Post: #27
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: هشام المجمر
Date: 04-08-2010, 10:04 AM
Parent: #26
كفارة لكلايتشى و تمنياتنا بعودنه للملاعب قريبا
لكن كدى تعال يا هارون اشرح لينا كيف انو المريخ يلعب مع 3 فرق فى التصفيات وفى كل مرة تكون مباراة الاياب فى ام درمان؟
الهلال لعب مع فريق واحد والتانى جاهو الدور طوالى الاياب بقى عند الاسماعيلى
نفس الحكوة دى حصلت السنة الفاتت
يبدو أن الاتحاد الافريقى نايبو من الخير شي ما شوية
|
Post: #30
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 10:58 AM
Parent: #27
ود المجمر
سلام ياجار
Quote: كفارة لكلايتشى و تمنياتنا بعودنه للملاعب قريبا
لكن كدى تعال يا هارون اشرح لينا كيف انو المريخ يلعب مع 3 فرق فى التصفيات وفى كل مرة تكون مباراة الاياب فى ام درمان؟
الهلال لعب مع فريق واحد والتانى جاهو الدور طوالى الاياب بقى عند الاسماعيلى
نفس الحكوة دى حصلت السنة الفاتت
يبدو أن الاتحاد الافريقى نايبو من الخير شي ما شوية |
ماهو واحد من اتنين
يا....
( الكاش بقلل النقاش....!!!)
يا....
( الله يدينا الفي مرادنا...!!!)
كيفتكـ....موش.....؟
تحاياي
|
Post: #33
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: عثمان جلال الدين
Date: 04-08-2010, 12:52 PM
Parent: #27
اهلي الخرطوم عمل هجمة ونص جاب قونين في كرومي
الترجي معدلو في المباراة 15 هجمة .. ديروا بالكم يا هارون..
والله يدينا الفي مرادنا...
|
Post: #36
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 00:14 AM
Parent: #33
ياعثمان جلال
مساء الخير
Quote: اهلي الخرطوم عمل هجمة ونص جاب قونين في كرومي
الترجي معدلو في المباراة 15 هجمة .. ديروا بالكم يا هارون..
والله يدينا الفي مرادنا... |
بالجد ياحبيب الموضوع ده
شاغل الواحد كتييييييييييير
لكن باذن الله يدينا الفي مرادنا
المهم....
المواسير موجوده
لكن خيركم سابق.....!!!!!
|
Post: #29
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-08-2010, 10:54 AM
Parent: #26
عثمان الخير
ياوش الخير
Quote: يا جماعة بالراحة على حبيبنا دة
هو الفيهو مكفيهو , ما تجيبوا سيرة الترجي دي كل مرة ... |
هيييييييييي يكااااااااااااااا
البرجفو ناس معركة ( ذات المراتب....!!!)
ولو انت نسيت انا مانسيت
وحاتك اجيب ليك الفيديو
في ناس بيجيها ( الهارت )
مودتي
|
Post: #31
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: khaleel
Date: 04-08-2010, 11:21 AM
Parent: #29
كفارة للاباتشي
سوف يعود قريبا ويشارك مع الترجي
ويدينا الفي مرادنا
|
Post: #32
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: خالد درق
Date: 04-08-2010, 12:02 PM
Parent: #31
الف ســــــــــلامات لرمح النارى ودى عين قوية الله يستر
تحياتى اخى / هارون ياصفوة
|
Post: #34
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: حيدر بشير
Date: 04-08-2010, 02:28 PM
Parent: #32
الحبب تكعيب هارون
لك التحايا
انتو ما كان عندكم لاعب اسمه طمبل يا الله مشى الكوشة و الله شنو
عمومآ من وجهة نظرى انه لا تأثير على غياب كلتشى ان ترك لاعبو المريخ الأنانية المفرطة و البحث عن الأمجاد الشخصية بإحراز الأهداف
الكورة الجماعية دائمآ ما تؤتى أكلها و لكن نحن فى السودان الجمهور يصفق للاعب المحاور و اللاعب يتمادى فى ذلك لسماع التصفيق
و بكرة الجرايد تكتب و تمجد فيه رغم انه كان ممكن يلعب الباص لمن هو فى وضع احسن ويستفاد من الهجمة
تسلم يا خوى و نتمنى ان لا نسمع ما بنطير برانا المرة دى عشان ما تزّعلوا ناس سادومبا ديل و زعلهم جربتوه
|
Post: #35
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: أمين محمد سليمان
Date: 04-08-2010, 08:24 PM
Parent: #34
سلامة كلتشي يا هارون و دايرنكم مكتملين عشان تتنفشو تامين و سالمين !!!
| Quote: واخوك يوم الترجي حا يشجع المريخ بدون اي تردد |
اها يا هارون أبعد من ناس ( بدون اي تردد ) ديل ،
البدري ده أبعدو منو و انتو براكم ما ناقصين !!!!
|
Post: #40
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 00:22 AM
Parent: #35
امين الجميل
جمعة مباركة
Quote: اها يا هارون أبعد من ناس ( بدون اي تردد ) ديل ،
البدري ده أبعدو منو و انتو براكم ما ناقصين !!!! |
ياخي البدري ده اصلو
صفوة ضل طريق الردكاسل
فذهب الي الحفرة ماسوفا
علي تشجيعه....
نتمني له ولنظرائه العودة الميمونة .
تسلم
|
Post: #39
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 00:19 AM
Parent: #34
حيدرنا ياود بشير
كيفنك
| Quote: انتو ما كان عندكم لاعب اسمه طمبل يا الله مشى الكوشة و الله شنو |
الضباح مازال في مرحلة الدخول للفورمة
بعد الاصابة القوية التي تعرض لها .
وقبل يومين فجع في شقيقته ( نضال )
التي رحلت مبكية علي شبابها.
ولكن باذن الله سيعود والعود احمد
لك الود
|
Post: #38
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 00:16 AM
Parent: #32
صفوتنا / خالد درق
تحياتي
| Quote: الف ســــــــــلامات لرمح النارى ودى عين قوية الله يستر |
ربنا كريم ياعمك ...لكن هي ماعين السواد
|
Post: #37
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 00:15 AM
Parent: #31
ياخلي
سلام
| Quote: سوف يعود قريبا ويشارك مع الترجي |
ياخوي الظاهر دعوتك جات بالقلبه
بدل مايشيل الترجي بره
شالو هو زااااااااتو
|
Post: #41
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: لطفي علي لطفي
Date: 04-09-2010, 00:26 AM
Parent: #37
| Quote: سترك ياااااااااااااااااااااااااارب |
سلامات يا هارون
خليهم يركزوا علي الويكة تب ما بتجبهم عوجة
لطفي
|
Post: #42
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 00:42 AM
Parent: #41
يالطفي
جمعة مباركة
ياخوي ناسنا ديل ( القدوقدو ) ماعمل ليهم حاجة
تقول لي ويكة.....؟
دي عين مش تمزق الرباط
دي تجيب الهارت عديييييييييل.....!!!!!
|
Post: #43
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-09-2010, 10:29 PM
Parent: #42
Quote: الأباتشي يأمل العودة بسرعة
كليتشي: لا أستطيع المشي حالياً.. والفرقة الحمراء لن تتأثر حال ابتعدت طويلاً عن المشاركة
العجب..وارغو.. السعودي.. وطمبل كلهم جاهزون وقادرون على إنجاز المهمة
المريخ ينتصر باستمرار.. والفرق الجيدة تعرف كيف تحقق الفوز.. ولا تقلقوا على الأحمر أمام الترجي
فريقنا مؤهل للذهاب بعيداً في دوري الأبطال.. وعلينا إسقاط الفريق التونسي إذا كنا جادين في التتويج بالبطولة
انتظروا مردوداً أفضل أمام الساحلي
عمر المكابرابي
تصوير: محمد المنذر
سجلت الصدى زيارة إلى كليتشي أوسونو مهاجم المريخ أمس ووقفت على الإصابة التي تعرض لها في مباراة فريقه أمام أهلي الخرطوم أمس الأول والتي منعته الاستمرار مع الأحمر وذكر كليتشي أن الإصابة بالغة لكنه متفائل بالعودة وأشار إلى أن نتيجة الفحوصات ستظهر مساء اليوم (أمس) لكنه أشار إلى أنه مازال يضع الثلج على قدمه ولا يستطيع المشي وأبان أنه لا يعرف حتى الآن حجم الإصابة وتفاصيلها وينتظر التشخيص واستبعد النسر الجارح أن يتأثر الفريق بغيابه حال أكدت الفحوصات أنه لايمكن ان يعود بسرعة ونوه إلى أن السعودي وطمبل وفيصل العجب وستيفن وارغو يمكنهم أن يؤدوا المهمة بنجاح ودعا كليتشي الجماهير إلى أن تثق في لاعبيها وفي فريقها وذكر أن الفريق الأحمر يحقق الانتصار باستمرار مبيناً أن تفوقه في المنافستين يؤكد أنه فريق ممتاز وطموح واعتبر أن الحصول على النقاط أهم من الأداء لكنه رأى أن الفرقة الحمراء ستقدم مردوداً ممتازاً أمام هلال الساحل واعتبر مهاجم المريخ أن مباراتي الترجي مهمتان وأكد أن الفرقة الحمراء قادرة على إسقاط المنافس وشدد على أهمية الاستمرار في الانتصارات إذا كان الفريق الأحمر جادا في سعيه للتتويج باللقب وأوضح أنهم سيبذلون جهداً مضاعفاً ليحصلوا على البطولة الأفريقية وإهدائها إلى أسرة إيداهور، كليتشي تحدث عن إصابته وعن مستوى فريق المريخ وعن مباراة الترجي التونسي في حوار مع الصدى هنا نصه:
* نسأل أولاً عن الإصابة، وهل صحيح أنك ربما تغيب عن مباراة هلال الساحل؟
تعرضت لإصابة عادية داخل الملعب في مباراة أمس الأول أمام أهلي الخرطوم، الإصابة نتجت عن احتكاك قوي مع مدافع الأهلي وغادرت الملعب على الفور، الطبيب وضع (ثلجا) على قدمي وحتى الآن لا أعرف تحديداً تشخيص الإصابة، لقد تم عرضي على الطبيب صباح امس وأجريت فحصا بالرنين المغنطيسي وينتظر أن تظهر نتيجة الفحوصات مساء اليوم (أمس).
* لاحظنا أن الثلج مازال موجوداً في موضع الإصابة، لماذا تبقي على الثلج حتى الآن؟
هذه تعليمات الطبيب، طلب الطبيب أن أبقي على الثلج في موضع الإصابة، وربما لا أحتاج إليه في الأيام المقبلة لكنني حاليا لا أستطيع حتى السير بصورة طبيعية.
* ذكرت أنك لا تستطيع المشي وهذا يعني أن الإصابة ربما تكون كبيرة؟
نعم هي إصابة بالغة والدليل أنني لم أستطع الاستمرار في مباراة أمس الأول أمام أهلي الخرطوم وحاليا لا أستطيع السير، كنت أتمنى الاستمرار مع فريقي أمام الفرسان وكنت أسعى للتسديد لكن الإصابة حالت دون استمراري، الآن أريد أن أعود بسرعة وأتمنى أن أكون موجوداً في مباراة هلال الساحل لا أعتقد أن الإصابة ستمنعني المشاركة في مباراة البحارة..
قاطعناه وقلنا له: يتردد أن الإصابة ستمنعك المشاركة مع الفريق لمدة شهر، فقال: لا أعتقد أن غيابي سيطول ربما اغيب ثلاثة وأربعة أيام وربما أسبوع ولكن أستبعد أن أغيب أكثر من ذلك، أتمنى أن أعود للتدريبات بسرعة وأن أرافق الفريق إلى بورتسودان لأداء مباراة الساحلي.
* وماذا لو طال غيابك؟ ألا ترى أن الفريق سيكون في وضع حرج خاصة وأن هنالك مهاجمين اثنين فقط جاهزين حالياً؟
حتى إذا حدث ذلك الفريق لن يتأثر بغيابي، هناك فيصل العجب، عبد الحميد السعودي، ستيفن وارغو وطمبل كل هؤلاء يستطيعون أن يقوموا بالمهمة على الوجه الأكمل، وخرجت من مباراة الأهلي والفريق فاز، هذا يعني أن المريخ لن يتأثر بالغياب ولا يوجد
فريق في العالم يعتمد على لاعب واحد، إذا طلب الطبيب أن أخضع للراحة لفترة اطول فبالتأكيد لابد من اتباع تعليمات الطبيب لأن الأولوية للعلاج لأنني إذا عدت إلى التدريبات من غير أن أتعافى فستتفاقم الإصابة وسيطول غيابي.
النقاط قبل الأداء
* البعض يرى أن مستوى المريخ غير مقنع وكثيرون تخوفوا على الفرقة الحمراء خاصة وأنها ستقابل الترجي.. كيف ترد على هؤلاء؟
أقول طالما أن الفريق يحقق الانتصارات داخليا وخارجيا فهذا يعني أنه ممتاز، وهذا المطلوب في كرة القدم، لابد أن ننتصر إذا أردنا المنافسة على الألقاب ولابد أن نحصد النقاط لأنها الأهم، المريخ حقق نتائج جيدة في الدوري الممتاز وفي دوري الأبطال ولا خوف عليه أتوقع ان يؤدي بصورة أفضل في مباراة هلال الساحل وأن يحقق الفوز، لا أقول ذلك تقليلاً من شأن البحارة ولكنها الحقيقة ولا أتوقع أن تواجه المريخ مشاكل في هذا الموسم.
* ولا حتى أمام الترجي؟
الترجي فريق كبير كلنا متفقون على ذلك ومعروف بالنسبة لنا ولكنه غاب عن المشاركات الأفريقية لفترة وهذه تخصم من رصيده كفريق كبير ونحن سنلعب أمامه بالأسلوب ذاته الذي لعبنا به أمام غيره من الفرق الأفريقية، سنعمل كل ما في وسعنا للخروج بنتيجة إيجابية من المباراة الأولى في تونس وسنسعى إلى إقصائه من المنافسة. لدينا طموح كبير في التتويج باللقب ولا نشك في أن المريخ مؤهل للصعود لمنصة التتويج هذا العام، لا ينقصنا شيء، فريقنا مكتمل الصفوف ويقوده جهاز فني مقتدر وعناصر ممتازة كما أننا سنلعب بدافع كبير ونرغب في التتويج بالبطولة من أجل إهدائها لأسرة الراحل إيداهور، لا نتخوف من مباراة الترجي، وإذا كان هدفنا الفوز باللقب الأفريقي فيجب أن ننتصر على الفريق التونسي وعلى أي فريق نقابله في المنافسة، يجب أن نستعد لهذه المباراة بالصورة المطلوبة ويجب أن نكون عند حسن ظن أنصارنا، وبالتأكيد ستقف خلفنا جماهيرنا كما ظلت تفعل دائما ونحن سنكون حريصين على كسب التحدي والرهان
* ماذا تريد أن تقول في ختام هذا الحديث؟
أقول لجماهير المريخ إنني بخير وأشعر أن عودتي للملاعب ستكون قريبة جداً، الطبيب والتقرير سيحددان موعد عودتي ولكنني أشعر أنني ساعود بسرعة إلى زملائي وسأنضم إلى مواصلة مهمتي مع الفريق.
الولد الأعجوبة يلازم مواطنه
وارغو: الجماهير طلبت مني تنفيذ ركلة الجزاء أمام الأهلي .. وأسعى لإحراز مزيد من الأهداف
العنف لن يرهبني.. وأعرف كيف أتعامل مع المدافعين.. ولم أسمع بمايكل إينرامو إلا في السودان
كان ستيفن وارغو موجوداً مع كليتشي في شقته عند زيارة الصدى لمهاجم الفرقة الحمراء ويبدو أن وارغو يلازم مواطنه، وانتهزت (الصدى) فرصة وجودها ووجود وارغو وسألته عن مباراة أمس الأول أمام أهلي الخرطوم وعن الهدف الذي أحرزه بركلة جزاء كما استفسرته عن رؤيته لمباراة الترجي التونسي فذكر وارغو أن المريخ أدى بصورة جيدة أمام الأهلي الخرطوم وأهدر عددا كبيرا من الفرص وأشار إلى أن الهدفين اللذين ولجا مرماه جاءا من أخطاء، وقال: الأخطاء واردة في كرة القدم وبالتأكيد لا يوجد فريق لا يرتكب هفوات ولكننا حققنا الأهم وانتصرنا، وأضاف: بالنسبة للهدف الذي أحرزته فالجماهير طالبتني بتنفيذ ركلة الجزاء واستجبت لطلبها وأحرزت هدفي الأول في هذا الموسم وأعد بالعمل على إحراز المزيد من الأهداف في المباريات المقبلة وعن مباراة الترجي ذكر أنها مباراة مهمة ولكنها لا تختلف عن بقية المباريات في البطولة، وقال: المريخ يسعى فيها للتأهل سواء أكان المنافس الترجي أو أي فريق آخر، وأضاف: لم أسمع بالنيجيري مايكل إينرامو مهاجم الترجي إلا في السودان، هناك الكثير من اللاعبين ينتشرون في عدد كبير من الدول، ما أعلمه ان المريخ مؤهل لأن يمضي بعيداً في دوري الأبطال لأنه يملك فرقة ممتازة. وتمنى وارغو أن يعود كليتشي بسرعة. وأكد (الولد الأعجوبة) أن العنف الذي يمارس ضده مع بعض المدافعين لن يثنيه عن إنجاز مهمته مع الفرقة الحمراء، وقال: العنف موجود في كرة القدم ولكنه لن يرهبني، أعرف كيف أتعامل مع المدافعين ومع العنف. |
|
Post: #45
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-10-2010, 07:29 PM
Parent: #44
والان اخر الاخبار
بشري سارة لجماهير المريخ
حيث اظهرت صورة الاشعة المغنطيسية
بان اصابة كلاتشي عبارة عن تمزق
خفيف في اربطة الركبة تحتاج الي يومين
الي ثلاثة ايام يعود بعدها لمواصلة التمارين.
نتمني ان يكون التشخيص صحيح علما بان الكثيرين
حتي الان يتحدثون علي ان هناك سوابق كثيرة في
تشخيص اصابات الملاعب منها اصابة سفاري وطمبل والشغيل .
امنياتنا بالعودة السريعة للاباتشي لان الوضع لايحتمل اي اصابات
والفريق مقبل علي استحقاقات مهمة ...اهمها لقاء الترجي التونسي
بعد اسبوعين ولقاء هلال الساحل بعد اسبوع .
|
Post: #46
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-15-2010, 09:49 AM
Parent: #45
| Quote: بدأ كلتشي اسونوا المهاجم النيجيري الحاصل على الجنسية السودانية المحترف في صفوف المريخ تدريبات سباحة وصالة في برج الفاتح وسيعود اللاعب الى تدريبات الكرة بعد 72 ساعة وأكد حاتم عبدالغفار مدير الكرة أن كلتشي سيلحق بمباراة الفريق امام الترجي. |
|
Post: #48
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-19-2010, 06:17 AM
Parent: #47
يامهون تهون.....
بقينا علي حارس واحد
ووارغو فقط في الهجوم
Quote: • اصبح شبح الاصابات يلاحق المريخ يوما بعد يوم كان اولها اصابة الحارس حافظ حامد امام فريق سانت جورج في اياب دور ال 32 من
المسابقة حيث تعرض حافظ لاصابة بالغة مازال يتلقي منها العلاج كما معروف ان نصرالدين الشغيل ارتكاز المريخ قد حرمته الاصاب منذ الموسم السابق حيث خضع لبرنامج تأهيلي بالامارات علي يد الطبيب د. جار النبي بنادي الوصل الاماراتي وعاد الشغيل للبلاد وبدا مرحلة تأهيل جديدة.. وفي مباراة المريخ الدورية امام الاهلي الخرطومي تعرض هدافه النيجيري كلتشي الي اصابة بالغة حرمته من المشاركة لمدة عشرة ايام حيث عاد امس في تدريبات برنامج تأهيلي ولياقة حيث باتت حظوظه ضعيفة في اللحاق بمباراة الذهاب امام الترجي يوم الجمعة القادمة اما الحارس محمد كمال فقد اصيب في يده ومازال في برنامج العلاج حيث يصبح المريخ الان بحارس مرمي واحد هو اكرم الهادي سليم وقبل توجه المريخ لحاضرة الشرق بورتسودان تعرض الظهير الايسر موسي الزومة لاصابة بشد عضلي حرمه من الذهاب لبورتسودان ومازال يواصل في العلاج الطبيعي وبالامس تعرض اللاعبان عبدالحميد السعودي وطمبل لاصابات مختلفة فالسعودي شعر بالشد العضلي وقد قام مدرب اللياقة بالمريخ البرازيلي اندريا بتكثيف العلاج اللازم له اما الفاجعة الكبرى كانت في اصابة المهاجم طمبل في ركبته بعد احتكاكه بزميله لاسانا فاني مما استدعي حمله خارج الملعب ونقله للمستشفي حيث اجريت له الفحوصات والتي سوف تكتمل اليوم. فهؤلاء اللاعبون قد يفقد المريخ مجهوداتهم قبل السفر لتونس ظهر غد لمواجهة الترجي يوم الجمعة القادمة في ذهاب دور ال 16 من البطولة الافريقية |
|
Post: #49
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-19-2010, 06:17 AM
Parent: #47
يامهون تهون.....
بقينا علي حارس واحد
ووارغو فقط في الهجوم
Quote: • اصبح شبح الاصابات يلاحق المريخ يوما بعد يوم كان اولها اصابة الحارس حافظ حامد امام فريق سانت جورج في اياب دور ال 32 من
المسابقة حيث تعرض حافظ لاصابة بالغة مازال يتلقي منها العلاج كما معروف ان نصرالدين الشغيل ارتكاز المريخ قد حرمته الاصاب منذ الموسم السابق حيث خضع لبرنامج تأهيلي بالامارات علي يد الطبيب د. جار النبي بنادي الوصل الاماراتي وعاد الشغيل للبلاد وبدا مرحلة تأهيل جديدة.. وفي مباراة المريخ الدورية امام الاهلي الخرطومي تعرض هدافه النيجيري كلتشي الي اصابة بالغة حرمته من المشاركة لمدة عشرة ايام حيث عاد امس في تدريبات برنامج تأهيلي ولياقة حيث باتت حظوظه ضعيفة في اللحاق بمباراة الذهاب امام الترجي يوم الجمعة القادمة اما الحارس محمد كمال فقد اصيب في يده ومازال في برنامج العلاج حيث يصبح المريخ الان بحارس مرمي واحد هو اكرم الهادي سليم وقبل توجه المريخ لحاضرة الشرق بورتسودان تعرض الظهير الايسر موسي الزومة لاصابة بشد عضلي حرمه من الذهاب لبورتسودان ومازال يواصل في العلاج الطبيعي وبالامس تعرض اللاعبان عبدالحميد السعودي وطمبل لاصابات مختلفة فالسعودي شعر بالشد العضلي وقد قام مدرب اللياقة بالمريخ البرازيلي اندريا بتكثيف العلاج اللازم له اما الفاجعة الكبرى كانت في اصابة المهاجم طمبل في ركبته بعد احتكاكه بزميله لاسانا فاني مما استدعي حمله خارج الملعب ونقله للمستشفي حيث اجريت له الفحوصات والتي سوف تكتمل اليوم. فهؤلاء اللاعبون قد يفقد المريخ مجهوداتهم قبل السفر لتونس ظهر غد لمواجهة الترجي يوم الجمعة القادمة في ذهاب دور ال 16 من البطولة الافريقية |
|
Post: #50
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: haroon diyab
Date: 04-19-2010, 06:18 AM
Parent: #49
وطبعا اخبار قون ياها شبه قون......!.!.!.!
http://goansport.net/article/id/30695
|
Post: #51
Title: Re: وتتوالي المصائب .....اصابة كلاتشي في الرباط الصليبي....( عاجل الشفاء )
Author: Sharif Nasirladeen
Date: 04-19-2010, 08:01 AM
Parent: #50
أتمنى عاجل الشفاء للكابتن كلاتشي
|
|
