Post: #1 Title: الاعمار بيد الله .....( فيديو عجيب ) Author: haroon diyab Date: 06-10-2008, 03:56 PM Parent: #0
وسبحان الله....
ولكل اجل كتاب
Post: #2 Title: Re: الاعمار بيد الله .....( فيديو عجيب ) Author: noon Date: 06-10-2008, 04:21 PM Parent: #1
لا حولا يا رب
الحوادث دي متكررة جدا في أمريكا
الجو و السواقة المتهورة دايما السبب
بالاضافة لي سواقين التركات ديل اغلبهم بتاعين مخدرات
و كحول,,, بكنوا تقريبا عايشين في التركات بتعتم و الي غالبا
بتكون مهبئة ,,لكن still بدخلوا في دبرشن و بالطبع بلجأوا للمخدرات
و الكحول كحل
مع بعض بتونسوا بالرديوذ
يعنى لو حظك سئ ساي وواحد في فيهم افتكر إنك بتضايقو
في الشارع خلااص حقك راح
بتكون مواصفات عربتك عند كل سواقين trucks في الشارع
بعني جد تشوف اقرب Exit وتطلع لانوا ممكن يتسببوا ليك في حادث and they don't care
انا غايتو بتشهد كل ما ادخل ال highway
وعلي قول حبوباتنا ادينى عمر و ارمينى البحر
Post: #4 Title: Re: الاعمار بيد الله .....( فيديو عجيب ) Author: haroon diyab Date: 06-10-2008, 06:49 PM Parent: #2
نون مساء الخير
Quote: انا غايتو بتشهد كل ما ادخل ال highway
ربنا يحفظكم من كل سوء المشهد بيدي احساس بانوا الواحد لو مؤمن بالاجل مابخاف
Post: #3 Title: Re: الاعمار بيد الله .....( فيديو عجيب ) Author: يسن ابوالمجد Date: 06-10-2008, 04:53 PM Parent: #1
سبحان الله
اى فرد يرى هذا المشهد قبل ان يكتمل يسال السيارة هل بها ناس؟ الناس الداخل السيارة ماتوا؟ وينتظر الى نهاية الحادث ويخرج الشخص الذى يقود السيارة يقول يا للعجب!!!. سبحانه الله
Post: #5 Title: Re: الاعمار بيد الله .....( فيديو عجيب ) Author: haroon diyab Date: 06-10-2008, 06:52 PM Parent: #3
ابو المجد ازيك
Quote: سبحان الله
اى فرد يرى هذا المشهد قبل ان يكتمل يسال السيارة هل بها ناس؟ الناس الداخل السيارة ماتوا؟ وينتظر الى نهاية الحادث ويخرج الشخص الذى يقود السيارة يقول يا للعجب!!!. سبحانه الله
وفعلا ...سبحان الله لكن الناس عندنا زي ده بقولوا عليه كديس عنده سبعة ارواح .
Post: #6 Title: Re: الاعمار بيد الله .....( فيديو عجيب ) Author: haroon diyab Date: 06-12-2008, 06:28 AM Parent: #1
ولاسر ضحايا الطائرة المنكوبة نقول انه قدر الله وقضائه ولا مرد لقضاء الله مهما كانت الاسباب.... لهم الرحمة جميعا ولكم الصبر الجميل ومن خرج معافئ فقد خرج لان في العمر بقية ولننظر الي هذا الرجل الذي خرج من تحت الحاوية سليما معافئ يمشي علي قدمين . وسبحان الله....
Post: #7 Title: Re: الاعمار بيد الله .....( فيديو عجيب ) Author: haroon diyab Date: 06-14-2008, 06:22 AM Parent: #1
عشان كده المثل بقول: اديني عمر .... وارميني في البحر
Post: #8 Title: Re: الاعمار بيد الله .....( فيديو عجيب ) Author: طارق ميرغني Date: 06-14-2008, 07:51 AM Parent: #1
عندنا ما كان قالوا عندو سبعه ارواح اولا كان قنعوا منو وما بذلوا اي مجهود عشان يطلعوا الجنازه لكن عند الخواجات مجرد ما ابلغوهم الماره انو في بني آدم بالعربه شوف المجهود والسرعه في الانقاذ لانو البني آدم عندو قيمه لكن عندنا اسرع خدمه ممكن يقدموه ليه انو يدفنوه بسرعه عشان كده الناس الساكنين جنب المقابر يقولوا ليك بنسمع اصوات الميتين وهمفي الحقيقه ولا ميتين ولا حاجه بل احياء عند ربهم يرزقون
Post: #9 Title: Re: الاعمار بيد الله .....( فيديو عجيب ) Author: haroon diyab Date: 06-14-2008, 09:20 AM
طارق ميرغني صباح الخير
Quote: عندنا ما كان قالوا عندو سبعه ارواح اولا كان قنعوا منو وما بذلوا اي مجهود عشان يطلعوا الجنازه لكن عند الخواجات مجرد ما ابلغوهم الماره انو في بني آدم بالعربه شوف المجهود والسرعه في الانقاذ لانو البني آدم عندو قيمه لكن عندنا اسرع خدمه ممكن يقدموه ليه انو يدفنوه بسرعه عشان كده الناس الساكنين جنب المقابر يقولوا ليك بنسمع اصوات الميتين وهمفي الحقيقه ولا ميتين ولا حاجه بل احياء عند ربهم يرزقون
Post: #10 Title: Re: الاعمار بيد الله .....( فيديو عجيب ) Author: Moawia Mohammed Date: 06-14-2008, 11:01 AM Parent: #1
لكل أجل كتاب و الزول دا لعب معاهو الحظ دور كبير انو يطلع سليم.
لكن و الحق يقال السيارات هنا متينة جدا و مصممة بطريقة تمكن بالخروج بأقل الخسائر و حتي السيارات المستوردة لها مقاييس و مواصفات لا يمكن تجاوزها بأي حال من الأحوال .
يعني لو كانت العربية دي من نوع الصفيح الكوري البيدخل السودان كل يوم من غير أي مواصفات كان الزول دا لقوه مفجخ فجيخ الطماطم .
Post: #11 Title: Re: الاعمار بيد الله .....( فيديو عجيب ) Author: haroon diyab Date: 06-14-2008, 06:39 PM Parent: #10
معاوية مساء الخير
Quote: لكل أجل كتاب و الزول دا لعب معاهو الحظ دور كبير انو يطلع سليم.
لكن و الحق يقال السيارات هنا متينة جدا و مصممة بطريقة تمكن بالخروج بأقل الخسائر و حتي السيارات المستوردة لها مقاييس و مواصفات لا يمكن تجاوزها بأي حال من الأحوال .
يعني لو كانت العربية دي من نوع الصفيح الكوري البيدخل السودان كل يوم من غير أي مواصفات كان الزول دا لقوه مفجخ فجيخ الطماطم .
انت عارف يامعاوية اخر تجلياتنا احد مصابين الطائرة المنكوبة رفضت احد المستشفيات خروجه الا بعد دفع الرسوم.... وفي نيويورك في سيدة مسنة رفعت قضية ضد المحافظ عشان كديسته وقعت في بالوعة مجاري وقالت ماعاوزه تعويض مادي... عاوزه المحافظ يستقيل لانوا غطاء البالوعة كان مكشوف . ودنيا حظوظ. مودتي هارون دياب