Post: #1
Title: حتي لانتهم باننا ضد المنتخب ....لنتابع مسيرته يوميا... والقادم مذهل اكثر.....!
Author: haroon diyab
Date: 01-23-2008, 06:24 AM
قبل البطولة تحدثنا....
وعن فترة الاعداد تكلمنا...
ولكن لاحياة لمن تنادي....!
Quote: هاكم :
5/صفر من فريق هواة بلجيكي.....!
2/صفر من الصف التاني النيجيري.....!
وقبل قليل 6/صفر من غينيا......!
عوووووووووووووك
13 قون في ثلاثة مباريات
زماااااااان قلنا..... مازدا ده ماراجل المرحلة .....قالوا لينا اطلعوا من البلد.
لماذا الاصرار علي مازدا....؟
قالوا لازم نشجع المدرب الوطني....!
هاك الوطنية دي
يعني ماجات الا في التدريب
الحقوووووووووونا ....قبل الفاس ماتقع في الراس....ونرجع باكبر فضيحة من غانا. |
وامس بدانا مسلسل الفضائح الحذرنا منو.....؟
وانكشفنا بعد دقيقتين فقط .....!
عارفين ليه .....؟
انا عارف .....!
لكن وحتي لانتهم باننا ضد الفريق القومي ....لنتابع المباريات....واحدة ...واحدة... ومن ثم نعمل كشف حساب شاااااامل .
لنتواصل
هارون دياب
|
Post: #2
Title: Re: حتي لانتهم باننا ضد المنتخب ....لنتابع مسيرته يوميا... والقادم مذهل اكثر.....!
Author: haroon diyab
Date: 01-23-2008, 06:58 AM
Parent: #1
وعلي رائ حبيبنا ابو ساندرا
اول هم :
هل يعقل انوا بلد عدد سكانه اكثر من 35 مليون نسمة يتكون فريقه القومي من فريقين بس.....؟
حرام عليكم والله......
12 من الهلال.....!
11 من المريخ....!
طيب ماتعملوا ليهم دوري براهم وفكونا من وجع الراس ده.....وتكاليف السفر بتاع الاندية من والي الولايات....ممكن تدعموا بيه سعر الغاز المنعتوه من عربات الامجاد ....وقفلتوا بيوت الناس .
تاني هم:
نحنا يااخوانا البلد دي مافيها غير العجب ده ولاشنو.....؟
كتر خيروا ....ماقصر ....قدم الكتير .....لكن لمتين يلازمك....!
معقولة عبد الحميد السعودي هداف بطولة سيكافا الاخيرة قاعد بره....والعجب يسرح ويمرح ....ويقدل ....ومازدا .....قاعد يتفرج .
تالت هم :
جهاز فني يلعب خمسة مباريات يدخل مرماه 17 قووووووووووون وماقادر يجهز بديل للمدافعين ....مسافر غانا لي سجمه ...ولا لي رماده ....؟
طبعا نحنا لسه في المناظر.....الفلم مابداء .
راجع
هارون دياب
|
Post: #3
Title: Re: حتي لانتهم باننا ضد المنتخب ....لنتابع مسيرته يوميا... والقادم مذهل اكثر.....!
Author: haroon diyab
Date: 01-23-2008, 08:14 AM
Parent: #2
المطبلاتية ....واصحاب اقلام المصالح الشخصية
كدي واحد فيكم يسأل لي سبب المصائب الاسمو شداد ده :
ليه رفض عرض الوزارة باستقدام خبير اجنبي بعد تأهل المنتخب الي غانا مباشرة ......؟
انا عارف انوا اكتركم عارف الاجابة....لكن قول الحقيقة قد يكون خصما علي حاجات كتيرة.....وحاجات تانيه حامياني....!
نواصل
هارون دياب
|
Post: #4
Title: Re: حتي لانتهم باننا ضد المنتخب ....لنتابع مسيرته يوميا... والقادم مذهل اكثر.....!
Author: haroon diyab
Date: 01-23-2008, 04:25 PM
Parent: #1
ماعاوزين نحبط من المعنويات.....
لكن سمعتنا بقت علي المحك .....
منتخبات كثيرة وكبيرة غيرت مدربيها اثناء البطولة.....
حتي المنتخب السعودي سبق له ان استبدل مدربه بعد هزيمته الشهيرة من المانيا في كاس العالم.....
يمكن التغيير يدينا دافع للحفاظ علي ماتبقي من ماء وجه كرتنا.....
التغييييييييييير......مطلب الجماهييييييييييير......
شكرا.....شداد وزمرته......شكرا مازدا وجماعته.....
ونحنا قبيل شن قلنا .....!
وبرضو ربنا يكضب الشينة .
ومعا خلف منتخبنا ....عل ...وعسي.
هارون دياب
|
Post: #5
Title: Re: حتي لانتهم باننا ضد المنتخب ....لنتابع مسيرته يوميا... والقادم مذهل اكثر.....!
Author: haroon diyab
Date: 01-24-2008, 10:46 PM
Parent: #1
|
|