Post: #1
Title: الاخ بكري ابو بكر ....أكان الاعلانات هي السبب....شوف ليها حل
Author: haroon diyab
Date: 01-31-2008, 07:21 AM
سيد الحوش الكبير
اخونا بكري ابو بكر
مساء الخير
يااخوانا لي تلاتة يوم عاوز افتح اي صفحة في المنبر ......الفتح بكون بطئ جدا.....مع انوا كان بفتح معاي بسرعة شديدة ......قلته يمكن من الجهاز ......او الخدمة ....لكني لو حاولت افتح اي صفحة تانية بتفتح بي سرعة ....وطبعا اخوكم كيشة جنس كياشة في التكنولوجيا دي....ماعرفت الحل .....فاذا كانت المشكلة من طريقة وضع الاعلانات داخل البوستات هي السبب....عليك الله شوف ليها حل....مع قناعتي التامة بان الاعلانات مهمة لتجويد العمل وتقديم خدمة جيدة لاعضاء المنبر.....
ولو كان في زول عارف ليه سبب تاني يتسبب في عدم سرعة فتح المنبر.... يورينا الحل شنو .....؟
ويديكم العافية
هارون دياب
|
Post: #2
Title: Re: الاخ بكري ابو بكر ....أكان الاعلانات هي السبب....شوف ليها حل
Author: بكرى ابوبكر
Date: 01-31-2008, 07:37 AM
Parent: #1
الحبيب هارون
البط ليست من الاعلانات (الاعلانات اصلها قاعدة فى سيرفا قوقل) البط من السيرفا و جارى العمل على حل هذه المشكلة ....اصلوا سكان الحوش و زوارهم بقوا كتار و لازم نوسع و نبنى لينا كم طابق زيادة ...انشاء الله قريبا ترى هذه التوسعات و سرعة الدخول تكون اقل من 2 ثانية
|
Post: #3
Title: Re: الاخ بكري ابو بكر ....أكان الاعلانات هي السبب....شوف ليها حل
Author: haroon diyab
Date: 01-31-2008, 07:52 AM
Parent: #1
استاذي الفاضل / بكري
صباح الخير بتوقيتنا
Quote: الحبيب هارون
البط ليست من الاعلانات (الاعلانات اصلها قاعدة فى سيرفا قوقل) البط من السيرفا و جارى العمل على حل هذه المشكلة ....اصلوا سكان الحوش و زوارهم بقوا كتار و لازم نوسع و نبنى لينا كم طابق زيادة ...انشاء الله قريبا ترى هذه التوسعات و سرعة الدخول تكون اقل من 2 ثانية |
خليني ارفع ليك الطاقية ....تقديرا واحتراما .
طمنتني الله يطمن قلبك .
يديك العافية ....وفي ميزان حسناتك .
هارون دياب
|
|