Post: #1
Title: اها بعد ده.....القاعدين ليها شنو......؟ اذهبوا غير ماسوف علي ذهابكم....!
Author: haroon diyab
Date: 01-31-2008, 07:30 AM
انتهي المولد الافريقي.....!
وطلعنا طيش البطولة من كل النواحي.....
اكثر فريق تعرض للخسارة.....خسرنا جميع المباريات
اضعف خط دفاع......عدد9 اهداف في ثلاثة مباريات
اضعف خط هجوم.....ولا هدف في ثلاثة مباريات
لم نتعادل حتي.....
لم نسجل مايحفظ لنا ماء وجهنا .
شداد.....وزمرته
مازدا....وتوابعه
شكرا جزيلا ....فقد مرمطوا سمعتنا في الواطه......!
اها القاعدين ليها شنو.....؟ اذهبوا غير ماسوف علي ذهابكم.....!
وليأتي من هو احق واجدر بقيادة الرياضة في البلد.
|
Post: #3
Title: Re: اها بعد ده.....القاعدين ليها شنو......؟ اذهبوا غير ماسوف علي ذهابكم....!
Author: أبوالزفت
Date: 01-31-2008, 08:59 AM
Parent: #1
Quote: اها القاعدين ليها شنو.....؟ اذهبوا غير ماسوف علي ذهابكم.....!
وليأتي من هو احق واجدر بقيادة الرياضة في البلد.
|
يمشوا وين يا هارون ديل حا يترقوا
واحتمال ياخدوا اوسمه ونياشين
من ما قمنا ما سمعنا زول استقال
علشان خطاء او اخفاق او حتي ازهاق
ارواح العباد (سقوط الطائرات)
يذهبوا يمشوا وين كل زول مكنكش في كرسيهو
اها اقول ليك شداد حيفوز فى الانتخابات القادمة
ماذدا حيقود المنتخب لتصفيات كأس العالم
|
Post: #4
Title: Re: اها بعد ده.....القاعدين ليها شنو......؟ اذهبوا غير ماسوف علي ذهابكم....!
Author: haroon diyab
Date: 01-31-2008, 11:05 AM
Parent: #3
ابو الزفت
مساء الخير
Quote: يمشوا وين يا هارون ديل حا يترقوا
واحتمال ياخدوا اوسمه ونياشين
من ما قمنا ما سمعنا زول استقال
علشان خطاء او اخفاق او حتي ازهاق
ارواح العباد (سقوط الطائرات)
يذهبوا يمشوا وين كل زول مكنكش في كرسيهو
اها اقول ليك شداد حيفوز فى الانتخابات القادمة
ماذدا حيقود المنتخب لتصفيات كأس العالم |
والله ياحبيب اكان كلامك ده بقي صح ....يبقي علي البلد السلام.....
بس مانقدر نقول غير ...الاختشوا مااااااااااااتوا
مودتي
هارون دياب
|
Post: #5
Title: Re: اها بعد ده.....القاعدين ليها شنو......؟ اذهبوا غير ماسوف علي ذهابكم....!
Author: haroon diyab
Date: 02-01-2008, 07:43 AM
Parent: #1
لنتعلم من اخطاؤنا....
السقوط ليس عيبا....
حتي الدول تسقط كدول....
ولكنها تعود وتنهض بقوة....
ولكن العيب الاستمرار في السقوط....
الوصول الي نهائيات غانا بعد 32 سنة يعتبر بدائة نجاح.....
ولكن كيف يتم توظيف هذا النجاح للاحسن....
يجب فتح كشف حساب لهذه المشاركة.....
لنتجنب السلبيات....ومااكثرها.....
لنستفيد من الايجابيات....وهي تقتصر فقط علي الوصول للنهائيات ....!
ليكون مازدا وجهازه الفني شجعان ....ويقولوا لقد فشلنا فامنحوا الفرصة لمن هو اجدر منا عله ينجح .
ليرجع شداد وزمرته لرشدهم وليسألوا انفسهم : الم تنجب حواء السودانية غيرنا....؟الا متي سنبقي ممسكين بتلابيب الكرة السودانية .....؟
ليسأل شداد نفسه : الا متي سامرمط سمعة الكرة السودانية ....؟
وراجع
هارون دياب
|
|