ودرجنا دائما علي حضور المباريات المقامة خارج الحدود مسجلة..... بعد يوم ....او يومين بالكتير عشان نعرف الحصل شنو.....؟ يمكن شريط الاول من اغسطس حيبث في الاول من اغسطس ولا شنو....؟ افيدونا....افادكم الله
المباراة تم تسجيلها عبر قناة النيل الازرق الفضائية وتم الاعلان علي انها ستبث بعد عودة الهلال ومعه وفد القناة للخرطوم.....!!!! الجماعة ماوصلوا لسة ولا شنو.....؟ يمكن جايين كداااااااااااااااري.....!!!
* من أشهر أغنيات الراحل عبد العزيز داؤود (بتصرف): يا عذارى الحي.. هل رأيتن (شريطاً) قد توارى!
* ومن أشهر أغاني المطربة ندى القلعة: الشريط (مدسوس) مني!
* ومن الأغاني الشعبية الشهيرة: (الشريط) الضيف.. ودرتنو كيف؟
* شريطك الخايف عليهو ونحن ما خايف علينا!
* (الشريط) المرّ.. فيه مرّ حبيبي!
* رسلت ليك أجمل (شريط).. لليلة ردك ما وصل.. زعلانة من أنغولا.. وللا شنو الحصل؟
* وشوشني (الشريط) فانتشيت.. وساقني الهوى إلى أنغولا.. فما أبيت!
* لا شوفةً تبل الشوق.. لا (شريطاً) يطمن!
* النوم مني فرَ.. وقلبي ناوي (الشريط)!
* يا حبيبي ظمئت روحي وحنت (للشرايط)!
* فات الأوان.. وما قادر أصدق إنه نحن.. نحن (شريطنا) فات!
* لا تقل إني بعيد في الثرى.. (فشريط) الشعر يرتاد الثريا!
* بكرة يا قلبي (الشريط) تلقى السعادة!
* كلما النسمات عطروني.. فاجأوني دموعي مطروني.. رب أغفر للعكروني.. في وداعة الباري العروني.. رب وقت يتذكروني.. أو يقول القائل ذروني.. أو يحدث عني (الشريط)!
* يا حياة أنفسنا وهلاكها.. لو ظليت في النار ما سلاكا.. قلبي صابر وهاك (الشريط)!
* يا شريطي المكتول كمد!
* الزول (الشريط) في طبعو دايماً هادي!
* أما المريخاب فيفضلون الاستماع إلى أغنية: أنا (شريطي) ظاهر!
* وشريطي وشريطك.. أسباب لوعتي!
جنس شرائط
يجازي محنك....!!!
Post: #4 Title: Re: لعناية الهلالاب......الشريط وينو.......؟ Author: omer osman Date: 04-24-2009, 10:39 AM Parent: #2
شفته....شفته ابوي وعجبني عدييييييييييييييييل واكان ماطردوه انا كنت طردته من الفرحة..... الكج فكة ويمكن الانطون ماادوه قروشه ففك النحس......!!!! جنس ورغنة
Post: #5 Title: Re: لعناية الهلالاب......الشريط وينو.......؟ Author: ناصر جبريل Date: 04-24-2009, 10:39 AM Parent: #2
كتب مزمل في عدد اليوم
Quote: سري للغاية!
* دخلنا عالم الممنوعات.. قبل أن ندخل دور المجموعات!
* وجاء المدخل بحجب شريط لقاء الهلال وأول ثلاثة أغسطس بلا سابق إنذار!
* علمنا أن من طلبوا عدم بث الشريط عللوا طلبهم (بالمصلحة العليا).. ولا ندري أي مصلحة يمكن أن تتحقق بإخفاء الحقيقة.. وحجب المعلومة عن الناس!
* من الغريب أن يتم التعامل مع شريط لإحدى المباريات وكأنه شريط خادش الحياء العام!
* الهلال ليس أول فريق سوداني يخسر خارج السودان ولن يكون الأخير.. بل إن خسائر فرقنا خارج الوطن هي القاعدة.. وما سواها شاذ!
* فلم الحساسية؟ وفيم الحجب؟
* التعتيم لا يفيد.. وكان من الأجدى عرض الشريط مع التنبيه.. تمنع مشاهدته لأقل من 18 عام!
* جماهير الهلال تعلم حقيقة ما حدث.. وتدرك أن فريقها كان سيئاً بدليل أنه خرج مهزوماً بالثلاثة!
* وهي مستعدة لتقبل الحقيقة مهما كانت مرة.. ومساندتها لفريقها لن تنقطع مهما حدث.. وقد سبق وتعرض الهلال لهزائم أمر وأبشع.. فهل خاصمته جماهيره؟ وهل امتنعت عن تشجيعه؟
* ما حدث يشكل سابقة غريبة وعجيبة لم نشهد لها مثيلاً من قبل!
* واللوم يقع على قناة النيل الأزرق التي شاركت في جريرة تغبيش وعي الناس وحجب الحقيقة عنهم!
* نحن ما بنروق.. إلا نشوفوا في الشروق!
* ربنا يستر.. ما يطالبوا باكر بإلغاء شريط السكة حديد!
الممنوع مرغوب!
* أحدث أفلام الشاشة الزرقاء: (سري للغاية)!
* بطولة مانو.. وبينا.. ومرق!
* تم التصوير والطبع والتحميض بمعامل أول ثلاثة أغسطس الأنغولية!
* دخل الهلال سيضاعف في لقاء الرد.. من باب (الممنوع مرغوب)!
* تم حجب الشريط فغابت الحقيقة وتناسلت الإشاعات!
* هناك من زعم أن مرق كان نجماً للمباراة.. وأن الأهلة فضلوا حجب الشريط خوفاً عليه من عيون المريخاب!
* وهناك من ادعى أن القارورة طارت مجدداً بعد التبديل!
* وهناك من زعم أن السلحفاة شاهدت الشريط سراً فسخرت من بطء أمولادي!
* ما سترته قناة النيل الأزرق بالفلوس سيظهر للعيان بالمجان في الثالث من مايو المقبل!
* ويا خبر بفلوس!
أغاني وأغاني
* من أشهر أغنيات الراحل عبد العزيز داؤود (بتصرف): يا عذارى الحي.. هل رأيتن (شريطاً) قد توارى!
* ومن أشهر أغاني المطربة ندى القلعة: الشريط (مدسوس) مني!
* ومن الأغاني الشعبية الشهيرة: (الشريط) الضيف.. ودرتنو كيف؟
* شريطك الخايف عليهو ونحن ما خايف علينا!
* (الشريط) المرّ.. فيه مرّ حبيبي!
* رسلت ليك أجمل (شريط).. لليلة ردك ما وصل.. زعلانة من أنغولا.. وللا شنو الحصل؟
* وشوشني (الشريط) فانتشيت.. وساقني الهوى إلى أنغولا.. فما أبيت!
* لا شوفةً تبل الشوق.. لا (شريطاً) يطمن!
* النوم مني فرَ.. وقلبي ناوي (الشريط)!
* يا حبيبي ظمئت روحي وحنت (للشرايط)!
* فات الأوان.. وما قادر أصدق إنه نحن.. نحن (شريطنا) فات!
* لا تقل إني بعيد في الثرى.. (فشريط) الشعر يرتاد الثريا!
* بكرة يا قلبي (الشريط) تلقى السعادة!
* كلما النسمات عطروني.. فاجأوني دموعي مطروني.. رب أغفر للعكروني.. في وداعة الباري العروني.. رب وقت يتذكروني.. أو يقول القائل ذروني.. أو يحدث عني (الشريط)!
* يا حياة أنفسنا وهلاكها.. لو ظليت في النار ما سلاكا.. قلبي صابر وهاك (الشريط)!
* يا شريطي المكتول كمد!
* الزول (الشريط) في طبعو دايماً هادي!
* أما المريخاب فيفضلون الاستماع إلى أغنية: أنا (شريطي) ظاهر!
زولكم دا ما عندو موضوع يا هارون غير الهلال !! والمشكله لو بتناول قضايا الهلال بحياديه وصدق ..كتابابتو كلها اثاره وتلفيق
قصه الشريط وبكل بساطه رفضت اداره الهلال عرض مباراه الهلال والفريق الانقولي دون اعطاءها حقها في الاعلان اسوه بما تم في بث شريط مباراة المريخ وكمبالا ! يعني كوره المريخ بتستحق اداره القناة تدفع فيها للمريخ ومباراة الهلال تبث ملح سااااكت كدا !!! حقاره يعني !وبعدين من متين بقت هزائم فرقنا بي 3 اهداف فضائح ويجيب التستر عليها !!
اخونا ابودياب جمعة مباركة ، قيل قديما (الشريط يا سبب الاذى ، اول اغسطس تتجازى جزا . يا اخى خلى الطابق مستور ، غايتو هدف وارغو حلو( حلا) . والعهدة على الرواى سوف تبث النيل الازرق شريط اللخويا بدلا عن شريط انغولا .
الشريط وينو .. أكلو الدودو .. الشريك وين راح .. أكلو التمساح ما علاقته بهدف منقوض .. تسلل ولا ما تسلل !! إيراد هذه اللقطة والسؤال تسلل فى موضوع البوست! الحالة لا يمكن الجزم فيها من زاوية التصوير وإن كان يبدو لاعب الإتحاد متسللاً ولكن من حسب الحالة هو الحكم سبت الذى مد مباراة للهلال 15 دقيقة! عن مباريات مدنى .. أين لقطة ضربتى الجزاء لصالح الهلال فى مباراة الأهلى وطرد لاعبه وأين لقطة حالة الطرد للاعب الإتحاد فى مباراة الهلال .. لنحكم بإختلاف ألواننا!
Quote: زولكم دا ما عندو موضوع يا هارون غير الهلال !! والمشكله لو بتناول قضايا الهلال بحياديه وصدق ..كتابابتو كلها اثاره وتلفيق
قصه الشريط وبكل بساطه رفضت اداره الهلال عرض مباراه الهلال والفريق الانقولي دون اعطاءها حقها في الاعلان اسوه بما تم في بث شريط مباراة المريخ وكمبالا ! يعني كوره المريخ بتستحق اداره القناة تدفع فيها للمريخ ومباراة الهلال تبث ملح سااااكت كدا !!! حقاره يعني !وبعدين من متين بقت هزائم فرقنا بي 3 اهداف فضائح ويجيب التستر عليها !!
هل حقاً هذا هو تعليل عدم بث المباراة؟! الكلام دا بيكون معقول عند البث الحى ولمباراة مقامة بالخرطوم لإرتباطها بالدخل. أما مباراة خارجية ليس للهلال سلطة عليها والتلفزيون كان بإمكانه نقلها مباشرة حية بدون أى حق للهلال الإعتراض عليها. التلفزيون الأنغولى بث المباراة فهل إستأذن من الهلال أو دفع له مليماً أزرقاً! وعن مباراة أصبحت ماضى يمكن لأى تلفزيون إعادة بثها، و كخبر بث لقطات منها وخاصة الأهداف. وإذا صدقنا هذا التعليل، فلماذا لم تعرض الأهداف والتى حجبت وسحبت حتى من اليوتيوب !!!
بعدين المريخ دفعو ليهو لأنو غالب وناس التلفزيون طلعوا من الإستاد بكمبالا مرفوعى الرأس وفى لواندا خرجو مطأطئ الراس وبيتنطنو قائلين "كرهتونا الكورة"
الشاهد أن الدور الإعلامى للتلفزيون يحتم بث المبارة خاصة وهى خدمة للجمهور العريض المهتم بلعبة كرة القدم. ولا توجد أى مصالح عليا تخدم الهلال لأن الفريق المنافس لديه نسخة من المباراة. وكذلك الدور الإعلامى للإستاذ مزمل أبو القاسم يحتم عليه تسليط الضؤ وإنتقاد عدم إعادة بث المباراة التى أصبحت ماضى .. وكمل .. كمل .. يا مزمل
Quote: أما مباراة خارجية ليس للهلال سلطة عليها والتلفزيون كان بإمكانه نقلها مباشرة حية بدون أى حق للهلال الإعتراض عليها. التلفزيون الأنغولى بث المباراة فهل إستأذن من الهلال أو دفع له مليماً أزرقاً!
للمعلوميه وحسب ما زكره المذيع المرافق لبعثه الهلال فان ادراه الهلال هي التي رفضت بث مباراة الهلال مباشره حتي يتم دفع مبلغ معين من المال وكانت اداره التلفزيون عرضت مبلغ 50 مليون جنيه وتم رفض العرض من بعثه الهلال الاداريه ..فكيف لايكون لادارة الهلال سلطه بث المباراه ...الحاجه التانيه خلال بث المباراة (المسجله) هناك شريط اعلاني للقناة تستفيد منه القناة ماديا وقد طالبت ادارة المريخ بحقوقها في البث (المسجل)قبل بث الشريط وقامت اداراة الهلال بالمطالبه ايضا في حقها في الاعلان والاعدم بث الشريط ..
السؤال..ماهي الفضيحه التي اخفتها اداره الهلال عن جماهيرها !!! هدف الانقولي المتسلل !!ولا هدف امبيلي !! ولا هدفي الانقولين ولا الهزيمه خارج الارض وبتلاته اهداف مقابل هدف بقت فضيحه ويجب التستر عليها !!
هوي الكورة دي الظاهر عليها أكتر من ثلاثة،، ولا شنو؟؟ غايتو المعروف أن المريح يا هارون انهزم قبل كده من سانت لويزيان زمن ما في دشوش ثمانية صفر وعند الوعدة تم الاعلان عن النتيجة خسارة المريخ اتنين صفر.. اها الشريط وينو.. يعني بالطريقة دي يوم 3 مايو ما حنشوف المباراة متلفزة.. يا ناس التلفزيون ادفعو وبلاش جلدنة..
هارون شفنا كورة كمبالا وكانت عك صاح،، وياهو الحال من بعضو.ز
منايا أنا شريط منايا أنا أشوفو يروى والعهدة على الشريط أن عمار مرق كان نجم المباراة بلا منازع هارون أخي حجبوهو مني الشريط حجبوهو ما قدرو حجبوهو من امولادي والقارورة شاتوها تاني قالوا شاتوها تاني
Quote: جوني الصحاب انا قالوا لي شافوها في ( شريط ) الزفاف
هارون
سلام يا حبيب رغما عن هلاليتي لكن الزول ده جنسو شنو؟ ما اظنو اكل كسره بي امرقيقه زينا ولا رز زي البتان قايم سداري عديل مردونا ولا رونالدينو متغذي بي سيريال بلبن ولا شنو؟ الله منو
قلت لي الزول ده ما اظنو زول الزول ده من وين؟ نيجيريا وتمنو كم؟ والشعب الغلبان ميت من الجوع مع نصره البشير