Post: #1
Title: زيارتي لابوساندرا وتفاصيل الحوار مع هارون دياب !!!
Author: الطاهر عثمان
Date: 11-17-2007, 07:47 AM
في الزيارة التي قمت بها انا وبنتي الصغيرة للعزيز ابوساندرا اثناء وجوده في المستشفى كان الاخ هارون دياب يتصفح سودانيز اونلاين علي لابتوب محمول معه ويقرأ لابوساندر بعض عناوين المواضيع المميزة...
وبعد السلام والتحية والاطمئنان علي صحة ابوساندرا اخبرني بانه يتعافى بعد العملية الجراحية التي اجريت علي العين المتاثرة وان يخضع لتمارين ما بعد العملية...
وبعد هذا الحوار القصير جرى السؤال والنقاش كالعادة عن احوال السودانيون في قطر وبالمقابل في السعودية ودار نقاش بيني وبين هارون دياب في وضع السودانيون في السعودية والفرق في الرواتب والمخصصات ما بين سوداني قطر والسعودية والاسباب ...
واثناء هذه الجلسة حضرت واحدة من الاخوات يبدو انها قريبة ابو ساندرا وكنت اعرف هذه الاخت معرفة قديمة جدا ولم اقابلها لما يزيد عن الـ 15 عاماً واندهشت من معرفتي بابوساندرا وتكلمنا في الصدفة الغريبة التي جمعتنا بعد هذه السنين الطويلة..
وفي هذا الجو الاخوي الجميل صحوت علي صوت المنبه معلناً بداية يوم جديد...
واحببت ان اشرككم هذه المشاعر والاحاسيس الاخوية لاخوان لم نعرفهم ونتشرف بمقابلتهم وجاءونا في الاحلام
ولكم ودي ،،،
|
Post: #2
Title: Re: زيارتي لابوساندرا وتفاصيل الحوار مع هارون دياب !!!
Author: ابو جهينة
Date: 11-17-2007, 08:07 AM
Parent: #1
أخي الطاهر
تحياتي
و شكرا على طمأنتنا بصحة العزيز أبو ساندرا ..
التحية موصولة للأخ القريب هارون.
|
Post: #5
Title: Re: زيارتي لابوساندرا وتفاصيل الحوار مع هارون دياب !!!
Author: الطاهر عثمان
Date: 11-17-2007, 01:17 PM
Parent: #2
الاخ العزيز ابوجهينة تحياتي وتقديري
وربنا يطمنا جميعاً
والتحية لابوساندرا وماتشوف شر
|
Post: #3
Title: Re: زيارتي لابوساندرا وتفاصيل الحوار مع هارون دياب !!!
Author: haroon diyab
Date: 11-17-2007, 08:39 AM
Parent: #1
الطاهر عثمان
صباح الخير
ياصاحب المبادرات الجميلة
بقيت بتاع احلام اجمل
| Quote: وبعد السلام والتحية والاطمئنان علي صحة ابوساندرا اخبرني بانه يتعافى بعد العملية الجراحية التي اجريت علي العين المتاثرة وان يخضع لتمارين ما بعد العملية... |
امس وفي ختام الاسبوع الثقافي السوداني بدولة قطر كانت هناك مجموعة من البورداب وطبعا ذي تيمان برقو انا واخوي الكاشف كنا قابضين الجو عديييييييييييييل كده .... وصحبك ده اطمنك عليه .... اخر سلطنة واخر طرب .... وهجيج شديد وتفاعل حتي الثمالة( شفت الثمالة دي حلوة كيف ....!) يعني كل الامور تحت السيطرة ... وماحلمك الا تاكيد لهذا التواصل الجميل بين البورداب الاحباب .
| Quote: وبعد هذا الحوار القصير جرى السؤال والنقاش كالعادة عن احوال السودانيون في قطر وبالمقابل في السعودية ودار نقاش بيني وبين هارون دياب في وضع السودانيون في السعودية والفرق في الرواتب والمخصصات ما بين سوداني قطر والسعودية والاسباب ... |
الاحوال متشابهه لكن الرواتب دي خليها مستورة ... انتوا يااخوي ماقاعدين في البلد المبروكة ... اللهم لاحسد لكن نحنا مع المدرسة السودانية الفرتكت فهمنا دي بقينا مابنعد ... ندفع ساااااااكت .
| Quote: واحببت ان اشرككم هذه المشاعر والاحاسيس الاخوية لاخوان لم نعرفهم ونتشرف بمقابلتهم وجاءونا في الاحلام |
وتجدنا نزداد شرفا اخي الطاهر بمعرفتك الجميلة ونشاركك همك الجميل في مشاريعك الاجمل ... وفي ميزان حسناتك باذن الله .
تحياتي لك وللريس ابوجهينة.
هارون دياب
|
Post: #4
Title: Re: زيارتي لابوساندرا وتفاصيل الحوار مع هارون دياب !!!
Author: فيصل محمد خليل
Date: 11-17-2007, 09:02 AM
Parent: #3
استاذنا هارون دياب
كلم صاحبنا بان يعمل حسابو
من الحرام الطيب الافرنجي منه و البلدي
وعليه بالمكسرات
المكسرات دي ما يفهمها بالمكسرات فيهو.
وتحياتي لسوداني قطر
|
Post: #7
Title: Re: زيارتي لابوساندرا وتفاصيل الحوار مع هارون دياب !!!
Author: haroon diyab
Date: 11-18-2007, 05:49 AM
Parent: #4
فيصلنا
صباح الخير
Quote: استاذنا هارون دياب
كلم صاحبنا بان يعمل حسابو
من الحرام الطيب الافرنجي منه و البلدي
وعليه بالمكسرات
المكسرات دي ما يفهمها بالمكسرات فيهو.
وتحياتي لسوداني قطر |
انت عارف صاحبنا ده انت اليومين ديل خليتوا عامل لي فيها مجنون .....
كومندتنا....
الحرام الطيب الافرنجي مقدور عليه....
الكلام في البلدي....
وبعدين المكسرات دي انا خايفه يقلب الحروف .... ونبقي في طنبورنا نقر ياخالتوا....!
المكسرات فيه اليومين ديل اتنين بس ... رشيدة الرشيدة وماهي بركات ... حصار شديد حتي من الاضاءاة وتساعدهم في عمل مساج للراس الصغيرة امنية ... يعني اطمن خالص مافي اي طريقة واي شنكبة ....عنكبة عضلات تبش.
مودتي
هارون دياب
|
Post: #9
Title: Re: زيارتي لابوساندرا وتفاصيل الحوار مع هارون دياب !!!
Author: الطاهر عثمان
Date: 11-18-2007, 06:24 AM
Parent: #3
| Quote: وصحبك ده اطمنك عليه .... اخر سلطنة واخر طرب .... وهجيج شديد وتفاعل حتي الثمالة |
هارون تحياتي وتقديري
والله الحمد لله ربنا يطمنك ... وانشاء الله دائما مهججين ومبسوطين ومتلمين
لك عاطر التحايا والود
|
Post: #6
Title: Re: زيارتي لابوساندرا وتفاصيل الحوار مع هارون دياب !!!
Author: أبو ساندرا
Date: 11-17-2007, 09:17 PM
Parent: #1
الطاهر عثمان
تعرف يا طاهر لمن قريت كتابتك الرشيقة سألت رشيدة
{ أنت التخدير كان قوي لمن مامتذكر الزول ده }
لما أجابت بإنها لاتذكر
قلت : والله ده تخدير قوي جدآ الذي طال رشيدة اليقظة
وسألت ماهيتاب فأجابتني : إمكن جاك لمن مشيت أجيب الحلوى والعصاير
قلت : إمكن
لغاية ما وصلت النهاية
أحلامك سعيدة يا عزيزي
والف شكر لك وللأمورة الصغيرة التي كانت برفقتك
|
Post: #8
Title: Re: زيارتي لابوساندرا وتفاصيل الحوار مع هارون دياب !!!
Author: haroon diyab
Date: 11-18-2007, 06:18 AM
Parent: #6
عبد الرحمن
صباح الخير
والله اليومين دي بختك
بقيت تظهر في الاحلام والبيحلم بيك منو ....؟ الطاهر عثمان بحلاتو......
وتتصور مع منو ....؟ هارون دياب ظاااااااااتو....!
واليكسر ليك التلج منو.....؟ دي خليها مستورة ....!
دنيا حظوووووووووووووووووظ
وينه الفروسية ياراجل ياشناق....؟
اسبوع جميل
هارون دياب
|
Post: #10
Title: Re: زيارتي لابوساندرا وتفاصيل الحوار مع هارون دياب !!!
Author: الطاهر عثمان
Date: 11-18-2007, 06:48 AM
Parent: #6
بوساندرا شخصياً
والله الف حمدا لله علي السلامة ومنور
Quote: لغاية ما وصلت النهاية
أحلامك سعيدة يا عزيزي
والف شكر لك وللأمورة الصغيرة التي كانت برفقتك |
وانشاء الله دائما لنهايات اجمل واحلى
تحياتي لرشيدة وماهي
ولكم جميعاً التقدير والاحترام
|
|