العزيز (هارون دياب) و العزيزه(آمنه مختار) ابناء( بورتسودان )كل عام وانتم بخير...

الاعزاء هارون دياب و آمنه مختار....
كل عام وانتم بخير وبورسوداننا بخير.....
الخلافات المنبريه طبيعيه...ولكنها بين من هم في مقام الاخوة تدمي القلب....
هارون اخطأ في حق آمنه....ولكنه تراجع واعتذر...وعندما عرف مني من هي آمنه
ومن هم اهلها...حقيقي حزن حزنا شديدا....فقد اوضح لي يا آمنه انه عند وفاة والده
العزيز رحمه الله وعند وصوله لبورتسودان وجد زوج خالتك السيد مكي الزبير واقف فوق
العزاء وكأنه صاحبه...!! وهذا ليس بمستغرب علينا نحن من نعرف العم مكي الزبير الرجل الضكران
وسيد الواجب....ابناء مكي هم اخوة آمنه الوحيدين فاسرتها الصغيره ليس لها اخوة ذكور.
ويا آمنه اخي هارون عرفته هنا..ولكن عندما عرفني بنفسه عرفت اصله وفصله
وتذكرت و الده الرجل الانيق صاحب اجمل عربات المارسيدس ببورتسودان,كنا نشاهده عصرا
بجوار شارع بيتنا جوار شاطيء البحر..يغير سيارته كما يغير ثيابه.
ووجدته اخ فاضل واخو اخوان....يسأل عني وعن صغاري...ولو سمع اني اشكو من شيئ يتصل ويطمأن علي كاخ شفوق.
الآن وببركة هذه الايام المجيده...وذكرى احتفالاتنا ببورتسودان بايام اعياد الكريسمس ورأس السنه
وكل اجواء الاعياد واقبالنا على عام 2008 اتمنى ان تمدوا ايديكم لبعضكم.
وتقبلي يا آمنه اعتذار اخيك هارون دياب وصدقيني هو سندك وضهرك فهو
ممن يقال عنهم عشى البايتات ومقنع الكاشفات
واعلم انني في مقام الاخت الكبيرة لكما..ولاني اعرف اخلاقنا نحن اهل بورتسودان
واعرف كم التسامح في دواخلنا..فانني اعي جيدا بان اي منكم لن يردني خائبة,وعفى الله عما سلف.

آمونه حقك علي بدلا عن:

Quote: العزيز (هارون دياب) و العزيزه(آمنه مختار) ابناء( بورتسودان )كل عام وانتم بخير...

يفترض العنوان يكون:

Quote: اهل بورتسودان

ولكن ليس ذكوري الصيغه.....
لكن اكيد ستعذرونا فالعربيه ليست لغتنا

الاعزاء محبي الخير البوست تحت راعيتكم جميعا.


الاعزاء محبي الشر
ممنوع الدخول

Quote: الاعزاء محبي الشر ممنوع الدخول

بريدك
بريدك انا ياتراجي لما تتجلي










يعني حسة لو ماكنت شرحت الوضع للاخ هرون دياب وعرف اصل وفصل امنة كان الحال يبقى في حاله
طيب لو الموقف دا حصل منه لي واحدة مسكينة وماعندها صاحبة اسمها تراجي نبيهة وفكيكة زيك كدا عشان تعرف الناس بيها
وماعندها راجل خالة يقيف في البكيات ..... حقها يروح هدر
كر علينا


وبالرغم من كدا اتمنى ان تصفو النفوس

شفتو ناس الشر؟؟؟

Quote: يعني حسة لو ماكنت شرحت الوضع للاخ هرون دياب وعرف اصل وفصل امنة كان الحال يبقى في حاله طيب لو الموقف دا حصل منه لي واحدة مسكينة وماعندها صاحبة اسمها تراجي نبيهة وفكيكة زيك كدا عشان تعرف الناس بيها وماعندها راجل خالة يقيف في البكيات ..... حقها يروح هدر كر علينا وبالرغم من كدا اتمنى ان تصفو النفوس

بعد كل الهباب الكبتيه هنا عايزة النفوس تصفوا؟؟!!سبحان الله.

الاخت الفاضلة/ راوية العباسي
صباح الخير

Quote: يعني حسة لو ماكنت شرحت الوضع للاخ هرون دياب وعرف اصل وفصل امنة كان الحال يبقى في حاله طيب لو الموقف دا حصل منه لي واحدة مسكينة وماعندها صاحبة اسمها تراجي نبيهة وفكيكة زيك كدا عشان تعرف الناس بيها وماعندها راجل خالة يقيف في البكيات ..... حقها يروح هدر كر علينا وبالرغم من كدا اتمنى ان تصفو النفوس

لكي التحايا العطرات مرة اخري ...
وانتي ايضا اخت عزيزة ورسالتك السابقة وصلت في غير هذا المكان ورديت عليها .....
ورسالتك دي برضو وصلت وبرضو اشدد علي : ( بارك الله في من اهدي لي عيوبي)
وصدقيني....
انا مقتنع بانه( ليس من العيب ان نخطئ .....ولكن العيب ان نتمسك بخطانا....)
متعك الله وسدد خطاك
ودمتي اخت عزيزة
هارون دياب

العزيزة / ام حازم وسند
مساء الخير بتوقيتكم

وهنا لااشهد احدا غير الله بانك كنتي ومازلت تحاولين جاهدة لاصلاح ذات البين بيني وبين اختي العزيزة امنة مختار والتي اكن لها ولكل من يهمها امره كل الاحترام والتقدير.
ولاني المعني بتقديم اعتذار للاخت الفاضلة امنة فمرة اخري اقدم لها ومن خلالك ومن خلال جميع الاخوة ابناء بورسودان الذين اوضحوا لي كثيرا من الامور التي كنت اجهلها قبل كتابة البوست بواسطة التلفون او الايميل باني محقوق ليكي يابت احمد مختار وحقك علي .... ومافي زعل بين الاخوان ....
واذا الموضوع جاء متأخر شوية فبرضو حقك علي العين والراس .
ودمتي اخت عزيزة .
شكرا ياام حازم
التحايا للجميع
هارون دياب

شكرا اخي هارون
ودي المحريه فيك:

Quote: العزيزة / ام حازم وسند مساء الخير بتوقيتكم وهنا لااشهد احدا غير الله بانك كنتي ومازلت تحاولين جاهدة لاصلاح ذات البين بيني وبين اختي العزيزة امنة مختار والتي اكن لها ولكل من يهمها امره كل الاحترام والتقدير. ولاني المعني بتقديم اعتذار للاخت الفاضلة امنة فمرة اخري اقدم لها ومن خلالك ومن خلال جميع الاخوة ابناء بورسودان الذين اوضحوا لي كثيرا من الامور التي كنت اجهلها قبل كتابة البوست بواسطة التلفون او الايميل باني محقوق ليكي يابت احمد مختار وحقك علي .... ومافي زعل بين الاخوان .... واذا الموضوع جاء متأخر شوية فبرضو حقك علي العين والراس . ودمتي اخت عزيزة . شكرا ياام حازم التحايا للجميع هارون دياب

ويا آمونه لولا....تصولي لحقيقة معدن هارون لما بادرت بهذه المبادره.
وهو في قمة حزنه لجرحك او لاي اذى تعرضيت له نتيجه لبوسته المتهور ذاك.
فاسحميه اخيت ودعينا نبدأ عام 2008 كافضل ما نكون كقبيلة ابناء ونبنات بروتسودان بالمنبر
مشورنا طويل ومدينتنا الجميله نتنظر منا الكثير....ولنبدأ معا من هنا.
لكما محبتي.

الاعزاء هارون دياب و آمنه مختار
بواسطة الاخت العزيزة ام حازم

كل عام وانتم بخير

اخى هارون
و اختى امنه

نقول تانى
كل سنة و انتو طيبين
و صافية لبن بدون اى (رجوع)

لكم المودة و التقدير

تحياتى للجميع

تراجى أمنه مختار - هارون دياب


بس عندى سؤال صغير يا تراجى

Quote: فقد اوضح لي يا آمنه انه عند وفاة والده العزيز رحمه الله وعند وصوله لبورتسودان وجد زوج خالتك السيد مكي الزبير واقف فوق العزاء وكأنه صاحبه...!! وهذا ليس بمستغرب علينا نحن من نعرف العم مكي الزبير الرجل الضكران وسيد الواجب....ابناء مكي هم اخوة آمنه الوحيدين فاسرتها الصغيره ليس لها اخوة ذكور.

مكى الزبير دى منو؟ هل هو مكى الزبير مدرب الكورة الشهير ببورتسودان شقيق كمال الزبير

الجزار ؟

عبد الواحد كل عام وانت بخير



نعم مكي الزبير هو مدرب السلة المعرف ببورتسودان:

Quote: مكى الزبير دى منو؟ هل هو مكى الزبير مدرب الكورة الشهير ببورتسودان شقيق كمال الزبير الجزار ؟

هو زوج خالتها سايره ابراهيم.ووالد كل من احمد واشرف مكي الزبير.

الاخ / عبد الواحد ابراهيم
مساء الخير

Quote: مكى الزبير دى منو؟ هل هو مكى الزبير مدرب الكورة الشهير ببورتسودان شقيق كمال الزبير الجزار ؟

ياهو زاتو ياعبد الواحد وقبل ان يكون مدرب شهير كان حارس مرمي المريخ بورسودان وهو والد الاخوان الاعزاء احمد وابراهيم مكي .... طبعا هو راجل عمنا بلغة اهل الشرق واعتز باني تربيت علي يديه.
وابقي واصل
تحياتي
هارون دياب

Quote: وتقبلي يا آمنه اعتذار اخيك هارون دياب وصدقيني هو سندك وضهرك فهو ممن يقال عنهم عشى البايتات ومقنع الكاشفات

أبرا واستبرا يا يمة من سند زى أبو حديدة دا

العزيزة أم حازم..ياخ انتى طيبتك الزايدة دى ما تخليها..

الأخ محمد هارون جل من لا يخطئ واعتذارك على العين والرأس .

شكرا وكل سنة وانت وأسرتك الكريمة بخير.



العزيزتين راوية وتراجى ..
انا من بداية شكلتكم دى وانا بتجنب أكون حجازة
عارفين ليه...لأن انا بعتقد ان النساء عندهم الحق أيضا فى الشكل والاختلاف
مثل الرجال تماما فى هذا المنبر...
وما فى حاجة بتغيظنى الا محاولات الاصلاح بين النساء المختلفات عنوة فى هذا المنبر
وان النساء هنا لازم يكونوا قطيع واحد وصوت واحد..
لكن بصراحة انا شايفة ان البجمعكم أكثر من البفرق بينكم..
وبعد أن عرفت سبب الخلاف تاكدت انه نابع عن سوء تفاهم ليس الا..
لذلك مع تباشير هذه الأعياد اتمنى ان تتصافوا..

ويا تراجى انت ما ملاحظة انو رواية دى( عكليتة) زينا وبتشبهنا فى حاجات كتير

الاستاذه ىمنه مختـار كدة طلعنا قرايب جدا


كمال الزبير شقيق مكى الزبير هو زوج ابنة خاتى عوضية شرف


من اهالى كسلا حى ( الكـارة ) والتى تعود اصول والدها


الى اهلـنا الفور الذين قدموا الى الشرق قبل 100 عام تقريبا .

وعوضية بنت خالتى والدة كل من


خليل كمال الزبير

مصعب كمال الزبير

خالد كمال الزبير ( حـريقة)

ناهـد كمال الزبير

رابحـة كمال الزبير

والله السودان دى عجـيب جدا .

آمونه شكرا لمرورك وقبول اعتذراك لاخيك

Quote: هارون دياب

ويا اخي لمعي النضارة شويه فهو هارون دياب وليس هو

Quote: محمد هارون

وكيف تنسي عمنا دياب الراجل القيافه
صاحب العمم الناصعه وبيضاء وتشبه عمة ترباس
ما شايفه اخونا

Quote: هارون ابو حديده

عمته قدر شنو في الصورة؟؟!!!

ويا هارون يا اخوي اهو بقت صافيه لبن و الحمد لله.
وكل عام وجميعكم بخير.

Quote: العزيزتين راوية وتراجى .. انا من بداية شكلتكم دى وانا بتجنب أكون حجازة عارفين ليه...لأن انا بعتقد ان النساء عندهم الحق أيضا فى الشكل والاختلاف مثل الرجال تماما فى هذا المنبر... وما فى حاجة بتغيظنى الا محاولات الاصلاح بين النساء المختلفات عنوة فى هذا المنبر وان النساء هنا لازم يكونوا قطيع واحد وصوت واحد.. لكن بصراحة انا شايفة ان البجمعكم أكثر من البفرق بينكم.. وبعد أن عرفت سبب الخلاف تاكدت انه نابع عن سوء تفاهم ليس الا.. لذلك مع تباشير هذه الأعياد اتمنى ان تتصافوا.. ويا تراجى انت ما ملاحظة انو رواية دى( عكليتة) زينا وبتشبهنا فى حاجات كتير

آمونه
زولتنا دي راويه العباسي....جلابيه بس
وانت عارفه العرقيه ولعنة العنصريه التي مراسها البعض هنا ضدي لمرجد دفاعي عن قضية عادلة مثل قضية دارفور.
راويه العباسي لما كاست تلفونك واتعرفت بيك ما كان بيغلبها تكوس تلفوني وتتعر ف بي برضو
لانه لو القضيه العداو مع بيان فقط فقد شهد المنبر لنا صولات وجولات


لكن عشان تعرفي تفكيرها الجلابي المتمكن منها.
كانت في نظرها انه تراجي بت درافور وآمنه مختار هي ابنة الشرق؟؟!!!



ثانيا خلينا يا زولة من حكاية البجمعنا و البفرقنا مع جلابة المنابر
وانت ادرى بذلك واعذرك فانت تريدين مجاملتها لتلفوناتها وادعائها صداقتك وانت اكيد شخصيه مستغلة وحرة
في تصديقها.....لكن انا يا اخي مافي شيئ يجمعني بفتوات بولاق ديل....
فهم عملوا الموضوع..فتونة وادخلين الاخوات الاثنين....وبيفتوا وبيستعدوا علي يسار المنبر باعتبارها شكلة بين الهامش و المركز
وطظ في مركزهم وهم عارفين لو قمنا للفهلمة العوره وشيل البطاريه في القمره وحياتك المنبر ده كله
مافيه مركز قدري.....وانت ادرى بالبير وغطائها...لكن نحن هنا لا نمثل اشخاصنا وانما نمثل القضايا التي تصدينا لها
ولا نعكس همومنا انما نعكس هموم من تصدينا لقضاياهم.

فيا زوله تختاني زولتك دي الهجمت ورجمت بشاشا ظلما
وبين وبينها الله و الرسول.

الاخت العزيزة الفاضلة
امنة مختار
مساء التصافئ

Quote: الأخ محمد هارون جل من لا يخطئ واعتذارك على العين والرأس . شكرا وكل سنة وانت وأسرتك الكريمة بخير.

لكي جزيل شكري وتقديري ...وكلامك الفوق ده اكد اصالة المعدن ونتلاقي انشاء الله في ظروف اجمل واحلي واسرتي الان ترد لكي التحية باجمل منها وتسمعي عننا اخبار جميلة الايام الجاية.....
ونلتقي في ربوع بورسودانا الحبيب باذن الله .
مرة اخري .... شكرا العزيزة ام حازم وسند وشايلة ليكي جميلة .
اخوكي
هارون دياب

تحـياتى مجددا للاساتذة

هـارون ديــــــاب

آمنـه مخـــــــتار


شكرا ليـك كتير تراجـــــى وشكرا على البوسـت الجميل دى


تم فيه صلـــــح ويعنى عرفنـا ناس تربطنا بيهم علاقة


ولا ما كدة يا آمنـــــه مختـار .


تحياتى للجميع

عبدالواحد

Quote: الاعزاء هارون دياب و آمنه مختار بواسطة الاخت العزيزة ام حازم كل عام وانتم بخير اخى هارون و اختى امنه نقول تانى كل سنة و انتو طيبين و صافية لبن بدون اى (رجوع) لكم المودة و التقدير

الأخ العزيز أسعد الريفى
شكرا على كلماتك الطيبة..

وصدقنى أتابع بوستاتك الهامة باهتمام كبير
الا انه الواحد بقى يخاف يدخل فى بوستات من
طرف ..لأسباب ربما تعلمها..
تحياتى لك
وكل عام وأنتم بخير.

Quote: ياهو زاتو ياعبد الواحد وقبل ان يكون مدرب شهير كان حارس مرمي المريخ بورسودان

بـرضو عرفنا حاجة يا هـارون دياب يبدو لى انت مريخابى .


والله الاعـزاء اولاد وبنات بورتسودان الواحد متمنـى يشوفكم ويلاقيكم وجها لوجـه


لانكم بالجـد لطيفين ومهذبين جـدا و (همى نايـت) بلغة اهلنا البجا.


تحياتى لتراجى وآمنـه وهـارون ديـاب .

Quote: كمال الزبير شقيق مكى الزبير هو زوج ابنة خاتى عوضية شرف من اهالى كسلا حى ( الكـارة ) والتى تعود اصول والدها الى اهلـنا الفور الذين قدموا الى الشرق قبل 100 عام تقريبا . وعوضية بنت خالتى والدة كل من خليل كمال الزبير مصعب كمال الزبير خالد كمال الزبير ( حـريقة) ناهـد كمال الزبير رابحـة كمال الزبير والله السودان دى عجـيب جدا .

فعلا أخى عبد الواحد ابراهيم..
السودان ده عجيب جدا..
هسه عليك الله شوف العائلة الكريمة دى لمت كم قومية من قوميات السودان !!

الخالة عوضية رحمها الله كانت امرأة ولا كل النساء..
جمال خلقة واخلاق وطيبة أصل وجذور..
وأبناءها وبناتها هم أخوة لنا نشأنا معا .

سعيدة جدا بهذا التعارف ..
ويا هارون دياب لو ما بوستك العجيب داك ما كان حصل هذا التعارف..شفت كيف؟

بعدين عارف يا هارون العلاقة بين عائلتينا على مستوى الحبوبات والأباء ..
يعنى تانى أى شنكبة عنكبة حا أكلم الجماعة يقرصوا ليك أضانك

الاخت الفاضلة امنه مختار
صباح الخير

Quote: بعدين عارف يا هارون العلاقة بين عائلتينا على مستوى الحبوبات والأباء .. يعنى تانى أى شنكبة عنكبة حا أكلم الجماعة يقرصوا ليك أضانك

ياابنة الخالة ربنا يديم المعروف ... ومامحبة الابعد عداوه ... وربنا مايجيب خلاف بيناتنا.
طبعا شنكبة... عنكبة دي بتاعتنا نحنا ناس كوريا مونج وديم سواكن .
ابقي واصلي
هارون دياب

مشكورة يا تراجي

وربنا يديم الود بينكم جميعا.

ما دام انتي فالحة وشاطرة بتصالحي الناس
ليه ما تتصالحي مع راوية؟

عشاني انا تصالحي راوية
بصراحة انا بحب راوية لانها اخت رجاء

وعشان عين تكرم الف عين

ممكن يا بت اختي تتصالحي مع راوية ؟

الحبيبة تراجي
الله يخليك
وبارك الله في من قرب رأسين بالحلال

يا خال كل عام وانت بخير.....

Quote: مشكورة يا تراجي وربنا يديم الود بينكم جميعا. ما دام انتي فالحة وشاطرة بتصالحي الناس ليه ما تتصالحي مع راوية؟ عشاني انا تصالحي راوية بصراحة انا بحب راوية لانها اخت رجاء وعشان عين تكرم الف عين ممكن يا بت اختي تتصالحي مع راوية ؟

يا خال انت زول طيب ومكر النساء لا تعرفه
انسى ......ان كيدهن عظيم.

ابو ساندرا انت مالك يا اخوي
معتز قريش عاداكم يا ناس الدوحه وله مالكم:

Quote: الحبيبة تراجي الله يخليك وبارك الله في من قرب رأسين بالحلال

يازول راسين شنو وحلال شنو؟؟؟؟
رجويه تمسع تتكربن في ولادتها خف عنا الله يرضى عليك.

تراجي سنة حلوة لك وللجميع


اعتقد ان العنوان فيه عدم احقاق لامنه لانك لو قلتي لبنات

بورتسودان آمنة مختار وهارون دياب لقامت القيامة


لذلك حفظا لحق المراة والرجل كان الاصح ان تقولي الي اولاد وبنات

بورتسودان هذا من وجهة نظري المدافعة عن حق الانسان

والمراة في الطليعة


عام سعيد اتصلت عليك بس من غير كتابات مدح او ذم


آمنة عايز ايميل لك

صبري الشريف
منور
وكل عامو وانت بخير
يازول ما صلحنا موضوع الجندره دي بهنا:

Quote: آمونه حقك علي بدلا عن: Quote: العزيز (هارون دياب) و العزيزه(آمنه مختار) ابناء( بورتسودان )كل عام وانتم بخير... يفترض العنوان يكون: Quote: اهل بورتسودان ولكن ليس ذكوري الصيغه..... لكن اكيد ستعذرونا فالعربيه ليست لغتنا

Quote: تراجي سنة حلوة لك وللجميع اعتقد ان العنوان فيه عدم احقاق لامنه لانك لو قلتي لبنات بورتسودان آمنة مختار وهارون دياب لقامت القيامة لذلك حفظا لحق المراة والرجل كان الاصح ان تقولي الي اولاد وبنات بورتسودان هذا من وجهة نظري المدافعة عن حق الانسان والمراة في الطليعة عام سعيد اتصلت عليك بس من غير كتابات مدح او ذم آمنة عايز ايميل لك

كن بخير.

والله يا بت العباسي

Quote: كر علينا

كر علينا كلنا الما لينا وجيع زي حبوبه تراجي
قدر ما أحنس فيها عشان تتبناني ما بيه
ليه ماني عارف

الشايقي

فاوضني بلا زعل

Quote: آمنة عايز ايميل لك

العزيز صبرى الشريف
كيف حالك وأحوالك
وكل سنة وانت طيب..

ايميلى شيلو من تراجى.




ابو ساندرا راسين شنو فى الحلال ولا الحرام الله يهدينا ويهديك..
نحنا ناقصين

فى انتظارك فى بوست البذاءات

ناس بورتسودان الحلوين سلام

ما احلى التصافى من بعد التجافى

اهل بورتسودان تملأ قلبوهم الطيبة والصفاء

كل عام جديد ونحن جميعا بخير

شكرا تراجى


انتصار

أخواتى العزيزات آمنة وتراجى

والله أضحكتمونى كثيرا

Quote: أبرا واستبرا يا يمة من سند زى أبو حديدة دا

Quote: ويا اخي لمعي النضارة شويه فهو هارون دياب وليس هو

Quote: الى اهلـنا الفور الذين قدموا الى الشرق قبل 100 عام تقريبا .

أخوي عبد الواحد...
سلام وتحايا وكل عام وانتم بخير
يا أخوي أهلكم ناس شرق ساي...100 سنة وتقول لي فور! الناس بقت شرقاوين تب...زي الحصل للعرب الوافدين للسودان منذ مئات السنين، بقوا سودانيين وبس...
بقيت شرقاوي خلاس وانتهى كان انتا كان تراجي...لا تقول لي دارفور ولا ما دارفور ...وهاك النكتة دي:
جد واحد صاحبنا عاش زمن طويل في مصر ، فهو من الجنود الذين حاربوا في 1973...هو وعمر البشير في صف واحد...
جدنا ده مشى الحج والظاهر أتعصر في الزحمة ...لما جا راجع سألوه :أها الحج كيف؟
بلهجة رد مصرية: لا تقول لي مكة ولا المدينة...مصر أم الدنيا

دحين انتا يا أخوي...شرقاوي، بورسوداني مية مية

عودة الى العزيزة تراجي ومساعيها المتوجة بالنجاح ، نحمد الله... أنتي انسانة روعة يا تراجي...الله يحفظك

آمنة وهارون وكل أهل بورسودان والسودان...كل عام وانتم بخير ولتصفى النفوس مع إطلالة 2008

وكده

مودتي شرقية

أنور