هارون دياب بيني و بينك كدا...

يا عمك ...
الود دا قلت ليه شنو زعل قدر دا
امس الليل كلو شابكنا شوفوا هارون قال لي شنو و امسكوا مني هارون دا

انا عارفك راجل ملك و العيبة ما بتطلع منك
لكن الحقنا بي بيان سريع وضح الحاصل لأنو الإشاعات بدت تطلع و الناس بتتكلم
خايف يعملوا ليك في الموضوع قرعة و بطيخة و بتاع يكونوا ظلموك و جرحوا سمعتك
سريع احسم القصة دي قبل ابو ساندرا يلم في نت

ــــ

Quote: لكن الحقنا بي بيان سريع وضح الحاصل لأنو الإشاعات بدت تطلع و الناس بتتكلم

كل سنة وإنتم طيبون محمد و هارون,,,

وبالله عليك زي ما قاليك لازم تجي توضح حاصل شنو من قبلك لسيد الهكر ؟!




وياريت يكون زعلان من صورة الهلال في شكل خروف , تكون الحسنة والوحيدة فيهو هلالابي علي السكين ..

الاخ ود البشري
كل سنة وانت طيب

Quote: سريع احسم القصة دي قبل ابو ساندرا يلم في نت

على اعتبار ان الاخ ابو ساندرا جاء زيارة الخرطوم
واصالة عن نفسي ونيابة عن بورداب الخرطوم
كلامك دا غير مقبول
لانو الانترنت الان في اي زقاق موجود زي ستات الشاي
موجودين ومتاحين في كل زقاق ومحطة وشارع
واديني تلفونه سريع لو هو قاعد حتى في قندهار برسل ليه لابتوب بي يو اس بي كونكشن


كل سنة وانت طيب

الحبيب القريب / ابو حتوت
وكل عام وانت وحتوت والاسرة الكريمة بالف خير

والله ياعمك اولا : شكرا علي حسن الظن وده من اصلك الطيب
اما بالنسبة للمدعو يارا حقيقة كمية كبيرة جدا من الاتصالات
تلقيتها بخصوص هذا الموضوع .....لكن وحاتك اقرب ايميل رسلته
لاي انسان بكون قبل شهور.
انا كنت عاوز افتح بوست اوضح وجهة نظري لكن كفيتني ذلك....
انا مااعتقد انوا الاخ هلالابي زعلان لانوا وزي ماانت عارف اكتر
اصدقائي واحبائي في المنبر هم من عشاق هلال الملايين....
لكن....
الظاهر انوا الاخ ده دنقلاوي ومغترب ورطاني وماقادر يرجع السودان
لاني نزلت البوست ده

شنو يادناقلة ...الزول ده ماقال ترجعوا( غربة....!!!!)

وبعده طوااااااالي الراجل جا داخل شمال وشابك
الناس شوفوا هارون دياب قال شنو....؟ وعمل شنو.....؟
لكن لامن رجعت للالفاظ الكتب بيها حسيت انوا ماعندوا موضوع فمارديت
عليهو....وخليتوا لي ربنا.
الاخوة الاعزاء جميعا....
وحاتكم راس مالنا في الدنيا دي كلها الكلمة الطيبة ويشهد الله انوا
الكلمة البذئية المسئية لاتخرج مني ابدا.
اتمني له ولكل من يسئ للاخرين الهداية والرعاية والولاية والاصطفاء.
مرة اخري يشهد الله اني متأكد انوا ماحيجي يوم اسمع من اي شخص اساءة لشخصي
كرد فعل لاساءة وجهتها له ....لانه ليس من شيمي الاساءة لاي كائن كان .
كل الود

الاستاذ / محمد البشرى الخضر

عيدك مبارك وكل سنة وأنت طيب

بالنسبة لموضوع الأستاذ / هارون دياب

هارون نحن نعتبرة ثروة مريخية نحافظ عليها ولانرضى المساس بها

وحتى بوستاتو البفتحها قبل المباراة بنتفاءل بيها يعني بنعتبر

هارون دا ما في فرق بينو وبين وارقو .

فالمدعو يارا ما علينا إلا أن نقول له ربنا يهديك ويشفيك

وكان مفروض نحن ندافع ونرد بالنيابة عن هارون

لأنو أنت عارف نحن في المريخ إخوة نعشق النجم ونهوى


تخريمة :
أنت يا محمد السنة ضقتوا للعيد طعم تحياتي لعبد الوهاب وعبود وباقي الجماعة الزرق

وكل سنة وأنتوا منتصرين في كل المحافل وخسرانين من المريخ دايماًههههههههههه