نصر الدين عثمان سعيد ..... حيوه معي فانه ضوء في اخر النفق.

تمنيت وعندما قلت ....حدثني دائما كلما....
ان اري ضوء في اخر النفق ليبدد ظلمة الخدمة المدنية .
21 سنة غربة.....!
21 سنة....!
والواحد ماعنده هم الا يوم يضطر يمشي السفارة لتجديد جواز او اضافة طفل او اي خدمة تقدمها السفارة فسوط الضرائب والزكاة والخدمات والفضائية مسلط علي رقبة المغترب .
اضاعت زوجتي العزيزة جواز سفرها ....
فاضطررت الي الذهاب للسفارة وفهمي مفرتك ... لكني وجدته .... انه الضوء في اخر النفق.
نصر الدين عثمان سعيد..
مسئول الضرائب في السفارة السودانية بالدوحة .... سوداني من الزمن الجميل ...لم يترك لي فرصة لاتؤسل له .... اسئلة بسيطة تقول في مجملها :انني هنا لخدمتكم ....مغترب ليك كم سنة .... ؟اولادك في المدارس....؟ ظروف الاسرة في السودان ....؟كنت اطمح في تخفيض الضرائب او تاجيلها علي اقل الفروض.
اقسم باالله انه لايعرفني ولا اعرفه.
اقسم بالله بانه لاعلاقة بيننا.
واقسم بالله ان الرجل وبكل اريحية منحني اعفاء نهائي من الضرائب بدون ان يحملني زل السؤال.
لم استطيع ان اقول له غير : ربنا يجعلها في ميزان حسناتك.... ربنا يكتر من امثالك....اكد لي بان اي احد يحضر اليه لن يخرج من عنده الا مبسووووووووط وراضي.
حيوه معي .... اخوتي بورداب الزمن الجميل ... لانه سوداني من الزمن الجميل.
شكرا سعادة الوزير المفوض محمد الحسن ابراهيم
شكرا جنابو احمد
شكرا الاستاذ سراج مصطفي مسئول الاستقبال في السفارة السودانية
شكرا نصر الدين عثمان سعيد.....شكرا .....شكرا.
شكرا ادارة الضرائب فقد اكرمتمونا برجل نادر.
شكرا سودانيزاونلاين لمنحي فرصة تقديم الشكر.
حيوه معي احبتي الكرام فانه يستحق التحية.
تحياتي لكم جميعا
هارون دياب

وهذه باقة ورد مني لشخصك الكريم



تحياتي
هارون دياب

ومثلما ننتقد السلبيات ....
يجب ان نشكر الايجابيات
وفوووووووووق.

صدقني يا هرون

الراجل دا أصلو كده
يقدم خدماته للناس دون انتظار شكر

وكتر خيرك أن حفظت له هذا الجميل

نصر الدين رجل المهمات الصعبة

عادل التجاني

استاذي / عادل
مساء الخير

Quote: صدقني يا هرون الراجل دا أصلو كده يقدم خدماته للناس دون انتظار شكر وكتر خيرك أن حفظت له هذا الجميل نصر الدين رجل المهمات الصعبة عادل التجاني

لقد اوجزت فانجزت .... هو كما قلت...يقدم للناس خدماته دون انتظار للشكر
ونحن تلاميذك في حفظ الجميل.
التحايا العطرات
هارون دياب

Quote: صدقني يا هرون الراجل دا أصلو كده يقدم خدماته للناس دون انتظار شكر وكتر خيرك أن حفظت له هذا الجميل نصر الدين رجل المهمات الصعبة عادل التجاني

ألجواز خلص النمشي ونشوف كلامكم ده
بس مايكون كلام ساي

محمد الطيب
مساء الخير

Quote: ألجواز خلص النمشي ونشوف كلامكم ده بس مايكون كلام ساي

انت كدي امش ....وحتتمني انوا جوازك ده ينتهي كل اسبوع عشان تقابل الراجل ده.
استاذنا كمال سالم وصفه بانه رجل من كوكب اخر.
تخريمة:
بطل حوامة وخليك في الشغل....!
تحياتي
هارون دياب

يستاهل الشكـر و الله ..

شئ غريب في هذا الزمن الأغبر !

حسامو
مساء الخير

Quote: يستاهل الشكـر و الله .. شئ غريب في هذا الزمن الأغبر !

وحاتك ياعمك انا لغايت حسع مامصدق الحصل.....!
في سفارتنا ومن ناس الضرائب وفي يوم واحد .... حاسي اني بحلم ...!
عشان كده لاخير فيني ان لم اقلها انه رجل سوداني اصيل وكفي....
شكرا علي المرور الجميل
تحياتي
هارون دياب

Quote: تخريمة: بطل حوامة وخليك في الشغل....! تحياتي هارون دياب

والله ياهارون كرهنا الشغل واليوم الجاب الشغل
مره مره الواحد بطلع علي ناس ود القريش نفرق معاهم ونرجع
الله يدينا طولة الصبر


تخريمه زي تخريمتك دي :
ورونا بتمشو وين ونحن نجيكم

حماده
مساء الخير

Quote: مره مره الواحد بطلع علي ناس ود القريش نفرق معاهم ونرجع الله يدينا طولة الصبر

اها يادوب الشافك مشيت الخوووووووووور ماكضب .
وبعدين يااخوي ود القريش ده باقي ليه كم يوم ويبقي عائلة ...يعني حيفكك عكس الهواء .... وبعدين فرمالتكم الاسموا تبيدي ده الظاهر سافر .... اخير ليك امسك في ناس صحافة 30 لانوا من شابه اخاه فماظلم .( شفت الاقتباس ده كيف...!)
تحياتي
هارون دياب

Quote: اقسم باالله انه لايعرفني ولا اعرفه. اقسم بالله بانه لاعلاقة بيننا.

العزيز هارون

انت قائل السودان دها "بموت".....هذأ شعب عظيم.....متمثل فى هذه الاخلاق.....اعرفه بهذه الاخلاق منذ أن كنا نعمل معاً بديوان الضرائب فى العام 1988...خلوق..مثابر..ومتابع الى كل الهم العام ... وفوق كل ذلك ابن بلد اصيل......لم اجد منه الا الحب و الاحترام والتقدير....

نصرالدين.... فخراً....رقم كبير جداً فى السفارة السودانية فى الدوحة....و يسعدالجميع ببسمته وحبه لخدمة كل المغتربين بدون فرز.....

اتمنى لك "أخوى" نصر الدين..."شائل الحارة"..مزيد من النجاح و التقدم...فانت اهلٌ لهــا..يكفينى تبسمك فى وجهى...وكفى....

أخوك...

صديق عبدالمنعم عمر _ الدوحة

نصر الدين الذي عرفته عن قرب ويربط الناس كثيراً بين الشبه الذي بيننا ،، رب أخ لجميع السودانيين لم تلدهم أم واحدة ،، إنه نصرالدين الذي يتوارى خلف أعظم وأجل خدماته التي يقدمها لأبناء وطنه ولا يكلف نفسه رفع عينه ليرى رد الفعل في وجوه من تعاون معهم ،، يعمل في صمت وخلف الكواليس لا يحب الظهور في وسائل الاعلام ويرى أن من واجبه أن يقدم المساعدة لكل من يجلس بجانبه أو يقف أمامه ،، حقاً بذهابه سوف نفقد ركيزة كبيرة من ركائز السودانيين في قطر ووجهاً صبوحاً من أوجه العاملين في البعثة الدبلوماسية السودانية في الدوحة ،، له التحية أينما حل فهو كعود الطيب يضوع مسكاً أينما زرع.

ابو شيبة
صباح الخير

Quote: نصر الدين الذي عرفته عن قرب ويربط الناس كثيراً بين الشبه الذي بيننا ،، رب أخ لجميع السودانيين لم تلدهم أم واحدة ،، إنه نصرالدين الذي يتوارى خلف أعظم وأجل خدماته التي يقدمها لأبناء وطنه ولا يكلف نفسه رفع عينه ليرى رد الفعل في وجوه من تعاون معهم ،، يعمل في صمت وخلف الكواليس لا يحب الظهور في وسائل الاعلام ويرى أن من واجبه أن يقدم المساعدة لكل من يجلس بجانبه أو يقف أمامه ،، حقاً بذهابه سوف نفقد ركيزة كبيرة من ركائز السودانيين في قطر ووجهاً صبوحاً من أوجه العاملين في البعثة الدبلوماسية السودانية في الدوحة ،، له التحية أينما حل فهو كعود الطيب يضوع مسكاً أينما زرع.

تجدني في قمة السعادة وانا اسمع هذا الكلام الطيب عن هذا الرجل الطيب .
وصدقني لو رحل عن الدوحة فنحن الخسرانين ويابخت من يذهب اليهم .
علي العموم....
اذا استمر معنا فعلي الراس والعين .
واذا ذهب فبالف سلامة والدعوات الصالحات تغشاه دائما .
لك التحايا
هارون دياب

ياهارون تحياتي ... إنتا هارون دياب طه ، الكان في الدفعة القدامنا بمدرسة ديم برتي أولاد ، ولا واحد تاني ؟؟
أنا عرفتك من صورتك في أحد البوستات ، طبعا ربما تتذكرني طشاش طشاش . أنا محمد جميل من ديم برتي (كوريا مربع واحد) نحنا كنا في الدفعة البعدكم . إنتا اظنك كنتا دفعت ناس عماد هارون والطيب إدريس إبراهيم بديم برتي ؟ وكان وراكم أو معاكم ـ ما بذكر ـ إبن عمي نصر الدين حامدنور ... إنشاء الله تكون عرفتني
تحياتي
محمد جميل أحمد
السعودية ـ ينبع البحر

محمد جميل .... ياجميل
صباحات شوقنا بي خيرن ...... صباحك طلت الياسمين

Quote: ياهارون تحياتي ... إنتا هارون دياب طه ، الكان في الدفعة القدامنا بمدرسة ديم برتي أولاد ، ولا واحد تاني ؟؟ أنا عرفتك من صورتك في أحد البوستات ، طبعا ربما تتذكرني طشاش طشاش . أنا محمد جميل من ديم برتي (كوريا مربع واحد) نحنا كنا في الدفعة البعدكم . إنتا اظنك كنتا دفعت ناس عماد هارون والطيب إدريس إبراهيم بديم برتي ؟ وكان وراكم أو معاكم ـ ما بذكر ـ إبن عمي نصر الدين حامدنور ... إنشاء الله تكون عرفتني تحياتي محمد جميل أحمد السعودية ـ ينبع البحر

اجيك من وراء .... يعني القاك بعد مابكري يقفل الماسنجر ده والله ذي حظ ناس علي شباب ..... وبالاحضان ياقريبي .... طالت الغربة .... وازددنا بعاد..... علي بعاد..... والاولاد بقوا خمسة... اللهم ذد وبارك ....وديم كوريا وبرتي في الذاكرة وفي كل لحظة .
كيف لي ان انسي والله سؤالك زعلني لانو نصر الدين وعماد هارون والطيب والدفعة كلها ... هم اخوان الزمن الجميل وتجدني دائم التواصل مع من اجده منهم كلما ذهبت الي عشقي الابدي.
لكن صدقني رغم قسوة الغربة بخففوها علينا ناس زي الاخ نصر الدين .
انتظر مني تلفون
تحياتي
هارون دياب
الدوحة

صديق
صباح الخير
يااخي العيد الجاب الناس لينا ماجابك.
ورحلة العيد طرشقت

Quote: العزيز هارون انت قائل السودان دها "بموت".....هذأ شعب عظيم.....متمثل فى هذه الاخلاق.....اعرفه بهذه الاخلاق منذ أن كنا نعمل معاً بديوان الضرائب فى العام 1988...خلوق..مثابر..ومتابع الى كل الهم العام ... وفوق كل ذلك ابن بلد اصيل......لم اجد منه الا الحب و الاحترام والتقدير.... نصرالدين.... فخراً....رقم كبير جداً فى السفارة السودانية فى الدوحة....و يسعدالجميع ببسمته وحبه لخدمة كل المغتربين بدون فرز..... اتمنى لك "أخوى" نصر الدين..."شائل الحارة"..مزيد من النجاح و التقدم...فانت اهلٌ لهــا..يكفينى تبسمك فى وجهى...وكفى.... أخوك... صديق عبدالمنعم عمر _ الدوحة

وذي ماانت قلته ده شعب مابموت مادام مافيه ذي الراجل ده.
بختك بي زمالته.
....
بعدين تعال يااخوي.....
انت الخور دي قايله بعيدة ولاشنو ....؟
ابقي واصل
هارون دياب

شكرا أخي هارون على هذا البوح الجميل ، والذي هو خبزناوعزاءنا الوحيد في الغربة لنستعيد به أزمنة سعيدة تسربت من أيدينا ، وأخذت معها الطفولة والبراءة . أتذكرك دائماـ تلك الأيام ـ في حوش مدرسة ديم برتي الأبتدائية وأنت تصيح وتلهو وتتكلم وتتحرك ـ خصوصا في الفسح ولمن نمشي بيوت ـ شكرا لهذا الوطن الصغير سودانيز أون لاين ، ورئيسه بكري على أن سمح لنا بمثل هذه اللقاءات السعيدة عبر الأثير . سيعود المسنجر يا هارون ، وسنتواصل أكثر فأكثر
تحياتي لك وللأخ أبو ساندرا وسلامته بالشفاء الذي أسعدنا
مودتي لكما
محمد جميل

محمد جميل
صباح الخير

Quote: شكرا أخي هارون على هذا البوح الجميل ، والذي هو خبزناوعزاءنا الوحيد في الغربة لنستعيد به أزمنة سعيدة تسربت من أيدينا ، وأخذت معها الطفولة والبراءة . أتذكرك دائماـ تلك الأيام ـ في حوش مدرسة ديم برتي الأبتدائية وأنت تصيح وتلهو وتتكلم وتتحرك ـ خصوصا في الفسح ولمن نمشي بيوت ـ شكرا لهذا الوطن الصغير سودانيز أون لاين ، ورئيسه بكري على أن سمح لنا بمثل هذه اللقاءات السعيدة عبر الأثير . سيعود المسنجر يا هارون ، وسنتواصل أكثر فأكثر تحياتي لك وللأخ أبو ساندرا وسلامته بالشفاء الذي أسعدنا

وديك ايام بتتنسي ياالحبيب مع استاذ عبد الرحمن المرضي والسماني ورابطة الديوم الجنوبية.... ايام الزمن الجميل والناس الاجمل يامحمد جميل .
ابو ساندرا يغريك السلام وهو باتم صحة وعافية لكن ممنوع من الكيبورد بامر الحكومة المركزية .
سنتواصل حتما .
تحياتي
هارون دياب

مرحب والله مشتاق ليك و لطلتك البهية... و مرحب بزيارتك " وبيتنا نور"

صديق - الدوحة

صديق
صباح الخير

Quote: مرحب والله مشتاق ليك و لطلتك البهية... و مرحب بزيارتك " وبيتنا نور" صديق - الدوحة

باذن الله الزيارة في الخاطر ....
وبيتكم منور بيكم دائما .
التحايا العطرات
هارون دياب

فوق

الاخ / صديق
صباح الخير

بكل اسف السيد نصر الدين , غادر الي السودان ...... وللعلم تبقت من مدة انتدابه في السفارة السودانية في الدوحة حوالي شهرين او ثلاثة ..... وماعارفين الجايينا منو....؟
اتمني انوا يكرم هذا الرجل ... لاني تحدثت مع الكثيرين عنه وكان الكل يشكر ويمدح في هذا السوداني الاصيل ......
ويابخت المكان الحيودوه ليه ....!
ونتمني انوا ناس الضرائب ينقوا لينا واحد من الطينة دي زاته ....!
وياناس الدوحة عووووووووووووووووووك ..... العندو حاجة مع ناس الضرائب يلحق الراجل ده قبل يسافر .... وانا اضمن ليكم انوا مافي واحد حيرجع من عندو زعلالالالالالالالالالالالالالالالان .

تحياتي صديق
هارون دياب