Post: #1
Title: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-26-2007, 05:56 AM
وانتهوا المولدين .....!
وطلعنا منهم بفضية الكونفدرالية بعد ان كنا الاحق بالذهبيتين .... الافريقية والعربية .
انت ماقصرت.....!
ولم تتعمد هزيمة الفريق....!
ولكنك قدمت مستوي حسب امكانياتك ....!
ولكن امكانياتك ليس مكانها المريخ ....!
فمستواك اقصر من قامة المريخ ....!
ثلاثة ممن دولفين .... تسببت باثنين منهم بكل سذاجة .....!
اتنين من الرجاء في الخرطوم ....! اسأ نفسك من السبب....؟
اربعة من الصفاقسي التونسي في الخرطوم.....!
ثلاثة من الرجاء في المغرب ...... كنت السبب الرئيس في ولوجهم الشباك .....!
هدف من الصفاقسي في تونس ....لو في زول قال ليك في شخص مسئول عن الهدف غيرك يكون بيغشك ...!
ثلاثة عشره هدف في خمسة مباريات ..... والله دي ماحصلت في تاريخ المريخ .....!
بالله عليك اسأل نفسك ..... :هل انا بقامة المريخ ....؟ واكيد ستجد الاجابة .
نواصل
هارون دياب
|
Post: #2
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-26-2007, 06:15 AM
Parent: #1
بعد نهائة مباراة الصفاقسي تأكد لنا باننا كنا الاحق بالبطولة ....!
لكن زمان قالوا : التسوي بايدك يغلب اجاويدك ....!
يجي واحد يقول لي الدفاع كأن سئ :
والله اداء الدفاع مهما كان سئ لكنه مع وجود حارس بارع يمنح جميع اللاعبين الثقة في انفسهم .... لكن ضعف الحارس هو الذي يظهر ان الدفاع سئ.... لكن الدفاع ماسئ هي فقط عدم ثقة في الحارس الضعيف جدا ومهما كان الدفاع قوي حتي لوكان دفاع ايطاليا اهتزاز وضعف الحارس ممكن يخليهم اسواء دفاع .
عندما شاهدت فرحة لاعبي الصفاقسي بالفوز .... تذكرت العملاق حامد بريمة عندما سدد ضربة الجزاء الاخيرة في مباراة الزمالك في كاس دبي .... والله شتان بينكم .
فهو اعطانا نصرا عزيزا ....!
وانت اهديتنا خسارة لم نكن نستحقها .....!
شكرا مرة اخري بهاء الدين......!
حتي لو فاز المريخ ببطولة الدوري ... فمكانك ليس المريخ .....!
شكرا بهاء الدين.....!
لانها المرة الاولي التي يكون حارسنا هو سبب هزائمنا .....!
شكرا بهاء الدين .....!
اذهب .... فربما تجد نفسك في مكان اخر ....!
شكرا بهاء الدين .....!
نتمني لك كل التوفيق .... فقد حاولت واجتهدت ....وبذلت جهدك ... لكنها لاتكفي .... لان قامة المريخ عملاقة .
تحياتي
هارون دياب
|
Post: #3
Title: Re: شكرا بهاء الدين ...... لكنك اقصر قامة من المريخ .....!
Author: Mahathir
Date: 11-26-2007, 07:23 AM
Parent: #1
الاخ هارون دياب.....
مباراة المريخ الاخيره كانت اول مباراة اشاهدها كامله للمريخ منذ كان حارساه هم كاكوم والمرحوم الدش....من المخجل ان يقف شخص كبهاء الدين مكان بريمه....عيب والله.....
|
Post: #5
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-26-2007, 08:56 AM
Parent: #3
Mahathir
صباح الخير
Quote: الاخ هارون دياب.....
مباراة المريخ الاخيره كانت اول مباراة اشاهدها كامله للمريخ منذ كان حارساه هم كاكوم والمرحوم الدش....من المخجل ان يقف شخص كبهاء الدين مكان بريمه....عيب والله..... |
الكرة الان في ملعب ادارة المريخ لاستقدام حارس بقامة المريخ .... ومدرب حراس يستطيع ان يخلق حراس بمستوي المريخ .
من المخجل ان ابناء المريخ .... الطيب سند والهادي سليم والاسطورة حامد بريمة يعملون في الخليج ويخرجون سنويا اميز الحراس .... ونحنا فشفاشنا ورم ....!
شكرا علي المرور والمداخلة
تحياتي
هارون دياب
|
Post: #4
Title: Re: شكرا بهاء الدين ...... لكنك اقصر قامة من المريخ .....!
Author: امجد محمد الأمين
Date: 11-26-2007, 08:18 AM
Parent: #1
| Quote: ثلاثة ممن دولفين .... تسببت باثنين منهم بكل سذاجة .....! |
.
يعني الهزمية ما السبب فيها التحكيم .....؟؟؟؟؟
|
Post: #6
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-26-2007, 08:59 AM
Parent: #4
الاخ امجد
صباح الخير
| Quote: يعني الهزمية ما السبب فيها التحكيم .....؟؟؟؟؟ |
اولا : دي شماعة قديمة من زمن حبوبتي ....!
ثانيا : يعني انتوا عندكم الاخير منوا ( مااحمد زي حاج احمد ....!)
واتلم التعيس علي خائب الرجاء.
التحايا
هارون دياب
|
Post: #7
Title: Re: شكرا بهاء الدين ...... لكنك اقصر قامة من المريخ .....!
Author: محمد البشرى الخضر
Date: 11-26-2007, 11:14 AM
Parent: #1
| Quote: بعد نهائة مباراة الصفاقسي تأكد لنا باننا كنا الاحق بالبطولة ....! |
يا رااااااااجل
|
Post: #8
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-26-2007, 04:41 PM
Parent: #7
ود البشري
مساء الخير
وحياتك ياراجل وبعيد عن المكايدات وانا بعرفك انسان موضوعي .... الا تعتقد ان غياب الحارس المعز محجوب وريتشارد جاستن من مباريات الهلال امام المجد السوري والنجم الساحلي كانت من اهم اسباب خسارة الهلال .....؟
وبعدين الاتوافقني الرائ بان السودان ليس به حراس مرمي وانهماكبر سبب لنكستناووكستنا .
لك التحايا يارشاشة وموعدنا 29/11
هارون دياب
|
Post: #9
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-27-2007, 08:17 AM
Parent: #1
الغريبة .... اني سمعت بانوا ادارة المريخ عندها فرصة لتجنيس لاعب.....!
اذا كان الكلام ده حقيقة فاتمني انوا يتم تجنيس حارس مرمي .
كلام في سرك :
طبعا ذي كل مرة حارس الهلال معز محجوب وقبل التسجيلات يصرح بانوا المريخ دفع ليه ....وعاوز يمشي المريخ وحركات الديش المانافعة دي .....عشان يساوم الهلال....!
اذا كان عاوزين تسجلوا معز محجوب ...
اخير اشطبوا بهاء الدين وخلوها فاضية.....!
(خمسة ببصل ... وبصل بخمسة .... في فرق....؟)
التحايا
هارون دياب
|
Post: #10
Title: Re: شكرا بهاء الدين ...... لكنك اقصر قامة من المريخ .....!
Author: أبو ساندرا
Date: 11-27-2007, 10:28 AM
Parent: #1
ما أسبه الليلة بالبارحة
قبل كده برضو في قون قصم ضهرنا
أو قونين
وأحد قنع من الماتش فغاب هو المعز محجوب
والتاني ماعايز اجيب إسمو ، تلاعب بأعصابنا هناك
في الساحل التونسي
الهلا ريخ الإتنين علتهم واحدة
حارس المرمى
ياحليل سبت دودو دمور عرجون
|
Post: #11
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-27-2007, 02:35 PM
Parent: #1
ابوساندرا
عل العينين امسن بخير
Quote: ما أسبه الليلة بالبارحة
قبل كده برضو في قون قصم ضهرنا
أو قونين
وأحد قنع من الماتش فغاب هو المعز محجوب
والتاني ماعايز اجيب إسمو ، تلاعب بأعصابنا هناك
في الساحل التونسي
الهلا ريخ الإتنين علتهم واحدة
حارس المرمى
ياحليل سبت دودو دمور عرجون |
صدق يامااااان .... حارس المريخ ده لو شفته لحظات تتويج الفريقين التقول فريقه فائز وهو سبب النصر .... منتهي البرود .... وعدم المبالاة ودي تندرج تحتها حاجات كتيرة ... اهمها واولها...
الغيرة علي الشعار..........!
المصيبة ... انوا المصائب ما بتجي واحده .... واحده ....!
وكلنا في الهم شرق .
التحايا
هارون دياب
|
Post: #12
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-27-2007, 03:28 PM
Parent: #1
مباراة ختام الموسم يوم 29/11/2007م
يعني بعد بكرة....!
اتمني انوا يكون ختامها مسك ....!
اتمني انك تنستر في اخر مبارياتك مع المريخ ....!
عشان نتذكرك بي حاجة كويسة ....!
كل الزكريات القديمة كانت في غير صالحك .....!
المهم ....!
حتي ولو فاز المريخ في المباراة..... وفاز في مباراة الاعادة .....!
فمكانك ليس المريخ ....!
باي ..... باي.....مقدما .
شكرا ....جزيلا .
تخريمة :
سمعت ... تحت .... تحت .... انوا الحارس الاحتياطي محمد كمال لمن يعرف انوا حيلعب مباراة يمسكه وجع بطن من قبل المباراة ب24 ساعة حتي النهائة .... جنس كبكة ... ورجفي .... التقول لاعب قدام ميسي....! طيب دي يحلوها كييييييييييييييف.....؟
التحايا
هارون دياب
|
Post: #13
Title: Re: شكرا بهاء الدين ...... لكنك اقصر قامة من المريخ .....!
Author: keiga2000
Date: 11-27-2007, 03:55 PM
Parent: #12
الاخ هارون دياب
تحية طيبة
هو عليك الله ما كان بهاء الدين الناس ديلك كاس الممتاز دا كان بشوفوا والله العظيم من يوم مافك الكوره لكلاتشي وبيضة قودين وكلها مباريات حاسمه لكن حالنا كدا
المريخ من حامد بريمه تاني ودع الممتاز
الغريبة بهاء الدين قالوا دنقلاوي ....؟؟؟؟؟ صحي الكلام دا
ابومصطفى
|
Post: #14
Title: Re: شكرا بهاء الدين ...... لكنك اقصر قامة من المريخ .....!
Author: haroon diyab
Date: 11-28-2007, 06:29 AM
Parent: #13
ابو مصطفي
صباح الخير
Quote: هو عليك الله ما كان بهاء الدين الناس ديلك كاس الممتاز دا كان بشوفوا والله العظيم من يوم مافك الكوره لكلاتشي وبيضة قودين وكلها مباريات حاسمه لكن حالنا كدا
المريخ من حامد بريمه تاني ودع الممتاز
الغريبة بهاء الدين قالوا دنقلاوي ....؟؟؟؟؟ صحي الكلام دا
ابومصطفى |
نحن قبيل شن قلنا ......!
وبريمة قاعد يخرج حراس للمستقبل في نادي الوكرة القطري .... ونحنا مع الكبكابات ديل خشمنا بقي ملح .... ملح ....خمسة سنين ..... ياريت الراجل ينستر بكره بس وبعد داك .... قشة ماتعتر ليه ....!
حكاية دنقلاوي دي .....
صك غفران عدييييييل كده .....شفت عنصرية الجلابة دي كيف.....؟
التحايا
هارون دياب
|
|