Post: #1
Title: عبد العاطي ......نعم لحذف البوستات
Author: haroon diyab
Date: 04-11-2008, 10:01 PM
الحبيب عبد العاطي فتح بوست قبل شوية
وقال : لالحذف البوستات ....
وانا اقول ليه
نعم لحذفه اذا كان البوست .....
|
Post: #2
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:02 PM
Parent: #1
عنصرية ....وقبيلة وجهوية....
يحذفِ
|
Post: #3
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:04 PM
Parent: #1
تطأول علي الذات الالهية وسب الرسل والاديان
يحذف....
|
Post: #4
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:05 PM
Parent: #1
ايحاءات جنسية ....واضحة.... وفاضحة
يحذف....
|
Post: #5
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:10 PM
Parent: #1
اساءة واضحة لاعضاء المنبر ...نبذ ....شتيمة ....اساءة الوالدين والاخوات برضو
يحذف...
|
Post: #6
Title: Re: عبد العاطي ......نعم لحذف البوستات
Author: humida
Date: 04-11-2008, 10:18 PM
Parent: #5
عليك الله .. بالطريقة حتحذف عضوية المنبر كلها ..!!
|
Post: #8
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:34 PM
Parent: #6
الحبيب / حميده
مساء الخير
| Quote: عليك الله .. بالطريقة حتحذف عضوية المنبر كلها ..!! |
والله صدقت ياحميده
لكن نقول شنو ....؟ عشمنا في شوية الباقي لينا....من حياء.
كل الود
هارون دياب
|
Post: #9
Title: Re: عبد العاطي ......نعم لحذف البوستات
Author: Abd Alla Elhabib
Date: 04-11-2008, 10:36 PM
Parent: #6
إذا كان البوست هلالى شامت فى المريخ لهزيمته النكراء....يحذففففف !!!!
-----------------------------------------------
يا هارون أنا طولت من الكتابة فى البورد قلتا أتمرن حبة.
|
Post: #12
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:53 PM
Parent: #9
عبد الله
مساء الخير
| Quote: إذا كان البوست هلالى شامت فى المريخ لهزيمته النكراء....يحذففففف !!!! |
الشماتة انوااااااااااااااااع ....انت قاصد ياتوا واحدة....؟
|
Post: #7
Title: Re: عبد العاطي ......نعم لحذف البوستات
Author: Abdel Aati
Date: 04-11-2008, 10:32 PM
Parent: #5
هرون سلامات
اها البوست بتاعي الذي اشرت اليه تم حذفه
قول لي يقع في طائلة شنو من الحاجات الذكرتها دي ؟؟؟
|
Post: #10
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 10:39 PM
Parent: #7
الحبيب / عبد العاطي
مساء جميل
Quote: هرون سلامات
اها البوست بتاعي الذي اشرت اليه تم حذفه
قول لي يقع في طائلة شنو من الحاجات الذكرتها دي ؟؟؟ |
معليش ياعمك بفرق كتير....
اظنو ....لو قلته
لا لحذف الوستات ...ماعدا.... وقمته صنفته الحكاية ماكان حينسحب لكنك عممته الحكاية.
اها انت رائك شنو .....؟
نوعية البوستات الانا ذكرتها دي تتحذف ولا لا ....؟
لك عاطر مودتي
هارون دياب
|
Post: #11
Title: Re: عبد العاطي ......نعم لحذف البوستات
Author: humida
Date: 04-11-2008, 10:47 PM
Parent: #10
| Quote: إذا كان البوست هلالى شامت فى المريخ لهزيمته النكراء....يحذففففف |
بركة ماشي .. وبركة ماشي .. 
|
Post: #13
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 11:26 PM
Parent: #11
حميده
| Quote: بركة ماشي .. وبركة ماشي .. |
اها دي بنعتبره شماته مقبولة .
|
Post: #14
Title: Re: عبد العاطي ......نعم لحذف البوستات
Author: haroon diyab
Date: 04-11-2008, 11:29 PM
Parent: #1
ومعا ....
لنرتقي بأدب الحوار....
ويدا ...بيد
من اجل منبرا معافئ....
|
Post: #15
Title: Re: عبد العاطي ......نعم لحذف البوستات
Author: Abd Alla Elhabib
Date: 04-12-2008, 01:04 AM
Parent: #14
| Quote: الشماتة انوااااااااااااااااع ....انت قاصد ياتوا واحدة....؟ |
هزيمته النكراء..يا صديق !!
-------------------------
وعذرا.. للمقال فى غير المقام.
ويا حميدة ..الله يديك العافية 
|
Post: #16
Title: Re: عبد العاطي ......نعم لحذف البوستات
Author: haroon diyab
Date: 04-12-2008, 07:55 AM
Parent: #1
الحمد لله
يافتاح ياعليم يارزاق ياكريم
الحكايةمن الصباح رايقة
انشاء الله تدوم يابكري....
قبل ماناسكم يصحوا من النوم وهااااااااااااااااااااك ياردحي .
|
Post: #17
Title: Re: عبد العاطي ......نعم لحذف البوستات
Author: Sidig Rahama Elnour
Date: 04-12-2008, 08:15 AM
Parent: #16
الحبيب هارون
حذف البوستات سيزيد النار إضراماً وسيأتي عنه مزيد من البوستات وبالتالي سيكون على بكري مزيد من الحذف ويترك جل همه لتطوير الموقع من أجل متابعة البوستات وحذفها ودي شغلانة معقدة .. أنا في إعتقادي لا يتم حذف أي بوست بل يتم معاقبة من يخطي دون إن يتم حذف البوست ... فالبوست شاهد على صاحبه وشاهد على تجاوزه للائحة والقانون وكمان البوست من ناحية تانية شاهد على صحة أيقاع العقوبة علي العضو المتجاوز ... فلو لا قدر الله تم إيقاف هارون او صديق وبدون دلائل واضحة وبوستات موجودة سيؤدي الى إتهام بكري وميوله لبعض الجهات ضد بعضها.
كما ان حذف بعض المداخلات دون حذف الردود عليها يفقد البوست التسلسل الطبيعي للأحداث ويفقد المتابع والقأري إماكنية التقييم الذاتي.
وحذف البوستات بدون معاقبة المخالفين ... حا تكون زي نكتة المسطول السكاهو الكلب ومسك في الحجر لقاهو مغزوز في الواطة وقال (أنت تفكو الكلاب وتربطو الحُجار)
اليك المقترح المعدل
المقترح (ُمعدل) يا بكري أبوبكر /وباقي الزملاء/ات
|
Post: #20
Title: Re: عبد العاطي ......نعم لحذف البوستات
Author: haroon diyab
Date: 04-12-2008, 11:34 AM
Parent: #17
الصديق / صديق
يااخي طولت الغيبة
اضحك الله سنك ...اضحكتني نكتة المسطول
اما بخصوص
Quote: الحبيب هارون
حذف البوستات سيزيد النار إضراماً وسيأتي عنه مزيد من البوستات وبالتالي سيكون على بكري مزيد من الحذف ويترك جل همه لتطوير الموقع من أجل متابعة البوستات وحذفها ودي شغلانة معقدة .. أنا في إعتقادي لا يتم حذف أي بوست بل يتم معاقبة من يخطي دون إن يتم حذف البوست ... فالبوست شاهد على صاحبه وشاهد على تجاوزه للائحة والقانون وكمان البوست من ناحية تانية شاهد على صحة أيقاع العقوبة علي العضو المتجاوز ... فلو لا قدر الله تم إيقاف هارون او صديق وبدون دلائل واضحة وبوستات موجودة سيؤدي الى إتهام بكري وميوله لبعض الجهات ضد بعضها.
كما ان حذف بعض المداخلات دون حذف الردود عليها يفقد البوست التسلسل الطبيعي للأحداث ويفقد المتابع والقأري إماكنية التقييم الذاتي.
وحذف البوستات بدون معاقبة المخالفين ... حا تكون زي نكتة المسطول السكاهو الكلب ومسك في الحجر لقاهو مغزوز في الواطة وقال (أنت تفكو الكلاب وتربطو الحُجار) |
المشكلة ياصديق العيال كبرت ....وحاتك تعمل باسوورد للكمبيوتر تلقاهم فتحوا بعد عشرة دقائق ....وصعب جدا انوا تلقي احد ابنائك بيقراء في كلام انت الكبير تختشي تقراه....
عشان كده انا لازلت عند رائي انوا يتم حذف البوست مباشرة ....مع كامل احترامي وتقديري لوجهة نظرك الكريمة بما انوا الرائ الاول والاخير للاخ بكري ولكن اتمني ان لانحتاج الي حذف او تعديل او ايقاف عضو وذلك بان نرتقي بأدب الحوار .
عاطر التحايا
هارون دياب
|
Post: #18
Title: Re: عبد العاطي ......نعم لحذف البوستات
Author: محمد عبد الماجد الصايم
Date: 04-12-2008, 09:45 AM
Parent: #1
يا عــمــك
بركة الشفناك ياخ!!
|
Post: #21
Title: Re: عبد العاطي ......نعم لحذف البوستات
Author: haroon diyab
Date: 04-12-2008, 11:39 AM
Parent: #18
ود الصائم
مساء الخير
Quote: يا عــمــك
بركة الشفناك ياخ!! |
تشوف العافية دائما....
بس انت مع الحذف ام ضده ....؟
ادينا رائك خلينا نخلص
برضو مشتاقيييييييييييين
|
Post: #19
Title: Re: عبد العاطي ......نعم لحذف البوستات
Author: محمد الطيب يوسف
Date: 04-12-2008, 10:19 AM
Parent: #1
الحبيب هرون
الاخ عادل عبد العاطي
نعم لحرية الرأي
نعم لحرية الكتابة
لا لكل أنواع الكتابة الغير مسئولة
التي لا تحترم المرجعيات الدينية والعرقية
في وطن متعدد الأديان والأعراق
سودانيز أون لاين وطن أسبيري
دعونا نتنفس فيه هواء نقيآ
نعم للخلافات الفكرية
ولكن دعوا خلافاتنا مصدر قوة
لرفعة وطن هدته معاول تهدم ولا أيدي للبناء
محمد الطيب
|
Post: #22
Title: Re: عبد العاطي ......نعم لحذف البوستات
Author: haroon diyab
Date: 04-12-2008, 11:43 AM
Parent: #19
استاذنا / محمد الطيب
طيب الله ايامك
Quote: الحبيب هرون
الاخ عادل عبد العاطي
نعم لحرية الرأي
نعم لحرية الكتابة
لا لكل أنواع الكتابة الغير مسئولة
التي لا تحترم المرجعيات الدينية والعرقية
في وطن متعدد الأديان والأعراق
سودانيز أون لاين وطن أسبيري
دعونا نتنفس فيه هواء نقيآ
نعم للخلافات الفكرية
ولكن دعوا خلافاتنا مصدر قوة
لرفعة وطن هدته معاول تهدم ولا أيدي للبناء |
اكان هارون ولا عبد العاطي ولا حتي بكري ابو بكر...
وحاتك ....ماخليت حاجة ....
وعلي رائ اخوانا القطريين
كفيت ....ووفيت
وده الكلام السمح
فلتكن خلافاتنا مصدر قوتنا...
وسودانيتنا مصدر الهامنا....
ومحبتنا لمنبرنا شمعتنا التي بها نضئ ظلام الاجيال القادمة .....
خليني ارفع ليك الطاقية....
ابقي واصل
هارون دياب
|
Post: #23
Title: Re: عبد العاطي ......نعم لحذف البوستات
Author: haroon diyab
Date: 04-12-2008, 04:48 PM
Parent: #1
جميل....
ان يلتف الجميع حول قضية تهم الوطن....
والاجمل ....
ان يكون الطرح بعيدا عن الحزبية والجهوية والقبلية
|
Post: #24
Title: Re: عبد العاطي ......نعم لحذف البوستات
Author: haroon diyab
Date: 04-12-2008, 08:27 PM
Parent: #1
ومازالت بوستات العنصرية والجهوية....
تلطخ المنبر....
ومازالنا نتمني ان تنتهي ....
لنفتح صفحة جديدة مع انفسنا ...قبل ان نفتحها مع الاخر .
جنس كمية من الكذب والتناقضات ....اجاركم الله .
|
Post: #25
Title: Re: عبد العاطي ......نعم لحذف البوستات
Author: عبد الرحمن الطقي
Date: 04-13-2008, 05:43 AM
Parent: #24
نعم أخي هارون !!
فلكل شيئ حدود !
و آخر الدواء الكي !
و حتى أدعياء الحرية يقولون : حريتك تنتهي حيث تبدأ حرية الآخرين .
نعم لحذف بعض البوستات خاصة المسيئة لله و رسوله و دينه
و المتعدية على الآخرين في أنفسهم و أعراضهم و أسرهم ، بل و كل شخص
و إن لم يكن عضواً بالمنبر .
لكن !!!
لماذا تحذف بوستات تسيئ للأشخاص
و لا تحذف بوستات تسئ لرب العزة و الجلال مثل بوست إيمان أحمد ( أريد أن أكتب ) !
الذي وصفت الله - تعالى - فيه بأنه عنيد و غوي و تسأله : هل شربت يوماً كوباً من الشربوت !!!
|
Post: #26
Title: Re: عبد العاطي ......نعم لحذف البوستات
Author: عبد الرحمن الطقي
Date: 04-13-2008, 06:04 AM
Parent: #25
نعم لذف بعض البوستات !!
بل لحذف عضوية أصحابها !!!
ما داموا عاجزين عن تحمل مسؤولية أمانة الكلمة !
|
Post: #27
Title: Re: عبد العاطي ......نعم لحذف البوستات
Author: haroon diyab
Date: 04-13-2008, 09:50 AM
Parent: #25
شيخنا الطقي
صباح الخير
لا اسكت الله لك حسا ابدا......
Quote: لماذا تحذف بوستات تسيئ للأشخاص
و لا تحذف بوستات تسئ لرب العزة و الجلال مثل بوست إيمان أحمد ( أريد أن أكتب ) !
الذي وصفت الله - تعالى - فيه بأنه عنيد و غوي و تسأله : هل شربت يوماً كوباً من الشربوت !!! |
انا لله وانا اليه راجعون....
ربنا لاتزغ قلوبنا بعد اذ هديتنا.....
|
Post: #28
Title: Re: عبد العاطي ......نعم لحذف البوستات
Author: haroon diyab
Date: 04-13-2008, 09:51 AM
Parent: #1
نعم لحذف بعض البوستات !!
بل لحذف عضوية أصحابها !!!
ما داموا عاجزين عن تحمل مسؤولية أمانة الكلمة !
صاااااااااااااااااااااااااااح
|
Post: #29
Title: Re: عبد العاطي ......نعم لحذف البوستات
Author: Safia Mohamed
Date: 04-13-2008, 10:22 AM
Parent: #1
استاذ هارون
سلام
| Quote: صاااااااااااااااااااااااااااح |
غلط
صفية
يتم الحذف على اي معيار وعلى اي اساس؟؟؟؟؟؟؟؟؟؟؟؟؟؟؟؟؟؟؟
لكل منظلقه الفكري والايدولوجي
لكل اولوياته
لكل اسلوبه في الدفاع عن قناعاته ومعتقداته
من يحذف ماذا وعلى اي اساس؟؟؟؟؟؟؟؟؟
والامثلة كثييرة عن الاختلاف الفكري العقائدي الديني الايدولوجي الثقافي السياسي الاقتصادي وهلم جرا
اقول لا للحذف
نعم للاختلاف
المبني على احترام الراي والراي الخر
الذي يدعو الى الحوار المرتكز على اساليب علمية في النقاش
والجمهور هو الفيصل (الأعضاء والقراء)
فتك بعافية
صفية
|
Post: #38
Title: Re: عبد العاطي ......نعم لحذف البوستات
Author: haroon diyab
Date: 04-18-2008, 05:04 PM
Parent: #29
الدكتورة / صفية
مساء الخير
اولا : كلي اسف لتاخير الرد
ثانيا :
كدي النقطع كلامك ده حته حته وبعدين نتفاهم
Quote: يتم الحذف على اي معيار وعلى اي اساس؟؟؟؟؟؟؟؟؟؟؟؟؟؟؟؟؟؟؟
لكل منظلقه الفكري والايدولوجي
لكل اولوياته
لكل اسلوبه في الدفاع عن قناعاته ومعتقداته
من يحذف ماذا وعلى اي اساس؟؟؟؟؟؟؟؟؟
والامثلة كثييرة عن الاختلاف الفكري العقائدي الديني الايدولوجي الثقافي السياسي الاقتصادي وهلم جرا |
اين المعيار في ان يتطأول احدهم علي اخوات عضو محترم
اين المعيار عندما يتم التشهير بزميل من خلال فلاش غير اخلاقي
اين المعيار عندما يقول احدهم لله ( هل كنت تقصد ان تخلق الزرافة هكذا ام ان هناك خطأ...؟)
Quote: اقول لا للحذف
نعم للاختلاف
المبني على احترام الراي والراي الخر
الذي يدعو الى الحوار المرتكز على اساليب علمية في النقاش
والجمهور هو الفيصل (الأعضاء والقراء) |
وانا اقول
نعم للاختلاف المبني علي الاحترام المتبادل
ولا للاختلاف المبني علي الاساءات والشتائم والتشهير
نعم للحذف في مكان الحذف
ولا للحذف العشوائي الغير مبرر
اخيرا :
ما....اذا قعدنا عشان ناخد رائ الجمهور الرسالة السالبة بتكون وصلت ويبقي فائدة مافي من الحذف بعد داك .
ولا شنو .....؟
تيب
وانتي بالف عافية يادكتورة
هارون دياب
فتك بعافية
صفية
|
Post: #30
Title: Re: عبد العاطي ......نعم لحذف البوستات
Author: كمال سالم
Date: 04-13-2008, 10:23 AM
Parent: #1
| Quote: عنصرية ....وقبيلة وجهوية.... |
خضر الله ضراعك ياهارون ,, هذا هو الذى من المفترض
أن يكون شعارا للمنبر , لا للعنصريه والجهويه والقبليه
فلنعمل هنا كلنا من أجل السودان الواحد الموحد ,,
|
Post: #31
Title: Re: عبد العاطي ......نعم لحذف البوستات
Author: haroon diyab
Date: 04-13-2008, 06:53 PM
Parent: #30
يازعيييييييييييييييييييم
مساء جميل
Quote: خضر الله ضراعك ياهارون ,, هذا هو الذى من المفترض
أن يكون شعارا للمنبر , لا للعنصريه والجهويه والقبليه
فلنعمل هنا كلنا من أجل السودان الواحد الموحد ,, |
وخضر الله كلاماتك الاصلية ....
ياحمل الهم بالجمال داخل وخارج المنبر .....
لك كل الود
هارون دياب
|
Post: #32
Title: Re: عبد العاطي ......نعم لحذف البوستات
Author: haroon diyab
Date: 04-14-2008, 08:42 PM
Parent: #1
ومازال الردحي مستمر ......
وصيوانات البكاء علي الفصل مشرعة .....
والعميان شايل المكسر....
ومعك يابكري اذا كان الحذف والايقاف علي حق ....
وضمن اللوائح....
|
Post: #34
Title: Re: عبد العاطي ......نعم لحذف البوستات
Author: قيقراوي
Date: 04-18-2008, 01:14 AM
Parent: #1
ان شاء الله العنصرية المرفوضة دي تكون شاملة عنصرية الاقدمية برضو ؟
شايف اليومين ديل ممارسة التهميش بقت من قبل البشتكو من التهميش على القادمين الجدد
دا موضوع تاني بس ان شاء الله ما تكونوا من الرافضين للجدد
دياب يا اخوي
يعني انت بتآسر السلامة على خوض الحوار و الاختلاف ؟
البفرط في الحرية من أجل الامن ما بستحق الاولى و لا التانية
قول للبنية الخايفة من نار الحروف تحرق بيوتات الفريق قول ليها ما تتخوفي00
والاصلوا في الجوف اندفن لابتنسي00لابتمحي00 ...لا بنتهي منو الحريق
نعم للحوارات الجادة التي تضيف لقيمنا
لا للبذاءات و البذاءات المضادة
و بمناسبة قيمنا دي
قلت في ردك على الاستاذ محمدالطيب :
وعلي رائ اخوانا القطريين
كفيت ....ووفيت
وده الكلام السمح
فلتكن خلافاتنا مصدر قوتنا...
وسودانيتنا مصدر الهامنا....
ومحبتنا لمنبرنا شمعتنا التي بها نضئ ظلام الاجيال القادمة .....
خليني ارفع ليك الطاقية....
ابقي واصل
هارون دياب *
العبارة دي متين سجلوها للقطريين بأسمهم . . .؟
و وين موقف الهام سودانيتنا من قصة رفع الطواقي دي للتحية و المجاملة ؟
الخواجات يجو يقالدو يعني و له كيف ؟
.................. فتح الرحمن حمودي
----------------------------------------------------------------------
* عفواً ما قادر اعمل اقتباس
|
Post: #35
Title: Re: عبد العاطي ......نعم لحذف البوستات
Author: haroon diyab
Date: 04-18-2008, 01:41 AM
Parent: #34
الاخ / فتح الرحمن
جمعة مباركة باذن الله
عذرا ....
وانا برضو خاصية الاقتباس ماشغالة معاي
----------
ان شاء الله العنصرية المرفوضة دي تكون شاملة عنصرية الاقدمية برضو ؟
شايف اليومين ديل ممارسة التهميش بقت من قبل البشتكو من التهميش على القادمين الجدد
دا موضوع تاني بس ان شاء الله ما تكونوا من الرافضين للجدد
---------
وهو بدون الجدد بكون في اقدمية .....؟
وكثيرا مايكون الجديد اكثر فائدة من القديم فمرحبا بكل جديد ....مفيد
.....
و بمناسبة قيمنا دي
قلت في ردك على الاستاذ محمدالطيب :
وعلي رائ اخوانا القطريين
كفيت ....ووفيت
وده الكلام السمح
فلتكن خلافاتنا مصدر قوتنا...
وسودانيتنا مصدر الهامنا....
ومحبتنا لمنبرنا شمعتنا التي بها نضئ ظلام الاجيال القادمة .....
خليني ارفع ليك الطاقية....
------
وانا هنا قصدت فقط كلمة كفيت ووفيت فقط
لاني ماسمعتها الا علي لسان الاخوة القطريين
......
وانت برضو كفيت ووفيت ...واوجزت
والمرة دي برفع ليك العمة السمحة دي ....!
يديك العافية
وشكرا علي المرور الجميل
كل الود
هارون دياب
|
Post: #36
Title: Re: عبد العاطي ......نعم لحذف البوستات
Author: haroon diyab
Date: 04-18-2008, 12:30 PM
Parent: #1
وجمعة مباركة للجميع
|
Post: #37
Title: Re: عبد العاطي ......نعم لحذف البوستات
Author: haroon diyab
Date: 04-18-2008, 04:16 PM
Parent: #1
ورداب ....واصدقاء بورداب الدوحة
عشاق القوافي .....
واللحن المدوزن .....
نتمني لكم ليلة جميلة
هنا
ود الحاوي وعبد الإله زمراوي في منتدى الحروف
|
|