Post: #1
Title: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 08:08 AM
Parent: #0
انا كان لي راسي سخن عدييييييييييييل
وبقيت مافاهم اي حاجة....!!!
المهم احساس بان المنبر اصبح جزء من يوم
الواحد وجزء مهم كمان..
انت/ي احساسك كان كيف والمنبر مهكر....؟
|
Post: #2
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 08:12 AM
Parent: #1
وبعدين ....
احساسك وانت جاي من الصباح وعاوز تغتح
المنبر ومتخيل انوا بيكون لسع مهكر....؟؟؟؟؟
وبرضو....
شعورك وانت حاسي انوا المنبر ممكن مايشتغل تاني ابدا....؟
كلها مشاعر الواحد حسه بيها والمنبر مهكر....!!!
|
Post: #3
Title: Re: بصراحة ....وبدون خجلة ....شعورك والمنبر مهكر.....؟؟؟
Author: ابو مهند
Date: 10-20-2008, 08:38 AM
Parent: #1
والله يا دياب الواحد بقى المسطول البيفتش ليهو في ورقة برنسيس,,حالة صعبة المسألة بقت ادمان
|
Post: #6
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 09:01 AM
Parent: #3
ابو مهند
سلامات
| Quote: والله يا دياب الواحد بقى المسطول البيفتش ليهو في ورقة برنسيس,,حالة صعبة المسألة بقت ادمان |
ياعمك البرنسيس اكان مااتلقي الواحد كان بلفها بي ورقة البرنجي الجوة....!!!
الا منبر السجم ده يلفوا بي شنو....؟
وحاتك مشيت لي منبر مسجل فيه من زماااااااااااااااان لقيت عندي موضوع في
الصفحة الاولي ليه اربعة شهور ومافي زول هببوا لي....!!!
اها غايتو نبقي في جنس ده
مودتي
|
Post: #4
Title: Re: بصراحة ....وبدون خجلة ....شعورك والمنبر مهكر.....؟؟؟
Author: Faisal Elrasheed
Date: 10-20-2008, 08:46 AM
Parent: #1
احساس بنوع من الشحتفه والخوف ممزوجه بي ملاوزه من ان لا يكون البورد موجود
هرون
تحياتي الحاره
|
Post: #7
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 09:11 AM
Parent: #4
فيصل الرشيد ياجميل
صباح الخير
Quote: احساس بنوع من الشحتفه والخوف ممزوجه بي ملاوزه من ان لا يكون البورد موجود
هرون
تحياتي الحاره |
والرجفة الفي يدي دي سبب شنوا يارب....؟
وحاتك انا الخوفه الدخلت فيني الا يطلعه الكريم....!!!
الشوق بحور
|
Post: #5
Title: Re: بصراحة ....وبدون خجلة ....شعورك والمنبر مهكر.....؟؟؟
Author: محمد عبد الماجد الصايم
Date: 10-20-2008, 08:47 AM
Parent: #1
إحساس نزوح نزوح!
|
Post: #8
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 09:22 AM
Parent: #5
حبيبنا / الصائم
تحياتي
ياعمكــ
الله يخلي لينا منبرنا
النزوح زاتوا جاب لينا الهواء قال ليك شنو....؟
جيتونا بعد اتهكرتوا
|
Post: #9
Title: Re: بصراحة ....وبدون خجلة ....شعورك والمنبر مهكر.....؟؟؟
Author: انعام حيمورة
Date: 10-20-2008, 09:36 AM
Parent: #1
خلاني اعيد حساباتي في حاجات كتيرة ؟؟؟؟!!!!!
|
Post: #10
Title: Re: بصراحة ....وبدون خجلة ....شعورك والمنبر مهكر.....؟؟؟
Author: abuguta
Date: 10-20-2008, 09:46 AM
Parent: #9
احساس زول مغترب عشرينات دقو ليه خروج نهائى
اولادو طلبة داخلين جداد
عندو قطعة ارض ما مبنية ..واسطة ما عندو هناك
ههها ههها احاس سخيف مش...
لابد من وجود حل...بمعنى تقسيم المنبر لمنابر
اذا ضرب هذا نلجاء لذاك....والعجلة مدورة
|
Post: #20
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 04:21 PM
Parent: #10
الغالي / ابو قوته
سلامات
Quote: حساس زول مغترب عشرينات دقو ليه خروج نهائى
اولادو طلبة داخلين جداد
عندو قطعة ارض ما مبنية ..واسطة ما عندو هناك
ههها ههها احاس سخيف مش...
لابد من وجود حل...بمعنى تقسيم المنبر لمنابر
اذا ضرب هذا نلجاء لذاك....والعجلة مدورة |
شوف ياعمكــ....
تضرب الهم بالنوم
تطلع الشفع من المدرسة
تبيع قطعة الواطة
وتدفع القروش لي بكري تخلي
يسجل المنبر في سيرفر لايمكن تهكيره
وبي كده .....
ترحمنا من المساسقة بين المنابر المخستكة
والبوستات البايرة.
رائك شنو في الفكرة دي....؟
مودتي
|
Post: #19
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 04:00 PM
Parent: #9
استاذة / انعام
حمد الله علي السلامة
| Quote: خلاني اعيد حساباتي في حاجات كتيرة ؟؟؟؟!!!!! |
المهم....
ماتعيدي حسابك في الاعمال الخيرية التي اصبحت عنوانك
كيتن في الهكر....!!!!!
التحايا
|
Post: #11
Title: Re: بصراحة ....وبدون خجلة ....شعورك والمنبر مهكر.....؟؟؟
Author: أبو ساندرا
Date: 10-20-2008, 10:28 AM
Parent: #1
ملل
الرضاعة ساهلة ، صعب الفطام
|
Post: #21
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 04:41 PM
Parent: #11
ياحنين
الشوق غلب
Quote: ملل
الرضاعة ساهلة ، صعب الفطام |
وخاصة لما الزول يفطموا كبيييييييييير....!!!!
المهم ياكبير....
عاوزين حل عشان الفطامة دي تاني ماتتكرر
ودي
|
Post: #12
Title: Re: بصراحة ....وبدون خجلة ....شعورك والمنبر مهكر.....؟؟؟
Author: Safia Mohamed
Date: 10-20-2008, 10:45 AM
Parent: #1
احسن حاجة قدرت اتم شغلي المعلق ليه شهور
وكانت فرصة ارتب اولوياتي
لكن برضو مغتاظة وكل خمس دقايق اعمل كلك عسى ولعل او اضرب تلفونات استفسر
المهم احد ما اعتدنا عليه من لوك الصبر عسى ولعل ان تاتي رياح التغيير يوما
تحياتي
|
Post: #15
Title: Re: بصراحة ....وبدون خجلة ....شعورك والمنبر مهكر.....؟؟؟
Author: بدر الدين اسحاق احمد
Date: 10-20-2008, 12:21 PM
Parent: #12
يا سلام يا ود دياب على الطلة الجميلة دى ...
( اول شى انت اصبحت جزء من الحوارات الداخلية لاسرتى الصغيرة ...اها اكثر من كدى عايز شنو )
* لاول مرة فى حياتى احــس بأننى مدمــن ...
* اننى لا امتلك قرارى فى الدخول او عدم الدخول ..
* ان المنبر العام مجرد تصفح البوستات دون التداخل يروى قليل من ( خرم ) متبعة ...
* البورداب ديل كلهـــم اى واحد منهم عندو مكانة خاصة فى النفس ...
* التواصل مع البورداب اوثق واعمق من التواصل مع لاسرة الممتدة ( ومرات يجدون حظ اكبر من الاهتمام من الاسرة الصغيرة ) ..
* ان هذا البورد هــو ( الضــرة الثانية ) للمدام ام الشباب ...
* كمية الزمن الذى يقضيه الواحد فى البورد اكثر من كمية الزمن الذى يقضيه مع ناس البيت ...
* الفطام واجب منذ الحظة ...
كرمــــشــــــــة شديدة :
بكرى دى من الليلة نحن معاهـــو ولو بقى مع حزب الليكود زاتو ( وكمان حتى لو بقى هلا.......... ) انشاء الله ما تتــم ..
|
Post: #23
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 04:59 PM
Parent: #15
الحبيب / بدر الدين
سلامات ياجميل
Quote: * لاول مرة فى حياتى احــس بأننى مدمــن ...
* اننى لا امتلك قرارى فى الدخول او عدم الدخول ..
* ان المنبر العام مجرد تصفح البوستات دون التداخل يروى قليل من ( خرم ) متبعة ...
* البورداب ديل كلهـــم اى واحد منهم عندو مكانة خاصة فى النفس ... |
اها ياعمكــ....
وبي كده اكون لقيت لي نسخة طبق الاصل مني بخصوص المنبر....!!!
ادمان ....نعم
امتلاك القرار ...نعميييييين
عدم التداخل مشكلة كبيييييرة
محبة البورداب ....ابصم بالعشرة
مودتي واحترامي
وابقي واصل
|
Post: #22
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 04:50 PM
Parent: #12
دكتورة صفية
سلام
Quote: احسن حاجة قدرت اتم شغلي المعلق ليه شهور
وكانت فرصة ارتب اولوياتي
لكن برضو مغتاظة وكل خمس دقايق اعمل كلك عسى ولعل او اضرب تلفونات استفسر
المهم احد ما اعتدنا عليه من لوك الصبر عسى ولعل ان تاتي رياح التغيير يوما
تحياتي |
يادكتورة....
الشغل مابنتم الا اكان الواحد اخد بريك في المنبر
عشان يرجع الشغل بي نفسيات مرتاحة وكده.
اما عن الاولويات....
يااخي المنبر ده بقي اولوية الاولويات
ربنا يغطس حجر الهكر الغطس بوستاتي التعبت عليها
خاصة بوستات المريخ
التحايا
|
Post: #13
Title: Re: بصراحة ....وبدون خجلة ....شعورك والمنبر مهكر.....؟؟؟
Author: waleed dawash
Date: 10-20-2008, 11:59 AM
Parent: #1
ود دياب
مشتاقوووووووووووووووون
ياااااااااااااااااااه
الواحد زي الكان تائه
الحمد لله لمينا
الله لا كسبك يالهكر
|
Post: #24
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 05:02 PM
Parent: #13
وليد دواش
ازيك
Quote: ود دياب
مشتاقوووووووووووووووون
ياااااااااااااااااااه
الواحد زي الكان تائه
الحمد لله لمينا
الله لا كسبك يالهكر |
يااخي نحنا شوقنا بحور ماليها حد
وهكر السجم والرماد ده عاوز يحرمنا من الطلات البهية
والصلات الجميلة....!!!!
ياريت نلقي حل جماعي عشان ماتتكرر المصيبة دي تاني.
كل الود
|
Post: #14
Title: Re: بصراحة ....وبدون خجلة ....شعورك والمنبر مهكر.....؟؟؟
Author: عبود عبد الرحيم
Date: 10-20-2008, 12:17 PM
Parent: #1
الاخ الحبيب
هارون دياب
سلام وتحية
وحمد لله علي سلامة المنبر لك وللجميع
| Quote: بصراحة ....وبدون خجلة ....شعورك والمنبر مهكر.....؟؟؟ |
كنت في رحلة عمل صحفية في بورتسودان وعندما حاولت الدخول فوجئت بالهكر !!!
شعرت باسي بالغ وأسف لاستخدام هذا الاسلوب العاجز في مواجهة الراي الاخر
ورغم تحفظاتنا علي كثير مما يطرحه بعض البورداب هنا ... لكن يظل المنبر ساحة راي وركن نقاش مفتوح للجميع ...
ورغم ثقتي بان ادارة المنبر قادرة علي تجاوز هذه المحنة فقد شعرت بانني فقدت التواصل مع احباب واصدقاء جمعنا بهم هذا المنبر ...
نحمد الله علي عودته ونتمني من (ميكافيلي) ان يتركنا وشأننا اذا كان لا يريد مشاركتنا الراي !!!
|
Post: #25
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 05:06 PM
Parent: #14
الشقيق الغالي / عبود عبد الرحيم
التحايا النواضر
| Quote: كنت في رحلة عمل صحفية في بورتسودان وعندما حاولت الدخول فوجئت بالهكر !!! |
عليك الله تاني لامن تكون ماشي بورسودان اديني خبر عشان اوصيك تسلم لي علي اي حاجة
تقابلك هناك....!!!!
Quote: شعرت باسي بالغ وأسف لاستخدام هذا الاسلوب العاجز في مواجهة الراي الاخر
ورغم تحفظاتنا علي كثير مما يطرحه بعض البورداب هنا ... لكن يظل المنبر ساحة راي وركن نقاش مفتوح للجميع ...
ورغم ثقتي بان ادارة المنبر قادرة علي تجاوز هذه المحنة فقد شعرت بانني فقدت التواصل مع احباب واصدقاء جمعنا بهم هذا المنبر ...
نحمد الله علي عودته ونتمني من (ميكافيلي) ان يتركنا وشأننا اذا كان لا يريد مشاركتنا الراي !!! |
واعتقد بوجودك وبقملك النظيف الراقئ ....سيظل هذا المنبر ساحة جميلة للتحاور والتفاكر
وباذن الله لايتكرر ماحدث مرة اخري.
تحياي لجدو والاسرة الكريمة
كل الود
|
Post: #16
Title: Re: بصراحة ....وبدون خجلة ....شعورك والمنبر مهكر.....؟؟؟
Author: العوض المسلمي
Date: 10-20-2008, 12:24 PM
Parent: #1
اخي هارون دياب سلام
| Quote: لدي إحساس شك من يدير سودانيز الأن ليس هو بكري أبوبكر فقد إعتاد أن يخرج لنا بياناً في مثل تلك الحالات ..! |
اولا خلي بكري يطمئينا اول ,,,
وبعدين بنقول شعورنا ده 
كامل الود
|
Post: #26
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 05:09 PM
Parent: #16
العوض المسلمي
كيفنك ياالحبيب
Quote: اولا خلي بكري يطمئينا اول ,,,
وبعدين بنقول شعورنا ده
كامل الود |
ياعمكــ
بكري ده الله يعينه ساااااااكت
وياريت نقدر نساعده ونعمل حاجة تحافظ علي هذا المكان الجميل
بس ....
شعورك انت بالذات مهم جدا....!!!
كدي وريناكنت عامل كيف....؟
تحياتي
|
Post: #17
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 01:34 PM
Parent: #1
الحبائب جميعا
جاييكم واحد واحد
وبرواااااااااااااااااقة
بس اخلص من الصفحة االسابعة.....!!!!
اصلوا القريفة الفوقي وحاتكم مايحلها
الا حجاب كااااااااااااااارب من حاج
اساغة بتاع السنغال....!!!!
وبرضو.....
الله لاكسبك ياالهكر
مودتي للجميع
|
Post: #18
Title: Re: بصراحة ....وبدون خجلة ....شعورك والمنبر مهكر.....؟؟؟
Author: Faisal Elrasheed
Date: 10-20-2008, 02:26 PM
Parent: #17
هرون نهاراتك بيضاء
ما عارف لكن الواحد حاسي انه هو ما هو مع تشويش وطمام ..
وشعور بالتشرد وتشتت ...
هو الحاصل شنو؟؟
|
Post: #27
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 05:12 PM
Parent: #18
فيصلنا
مساء الخير
هرون نهاراتك بيضاء
Quote: ما عارف لكن الواحد حاسي انه هو ما هو مع تشويش وطمام ..
وشعور بالتشرد وتشتت ...
هو الحاصل شنو؟؟ |
ياعمك طمام ساكت....؟
ده كان طمام ووجع بطن
ورجفة كده مع كل كلكـ للكيبورد
التقول منبر ابوي ( الله يرحمه)
وبرضو...
الله لاكسبك ياميكافيلي ولا غزة فيك بركة
اكان فرتكت فهمنا
وشمت فينا العوازل
قول آمييييييييييييييين
|
Post: #29
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 05:17 PM
Parent: #27
وحاتكم.....
ده كلوا كوم
وبوستاتي.....وصوري
ومكتبة ودالبشري
جنس مغصة
داعي عليك ياميكافيلي
دعوة ولية ارملة عندها سبعة ايتام
في ساعة مغربية يوم الجمعة
انوا ربنا مايكسبك حسنة....!!!
صوري...ياجبان
وصور ساني
اتاري طلعت ابن.......!!!
|
Post: #28
Title: Re: بصراحة ....وبدون خجلة ....شعورك والمنبر مهكر.....؟؟؟
Author: khaleel
Date: 10-20-2008, 05:14 PM
Parent: #18
هارون الانيق
والله انت اخو وما عليك مدسة
كان ما منبر تراجي قربت امشي البار ولا ديسكو رمادها
وارجع الريد الزمان القالو عند الناس (خرف)
|
Post: #31
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 06:00 PM
Parent: #28
الجميل / خليل
سلامات
Quote: هارون الانيق
والله انت اخو وما عليك مدسة
كان ما منبر تراجي قربت امشي البار ولا ديسكو رمادها
وارجع الريد الزمان القالو عند الناس (خرف) |
ياعمكــ
انت كويس اللقيت ليك حاجة تلهيك
انا وحاتك مشيت لي جماعة كنت مسجل معاهم زماااااان
التقول كانوا منتظرني ....يادوب بقول ياهادي قلته اعمل
لي مداخلة مع واحد من الفرد بتاعين زماااان ...بس دخلت راسي
العكاكيز بالصف ....
امشي يامهكر...!!!
خاتينا احتياطي....!!!!
عامل فيها بتاع سياسة ...!!!
انشاء الله سودانيز ده تاني ماينفتح نشوفك حتقبل ويييين....؟
يعني مداخلات تجيب القرحة والقدة في نفس الوقت
المهم....
لولا بعد المسافة
كنت مشيت لي مستورة بت قنيرة
ولا....
فتشوا خشموا.....
بس فروع بورسودان.....
بالمناسبة بالطريقة دي حنرجع الريد الزمان ....يعني حنرجعه
وبعد داك....
المايشتري مننا يتفرج فينا سااااااكت...!!!
|
Post: #36
Title: Re: بصراحة ....وبدون خجلة ....شعورك والمنبر مهكر.....؟؟؟
Author: dalia omer
Date: 10-21-2008, 07:51 AM
Parent: #17
سلام للكل وحمدالله على السلامة لرجعة الموقع. والله الموقع مش احساس بأنك فى السودان بس وايضا أحساس بالتعبير عن الاراء بوضوح شديد وماذا يحصل فى السودان بشفافية شديدة . ولمن الوقع قفل كان إحساس بالظلم والبطش ودا نوع من انواع الممارسات السيئة للحكومة لاخماد اى راى مضاد لها كما يفعلون فى اهلنا فى السودان وهذا دليل على الموقف القوى لموقعنا وانه على خطى حقيقة وسوف نمارس فى فضح اعمالهم وبطشهم والله المعستعان .
|
Post: #37
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-21-2008, 11:43 AM
Parent: #36
الاستاذة / داليا عمر
التحية
Quote: والله الموقع مش احساس بأنك فى السودان بس وايضا
أحساس بالتعبير عن الاراء بوضوح شديد وماذا يحصل فى السودان بشفافية شديدة . |
وده الاحساس البخلي الناس تتمسك بالمنبر وتقاتل من اجل استمرارية المنبر
وربنا يورينا فيك يوم ياالهكر....!!!
سلام
|
Post: #38
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-21-2008, 11:43 AM
Parent: #36
الاستاذة / داليا عمر
التحية
Quote: والله الموقع مش احساس بأنك فى السودان بس وايضا
أحساس بالتعبير عن الاراء بوضوح شديد وماذا يحصل فى السودان بشفافية شديدة . |
وده الاحساس البخلي الناس تتمسك بالمنبر وتقاتل من اجل استمرارية المنبر
وربنا يورينا فيك يوم ياالهكر....!!!
سلام
|
Post: #30
Title: Re: بصراحة ....وبدون خجلة ....شعورك والمنبر مهكر.....؟؟؟
Author: هيثم درار
Date: 10-20-2008, 05:23 PM
Parent: #1
شعور ميكافيلى ميكافيلى
الحمد لله غمة وانزاحت
|
Post: #32
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-20-2008, 06:06 PM
Parent: #30
هيثم درار
ازيك
بركة الشفناك عافية
بس حاسب فالقادم مذهل اكثر
دي الظاهر عليها المناظر الفلم لسه مابداء
مودتي
|
Post: #33
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-21-2008, 06:28 AM
Parent: #32
وحتي لانظلم الزوجات
اتاري في واحدات كده
المنبر ده بالنسبة ليهم
فكه من الراجل وتدخلاته
في اعمال البيت
( رشيدة الرشيدة مثالا)
وفي واحدات طول النهار ماعندهم غير:
انت يازول منبر السجم ده ماتخليه
وماعارف المنبر ده بقي ليك حياتك
وكلام من النوع البغيظ داك.....
المهم....
اتاريها بي وراك هي زاته ماعندها شغلة غير المنبر
والظاهر اكتر زول زعلان علي التهكير كانت هي زااااااااتا
العامله فيها متضايقة من قعادك في المنبر....!!!!
وقالت شنو....:
( بداءيا......سودانيزاولاين.....!!!)
وبداءيا دي بفهموها اهلنا الدناقلة
وتستخدم في حالة الاسي والحزن .....!!!
شوفتوا جنس المحن دي....!!!
الله يجازي محنك ياامنية
|
Post: #34
Title: Re: بصراحة ....وبدون خجلة ....شعورك والمنبر مهكر.....؟؟؟
Author: عثمان دغيس
Date: 10-21-2008, 07:01 AM
Parent: #1
والله يا هرون أخوي ما عارف أقول ليك شنو ...
لكن شعوري بس خلي سااااااااااااااااكت ....
ياخي الواحد بقى زي المرة العرسوا فوقها ...
بقى زي الزول الخرمان لي سفة ..وهو قاعدفي بلد حقة سعوط وااااااااحدة بالغلط ما فيها ...!
|
Post: #39
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-21-2008, 10:56 PM
Parent: #34
فنانا الجميل / دغيس
سلامات
Quote: والله يا هرون أخوي ما عارف أقول ليك شنو ...
لكن شعوري بس خلي سااااااااااااااااكت ....
ياخي الواحد بقى زي المرة العرسوا فوقها ...
بقى زي الزول الخرمان لي سفة ..وهو قاعدفي بلد حقة سعوط وااااااااحدة بالغلط ما فيها ...! |
عارف يادغيس من شدة الخرمة انا واخوي الكاشف
الاسمو محمد الصايم ده امس بنزازي لي 2 صباحا
والليلة الصباح اصبح ولسة قاعدين تحت رحمة الفقر
الاسمو الهكر ده......
مافي مانع يعرسوا فوقنا بس يخارجونا من هكر السجم والرماد ده....!!!
|
Post: #35
Title: Re: بصراحة ....وبدون خجلة ....شعورك والمنبر مهكر.....؟؟؟
Author: عبدالله كع
Date: 10-21-2008, 07:48 AM
Parent: #1
هاروون كيفك ..
شوفته حالة المرة الحامل قبل ساعة الولاده بي 3-4 ساعات كدي ...
واحساس بعلها ...
دي حالتي يا حبا ...
ــــــــــــــــــــــــــــــــــ
شكيتو علي الله هكرتا ده ( وجه عامل كدا)
|
Post: #40
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-22-2008, 05:52 AM
Parent: #35
عبد الله كع
صباح الخير
Quote: هاروون كيفك ..
شوفته حالة المرة الحامل قبل ساعة الولاده بي 3-4 ساعات كدي ...
واحساس بعلها ...
دي حالتي يا حبا ... |
ياعمك المره الحامل هينة
وحاتكـ
في ناس هنا حملوا وولدوا مرتين
ولغايت حسع مافاهمين حاجة
اتاريك يالمنبر عندك جنس محن
يخرب بيتك ياالهكرتنا
|
Post: #41
Title: Re: بصراحة ....وبدون خجلة ....شعورك والمنبر مهكر.....؟؟؟
Author: عثمان دغيس
Date: 10-22-2008, 07:20 AM
Parent: #35
Quote: هاروون كيفك ..
شوفته حالة المرة الحامل قبل ساعة الولاده بي 3-4 ساعات كدي ...
واحساس بعلها ...
دي حالتي يا حبا ... |
إحساس بعلها مهضومي ....!!
بس حكاية المرة فبل الولادة دي يكون هرون شافها كيف ؟؟؟
يعني إلا بالتخمين وكده ..
لأنه تجربة خطيرة جد ..... وما جربها ...!
|
Post: #42
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-23-2008, 07:14 PM
Parent: #1
ياشباب ....
والله حارة بشكل
الهكر اللعين ده خلاني قاعد في السهلة سااااااكت
المهم عودة مرة اخري بعد التهكير الماخمج....!!!
برضو....
شعورك وانت مهكر....؟
راجع ليكم
شكرا ....بكري
|
Post: #44
Title: Re: بصراحة ....وبدون خجلة ....شعورك والمنبر مهكر.....؟؟؟
Author: محمد عبد الماجد الصايم
Date: 10-23-2008, 08:41 PM
Parent: #42
هارون يا عمكـ
صحبكـ جاي يسلم عليكـ
|
Post: #45
Title: Re: بصراحة ....وبدون خجلة ....شعورك والمنبر مهكر.....؟؟؟
Author: Siddig A. Omer
Date: 10-23-2008, 09:05 PM
Parent: #44
الحدث الاهم فى 2008
|
Post: #46
Title: Re: بصراحة ....وبدون خجلة ....شعورك والمنبر مهكر.....؟؟؟
Author: علاء الدين حيموره
Date: 10-23-2008, 09:55 PM
Parent: #45
انا غايتو بجي اتاوق .. بكب الزوغة كان لقيت اسماء زي الاسماء المستعارة في غرف الدردشة ناس :
لو جريئة أضغطي هنا
صيدلية كنتاكي للخياطة
عايزه عريس مغترب
الاماسي الحالمة ( طبعا ده لزوم الجفلة ) وما عايز ابوظ علاقتي معاهم لكن نصيحة اخو كبير الالفاظ البذيئة لاخواتنا في المنبر حاجة ما حلوة ..
حنين للبلد اكرم وأنبل من ان توصف بصفاتكم ... اعتذروا لها
الله يهديهم ...
|
Post: #47
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-23-2008, 11:00 PM
Parent: #46
حلم الاماسي
سلام
Quote: و الله انا حاسي احساس جميل
انتعاش
انت كيف؟ |
انتعاش شنو ياعمك
قول ارتعاش يامااااااان....!!!!
التحايا
|
Post: #50
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-23-2008, 11:11 PM
Parent: #46
حبيبنا / علاء الدين
كيفنك ياجميل
Quote: انا غايتو بجي اتاوق .. بكب الزوغة كان لقيت اسماء زي الاسماء المستعارة في غرف الدردشة ناس :
لو جريئة أضغطي هنا
صيدلية كنتاكي للخياطة
عايزه عريس مغترب
الاماسي الحالمة ( طبعا ده لزوم الجفلة ) وما عايز ابوظ علاقتي معاهم لكن نصيحة اخو كبير الالفاظ البذيئة لاخواتنا في المنبر حاجة ما حلوة ..
حنين للبلد اكرم وأنبل من ان توصف بصفاتكم ... اعتذروا لها
الله يهديهم ... |
انشاء الله يعفصني القندراني أكان فاهم حاجة في كلامك ده.....!!!!
اصلوا اخوك بعيد عنك لمه فيهوا واحد كده خلاه قاعد في السهلة سااااااااكت
ولا عشان ماجيت عزيتنا في الباسوورد القديم الجميل.....
المهم
مردودة ليك في التهكيرة القادمة
مودتي
|
Post: #49
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-23-2008, 11:07 PM
Parent: #45
صديق القاعد بعييييد
والله مشتاقين
| Quote: الحدث الاهم فى 2008 |
ده نظام ينتهي العزاء بنتهاء مراسم الدفن
بس انت محمي ياعمك
ماقاعد في اخر الدنيا
|
Post: #48
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-23-2008, 11:04 PM
Parent: #44
الغالي / ود الصايم
وزي ماقلت ليك نردها ليكم في الافراح
بس شوف جنس المحنة الدخلني فيها اللغم ده....!
|
Post: #51
Title: Re: بصراحة ....وبدون خجلة ....شعورك والمنبر مهكر.....؟؟؟
Author: انعام عبد الحفيظ
Date: 10-24-2008, 08:54 PM
Parent: #1
هارون دياب
مساءك جميل
شعور غريب زي الزول لما تروح منو حاجة
وبعدين تراهو الإدمان دا مشكلة كبيرة خلاص
|
Post: #52
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 10-25-2008, 05:36 AM
Parent: #51
الاستاذة / انعام
التحايا
Quote: هارون دياب
مساءك جميل
شعور غريب زي الزول لما تروح منو حاجة
وبعدين تراهو الإدمان دا مشكلة كبيرة خلاص |
وتخيلي الحاجة دي تكون سودانيز اونلاين تبقي مصيبة كبيرة
اما عن الادمان ...فحدث ولاحرج.
الله لايعيده ايام
ولايكسب الكان السبب.
|
Post: #53
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 11-02-2008, 03:44 PM
Parent: #52
اغرب حاجة انوا كنت بتسأل عن شعورك والمنبر مهكر
قام الراجل زعل وهكرني انا زاااااااااااااااتي...!!!
نقدر نغير السؤال ونقول:
شعورك والمنبر شغال وانت مهكر.....؟
يعني تعاين من الشباك ساااااكت
والله دي حارة بشكل
زي اخونا واحد حذفوا مكتبتوا...
قال شنو...؟
ياترجعوا لي مكتبتي ياتحذفوا المكتبات كلها
نظام...
المساؤاة في الظلم عدل
ولا ماكده ياحبه...؟
|
Post: #54
Title: Re: بصراحة ....وبدون خجلة ....شعورك والمنبر مهكر.....؟؟؟
Author: عبد الرحمن الطقي
Date: 11-02-2008, 04:10 PM
Parent: #53
العزيز هارون
السلام عليكم و رحمة الله
كنت غائباً عن المنبر أيام تهكيره و قبله بمدة طويلة
و لكن لم أستطع مقاومة دخوله و الكتابة فيه في أول
سانحة جمعتني بالإنترنت ، لا أزال عندي الكثير لقوله
عبر هذا المنبر ، و لذا أتصور صعوبة التخلي عنه و لو
أمه يسرق من وقتي و جهدي ومن وقت أسرتي الكثير و في
هذا دلالة على مدى تأثير المنبر في مستخدميه و أنا من
أقلهم إدماناً فكيف حال المستغرقين في إدمانه ؟!
|
Post: #55
Title: Re: بصراحة ....وبدون خجلة ....شعورك والمنبر مهكر.....؟؟؟
Author: haroon diyab
Date: 11-02-2008, 09:55 PM
Parent: #54
شيخنا / الطقي
متعك الله بالصحة والعافية
Quote: و في
هذا دلالة على مدى تأثير المنبر في مستخدميه و أنا من
أقلهم إدماناً فكيف حال المستغرقين في إدمانه ؟! |
والكلام لبورداب معيذر المدمنين
امثال هارون دياب ومعتز القريش
وعماد موسي
ومن لف لفهم.....!!!
شكرا ياشيخنا علي المرور
|
|