يامزمل..... لكن مابالغت...حداشر مدرب ...لحداشر لاعب

الصحفي الرائع
وصاحب القلم الجميل
الزميل العزيز /مزمل ابو القاسم
في جزء من عموده اليومي بصحيفة الصدي
يحدثنا حديث العارف باستقدام الرشاشات
لحداشر مدرب من قدامي الرواكيب وذلك استعدادا
لمعركة الحسم امام سيد البلد يوم 18/10

Quote: آخر الحقائق * (لجنة فنية) لمعاونة الديبة.. قرار يشير إلى عدم ثقة مجلس الهلال في قدرة مدربه على مواجهة المريخ! * لا نستبعد أن يتم توسيع ماعون المشاركة مع اقتراب مباراة القمة لتشمل اللجنة فوزي المرضي وشوقي وأحمد عافية وجعفر عبد الرازق وطارق أحمد آدم ومجدي مرجان وبكري عبد الجليل ومبارك سليمان وصبحي وكندورة وهلم جراً! * كروجر سيواجه فريقاً مدججاً.. بالمدربين! * حداشر مدرب لحداشر لاعب! * فوزي وشوقي لتعليم ريتشارد كيفية مواجهة البطاح! * بكري عبد الجليل لإعانة مرق على تحمل مصيبة الضباح! * مجدي مرجان وطارق احمد آدم لحض داريوكان على التوقف عن تقديم الهدايا للعجب! * أحمد عافية لتجنيب المعز شرور الشربكة في الشبكة! * يبدو أن الاتحاد سيضطر إلى تخصيص المسطبة الشمالية الوسطى لجلوس مدربي الهلال في اليوم الأسود! * ونخشى أن يضطر شداد لإصدار قانون جديد يقضي بتحديد مدربين اثنين لكل فريق في الكنبة وثلاثة فقط في المدرجات! * المريخ سيخوض قمة يوم 17 بطريقة هجومية كاسحة سعياً لتحقيق فوز تاريخي! * ننصحكم بحفر الخنادق وبناء السواتر داخل المقبرة لأن الضرب سيكون شديداً هذه المرة! * التوالي الثالث لا محالة قادم! * وكل مقومات ثورة الحجارة متوفرة.. في المقبرة!

الله يجازي محنك ياولدنا.....!!!
اديهم وطلع زيتهم
عافي منك وراضي عنك
والله يدينا الفي مرادنا

اها يامزمل...
طيب بعد ده كلوا.... اكان حصل المتوقع والجماعة
اتغلبوا جيش المدربين ديل بودوهم وييييين.....؟

Quote: * وكل مقومات ثورة الحجارة متوفرة.. في المقبرة!

الصابر هارون .......... سلام

اها دي نصيحة مني ساكت كده......... شوفو ليكم ولد صغير بدل العجب لقيادة الفريق في الكورة الجاية .......... لانو عمك ده مابقدر يجري ........ يومها زيكو قام بالواجب وشال الكورة وفرتق......... تمثال كمال عبدالوهاب احسن تغيروه بواحد لزيكو لان مساهمتة في صنع تاريخ للمريخ اكبر من كمال ........... لانو الزول ده اليوم داك كان قعد ساكت كان الكورة وصلت ل18 ........ طبعا كالعادة بعد الكورة دي المريخ بسجل ليهو 11 لاعب جديد

يابهاء
عليك الله في زول كان وصلك نهائي افريقيا
ولا اداك فرصة السنة دي عشان تصل الدور التاني
غير الملك عجبنا....!!!
وبعدين اكان العجب عجز هيثم قارورة يكون شنو...؟

يا ولد يا هارون

نسيتو الديبه ده في المورده كان بغلبكم ولا لا

يا زول احسن مدرب سوداني اسي الديبه

غايتو فضيحتكم تكون بي جلاجل

والله جنس شماته فيكم

كل ما ولدكم ده يتكلم نحنا بنتطمئن علي هلالنا

ياعباس
انت عارف انوا ناسكم ديل
يدفعوا راس مالهم كلوا
ومزمل ده يبقي هلالابي
بس ولدنا ده
شعرا ماعندكم ليهوا عنقرة
اقعد عافية وارجي الراجيك

مودتي

وكده كيف ياوهبه
جمال الوالي قال جايب حكام اجانب

Quote: جمال الوالي قال جايب حكام اجانب

الحكام الاجانب طالب بيهم الهلال قبل الوالي

وارجع للتاريخ ياهارون وشوف

اي مباراة كان حكمها اجنبي كسبها منو

وبركاتك ياعبدو قابل تلحقنا وتنجدنا

والممتاز حقنا ياهارون

وحتى لو المدرب بتاعنا بقى العوض المسلمي غالبين غالبين

ولا نامت اعين الحمام

الخوف انوا الصفر الدولي الكبيييييير
يبقي سالب واحد.....
وبرضو ......
كاااااااااااااااكـ

Quote: حداشر مدرب لحداشر لاعب!

درب الهلال لفترة تقرب من العام مدرب واحد بدون مساعد وهو ريكاردو


ودرب من بعده الديبة بدون مساعد


في حين يدرب المريخ لفترة طويلة جدا كتيبة من المدربين وحتي الان: ... كروجر..ومازدا...وابراهومه...وسيد سليم وكلهم علي الخط حتي لاتكاد تعرف من هو المدرب

Quote: لجنة فنية) لمعاونة الديبة.. قرار يشير إلى عدم ثقة مجلس الهلال في قدرة مدربه على مواجهة المريخ!

توجد في المريخ لجان فنية واستشارية وشوري وهلمجرا.....ولم نقرأ عن ذلك من كاتب هلالي...



*

Quote: لا نستبعد أن يتم توسيع ماعون المشاركة مع اقتراب مباراة القمة لتشمل اللجنة فوزي المرضي وشوقي وأحمد عافية وجعفر عبد الرازق وطارق أحمد آدم ومجدي مرجان وبكري عبد الجليل ومبارك سليمان وصبحي وكندورة وهلم جراً!

دا اكبر دليل علي عدم موضوعية ومصداقية هذا الكاتب التي تم اثباتها من زمن ...,

*

Quote: كروجر سيواجه فريقاً مدججاً.. بالمدربين!

هل كروجر هو مدرب المريخ حقيقة ...

*


*

Quote: البطاح! * الضباح!

هذه هي اللغة الهابطة التي تعكس المستوي الحقيقي لهذا الصحفي

*

*

Quote: التوالي الثالث لا محالة قادم!

ياتو توالي الثالث دا.... الزول دا كمان بقي موهوم بأنو المريخ فاز بالممتاز للعامين الماضيين ولا شنو؟؟؟



أذا في نحس أصاب المريخ وجعل سنواتهم الست الماضية عجاف هو هذا الوهم الذي يكتبه كتاب المريخ مثل هذا الكاتب الموهوم .. وجمال الوالي أكبر ضحية لهذا الوهم برغم الصرف الخرافي الذي صرفه علي المريخ والذي تخطي أرقام الحاسبة الالكترونية


ولكن رزق الهبل علي المجانين






* !

ياسر عبد القادر
ازيك ياعمكـ

Quote: أذا في نحس أصاب المريخ وجعل سنواتهم الست الماضية عجاف هو هذا الوهم الذي يكتبه كتاب المريخ مثل هذا الكاتب الموهوم .. وجمال الوالي أكبر ضحية لهذا الوهم برغم الصرف الخرافي الذي صرفه علي المريخ والذي تخطي أرقام الحاسبة الالكترونية

والله عليكم جنس حسادة ...حتي في الصحفيين الصفوة حاسدننا....؟
والله ولدنا ده عاااااااااااااجبنا وساري بالنا
الله يخلي ليكم رئيسكم الفشل في القيد الصحفي عشرين مرة...
ماعارفنه رئيس نادي ولا شاعر ولا ملحن ولا رجل اعمال....؟
واخيرا صحفي...!!!
واكبر عيوبه....البخل الشديد علي النادي
وخير مثال....
هيثم طمبل
قودوين
وعلاء بابكر
واخيرا ريكاردو.....!

غايتوا ياياسر الله يعوضكم في هلالكم

التحايا

شكرا لجميل الاهتمام والي الامــام..
مباراه او معركه نوفمبر هذه دعوه للحسم فنحن قوم لاتوسط بيننا لنا الصدر
دون العالمين او القبر ..
_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

دكتورنا لي حدنا / شهاب

مساء الجمال

واقتربت سفينة النجاح من محتطها الاخيرة

Quote: شكرا لجميل الاهتمام والي الامــام.. مباراه او معركه نوفمبر هذه دعوه للحسم فنحن قوم لاتوسط بيننا لنا الصدر دون العالمين او القبر ..

ولنا الصفوة
ولنا السيادة
ولنا الريادة
ولنا الزعامة
اذا....
نحن الاصل
والباقي....
تقليييييييييييد

مشتاق ليك
هارون دياب

هارون..

الزول دا لو ما جاب ليكم كفوه...تشوف

حبيبنا / محمد عثمان
وجمعة مباركة

Quote: هارون.. الزول دا لو ما جاب ليكم كفوه...تشوف

ياعمكــ نحنا هينييييييييييييين
بس كدي شوف....
باقي حداشر يوم
وحداشر مدرب
لحداشر لاعب

وياشماتة وارغو في قودوين
قالوا الارباب قاعد يفتش ليه في سبب
مع شداد عشان كده طالب باعادة تسجيل قودوين

ماقلنا ليكم بقيتوا تهضربوا

افادت اخر الاخبار بان المدرب ارثر جورج
قد وصل للخرطوم وذلك لمساعدة الديبة والحداشر مدرب
والله يارشاشات عملتوها ظااااااااااااااااااهره
برضو الضبح مافايتكم