ولا اول مرة بدولة قطر وللقاء ابناء الجالية السودانية بها يصل الدوحة يوم غدا الاحد 16/11/2008م الفنان الاستاذ حسين شندي . حيث سيقوم باداء عدة حفلات عامة وخاصة بالدوحة. نرحب بالاستاذ حسين شندي الذي اكد انه تواق للقاء السودانيين بدولة قطر لاول مرة.
Post: #2 Title: Re: الاستاذ حسين شندي يعطر سماء الدوحة Author: عاطف عمر Date: 11-15-2008, 07:55 PM Parent: #1
تحياتي وسلامي العمدة هارون أهل الدوحة يستاهلوا كل جميل بس بالله عليك يا عمدة أطلب لينا أغنية يا جميل يا مدلل ونزل لينا
منذ ان استمعت له في المرة الاولي اعجبني ومازال والراء دي حكايته طويييييييييييييلة نتمني انوا يحكيها لينا بي نفسوا لامن نزنقوا في منتدي الحروف باذن الله. وبعدين وعد.... اكان جوالك ضاع بنديك بدلوا لاب توب....!!! وجودك يسعد الخاطر
وحقيقة التزم الفنان حسين شندي باداء الجميل من الاغنيات وابدع في اغاني الحماسة فكان امتداد لجيل جميل قدم الكثير. كنا نتمني وجودك معنا. ولكن... نفسك الطيب دائما معانا
كل الود
Post: #10 Title: Re: الاستاذ حسين شندي يعطر سماء الدوحة Author: عبدالوهاب علي الحاج Date: 11-15-2008, 08:22 PM Parent: #1
Post: #16 Title: Re: الاستاذ حسين شندي يعطر سماء الدوحة Author: haroon diyab Date: 11-16-2008, 05:51 AM Parent: #1
حسامو ياجميل صباح الخير ودائما... مرور واضافات تجمل المكان كلما مرت به.
كل الود
Post: #17 Title: Re: الاستاذ حسين شندي يعطر سماء الدوحة Author: عثمان دغيس Date: 11-16-2008, 05:58 AM Parent: #1
والله فعلاً يا أخوانا أيامنا باسطة .. وشامية كمان كان ما عجبكم ..
حباب الفنان الراقي الطيب حسين شندي .. كده ,,,,,,,,,,,,, معاك الواحد ,,, يكون باقي لينا القلع وترباس وسميرة دنيا والخالدي .. وبس ...!
Post: #18 Title: Re: الاستاذ حسين شندي يعطر سماء الدوحة Author: haroon diyab Date: 11-16-2008, 06:19 AM Parent: #17
فنانا / دغيس وسلام مربع
Quote: والله فعلاً يا أخوانا أيامنا باسطة .. وشامية كمان كان ما عجبكم ..
حباب الفنان الراقي الطيب حسين شندي .. كده ,,,,,,,,,,,,, معاك الواحد ,,, يكون باقي لينا القلع وترباس وسميرة دنيا والخالدي .. وبس ...!
ومادام الاكورديون موجود فقد اكتملت لهم اضلع النجاح جهز العدة ياعمكـ وخليك قريب فانت من يكمل جماليات الاغنية .
التحايا
Post: #19 Title: Re: الاستاذ حسين شندي يعطر سماء الدوحة Author: معتز القريش Date: 11-16-2008, 06:26 AM Parent: #1
جاهزين يا هارون يا زول يا سمح
1- تنظيم 2- حضور 3- تصوير (بالكاميرا الجديدة) 4- عزف (أكورديون + أورغن)
أهلا بالرائع ود عمي (حسين شندي)
Post: #20 Title: Re: الاستاذ حسين شندي يعطر سماء الدوحة Author: haroon diyab Date: 11-16-2008, 06:32 AM Parent: #19
ود القريش صباحاتك ندية
Quote: جاهزين يا هارون يا زول يا سمح
1- تنظيم 2- حضور 3- تصوير (بالكاميرا الجديدة) 4- عزف (أكورديون + أورغن)
أهلا بالرائع ود عمي (حسين شندي)
ودائما جاهز ياالكلس ومن غيرك ناااااااااااااقصة وياهو ده محلك . في انتظار جميل اياديك .
Post: #21 Title: Re: الاستاذ حسين شندي يعطر سماء الدوحة Author: أبو ساندرا Date: 11-16-2008, 07:07 AM Parent: #1
كتب الفنان عثمان دغيس
Quote: وشامية كمان كان ما عجبكم
عجبنا ، وسر بالنا وأنت للشاميات ، الله يخليك
ويهديك الله ويشيل من عمري انا ويديك الله يخليك
للشاميات
Post: #22 Title: Re: الاستاذ حسين شندي يعطر سماء الدوحة Author: عثمان دغيس Date: 11-16-2008, 07:29 AM Parent: #21
كتب الحبيب أبو ساندرا
Quote: عجبنا ، وسر بالنا وأنت للشاميات ، الله يخليك
ويهديك الله ويشيل من عمري انا ويديك الله يخليك
للشاميات
يا عمك أقصد الباسطة الشامية ..
وأهو كلو باسطة ...
ولا شنو ..؟!
Post: #25 Title: Re: الاستاذ حسين شندي يعطر سماء الدوحة Author: haroon diyab Date: 11-16-2008, 08:29 AM Parent: #22
يادغيس
Quote: يا عمك أقصد الباسطة الشامية ..
وأهو كلو باسطة ...
ولا شنو ..؟!
وهو قصد.....؟ وكل يغني علي ليلاه
واهو كلوا غناء
Post: #23 Title: Re: الاستاذ حسين شندي يعطر سماء الدوحة Author: عادل التجانى Date: 11-16-2008, 07:30 AM Parent: #21
مرحب بالفنان الصديق حسين شندي ود عم صاحبي ود القريش
منور الدوحة وضيف عزيز على الأخ الوجية محمد بشير في الأجنحة الملكية المفتوحة دائماً للسودانيين والشكر موصول للعزيز عمر كمال صاحب الايادي البيضاء وكل فريق العمل بالأجنحة الملكية
ولكم جميعاً سنقدمه كأول مطرب في مجال الغناء الشعبي يشارك في فعاليات منتدى الحروف شكراً هارون صاحب الاخبار الحلوة ويا شباب المنتدى جهزوا المعسكر بعد (إذنكم) طبعا
وناس الدوحة موعودين بالجميل
عادلً
Post: #26 Title: Re: الاستاذ حسين شندي يعطر سماء الدوحة Author: haroon diyab Date: 11-16-2008, 08:33 AM Parent: #23
استاذنا / عادل التجاني وعلي لسان جميع اعضاء منتدي الحروف نسخة الدوحة
منتدي الحروف نسخة الدوحة يرحب بالاستاذ الفنان الكبير حسين شندي ويدعوه لتشريف المنتدي.
Post: #24 Title: Re: الاستاذ حسين شندي يعطر سماء الدوحة Author: haroon diyab Date: 11-16-2008, 08:28 AM Parent: #21
ابو ساندرا ياحنين
Quote: وأنت للشاميات ، الله يخليك
شكرا للمرور ورفع البوست وانت للـ ...... الله يخليك
Post: #27 Title: Re: الاستاذ حسين شندي يعطر سماء الدوحة Author: فاروق أبوحوه Date: 11-16-2008, 08:59 AM Parent: #24
نجي قطر والله شنو يا هارون..؟
أنا قررت كده غايتو..
الأماني الطاعمه لكم..
مع حسين ولدنا البقضي غرضنا..
______________ أعصروا عليه في النكات.. دا مصيبه عديل.
Post: #33 Title: Re: الاستاذ حسين شندي يعطر سماء الدوحة Author: haroon diyab Date: 11-17-2008, 05:49 AM Parent: #30
ابو مصطفي التحايا
Quote: هارون
مساء الخير
مرحب بأبن (الدويمات) حسين على محمد طه جبريل
في دوحة الاخير وبتصل عليك للسلام علي ود حلتنا
بس انشاء الله فارق صلاح ادريس
أبومصطفى
وفي انتظارك ياجميل والتهاني الليلة كيمان...كيمان
Post: #32 Title: Re: الاستاذ حسين شندي يعطر سماء الدوحة Author: haroon diyab Date: 11-17-2008, 05:45 AM Parent: #29
استاذنا / بشري سليمان صباح الخير
Quote: اهلا ومرحباً بالفنان حسين شندى .. مع اجمل التمنيات له بالتوفيق فى رحلته الفنية وشكرا للعزيز هارون
وشكرا جميلا للمرور الانيق ونتمني ان نسعد سويا بليلة جميلة مع الفنان حسين شندي كل الود
Post: #31 Title: Re: الاستاذ حسين شندي يعطر سماء الدوحة Author: محمد خليل ساني Date: 11-16-2008, 07:26 PM Parent: #1
Quote: ولا اول مرة بدولة قطر وللقاء ابناء الجالية السودانية بها يصل الدوحة يوم غدا الاحد 16/11/2008م الفنان الاستاذ حسين شندي . حيث سيقوم باداء عدة حفلات عامة وخاصة بالدوحة. نرحب بالاستاذ حسين شندي الذي اكد انه تواق للقاء السودانيين بدولة قطر لاول مرة.
الحبيب هارون دياب
تسلم على الخبر الجميل فالفنان حسين شندي قامة غنائية رائعه يستحق أن تفرد له بوستات وبوستات وسنكون حضورا ومتابعة لهذا الفنان الرائع وياريت يا هارون بس تفاصيل الزياره والرحله وتسلم مره تانيه على جمال الخبر
مع عظيم التقدير والإمتنان.
Post: #34 Title: Re: الاستاذ حسين شندي يعطر سماء الدوحة Author: haroon diyab Date: 11-17-2008, 05:52 AM Parent: #31
عريسنا الجميل / ساني صباح الخير
Quote: الحبيب هارون دياب
تسلم على الخبر الجميل فالفنان حسين شندي قامة غنائية رائعه يستحق أن تفرد له بوستات وبوستات وسنكون حضورا ومتابعة لهذا الفنان الرائع وياريت يا هارون بس تفاصيل الزياره والرحله وتسلم مره تانيه على جمال الخبر
مع عظيم التقدير والإمتنان.
وبصفتك عضو فاعل في منتدي الحروف نسخة الدوحة ...فحضورك ووجودك مهم ومرة اخري مرحبا بالاستاذ حسين شندي في الدوحة
Post: #35 Title: Re: الاستاذ حسين شندي يعطر سماء الدوحة Author: haroon diyab Date: 11-19-2008, 05:53 AM Parent: #1
الاستاذ / حسين شندي يلتقي جمهوره بسينما الخليج الخميس 20/11/2008م في الثامنة مساء
Post: #36 Title: Re: الاستاذ حسين شندي يعطر سماء الدوحة Author: haroon diyab Date: 11-19-2008, 05:56 AM Parent: #35
Post: #40 Title: Re: الاستاذ حسين شندي يعطر سماء الدوحة Author: شهاب الفاتح عثمان Date: 11-21-2008, 02:26 AM Parent: #1
لشندي مذاق الحضور, والنجاح الاجتماعي , و غناء غير متمايل يجبرك على التمايل ..
شكرا لكم..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #41 Title: Re: الاستاذ حسين شندي يعطر سماء الدوحة Author: محمد سنى دفع الله Date: 11-21-2008, 12:48 PM Parent: #40
حسين شندي النضوج الفني والأداء الأحترافي الذ جعل من خشبة مسرح سينما الخليج دارة للرقص الحماسي البديع حسين شندي اعاد لفن الرقص الشعبي قوته والقه بإيقاع السيرة والدلوكة والصقرية والتوم توم والأيقاع الأفريقي .. واغاني الحماسة التي تلهب العقول وتجعل الأقدام تنتشي بالرقص العنيف ..ينحول الراقص الى صقر يحاول الطيران .تتحرك اياديه كانها اجنحة ثم يقفز على قدميه مع ضربات الايقاع في توازن متناغم مع الموسيقى ويمتلئ الفنان المطرب بالأنتشاء ليتحول صوته الجبلي منغما الكلمات دافعا بكل حرف كرصاصة وكل كلمة كسوط جارح لخمول شجاعتنا .. حسين شندي صحى فينا طقوسنا وومارستنا الحقيقية وجرتك ليلتنا بالعديل والزين ورحل بنا بقطار ضمنا من حلفا الى نوملي وحد ذواتنا في وطن الجمال والسلطنة بالطرب .. شكرا حسين رقصت معك القلوب والعقول قبل الأجسام فشكرا جميلا لك .. افرحتنا يفرحك الرحمن دنيا وآخرى ...امين ...
Post: #42 Title: Re: الاستاذ حسين شندي يعطر سماء الدوحة Author: محمد سنى دفع الله Date: 11-21-2008, 02:00 PM Parent: #41
برغم الالم في ظهره غنى حسين شندي متجاوبا مع جمهوره الذي احسن استقباله .. غنى حسين وعرض الصقرية مع راقصين ابدعوا فمالت اجسادهم مع الانغام وتثنوا في وضعيات صعبة مثل الراقص الذي نفنن في مشية الصقر بالحركة وهوجالس على رجلية يمشي مشية الصقر في اداء فريد متميز مما جعل بسمة حسين شندي لاتفارق شفتيه فغنى وهوفرحا مسرورا من جمهوره الراقص مثل الصقور والحمام من حوله .. حسين شندي بعث في الدوحة حمية البطان وحمل الرجال خارج الدارة وفرقة السوط مثل الرصاص .. حسين شندي اعاد بهجة الغناء الحماسي وجعل من ليل الدوحة الشتائي ليلا دافئا امتزج فيه الغناء الباذخ الفخم بالكلاسيكيات للكاشف ومطربي العصر الذهبي والحانه الرومانسية الخفيفة الجميلة كانت الليلة ليلة حسين شندي الفنان خفيف الظل البسيط العميق في فهمه لجمهور ولروح الانسان السوداني الطروب ... ــــــــــــــــــــ بالرغم من الحزن الذي عصرقلبيهم حسين شندي والفنان عادل التجاني لفقدهم زميل انسان الراحل المقيم ـ الخالدي ـ والذي مرت ايامه ثقيلة عليهم ـ وتقبلوا فيه العزاء من الجماهير الوفية، الا انهم وقفوا وقفة الرجال في اسعاد جمهورهم بالمشاركة رغم الاحزان فهذا حال الفنان يسعد الناس وهويخفي احزانه ورا البسمات ,, ـــــــــــ الشكر للفنان هشام درماس الذي وشارك يالحضور والمتابعة داعما الفنانيين بطلعته الأنيقة ونبيل المعاني للعازف اميرهمزة سعيد على الة الأورغن والفنان العازف الرائع حجازي على الة الساكس سفوون ـ وصاحبهم على آلات الإيقاع ـ عبد المنعم الفكي على ـ ايقاع ..وابوشيبة على الدونب ....
بالله أسأل الفنان القدير حسين شندى عن حادث قديم تهجم عليه شخص لا يعرفه فى حفلة. وقد إستمعت قبل زمن طال فى الإذاعة حسين شندى يحكى أن سبب تهجم الزول عليه أنه كان متقل من شراب (الببسى)، وكان الفنان حسين يغنى إحدى روائع إبراهيم الكاشف فمن أثر (الببسى) تحورت كلمات الأغنيه فى سمعه فسمعها (إنت يا التومة راجلك جبان) والراجل زوجته إسمها التومة .. فكان الضحية حسين شندى. لم أعد أذكر ماهى كلمات الأغنية التى على وزنها تسبب الحادث، فأسأله عنها
تحياتى وتقديرى للفنان حسين شندى ولأهلنا بالدوحة
Post: #47 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:36 AM Parent: #46
يانادر سلام اولا وبكل صراحة القلوب شواهد انا كنت عاوز اسأل الاخ حسين عن هذه الحادثة لكن وحاتك خجلت. المهم... اكتشفنا جانب جميل في الفنان حسين شندي ....نكات وحكاي بطريقة خيالية واعتقد انوا عدد النكات القاله كانت اكتر من الاغنيات وايضا شخص مجامل ومتواضع واخو اخوان وباذن الله نلتقي معه مرات ومرات. مع كل الود
Post: #48 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:38 AM Parent: #47
اولا :
كل الشكر للاخ امجد بله الذي ساعدنا ومدنا بصور الحفل الساهر للفنان الاستاذ حسين شندي
Post: #49 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:40 AM Parent: #48
والاستاذ محمد بشير حمزه والذي سهر مع كل كبيرة وصغيرة لانجاح الحفل تسلم يااستاذ محمد
Post: #50 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:42 AM Parent: #49
الاستاذ/ حسين شندي وعناق سوداني اصيل مع سعادة السفير ابراهيم فقيري قبل بدائة الحفل
Post: #51 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:44 AM Parent: #50
وحضور جميل لبورداب الدوحة الاستاذ/ عادل التجاني والاستاذ محمد السني دفع الله واعضاء الفرقة الموسيقية المصاحبة
Post: #52 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:46 AM Parent: #51
ومشاركة جميلة للاستاذ الصحفي جمال محمد احمد في انجاح الحفل انت ياجمال القاليك انزل الشقيلاب منو....؟
Post: #53 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:48 AM Parent: #52
وحضور جميل لابناء الجالية السودانية بالدوحة للاستمتاع بالفنان الكبير
Post: #54 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:49 AM Parent: #53
وعرضة.... بطان بس ناقصين السوط...!!!
Post: #55 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:50 AM Parent: #54
وود العباسية في ركن قصي مع احد الاصدقاء
Post: #56 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:52 AM Parent: #55
واستراحة المحارب بين الفواصل للفنان حسين شندي وبجواره سعادة الوزير المفوض محمد الحسن ابراهيم
Post: #57 Title: Re: الاستاذ حسين شندي يعطر سماء الدوحة Author: haroon diyab Date: 11-22-2008, 09:54 AM Parent: #56
رسالة عبر الايميل من الاخ الفاضل امجد بله يشكر فيها بورداب الدوحة_ سودانيز اونلاين ومنتدي الحروف
Quote: الاخ هارون ابو دياب الزول السودانى الاصيل بكل ما تحمل معانى الكلمة من اصاله حقيقى سعدت بمعرفتكم وكما يقولون ان معرفة الرجال كنوز فانت كذلك يا ابو دياب
نيابة عن كل من شارك ونفذ لانجاح حفل الاستاذ حسين شندى والتحية لك انت اولا ولسودانيز اون لاين لافساح المجال فى دارهم العامرة باهلها عامة وناس الدوحه الحلوين خاصة لمشاركتهم فى توصيل الدعوه عبر منتدى الحروف نسخة الدوحه
وحقيقى يا ابو دياب لو لم اسعد بمقابلتكم لا طلقت عليكم لقب عمى دياب او يا خال يعنى صراحه كده غير صورة البورفايل عشان الذى كده ما يتخدعوا فى الشكل ابو عمه كبيره ده
واكرار شكرى وتقديرى لمجهودكم الجبار فى انجاح اليوم مع عدم وجود الاعلام الكافى للحفل
ويظل الفضل لسودانيز اونلاين ولبورداب الزمن الجميل بورداب الدوحة وللاخ عادل التجاني وكل الاعضاء بمنتدي الحروف
Post: #63 Title: Re: الاستاذ حسين شندي يعطر سماء الدوحة Author: محمد أبوالعزائم أبوالريش Date: 12-12-2008, 08:46 PM Parent: #1
*
Post: #64 Title: Re: الاستاذ حسين شندي يعطر سماء الدوحة Author: haroon diyab Date: 12-13-2008, 06:04 AM Parent: #63
الحبيب / ابو العزائم
كل عام وانت والاسرة الكريمة بالف خير وعبرك عاطر التحايا للاخ المختفي ماضي وحقا افتقدناك هذه الايام ومنذ شهر رمضان في كثير من والاحتفاءات الجميلة والفعاليات التي كنت دائما معطرها.
