Post: #1
Title: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 03:27 PM
Parent: #0
بهذه الصورة الجميلة حمل نجوم المنتخب العراقي والمريخ
علاء االزهرة وسعد عطية المشجع المريخي الكبير (ياسر احمد الباشا)
احتفالا بفوز المريخ ببطولة الدوري الممتاز.
صورة لاتحتاج الي تعليق فمن عرف حب النجمة عشقها
الاخ ياسر الشهير ببيتر من ذوي الاحتياجات الخاصة لكن حبه للمريخ
دفعه دفعا للحضور للاستاد لمساندته
فقابل نجوم المريخ الوفاء ....بالوفاء
شكرا.....سعد عطية
شكرا....علاء الزهرة
شكرا....بيتر
شكرا جريدة الصدي التي اوردت الخبر والصورة
وهيبة يالمريخ ...هيبة ياالنجمة
|
Post: #2
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 03:28 PM
Parent: #1
Quote: لفته بارعة من أبطال الدوري
نجوم المريخ يحتفلون مع ذوي الاحتياجات الخاصة
عقب مباراة القمة الأخيرة بين المريخ والهلال على لقب بطولة الممتاز والتي توج فيها الأحمر بلقب البطولة عمت الاحتفالات جماهير القلعة الحمراء.. إحتفال خاص جمع عددا من لاعبي المريخ مع المشجع الولهان ياسر أحمد الباشا الشهير ببيتر والنص خلبت الأنظار وأكدت روعة مجتمع المريخ والرياضة، حيث أصر النص ورغم ظروف الاعاقة على الرقص فرحاً مع أكرم الهادي وبلة جابر ولم يتوان الثنائي العراقي سعد عطية وعلاء الزهرة المحترفان بصفوف المريخ من حمل ياسر على الأكتاف والاحتفال باللقب، ياسر المشجع المريخي المحبوب والشهير بالقفشات الطريفة مع اللاعبين والمشجعين أكد في حديثه للصدى أنه كان قلقاً على مصير البطولة ومتوجساً من ذهاب لقب الدوري الممتاز الى الديار الزرقاء للمرة السادسة على التوالي ودفعته كل هذه المخاوف الى زيارة معسكر الفريق بفندق فالكون صبيحة المباراة وتولى الثنائي فيصل العجب وهيثم طمبل تطمينه ووعداه بلقب البطولة مما دعاه الى دخول ملعب استاد الهلال (بقلب جامد)، وانتقل ياسر الى الحديث عن علاقته مع لاعبي المريخ وقال: شجعت المريخ منذ زمن بعيد وكنت أحد (أنصاص) المعجبين بحارسه السابق حامد بريمة حيث تخطت علاقتي معه حدود الملعب وكننت دائماً ما ازوره بمنزله قبل وبعد المباريات وكثيراً ما احتفلنا بالفوز في مناسبات عديدة، وحول علاقته بالجيل الحالي من لاعبي المريخ أبان ياسر أن روابط الصداقة والمحبة تجمعه بكل نجوم الفريق الحاليين وطنيين ومحترفين فهم يداعبونه كثيراً قبل وبعد التدريبات كما هو الحال في المباريات وأشار ياسر إلى أن أغلى نصيحة تلقاها هذا الموسم كانت من قائد الفريق فيصل العجب الذي نصحه بعدم مرافقة الفريق الى عطبرة لأداء مباراة الأمل وذلك خوفاً عليه من تداعيات المباراة وأبان ياسر أن الأحداث التي تلت المباراة وكمية الحجارة التي حصب بها الملعب أوضحت له مدى فائدة نصيحة العجب، وكشف ياسر عن المحاولات الجادة والمستمرة التي ظل يبذلها معه لاعبا الهلال علاء الدين يوسف وحمودة بشير لطلاء دراجته البخارية (موتر) باللونين الأزرق والأبيض بدلاً عن لونها الأصفر الحالي دون جدوى، مشيراً الى أنه يتمتع بعلاقات جيدة مع لاعبي الهلال خاصة المعز محجوب وهيثم مصطفى إضافة الى رئيس النادي صلاح أدريس الذي كثيراً ما التقاه في الطريق وتوقف لمجادلته في شئون الكرة، وحول مباراة القمة في كأس السودان المقبلة رأى ياسر أن الهلال يحتاج للقب (عشان النادي ما يتفرتق)، وعن ظروف إعاقته أبان ياسر أنه تعرض الى حادث اصطدام قطار عندما كان في العاشرة من عمره فقد على أثره قدميه ولكنه على الرغم من تلك الظروف استطاع التغلب عليها بفضل روحه المرحة ومشاعر الحب والمودة التي اشتهر بها الوسط الرياضي والمريخي، واختتم ياسر حديثه بإهدائه لقب الممتاز الى كل شعب المريخ إدارة ولاعبين وجمهوراً وخص بالتهنئة صديقه بدر الدين عبد العزيز. |
|
Post: #3
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد البشرى الخضر
Date: 11-26-2008, 03:36 PM
Parent: #1
صورة جدا جميلة و معبرة يا هارون يا عمك
من يوم الكورة و الكاس السليقة اول مرة تفتح ليك بوست فيه فايدة
|
Post: #7
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 07:06 PM
Parent: #3
ابو حتوت ياجميل
سلام
وحاتك الامتحانات فرتكت فهمنا
لكن الصورة معبرة حقيقة.....
بالمناسبة ...
مشتاقوووووووووووووووووووووووون
|
Post: #4
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: شهاب الفاتح عثمان
Date: 11-26-2008, 04:11 PM
Parent: #1
لهم كل التجله و الاحترام
ومريخنا عظـــيم.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #5
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: saber alhawatti
Date: 11-26-2008, 05:21 PM
Parent: #4
هارون دياب
اولا مبروك والف مبروك والكورة كده يوم ليك ويوم عليك
ثانيا دى اول مرة اخش معاك فى بوست كورة و طبعا اخوك هلالابى للطيش وعضو رابطة الهلال بجده لكن لظروف اكمال الرسالة انا مقيم فى مدينه اوكسفورد
حقيقة الصورة معبره جدا جدا ومبروك مرة ثانيه وثالثه وكمان ارجوك ما تزعل لو عرفت اخوك من الجماعه المشاركين فى تسجيل فييرا
روحك الرياضيه خلت الواحد يشاركك بالتهنئه واليومين ديل الناس الروحهم رياضيه بقوا عمله صعبه
|
Post: #6
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: Abdlaziz Eisa
Date: 11-26-2008, 06:43 PM
Parent: #5
الأخ دياب
سلام
هكذا المريخ العظيم..
الود والتآخي بين الجميع..
لاعبون ومشجعون..
جماهير الصفوة.. جماهير المريخ..
تحياتي
عبدالعزيز
|
Post: #10
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 07:14 PM
عبد العزيز
ازيك
Quote: الأخ دياب
سلام
هكذا المريخ العظيم..
الود والتآخي بين الجميع..
لاعبون ومشجعون..
جماهير الصفوة.. جماهير المريخ..
تحياتي
عبدالعزيز |
ويزدادوا صفوة بوجودك بينهم
والواحد ماغلطان اكان شجع النجمة
يااخي انتوا صفوة زاته قليلة عليكم.
وفوووووووووووووووووووووووووووووق
مريخنا....
فووووووووووووووووووووووووووووووق
كل الود
|
Post: #9
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 07:12 PM
Parent: #5
صابر
مساء الخير
وسعيد انا بهذه المداخلة الرائعة
Quote: هارون دياب
اولا مبروك والف مبروك والكورة كده يوم ليك ويوم عليك
ثانيا دى اول مرة اخش معاك فى بوست كورة و طبعا اخوك هلالابى للطيش وعضو رابطة الهلال بجده لكن لظروف اكمال الرسالة انا مقيم فى مدينه اوكسفورد
حقيقة الصورة معبره جدا جدا ومبروك مرة ثانيه وثالثه وكمان ارجوك ما تزعل لو عرفت اخوك من الجماعه المشاركين فى تسجيل فييرا
روحك الرياضيه خلت الواحد يشاركك بالتهنئه واليومين ديل الناس الروحهم رياضيه بقوا عمله صعبه |
امنياتي ليك بالتوفيق في الرسالة لاكمال رسالتك الحياتية .
وعندي زيارة وحااجيك مخصووووووووووووص
وبالله ماتبخل علينا بالطلة الراقية دي .
ونسعد دائما بمرورك
وعاش هلال الملاييييييين كبير دائما.
دي عشانك.....!!!!
|
Post: #8
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 07:08 PM
Parent: #4
دكتورنا / شهاب
التحايا
Quote: لهم كل التجله و الاحترام
ومريخنا عظـــيم. |
ولك كل الود
وانت الاجمل
|
Post: #11
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: waw
Date: 11-26-2008, 07:17 PM
Parent: #8
الاستاذ هارون ...
صورة معبرة جداًً....
احب نجومك احب نجومك من عطية للزهرة الفواحة....
لكم الشكر سعد عطية والزهرة .........
|
Post: #14
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: khaleel
Date: 11-26-2008, 07:25 PM
Parent: #12
دياب الجذاب
خلينا في المهم العراقيين قاعدين وللا خلاص
عندنا نية في الزهرة دها
|
Post: #21
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 09:12 PM
Parent: #14
ياخليل
اخبارك...؟
ياعمك ماشايف الجماعةو ديل مدين المريخ منظر اجمل.....؟
يعجبني فيهم الغيرة الزائدة وحب المريخ
وصدقني اتمني استمرارهم في السودان حتي لو لم يستمروا في المريخ
فقد دخلوا القلوب خاصة بعد الصورة الرائعة
سلام
|
Post: #20
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 09:09 PM
Parent: #12
حبيب نوره
ازيك
والف مبروك الممتاز
وعقبال البطولة المشتركة
وكاس السودان وانتم اهلا لهم.
وخطابك ليس لمزمل فقط ولكنه لنا جميعا
اعجتني اخلاقكم يامريخاب فعشقت نجمتكم
|
Post: #13
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: عماد الشبلي
Date: 11-26-2008, 07:24 PM
Parent: #11
الاستاذ هارون ...
صورة معبرة جداًً....
ولكن انت الاكثر تعبيرا والاجمل
وينك هربت من بوست ندى ولم تتابع قصتها
|
Post: #15
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: Abdlaziz Eisa
Date: 11-26-2008, 07:35 PM
Parent: #13
Quote: ويزدادوا صفوة بوجودك بينهم
والواحد ماغلطان اكان شجع النجمة
يااخي انتوا صفوة زاته قليلة عليكم.
وفوووووووووووووووووووووووووووووق
مريخنا....
فووووووووووووووووووووووووووووووق
كل الود |
|
Post: #16
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: تولوس
Date: 11-26-2008, 07:50 PM
Parent: #15
شكرا يا هارون ياخي هذاهو الخلق الرياضي الجميل وهذا هو المريخ وكفي
هدف طمبلي
مساهمات دائما جميلة وثرة وهادفة
|
Post: #17
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: حسين محي الدين
Date: 11-26-2008, 08:14 PM
Parent: #16
Quote: خلينا في المهم العراقيين قاعدين وللا خلاص
عندنا نية في الزهرة دها |
الزهرة والمريخ كوكبان
والهلال عاكس لضوء غيره
|
Post: #24
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 09:21 PM
Parent: #17
اديبنا / حسين محي الدين
مساء الخير
Quote: الزهرة والمريخ كوكبان
والهلال عاكس لضوء غيره |
ويظل الكوكبان دائما متوهجان
فليدمهم الله لنا.
|
Post: #23
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 09:17 PM
Parent: #16
تولوس
معقولة بس....؟
بركة بالشوفة
وحبيت عشانك كسلا....!!!
جهز الشعور الاجازة قربت
التحايا للعائلة الكريمة
وبرضو ....شكرا ياالنجمة
|
Post: #22
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 09:14 PM
Parent: #13
شبلي ياحبيب
كيفنك
يااخي انت طبعا ادري مننا في الشغلة
الصورة كثيرا ماتعطي احساس اصدق
ولا انا غلطان....؟
صورة تجعلنا نتمسك بهذه النجمة العالية
|
Post: #19
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-26-2008, 09:05 PM
Parent: #11
الحبيب/ سيف الدين
مساء الخير
Quote: الاستاذ هارون ...
صورة معبرة جداًً....
احب نجومك احب نجومك من عطية للزهرة الفواحة....
لكم الشكر سعد عطية والزهرة ......... |
واحب مرورك الجميل
شكرا يامريخنا يامن جمعتنا بمن نحبهم
مودتي
|
Post: #18
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: Mohamed Foto7li
Date: 11-26-2008, 08:25 PM
Parent: #1
salam
Quote: صورة جدا جميلة و معبرة يا هارون يا عمك
من يوم الكورة و الكاس السليقة اول مرة تفتح ليك بوست فيه فايدة |
|
Post: #25
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-27-2008, 05:33 AM
Parent: #18
محمد فتوحلي
يعني من ديك وعيك
ماقلتوا .....؟
Quote: صورة جدا جميلة و معبرة يا هارون يا عمك
من يوم الكورة و الكاس السليقة اول مرة تفتح ليك بوست فيه فايدة |
اضحك كويس......
لكن العبرة بالخواتيم
ومن يضحك اخيرا.....
يقرقر قرقرقرقرقرقرة
وبرضو.....
كاااااااااااااااااااك
|
Post: #26
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: عماد محمود علي
Date: 11-27-2008, 06:06 AM
Parent: #25
حبيبنا هارون
لك التحية والتقدير ...
الصورة تعبر عن نفسها فعلاً وحقيقي نحن أهل الصفوة فمن غيرنا يعفل ما فعله الزهرة وعطية ؟!! وقريباً سيحاول لعيبة الهليل تقليد لعيبة المريخ ( نحن دوماً نأتي أولاً ) إذا ما كتب له أين يفرحوا ببطولة قريباً ...
|
Post: #27
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: الحاج حمد الحاج
Date: 11-27-2008, 07:17 AM
Parent: #26
صورة معبرة..التحية للزهرة و عطية..و دا (جمال) المريخ
التحية لك يا هارون..و مريخنا فوووق
|
Post: #34
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-29-2008, 11:13 AM
Parent: #27
حبيبنا / الحاج حمد
مشتاقين ياعمك
Quote: صورة معبرة..التحية للزهرة و عطية..و دا (جمال) المريخ
التحية لك يا هارون..و مريخنا فوووق |
وباذن الله يظل هذا الصرح عاليا بجماله واخلاقه
وتظل انت حبيبنا الدائم
|
Post: #28
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد عمر الفكي
Date: 11-27-2008, 07:31 AM
Parent: #26
هارون
انت النص دا بتعرفه؟ عاشرته؟ والله يا هارون الزول دا عبارة عن موجة تسونامي ضاحكة، عارف اي كورة للمريخ لما كنت في السودان بلقاه حاجز لي تلاتة مقاعدمعاي اتنين اصحابي، اما الونسة في الكورة مابتنقال هنا، اما اذا اتلموا هو وبشير وبنبر الحبش والنور وعمك حامد مع الشاذلي الهلالابي فتلك مصيبة. وبعدين يا هارون والله الراجل مانسي العشرة كل ما اصحابي يخشوا الكورة يسالهم عني ويبلغهم السلام. بس جد افتقدنا وردي لسفره للامارات ومجدي الحلبي وظروفه الخاصة.
انت ما شفت النص دا لما يقول لوردي انا عندي اخت اسمها شيراز، ولما يقول للنور امس جو حرامية سرقوا من امي دهب قيمته 70 مليون ولك ان تتخيل رد فعل وردي والنور.
يا اخي مجتمع المريخ مجتمع صفوة فعلا ظرافة ووناسة وفكاهة وخير وابداع وفوق دا كله خالي من الاصفار الدولية.
تحياتنا يا ياسر من على البعد وعلى الطلاق البرمودا جاياك اصلا انت قلت لي البنطلون مافي داعي ليه.
|
Post: #29
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد سنى دفع الله
Date: 11-27-2008, 07:40 AM
Parent: #28
انا ما عاقل
مشيت مع جعفر سعيد الفنان المريخابي
وقعدني في سايد المريخ
ورا النص بيتر الباشا
مت من الضحك ومن وقتها قررت ما احضر كورة الا اكون جنب الباشا
لكن لي كل قاعدة استثناء
الف مشجع مريخي تلقى فيهم واحد دمو خفيف
بس قلتها من هنا ودور فين جعفر والنص
اتشالبوني عديل
وين جعفر سعيد عندو باث وورد
ما تتبنو خلوه احكي ليكم نوادر النص
بختكم يا بطيخ عندكم زول واحد فيهو رقشة كوميديان
تحياتي السوامق للنص
|
Post: #30
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد فرح
Date: 11-27-2008, 08:20 AM
Parent: #29
أستاذ هارون
الصوره ماظاهره عندي
جربت أي حاجه مانفعت
عملت رفرش للصفحه وشوبكشر
كلو مانفع
لومافيها سغاله حملها في سيرفر أونلاين
من وصفك الصوره بموت لو ماشفتها
مؤونة عام من الود
|
Post: #31
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد عمر الفكي
Date: 11-27-2008, 08:56 AM
Parent: #30
Quote: انا ما عاقل
مشيت مع جعفر سعيد الفنان المريخابي
وقعدني في سايد المريخ
ورا النص بيتر الباشا
مت من الضحك ومن وقتها قررت ما احضر كورة الا اكون جنب الباشا
لكن لي كل قاعدة استثناء
الف مشجع مريخي تلقى فيهم واحد دمو خفيف
بس قلتها من هنا ودور فين جعفر والنص
اتشالبوني عديل
وين جعفر سعيد عندو باث وورد
ما تتبنو خلوه احكي ليكم نوادر النص
بختكم يا بطيخ عندكم زول واحد فيهو رقشة كوميديان
تحياتي السوامق للنص |
يا استاذ السني
دخولك سايد المريخ يعني انك عاقل، قريب دا بنشوفك مع جعفر سعيد عند شيخ هارون عشان تعلن البيعة للاحمر.
بعدين تعال جعفر سعيد دا ماكوميدي 100% والطيب شعراوي برضه كوميدي 200% ودمهم خفيف ام انها عين السخط التي تبدئ المساوئا؟
|
Post: #32
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: Abdlaziz Eisa
Date: 11-27-2008, 02:42 PM
Parent: #31
سلام
الأخ العزيز هارون دياب
الأخوة الأفاضل عشاق الأحمر الوهاج
الإخوة الوصفاء
قولوا خير ان شاء الله..
قدامنا مباراتين في كأس السودان وكاي الأندية المشتركة..
في الرؤية قبل صلاة الفجر شفت طمبل جايب هدفين والعجب مسجل هدف من ضربة جزاء..
لا أدري هل الثلاثة في مباراة واحدة أو مبارتين..
و100% بتصدق..
ومن الآن أهني عشاق الأحمر الوهاج بالفوز على الهلال..
وياريت تكون ثلاثة في كاس السودان
تحياتي
عبدالعزيز
|
Post: #35
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-29-2008, 11:17 AM
Parent: #28
ود الفكي
ازيك
اول حاجة جاييك العمرة ومعاي الوليدات
Quote: هارون
انت النص دا بتعرفه؟ عاشرته؟ والله يا هارون الزول دا عبارة عن موجة تسونامي ضاحكة، عارف اي كورة للمريخ لما كنت في السودان بلقاه حاجز لي تلاتة مقاعدمعاي اتنين اصحابي، اما الونسة في الكورة مابتنقال هنا، اما اذا اتلموا هو وبشير وبنبر الحبش والنور وعمك حامد مع الشاذلي الهلالابي فتلك مصيبة. وبعدين يا هارون والله الراجل مانسي العشرة كل ما اصحابي يخشوا الكورة يسالهم عني ويبلغهم السلام. بس جد افتقدنا وردي لسفره للامارات ومجدي الحلبي وظروفه الخاصة.
انت ما شفت النص دا لما يقول لوردي انا عندي اخت اسمها شيراز، ولما يقول للنور امس جو حرامية سرقوا من امي دهب قيمته 70 مليون ولك ان تتخيل رد فعل وردي والنور.
يا اخي مجتمع المريخ مجتمع صفوة فعلا ظرافة ووناسة وفكاهة وخير وابداع وفوق دا كله خالي من الاصفار الدولية.
تحياتنا يا ياسر من على البعد وعلى الطلاق البرمودا جاياك اصلا انت قلت لي البنطلون مافي داعي ليه. |
ويااخي الله ينورك اكتر واكتر وباذن الله الاجازة الجاية نتلما هنااااااااااااااااك
ونستمتع بهذه الصحبة الجميلة.....
ويظل النص جميل الصفوة
ويظل النجمان عطية والزهرة صفحة مضئية في تاريخ الاحمر الوهاج
كل الود
|
Post: #33
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 11-29-2008, 11:11 AM
Parent: #26
عمده حبيب الكل
سلام
وسيظل المريخ كبيرا بنجومه وجمهوره
طمنا عليك ياجميل
|
Post: #36
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: عبود عبد الرحيم
Date: 11-29-2008, 11:41 AM
Parent: #1
الاخ الحبيب
هارون دياب
سلام
الصورة الفوتغرافية ما ظاهرة عندي ... ولكني قرأت الصورة القلمية ... ووقفت عند هذه الجزئية:
| Quote: ورغم ظروف الاعاقة على الرقص فرحاً مع أكرم الهادي وبلة جابر ولم يتوان الثنائي العراقي سعد عطية وعلاء الزهرة المحترفان بصفوف المريخ من حمل ياسر على الأكتاف والاحتفال باللقب، |
شكرا للمحترفان العراقيان لهذه اللفته الرائعة والتي بالتاكيد كان لها أثر ايجابي ورائع علي أخونا ياسر والذي نشيد بارتفاع روحه المعنوية ... وكم نحن سعداء الآن في الهلال الذي منح الفرح الغامر للاخ ياسر ولكثير من الذين حرمهم المريخ من الفرح طوال السنوات الخمسة السابقة ...
ولكن يحق لنا التساؤل : لماذا لم تكن مثل هذه المبادرة الرائعة من (أكرم وبله جابر) ؟؟؟
مع أكيد تقديرنا وعدم الانتقاص من مبادرة الاخوان العراقيان ...
ــــــــــــــــ
هارون ... معا في دوري الابطال حتي النهائي !!!
|
Post: #37
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد عمر الفكي
Date: 11-29-2008, 12:11 PM
Parent: #36
Quote: ود الفكي
ازيك
اول حاجة جاييك العمرة ومعاي الوليدات |
هارون
حبابك عشرة يشيلكم الراس قبل البيت ، اديني خبر من بدري، تلفوني عندك
|
Post: #39
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: haroon diyab
Date: 12-01-2008, 06:15 AM
Parent: #36
الحبيب / عبود
ونشتاق ليك دائما
ارد علي هذه الجزئية المهمة
Quote: ولكن يحق لنا التساؤل : لماذا لم تكن مثل هذه المبادرة
الرائعة من (أكرم وبله جابر) ؟؟؟ |
وهذا التساؤل من اسباب فتح البوست ....اذا كان
التلاسن بن الكباتن العجب وهيثم وصل الي ذلك
المستوي فهل تتوقع ان نصل قريبا الي هكذا ثقافة ....
درس لكل اللاعبين السودانيين واولهم الكباتن
مرة اخري ....
شكرا الزهرة ....شكرا عطية
ومعا ويدا بيدا نحو مشاركة اجمل في دوري الابطال
ولاننسي اخوتنا في الكونفدرالية.
كل الود
|
Post: #38
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: هاشم أحمد خلف الله
Date: 11-29-2008, 12:15 PM
Parent: #1
فعلاً والله يا هارون صورة مؤثرة جداً
|
Post: #40
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: tarig almakki
Date: 12-01-2008, 06:49 AM
Parent: #1
Quote:
|
ياخي دي إنسانية ما عادية
ولفته ما عادية
وجمال ما عادي
ولعيبة ما عاديين
وده كلام ماعادي
وفي المريخ ما عادي
هارون
ياخ دي صورة بي حق جميلة وإتمنيت إنهم يكونو لابسين الأزرق في اللوحة الملحمة دي
هلال مريخ المهم إنها خلت زول سعيد
ونحن نسعد بسعد الأزوال
شكراً وسلام
|
Post: #41
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: مهدى الصادق السيد
Date: 12-01-2008, 08:14 AM
Parent: #1
شكرا هارون هذه هي الاخلاق وهذه هى الرياضة
اتمني ان يستمر هذا الثنائي في المريخ نحتاجهم اكثر لعكس كثير من الثقافات الغائبة عنا
وعن ملاعبنا القاحلة هذا درس مجاني لسفير النوايا الحسنة ودرس لكل لاعبي السودان وهذا درس واحد
من دفتر كبير يحمله هذا الثنائي الرائع شكرا مرة اخري هارون واصل ابداعك
تخريمة
محمد عمر الفكي افتقدناك كثيرا وحمد لله علي العودة منتديات البطاحين منتظراك .............
|
Post: #42
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محسية
Date: 12-01-2008, 08:44 AM
Parent: #1
إنهم الصفوة ............. ولاعجب في الأمر .
.
.
.
تعجبني جدا يا هارون .
|
Post: #43
Title: Re: شكرا....نجوم المريخ العراقيين ( الزهرة وعطية ) صورة مؤثرة
Author: محمد عمر الفكي
Date: 12-01-2008, 09:08 AM
Parent: #42
Quote: تخريمة
محمد عمر الفكي افتقدناك كثيرا وحمد لله علي العودة منتديات البطاحين منتظراك ............. [/ QUOTE]
العم مهدي
كتر خيرك
منتديات البطاحين اخر مرة دخلت عليها لقيتها مهكرة، لكن انشاء الله سوف نتواصل من خلالها.
|
|
|