الشقيق ياسر ود طيفور ويشهد الله مشتاق ليك خااااااااااالص وكل عيد وانت العيد والراجل قال كفاية غربة.....!!! نعمل شنو ياصاحب....؟ الجاي من العمر ماقدر الراح قول يامهون كل الود
Quote: شنو يادناقلة ...الزول ده ماقال ترجعوا( غربة....!!!!)
علي بالطلاق يا هارون يا أخوي ما فهمت حاجة لكن طربت للحن والآداء حتى مشيت الموقع المسجل بالفديو (سلطاناب) زسجلت فيه عضوية. الناس ديل ما أهلنا عديل وجذورنا منهم لكن ناكرننا ما عارف ليه رغم حبنا ليهم وحنينا ليهم ،، بس كلامهم ما بنعفه....
الحبيب الشايقي كل عام وانت وجميع اهلنا وحبايبنا بالف خير
Quote: علي بالطلاق يا هارون يا أخوي ما فهمت حاجة لكن طربت للحن والآداء حتى مشيت الموقع المسجل بالفديو (سلطاناب) زسجلت فيه عضوية. الناس ديل ما أهلنا عديل وجذورنا منهم لكن ناكرننا ما عارف ليه رغم حبنا ليهم وحنينا ليهم ،، بس كلامهم ما بنعفه....
كدي ما تعمل فيني معروف وتترجم لي على الشريط!!!!
وعلي الطلاق فوق طلاقك انتوا اهلنا وعزوتنا ووحاتك بدون بعض مانسوي شئ....!!! الترجمة في الطريق ياجميل
Post: #6 Title: Re: شنو يادناقلة ...الزول ده ماقال ترجعوا( غربة....!!!!) Author: haroon diyab Date: 12-13-2008, 06:18 AM Parent: #5
اهلنا الدناقلة وحاتكم زي ماقال عثمان حميده غربة في شنو....؟ ماخلااااااااااااص نرجع ..... وسوء الحال يغني عن السؤال
Post: #7 Title: Re: شنو يادناقلة ...الزول ده ماقال ترجعوا( غربة....!!!!) Author: ابو جهينة Date: 12-13-2008, 11:38 AM Parent: #6
هارون
كل سنة و إنت طيب
و الله العظيم تلاتة رسلت ليك رسالة معايدة على جوالك فلم يتم التسليم لا أدري لماذا
ثم :
بمناسبة الرجوع ... أهلنا الدناقلة لهم في الرجوع فلسفة لا تضاهيها أخرى : فهم القائلون : أول عشرة سنين من الغربة صعبة ...
و فيهم من قال هنا بالسعودية : و الله لو الملك طلع في التلفزيون و قال يا إخوانا دة آخر ريال .. ( نحن ما راجعين ) و الريال دة ذاتو عندنا فيهو راي يعني عندنا فيه حق
لا ياجميل ده بتاع الكشة اصلوا ناسنا ديل مابتجيبهم الا الكشة.
Post: #10 Title: Re: شنو يادناقلة ...الزول ده ماقال ترجعوا( غربة....!!!!) Author: جلال عثمان Date: 12-13-2008, 02:37 PM Parent: #1
كل عام وانت بخير ياهارون وحقق الله امانيك عجبتني فكرة البوست وحبيت برضو اشارك رغم انو الترجمة لا اسه ماظهرت
واحد بلدياتنا (بلدياتكم برضو بما انو طلعنا اهل) كان بياكل في فول في بوفيه في شارع غبيرا دخل واحد سعودي قال لصاحب المحل "عطنا فول بي ريالين" قريبي رفع راسو وبي صوت واطي رد علي الراجل وقال ليهو "والله معاكم لغاية موية فول"
- يا أبو على + سلام ورحمة الله - كيف حالك - انتو ماشين على الشرق + نعم - خلاص لحظة واحدة بس إنا أصلكم كيف + من ناحية الجنوب - من ناحية الجنوب? طيب أنا جاى من الناحية التانية
الرمية:
نحن خلينا البلد وضيعناه بالغربة تانى منو البرجعنا هناك الله يرجعنا هناك المولى يرجعنا هناك غصباً عننا نقعد هنا نرجع كيف بدون إذن الكفيل تانى منو البرجعنا هناك الله يرجعنا هناك المولى يرجعنا هناك طالما العمر جارى بينا هنا ****************** تانى منو البرجعنا هناك الله يرجعنا هناك المولى يرجعنا هناك
الأغنية: ننتظر شنو فى الغربة نصبر لحدى متين يلا قوموا نرجع البلد
هنغترب عمرنا كله?! هنفدى أيامنا هنا?! يلا قوموا نرجع البلد
Quote: واحد بلدياتنا (بلدياتكم برضو بما انو طلعنا اهل) كان بياكل في فول في بوفيه في شارع غبيرا دخل واحد سعودي قال لصاحب المحل "عطنا فول بي ريالين" قريبي رفع راسو وبي صوت واطي رد علي الراجل وقال ليهو "والله معاكم لغاية موية فول
اضحك الله سنك.... بس قريبنا ده طلع عثمان حميده قاعد ياذن في مالطا. رد الله غربة الجميع وجمعنا علي الافراح انشاء الله في مراغة او شبعانة
والله العظيم قبل اي حاجة النت مخستك شديد ومن الصباح دي اول دخلة اتنين معزتك في القلب وكلماتك وسام علي الصدر نفخر به تلاته عليك الله رنه علي الرقم ده ضروري جدا 009745510689 لانوا رقمك مالاقيهوا مودتي ومحبتي وتقديري واحترامي
Post: #20 Title: Re: شنو يادناقلة ...الزول ده ماقال ترجعوا( غربة....!!!!) Author: haroon diyab Date: 12-17-2008, 11:53 AM Parent: #19
ماقلنا الترجمة ياعالم المنبر ده مافيهو دناقلة ولا شنو....؟ اخوكم دنقلاوي خليج عدييييييييييل كده....
Quote: الناس ديل ما أهلنا عديل وجذورنا منهم لكن ناكرننا ما عارف ليه رغم حبنا ليهم وحنينا ليهم ،، بس كلامهم ما بنعفه....
هارون،
إن آدم قي ني قارا؟
قول لي صاحبك دا ، وأنا عاوز برضه أهاظر ، بس هظار بالجد، "نحن ما نكرنا زول، الناس هم النكرونا، أجدادنا إتزوجوا أمهاتهم العربيات ، وبقوا يتكلموا لغة أمهاتهم، لأن الإنسان بيتكلم لغة أمه؛ وعملوا نفسهم عرب وإنه آباءهم عرب . هؤلاء المستعربون! هل من العار أن يكون الأب نوبي؟ أم أنهم لايصدقون أن النوبي يمكن أن يتزوج من عربية جاءت نازجة، إلى بلاده ، بسبب الجوع والقحط في بلادها؟؟"
عزيزي الشايقي : كل سنة وإنت طيب ، معليش دا هظار ، بس دراش دراش شويتين!
Post: #25 Title: Re: شنو يادناقلة ...الزول ده ماقال ترجعوا( غربة....!!!!) Author: haroon diyab Date: 12-19-2008, 08:22 AM Parent: #21
اجمل درديري جمعة مباركة ونسبة لعطل الانترنيت وايضا الافراح المريخية المتواصلة اسف لتأخير الرد. بعدين ياعمكـ الشوايقة ديل عزوتنا وبدون بعض مابنسوئ حاجة بس مرات ...مرات كده عندهم حركات ( هظار ياسنجك ماتجيب لينا الهواء....!!!) المهم..... نيابة عن حبيبنا الشايقي وكل سناجك المنبر لك كل الود والتقدير وابقي واصل.
Post: #22 Title: Re: شنو يادناقلة ...الزول ده ماقال ترجعوا( غربة....!!!!) Author: Mohammed Ibrahim Othman Date: 12-17-2008, 05:15 PM Parent: #1
هارون اندانا.. كوريات آني ..
Post: #23 Title: Re: شنو يادناقلة ...الزول ده ماقال ترجعوا( غربة....!!!!) Author: Mohamed A. Salih Date: 12-19-2008, 05:55 AM Parent: #22
Quote: ماقلنا الترجمة ياعالم المنبر ده مافيهو دناقلة ولا شنو....؟ اخوكم دنقلاوي خليج عدييييييييييل كده....
إنت يا كافى البلاء بس بتقرأ آخر مشاركة فى مواضيعك أرجع لى فوق شوية تلقى الترجمة الظاهر ترجمتى نزلت فى نفس الوقت الكنت بترد فيه على مشاركة
Post: #24 Title: Re: شنو يادناقلة ...الزول ده ماقال ترجعوا( غربة....!!!!) Author: haroon diyab Date: 12-19-2008, 08:15 AM Parent: #23
محمد صالح يااندي تود انت انشاء الله لاتفوت لاتموت وياعمك العتب علي النظر يديك العافية ويسكنك جم جدول جوزيف في مراغة ....قول آميييييييييييييين
شوف جنس الكلام ده.....
المقدمة:
- يا أبو على + سلام ورحمة الله - كيف حالك - انتو ماشين على الشرق + نعم - خلاص لحظة واحدة بس إنا أصلكم كيف + من ناحية الجنوب - من ناحية الجنوب? طيب أنا جاى من الناحية التانية
الرمية:
نحن خلينا البلد وضيعناه بالغربة تانى منو البرجعنا هناك الله يرجعنا هناك المولى يرجعنا هناك غصباً عننا نقعد هنا نرجع كيف بدون إذن الكفيل تانى منو البرجعنا هناك الله يرجعنا هناك المولى يرجعنا هناك طالما العمر جارى بينا هنا ****************** تانى منو البرجعنا هناك الله يرجعنا هناك المولى يرجعنا هناك
الأغنية: ننتظر شنو فى الغربة نصبر لحدى متين يلا قوموا نرجع البلد
هنغترب عمرنا كله?! هنفدى أيامنا هنا?! يلا قوموا نرجع البلد
