|
|
|
 Re: بعد ملطشة المنتخب ....والهلال..... والمريخ..... مارائك ياطارق الامين.....؟ (Re: haroon diyab)
|
والله يا هارون با اخوى بالجد
انا خايف على جماعتنا جماعة الشوتال ناس حى العرب
الناس ديل ما بيقدروا على المعافرة دى و البقت فيهم
من المقاولن لغاية هسى اثارا نوجوده..
اللعب الافريقى يحتاج لامكانيات فنية وماديه رهيبة
و الاثنين ديل مافى عند ناس حى العرب..
كنت اتحدث قبل فترة مع مجموعة من الاخوان من نادى حى العرب
هم نفسهم متخوفين من التجربة بتاعت الكونفدراليه فهم لم يكتسبوا
التجربة التى اكتسبها الهلال و المريخ فى اللعب الافريقى و ذلك
بمشاركتهم المتواصلة فى هذه المنافسات..
نتمنى ان يعى اخوانا فى حى العرب هذه المسائل و لن يتعاملوا
مع قصة اللعب فى الكونفدراليه بصورة و اقعية فكرة القدم ما عادت
تعتمد على الشعارات بل على التخطيط الصحيح فى كل الجوانب..
تسلم يا حبيب...
| |
 
|
|
|
|
|
|
|
|
Re: بعد ملطشة المنتخب ....والهلال..... والمريخ..... مارائك ياطارق الامين.....؟ (Re: محمد عثمان)
|
محمد عثمان
سلام
لحي العرب تجربة سابقة مريرة
مع البطولات الافريقية بعد تجربة المقاولين العرب
وايضا كانت مع الاسماعيلي المصري
حين انهزم الفريق بسباعية بيضاء ادت الي تدهور مريع
في مستوي الفريق واثرت عليه لدرجة هبوطه من الممتاز
الان الكرة في ملعب السوكرتا والفرصة لازالت مواتية
لتكوين فريق جيد خاصة بعد مذبحة الشطب التي طالت لاعبي
الهلال المتمرسين افريقيا اتمني ان يستطيع الفريق التعاقد
مع ريتشارد وجوليت وكرنقو وعلاء الدين ولامانع من الاستعانة
بباولينو المجنس البرازيلي او سولي شريف.
لكن ....
الموضوع محتاج ميزانية مالية كبيييييييييييرة يجب ان يتكاتف
جميع ابناء الشرق لدعم الفريق ولابد من عودة المؤسسين امثال
سعيد باوارث وابراهيم عبده وكل رجالات حي العرب والدور الاهم علي
حكومة الولاية لدعم الفريق ماديا ومعنويا.
عموما.....
كل الامنيات لاسود الشرق بالنجاح
ولكن ليس بالاماني وحدها تتحق الانجازات .
كل الود
| |
|
|
|
|
|
|
|
|
|
Re: بعد ملطشة المنتخب ....والهلال..... والمريخ..... مارائك ياطارق الامين.....؟ (Re: haroon diyab)
|
الاخ الغيور
هارون دياب
سلامي وتحياتي
فعلا مايحدث في الساحه امر مؤسف
ومحزن جدا
الساحه الرياضيه والسياسيه والفنيه
انتعشت مع غيري في بدايه العام 2007
حين شرفتنا انتصارات متتاليه
للفريق القومي بصعوده لنهائيات افريقيا
بع طول عقود من الغياب
وانتصارات مشابهه وصعود بطولي للنهايات من الهلال والمريخ
وكانت لي اغنيه اشتهرت في نهايه التسعينات
كان فيها نقدا ساخنا للاداء الرياضي حينها
يقول مطلعها
كججنا اللعب والكوره وينا الكوره
الناس عندهم مردونا ونحن اولادنا ديل مرضونا
وين الكوره
الاغنيه التي قمت بانزالها جاءت تكريما مستحقا لانتفاضات هذه الفرق
وكغيري من الجمهور الرياضي اتفاعل مع الحدث منتصرا ومهزوما
فليس في المستديره نصر دائم
ولاهزيمه مستمره
البدينا السمح نكلمو سمح
والببهدل سمعتنا الرياضيه ياخد في راسو
دا التفاعل اليومي مع الاحداث البتوقعو مني ومن زملائي في مجموعتنا الثقافيه
وزي مابقول المصريين في الكوره
احنا اولاد النهارده
اذن ماعليك النهارده الا ان تستبدل الاغنيه باهزوجه التسعينات
كججنا اللعب والكوره وين الكوره
ح تفش غبينتك
لك محبتي
وكل عام وانت بخير وعافيه
| |
|
|
|
|
|
|
|
|
|
Re: بعد ملطشة المنتخب ....والهلال..... والمريخ..... مارائك ياطارق الامين.....؟ (Re: طارق الأمين)
|
استاذنا هارون
عساك طيّب ..وكل سنة وانت بالف خير
جميل جدا (البوست) ده وفعلا بقينا ملطشة
واساهم معاك بالابيات دى عشان نشوف (كلّنق ) ابوصلعة ..
طارق بيعمل شنو ؟؟
* ناس الاتحاد خرمجوها ..وفى مخّنا شلّتونا
ومن المنافسات طلّعونا
بعد ما مشينا قدّام..تانى رجّعونا
وللـ ِِ A R T باعونا
سجّمونا ورمّدونا
وسمعتنا بقت زى الطين ومرمطونا
واللعيبة (ابّان كروش) بهدلونا
عاوزين ليهم( كرباج) عشان نتفكّ ويريحونا
| |
|
|
|
|
|
|
|
|
 Re: بعد ملطشة المنتخب ....والهلال..... والمريخ..... مارائك ياطارق الامين.....؟ (Re: أنور سيد ابراهيم)
|
الحبيب / انور سيد احمد
يديك العافية
Quote: * ناس الاتحاد خرمجوها ..وفى مخّنا شلّتونا
ومن المنافسات طلّعونا
بعد ما مشينا قدّام..تانى رجّعونا
وللـ ِِ A R T باعونا
سجّمونا ورمّدونا
وسمعتنا بقت زى الطين ومرمطونا
واللعيبة (ابّان كروش) بهدلونا
عاوزين ليهم( كرباج) عشان نتفكّ ويريحونا |
والجديد اليومين ديل حكاية النبز الطالعة في البلد
هيثم ينبز
عبد الرحمن عبد الرسول علي الهواء يقول........؟
واخيرا الرشيد بدوي وبرضو علي الهواء يصف اللاعبين
باللفظ الصريح المتداول محليا بانهم من قوم.....؟
وماخفي كان اعظم....
يااخي دي خربانه من كباره
كرباجك ده كان اديت لي بيهو اي واحد فيهم سوطين بس
كان عجبتني عديييييييييييييل كده....
كل الود
| |
|
|
|
|
|
|
|
|
|
Re: بعد ملطشة المنتخب ....والهلال..... والمريخ..... مارائك ياطارق الامين.....؟ (Re: طارق الأمين)
|
استاذنا الفاضل / طارق الامين
التحايا
شكرا
وشكرا جزيلا للغيرة العالية
والتفاعل الجميل مع كل القضايا
التي تهم الجميع......
المهم....
كيف واين ومتي تتغير هذه الوجوه
التي اصبح لزاما علينا ان نتقبلها
بكل مساؤيها في جميع مناحي حياتنا
وفي الرياضة عامة وكرة القدم خاصة
اتسأل هل عقمت حواء السودان من ان
تنجب احد بعد امثال هؤلاء
شداد
مازدا
مرغني ابو شنب
رمضان احمد السيد
سيد سليم
نقد
وحاتك .....
الناس ديل من كترت الواحد كجنهم
بقينا نكره الكورة زاته.
يااخوانا الحياة مواصلة تجربة
ولو دامت لغيرك لما وصلت ليك
.......
نتمني ان يتكاتف الجميع في ازالة
هذه الغمة التي مازالت جاثمة علي
صدورنا وستظل هكذا مادمنا لانحرك ساكنا
مرة اخري....
تفاعلك والمجموعة التي تضمها مع مايمس
حياتنا اليومية سيظل عاليا حتي نصل لمانريد
عبرك التحايا لجميع من معك
واخص قريبي محمد شيلا
لنتواصل
كل الود
| |
|
|
|
|
|
|
| |
haroon diyab
amir jabir
علي مزمل
فيس بوك
تويتر
انستقرام
يوتيوب
بنتيريست