الما لقى شبهو .. المولى قبحو ( اهداء الى عصام محمد نور )

تحدثنا الامثال السودانية كثيرا عن الشبه و أن الله سبحانه و تعالى قادر على أن "يخلق من الشبه أربعين " و أن " الما لقى شبهو المولى قبحو " بمعنى أن انه خُلق بصورة بشعة جدا حتى أن الخالق لم يخلق على مثاله أحد آخر.
لذلك فعلى كل شخص أن يبحث عن شبيه له حتى يتأكد أن المولى لم يقبحه.

و أنا - و لله الحمد - رغم أني انتمى الى مقاييس جمالية مختلفة عن تلك التي ينتمي اليها الاخوة براد بيت و ليوناردو دي كابيرو إلا انني و بحمد الله استطيع أن اقول أن المولى لم يقبحني رغم كل ما عانيت منه .

لا أذكر متى كان ذلك لكني اذكر الموقف تماما ..
كنت اسير في شارع الزعيم الازهري قبل سنوات حين صرخ أحدهم من شباك احدى الحافلات : " عصام محمد نوووور ".
برد فعل طبيعي التفت لأرى الصارخ يخرج نصفه من نافذة الحافلة حتى كاد يهوي على الاسفلت فيتحطم فكه و يصاب بتشوهات الى الابد.
و لما رأيته ينظر الى ناحيتي فقد ظننت ان الاستاذ عصام محمد نور بلا شك خلفي تماما لكني حين استدرت لأنظر اليه لم أجد الا عسكري يجلس على كرسي و يضحك في بلاهة ناظرا نحوي و هو يمسك بكلاش كريه المنظر في يده كان هو ما منعني من التصريح له برأيي في ابتسامته تلك.

Quote: إلا انني و بحمد الله استطيع أن اقول أن المولى لم يقبحني رغم كل ما عانيت منه .

والله شكلك بتعاني معاناة شديدة ياحمور
يازول ما تشتغل بالقصة دي كتير


بعدين ياخ انت ما شايف أمجد ما شغال بالمسألة دي خالص؟
أهم حاجة الأخلاق


قال ثم من قال الاخلاق
وانت اخلاقك بتمشيك كتير !

خدووور
و الله مشتاقين
اخدت ليك غيبة كده شفقتني
بركه بالجيه يا عمك..

شبه أمجد ده ما تتخيل مضايقني كيف. و الناس القالوهو ديل زاتم بيبالغو

كانت هذه هي المرة الاولى التي اتنبه الى شئ كهذا.
هناك في هذا الكوكب من يشبهني بالفنان عصام محمد نور.
و اخذت اتذكر بعض المواقف السابقة.
صاحب مكتبة في الشعبية كنت اشتري منه أحيانا كان يهش لي و يبيع لي مجلات صباح الخير و روزاليوسف و ميكي و هو يبتسم و يقول " أهلا يا استاذ ". كنت أظن انه يعتبرني مثقفا لأني اشتري روز اليوسف لكن ربما كان للقب استاذ سبب اخر.
صاحب محل اثاثات في العمارات هب من مكانة و رحب بي بشدة و هو يؤكد انه " شرف عظيم يا استاذ " و كنت أظنه يفعل ذلك لأنه شخص مهذب و يفهم الناس من اول نظره لهذا قدرني حق قدري. لكني بدأت أشك أنه فعل ذلك لانه ظنني شخصا اخر.

هى لكن إنت حمور زيادة!!!!!!!!!!


ولا علاء!!!!!!!!

حسب ما ورد فى إحدى الغزوات!!!!

يا أنا بضحك فيهو لى هسه,,

مودتى يا حمور وفعلا أنت تشبه عصام محمد نور
و الذى اعرفه تماماأن عصام محمد نور إنسان
عالى التهذيب والأخلاق ولا أشك أنك كذلك,,

عصام محمد نور فنان مبدع ورائع استمتع جداً عندما استمع له خاصة عندما يتغني للكاشف ...

حمور زيادة كاتب مبدع وعميق استمتع بقراءتي له دائماً ...


وجه شبه اخر غير الخلقة ،،،

تسلم يا حيدر ..
و انا مستفيد من شبهي لعصام كما ساحكي ما لم يأتي عصام بنفسه و يحكي انه ايضا استفاد من شبهه بحمور زيادة.


ـــــــــ
ممكن تحكي لينا بشبهك بهدير الزين ؟
أنا لحدي بوستك بتاع المرشح كنت قايلكم زول واحد بيغير صورة بروفايلو كل يوم

ظللت بعدها اتردد على مكتبة الشعبية و في قلبي من تلك المواقف شئ.
لكني كعادتي لم اسرع للاستنتاج و قلت ان الرأي يتكون بالمشاهدة ثم التحليل .
و المشاهدات كانت ضعيفة حتى ذلك الوقت.
لكن صاحب مكتبة الشعبية - سامحه الله - دفع لي المشاهدات في عيني بحيث لم استطع تجاهلها.
في ليلة سألني و هو يمد لي روز اليوسف مبتسما في تملق : " انت اخو عصام ؟
سألته في توجس : عصام منو ؟
فقال في ذكاء : عصام محمد نور.
عندها لم يكن من الممكن ان اتجاهل هذا الامر اكثر من ذلك.

ما ان تقدمت خطوات مبتعدا عن المكتبة حتى اخرجت هاتفي و اتصلت بابن خالتي العزيز ياسر عمر و قلت له أنه اريد منه معلومة بكل صراحة كما عودني.
وعدني ان يفعل فسألته : انا بشبه عصام محمد نور ؟
انفجر ياسر ابن خالتي ضاحكا و اغلق الخط.

مع انو موضوع "الجلحات" دا متطور عن عصام أكتر من "حمور" ووصل لمرحلة تانية
ولأسباب أخرى أكيد كان لاقيت عصام ما حاقول ليهو "معقول..حمور"؟!


انتو في دا ولا الصيني الكان شغال معانا وقال ما بقدر يفرز أي سوداني من التاني الا بعد مايلاقيهو اكتر من مرتين!!

الكلام دا بالجد..الصيني دا طايرة ليهو؟


تأمل بسيط..سبحان الله يا جماعة..لفت حمور نظري لحاجة..قال في أول مداخلة إنو ربنا "قادر" على خلق الشبه..في حين إنو المعجزة الحقيقية في الاختلاف! يعني مليارات البشر والوشوش أي واحد ربنا أداهو عدد اتنين عيون وعدد واحد نخرة وعدد واحد خشم وباقي الوش من خدود وحنك وجضم وجبين الخ..
ومع ذلك أي واحد ما بشبه التاني..

يعني الاجناس الاسيوية دي ممكن تفرزهم (على حسب نظرية الصيني المسطول الفوق دا)..
أنا مثلاً بعرف بان كي مون لو لاقيتو في الشارع..حفظنا وشو
وبعرف جاكي شان وجيت لي وبروس لي ورئيس الوزراء الياباني اب شعيرات داك وكمان ماو تسي تونغ الفي الصور.

شعوب كاملة بتتشابه وبعد دا ما بتششابه..سبحان من خلق.


نرجع لموضوعنا.."حمور" قاشر بأنو عصام محمد نور..أها استغليت الموقف دا متين؟ مني ومنك أمشي برج الفاتح وأطلب عضة كاربة كدا معاها جاكوزي والحاجات اللذي منو وبعدين أقول ليهم بدفعها ليكم بحفلة عيد رمضان وأعمل زغبير.

اضافة لعصام ياحمور
في زول اسمو قمر بوبا ود خالتنا


كدي بكون فاضل ليك تمانية وتلاتين ياحمور
موش قالوا يخلق من الشبه اربعين ولا كم واربعين

ـــــــــ

حول الغياب
اسكت خليها علي ربك ياصديقي

قمر بوبا لاقيتو و تشرفت بمعرفتو يا خضر ..
على قولك كده فضل لي 38 و ربك يهون.





ــــــــ
خصوص الغياب المهم عودتك لتزين المنبر

انور الطيب يا جار ..
غزوة ذات الصورة ديك عملت علاء بيشبه حمور زيادة
و ده فخر لي انو اول مره تحصل لي.
دايما انا البشبه الناس.


ــــــــــــ
غايتو البوست داك حذفو حرام عديل

حمور سلامي:
ربما يكون عصام واشباه عصام يطربونني....فالذي يجمع بينكما هو الابداع .....هل ايضاً يخلق
في شبهة الخلقة والتكوين؟؟مشتاق جداً لشوفة قمر بوبا....
والله ياخي شبه شديد....

حمور سلامات

ياخي الما لقى شبهو الله ريحو
حكاية الشبه دي متعباني بشكل .. ياما وردت على اسامي اشكال واللوان
انت بت ناس فلان وانت اخت فلانه انتي اكيد اكيد فلانه زاتها ..



تحيه طيبه

حمور عندك حق والله تلخبط لو كان انا نفسي اول مرة اشوف لاختنا هدير الزين بوست ( بتاع العنصرية تقريباً )

اتصلت على رسلت لبكري بانه الهكر سرق الباسوورد .. خاصة واني اساسا كنت ناسيهو وشهور ما مريت هنا ..

ففرق الاسبلنج حرف ( آي ) بس .. في مثل كدة بيقول اسمك يا هبلك يا عقلك او حاجة زي دي ..

اها اسمي دا هبل بسجيمان لامن ارتاح في غربته ..


وانا باعتباري ما متابع مستديم للمنبر طلبت كوتات اللخبطة من اختناقبل كدة ان شاء الله تمر بي هنا وتدينا ليها..


تحياتي لك

عام 2005 ركبت عربة هايس من مدينة ربك لانتقل بها الى كوستي حيث كنت اقيم.
ركبت في المقعد الامامي جوار السائق حين سمعت الهمس يدوي خلفي.
ياهو .. ما ياهو
ياخ و الله ياهو
يا زول متأكد ياهو ؟
انحسم الجدل انه ياهو و صمت الضجيج مع تحرك العربة.
و حين اخذ الكمساري يخلص النقود من الركاب فوجئت بمن يصيح من المقعد الخلفي : مدفوع يا استاذ ما تحاسب.
التفت انظر فوجدت ثلاثة شباب اصغر مني سنا على شفاههم ابشع ابتسامات الفخر يقبعون في المقعد الاخير من الحافلة و اشار الى احدهم محييا و انهم دفعوا لي التذكرة.
بقية الركاب كانوا ينظرون لي في شغف و هز لي احدهم رأسه محييا في ترحاب.
يا الهي.
ماذا افعل ؟
كان الحل الوحيد أن اقول للشباب باختصار : شكرا.
لكن احدهم لم يكن من هواة الصمت فقد هتف في هستريا : انشاالله عندك حفلة هنا يا استاذ.
ماذا تفعل ان كنت مكاني ؟
قلت له باقتضاب : ان شاء الله.
لكنه - اللعين - واصل : متين الحفلة يا استاذ ؟
هل أقوم لاذبح هذا الوغد حتى يصمت ؟ انه يغرقني في انتحال الشخصية بهدوء و تصميم كأنه وكيل نيابة حاذق.
قلت له متمتما : يوم الخميس.
لكنه صاح : قلت شنو ؟ ما سمعت.
ألم أقل لكم أن اللعين يحاول توريطي ؟
لكن أحد الركاب تطوع ليقول له : قال يوم الخميس ان شاء الله.
هنا قررت أن الامر قد تجاوز حده فاشرت للسائق ان ينزلني و اكملت الطريق بركشة.

لا ادري هل كانت مصادفة ام لا لكن سائق الركشة ما ان تحرك حتى استبدل شريط قائد الاسطول لمحمود عبد العزيز بشريط عبقرية الكاشف و هو ينظر لي في المرأة الداخلية بكثير من الود.

حمور سلام

بالمناسبة دى كان عندى مواقف كتيرة مع حمور تانى يطلع من اهلك تبقى القصة مقصودة

الا وهو الدكتور فيصل حمور , اتمنى له الصحة اينما كان.

طبعا اى زول بيعرف دكتور فيصل حيعرف انى زول وجيه وكدة ( وش مغرور)

التعديل لحالة الوجه فقط

محمد الطيب ..
ياخ موضوع برج الفاتح ده انت كده حرقتو لي.
انا كنت ناوي اوكح فيو عصام لكن تاني مافي طريقة.
بتبالغ ياخ.

ابراهيم النعمة ..
تسلم يا عزيزي.

دلال عز الدين ..
انت يا حاقدة شكلك ما بتشبهي ناس مشهورين عشان كده متضايقه.
هسه لو قالوا ليك بتشبهي ندى القلعة كان رايك اختلف تماما.

Quote: حمور عندك حق والله تلخبط لو كان انا نفسي اول مرة اشوف لاختنا هدير الزين بوست ( بتاع العنصرية تقريباً ) اتصلت على رسلت لبكري بانه الهكر سرق الباسوورد

حامد ..
بالله قلت لي انت في وجاهة عمي فيصل ؟
يا سلاااام ياخ.
و الله حظك شديد.

فيصل حمور حاليا في كندا و هو بخير و احسن حال.

حمور زيادة ...
الأخوان ...

ما كُنت بشبه المرحوم / رشاد محمد عبدالفتاح بابتود في أي حاجة ... لكِن مِن كتره ما كنا
مع بعض أكان ناس بحري البُعاد بِنادوني مرات < رشاد > ويِنادو رشاد < عزام > ... في الحقيقة أنا
الكُنت مُستفيد مِن الحِكاية دي خالِص ... عمك بابتود أكان سفيرنا في الكويت ورشاد كان عندو
بِطاقات تعريفِية مكتوب فيها < رشاد بابتود نجل السفير السوداني بِالكويت > وكام تلفون وصندوق البريد
وحاجات تانِية ما عِرفتها وخِجلت أسألو مِنها ... كُنت بقدِم بِطاقات رشاد لِلحِسان بعد أن أقوم بِتعديلها
شوية ... طَيِب ما تزعل ... كُنت بعدِلا كتير ... قُبال < نجل > كنت بكتِب < صديق > لِيُقرأ الكرت كالتالي:
< عزام فرح صديق نجل السفير السوداني بِالكويت > ولا كنت بخجل ... ما عارِف ليه ...

هلا يا حمور
ومهرجان الشبوهات..
تعرف حمور حكاية الشبه دي عندي معاها قصص طريفة جدا في الدوحة دي
في لاعب نجيري في الدوري القطري اسمو ناصر كميل (ابو كميل) زول في فترة من الفترات كان نجم شباك
ومهاجم من الطراز الفريد في نادي له جماهير مجنونة هو الريان (ماعارفو مشي وين ناصر كميل ده حسع)..
المهم في كل كركور من كراكير الدوحة دي امشيها يشكبوني ليك ابو كميل هههههه
في الجوازات
في الكورنيش
وفي بعض المرات في الدورات
كرهوني عيشتي زااتها رغم انو القصة فيها جوانب ايجابية هي انو امورك بتمشي مع القطريين وخاصة لم يتكشفو انك ما ناصر كميل...(والله يازول تشبه بوكميل شبه وااااجد)...
....
لاقيتو مرة في الكورنيش ضحكت معاهو ضحك شديد وقلت ليهو يا زول انت عامل لي ارضي
فقال لي بمرح تعال ياخي نتفق علي العرب ديل (انت تعال التمرين وانا العب المباراة) هههههه
قلت ليهو ييا زول انت عاوز يطردوك من البلد دي ولاشنو

وفعلا يخلق من الشبه ناصر كميل
ولو لقيت صورتو بجيبها ليك هنا عشان تشوف شبهة القردة (رغمي انو بصراحة اخوك تحت تحت كده اوجه منو حبتين) هههه

كدى عليك الله شيل يدك دى وقبل علينا جاى عشان نستوعب موضوع الشبه دا

Quote: شبه أمجد ده ما تتخيل مضايقني كيف. و الناس القالوهو ديل زاتم بيبالغو

جبتش حاجة من عندي؟؟

لما قلنا كده طلعتونا من البلد

Quote: أهم حاجة الأخلاق

ههههه ذكرتنى بـ النكتة دى ، قالو فى بت شينة جدا ، المهم قاعده مع صاحبتها فى الحفلة

كل شويه يجى ولد يسوق واحده من صاحبتها و يرقص معاها ، و هى مافى زول داير يعبرها

و فى نفسها تقول (ما مشكلة اسه بجى البسوقنى) و هى عايزة ترقص و ما قادرة لقعاد الكرسى

لمن قفلت معاها ، قامت دخلت حلبه الرقيص براها و هى تردد (اهم حاجة الاخلاق)


__

Quote: غايتو البوست داك حذفو حرام عديل

حمور و أيمن
ياخ زولكم لي هسي نفسو قايم
غايتو أنا عملتة رياضة سنة لي قدام

سلام يا حمور
والمتداخلين

تعرف أنا عندى نفس المشكله دى..محل ما أمشى زول يشبهنى...
زوله صاحبتنى لأنى بشبه أختها المرحومه...وبعد داك كل الأسره بقت تحبنى..حتى أمها بكت لما شافتنى...
الأسره بقوا أصحابى لمدة17 سنه..

لكن الحاجه التانيه إنه جنسى ما معروف...
من السودان مره كنت راكبه الحافله زمان وكان أخواننا الأثيوبيين لاجئين فى السودان...
واحد فى الحافله قال لى زى النوع الما بتسمى ده ملا علينا البلد...قلت ليه ياتو نوع...؟؟
قال لى الأخت سودانيه...أنا آسف يا أخت!!!

هنا الأثيوبيين محل ما يلقونى بتخيلونى أثيوبيه..

أول ما جيت أمريكا إشتغلت فى دكان فى منطقه بتاعة اسبان...الأسبان هنا بعضهم سمر شويه
كل يوم واحد أو واحده تتكلم معاى اسبانى...

بتاعين الجُزر برضو بفتكرو إنى منهم..

الامريكان عشان ما بعرف أنطق ال((ر)) بتخيلونى من الناطقين بالفرنسيه إذا إتكلمت..وإذا ما إتكلمت
تعال شوف اللخبطه..إنتى من الجُزر..؟؟ إنتى لآتينو...إنتى أثيوبيه..صوماليه؟؟؟
وزول بعد السودان مافى لحدى ما اقوله ليهم..

المغاربه بيقولو لى إنى بتكلم زى ناس فاس



كمان يا كافى البلا جابت ليها مشكلة هويه..

إقبال

الواحد لو مابيشبه زول مشهور(سليبرتي) ممكن يتمنى الزول العاوزو وبعدين يتخيل قصة ولا ماممكن؟

Quote: الواحد لو مابيشبه زول مشهور(سليبرتي) ممكن يتمنى الزول العاوزو وبعدين يتخيل قصة ولا ماممكن؟

ممكن يا هالة صدقي

كريم
عاوز تغشنا ساكت وتقول لينا أنت أوجه من الراجل
الله يخلي لينا قوقل ايميجس

up

Quote: (ماعارفو مشي وين ناصر كميل ده حسع)..

كيكى ياخى خليك صريح طفشت الراجل وين

Quote: كيكى ياخى خليك صريح طفشت الراجل وين

تخيل يا حامد ابو كميل ده من ما القطريين شبكوني ابو كميل ابو كميل
كورتو زاااتها فكت....هههه
تخيل ممكن يكون قاعد في الدوحة لكن طولت ما سمعت ليهو حس لاخبر
لاني كنت واحد من عشرين مشجع في مدرجات الاستادات الكبيرة وعريضة في الدوحة ومافيها متفرجين
وغبت زمن من مساككة الملاعب

حمور يا جميل

مشكلة الشبه دي عامة

المرة الوحيدة المشيت فيها أمواج قابلت واحد شبهي الخالق الناطق

وكمان لابس ليهو قميص بيجي زيي , المهم بعد الدهشة والسلام طلعت لي بي كيس جكين

اصلو شبيهي طلع مرطب

تهئ تهئ تهئ

Quote: حكاية الشبه دي متعباني بشكل .. ياما وردت على اسامي اشكال واللوان انت بت ناس فلان وانت اخت فلانه انتي اكيد اكيد فلانه زاتها ..

دلال ياخي ديل عايزين يشاغلوك ساكت خاصة لو رجال
دي مكنة تعارف.. بالله مستخدمة الى الان؟

في التمانيات اي ولد عايز يتعرف على بت ببدا الكلام والله شبهتك
على فلانة..ولا فلان
حنك وكدا...

حمور انت زول براك وزول رائع..

شكرا يا حمور

ودي مناسبة أشيد بمشاركاتك في هذا المنتدى.

تعرف مرة كنت أزور صديق انتقل مع أسرته لأم بدة ود البشير

ولم أكن متأكدا من وصف البيت، وعندما ظننت أنني اقتربت

رأيت كورجة أطفال جالسين في ظل أحد البيوت وقررت أن أستعين بهم

للوصول الى منزل صديقي . لكن ما أن اقتربت منهم حتى حاصروني

وبدأوا يلحون في مطالبتي بأن أقرأ عليهم شعرا.(قول لينا شعر..قول لينا شعر..

قول لينا حلمنتيش).

الحقيقة قي البداية تضايقت وظننت أن هؤلاء الصبية العفاريت يحاولون أن يجعلوني موضوعا

لعبثهم.. ولكن بعد قليل من التروي اكتشفت أنهم ظنوا أنني محمد الأمين الشهير ب (المتجهجه

الأممي) الذي كان يشارك في برنامج تلفزيوني للشعر الحلمنتيشي كان قد اشتهر في ذلك الوقت.

ولقد أكد لي عدد من المعارف هذا التشابه فيما بعد.

وبيني وبينك كده، لم أكن سعيدا بهذا التشابه في ذلك الوقت ، وذلك لأنني اصغر المتجهجه الأممي

بعدة سنوات كما أنني أيضا كنت أظن أنني أوفر وسامة منه. ولقد كتمت ذلك ولم أبح له الا في

هذه السانحة.

تحياتي لشبيهي ولك ولزوارك الأفاضل.

Quote: انت يا حاقدة شكلك ما بتشبهي ناس مشهورين عشان كده متضايقه. هسه لو قالوا ليك بتشبهي ندى القلعة كان رايك اختلف تماما.

إحتمال كان اختلف يا حمور .. الا الحمدلله الما بشبه القلعه دي ..


دكتوره نجاه سلامات

Quote: دلال ياخي ديل عايزين يشاغلوك ساكت خاصة لو رجال دي مكنة تعارف.. بالله مستخدمة الى الان؟ في التمانيات اي ولد عايز يتعرف على بت ببدا الكلام والله شبهتك على فلانة..ولا فلان حنك وكدا...

الله يرحم زمن المشاغله ... الجماعه خلوها وبقو رافعين السعر
بس لسه في سودانيين حاسين انهم بعرفوا الناس ذي زمان
مع انو البلد وسعت والناس كترت والجفا حصل

Quote: حمور انت زول براك وزول رائع..

صدقتي .. حمور دا هو الاصل والباقي تقليد

يا حمور واحد اول مرة الاقيهو قال لي أنا شايفك في مكان
أها قريت الابتدائي وين والحضانة والجامعة والثانوي وكلو ما ظبط
في النهاية قال لي يمكن عشان شكلك عادي

لوووووووووووووووووووول

يا حمور واحد اول مرة الاقيهو قال لي أنا شايفك في مكان
أها قريت الابتدائي وين والحضانة والجامعة والثانوي وكلو ما ظبط
في النهاية قال لي يمكن عشان شكلك عادي

لوووووووووووووووووووول

البوست ده كان عن شنو ؟
ايوه اتذكرت.
الشبه بعصام محمد نور.
تحية و تقدير لكل من مر و اسهم بمداخلة او ما يشبه المداخلة.

في مرة كنت اتناول العشاء في مطعم ايفوري بعد ليلة خرطومية صاخبة و معي احد الاصدقاء.
اقترب مني شاب حدث يبدو في اوائل العشرينات من العمر.
كان يرتدي بذلة سوداء كاملة كأنه سفير.
وشعره يلمع كانما قام بنقعه ليلة كاملة في اناء زيت طعام.
اقترب الشاب مني مبتسما و على بعد خطوة واحدة مني توقف محتارا. ثم اعتذر قائلا : معليش من بعيد كنت قايلك الاستاذ عصام محمد نور. انت اخوهو ؟

ينبغي ان تعذروني.
كان فمي ممتلئا بالدجاج و لا استطيع الاجابة فهمهمت بما يمكن أن يكون معناه :
لا لست اخوه.
او نعم انا اخوه.
و يبدو أن الشاب ذو الشعر الزيتي اخذ المعنى الثاني لأنه اخرج هاتفه و قال لي :
طيب نحن عاوزنو في حفلة تخريج ممكن تديني رقمو ؟


تفاصيل ما حدث بعد ذلك اعتذر عن حكايتها لأنها قد توقعني تحت طائلة القانون.
فقط ما استطيع أن اؤكده أن الاستاذ عصام لم يغني في حفل التخريج ذاك.

رجعت امي غاضبة من بيت بكا.
و رجوع امرأة غاضبة من بيت بكا هو حدث فريد.
النساء يجدن متعتهن في " المقيل " في يوم السابعة و يوم الخمستاشر و الاربعين.
و يعتبرن حمل وجبة كل فترة و اخرى للارملة من الواجبات المقدسة.
فان تعود امي غاضبة من هناك فهذا يعني خطبا جللا. لا سيما انها ذهبت تحمل صينية مكرونة بالفرن تبرع في اعدادها.
فما الذي اغضبها ؟

قالت لي امي أن امرأة سألتها :
البيكتب في الجرايد ده ولدك ؟
لابد أن امي سعدت بهذه الشهرة و استعدلت في مجلسها استعدادا لوصلة من البوبار الحريمي الممتاز و ردت بالايجاب.
فقالت المرأة :
بيشبه عصام محمد نور الفنان.

امي كانت غاضبة و طالبتني بحل لهذه المشكلة لكني نبهتها ان هذا الامر لا يمكن تجاوزه الا بعملية تجميل.
و هو الامر الذي لا احبذه كثيرا.

.
.

حمور بالجد إنت زول سفاح جداد :)

في صغرك كتلت سواسيو أهلك في البلد لحقتها الزينين ولما كبرت لاتزال تفترس الدجاج بنهم:

Quote: كان فمي ممتلئا بالدجاج و لا استطيع الاجابة فهمهمت بما يمكن أن يكون معناه :

:)

.
.

الزميل عزام فرح صديق نجل السفير السوداني بِالكويت

غايتو يا زول دي بالغت فيها.

هلا يا كيكي يا تفكيكي
طبعا يا عمك انت بقصة شبهك مع الزول ده بتكون حسيت بالانا حاسي بيهو.
يعني لما واحد يجي جاري عليك من هناك بكل ترحاب و فرح و يقرب ويلقاك مجرد كيكي او حمور ساي و انت ما الزول الكان قايلو.
النظرة الفي عينو تافهه شديد ياخ.
بيعاين ليك بخيبة امل كانك خذلتو.
و الله انا مرات بقرب اعتذر للناس اني ما عصام محمد نور و ابكي ليهم عشان يسامحوني على الخطأ الفظيع ده.

Quote: كدى عليك الله شيل يدك دى وقبل علينا جاى عشان نستوعب موضوع الشبه دا

هسه في ذمتك يا علي بشير عاوزني اعمل الحاجات دي كلها عشان تتأكد من الشبه المضايقني ده ؟
انت ما مصدقني يعني ؟
لو ما مصدقني أسأل عصام زاتو.

Quote: جبتش حاجة من عندي؟؟ لما قلنا كده طلعتونا من البلد

يا عوظاظ المقصود بالناس القالو الكلام ده هو انتي.
زول غبيان غيرك قال كده مافي.
الا معتز احمد القال الاصوات بتتشابه.

Quote: ههههه ذكرتنى بـ النكتة دى ، قالو فى بت شينة جدا ، المهم قاعده مع صاحبتها فى الحفلة كل شويه يجى ولد يسوق واحده من صاحبتها و يرقص معاها ، و هى مافى زول داير يعبرها و فى نفسها تقول (ما مشكلة اسه بجى البسوقنى) و هى عايزة ترقص و ما قادرة لقعاد الكرسى لمن قفلت معاها ، قامت دخلت حلبه الرقيص براها و هى تردد (اهم حاجة الاخلاق)

شكرا محمدالامين ..
انا بهدي النكتة للاستاذ عصام و بقول ليو ما مشكلة انك تشبهني .. الكلام الاخلاق برضو.

Quote: حمور و أيمن ياخ زولكم لي هسي نفسو قايم غايتو أنا عملتة رياضة سنة لي قدام

هسه في ذمتك يا علاء يوسف البوست ده كلو ما لقيت حاجة تعلق عليها غير الموضوع ده ؟
ياخ نكتة محمد الامين دي ما لاقتك شان تضحك فوقا ؟
غايتو زول شبك كيف انت

Quote: سلام يا حمور والمتداخلين تعرف أنا عندى نفس المشكله دى..محل ما أمشى زول يشبهنى... زوله صاحبتنى لأنى بشبه أختها المرحومه...وبعد داك كل الأسره بقت تحبنى..حتى أمها بكت لما شافتنى... الأسره بقوا أصحابى لمدة17 سنه.. لكن الحاجه التانيه إنه جنسى ما معروف... من السودان مره كنت راكبه الحافله زمان وكان أخواننا الأثيوبيين لاجئين فى السودان... واحد فى الحافله قال لى زى النوع الما بتسمى ده ملا علينا البلد...قلت ليه ياتو نوع...؟؟ قال لى الأخت سودانيه...أنا آسف يا أخت!!! هنا الأثيوبيين محل ما يلقونى بتخيلونى أثيوبيه.. أول ما جيت أمريكا إشتغلت فى دكان فى منطقه بتاعة اسبان...الأسبان هنا بعضهم سمر شويه كل يوم واحد أو واحده تتكلم معاى اسبانى... بتاعين الجُزر برضو بفتكرو إنى منهم.. الامريكان عشان ما بعرف أنطق ال((ر)) بتخيلونى من الناطقين بالفرنسيه إذا إتكلمت..وإذا ما إتكلمت تعال شوف اللخبطه..إنتى من الجُزر..؟؟ إنتى لآتينو...إنتى أثيوبيه..صوماليه؟؟؟ وزول بعد السودان مافى لحدى ما اقوله ليهم.. المغاربه بيقولو لى إنى بتكلم زى ناس فاس كمان يا كافى البلا جابت ليها مشكلة هويه.. إقبال

كامل التضامن مع العزيزة اقبال المرضي في محنة الجنسية التي تعاني منها

مرحب برواية العباسي ( هالة صدقي ) و لنا مهدي ( يسرا ) في البوست

حامد محم حامد ..
ملاحظ انو كيكي نحس الراجل ؟

Quote: المهم بعد الدهشة والسلام طلعت لي بي كيس جكين اصلو شبيهي طلع مرطب

يعني يا محمد الطيب لو انا لاقيت عصام في حتة بطلع لي بلحن لحنين كده ؟

وليد الشفت ..
انت هسه السألك من الصور منو ؟
ثم ما خفت تجيب صورة زول تاني ؟
اعمل حسابك الحاجات دي حساسة و عاوزه تعامل بعناية. كفاية اخونا الصحفي الشجاع الذي فضح علاء الدين الجبان.

عليك الله شفت كشفو ليك بالصورة ديك كيف ؟
مبالغة ياخ.

Quote: في التمانيات اي ولد عايز يتعرف على بت ببدا الكلام والله شبهتك على فلانة..ولا فلان حنك وكدا...

بيان يا قديمة يا ناقشة انتي ياخ
منقطاها يا دكتورة


هسه طبعا الامور اختلفت.
بقو يسألو الواحدة يقولو ليها عندك كلب ؟

Quote: ولكن بعد قليل من التروي اكتشفت أنهم ظنوا أنني محمد الأمين الشهير ب (المتجهجه الأممي) الذي كان يشارك في برنامج تلفزيوني للشعر الحلمنتيشي كان قد اشتهر في ذلك الوقت. ولقد أكد لي عدد من المعارف هذا التشابه فيما بعد.

يعني هسه يا اسامة ما حتقول لينا حلمنتيش ؟

Quote: الا الحمدلله الما بشبه القلعه دي

هسه يا بكري ابو بكر ده راي زولة يدوها باسويرد ؟
اطالب بسحب باسويرد " المدعوة " دلال عز الدين فورا و فضح اراءها الهدامة الحاقدة على قمم الجمال السودانية في كل المنابر.

Quote: في النهاية قال لي يمكن عشان شكلك عادي

دي يا محمد الحاج زي شكلك من النوع الحلوف بتاعة عادل امام ؟
لكن اشهد انو زولك ده مبدع رسمي.
حاول غير شكلك اعملو جامبو يمكن ترتاح يا زول.

Quote: والله شكلك بتعاني معاناة شديدة ياحمور يازول ما تشتغل بالقصة دي كتير بعدين ياخ انت ما شايف أمجد ما شغال بالمسألة دي خالص؟ أهم حاجة الأخلاق قال ثم من قال الاخلاق وانت اخلاقك بتمشيك كتير !

انتو (تامر حسنى ) دا بقى عضو معانا هنا من متين ؟
يعنى خلاص الود متجاوز المرحلة دى وبقدم فى النصائح ...
خلوها مستورة ...

اخبارك وامورك يازيادة ..

شنو يا استاذ عصام ياخي انت بي جاي وانا من الصباح اتلبط في الناس لوووول

ياحبيبنا حمور

تصدق قصة الشبه دي مشكلة كبيرة جدا بس الحمد لله اخوك الله قبحو مافي زول بيشبهني مرة واحده كنا في حفلة عرس بت جيرانا اها واحده كده قاشره قشرة بت كلب اها قالت لي انت اخو نميري دخلت شمال طوالي قلت ليها انتي بتعرفي نميري من وين بعد شويه اولاد الحله كلهم طلعوا صحبان نميري لوووول يكه

عندنا استاذنا يوم جاء داخل الفصل وبيضحك وكان لابس قميص ابيض نص كم وبنطلون بني اها قلنا ليهو ضحكنا معاك يا استاذ قال كنت واقف في المحطة جاء واحد من وراء وضربني ليك في ضهري قال الليلة بي وين ياكمال
اها لمن شاف وشي طوالي اعتذر لي .


ايام كنت عريس مشيت الخارجية اوثق عقد الزواج قابلني راجل كبير لابس جلابية وعمة مرتبة شغال هناك اظنو اها من شافني جاء حضني ليك ياجنابو كيف الاخبار ومبروك العرس لمن ا تخلعت قام شال مني الاوراق ووثقها لي لوووول يكه

تحياتي

زاتووووو

دخول مـتأخر

صاحب البوست والضيوف


حقيقة بوست جميل جدا

والمناسبة الزول ده ( عصام محمد نور) زول لطيف وظريف جدا وعنده مرات ردود وتعليقات (رباطابية عديل كده) تخليك تضحك بشدة

في موضوع الشبه

عايز احكي اجمل قصة عن شبه عشتها

عندما كنا في الزقازيق طلبة جامعة كان يدرس في الجامعة طيفور عبدالحكم طيفور من تجارة مع د. صلاح من صيدلة ساكنين مع بعض في شقة واحدة وكانا معا في كل محفل طلابي و هناك ملامح شبه متقاربة بينهما برغم أنهما ليس بينهما اي صلة قرابة

وفي احد المرات وكنا نجلس في جلسة طلابية سألتنا إحدى الطالبات وهي زميلة من آداب ( إنتوا يا أخوانا طيفور وصلاح ديل أخوان لانهم بتشابهو شديد)

طوالي واحد مننا ( من توتي وما بقول إسمه يا ناس الزقازيق) قال ليها : لأ ... ساكنين مع بعض

انا غايتو قاعد اشبهك يا حمور
وقاشر بالحتة دي شديد
بقول ليهم شفتو حمور بتاع سودانيز الكتاب داك
انا بس الخالق الناطق












اسمعني صلاح الاحمر اداك الامانة

Quote: كريم عاوز تغشنا ساكت وتقول لينا أنت أوجه من الراجل

هلا يا راوية
ومشتاقين
ورغم بيني وبينك شبه السحابة الراحلة
الا عليك الله اللم المغربي علي الشامي شنو حسع في الصورتين اياه...
القطريين مشكلتهم شايفننا زي الصينين اي زول اخضراني بشبه التاني

يا الازهري يا صديقي العزيز ..

Quote: في صغرك كتلت سواسيو أهلك في البلد لحقتها الزينين ولما كبرت لاتزال تفترس الدجاج بنهم:

يا اخي العزيز السيد الوالي السابق للخرطوم قال سيجعل الفراخ طعاما للفقراء ..
انا كنت محاول اساعدو في الموضوع ده

يا محمد عبد الرحمن ..

Quote: انتو (تامر حسنى ) دا بقى عضو معانا هنا من متين ؟ يعنى خلاص الود متجاوز المرحلة دى وبقدم فى النصائح ... خلوها مستورة ...

كدي عليك الله ورينا خضر ده بيشبه منو كده ..
بس ما يجيني يساري مقطعا ناطي و يقول لي يشبه في اتقاده و ايمانه الرفيق شمكرفنستكرنسكي عضو اللجنة المركزية سنة كم ما تعرف.
ادونا شبه نفهمو بالله.

الزول زاتو ..
المشكلة هسه انا انبطعت في راسي صورة الاستاذ الطيب بالخلفية الخضرا دي مع اسمك.
قبل كم يوم لمحت الصورة في موقع ادب عربي عملت كليك على الرابط قايلك كاتب هناك.

Quote: والمناسبة الزول ده ( عصام محمد نور) زول لطيف وظريف جدا وعنده مرات ردود وتعليقات (رباطابية عديل كده) تخليك تضحك بشدة

جمال السنوسي ..
ياخ جيب لينا حاجه من كلام عصام ده عشان اتعلما ..
يمكن احتاج اني انتحل شخصيتو عديل

طارق جبريل ..
صلاح ضرب لي لكن لسه ما اتلاقينا

Quote: الا عليك الله اللم المغربي علي الشامي شنو حسع في الصورتين اياه... القطريين مشكلتهم شايفننا زي الصينين اي زول اخضراني بشبه التاني

بطل زوغان يا كيكي ..
شبهك بالزول ده ما بيتدسا كلو كلو

فإن كان يمكنني تجاوز التشبيه الصريح مع الفنان عصام محمد نور فإن في القلب من تشبيه قديم شيئا باقي.
في زمن كانت فيه الدنيا بخير و على رأسي بعض من الشعر مستمسك و لم تنحلني الأيام كما فعلت بي الان كن الفتيات في اول تعارفهن بي يكثرن من تشبيهي بابناء الجيران.
كل بنت اتعرف عليها كانت تضحك و تقول لي :
و الله حركاتك دي بتذكرني بـ " فلان " ود جيرانا. نفس طريقة الكلام و نفس الجن.
أن تشبه دوما ابن الجيران لا اظن تلك ميزة او محمدة .
و انا اتمنى ان اعرف هل واجه الاستاذ عصام محمد نور مثل هذا الموقف في محاولاته للتقرب من "الجكس "؟

في المدرسة الثانوية كنت أجلس في الفصل محاولا أن اتظاهر أني تلميذ مجتهد و أني لست ذلك المشاغب الذي أكونه.
فجأه طرق طارق باب الفصل و طلبني من الاستاذ.
قمت و أنا اردد شيئا كـ " يا قاعدين يكفيكم شر الجايين ".
و حين خرجت الى الحوش مع طالبي وجدت برفقته ثلاثة طلبه جذب أحدهم و أوقفه امامي و صرخ في وحشيه : " عاينو بيتشابهو كيف ".
ثم أخذ يضحك في عبط غير مسبوق و نشوة عارمة حتى خشيت عليه من الاصابة باحتشاء قلبي يموت على اثره.
نظرت الى الشاب الذي ادعوا أني اشبهه.
بكل حياد اقول أنه كان اشنع وجه اراه في حياتي.
فعلى جبينه حبيبات صغيرة كأنه تم تطريزه بالسكسك و يبدو أنه كان يعاني من الحساسية.
انفه ضخم يوشك أن يفارق وجهه و تعجبت كيف يستطيع أن يمشي معتدلا مع أنف كهذا ؟
عيناه ميتتان كسمكة زينة حتى انك لتحس انك ترى روحا بليدة تطل منهما. عيناه كزجاج سيارة اصابتها قذائف البيض و الطماطم في شارع المطار ليلة رأس السنة فتحولت الى عتامة متجانسة.
لو كنت اشبه هذا المخلوق لانزويت في بيتنا و قطعت شرايين معصمي و مت في هدوء بغير اسف.
لكن ما يعزيني أن الذي يدعي الشبه شاب أحمق أشك أنه يستطيع تمييز امه لو وقفت جوار تلاجة المطبخ.

Quote: الا عليك الله اللم المغربي علي الشامي شنو حسع في الصورتين اياه... القطريين مشكلتهم شايفننا زي الصينين اي زول اخضراني بشبه التاني

سلام كريم
مشتـــــــاقيييين
تصدق بيشبهك شديد كمان خاصة الصورة دي
التانية مختلفة شوية والشبه بعيد

سلامات يا عصام

عليك الله عندي أمنية خليني احكي عنها في بوستك دا
نفسي في الدنيا دي أكون بشبه اودري هيبورن لاني حكمة الله ربنا خلقني بنيان جسمي مليان عشان كدا تلاقيني بموووووت في الاحجام الصغيرة البتيت(Petite) ولما امشي المحلات اول حاجة بدخل قسم البتيت واقعد اتحسر.. المهم نفسي اكون اشبه اودري هيبورن شبه يحير والناس تلفتني من ضهري ويقول لي هالو ميس هيبورن (ماكاثرين.... كاثرين تعاني من نفس كبر عضامي) والناس ديل كلهم مامهمين ولا لخبتتهم مهمة بس عاوزة زول شبه همفري بوغرت يلخبت في الشبه ويقول لي هاك ون وي تيكت لي باريس*




___________
*اختك متأثرة شديد بفلم سابرينا
بالمناسبة حكاية هالة صدقي دي جد جد تلاتة بتاعين تاكسي في مصر قالوها لي وخيلاني كلهم اكدو اني بشبها وأنا دخلت في الدور لدرجة انها لما قفلت فلجتها مشيت الاورثودينتيست وقفلت فلجتي

العزيزحمور

والله عصام محمد نور فنان غناي واخلاقه عاليه وروحه جميلة....

وانت زول كتاب-(بتشديد التاء)- :) وبرضو اخلاقك عاليه وروحك جميلة...


وربنا يخليكم لبعض.


أما أنا فالاثيوبين اصلو من يشفوني طوالي يرطنو معاي يايلولحوا لي راسم من بعيد.

والسودانيين كتيرين يقولوا لي والله يا أستاذة نحن قايلنك اثيوبية...

مرة واحدة اثيوبية اصرت اني بتخابث عليها وتشيل وترطن,,وانا ارد مرة بالانجليزي ومرة بالسوداني

وهي مصرة وبتقول بسوداني مكسر:"" انتا بس سكنتى في سودان كتير ما تستهبل بلاي"".. والله ماحلاني منها الا صورة عائلية لناس بيتنا...

وهسى كل ماتلاقيني مصره تلولح لي راسها.


وانا مرات بصراحة بستغل الحكاية دي وبزوغ بيها من ""مهاترات الشباب السوداني ""...وبعمل فيها مافاهماهم بقولوا شنو...
لكن مرات بتوقعني حكاية الشبه دي في مواقف بايخااااااااااااااه.

وكان الله في العون.

:).



ودي وتقديري.