Post: #1 Title: عدنا .. و يا بركة الامثال السودانية Author: حمور زيادة Date: 10-27-2008, 07:02 AM
" .. فرأى امامه ماردا ضخما يمسح رأسه و هو يقول : تبت يا نبي الله "
العبارة السابقة من حكايات الف ليلة و ليلة تذكرتها و انا ادخل كلمة السر .. كنت كالمحبوس في قمقم و جاءني الفرج و منذ اسبوع اشتكي غضباً من حظر الموقع في السودان .. و الاتصالات الهاتفيةلا تنقطع بين الاعضاء هنا في الخرطوم .. امس ليلا كنت و ناجي الملك نثور غضبا ان المنبر يعمل كأننا لم نغب .. احساس سئ ان تشعر انك لست ضروريا ابدا و ان الامور تسير من غيرك على ما يرام
ثم .. بلغ اليأس مبلغه .. و تذكرت الامثال السودانية .. يا غرقت يا جيت حازما .. سجن سجن غرامة غرامة ..
توكلت على الله .. تحمست بهذه الامثال .. ذهبت الى رسالة قديمة كنت اخافها لأني لا ادري اهي من بكري ام من غيره .. و "غيره" هو البعبع الذي اخافنا على كلمات مرورنا .. كلنا يخشى أن " يسحبوا العدة " كما قال عادل امام .. ذهبت الى الرسالة التي بنى عليها العنكبوت في صندوق بريدي منذ ايام و ايام .. ضغطت على وصلتها فاذا انا هنا .. بكل بساطة .. كبسة ذر فاذا انا داخل المبنر مرة اخرى .. يا للعجب .. العالم الذي اشتقت اليه .. كثيراً
بكري .. لقد ذكرتني الغاز المجلات المصورة .. الحل الذي يكون امامك طوال الوقت وانت تبحث عنه من منا لا يعرف احجية : أمر أمير الأمراء بحفر بئر في الصحراء ليشرب منه الفقراء ، فكم راء في ذلك ؟؟ نذهب نحسب الراءات و ننسى ان ذلك ليس فيها راء نحن مصابون برهاب المخترق .. هكتروفوبيا .. لو كان هناك شئ كهذا .. لذلك لم نثق في اليد التي مددتهالنا .. هاملت قتل الواقف خلف الستار لأنه كان يخشى من حوله ..
عدنا .. لكن يا بكري بالغت ..
و ..
سودانيز اون لاين .. عالم جميل
Post: #2 Title: Re: عدنا .. و يا بركة الامثال السودانية Author: حمور زيادة Date: 10-27-2008, 07:04 AM Parent: #1
Post: #4 Title: Re: عدنا .. و يا بركة الامثال السودانية Author: حمور زيادة Date: 10-27-2008, 07:10 AM Parent: #2
لكن ..
ديل منو الفي صورة البروفايل بتاعي ؟
هل انا في سودانيز اون لاين ام ان المخترق ادخلني بوصلة الى نسخة محفوظه لديه ؟؟ انا لا اعرف و لا واحدة من هؤلاء النسوة الفاضلات فماذا يفعلن في بروفايلي ؟
Post: #3 Title: Re: عدنا .. و يا بركة الامثال السودانية Author: عبدالله كع Date: 10-27-2008, 07:07 AM Parent: #1
حمور .. الحمدلله .. الذي اخرجك من القمقم .. وجعلك ساااالكا في سودانيز
والعود احمدا
Post: #5 Title: Re: عدنا .. و يا بركة الامثال السودانية Author: معتصم محمد صالح Date: 10-27-2008, 07:15 AM Parent: #3
يا عمك البروفايل هين .. المشكلة في العدة ..
Post: #6 Title: Re: عدنا .. و يا بركة الامثال السودانية Author: حمور زيادة Date: 10-27-2008, 07:18 AM Parent: #3
كع .. سلكنا و الباقين في الطريق .. هاتفت ناجي الملك .. قلت له انظر صندوق بريدك و لا اتحمل نتيجة افعلها لو احببت ان تخاطر.. ضحك و قال : لو ما فاطر ما تخاطر لكنه سيأتي هاله حسن في الطريق ايضاً .. بورداب السودان عائدون
Post: #7 Title: Re: عدنا .. و يا بركة الامثال السودانية Author: العوض المسلمي Date: 10-27-2008, 07:21 AM Parent: #1
العوده ما احلاها اخي حمور ,,,
سعدا جدا بعودة المنبر للسودان ,,,
وبالجد افتقدناك ياحمور ...
Post: #8 Title: Re: عدنا .. و يا بركة الامثال السودانية Author: حمور زيادة Date: 10-27-2008, 07:29 AM Parent: #7
معتصم
Quote: يا عمك البروفايل هين .. المشكلة في العدة ..
العدة في الحفظ و الصون حتى الان .. اخوك خالي بالو من لغلوغو
Post: #9 Title: Re: عدنا .. و يا بركة الامثال السودانية Author: حمور زيادة Date: 10-27-2008, 07:31 AM Parent: #8
العوض .. اوحشنا البورد و الله يجيب الباقين شكرا لك
Post: #10 Title: Re: عدنا .. و يا بركة الامثال السودانية Author: حمور زيادة Date: 10-27-2008, 07:42 AM Parent: #9
ضاق علي النت بما رحب .. سودانيز اون لاين ممنوع .. اين اولي وجهي ؟؟ ذهبت اتصفح المواقع السودانية .. الراكوبة السودان الجديد سودانيز اون لاين دوت اورغ
استبعدت الثالث فورا فهو لم يكن مغريا ابدا رغم تشابه الاسماء .. في السودان الجديد رأيت مجموعة من " النازحين " المتأثرين بالهكر .. سيما حروفهم الغربة .. و طبع المنبر السياسة العنيفة .. هناك تمارس السياسة الخشنة القاطعة لا سياسة الصالونات الهادئة القائمة على براعة الحوار و جمال اللفظ .. خط المنتدى ثورة حادة افزعتني .. فذهبت الى الراكوبة .. قدرت انها منتدى خفيف يغلب عليه طابع الاجتماعيات و الادب اكثر من شغب السياسة دلفت الى الراكوبة .. هادئة لطيفة .. اعجبني جوها و همبريبها .. و قبل ايام استفزني الشوق الى اهل سودانيز فطلبت الدخول الى منبر السودان الجديد .. جأتني كلمة المرور سريعاً لكن بين الراكوبة و السودان الجديد كنت افتقد هذا المكان .. اخيراً .. سودانيز اون لاين .. و .. العرجا لمراحا
Post: #11 Title: Re: عدنا .. و يا بركة الامثال السودانية Author: Amira Elsheikh Date: 10-27-2008, 08:12 AM Parent: #10
Quote: امس ليلا كنت و ناجي الملك نثور غضبا ان المنبر يعمل كأننا لم نغب .. احساس سئ ان تشعر انك لست ضروريا ابدا و ان الامور تسير من غيرك على ما يرام
ياحمور كيف ماضروري والا ماكنا نزلت بوست لي بكري عشان يلحقكم القطر سريع والبوست الفوق دة شاهد وانت كنت رقم 4
Post: #20 Title: Re: عدنا .. و يا بركة الامثال السودانية Author: حمور زيادة Date: 10-28-2008, 07:04 AM Parent: #18
بهاء ..
كنت دوما اشكرك بظهر الغيب لبورداب الخرطوم انت و ود الصايم كنت استرق النظر الى البورد من وراء حجاب فكنت ارى سؤالكم عنا و تنبيهكم الدائم عن غيابنا الان اوجه لك الشكر كفاحا .. شكرا لك اخي بهاء و لا عدمناك
Post: #19 Title: Re: عدنا .. و يا بركة الامثال السودانية Author: طارق جبريل Date: 10-27-2008, 11:56 PM Parent: #1
يا مصلعي العالم اتحدوا
تليشة: الهكر دة خنفس
Post: #21 Title: Re: عدنا .. و يا بركة الامثال السودانية Author: حمور زيادة Date: 10-28-2008, 07:05 AM Parent: #19
طارق ..
حقد ابان شعور على ناس الصلعه ما بينتهي ماكفاهم انتاج الشامبو و كريمات الشعر .. لسه حاسين انو نحن متفوقين عليهم ناس عجيبه خلاص
