Post: #1
Title: حمور زيادة ... باحث ... ام بتاع مباحث ...؟؟؟
Author: omer osman
Date: 10-29-2008, 01:35 PM
نادراً ما اطلع على بروفايل اعضاء سودانيزاون لاين لكن متابعتي لبوستات الاخ حمور زيادة عن قضية
تهكير المنبر دفعتني للاطلاع على بروفايل الاخ حمور في محاولة للتعرف على هذه الشخصية البوليسية
فوجدته قد كتب في خانة الوظيفة (باحث) لم اجد في خانة المؤهلات مايعنيني على التعرف على طبيعة
عمله كباحث (قانوني - علمي - الخ)
الاخ حمور يكتب بذهنية مرتبة جداً مع قدرة ممتازة على التحليل والربط بين الاحداث والوقائع والاشخاص
بطريقة تثير الاعجاب وتشد الشخص للمتابعة. وانا بحكم التخصص والخبرة (ضابط بوليس معاش) لااخفي
اعجابي بما يكتبه الاخ حمور حتى وان لم يتوصل الى نتائج قاطعة ومؤكدة في الكشف عن مرتكب جريمة
تهكير الموقع لاننا وفي مجال العمل الشرطي كثيرا مانكون متأكدين من ارتكاب شخصا ما للجريمة
استناداً للبينات الظرفية التى من شروطها ان تأتي متماسكة في شكل حلقة واحدة تقود الى نتيجة محددة
لكن في المحاكم لايؤخذ بها الا اذا عضددت بدليل مادي او اعتراف ..الخ
|
Post: #2
Title: Re: حمور زيادة ... باحث ... ام بتاع مباحث ...؟؟؟
Author: Amjed
Date: 10-29-2008, 01:42 PM
Parent: #1
يا عمر ياخوي
انتا نزلوك معاش متيييين
|
Post: #3
Title: Re: حمور زيادة ... باحث ... ام بتاع مباحث ...؟؟؟
Author: معاذ حسن
Date: 10-29-2008, 02:09 PM
Parent: #2
حمور قلم رشيق وجميل ولا يمل.
|
Post: #4
Title: Re: حمور زيادة ... باحث ... ام بتاع مباحث ...؟؟؟
Author: حمور زيادة
Date: 10-29-2008, 04:12 PM
Parent: #3
عمر عثمان ..
شفت البوست من اول ما اتكتب
لكن بصراحة ما عرفت مفروض اخش فيو باعتبار انو باسمي او لأ
هل مفروض اخش اجاوب وله مفروض اجي اقول شكرا
هل هو اتهام ام سؤال ام رأي
لكن استسخفت نفسي انو زميل يفتح باسمي بوست و انا موجود و ما اقول ليو كلمة
شكرا لتقديرك
و للضمان انا حمور زيادة .. باحث و لست بتاع مباحث
اظنك كنت في الحزب الاتحادي الديموقراطي .. اتعجب انك لا تعرف الاسم
لك التحية و الى لقاء في بوست اخر
ــــــــــــــــ
أمجد عمر ده زي ما جاوبك ؟
معاذ شكرا لكريم رأيم
|
Post: #5
Title: Re: حمور زيادة ... باحث ... ام بتاع مباحث ...؟؟؟
Author: ombadda
Date: 10-29-2008, 04:21 PM
Parent: #1
Quote: الاخ حمور يكتب بذهنية مرتبة جداً مع قدرة ممتازة على التحليل والربط بين الاحداث والوقائع والاشخاص
بطريقة تثير الاعجاب وتشد الشخص للمتابعة. |
لو كان هذا الشاب فى مكان غير السودان لأصبح من المشهورين والمرموقين. أخر بوست له تحليل لشخصيات كرتونيةأبدع فيه أيما إبداع.
ما عاوزين نشكروا أكتر من كدة . فقط نقول له:
إلى الأمام حمور زيادة
|
Post: #6
Title: Re: حمور زيادة ... باحث ... ام بتاع مباحث ...؟؟؟
Author: rosemen osman
Date: 10-29-2008, 04:33 PM
Parent: #5
حمور زيادة فنان ولن أستعمل المفردة الأخرى 
وعفوا أن جاءت كتابتنا باهتة عنه
فكتاباته هى التى تفصح عن جوهره
|
Post: #7
Title: Re: حمور زيادة ... باحث ... ام بتاع مباحث ...؟؟؟
Author: محجوب البيلي
Date: 10-29-2008, 04:53 PM
Parent: #1
| Quote: وتشد الشخص للمتابعة |
بسسسسس
الشخص دا ياهو... نحنا
|
Post: #8
Title: Re: حمور زيادة ... باحث ... ام بتاع مباحث ...؟؟؟
Author: مزمل التريكى
Date: 10-29-2008, 05:03 PM
Parent: #1
فعلا حمور زياده قلم جاذب للغايه
ومحلل من الدرجه الاولى
استمتع جدا بمتابعة كتاباته.. وحتى مداخلاته الصغيره جدا
حاليا ساكيه ليك فى موضوع بطوط ده لمن نجيب اخره
بالجمبه :
عندى بوست يا عمر عثمان بعنوان :
عاجل : ميكافيلى صبى لم يتجاوز ال22 تم استغلاله من قبل ضعاف النفوس
نزل البوست وحذف بعد 9 دقائق بالضبط ..
بعد ان رد عليه ود الصايم والهكر نفسه
حسب اعتقادى فذلك البوست كان اقرب التحليلات الى الحدث
لهذا حذف والله أعلم .
|
Post: #9
Title: Re: حمور زيادة ... باحث ... ام بتاع مباحث ...؟؟؟
Author: omer osman
Date: 10-30-2008, 11:56 AM
Parent: #1
Quote: يا عمر ياخوي
انتا نزلوك معاش متيييين |
الاخ امجد ماتغشك الصورة اخوك قديم اقدم من الكسرة معاش ساي اكتر من عشرة سنوات من 1997م.
الاخ حمور نعم كنت اتحادي فكرا وتنظيما والان اصبحت اتحادي فكرا بس.لكن ماتجرنا بعيدا عن موضوع
البوست وهو الاشادة والاحتفاء بي زول بكتب وبحلل بي فهم ويبدو ان كثيرين يشاركوني ذات الرأي.
|
Post: #10
Title: Re: حمور زيادة ... باحث ... ام بتاع مباحث ...؟؟؟
Author: Shamael Elnoor
Date: 10-30-2008, 01:03 PM
Parent: #9
عمر عثمان والبقية
ازيكم
والله طلعت انت بتاع المباحث
انا وحمور تداخلنا كذا مرة ، انطباعي عنه جيد للغاية وصاحب مفردة بليغة
حمور وينك
|
Post: #11
Title: Re: حمور زيادة ... باحث ... ام بتاع مباحث ...؟؟؟
Author: omer osman
Date: 10-30-2008, 01:15 PM
Parent: #1
| Quote: والله طلعت انت بتاع المباحث |
عشان كده بتجذبنا كتابات الناس البكتبوا زي ناس المباحث.
|
Post: #12
Title: Re: حمور زيادة ... باحث ... ام بتاع مباحث ...؟؟؟
Author: عمر صديق
Date: 10-30-2008, 02:33 PM
Parent: #11
الاخ عمر عثمان
لااظن ان الفرق كبير بين الباحثو بتاع المباحث
ارجو ان يجد الاخ حمور مكانا في مؤسسات البحث في بلادنا فهو صاحب قدرات فائقة وقدرة علي التحليل
ويا حمور طلب
نرجو ان تكتب لنا تحليل عن الوضع السياسي بالسودان بذات المنهجيةالتي تتبعها لو سمحت ظروفك
|
Post: #13
Title: Re: حمور زيادة ... باحث ... ام بتاع مباحث ...؟؟؟
Author: حمور زيادة
Date: 10-30-2008, 02:45 PM
Parent: #12
الاخوه :
امبده
روزمين
البيلي
التريكي
شمايل
عمر الصديق
شكرا لكم لجميل الثناء ..
جعلني الله عند حسن ظنكم
اخي عمر عثمان .. لك الشكر ثانية لكن ارجوك دع هذا البوست يهبط و يموت .. مدح الناس قطع لرقابهم .. ارجوك
ـــــــــــــــــــــ
اعتذر ان فهمت من اشارتي للاتحادي الديموقراطي شئ غير الذي قصدته انا .. مقصدي ان الاسم معروف في الحزب
|
Post: #14
Title: Re: حمور زيادة ... باحث ... ام بتاع مباحث ...؟؟؟
Author: عمر صديق
Date: 10-30-2008, 06:39 PM
Parent: #13
| Quote: لك الشكر ثانية لكن ارجوك دع هذا البوست يهبط و يموت .. مدح الناس قطع لرقابهم .. ارجوك |
الاخ حمور شكرا لتواضعك واصالتك
ولكن لانوافق ان يموت بوست كهذا وهنالك بوستات ترفع وتصيب كل من يقرأها بالغثيان
ما ورد ليس لقصم ظهرك ولكن للتبشير والمطالبة بالكتابة النظيفة التي تعجب الخصوم والاصدقاء علي السواء
ولابد من رفع البوست حتي تزداد الكتابات التي تضيف الينا جديد في المعارف والفكر والحوار
|
|