|
Re: لاقيت ليكم بكري ابو بكر ... !!! (Re: حمور زيادة)
|
يوم جمعة لا يختلف عن اي جمعة أخرى و للجمعة في نفسي مكانة خاصة تحمل ذكريات المدرسة هل تذكر جرس الحصة الاخيرة يوم الخميس ؟ و الاحساس ان غدا يوم مختلف ؟ لا مدرسة لا طابور صباح لا تسميع لا استاذ يراقبك لا طالب اكبر منك سناً ينتزع فطورك و يجري في الحوش و هو يضحك تاركك للتردد بين الجوع او المخاطرة بخوض معركة فاشلة و لا امال في التظاهر انك رائع امام بنات المدرسة المجاورة الجمعة مشاهدة التلفاز برنامج المصارعة و عالم البحار مع جاك كوستو جنة الاطفال مسلسل الكرتون الدافوري قبل الافطار و ربما تكون محظوظاً فيسمح لك والدك بركوب العجلة في شارع الظلط بعد الصلاة انها الجمعة الحبيبة
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
يرن هاتفي بنغمة موسيقية .. أمد يدي اتناوله و اقرأ على شاشته اسم المتصل تكنلوجيا عجيبة هي تلك جهاز صغير في حجم علبة السجائر لا يرتبط بأي سلك و يقولون انه هاتف الهواتف التي رأيناها كانت يوداء لها مهابة و دائما ما هي صامتة لأن الحرارة غائبة لكن هواتف هذا الزمن صغيرة الحجم زاهية الالوان و دائمة الرنين و هي تخبرك ايضا بالمتصل قبل ان تسمع صوته و هي تكنلوجيا تعفيك من فتح الخط و الصمت حتى تسمع صوت المتحدث ثم تقرر انك لا تريده فتصدر اصوات الخشخشة و البرطمة موحيا ان الخط سئ ثم تنزع الفيشه ليغيب هاتفك في غيبوبة انعدام الحرارة على الشاشة اقرأ اسم شيخ بورداب الخرطوم العوض المسلمي هذا الرجل ملك العلاقات الاجتماعية لا شك انه يتصل ليهنيني بالجمعة
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
ارد على العوض المسلمي مرحباً يسألني هل انت في المنزل ؟ ارد بالايجاب فيقول لي بصوته المستبشر : انا عند بكري ابو بكر .. اجهز حاجي اجيبك ألم أقل لكم انه ملك العلاقات الاجتماعية ؟ منذ يومين اخبرني انه سيزور بكري فقلت له استأذن لي في زيارته ثم نسيت الامر كعهدي دائما لكن العوض لا ينسى انه مولع بحب الناس و التواصل جزاه الله خيرا
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
من متابعتي القليلة لما يحدث في البورد كونت فكرة عن هذا البكري ابو بكر انه يحب ان يلعب دورا الهيا كشأن ارباب الاولمب لا شك انه مولع بزيوس و جوبيتر و غيرهم من الهراء الذي آمن به الاغريق و الرومان حيث كانت الالهة تجلس هلى قمم الجبال و تتسلى بمتابعة البشر و هي الهة تعشق و تحسد و تسرق و تغتصب و تخطف النساء لم يكن الهة الاغريق رفيعوا الاخلاق كما انهم ( الالهة لا الاغريق ) يحبون اكل اللحم و امعاء الذبائح و يشربون الخمر و يتطوحون كأي سكير ماسبق ثرثرة عن الالهة لا اقصد تشبيه صورة بكري في ذهني بها ما كان في ذهني هو ان بكري يلعب دورا كشأن هذه الالهة فيجلس على قمة جبل يتابع منه البشر الذين هم نحن و يتدخل كالهة الاولمب الذين لم يكن من الضروري ان يكون تدخلهم هذا صائباً فلتقطع ذراعي ان لم اجد بكري ابو بكر هذا يضع تمثالا ضخما لزيوس في صدر صالون منزله اني ذكائي لا يخطئ في شئ كهذا
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
تأمل معي منبر بكري هذا تخرج مظاهرة من الناس كخروج الاغريق الى معبد دلفي يحملون المسوح و المباخر كدراويش الموالد و ينشدون : يا بكري فلان على بابك يا بكري شوف احبابك و يتمدد بوست المطالبة بالعضوية و التوسل الى صاحب الحوش .. صفحة .. فصفحتين .. فربما ثلاثة و تكاد ترى في زحام المنشدين عضوا يلبس الاخضر و على صدره مسبحة الفية و هو يردد " حيييي " ثم .. ثم يأتي بوست الحمد بعد بوست الدعاء لقد استجاب زيوس .. عفوا اقصد بكري .. الدعاء اخيرا فلان بيننا
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
او خذ عندك المشهد التالي .. فجأة يصرخ الصارخ .. لقد اختطفت التياتين فلانة و التياتين عند الاغريق كائنات اسطورية من تلك الكائنات التي كانت الارض تزخر بها قديما .. لقد كان العالم عامرا بالوحوش في ذلك الزمن و التياتين المقصودين هنا الهكر كلمة مرور احد الاعضاء لا تعمل و هو ما اصطلح امجد فريد على تسميته في حالة ايزابيلا بـ " فلان في الاسر " .. و هي كلمة معبرة .. خصوصا في حالة ايزابيلا .. فقد كان وحوش الاساطير مولعين باختطاف الفتيات الجميلات .. انظر الى الف ليلة و ليلة .. ستجد لهؤلاء الوحوش ذوقاً رائعا كاي دونجوان محترف نخرج كلنا داعين مهللين يا بكري فك كرب فلان يا بكري فك اسر فلان و هي حالة تسليم تامة بالعجز من منا يستطيع ان يفعل كماري جيرجس فيحمل سيفه و يخرج لقتال التنين ؟ لا حل الا الدعاء و كما يحدث في اساطير الاغريق ينهض زيوس غاضبا يأمر فولكانو الذي هو حداد الالهة في الاساطير بلا اي مبالغة فيصنع له سيفا جديدا ثم يقفز من قمة الاولمب و يقاتل التياتين و يعود بالاسيره ترى هل يحتفظ بكري بتمثال لفولكانو هذا جوار تمثال زيوس ؟ سيكون في هذا شئ من المبالغة
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
أتاني - مشكورا - الزميل محمد صباحي و أقلني الى منزل بكري الذي يفصله عن منزلي شارع اسفلت فرعي بيت ابيض ضخم ألم اقل لكم ان هذا الرجل مولع بزيوس ؟ لا شك انه سيلتقيني في السطوح ليترك لدي احساس قمة الاولمب على كل حال لن اخلع حذاءي على باب حجرته لو طلب مني صباحي هذا فسيكون ردي قاسياً ادخل المنزل خلف صباحي يفتح بابا فادلف الى صالة واسعة المح مجموعة من الناس انا هنا سألتقي بكري ابو بكر انها اللحظة
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
من هذا الشخص الذي نهض مرحبا بي ؟؟ لقد قفز من كرسيه و تقدم نحوي باكثر مما تقدمت نحوه هاشا باشا على وجهه اجمل ابتسامة ترحيب يمكن ان تتخيلها لقد قتل هذا الرجل كل توقعاتي من المستحيل ان يكون لديه تمثالا لزيوس يا لخيبة الامل كانت توقعاتي تبدوا جميلة
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
أول انطباع يتركه لديك بكري ابو بكر هو انك اهم شخص لديه انه مغرم بك منذ الازل بل ربما كان يتلوى بشوقك ليلا .. و يعوي في الصحارى من وجع فراقك و هو لا يفعل ذلك بالاسلوب المتزلف اللذج الذي تعرف معه ان هذا الشخص منافق كاذب يستحق الحرق في جهنم كلا .. بكري يبادرك بود الاشخاص الأليفين حتى تخشى على مشاعره حين فراقه ان كان هذا استقباله فلا شك انه سيقضي لحظات سوداء حين تخبره انك لابد ان تذهب الى منزلك
| |
|
|
|
|
|
|
Re: لاقيت ليكم بكري ابو بكر ... !!! (Re: osman righeem)
|
الشقيق عثمان .. يا لحظك .. منيف منذ الصباح ؟ و في مدن الملح ؟ تعلم انهااختيرت من روايات القرن المئة كما موسم هجرة طيبنا الصالح الى الشمال هنيئا لك
ـــــــــــ يا شقيق الناس فيها شئ لله .. انا يكون فيني شئ من مدن الملح و الكوني ؟ سبحان الله
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
يحمل بكري صلعته الشهيرة تلك الصلعة التي نعرفها و يعرفها طبعا الهكر كما تذكرون احب ان انوه هنا ان الصلعة ليست عيبا قط و ان على الاخ الهكر مراجعة موقفه من السباب بالصلعة اما سبب موقفي هذا فيعلمه الزملاء الذين التقيتهم .. فصورتي هنا كما قال شول تخفي بعض اشياء
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
بابتسامته المشرقه التي توشك ان تلتهم وجهه يقودني بكري الى المجلس الذي ضم بعض ضيوف و اثنين من البورداب العوض المسلمي و عبد الوهاب علي الحاج اسلم على الجلوس ثم اتخذ مجلسي .. يدور الحديث التقليدي .. - حمد لله على السلامة - الله يسلمك ياخ - نورت البلد - منوره بيكم ياخ - الله يخليك - الله يسلمك هذا البكري يبدو ثرثارا على غير ما توقعت
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
اتأمل بكري و قد شغله مني عبد الوهاب يذكرني بكري - باسلوبه لا بملامحه - بشخص ما انه مألوف لدرجه كبيرة اسرح محاولا التذكر ان بكري فيه شئ مألوف لنا جميعا شئ لم تنجح الصورة المقطبة المنذرة بالويل و الحذف التي يضعها هنا ان توصله نعم نعم عرفت بمن يذكرني بكري
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
هل تعرف ود الحلة الهميم ؟ ذلك الذي يبدأ يومه بعد ان تتوسط الشمس السماء فيخرج الى الحلة بشعره المنكوش و فرشة الاسنان في فمه يستاك و يبصق تحت شجرة دقن الباشا ذلك الشاب الذي يقود ركشة خالتي عواطف لاسبوع مساعدة لها لأنها ارملة تسعى على ايتام و يحمل الصواني في دعوة الغداء لدى حاج ابراهيم بمناسبة عودته من الحج و لا بأس ان ينتظر هناية ابنة الجيران و هي عائدة من الجامعة ليتبادل معها حديثا سريعا قرب العمود في رأس الشارع طبعا يفعل ذلك لأنه يحب هناية .. اظن هذا واضحاً .. بكري يحمل طابع ابن الحلة التقليدي بشكل لافت للنظر
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
لو التقيت بكري ابو بكر في أي مكان و قدمه لي شخص على أنه مالك موقع سودانيز اون لاين لكذبته بلا تردد بكري يبدو لي و هو يضحك بلا تحفظ و يحرك يديه في .. في .. في تمغي عفوا على الكلمة لكن لا اجد لفظة تعبر عن التمغي الا لفظةالتمغي بكري يتمغى و هو يحرك يديه اسلوبه و حركاته اشبه بموظف بوزارة الزراعة ذلك الموظف القابع في مكتب بعد لا يكاد يتعامل مع الجمهور و لا يكاد يعمل اي شئ هو فقط يأتي للمكتب كي لا يفوقته يوم الصرفيه هل تعرف ذلك الموظف الذي يجلس خلف مكتب الحديد الرمادي و امامه عشرات الفايلات المتربه يبرز منها اوراق مهترئة الاطراف و هو يقضي يومه في سف السعوط و شرب الشاي الاسود الثقيل الذي يبقى تفله في قاع الكوب لكن من المستحيل ان يكون لهذا الرجل علاقة بالانترنت
| |
|
|
|
|
|
|
Re: لاقيت ليكم بكري ابو بكر ... !!! (Re: osman righeem)
|
حمور صباح النور على البلور
Quote: و عالم البحار مع جاك كوستو جنة الاطفال |
ياخ انت قديم خلاص منجد ما قال لي انت دفعتنا
والتحية عبرك لي بكري اب صلعة
وللراجل الفاضل الحاج العوض ابو صلعة
ولك انت ايضا يا دفعة يا اب صلعة
والحمد لله ما ختينا صورة سخسية كان لحقنا الطابور اب صلعة ده
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
لو كان هناك من يتابع هذا البوست فاني اعتذر اني ساتوقف قليلاً .. انها الجمعة .. لابد ان يكون لديك عدة اشياء لتفعلها في نهار الجمعة لا ادري ماذا ينبغي ان افعل بالضبط لكني لن اكون السوداني الوحيد الذي ليس لديه تلك الاشياء المهمة التي يفعلها نهار الجمعة لذلك ساتوقف قليلا محاولا اكتشاف ما ينبغي ان افعله ان كان البوست قد اعجب احدكم فانصحه ان يسلي نفسه بقضم اضافر يده او قطع شرايين معصمه على سبيل تزجية الوقت حتى اعود
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
حممر يا شاب سلام
Quote: لا ادري ماذا ينبغي ان افعل بالضبط لكني لن اكون السوداني الوحيد الذي ليس لديه تلك الاشياء المهمة التي يفعلها نهار الجمعة لذلك ساتوقف قليلا محاولا اكتشاف ما ينبغي ان افعله |
ياشاب انت ناسي برنامج قندهار ولا بعت القضيه
| |
|
|
|
|
|
|
Re: لاقيت ليكم بكري ابو بكر ... !!! (Re: ناذر محمد الخليفة)
|
ابو النيز ..
Quote: لكن ذاكرتك ماا رهييييييييييييييييبة
حمور طبعا جديد وما فهم قصدك |
حمور جديد لكن انتو بتريحو ؟ تخمو تجيبو في كوتات 2005 و تورونا نحن الاولاد الصغار الكلام الما حضرناو المشكلة انو الكلام بالهندي .. فهمات صعوبات كتير واجد فيهكي لكن امورتاج تمشيكي
طلعت ذاكرتك انت الما رهيبة
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
ذكرتنى بايام الجمعية الادبية ياحمور قبل ان نتطلق منها بالثلاثة وقبل ان نعيش بعدها ك(مواطنين عاديين ) غايتو بطيبة بكرى و(التمغى ) القلته ده ...ان يوم ودوا بكرى التشليح الالى .... هو ونوابه ناس المسلمى (الافاطل) (جمع تكسير لافلاطون ولسيد الحوش بكرى ) يانا الحارسينهم هناك ...
متابعين واصل ...
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
Quote: أول انطباع يتركه لديك بكري ابو بكر هو انك اهم شخص لديه انه مغرم بك منذ الازل بل ربما كان يتلوى بشوقك ليلا .. و يعوي في الصحارى من وجع فراقك و هو لا يفعل ذلك بالاسلوب المتزلف اللذج الذي تعرف معه ان هذا الشخص منافق كاذب يستحق الحرق في جهنم كلا .. بكري يبادرك بود الاشخاص الأليفين حتى تخشى على مشاعره حين فراقه ان كان هذا استقباله فلا شك انه سيقضي لحظات سوداء حين تخبره انك لابد ان تذهب الى منزلك |
وصف ممتاز لحالة مر بها كل من التقاه تقريبا تعرف ياحمور عمنا الطيب صالح اشار للحالة دي في احدي كتاباته بانها ثقافة الشعب الامريكي عموما انا هنا لا ادعي ان بكري امريكي او انه اكتسب هذه العادات في سنوات مكوثه بينهم ولكن نفس الابتسامة البسيطة والتعامل العفوي بدون تكلف.. بدون افتعال طبع حقيقي بعيد عن الزيف (كسير تلج من أمو) .. تاني لاحظت حاجة ما بنسي اسم زول خاااااالص
لي قدام يازول يابحر
| |
|
|
|
|
|
|
Re: لاقيت ليكم بكري ابو بكر ... !!! (Re: sami Alzubair)
|
سامي يا ود الزبير ..
Quote: تعرف ياحمور عمنا الطيب صالح اشار للحالة دي في احدي كتاباته بانها ثقافة الشعب الامريكي عموما انا هنا لا ادعي ان بكري امريكي او انه اكتسب هذه العادات في سنوات مكوثه بينهم ولكن نفس الابتسامة البسيطة والتعامل العفوي |
تعرف انا ناوي اجي اتكلم غالبا عن حتة طبع الخواجات ده اصبر حبببه بوريك رأيي فيو
Quote: الابتسامة البسيطة والتعامل العفوي بدون تكلف.. بدون افتعال طبع حقيقي بعيد عن الزيف (كسير تلج من أمو) |
لو سمحت امشي كسر تلجك ده في مسطبه/بوست تانيه ما تلخبت تلجنا مع بعض تقوم القصة تبوظ ياخ
| |
|
|
|
|
|
|
Re: لاقيت ليكم بكري ابو بكر ... !!! (Re: ALazhary2)
|
Quote: ان كان البوست قد اعجب احدكم فانصحه ان يسلي نفسه بقضم اضافر يده او قطع شرايين معصمه على سبيل تزجية الوقت حتى اعود |
اضرع يا حمور.. منتظرنك
Quote: كتابتك جميلة وسلسلة ولذيذة وحلوة ومحببة وودودة وطيبة وتطرب ولا تمل |
بس ما تشرنا.. كل سنة وانت طيب
| |
|
|
|
|
|
|
Re: لاقيت ليكم بكري ابو بكر ... !!! (Re: ALazhary2)
|
الأزهري 2 .. رفيق الطموح و التوسلات الى بكري
Quote: ياخي كتابتك جميلة وسلسلة ولذيذة وحلوة ومحببة وودودة وطيبة وتطرب ولا تمل |
و صديقة للبيئة ؟ شكرا ليك
Quote: وبمناسبة معراجك لي بكري (أبو تفة) إن شاء الله ماينساك ويديك مكتبة وكان اداك مكتبة عليك الله ذكره يديني مكتبة |
طبعا يا ازهري البوست ده ما عندو اي علاقة باي حاجة تانية خالص و لا بكسر لبكري تلج عشان مكتبة و لا شي لكن بس عشان البيقروا البوست يفهموا انت قصدك شنو انا مضطر اني اخت ليهم رابط
لعناية بكري أبو بكر ..أتسول من جنابكم مكتبة
بس عشان اوضح بيو كلامك ما اكتر و لو بكري ابو بكر قرا البوست ده بالصدفة و الشمار خلاهو دخل الرابط ده بالصدفة فقرر فجأة انو يعمل لي مكتبة بالصدفة فده ما معناهو اي شي دي مجرد صدف ساي ياخ
انصحك تفتح بوست اسمو " قريت ليكم عن بكري ابو بكر " احتمال ينفع
| |
|
|
|
|
|
|
Re: لاقيت ليكم بكري ابو بكر ... !!! (Re: ناذر محمد الخليفة)
|
ابو النيز ..
شكرا ليك لقيتك مبالغة .. ما نسيت بعد اليوم الحافل ده ؟
ـــــــــ طبعا الناس حيستغربوا في المداخله الشترا دي و حيقولو الزول ضرب البتاعات في قندهار و جا يطربق في البورد
الله يرجع لينا المسينجر يحلنا من البث المباشر ده .. و لو رجع المسينجر يرجع لينا دكتورة بيان برضو
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
Quote: لاقيت ليكم بكري ابو بكر |
تصدق نحن برضو وعاجبنا فيه شعرو الغزير الحرير لما النسمه تداعبو وتهفهفوا... وعاجبانا الوجنات الفى راسو والمسماة جدلا جلحات يعيش بكرى ونموت نحن.. علينا جاى نشد سراير الحديد نكسر طلح نكسر تلج،،،
| |
|
|
|
|
|
|
Re: لاقيت ليكم بكري ابو بكر ... !!! (Re: صديق الموج)
|
صديق الموج ..
Quote: تصدق نحن برضو وعاجبنا فيه شعرو الغزير الحرير لما النسمه تداعبو وتهفهفوا... وعاجبانا الوجنات الفى راسو والمسماة جدلا جلحات |
متأكد انوده بكري ابو بكر ؟ يكون قصدك بكري الخير بالوصف ده
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
أسلوبك في الكتابة ذكرني بأسلوب د. رفعت إسماعيل في (ما وراء الطبيعة) السخرية المحببة و السلاسة و التشويق و اختيار مفردات غير مألوفة للتعبير عن أجواء مألوفة .............. .................................... ...... ....................... ............... // ......................... ..............................
..... .................. ............................. حمور ما تصدق.. دي ما أنا الكتبتا الكلام الفوق...دة الهكر غايتو الزول العندو جمعة ما عارف يعمل فيها شنو يحسدوهو عدييييييييييييل.. (حُوسّودوت)
نعوم حبيبتي:شوفي ليكي أقرب يعقوب (@يسلّفك) باسوورده ------------- @عشان ما يجي زول من أعداء النجاح يقول لي إنتي يعقوب ما سلّفك باسوورده بل سطيتي عليه
| |
|
|
|
|
|
|
Re: لاقيت ليكم بكري ابو بكر ... !!! (Re: lana mahdi)
|
الاميرة لنا مهدي ( بين قوسين الاميرة ديييك الهرشتيني ما اقولا )
Quote: أسلوبك في الكتابة ذكرني بأسلوب د. رفعت إسماعيل في (ما وراء الطبيعة) السخرية المحببة و السلاسة و التشويق و اختيار مفردات غير مألوفة للتعبير عن أجواء مألوفة |
بالجد ده اكبر مدح اتلقاو .. شكرا شديد لأنك فرحتيني .. اسلوب رفعت او د.احمد جميل شيق و سعدت ان تري في اسلوبي ما يذكرك به هاك دي هدية الكلام الحلو القلتيو لي
أسطورتي .. يحكيها لكم د.رفعت اسماعيل
Quote: حمور ما تصدق.. دي ما أنا الكتبتا الكلام الفوق...دة الهكر |
طالما ما رديتي لي بهناك يبقى في احتمال كبير انك الهكر
Quote: غايتو الزول العندو جمعة ما عارف يعمل فيها شنو يحسدوهو عدييييييييييييل.. |
سبحان الله ..يعني كنتي عاوزاني اكون بعمل في شنو ؟ انكت المطبخ ؟
انعام رجعت نحن كمان بنخلي الزي انعام تطول في الاسر ؟ كف نف نجيبو حي
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
Quote: هذا البوست مهدى الى الزميلة انعام حيمورة فك الله أسرها من قيد الهكر |
شكرا ليك يا حمور ...
واستمتعت جدا بالسرد وعجبتي الحتة بتاع (اسرار البحار) لانو كنا بننتظرها يوم الجمعة بفارغ الصبر ...
حمور انت كتاااااب
| |
|
|
|
|
|
|
Re: لاقيت ليكم بكري ابو بكر ... !!! (Re: انعام حيمورة)
|
انعام حيمورة .. بركة الجيتي بالسلامة
Quote: واستمتعت جدا بالسرد وعجبتي الحتة بتاع (اسرار البحار) لانو كنا بننتظرها يوم الجمعة بفارغ الصبر |
الجمعة كان معناها برنامج المصارعة و جاك كوستو كان زمن مميز بالجد .. للاسف مرقنا منو و ما دخلنا في زمن تاني
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
Quote: و ربما اكتب " سمعت ليكم صوت ناهد بشير " |
عاد الكتابة دى حتكون مورورة بستناها بفارغ الصبر خلاص اختم هنا مع بكرى كفاه على كده ....قبل على اختك....
____________________________
كدى ماتوفى بالوعد...
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
حمور زيادة
سلام
ياخ كلامك حلو و سلس لكن كدة انت كشفت بكري و تاني ما في زول بخاف منه ياخ بس مالك علينا، نحن الزراعيين و من لف لفنا؟ ليه تقول فينا كدة ياخ
Quote: اسلوبه و حركاته اشبه بموظف بوزارة الزراعة ذلك الموظف القابع في مكتب بعد لا يكاد يتعامل مع الجمهور و لا يكاد يعمل اي شئ |
عشان كلامك دا انا بطالب بكري انه يديك مكتبة و يدفعك بريميم- يعني اعلى سعر. ما في مجاني!!!
| |
|
|
|
|
|
|
Re: لاقيت ليكم بكري ابو بكر ... !!! (Re: عمر صديق)
|
عمر صديق ..
Quote: ياخ كيف تقول لاقيت لينا بكري ويوم عيزومة بيتو البورداب كانو بوصفو بيت بكري عن طريق بيت حمور |
ما انا انتظرت اسبوع كامل انو بكري يكتب بوست يقول " لاقيت ليكم حمور زيادة " لكن لقيتو عمل رايح فقلت احرجو و كده
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
Quote: كمان عمو العوض شيخ بورداب الخرطوم جلسه مليئة بالعمالقة و الناس المهمة ما عارف انا زاتي الحشرني في نصهم شنو |
والله مافي عملاق الا انت يا حمور ,,,
بالجد شخص تستحق التقدير ,,,
واصل منتظرنك نشوف كنا بنعمل في شنو بعيونك ,,,,
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
حمور زياده يازول يا طيبان انت اوع تصدق بكري ده زي آل الميرغني وآل المهدي يعملوا طيبين وهم (حكومة آوي)
ضحكتني موت بحكاية اسرار البحار وجاك كوستو؟؟ يا شباب انت من ياتو جيل؟؟؟ فاكراك و الله من ناس الاهليه والركشات الحديثه دي تطلع من زمن كوستو؟؟؟
Quote: حمور صباح النور على البلور
Quote: و عالم البحار مع جاك كوستو جنة الاطفال
ياخ انت قديم خلاص منجد ما قال لي انت دفعتنا
والتحية عبرك لي بكري اب صلعة
وللراجل الفاضل الحاج العوض ابو صلعة
ولك انت ايضا يا دفعة يا اب صلعة
والحمد لله ما ختينا صورة سخسية كان لحقنا الطابور اب صلعة ده |
ويازول انت لو من زمن كستو اوع تقولا للعوض المسلمي يا عمو؟؟؟ وحياتكم العوض ده اصغر مننا كلنا بس مضيع شبابه ساي
العوض دع اصغر من ناذر الخليفه اللسه بيلبس في فنايل الشفع والوان الغريبه وعجيبه
السطرين الآخيرات عارفهك حيفقعوا مرارة ناذر
| |
|
|
|
|
|
|
Re: لاقيت ليكم بكري ابو بكر ... !!! (Re: Tragie Mustafa)
|
تراجي سلام
كيفك والاسره ؟
Quote: ضحكتني موت بحكاية اسرار البحار وجاك كوستو؟؟ يا شباب انت من ياتو جيل؟؟؟ فاكراك و الله من ناس الاهليه والركشات الحديثه دي تطلع من زمن كوستو؟؟؟ |
Quote: ويازول انت لو من زمن كستو اوع تقولا للعوض المسلمي يا عمو؟؟؟ |
كلمته بس هو راسه قوي
Quote: وحياتكم العوض ده اصغر مننا كلنا بس مضيع شبابه ساي |
عارفه يا تراجي اول اوصف ليك حمور ده ,, زول طويييييييييل وعنده صلعه ,,,
ورقيق في كتاباته وجسده ايضا ,,,
شكرا تراجي علي رفع الروح المعنويه للعوض ,,,,
ويا حمور كلم شمائل بكلام تراجي ده سمح؟
| |
|
|
|
|
|
|
Re: لاقيت ليكم بكري ابو بكر ... !!! (Re: Tragie Mustafa)
|
السيدة تراجي .. كيفنك
Quote: حمور زياده يازول يا طيبان انت اوع تصدق بكري ده زي آل الميرغني وآل المهدي
|
دي شهادة قوية جدا من تراجي يا جماعة انو انا زول طيب .. تاني مافي زول يقول غير كده لكن يا تراجي ما تتكلمي في ناس سيدي علي ديل و الله السيد علي ينبشك يا زوله و الما مؤمن بالمهدي قالوا دموا حلال اعملي حسابك هووووي
Quote: فاكراك و الله من ناس الاهليه والركشات الحديثه دي تطلع من زمن كوستو؟؟؟
|
يا تراجي ياخ انا ماكل خرفين .. ليه يعني الحقد ده ؟
شكرا لمرورك
| |
|
|
|
|
|
|
Re: لاقيت ليكم بكري ابو بكر ... !!! (Re: Badreldin Ahmed Musa)
|
بدر الدين احمد ..
Quote: لكن كدة انت كشفت بكري و تاني ما في زول بخاف منه ياخ
|
انت نسيت انو ناس البورد ديل في الطبيعة شي و ورا الكيبورد شي تاني ؟ اها بكري ده ما بيعضي لكن بيوقف و المثل قال : البيوقف من غير ما يتكلم كتير خافو
بعدين ياخ انا قلت موظف في وزارة الزراعة ما قلت زراعي عادي ممكن يكون خريج ثانوي و شغال في الوزارة لكن ما وريتنا من لف لفكم ديل منو ؟ الخدرجيه بتوع السوق المركزي يعني ؟
| |
|
|
|
|
|
|
Re: لاقيت ليكم بكري ابو بكر ... !!! (Re: الطاهر عثمان)
|
حمور
Quote: و كمان عمو العوض شيخ بورداب الخرطوم جلسه مليئة بالعمالقة و الناس المهمة ما عارف انا زاتي الحشرني في نصهم شنو |
التحية للأخ العوض المسلمي زعيم بورداب الخرطوم و الذي عرفته من خلال كتاباته و من خلال حديث الأخوان بدر الدين اسحاق و وهبة عنه..أتمنى ان التقيه.
| |
|
|
|
|
|
|
Re: لاقيت ليكم بكري ابو بكر ... !!! (Re: معتصم محمد صالح)
|
Quote: اسلوبه و حركاته اشبه بموظف بوزارة الزراعة |
حمـور ... ماكنت ماشي كوييييس ياخ مالك بقيت بتتلولو ... مالهم بتاعين وزارة الزراعة ؟ عيبهم لي ؟ غايتو عالم تمحن ياخ ...... يازول تاني أوعك تمشي تاكل طماطم وخضارات في قندهار ... مش برضه من الزراعة ؟ كده تاااني أمشي بس .....
حيرتونا زااااتو ... تاكلوا تسالينا وتسيئوا لي أسامينا ....
حيمور واصل فسردك جميل ... ( بس من غير حكاية الموظفين ديل ياخ ... رأس السوط لحقناوكده )
| |
|
|
|
|
|
|
Re: لاقيت ليكم بكري ابو بكر ... !!! (Re: جعفر محي الدين)
|
جعفر محي الدين ..
Quote: يا حليل جمع زمان عالم البحار والدوري الألماني |
الدوري الالماني ده حق العجايز نحن كنا ناس تلماتش سااااي ذكرتني سؤال جميل ليه زمان التلفزيون نصو مواد المانية ؟ الدوري الالماني تليماتش زيو ون ( المجلة العلمية ) حاجه غريبة فعلا
| |
|
|
|
|
|
|
Re: لاقيت ليكم بكري ابو بكر ... !!! (Re: عماد محمود علي)
|
عماد محمود ..
Quote: حيرتونا زااااتو ... تاكلوا تسالينا وتسيئوا لي أسامينا .... |
انتو يا ناس الزراعة بكري ده طلع شتيمة وله شنو ؟ مالكم ناكرنو قدر ده ؟ ياخ خلاص موظف في الحياة البرية هسه تجيني غزالة تقول لي ليه الحياة البرية
| |
|
|
|
|
|
|
Re: لاقيت ليكم بكري ابو بكر ... !!! (Re: حمور زيادة)
|
Quote: انتو يا ناس الزراعة بكري ده طلع شتيمة وله شنو ؟ مالكم ناكرنو قدر ده |
حمور ياخي نحن ما محتجين على بكري ولا غيره .. نحن محتجين على كلامك التحته خط ده :
Quote: اسلوبه و حركاته اشبه بموظف بوزارة الزراعة ذلك الموظف القابع في مكتب بعد لا يكاد يتعامل مع الجمهور و لا يكاد يعمل اي شئ هو فقط يأتي للمكتب كي لا يفوقته يوم الصرفيه |
يعني نحن قاعدين ناخذ مرتبات ساااااكت ، لا شغل ولا مشغله .. ياخي كده ح تفور الجماعة ديك بي هناك ... ( دي أسال منها ود الصائم ) ... وخلاص ....
| |
|
|
|
|
|
|
Re: لاقيت ليكم بكري ابو بكر ... !!! (Re: محمد يوسف الزين)
|
محمد يوسف ..
Quote: حمور في كتابتك حاجة من د.احمد خالد توفيق
على سبيل التحية بالمناسبة |
هذا مدح شديد ولي الفخر .. تعرف .. اكرمني ربي اني لاقيت الراجل الرايع ده مرتين كل مره اقول امشي عليو اسلم و اقول ليو ياخ انا بحبك و الناس بيقولو نفسنا واحد في الكتابة .. لكن شدة الحب و الرهبة تخليني قاعد اعاين ليو لامن يمشي
شمار سريع .. الرجل متحدث بارع كما هو كاتب رهيب .. عيبو بس ضحكتو شيييييييينه
| |
|
|
|
|
|
|
|