Post: #1
Title: عارفك وديع و رزين.. و أجمل ملاااك في الكون..!
Author: محمد عثمان
Date: 08-16-2007, 06:41 AM
يا غاية الاّماال
لو دعاك الشوق
ما كان جفيتنا زماان
و إنت الحناان و الذوق
في عالم الأشوااق
لو مرا عشت معااي
بي لهفة العشااق
حسّيت معاني هوااى ...
كان يا جميل حبّيت
و ردّدت لحن غناي
و سقيتني كاس الريد
و عادت ليااالي هناي
ورّيني ليه بتخااف
و تكتم عواطفك ليه؟
وحبّك مع الأيّااام
من قلبي ليك بحكيه
و تبخل علي بلقااك
و عطفك دوام تخفيه؟
و عطفك أنا القدّرته
و عشت السنين راجيه
عارفك وديع و رزين..
و أجمل ملاااك في الكون
و عارف عفااافك فطره..
لكن حنانك وين؟
ما بصح و إنت قريب..
يكوينا جمر البين
ما دام قلوبنا اتلاقو..
و أرواحنا قالت زين
|
Post: #2
Title: Re: عارفك وديع و رزين.. و أجمل ملاااك في الكون..!
Author: أبو ساندرا
Date: 08-16-2007, 09:10 AM
Parent: #1
ياسلام عليك يا محمد عثمان يازول يا راقي ياسليم الذوق
أعدتني بهذه الأغنية إلى فترة خصبة في مطالع الثمانينات
كانت مفعمة بالحب والمشاعر الجميلة
كنت وصديقي شقيق الروح رؤوف جميل ، زميلنا في البورد
والذي أتمنى أن يطالع هذا البوست ويسمع ويبكي
كان يغنيها بصوت شجيء مليانة بالحنين
ودموعه تفيض
ودموعي
|
Post: #10
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 08:24 AM
Parent: #2
Quote: ياسلام عليك يا محمد عثمان يازول يا راقي ياسليم الذوق
أعدتني بهذه الأغنية إلى فترة خصبة في مطالع الثمانينات
كانت مفعمة بالحب والمشاعر الجميلة
كنت وصديقي شقيق الروح رؤوف جميل ، زميلنا في البورد
والذي أتمنى أن يطالع هذا البوست ويسمع ويبكي
كان يغنيها بصوت شجيء مليانة بالحنين
ودموعه تفيض
ودموعي |
ابو سااندرا الجميل..
الذهب لا يصدأ ابدا
و الاغنية شابكة معااى ليها كم يوم
و طبعا عوض احمد خليفة لا يكتب الا الغناء الجميل
و ربيع الدنيا و عشرة الاياام و فى بعدك ياا غالى
كلها من كلمات هذا الشااعر الرهيب..
و ابراهيم عوض ود الحاوى ثنائى خرافى للابدااع
كوم برااهو...
و ربنا يدينا الصبر..و يجيب لينا صااحبك هنااا...
تسلم....
|
Post: #3
Title: Re: عارفك وديع و رزين.. و أجمل ملاااك في الكون..!
Author: صديق حمدتو
Date: 08-16-2007, 10:17 AM
Parent: #1
الودود الأنيق الرقيق سليم الذوق محمد عثمان
الله يا يديك العافية ياخ وأختياراتك دائما تثير الأِشجان وتعود بنا لأيام ولحظات (أجمل) و(أقسى) ما يمكن أن توصف به أنها "لن تكرر مرة أخرى"
بس عشان ما تزعلني منك يلا شوف لينا لنك الحفظ
|
Post: #11
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 08:31 AM
Parent: #3
Quote: الودود الأنيق الرقيق سليم الذوق محمد عثمان
الله يا يديك العافية ياخ وأختياراتك دائما تثير الأِشجان وتعود بنا لأيام ولحظات (أجمل) و(أقسى) ما يمكن أن توصف به أنها "لن تكرر مرة أخرى"
بس عشان ما تزعلني منك يلا شوف لينا لنك الحفظ |
الحبيب صديق حمدتو...
احياانا لا نملك الا نهرب لهذا الزمن الجميل
لنعيش مع ذكريااات و لحظاات مضت علها تشفى
قليل من كثير..
المغفرة و الرحمة للفنان الذرى الذى لون حياتنا
و ساحاتنا بالكثير من الدرر المضئية و الخالدة
فى مكتبة الغناء السودانى..
و التحية للشاعر عوض احمد خليفة صاحب الكلم الجميل
و طبعا لا ننسى ود الحاوى و لهما الصحة و طول العمر..
شكرا كتير..و عهدناك دايما حااضرا فى واحة الطرب الاصيل..
يديك العاافية...
|
Post: #4
Title: Re: عارفك وديع و رزين.. و أجمل ملاااك في الكون..!
Author: طارق جبريل
Date: 08-16-2007, 10:20 AM
Parent: #1
محمد كيفنك
جقلبتة بينا ياخي
|
Post: #12
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 08:33 AM
Parent: #4
Quote: محمد كيفنك
جقلبتة بينا ياخي |
الحبيب طارق...
جقلبنا من قبلك و قلنا تشاركونا
ليه بس براانا...
تسلم ياا امير و شكرا للجقلبة..
يديك العاافية...
|
Post: #5
Title: Re: عارفك وديع و رزين.. و أجمل ملاااك في الكون..!
Author: Haytham Abdulaziz
Date: 08-16-2007, 09:14 PM
Parent: #1
Quote: في عالم الأشوااق
لو مرا عشت معااي
بي لهفة العشااق
حسّيت معاني هوااى ...
كان يا جميل حبّيت
و ردّدت لحن غناي
و سقيتني كاس الريد
و عادت ليااالي هناي
|
الله يديــك العــافيــة و يسكنك الصافية و البيت النـاصيــة ... يا ود عثمـان ياااخ .... برضو
شقيتني ياااخ .... تسلم يا عظمــة...
للحفظ
|
Post: #14
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 08:44 AM
Parent: #5
Quote: الله يديــك العــافيــة و يسكنك الصافية و البيت النـاصيــة ... يا ود عثمـان ياااخ .... برضو
شقيتني ياااخ .... تسلم يا عظمــة... |
الحبيب هيثم...
و انت الحنان و الشوق
و ما شقيتك انا...
شكرا ياا جميل..و كعهدنا بك حاضرا دايما
فى واحة الغناء الاصيل..
تسلم..
|
Post: #6
Title: Re: عارفك وديع و رزين.. و أجمل ملاااك في الكون..!
Author: Alsa7afa_30
Date: 08-16-2007, 11:27 PM
Parent: #1
في عالم الأشوااق
لو مرا عشت معااي
بي لهفة العشااق
حسّيت معاني هوااى
كان يا جميل حبّيت
و ردّدت لحن غناي
و سقيتني كاس الريد
و عادت ليالي هناي
.
.
.
.
.
كالعادة يا أبوحميد لا تأتي إلا بكل ما هو متميز ..
تحية و تقدير ..
|
Post: #16
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 03:08 PM
Parent: #6
Quote: كالعادة يا أبوحميد لا تأتي إلا بكل ما هو متميز ..
تحية و تقدير .. |
الصحاافة...
تسلم ياا صااحب الانغاام الجميلة
يديك العاافية...
|
Post: #7
Title: Re: عارفك وديع و رزين.. و أجمل ملاااك في الكون..!
Author: ناذر محمد الخليفة
Date: 08-16-2007, 11:34 PM
Parent: #1
|
Post: #17
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 03:10 PM
Parent: #7
العريس..نااذر
الف حمد لله بالسلاااامة
و شكرا للطلة الحلوة..
يديك العافية...
|
Post: #8
Title: Re: عارفك وديع و رزين.. و أجمل ملاااك في الكون..!
Author: Azhari Nurelhuda
Date: 08-17-2007, 00:49 AM
Parent: #1
الدويم بالليل
فاصل غنائي قبل نشرة التاسعة و النصف
مذيع الربط أحمد سليمان ضوالبيت
قدم هذه ألأغنية
برندة من الخشب و النملي في بيتنا في الحلة الفوق (الحي التامن حاليا)
تفتح فيها من الناحية الشرقية غرفة الضيوف و من الناحية الشمالية غرفة العم و الخال جبرالدار نورالهدى. على الناحية الغربية من باب غرفته تجلس تربيزة عتيقة وضع عليها راديو كهربائي أعتق. به ضوء أخضر يكبر و يصغر بمادة بيضاء تتوسطه تبعا لضربات إيقاع المامبو البديع والذي أولفت عليه هذه الأغنية يكسر رتابة هذا التكرار علو و خفوت صوت المغني البديع.
إلى الغرب من مكان الراديو باب و نافذة لغرفة أخري تفتح من الشمال للجنوب في هذه البرندة ثم غرب هذه الغرفة بوابة عريضة و مربعة تقود لغرفة وبرندة خاصة بالزعيمة الكبيرة حبوبة دريشة(مريم الهجرة).
طليت جدران هذه الغرف باللون اللبني الفاتح, و الأبواب و النوافذ و إطار البرندة الخشبي باللون الرمادي المشتق من اللبني و علقت على جدرانها صورة لعبدالناصر. و بلاط البرندة لونه أسود.
أضيئت هذه البرندة بلمبة نيون 9 قدم ثبتت من أعلي لأسفل على مستطيل خشبي يعلو باب البرندة. و هناك علي الزاوية الجنوبية الغربية و التي تعلو باب النسوان من الناحية الغربية للمنزل لمبة نيون أخري صغيرة تضئ الجزء الغربي من الحوش و الشارع. يتصاعد على أشعتها غبار و دخان لوري بابكر ود الدويحية و الذي عاد لتوه من يوم عمل شاق و تهدر صوت ماكينة اللوري بعد أن أطفأ نور مصابيحه لشحن بطاريته إستعدادا للدوار فجر اليوم الثاني.
تلك لحظات محنطة في ذاكرتي اسمعها و أراها و اشتمها و أستعيدها و تحيها في نفسي إستمعاعي لتسجيل الإذاعة لغاية الآمال لو دعاكي الشوق و صوت أبوخليل البديع.
|
Post: #18
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 06:31 PM
Parent: #8
| Quote: تلك لحظات محنطة في ذاكرتي اسمعها و أراها و اشتمها و أستعيدها و تحيها في نفسي إستمعاعي لتسجيل الإذاعة لغاية الآمال لو دعاكي الشوق و صوت أبوخليل البديع |
.
الاخ ازهرى...
و لكانى معك فى المكان و الزمان
وصف رهيب و ممتع ينقل كل التفااصيل الى
صورة حقيقية استطيع رؤيتها كما ذكرت...
هكذا هو الغناء الجميل دايما ما يستطيع نقلنا
الى اياام و ذكريااات تكون محفورة فى الخااطر
بكل تفااصيلها...
شكرا ليك كتير و انت تجعلنا نعيش معك فى جو
يا غااية الامااال لو دعاك الشوق...
تسلم كتير...
|
Post: #9
Title: Re: عارفك وديع و رزين.. و أجمل ملاااك في الكون..!
Author: hatim ibrahim
Date: 08-17-2007, 01:16 AM
Parent: #1
.
ينصر دينك يا محمد عثمان
ياخي ده الغنا البجقلب بأخوك
بيغير لي الزمان والمكان في لمح البصر
بياخدني من الرباط لحلفا الجديدة ..
وبياخدني من الزمن المكفهر ده
لسنوات الصبا وبدايات الشباب
وكت كنا بنحلم ..
ياخي شكرا شكرا بالآلاف ....
ونترحم على روح الراحل المقيم الفنان الذري إبراهيم عوض ..
.
|
Post: #13
Title: Re: عارفك وديع و رزين.. و أجمل ملاااك في الكون..!
Author: احمد معتصم الطيب
Date: 08-17-2007, 08:37 AM
Parent: #9
محمد عثمان
صباحك ورد ونغم جميييل يا جميل
تسلم لينا
|
Post: #15
Title: Re: عارفك وديع و رزين.. و أجمل ملاااك في الكون..!
Author: Muna Khugali
Date: 08-17-2007, 09:40 AM
Parent: #13
هوووووي محمد عثمان..
الجمعه دي براها بتوجع القلب!
كيفنك كما يقول الخليفه طيب الذكر..
|
Post: #21
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 09:24 PM
Parent: #15
منى...
سلااااام
لا حس لا خبر و لا سوق النااقة
قولى عووك..يا كل الحنان و الذوق
مودتى...
|
Post: #20
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 06:43 PM
Parent: #13
الجميل..احمد معتصم
تسلم على المرور الانيق
و الحضور الراقئ...
يديك العاافية..
|
Post: #19
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-17-2007, 06:39 PM
Parent: #9
Quote: ينصر دينك يا محمد عثمان
ياخي ده الغنا البجقلب بأخوك
بيغير لي الزمان والمكان في لمح البصر
بياخدني من الرباط لحلفا الجديدة ..
وبياخدني من الزمن المكفهر ده
لسنوات الصبا وبدايات الشباب
وكت كنا بنحلم ..
ياخي شكرا شكرا بالآلاف ....
ونترحم على روح الراحل المقيم الفنان الذري إبراهيم عوض .. |
الاخ حاااتم...
تتلاحق الذكريات وتتداخل و حينها يكون الاستمتاع
باجترار الذكريات.. ويحلو الغناء
ونحن نتذكر فى ذلك الزمن الجميل
لتبقى لنا الذكريات حسا..وعمرا.. وصفاءا..
شكرا لحضورك الرااقى الانيق..
يديك العااافية....
|
Post: #22
Title: Re: عارفك وديع و رزين.. و أجمل ملاااك في الكون..!
Author: عماد شمت
Date: 08-17-2007, 09:50 PM
Parent: #19
اولاد حلتنا صديق حمدتو طارق جبريل صحافه 30 وكمان هيثم عبدالعزيز والمشاركيين
دليل علي زوقك الفني الرفيع واختيارك الموفق ..
اخ محمد عثمان ربنا يحفظك ويلبسك توب العافيه ..
الف رحمه فنانا ابراهيم عوض ...
|
Post: #24
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-18-2007, 10:16 AM
Parent: #22
Quote: اولاد حلتنا صديق حمدتو طارق جبريل صحافه 30 وكمان هيثم عبدالعزيز والمشاركيين
دليل علي زوقك الفني الرفيع واختيارك الموفق ..
اخ محمد عثمان ربنا يحفظك ويلبسك توب العافيه ..
الف رحمه فنانا ابراهيم عوض ... |
الجميل عمااد..
و انت واحد من هذا العقد الفريد
الملئ بالالحان و النغم الجميل..
بدون اى شك يحتفى البوست بحضورك الراائع الانيق..
يديك العاافية...
|
Post: #23
Title: Re: عارفك وديع و رزين.. و أجمل ملاااك في الكون..!
Author: Gaafar Ismail
Date: 08-18-2007, 03:49 AM
Parent: #1
الحبيب محمد عثمان
ســلام عليك وانت الجمــال والذوق .. الله يديك العافية .
صادق مودتي
|
Post: #25
Title: Re: عارفك وديع و رزين.. و أجمل ملاااك في الكون..!
Author: محمد عثمان
Date: 08-18-2007, 10:18 AM
Parent: #23
Quote: الحبيب محمد عثمان
ســلام عليك وانت الجمــال والذوق .. الله يديك العافية .
صادق مودتي |
الراائع داايما الجميل جعفر..
تسلم و انت كما عهدناك فى واحة الطرب الاصيل..
كل مودتى...
|
Post: #26
Title: Re: عارفك وديع و رزين.. و أجمل ملاااك في الكون..!
Author: AL GURAIR
Date: 08-18-2007, 07:40 PM
Parent: #1
" محمد عثمان " ..لك التحية والود...ومعكم يطيب الجلوس..
ومزيدا... من الزمن الجميل....يا ...جميل
الفاتح عبد الله طه/القرير
|
|