اسعد الله ايامكم .. وهذه مساهمة سجلتها لكم من لقاء ممتع مع عثمان حسين قدمه حسن ساتي ايام العيد ...اداء عصام محمد نور
Post: #18 Title: Re: المصير..! Author: محمد عثمان Date: 10-19-2007, 09:28 PM Parent: #16
الجميل ابو بكر
تسلم كتير و شكرا للاضاافة الراائعة و الفنان الشاب صاحب الصوت الشجى عصاام محمد نور فى واحدة من اجمل اغنيات الفنان القامة عثمان حسين.... و لعلها من كلمت الشاعر المرهف عوض احمد خليفة..
كل لحظة بتمر على انتى فى خااطرى فى عينى انتى فى فنى البعيشو للمدى للابدية قدر ما حاولت اخاصمك انسى احزانى و اساى اكتم الغيرة الفى قلبى و اطوى جراحى فى الحناايه القى اثرك فى حواسى و ظلك يتبعنى فى خطايه
التحية نزجيها للأ ستاذ الشاعر الرقيق سيف الدين الدسوقي الرحمة نرجوها للفنان الراحل المقيم إبراهيم عوض والذي كان ( رمزاً للشباب ) لسنين طويلة . الشكر لك أخي محمد عثمان وأنت تنفض من على رفوف أيامنا غباراً ، وتدغدغ مشاعرنا دوماً بأغان شكلت وجداننا .
والتحية لشقيقتي الخنساء تماضر التي يطيب لي دوماً ( مكاواتها ) ومع ذلك فهى لا تتواجد في بوست إلا ورفعت من معدل حلاوته وجماله بما لا يقاس
Post: #25 Title: Re: المصير..! Author: محمد عثمان Date: 10-19-2007, 09:47 PM Parent: #21
Quote: التحية نزجيها للأ ستاذ الشاعر الرقيق سيف الدين الدسوقي الرحمة نرجوها للفنان الراحل المقيم إبراهيم عوض والذي كان ( رمزاً للشباب ) لسنين طويلة . الشكر لك أخي محمد عثمان وأنت تنفض من على رفوف أيامنا غباراً ، وتدغدغ مشاعرنا دوماً بأغان شكلت وجداننا .
والتحية لشقيقتي الخنساء تماضر التي يطيب لي دوماً ( مكاواتها ) ومع ذلك فهى لا تتواجد في بوست إلا ورفعت من معدل حلاوته وجماله بما لا يقاس
الاخ عااطف...
لك التحية و كل سنة و انت طيب المصير واحدة من ابدااعات الثلاثى الدسوقى ود الحاوى الفنان الذرى
الموسيقار ود الحاوى كوّن مع الراحل ابراهيم عوض ثنائى ابداع خرافى اثرى وجدان المستمع السودانى بالكثير من الدرر الغنائية الخالدة...و المصير واحدة منهم
شكرا ليك كثير و كما ذكرت وجود الشاعرة تماضر فى اى بوست يعطيه نكهة خااصة و يجعله اكثر جمالا...
يديك العاافية....
Post: #22 Title: Re: المصير..! Author: محمد عثمان Date: 10-19-2007, 09:38 PM Parent: #1
Post: #28 Title: Re: المصير..! Author: محمد عثمان Date: 10-19-2007, 09:54 PM Parent: #1
ليه بنهرب من مصيرنا ونقضى ايامنا فى عذاب ليه تقول لى انتهينا ونحن فى عز الشباب *** نحن فى الأيام بقينا قصة ما بتعرف نهاية ابتدت ريده ومحبه واصبحت فى ذاتها غاية كنت تمنحنى السعادة ولى تتفجر عطايا ولما أغرق فى دموعى تبكى من قلبك معايا *** كنا فى ماضينا قوة قوة تتحدى الصعاب نقطع الليل المخيم ونمشى فى القفر اليباب كنا للناس رمز طيبة وكنا عنوان للشباب وهسى تائهين لينا مدة نجرى من خلف السراب *** تأنى ما تقول إنتهينا تنهى جيل ينظر الينا بانى أماله وطموحه ومعتمد أبداً علينا نحن قلب الدنيا ديه ونحن عز الدنيا بينا تانى ما تقول إنتهينا نحن يا دوب إبتدينا
Post: #30 Title: Re: المصير..! Author: محمد عثمان Date: 10-19-2007, 10:12 PM Parent: #1
Quote: يامحمدعثمان .. يااخي ليه ما زرتنا في رمضان هنافي حوشم ممكونة ياكا بتعرف كتير ونحن عايزيم نعرف زييك :
الاخ ابو بكر
انا كنت متاابع البوست و كنت بتاوق من بعيد المشغولية كانت شديدة خلال فترة رمضان... فعلا بوست سمين و مجهود مقدر جدا منكم...
يديك العاافية...
Post: #31 Title: Re: المصير..! Author: محمد عثمان Date: 10-20-2007, 09:41 AM Parent: #1
قبيلة الوجدان السليم وهوى الاوطان و البحث عن اجابات الاسئلة الكبيرة في افق سودان الغد ، سودان الحداثة و التمدن !
.. ابتدت ريدة و محبة ! و اصبحت في ذاتا غاية !
و هاهو شيخنا الداسوقى علي خط المتصوفة و علم الباطن يحول الحب الي غاية بحد ذاتها !
... الي ( ترانسندنتال كانطى ) .. الي معرفة قبلية ( apriori ) متجذرة في وعى الانسان .. معرفة بطلع بيها الزول من بطن امو !!
.. ومنذ النصف الثانى لستينات القرن الماضى صار للحب فلسفة و افكار ، و روايات تحكى ، سار بها الركبان امثال : جيلى عبد المنعم ، و صديق مدثر ، و بشير محسن ، و ركاب الافاق ابو قطاطى الذى ظل في انتظار السعادة و هو يستشعر تراقص الامانى العذبة من حواليه
حقا جميل السودان ، و اهل السودان ، و غنا السودان .. و مجاهدات اهله لفتح الدروب و السير اماما
.. و اجمل من كل ذلك تلك اللزمة الموسيقية لصولو الاوكورديون بتاع ود الحاوى ! لزمة المحنة االواردة بعد الكوبليه المنتهى ب ( نجرى من خلف السراب ! )
بالله اسمعوها !
.. شوفو ود الحاوى اللي لحن المصير ، كيف بعز اهل السودان ، و كيف بعز نبى الاسلام .. و كيف بعز وهبة محمد سعيد اللي جاب الاكورديون ابو زراير لغنا ء السودان ..
Post: #33 Title: Re: المصير..! Author: محمد عثمان Date: 10-20-2007, 05:55 PM Parent: #1
Quote: .. و اجمل من كل ذلك تلك اللزمة الموسيقية لصولو الاوكورديون بتاع ود الحاوى ! لزمة المحنة االواردة بعد الكوبليه المنتهى ب ( نجرى من خلف السراب ! )
بالله اسمعوها !
.. شوفو ود الحاوى اللي لحن المصير ، كيف بعز اهل السودان ، و كيف بعز نبى الاسلام .. و كيف بعز وهبة محمد سعيد اللي جاب الاكورديون ابو زراير لعنا ء السودان ..
دكتور طراوة...
كل سنة و انت طيب و عيد مباارك علينا عليكم على قول سلمى... و شكرا ليك كتير على السيااحة فى عاالم المصير و اولاد حى العرب الدسوقى و ابرااهيم عوض.. ود الحااوى صااحب الانامل الذهبية و الذى يجعل الاكورديون ينطق الموسيقى بالحروف و الكلااام اسمع يا زمن وقف شوية ولا اسمع لو داير تسيبنا ولا حتى اسمع يا زهرة نادية وغيرهم من الرواائع التى تغنى بها الفنان الذرى و فيها تظهر فيها ملكته اللحنية اضاافة الى مهارته فى العزف على الة الاكورديون... فى كثير من الاعمال المسجلة فى الاذااعة و التى هى ليست من الحاانه ايضا وضع بصمته فيها و ذلك من خلال مشاركته بالعزف فى فرقة الاذاعة الذهبية خلال فترة الستينات...و احسب انه كون مع بشير عباس و عربى ثالوث ابداع خراافى...عليك الله اسمع الطير المهااجر ولا مافى دااعى للفنان الكبير وردى عشان تشوف كيف ود الحاوى بيسوى العجاائب... و على سياق اللزمة التى ذكرتها للاكورديون ايضا لفت نظرى لزمة الكمنجة بعد مقطع: ولما أغرق فى دموعى تبكى من قلبك معايا... و فيها ريحة عربى عديل كدا ولا شنو..؟؟؟؟
صولة اكورديون ود الحااوى فى هذه الاغنية ذكرتنى بصولة اخرى فى اغنية وردى مافى داعى بعد الكوبليه البيقول فيه: و حبى ليك من غير نهاااية مافى دااعى...
انا نزلت ليك هنا اغنية مافى داعى للرائع وردى و بصمة ود الحااوى ظااهرة و واضحة وضوح الشمس و يا سلاااااااام
مبارك عليكم العيد وكل عام وانت وهم وكلنا بخير شكرا ليك كتير على الجمال ..المصير من اجمل الاغنيات الواحد اصلو مايمل من سماعا وكل ماتسمعا تكون بروح جديدة !!
Post: #40 Title: Re: المصير..! Author: محمد عثمان Date: 10-23-2007, 04:03 PM Parent: #37
Quote: مبارك عليكم العيد وكل عام وانت وهم وكلنا بخير شكرا ليك كتير على الجمال ..المصير من اجمل الاغنيات الواحد اصلو مايمل من سماعا وكل ماتسمعا تكون بروح جديدة !!
الجميلة مااجدة...
تحيااات و كل سنة و انت طيبة و طلة بهية..و نأسف على الرد المتاخر..
