أراك تسري بهجة اود لو ابتدا الحياة الان وابحث عن يدك بهجة ان تاخذ بيدي وبيد ما وقف من كلام يبتلع ريقه الكلام يعيد ترتيب نفسه ومن نفس المكان تومض انت تومض من ابعد النقاط والمدى كل هذه الاشواق محير حضورك محير هذا الحنين محير ان تكون في الوقت كله هذا العطر بهجة ان يغافل غيابك حضورك بهجة ان تحركك اجابة دون السؤال !!!!!!
شكرا يامحمد
Post: #5 Title: Re: احترت فيك...!! Author: محمد عثمان Date: 06-12-2008, 12:15 PM Parent: #2
حيران اسال نفسى ايه كان السبب ..؟ كل الحروف فى الساعة ديك صابه الذهول..!! و كانت الدهشة التى ولدت الحيرة و فقدان القدرة على التامل و الشوق سرح مع نجمة بعيدة طربت حتى النخااع وشالت معاها رنة الوتر الجميل وصبح الخاطر جريح و تائه ما بين احترت فيك و شجون تباريح الهوى باحثا عن اغنياااات للفرح اغنياات تغسل الاحساس بالحنين... اغنيات تمنح الوجدان صك التناغم و التخاطر و التذوق... و ما اظنه من يعرف الهوى يعرف عداوه مع السلام لتبقى الحكاايات القديمة لايام الصفاء التى لا تزال فى الخااطر و ملامح و وجوه لازالت حااضرة وين بتروح..؟ فهى لا زالت تسكن فى الروح..!
كل المفردات فى الساعة ديك صابها الذهول والمفردات وقفن بعيد يتأملن ساعة الغروب واحترت فيك انا شن أقول يامحمد الف شكر على الاهداء العذب الراقى والمساحة الجميلة
Post: #8 Title: Re: احترت فيك...!! Author: محمد عثمان Date: 06-12-2008, 07:32 PM Parent: #3
فى يوم حضور اجمّعن اسراب زهور و اتناثرن نوار وحور و اتهامسن باسمات ثغور و الكون صبح شلااال عطور و رنه الوتر طاب السمر بين النجوم نزل القمر فاح العبير بالطيب غمر...
شكرا هند و انت تضمخين المكان بهذا الكلااام الجميل.. النسيم المارى هادى فيهو من اشواقى نفحة و رنه الوتر البيغنى شايل ليك منى السلااام...
والحيرة زي احساس ذهول.. لما الاغاني تسوق دواخلك.. في طريق مليان فصول.. يتفتح القلب الربيع.. يبرد حشاك.. يملاك دفا.. ويدفق خريفك بالحلول.. وتتمنى لو دربك يطول..
Post: #7 Title: Re: احترت فيك...!! Author: هاشم أحمد خلف الله Date: 06-12-2008, 12:56 PM Parent: #6
ليك وحشة شديدة يا هندسة طلعتني من دبرسة بت لزينة شكرا يا محمد
Post: #15 Title: Re: احترت فيك...!! Author: محمد عثمان Date: 06-13-2008, 07:13 AM Parent: #7
الشفيف هاشم...
والله الحال من بعضه..و يلا معا نعيد ترتيب انطلاقات الضياء و نغنى اغنياات الفرح لزمن اجمل و انضر..
أصلو القلوب الهايمة تعبد في الجمال بتضيع سنينها الحلوة بالريد إبتهال و الليل بسم و الشوق رسم.....
يديك العااقية...
Post: #10 Title: Re: احترت فيك...!! Author: محمد عثمان Date: 06-12-2008, 09:10 PM Parent: #6
احترت فيك انا شن اقول..؟؟ شان ما يضيّع غناى قول..
ياتى اللحن شوقا و نهاب ان يفضح ما تحمله الدواخل ليطول الحديث بدرب الخطى و يتواصل الغناء لتحيا الفصول و ياتى الربيع حتى لو مرة واحدة بعناقيد العشم لنغنى: شاقى روحك ليه..؟؟ هو الزعل بيدى بحرو ما روّاح و موجو ما بيهدى و يا فرح قرّب يا هموم عدى.. و بدرى......!!
لحن ذهب مع الريح...!! و حيرة و ذهول..!!
شكرا رشا و انت تلونين ساحة البوست بحضور جميل و كلمات انيقة....
يامحمد عثمان انا احترت فيك انت شن اقول... والف شكر علي هذه الالحان
Post: #30 Title: Re: احترت فيك...!! Author: محمد عثمان Date: 06-15-2008, 09:12 AM Parent: #20
الاخ عبد الكريم..
تسلم يا رفقة الغناء الجميل الذى ينفض عنا كل احزان النفس وقهر الزمان..!
شكرا للطلة..
يديك العاافية..
Post: #29 Title: Re: احترت فيك...!! Author: محمد عثمان Date: 06-15-2008, 09:05 AM Parent: #19
سيد الاسم الجميل محمد عثمان محمود...
الفرحة تملانا ويزغرد فيها الشوق و يترسم..
شكرا للطلة البهية..
يديك العاافية..
Post: #24 Title: Re: احترت فيك...!! Author: محمد عثمان Date: 06-14-2008, 10:39 AM Parent: #18
الجميل حسين محيي الدين...
الليل بسم لنعيشه حنينا و التياعا و نسرح و نرتبك مع مزااامير الشوق الذى يرسم لنا مشوااار الخطى و رنه الوتر الجميل هى وحدها التى تشجينا.. تبكينا.. و تطربنا.....
تسلم على الحضور الرااقى الانيق....
مودتى...
Post: #23 Title: Re: احترت فيك...!! Author: محمد عثمان Date: 06-14-2008, 10:20 AM Parent: #14
ست المقام الرفيع بت حيمورة..
حضور ملوّن بلون الفرح وكا الوان الجمال من زولا مقامو عاالى و قدرو سامى زولا زى القمر و فايت باكتر...و بلاك النجمة لا بتتعلا لا بتتدلا فوقا هلال...و ظلموك بالقالهو فيك..
فى يوم حضورك اجمعن اسراب زهور و اتناثرن نوار وحور و اتهامسن باسمات ثغور و الكون صبح شلااال عطور و رنه الوتر طاب السمر بين النجوم نزل القمر فاح العبير بالطيب غمر...
شكرا انعام و طلتك لينا عيديه و ستظلين للناس رمز طيبة و عنوان للشباب..
الأخ الفاضل محمد عثمان عساك بألف خير تعرف يا أخ محمد قادتني كلمات هذه الأغنية لقصيدة "حاجة فيك"...
حاجه فيك تقطع نفس خيل القصائد تشده اجراس المعابد توهتني .. تعبتني .. جننتني جننت حرف الكلام وبرضو ادتني السلام
حاجه في شرف المداين وفي غرف كل السفاين جوه في عمق المناجم والعيون
حاجه زي ما تكون محلق في العواصف فجأة تهبط في السكون حاجة زي نقر الاصابع لما ترتاح للموسيقي حاجه زي اخبار تناغم من جريدة حاجه زي وتر الموانئ لما يصدح لي سفينة حاجه فيـك لا بتنتـــدئ لا بتنتــــهي خلتني ارجع للقلم واتحدي بالحرف الالم واضحك مع الزمن العريض وانسف متاريس الطريق واعرف متين ابقي المطر وافهم متين اصبــــح حـريق
هاشم صدّيق
وكده برضو ممكن تكون إحترت فيك...مش كده! تسلم على الذوق الرفيع
Post: #31 Title: Re: احترت فيك...!! Author: محمد عثمان Date: 06-15-2008, 10:54 AM Parent: #25
الجميلة سلمى صبحى...
ان روعة الانفعال التى نعيشها تمنحنا الضؤ الاخضر لنعبر الافااق و نبقى اكثر قربا من الاشواق و يصبح الشوق ابلغ من الغناء و تصدق مقولة للقلوب احسااس يقرب و للارواح عيون ليخف الجرح القديم لترسم حاجة فيك.. الليل فى البعاد جنات لقاء و تبقى جذوة الشوقِ العنيد حيه فى رحلة السنوات الطويلة..
حاجة فيك تظل لوحة ساكنة فى القلوب تجعل الحنين يتاورك كل السنين لنغنى فى العمر ما فيش مجال للملام و العتاب طالما اصبحت انت النغم و أنا الرباب لتبقى كل الامانى المفرحة ومضة من وتر مشدود يحتضن روعة الاغنيااات التى تحملها غيمة حاائرة تتعشم فى رذاذ المطر الذى يروى عطش الحنين لتزول الحيرة ونضحك مع الزمن العريض..!
شكرا سلمى و انت حضورا فى واحة الغناء الجميل الذى يجمعنا مرة اخرى هناااا شجنا ووجدا ووفاء لتغفو أحزان عمرنا.... ويغنى زمااننا..... وتتلاشى الصعاااب.....
محمد ميرغنى الله الله محمد ميرغنى عمل مدرسا فى المرحلة الابتدائية ثم التحق بالمعهد العالى للموسيقى والمسرح وعقب تخرجه عاد الى التدريس فى معاهد التربية عمل فى كلية المعلمات ثم معهد السنتين ( لتاهيل معلمى المرحلة المتوسطة رفقة الاساتذة محمد سراج الدين ، منى عبد الرحيم ، قاسم ابو زيد ،كمال الرفاعى ، اسماعيل جيمس ، ازهرى عبد القادر ) وغيرهم من الخريجين فى معهد الموسيقى والمسرح محمد ميرغنى مشوار طويل امتد من منتصف الستينات والى الان مشى المشوار رفقة الكثير من الشعراء والملحنين اسماعيل حسن ، السر قدور ، السر دوليب ، وشعراء كثر وملحنين منهم الفنان ألعاقب محمد حسن ،حسن بابكر وغيرهما تتميز اغنياته بالرومانسية وانها حالمة غالبا والحانه بالبساطة والعمق لذلك تدخل القلب وتفعل ما تفعل ولاماد طويلة ظلت اغنياته مثارا للمحبة وظل المطربين الجدد يرددونها لبساطتها التى اشرنا اليها رغم ذلك ظل محمد ميرغنى احد المطربين الذين يتربعون على قمة الغناء التطريبى بدون منازع وله اقول انا والاشواق فى بعدك بقينا اكتر من قرايب
لكم احبك يا محمد ميرغنى
بالمناسبة فى المرحلة المتوسطة كنت اغنى فى حفلات المدرسة لمحمد ميرغنى ومنذ ذلك التاريخ وما زال ياسرنى عبق غنائه
Post: #33 Title: Re: احترت فيك...!! Author: محمد عثمان Date: 06-15-2008, 10:21 PM Parent: #27
العزيزة سلمى بت الشيخ...
والله ما قصرت تب وانت تحكى عن تاريخ حافل لهذا الفنان الجميل الذى نشا و ترعرع بام درمان التى اخرجت الكثير من المبدعين..
محمد ميرغنى لاعب كرة ماهر سرقه الفن من كرة القدم و يحكى عنه انه ان كان لاعبا مرموقا بنادى الامير البحراوى و ايضا يعرف عنه هلاليته الصارخة و التى دايما لا يخفيها ابدا.. كان معرفته للملحن الكبير حسن بابكر عن طريق الشاعر اسماعيل حسن و التى بعدها خرجت الكثير من الاعمال المشتركة الجميلة..
فى بداياته كان يغنى لراحل احمد المصطفى و ايضا للراحل عثمان حسين اول اعماله الخاصة جاءت من كلمات السر دوليب و الحان حسن بابكر الاغنية المعروفة انا و الاشواق.. تغنى بعدها ايضا للسر دوليب باغنية لو قدرت غيب على..كما تغنى للشاعر حسن الزبير باغنية لا بتواصلى و ايضا اغنية حالك باهى..و تغنى للشاعر عثمان خالد باغنية الصيدة و له مجموعة من الاغنيات للشاعر اسماعيل حسن اشهرها اشتقت ليك و ايضا اغنية امسكى عليك عيونك ديل...و غيرهم من الاغنيات.. كما انه تغنى ايضا للعديد من الشعراء الاخرين وربما لايتسع المجال لذكرهم جميعا هنا...
شكرا مرة سلمى و مداخلاتك دايما ما تثرى بوستات الغناء الجميل..
مودتى...
Post: #32 Title: Re: احترت فيك...!! Author: محمد عثمان Date: 06-15-2008, 06:26 PM Parent: #26
محمد ميرغنى كم هائل من التطريب و مساحات شاسعة للدهشة
Quote: احترت فيك...!!
Post: #46 Title: Re: احترت فيك...!! Author: محمد عثمان Date: 06-17-2008, 10:42 AM Parent: #37
نادية السر...
طلة بهية...مع رنه الوتر الجميل و صوت محمد ميرغنى الطروب...
شكرا ليك كتير..
مودتى...
Post: #45 Title: Re: احترت فيك...!! Author: محمد عثمان Date: 06-17-2008, 10:34 AM Parent: #36
الجميل عثمان موسى...
بحضورك الجميل يطيب السمر و يزدهر جو الغناء الراقى...
و برضو نحن ما عارفين نقول شنو..؟؟؟
يديك العاافية....
Post: #39 Title: Re: احترت فيك...!! Author: محمد عثمان Date: 06-16-2008, 09:20 PM Parent: #35
انعاام عبد الحفيظ....
الذهول مرحلة متقدمة من الحيرة التى تغنى لها الكاشف احتار انا.. و تغنى لها ثنائى العاصمة حيرتى قلبى معااك.. لياتى لنا محمد ميرغنى و يهدينا كل هذا النبل في الاحساس والرقة في المعاني فى احترت فيك شن اقول...
و الحال من بعضه مثل ما يقولون و لا نملك الا ان نستيقظ كل صبااح لنوقظ اغنية نايمة..
شكرا انعاام و طلة بلون البنفسج..
مودتى...
Post: #57 Title: Re: احترت فيك...!! Author: انعام عبد الحفيظ Date: 06-25-2008, 10:17 AM Parent: #39
Quote: و لا نملك الا ان نستيقظ كل صبااح لنوقظ اغنية نايمة..
الله يجازي شيطانك ياااخ يعني الواحد ما يعبر عن شعوروه و لا شنو يا بت الشيخ.....
Quote: محمد عثمان ياااخ نحن منظرين..
شايفة كمان جابت ليها صف طلبات..
لا بتواصلى لا بتفاصلى لا بتلومى ..
هناغلط تعيشى انتى يا الكاتلانى قبال يومى
إنت تعيشي يا الهالكاني ... كاتلاني قبال يومي.....
Quote: (كان كدى اخير انا)
وييين أخير إنت يا الهالكاني؟؟ ......
إنت بتسمعي ما قلنا ليك الحب طريق قاسي و صعيب من أولوا ..... و ما رضيتي كلامنا و جيتي براك أهو
دا العذاب إتحملي.... (كان كدى اخير انا).....
Quote: هيثم كيفك..
تمام و الله .... أنــد يور سيلف؟؟؟؟ آي هوب يو آر فاين.....
_____________________
يا ود عثمان كمان لو لقيت أغنية "أنا و الأشواق" تكون ما قصرت.....
و الأغنية مهداه إلى أميرة الشيخ و إنعام عبدالحفيظ........ _____________________
Post: #50 Title: Re: احترت فيك...!! Author: محمد عثمان Date: 06-17-2008, 11:03 AM Parent: #42
Quote: إنت تعيشي يا الهالكاني ... كاتلاني قبال يومي.....
لا بتواصلى
ـــــــــــــــ
Quote: لا بتواصلي لا بتفاصلي لا بتلومي إنتي تعيشي يالكاتلاني قبال يومي لا بتودي لا بتجيبي لا بتردي خدك ده الخجل كاسيه ولا مندي؟ لا بتوالفي لا بتحالفي لا بتحني خلقوك زينة عشان تشقينا يلا أتهني تشيلي الخطوة فوق خطوة وأشيل أنفاسي ماهماك نحن وراك كيف بنقاسي تمشي هوينا يالماك هينه قدرك عالي بس تكفينا نظرة حنينة ما تتعالي شعرك سبسبو التسريح بعد متدلي تجيبو النسمة فوق جبينك وإنتي تعلي بدر إتدلى لي خلق الله وجهك ناير والخد صورة زي بلورة خاتي مساير لا بتسالمي لا بتكالمي بس تتهادي لا سامعانا لاك معانا تيهي اتمادي أرح وأردح وراك أرتاح ولو بي كلمة إما أعيش وإما أموت وإما وإما
حسن الزبير
Post: #56 Title: Re: احترت فيك...!! Author: انعام عبد الحفيظ Date: 06-18-2008, 11:40 AM Parent: #42
Quote: يا ود عثمان كمان لو لقيت أغنية "أنا و الأشواق" تكون ما قصرت.....
و الأغنية مهداه إلى أميرة الشيخ و إنعام عبدالحفيظ... .....
تسلم يا هيثم
وإنتظرونا قريباً وبكل الأشواق
Post: #47 Title: Re: احترت فيك...!! Author: محمد عثمان Date: 06-17-2008, 10:46 AM Parent: #40
Quote: لا بتواصلى لا بتفاصلى لا بتلومى ..
تعيشى انتى يا الكاتلانى قبال يومى(كان كدى اخير انا)
لا بتواصلي لا بتفاصلي لا بتلومي إنتي تعيشي يالكاتلاني قبال يومي لا بتودي لا بتجيبي لا بتردي خدك ده الخجل كاسيه ولا مندي؟ لا بتوالفي لا بتحالفي لا بتحني خلقوك زينة عشان تشقينا يلا أتهني تشيلي الخطوة فوق خطوة وأشيل أنفاسي ماهماك نحن وراك كيف بنقاسي تمشي هوينا يالماك هينه قدرك عالي بس تكفينا نظرة حنينة ما تتعالي شعرك سبسبو التسريح بعد متدلي تجيبو النسمة فوق جبينك وإنتي تعلي بدر إتدلى لي خلق الله وجهك ناير والخد صورة زي بلورة خاتي مساير لا بتسالمي لا بتكالمي بس تتهادي لا سامعانا لاك معانا تيهي اتمادي أرح وأردح وراك أرتاح ولو بي كلمة إما أعيش وإما أموت وإما وإما
حسن الزبير
ـــــــــــــــــــــ
Post: #48 Title: Re: احترت فيك...!! Author: محمد عثمان Date: 06-17-2008, 10:57 AM Parent: #40
Quote: محمد عثمان ياااخ نحن منظرين..
اميرة...
راجع ليك ببوست منفصل..برعايتك
Post: #44 Title: Re: احترت فيك...!! Author: محمد عثمان Date: 06-17-2008, 10:31 AM Parent: #38
الاخ هيثم...
ليك و حشة وغيبتك طالت ولا بتواصل و لا بتفاصل منور البوست بحضورك الباهى و راجعين ليك برائعة حسن الزبير لا بتواصلى
Quote: يعني بعد داك ما مهم البحصل شنو.... و انا شِن أقوووول.....
وانا والله الحيرتى اكبر وجد غلبنى الاقولو خاصه وانا شايفه الحبايب كلهم اتلممو وكملو الكلام كل الله يبارك فيك محمدعثمان اختيار موفق شديد وجميل تسلم يارب انت من كل شر اللنك وين يعنى لازم نشحت
Post: #52 Title: Re: احترت فيك...!! Author: محمد عثمان Date: 06-17-2008, 11:52 AM Parent: #49
Rawia
يا نسمة فى عز الصيف هبت...
محمد ميرغنى فنان جميل يملك ناصية الابداع بصوته و ادائه الطروب...
شكرا للطلة...
يديك العاافية...
Post: #51 Title: Re: احترت فيك...!! Author: محمد عثمان Date: 06-17-2008, 11:30 AM Parent: #43
ماجدة...
سلاااام
والله ادونا عين...!! و القلب يرهقه الغناء الجميل..
شكرا للطلة..و نلتقى على وهج الطرب الاصيل
يديك العاافية...
Post: #53 Title: Re: احترت فيك...!! Author: محمد عثمان Date: 06-17-2008, 04:29 PM Parent: #1
احترت فيك انا شن اقول..؟؟ كل الحروف فى الساعة ديك صابه الذهول. و المفردات وقفن بعيد يتأملن سااحر العقول
فى يوم حضور اجمعن اسراب زهور و اتناثرن نوار وحور و اتهامسن باسمات ثغور و الكون صبح شلااال عطور و رنه الوتر طاب السمر بين النجوم نزل القمر فاح العبير بالطيب غمر
الليل بسم و الشوق رسم..... ايقاع خطاك فى الساحة كان اروع نغم لما القوام بفتنة مال ماح وانقسم و انا يا سلااام من غير كلاااام حاضن عنااقيد العشم...
لو يوم تحن ترحم قلوب من شوقا ليك كادت تجن ما نحن ناس عند الجمال بنذوب حنين و نفيض نغم
ابو شورة
ـــــــــــــــــــ
Post: #54 Title: Re: احترت فيك...!! Author: Ahmed al Qurashi Date: 06-17-2008, 06:38 PM Parent: #53
انا هنا لاتكئ على هذا النغم الجميل.... محمد عثمان شكرا ليك
Post: #55 Title: Re: احترت فيك...!! Author: محمد عثمان Date: 06-17-2008, 10:02 PM Parent: #54
