Post: #1 Title: تنسونا .. نطراكم..! Author: محمد عثمان Date: 05-15-2008, 09:02 PM Parent: #0
حتى ارتعاااشات الظنون تنااثرت و يا ليتنا كنا بلا عيون او شفااه لتستمر جدلية الصمت الانتظااار... !! و شحنان من الطرب و الحنين تعيد فينا التوهج لنكون اكثر صفاءا و نقاءا... و نحن نترنم:
Post: #4 Title: Re: تنسونا .. نطراكم..! Author: محمد عثمان Date: 05-15-2008, 10:21 PM Parent: #2
تسلم يا ود المرتضى شكرا للصورة..
و عارف الغنيوة طوّلت بهنااك معااكم..
يديك العاافية...
Post: #7 Title: Re: تنسونا .. نطراكم..! Author: Osman Musa Date: 05-15-2008, 10:51 PM Parent: #4
خطرى خطرى يا محمد عثمان .. عرفتها . تنسونا دى مسحت كل دخاخين الحزن جات نزلت فوق فكك الخوف . دى مضاد 500 م للدبرسه والهم . ... يازول الف سلامه تحياتى
Post: #11 Title: Re: تنسونا .. نطراكم..! Author: محمد عثمان Date: 05-16-2008, 07:59 PM Parent: #7
Quote: نزلت فوق فكك الخوف . دى مضاد 500 م للدبرسه والهم .
الحبيب عثمان موسى...
و على وزن على نخب المحبه كل زول حبة...حبة وصفة لفك الزهج و ازالة الخوف من النفوس زمن يرفض ان نعيش حياتنا كما نريدها فهو يفرض علينا الكثير الذى نرفضه و لا نملك الا نواجهه بالمتاح...!!!!
المغفرة و الرحمة للراحل الجابرى فهو شكل وجداننا باغنيات تحكى عن كل ملامح الجمال و الحب و الوئام...
Post: #12 Title: Re: تنسونا .. نطراكم..! Author: محمد عثمان Date: 05-16-2008, 08:51 PM Parent: #6
Quote: محمد ضرس ازيك اختيار جميل جدا مالك مامشيت مع الجماعة الله يرضى عليك اللنك تصدق انا الطريقه الجديدة دى اصلو ماداخله راسى تســلم يارب من كل شـــر...
ماجدة..
سلاااااام
والله ادونا عين و بقينا ناس شايات سااكت.. كان من المفروض ان نكون مع الجمااعة لكن ظروف العمل و حاجات تانى ما اتيسرت..و انشاء الله فى مرة تانى..
فعلا بعد تغيير السيرفر فى البورد اصبحت طريقة الحفظ معقدة جدا..
Post: #26 Title: Re: تنسونا .. نطراكم..! Author: محمد عثمان Date: 05-18-2008, 10:29 PM Parent: #25
تسلم صحااافة..
مودتى..
Post: #27 Title: Re: تنسونا .. نطراكم..! Author: Osman Musa Date: 05-21-2008, 02:52 AM
__
Post: #28 Title: Re: تنسونا .. نطراكم..! Author: Emad Abdulla Date: 05-21-2008, 08:16 AM Parent: #27
لا حولا يا رب ...
لو عارف يا محمد الأجر الأخدتو فيني .. غايتو من تفريج كربي بالغنوة دي , كمية الحسنات الجاتك .. بس الجنة طوالي .
..... ضاعف حسناتك ياخي و أدينا : ( الزهور بسمت لينا ) . إن الله لا يضيع أجر من أحسن عملا .
Post: #31 Title: Re: تنسونا .. نطراكم..! Author: محمد عثمان Date: 05-21-2008, 09:46 PM Parent: #28
Quote: حولا يا رب ...
لو عارف يا محمد الأجر الأخدتو فيني .. غايتو من تفريج كربي بالغنوة دي , كمية الحسنات الجاتك .. بس الجنة طوالي .
..... ضاعف حسناتك ياخي و أدينا : ( الزهور بسمت لينا ) . إن الله لا يضيع أجر من أحسن عملا .
الجميل عماااد..
انت تستااهل كل خير و كل شئ جميل و اوعدك ببوست خاص للزهور بسمت لينا...
يديك العاافية...
Post: #29 Title: Re: تنسونا .. نطراكم..! Author: محمد عثمان Date: 05-21-2008, 08:19 PM Parent: #27
الاخ عثمان موسى..
تسلم يا حبيب..
ـــــــــــ
تنسونا.. نطراااكم تجفونا.. نهواكم قلوبنا رضياانة..برضاااكم ****** فى المااضى..افرااحنا افرااحكم و الهمه اشخاصنا..همااكم كيف تنسوا فى الدنيا احبابكم ***** لو انسى ما بنسى نجوااكم و هوانا العذرى و هوااكم كيف انسى و قصيدى بطرااكم و حناانى بتذكر لى حناانكم ******* يا روحى..فى روحى ذكرااكم و دمائى بقلبى ترعاااكم و معاانى الهاامى معنااكم ***** تنسونا.. نطراااكم تجفونا.. نهواكم قلوبنا رضياانة..برضاااكم
Post: #32 Title: Re: تنسونا .. نطراكم..! Author: محمد عثمان Date: 05-21-2008, 09:50 PM Parent: #30
الاخ كبر..
تسلم يا صديق و شكرا لحضورك الجميل...
يديك العاافية...
Post: #33 Title: Re: تنسونا .. نطراكم..! Author: Emad Abdulla Date: 05-25-2008, 06:10 AM Parent: #32
سوداننا القديم كان ده ياهو الكان فيهو ؟!! .. فبالله أدونا ليهو .. شيلوا دلاقينكم دي .. ما لازمانا .. ( بداية من دلاقين الغنا .. مرورا بدلاقين الناس .. نهاية بدلاقين الفكر .. وصولاً لدلاقين النوايا و السياسة ) .
واحد شاعر مسكين و مهجوم .. طرطشتوا كبرة الحفرة .. قال و هو مذهلل و قاعد في بطن حوش بيتو : القمرة في ليل الغريب ما زي قميراتنا الحُنان . حليلك يا النايم على حيلك ( من أقوال خجيجة الكُبرى ) .. غربتك تكعيب أس مليون .. يا ود أب زهانة .
.......... منو الطفى النور ؟؟
Post: #34 Title: Re: تنسونا .. نطراكم..! Author: محمد عثمان Date: 05-25-2008, 09:15 PM Parent: #33
Quote: سوداننا القديم كان ده ياهو الكان فيهو ؟!! .. فبالله أدونا ليهو .. شيلوا دلاقينكم دي .. ما لازمانا .. ( بداية من دلاقين الغنا .. مرورا بدلاقين الناس .. نهاية بدلاقين الفكر .. وصولاً لدلاقين النوايا و السياسة ) .
صدقت يا اخ عمااد,,
بس منو البيقول.........!!!
Post: #35 Title: Re: تنسونا .. نطراكم..! Author: هاشم أحمد خلف الله Date: 05-25-2008, 09:21 PM Parent: #34
محمد عثمان وهل نسيناكم حتى نطراكم معاكم ديمة بإلاحساس ومهما بعدتو نرجاكم ترفرف فوق قلوبنا هناك وبتحنان توافيكم تدوزن للفرح غنوة وبانغاما تشجيكم
مشتاقين كتير والله يا عظمة وربنا يديك الصحة والعافية
Quote: كيف انسى و قصيدى بطرااكم و حناانى بتذكر لى حناانكم ******* يا روحى..فى روحى ذكرااكم و دمائى بقلبى ترعاااكم و معاانى الهاامى معنااكم
كيف أنسى وقصيدى بطراكم؟
------- محمد عثمان خفف العيار شوية- الليل بالطريقة دى مابيعدى بسلام!!
Post: #42 Title: Re: تنسونا .. نطراكم..! Author: محمد عثمان Date: 05-27-2008, 09:39 AM Parent: #37
د. اشراااقة..
و ما اجمل سفر الذكرياات و الشجون مع النغم الجميل و نحن نتصفح صفحاات زمنا كان جميلا و نرسم الليل فى البعاد جنات لقاء..لتستمر مناجاة سهر الليل الطويل باحساس الامل والتفاؤل والصفاء..و يزداد العياار عند الحوجة..
شكرا ليك كتير و انت تلونين البوست بحضورك الزااهى الجميل..
مودتى...
Post: #41 Title: Re: تنسونا .. نطراكم..! Author: محمد عثمان Date: 05-27-2008, 09:17 AM Parent: #36
Quote: وما احلى التصافي من بعد التجافي
الجميل الطيب...
شكرا للطلة و نتمنى ان يكون التصاافى و المحبة ديدن الجميع هنا..
يديك العاافية...
Post: #39 Title: Re: تنسونا .. نطراكم..! Author: محمد عثمان Date: 05-27-2008, 08:42 AM Parent: #35
الشفيف هاااشم...
ننساك و انت بتتنسى...
الف حمد لله بالسلااامة و نور البوست بحضورك الجميل...