الاخ محمد عثمان والمتداخلون شكرا على هذه الباقة الرائعة, لكن بالله عندى طلبين لك وللمتداخلين: اولا: تورونا كيف نحفظ هذه الاغانى فى جهازنا وكيفية استخدام لينك الحفظ. ثانيا: ايه رايكم بعد وردى نقوم بفتح بوست لاغانى مصطفى سيد احمد والمواصلة بعركى ابواللمين وهكذا. لكم خالص الشكر مقدما. عبدالمنعم الحويرص
Post: #6 Title: Re: وردى...من تسجيلاااات اياام زمااان...!!! Author: محمد عثمان محمد طه Date: 01-26-2007, 04:15 PM
ابنى الغزيز محمد ضربتنا فى مقتل انتو جيل الله اداكم التكنولوجيا دى يجب عليكم استقلالها فى المفيد ادينا شويه من ابوعفان شجن القبلة السكرى مسامحك ياحبيبى
Post: #9 Title: Re: وردى...من تسجيلاااات اياام زمااان...!!! Author: محمد عثمان محمد طه Date: 01-26-2007, 09:01 PM Parent: #7
يا الله كيف سيكون الذوق الفني لو افل نجم هؤلاء القامات لا استطيع التحمل فلنسمع كثيرا وكتيرا وننهل من الحس الفني ونتشبع حتى لا يفسد علينا غثاء الكلمات من فناني هذا الجيل....
خاف خاف == خاف من الله علي قلبي قلبي من غرامك خاف = زرعت الشوك على دربو وياما ياما ياما ياما ياما في هواكم شاف قلبو **** سنين وايام قضيت عمري سنين قضيت عمري - عمري في لوعة انادي الليل واقول يا ليل انا المظلوم عزاي دمعة دموعي يسيل وليلي طويل وعايش في مهب الريح براي شمعة انادي الليل يا ما في هواكم شاف قلبو **** تتك تتك تتك تتك همممم همممم (هم بنفسك بالموسيقى) **** خسارة قلبي في حبك وا خسارة *** ترديد جماعي كأنك في كورال عملتو يحبك ولما سار في دربك رحت وسبت حبيبك ليه ليه يا خسارة املي واملك ووووا خسارة خسارة املي واملك ووووا خسارة كنا بنبي الجنة ولما خلاص قربنا رحت وسبت حبيبك ليه ليه خسارة دمعي ودمعك وووا خسارة يا ما سهرنا ليالي يا حليلك يا غالي آآآآآآه ياما ياما ياما في هواكم شاف قلبو ****** ترررر ترررري *** ترررري ترررري ****** يا قلبي انسى الفات كفي يا قلبي انسى الفات وعش من تاني وحداني ولو حنيت لعهد الشوق اجيب من وين عمر تاني كفى يا قلبي شفت الويل ** وليل السهد بكاني بعدما تبت من النار حرام تتجدد احزاني *** يضمك ويطويك ليل ونار الويل الليل الويل مهادك يا مظلوم والعمر فات تاني يا ما ياما في هواكم شاف قلبي ********
Post: #12 Title: Re: وردى...من تسجيلاااات اياام زمااان...!!! Author: محمد عثمان Date: 01-27-2007, 04:57 PM
Quote: ابنى الغزيز محمد ضربتنا فى مقتل انتو جيل الله اداكم التكنولوجيا دى يجب عليكم استقلالها فى المفيد ادينا شويه من ابوعفان شجن القبلة السكرى مسامحك ياحبيبى
العزيز خاالد المحرب...
الكثير من الدرر الغنائية و الكلماات الجميلة لا يعرفها هذا الجيل.. و لامحاالة سوف تبقى كل هذه الاعمال الراائعة خالدة فى وجدان الجميع...و الحمد لله الذى يسر لنا التكنولجيا كما ذكرت لحفظ هذه الاعمال الفريدة.. انا بصدد انزال سلسلة من رواائع الفنان القامة عثمان حسين..و فعلا قمت بانزال اغنية بعد الصبر فى بوست اخر كبداية... لك التحية و التقدير...
Post: #13 Title: Re: وردى...من تسجيلاااات اياام زمااان...!!! Author: محمد عثمان Date: 01-27-2007, 05:01 PM
Quote: سنين وايام قضيت عمرى
خاف خاف
الاخ فرح...
يديك العااافية و فعلا سنين و ايااام قضينا عمرنا شكرا للحضور الجميل....
كل مودتى...
Post: #131 Title: Re: وردى...من تسجيلاااات اياام زمااان...!!! Author: محمد عثمان Date: 04-30-2007, 06:02 PM Parent: #13
قاسي قلبك على ليه لو بحب يبقى ذنبى .. ايه قلبى توب من عواطفك ايه نهاية حبه .. ايه
غلطة كانت غرامى ليك وا .. خسارة دموعى فيك غلطه قلبى سلمتو ليك ما كان مكانه ما كان يجيك يوم لقيتك على ما كان يوم يا مبدد شجونى عنى .. ايه قالوا عنى ايه
كنت تائه وكنت غريب وافتكرتك اعز حبيب يا ما قلبى يخطأ ويصيب والعذاب لى كان .. نصيب من عرفتك جافانى حتى النوم يا مبدد شجونى انت حبك جنيت عليه
كان طلعت القمرة وجيت ولو حلفت برب البيت ما بريدك مهما بقيت غلطة كانت .. وكان ابيت يا الفراقك على كان مكتوب يا مبدد شقاى انت حبك جنيت عليه
Post: #14 Title: Re: وردى...من تسجيلاااات اياام زمااان...!!! Author: محمد عثمان Date: 01-27-2007, 06:47 PM
Quote: يا الله كيف سيكون الذوق الفني لو افل نجم هؤلاء القامات لا استطيع التحمل فلنسمع كثيرا وكتيرا وننهل من الحس الفني ونتشبع حتى لا يفسد علينا غثاء الكلمات من فناني هذا الجيل....
الاخ محمد زمرااوى...
ما ذكرته فى مدااخلتك هو عين الحقيقة و لا ننكرا اننا نعاانى فى هذا الزمن تدهورا مريعا فى كل شئ و لم يسلم الذوق الفنى من ذلك..
Post: #26 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-05-2007, 08:08 AM
سودانية 2000
تلاحظي إني ذكرت بأني لأول مرة أنزل إغاني في البورد، عشان كدة ما بقدر أوعد بشئ لحدي يدي تمشي على الموضوع.
الشئ التاني الأغنية الطلبتيها ما عرفتها، ولو وقعتيها لي عشان أشوفا عندي والا ما عندي.
تسلمي
Post: #27 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-05-2007, 08:10 AM
تسلم الأخ محمد عثمان على هذه الواحة الوردية للاستاذ الرائع دوما محمد وردي.
سليم الذوق كلمات: ابراهيم الرشيد غناء : محمد وردي
يا سليم الذوق لو تعرف الشوق ابقى انزل يوم من علاك الفوق شوف عمايل الحب في الحشا المحروق *************** انا كالأنسام لم تهدا تروق وان كالأضواء بعد كل شروق لو بتذكرنا كنا نحنا ندوق للسعادة طعم في رضا المعشوق *************** انحنا حلفناك بالغرام والريد بي صفا الأحلام في عيون الغيد وبالقليب الضاق لذة التسهيد ابقى زاورنا حتى يوم العيد *************** يا أمل بسام دابو هال جديد تخلي شوقنا الضال في ثواني يزيد بعتاب صامت يشبه التغريد نبقى نار في نارو لي لهيبا نزيد
Post: #40 Title: Re: وردى...من تسجيلاااات اياام زمااان...!!! Author: محمد عثمان Date: 04-05-2007, 02:22 PM Parent: #27
Quote: تسلم الأخ محمد عثمان على هذه الواحة الوردية للاستاذ الرائع دوما محمد وردي.
سليم الذوق كلمات: ابراهيم الرشيد غناء : محمد وردي
د. فيصل..
اهلا بك فى وااحة وردى يا سليم الذوق و شكرا للاضاافة الراائعة.. و فى انتظاار المزيد من رواائع وردى و خليك قريب..
يديك العاافية...
Post: #28 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-05-2007, 08:36 AM
مرحبا ياشوق كلمات: الجيلي عبد المنعم غناء : محمد وردي
لم يكن إلا لقاء وافترقنا كالفراشات على نار الهوى جئنا إليها واحترقنا كان طيفا وخيالا ورؤى ثم ودعنا الأماني وأفقنا ********** بالذي اودع في عينيك إالهاما وسحرا والذي انزل فيك الحسنى اشراقا وطهرا لا تدعني للأسى يدفعنى مدا وجزرا أثقلت كفي الضراعات وما تقبل عذرا ********** يا حبيبا بت أشكو حرقة الوجد اليه وتوسلت .. نذرت العمر قربانا لديه ماله لو عاد فالقلب رهين بيديه وعيوني ظامئات للهوى من مقلتيه ********** يالقلبي .. عاد من بعد النوى يطوي شراعا آه بالهوى يبعث في الروح حنينا واندفاعا مرحبا يا شوق اغمرني شجونا والتياعا فوداعا للذي شيدته بين ضلوعي فتداعى
Post: #29 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-05-2007, 09:25 AM
المستحيل كلمات: اسماعيل حسن غناء: محمد وردي
لو بإيدي .. لو بإيدي كنت طوعت الليالي لو بإيدي .. لو بإيدي كنت زللت المحال والأماني الدايرة في دنياي ماكانت محال دي الإرادة ونحن ما بنقدر نجابه المستحيل دي الإرادة والمقدر ما بنجيب ليه بديل دي الإرادة أجبرتني في هواكم من قبيل ***** غصبا عني وغصبا عنك انت حبيتني وهويتك لو بإيدنا من زمان كنت خليتني ونسيتك والنهاية .. انت عارف وانا عارف لو بإيدي كان هديتك ***** أصلو حبي أقوى وأكبر من إرادتي وانا حاسس في جحيم نارك سعادتي والهيب البكوي في روحي في ذاتي هو إنت قلبي دايرك حبي عارفك في شبابك في صباك في جمالك في وفاك في شبابك في وفاك يا المسير وماك مخير انت ياصابر عند الله جزاك
Post: #41 Title: Re: وردى...من تسجيلاااات اياام زمااان...!!! Author: محمد عثمان Date: 04-05-2007, 02:26 PM Parent: #30
Quote: لو بإيدي كنت طوعت الليالي
الراائعة تمااضر..
حضور جميل فى الوااحة الوردية..
يديك العاافية..
Post: #31 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-05-2007, 09:30 AM
شكراً د. فيصل
قضيت نهاري أحاول تنزيل أغنية مرحباً يا شوق .. وخذلتني التكنولوجيا (حجم الملف أكتر من 17 أم بي) ... فلك الشكر على تنزيلها
Post: #32 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-05-2007, 09:54 AM
الأخت الشاعرة الرائعة تماضر الخنساء حمزه مشكورة على مرورك الانيق.
Quote: لو بإيدي .. بإيدي كنت طوعت الليالي لو بإيدي .. لو بإيدي كنت زللت المحال والأماني الدايرة في دنياي ماكانت محال دي الإرادة ونحن ما بنقدر نجابه المستحيل دي الإرادة والمقدر ما بنجيب ليه بديل دي الإرادة أجبرتني في هواكم من قبيل
مع خالص ودي وتقديري ،،،
Post: #33 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-05-2007, 10:19 AM
مرحبا بيك أخ محمد أبو العزائم أبو الريش
نصحية تقنية ، الان هنالك 3 اغاني شغالة في نفس الوقت اغنية محمد عثمان بالاضافة للاغاني التى قمت انت بوضعها لو سمحت غير الكود بالنسبة للاغاني بتعديل :
AUTOSTART=true الى AUTOSTART= FALSE
وبالتالي تكون أغنية خاف من الله على قلبى هي الوحيدة في خلفية البوست والخيار للزائر بالضغط على الزر للبدء في الاستماع للاغاني الاخرى.
مع خالص ودي وتقديري ،،،
Post: #34 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-05-2007, 10:29 AM
العزيز د. فيصل
لك جزيل الشكر على النصيحة، وحقيقة الجهل مصيبة. تم التعديل المطلوب
وهاكم أغنية تانية:
عصافير الخريف
Post: #35 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-05-2007, 10:31 AM
يا جماعة مسئولين من الخير وين صاحب البوست
إستولينا على البوست براااااحة
الأخ محمد عثمان ..... تحياتي
Post: #36 Title: Re: وردى...من تسجيلاااات اياام زمااان...!!! Author: محمد زمراوي عبدالعزيز Date: 04-05-2007, 10:57 AM Parent: #35
Quote: ابنى الغزيز محمد ضربتنا فى مقتل انتو جيل الله اداكم التكنولوجيا دى يجب عليكم استقلالها فى المفيد ادينا شويه من ابوعفان شجن القبلة السكرى مسامحك ياحبيبى
طلبك جميل يا اب شنب
لكن يعني العنوان مكتوب وردي نان يجيبو ليك عثمان حسين هنا كيف يعني..
Post: #42 Title: Re: وردى...من تسجيلاااات اياام زمااان...!!! Author: محمد عثمان Date: 04-05-2007, 02:31 PM Parent: #35
Quote: يا جماعة مسئولين من الخير وين صاحب البوست
إستولينا على البوست براااااحة
الأخ محمد عثمان ..... تحياتي
الاخ محمد...
انا موجود و مستمتع جدا باضافاتكم الراائعة.. و دوحة وردى و الغناء الجميل ملك للجميع هنااا..
مرة اخرى تحية للراائعة سودانية التى اخرجت هذا البوست للوااجهة مرة اخرى..ليكون التوااصل اجمل و اخضر...
Post: #44 Title: Re: وردى...من تسجيلاااات اياام زمااان...!!! Author: محمد عثمان Date: 04-05-2007, 07:37 PM
خاااف من الله على قلبى كلماات..اسمااعيل حسن
خااف من الله على قلبي من غراامك خاف زرعت الشوك على دربو وياااما في هوااكم شاااف قلبي
سنين وايام قضيت عمري في لوعة اناادي الليل واقول ياليل انا المظلوم عساااي دمعة دموعي تسيل وليلي طويل وعايش في مهب الريح برااي شمعة انااادي الليل واقول ياليل يااما في هواااكم شاف قلبي
خسااارة قلبي في حبك واخسارة علمتو يحبك ولما سااار في دربك رحت وسبت حبيبك ليه يا خسااارة املي واملك وا خسارة كنا بنبني الجنة ولما خلاااص قربنا رحت هدمت سعادتك ليه يا خسااارة دمعي ودمعك وا خسارة ياااما سهرنا ليااالي ياحليلك يا غالي ويااما في هواكم شاف قلبي
يااا قلبي انسى وعيش من تاااني وحداني ولو حنيت لعهد الشوق اجيب من وين عمر تاني كفى يا قلبي شفت الويل وليل السهد بكاني بعد ما تبت من النااار حرااام تتجدد احزاني يضمك ليل ويطويك ليل ونااار الويل ميهادة يا مظلوم وما ظالم حليلك والعمر فاني وياما في هواااكم شاف قلبي
Post: #45 Title: Re: وردى...من تسجيلاااات اياام زمااان...!!! Author: Mamoun Ahmed Date: 04-06-2007, 09:41 AM
شكرا محمد عثمان
واخ منك ياوردي تطربنا بي جهة وتقدنا بي جهة تانيه
والله جهجهتنا الله يسامحك
Post: #46 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-07-2007, 10:25 AM
الأعزاء ....
أغنية أحببتها كثيراً .. وأتمنى إذا كان هناك من يملك تسجيلاً أفضل أن ينزلها:
أغنية: الحبيب العائد (عاد الحبيب)
تم حذف الأغنية لوجود تسجيل أفضل
Post: #47 Title: Re: وردى...من تسجيلاااات اياام زمااان...!!! Author: محمد عثمان Date: 04-07-2007, 10:58 AM Parent: #46
الاخ محمد..
تحيااات..... الكلماات و تسجيل انظف لاغنية الحبيب العائد كلماات صديق مدثر..
كل مودتى...
الحبيب العائد _________ عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟ ***** عاد الحبيب فعادت إلىَّ أحلى الليالى ذكراه يقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى ***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً ***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى
Post: #53 Title: Re: وردى...من تسجيلاااات اياام زمااان...!!! Author: محمد عثمان Date: 04-08-2007, 03:57 PM Parent: #48
Quote: سلامات وشكرا لكل الحضور الجميل ولحظات حزن علي الخاطر وردي شريك غربة طويلة وحين عدنا وجدنا الأنكي من الغربة غربة داخل الوطن
محمد عثمان وين طلبي ؟؟ الغنية مابنساك ؟؟ والود بالتسجيل القديم وتسلم
سوداانية...
سلااااماات... الفناان القاامة فعلا تغرب لزمن طويل عن الوطن الحبيب..الا انه لم يفاارقه لحظة عن حيااته..و كان يحمله دايما فى حدقاات عيونه...و غنى له الكثير و هو بعيد عنه... و لكنها كما ذكرتى تبقى غربة اللحظه اشد الما من غربة المكااان...!!!
الفنااان الاسطورة.. صااحب الصوت المسحور الذى تسحرنا الحاانه و اغنيااته و تعطينا قوة اضاافية للاحسااس بشكل مختلف.. الفناان الذى لم تفاارق اغنيااته ذاكرتنا فهى كلما تطفيها الغيوم تبرق مثل المطر... هذا البوست الذى كشف اننا لا زلنا نحتفظ بخصلااات قليلة من اياام زماان..تخرج منهااا رواائع وردى لتكون لنا مرآآة للزمااان و المكااان....
شكرا لك و انت تهربى معنا الى زمن جميل نبحث فيه عن اغنيااات تمنحنا الدفء و حرااارة النشوة.. اغنية الود قاام بانزالها الدكتور فيصل فى هذا البوست و انا اعيد انزال الاغنية هنا ربما بتسجيل انظف و لك الاختياار... اغنية ما بنسااك...ربما تقصدين اغنية لو بالصد ابيتينى انا لا ما بنسااك... لو كاانت هى نفس الاغنية المقصودة فهى مرفقة هناا...اما ان كانت اغنية اخرى.. ربما تكون اغنية الهوى الاول: اقول انساااك وانسى شقاي لو قادر وطول الغربة والحرمااان بلا آخر اسيبك كيف وانت الناااهي والآمر وكيف اصبر... وعااارف نفسي ما صااابر
و ايهما..؟؟!!
كل مودتى.....
Post: #127 Title: Re: وردى...من تسجيلاااات اياام زمااان...!!! Author: محمد عثمان Date: 04-30-2007, 04:55 PM Parent: #53
أعيشهْا معاكَ لو تعْرف دموع البهجَهْ والأفراح أعيشهْا معاكَ واتأسّف على الماضى اللّى ولَّىَ وراح على الفُرْقَهْ الزمان طويل على الصبر الّى عِشْنَاهو مع طُول الألم والليل ****** زمان كُنّا بنَشيل الوُّد ونَدِّى الوُّد وفى عينينا كان يكْبَر حناناً زاد وفات الحدَ زمان ما عِشْنَا فى غُرْبَهْ ولا قاسينا نِتْوحّد وهسَّع رُحْنا نتْوجّع نعيش بالحسرَهْ نتأسّف على الماضى اللِّي ما بِرْجَع ****** صحيح انو الزمن غلاب لكن انحن عشناه ومشينا على عذاب وعذاب وعذاب دروبنا تتوه ونحن نتوه ونفتح للامل أبواب ****** أحبَّك لا الزمن حوّلْنى عن حُبّك ولا الحسرَهْ وخوفى عليكَ يمْنَعْنى وطول الإلفَهْ والعُشْرَهْ وشوقى الليك طوَّل لسّه معاي ولى بُكْرَهْ
أغنية الود وزعت من قبل الموسيقار اليوناني اندريه والذي كان يوزع لأم كلثوم ومشاهير الفنانين .. وفعلا نصبت لها مقدمة موسيقية غاية في الابداع ..
هذه الاغنية من أحب أغاني وردي بالنسبة لي. والرحمة على الاستاذ الراحل المقيم عمر الطيب الدوش والذي أثرى الساحة الادبية والغنائية السودانية باشعار لا زالت حتى هذه اللحظة تعكس مدى عمق مشكلة السودان السياسية والاجتماعية. فالواجب تخليد ذكراه بالترحم عليه وذكر اعماله الوطنية.
بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا
الحزن القديم كلمات: عمر الطيب الدوش غناء: محمد وردي
ولا الحزن القديم .. إنتِ ولا لون الفرح... إنتِ ولا الشوق المشيتْ بيهو.. وغلبْنى أقيف... وما بِنْتِ ولا التذكار ولا كُنْتِ بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه.. ومن شهقَة زهور عطشانَهْ فوق أحزانهْا.. متْكَّيهْ.. بتَطْلَعى إنتِ من صوت طِفلَهْ وسط اللمَّهْ منْسيَّهْ تَجينى.. معاكْ يجينى زمن.. أمتِّع نفسى بالدهشَهْ طبول بتْدُق وساحات لى فرح نَوّر وجمّل للحُزن..ممْشى وتمشي معاي.. خُطانا الإلفَهْ والوحشَهْ.. وتمشى معاي... وتْرُوحى.. وتمشى معاي وسط روحى ولا البلْقاهو بِعْرِفنى... ولا بعرِف معاكْ ..روحى
عذبني وزيد عذابك يمكن قلبي يقسى وزي مانساني قلبك يمكن قلبي ينسى يازين عذبني وتفنن في ألوان عذابي ما تمسح دموعي ما ترحم شبابي خليني في شجوني يمكن قلبي يقسى وزي مانساني قلبك يمكن قلبي يقسى يازين عذبني وتناسى الكان بيني بينك ما تطرا العشرة والفات من سنيني خليني في شجوني يمكن قلبي يقسى وزي مانساني قلبك يمكن قلبي يقسى يازين عذبني وتنكر للحب والحنان للريد والمودة وكل الكان زمان خليني في شجوني يمكن قلبي يقسى وزي مانساني قلبك يمكن قلبي يقسى يازين
Post: #54 Title: Re: وردى...من تسجيلاااات اياام زمااان...!!! Author: مروان جمال الدين Date: 04-09-2007, 02:01 AM
...Thanks for sharing all this good stuff..
Post: #59 Title: Re: وردى...من تسجيلاااات اياام زمااان...!!! Author: محمد عثمان Date: 04-09-2007, 07:38 AM Parent: #54
Quote: ...Thanks for sharing all this good stuff..
الاخ مرواان..
و شكرا لحضورك الجميل
كل مودتى...
Post: #55 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-09-2007, 06:01 AM
أغنية بنحب من بلدنا ... يا ريت يا دكتور تورينا كلمات منو
بنحب من بلدنا
Post: #57 Title: Re: وردى...من تسجيلاااات اياام زمااان...!!! Author: حسن طه محمد Date: 04-09-2007, 06:50 AM Parent: #55
أعزائي اين نحن الآن من هذا الابداع الراقي ؟؟؟؟؟؟؟؟
Post: #58 Title: Re: وردى...من تسجيلاااات اياام زمااان...!!! Author: محمد عثمان Date: 04-09-2007, 07:30 AM Parent: #57
Quote: أعزائي اين نحن الآن من هذا الابداع الراقي ؟؟؟؟؟؟؟؟
الاخ حسن طه...
شكرا للطلة البهية و فعلا نحن فى زمن تغير فيه كل شئ...
الأخ محمد أبوالعزائم أبوالريش بنحب من بلدنا للراحل المقيم أبو آمنة حامد. يتجسد في القصيدة (الاغنية) البعد القومي والوطني لسودان موحد، سودان يسع الجميع.
Quote: مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا
بنحب من بلدنا كلمات: أبو آمنة حامد
بنحب من بلدنا ما برا البلد سودانية تهوى عاشق ود بلد بعيون المفاتن شي ما ليهو حد ****** التوب المهبهب فوق أم الضفاير والخد المعطر زي أحلى الأزاهر والخطوة الأنيقة ترنيمة مشاعر أنا بي كلو عمري بمشيلا وبسافر ****** مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا ****** في حلفا البداية أحلامي وهنايا أنا عايش لحبي المخضر برايا النافرة الأليفة بجروحي وهنايا ****** أنا لي في كريمة شايقية بشلوخا نعتز بصفاتا ما نجهل تاريخا ماها المابية ريدتي ومو ياها المسيخة ****** في شندي العظيمة تلقى بنات جعل وحدات في المتمة زي لون العسل النايرات خدودن زي فجرا أطل ****** في سنكات بنعشق بت سمرة وأبية ترتاح في الضريرة خصلاتا الغنية عاشت في شعوري أحلى هدندوية ****** الواردات جدودن في الجود والشجاعة البظهر جمالن من زمن الرضاعة سودانية مية المية في زوقا وطباعة يا ناس أرحموني أنا قلبي فرطاعة
لو تلقطنا اليانعة السمحة ونضيرة تستنى الحليوة في مشية أميرة أجمل حب عندي في قلب الجزيرة ****** لي في الغرب أغيد في دار حمر والبقارة نحميها بسيوفنا تفاحنا ونضارة تسكرنا الليالي وتطربنا النقارة ****** لي في جوبا الساحر تسلم لي خدودو يمرح في غاباتو يسرح في ورودو حبي الغالي ليهو ما بعرف حدودو
Post: #56 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-09-2007, 06:25 AM
Post: #62 Title: Re: وردى...من تسجيلاااات اياام زمااان...!!! Author: محمد عثمان Date: 04-09-2007, 08:56 AM
أسأل قلبك اسماعيل حسن
كدا اسأل قلبك عن حالي أسألو تنبيك عن سؤالك اشواقي اسألو كدا اسأل عيونك يا أجمل حبيب واسأل لي خدودك براها بتجيب في عيونك حياتي في حسنك بغيب قلبي الحباك .. اسألو ما حب سواك .. أسألو ما عاش لولاك .. اسألو طول عمرو فداك .. اسألو تنبيك عن سؤالك .. اشواقي أسألو في حبك متيم والشوق ليك رسول من قلبي بيطير ما بخشى العذول وحولك يا حبيبي بيطوف ليك يزور عن آمالي .. أسألو عن أحلامي .. اسألو عن آلامي .. اسألو تنبيك عن سؤالك اشواقي اسألو أنا عايش عشانك يا أملي الوحيد لو ما كان غرامك ما كان صابني ريد ما فجرت لحني وما غنيت نشيد أنا عابد جمالك ولي فنك بجيد عنك وعني .. اسألو طورك ولحني .. اسألو حسنك وفني .. اسألو تنبيك عن سؤالك أشواقي أسألو أنا ضقت السعادة وفارقني الندم قبلك كنت تايه حياتي عدم سلواي كان دموعي وسميري الألم لكين اليوم ياحبيبي دنياي ابتسم هل ربيعي .. اسألو قدت شوعي .. اسألو راحو دموعي .. اسألو تنبيك عن سؤالك أشواقي اسألو
Post: #123 Title: Re: وردى...من تسجيلاااات اياام زمااان...!!! Author: محمد عثمان Date: 04-29-2007, 11:23 PM Parent: #62
يا أعز الناس حبايبك نحن زدنا قليل حنان دا العمر زادت غلاوتو معاك وصالحني الزمان يا أحن الناس حنان كنت من قبلك بشيل الليل دموع واطويه هم انا كنت بخشى على الأماني الطفلة يفنيها العدم وجيت لقيتك بين قلبي دموع وغنيتك نغم يا حبيب ورد الأماني الفي أعماقي فتح وابتدا القلب العاش العمر في آهاتو يفرح والزمن ماظنو بعدك انت يرجع تاني يجرح نامت أحزان عمري غنى زماني واتلاشت صعاب أنا قبلك الأيام قضيتا سراب يسلمني السراب وبيك طويت من عمري صفحة ماضي مكتوب بالعذاب
حبيبي فكر وقدر أيه الجبتو ليك هدية أزاهر ........ لأ جواهر ........ لآ لالا أغلى واحة عينيّ ==== هدية فيها حرفي وحرفك وذكرى حبنا مكتوبة مكانا أيدينك الحلوة تزين بنانك المخضوبة تخليك تفرحي وتقولي شوفوني أنا مخطوبة == خلاص يا حبيبي ما عدت أطيق بعدك وإنت قريب من قلبي وروحي اخترتك لأيامي شريك وحبيب قبل العمر يفرقنا وما نلقى في شبابنا نصيب حبايبي وأهلي شاورت هنوني في هواك يا حبيب قالوا والله والله تستاهل حبي وانشغالي عليك تستاهل فني الوهبتو إليك وجوك معاي يهنوك يشوفوا البهجة في عينيك وكيف بين لهفة الأشواق أخت الدبلة في إيديك تخليك تفرحي وتقولي شوفوني أنا مخطوبة
هدية
Post: #66 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-10-2007, 05:40 AM
الأخ المعز
Quote: ياريت تدينا "يقظة شعب" يا أبو العزائم أو د. فيصل
أتحفتونا بروائع وردي و الله,
تشكرات كتيرة,
طبعاً صاحب البوست هو الأخ محمد عثمان، أما الدكتور وأنا فمتهجمين، وجذبنا الجمال .. فسمح لنا الأخ محمد بالإستيطان في الواحة. سأبحث عن طلبك، عله موجود، أوقد يتحفنا به د. فيصل
تحياتي
Post: #67 Title: Re: وردى...من تسجيلاااات اياام زمااان...!!! Author: محمد عثمان Date: 04-10-2007, 05:53 AM
Quote: الأخ المعز
Quote: ياريت تدينا "يقظة شعب" يا أبو العزائم أو د. فيصل
أتحفتونا بروائع وردي و الله,
تشكرات كتيرة,
طبعاً صاحب البوست هو الأخ محمد عثمان، أما الدكتور وأنا فمتهجمين، وجذبنا الجمال .. فسمح لنا الأخ محمد بالإستيطان في الواحة. سأبحث عن طلبك، عله موجود، أوقد يتحفنا به د. فيصل
Post: #68 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-10-2007, 07:11 AM
لك جزيل الشكر أخي محمد عثمان، وهو فعلاً نشيد خالد كلمات الراحل المقيم مرسي صالح سراج:
يقظة شعب
هام ذاك النهر يستلهم حسنا وإذا عبر بلادي ما تمنّى طرب النيل لديها فتثنى فاروي يا تاريخ للأجيال أنّا ثائرٌ إذ هبّ من غفوته ينشد العلياء في ثورته ما اندفاع السيل في قوته عجباً .... من له جندٌ على النصر يعين كلنا نفساً ومالاً وبنين
********************
نحن في الشدة بأسٌ يتجلّى وعلى الودّ نضمٌ الشمل أهلا ليس في شرعتنا عبدٌ ومولى قسماً .... سنردّ اليوم كيد الكائدين وحدةً تقوى على مر السنين
********************
قلب إفريقيا بوعيٍ نابض حل منا بالجنوب الناهض منعة الغاب بليث رابض قدماً .... هي كانت جنة المستعمرين مالهم منها تباروا هاربين
********************
نحن أبناء ملوك في الزمان توجوا الفنج وزانوا كردفان أفسح المجد ليهم خير مكان نسباً .... نعم أجدادٍ بهم يزهو جبين كلهم خلق يسمو وعزمٌ لا يلين
********************
شرقنا يوم اللقا كيف سعى حين داعي البدر بالروح دعا كيف بالسيف تحدّى المدفعا ودماً .... بادلوها ضرةً لا تستكين للخنا للقيد للعيش المهين
********************
حين خطّ المجد في الأرض دروبه عزم ترهاقا وإيمان العروبة عرباً نحن حملناها ونوبة في دمانا من خلود الغابرين هو يحدونا إلى عزٍّ مبين
********************
همنا بالعيش إقدام وجود وعن الأوطان بالموت نذود لنرى السودان خفاق البنود وغداً .... سوف يعلو ذكرنا في العالمين فعلواً كان شأن العاملين
ده حلم و قد حققتماه لي و الله يا محمد عثمان و أبو العزائم !..
ببحث عن النشيد ده لفترة طويلة جدا كمن يبحث عن خاتمه الضائع في التراب, لؤي شمت كان نزلو لينا
قبل كده لكن فقدته لسبب ما !
عموما, و صلت من الشغل لأجد المفاجأة التاريخية حقيقة.. و اشتعلت الدار نشيدا !
لكما مني كل التقدير و أطيب التمنيات, بس يبدو لي التسجيل هنا مبتور فيهو مطلع النشيد ! .. غايتو
يا محمد عثمان نصبر شوية.. كان إستعدلتو فبها ولا كمان نقوم نحفظ التسجيل و نخلي الطمع.. الله يستر
ما أمشي و أجي ألقى السيرفر لحسو !
تحيات و متابعة,
Post: #70 Title: Re: وردى...من تسجيلاااات اياام زمااان...!!! Author: محمد عثمان Date: 04-10-2007, 06:23 PM Parent: #69
Quote: ده حلم و قد حققتماه لي و الله يا محمد عثمان و أبو العزائم !..
ببحث عن النشيد ده لفترة طويلة جدا كمن يبحث عن خاتمه الضائع في التراب, لؤي شمت كان نزلو لينا
قبل كده لكن فقدته لسبب ما !
عموما, و صلت من الشغل لأجد المفاجأة التاريخية حقيقة.. و اشتعلت الدار نشيدا !
لكما مني كل التقدير و أطيب التمنيات, بس يبدو لي التسجيل هنا مبتور فيهو مطلع النشيد ! .. غايتو
يا محمد عثمان نصبر شوية.. كان إستعدلتو فبها ولا كمان نقوم نحفظ التسجيل و نخلي الطمع.. الله يستر
ما أمشي و أجي ألقى السيرفر لحسو !
تحيات و متابعة,
الاخ المعز..
لك التحية..و شكرا لحضورك الجميل و الحمد لله اننا استطعنا تحقيق طلبك و جرادة فى الكف ولا .... و رغما عن ذلك اوعدك بان اعود اليك بالنشيد كاملا...وعد..!! و مرة اخرى لك التحية و خليك قريب.. و ايضا الشكرا للاخواان د.فيصل و الاخ محمد ابو العزائم الذين اثروا هذا البوست بالكثير من الدرر.. و لازلنا ننتظر منهم المزيد...
و لن انسى ايضا من اخرج هذا البوست الى الواجهة مرة اخرى بعد ان ذهب مع الريح..
كل مودتى...
Post: #71 Title: Re: وردى...من تسجيلاااات اياام زمااان...!!! Author: محمد عثمان Date: 04-10-2007, 06:30 PM
Post: #129 Title: Re: وردى...من تسجيلاااات اياام زمااان...!!! Author: محمد عثمان Date: 04-30-2007, 05:45 PM Parent: #74
فرحى خلق الله .. واتنى ارقصى زيدى الساحه سماحه ونحن معاك .. نشيل نغنى غناوى ونحكى حكاوى لما ندوب فى الليل لاترتاحى ولا تريحينا لسه الوقت طويل
عمرك كله فرح يازينه شيلى من الافراح وادينا راقصى النسمه راقصى البسمه خلى الموجه تدور بينا اوعى تهدى كمان اتحدى يللا .... جميلك تمى علينا وسط الدايرة .. الدايرة اجمل نايرة خلى قلوبنا تطير وارحلى بينا فراشه حنينه بين زينات وعبير لما الخصله تطير طربانا تبقى .. حرير فى حرير
Post: #75 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-11-2007, 09:52 AM
الأخوة الأعزاء
هناك ملاحظة تقنية، وهي أن البوست أصبح تقيل جداً .. طبعاً بفعل الأغاني الموجودة عليه. سؤالي هل الإنتقال إلى صفحة تانية يتم تلقائياً أم يجب على صاحب البوست أن يفعل شيئاً (سؤال من جاهل تقني)
رائعة أخرى من روائع وردي:-
لو بهمسة
Post: #76 Title: Re: وردى...من تسجيلاااات اياام زمااان...!!! Author: محمد عثمان Date: 04-11-2007, 11:24 AM Parent: #75
Quote: الأخوة الأعزاء
هناك ملاحظة تقنية، وهي أن البوست أصبح تقيل جداً .. طبعاً بفعل الأغاني الموجودة عليه. سؤالي هل الإنتقال إلى صفحة تانية يتم تلقائياً أم يجب على صاحب البوست أن يفعل شيئاً (سؤال من جاهل تقني)
رائعة أخرى من روائع وردي:-
الاخ محمد أبوالعزائم ..
لك التحية و شكرا للاسهاماات الراائعة بالنسبة لموضوع الصفحة كلنا فى الهوى سوى لكن شكلها شغلانة خااصة بنظاام الصفحاات فى المنتدى و غاايتو دا حسب علمى القليل بهذا البورد معليش صااحبك لسه برلوم هناااا...
سلامات الاخوان محمد عثمان و محمد أبوالعزائم وبقية العقد الفريد من جمعية محبي وردي بالمنبر!!! وحاة ريدتنا وحياة الهوى الأول بنرجع تاني لو زاد الجفا وطول
الهوى الأول كلمات: الجيلي عبد المنعم غناء: محمد وردي
أخادع نفسي بي حبك وامنيها واهرب حتى من ذكراك والاقيها دموع الحسرة في عينية اخفيها نار الشوق اقول الصبر يطفيها ****** اقول انساك وانسى شقاي لو قادر وطول الغربة والحرمان بلا آخر اسيبك كيف وانت الناهي والآمر وكيف اصبر وعارف نفسي ما صابر ****** شبابي معاك ما أضيع امانيه وعمر هواك ما أقصر لياليه رضيت بي ظلمو أحياه أقاسيه ولو خلاني ما بقدر اخليه ****** تخاصم وتفتكر إحساسي اتبدل وقايل قلبي مال لي سواك واتحول وحاة ريدتنا وحياة الهوى الأول بنرجع تاني لو زاد الجفا وطول
Post: #93 Title: Re: وردى...من تسجيلاااات اياام زمااان...!!! Author: ابن الرشيد Date: 04-19-2007, 10:41 AM Parent: #92
السادة محبى الأستاذ القامة
محمد وردى
سليموا الذوق الراقى
حنينوا الفؤاد( الحنين يافؤادى )
أنا سافرت عشانكم إنتو
عشان أقابلكم
ياحنان ياسكر(الحنينة السكرة)
يالا ورونا شن بتقولوا
وننتظر المزيد
لكم منى كل الود
Post: #95 Title: Re: وردى...من تسجيلاااات اياام زمااان...!!! Author: محمد عثمان Date: 04-19-2007, 06:15 PM
Quote: الاخ محمد عثمان والمتداخلون شكرا على هذه الباقة الرائعة, لكن بالله عندى طلبين لك وللمتداخلين: اولا: تورونا كيف نحفظ هذه الاغانى فى جهازنا وكيفية استخدام لينك الحفظ. ثانيا: ايه رايكم بعد وردى نقوم بفتح بوست لاغانى مصطفى سيد احمد والمواصلة بعركى ابواللمين وهكذا. لكم خالص الشكر مقدما. عبدالمنعم الحويرص
الاخ عبد المنعم..
نشكر لك حضورك الكريم فى دوحة الراائع وردى.. و انشاء الله سوف نوااصل فى فتح بوستاات لكل الشواامخ من الذين اثروا سااحة الغناء السوداانية بالكثير من الدرر الغنااائية التى شكلت وجدان المستمع السوداانى...
لحفظ الاغنية من لينك الحفظ عملية سهلة جدا ..و شرح مبسط للكيفية هنا.. كتبتها بالانجليزيةربما تكون اوضح و اسهل..
To save a song from the saving link, you just need to right click on the link and then select save target as and after that you can proceed with the saving on any folder You select on your computer
كل مودتى...
Post: #96 Title: Re: وردى...من تسجيلاااات اياام زمااان...!!! Author: محمد عثمان Date: 04-19-2007, 06:40 PM
Post: #97 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-20-2007, 03:43 AM
بيني وبينك والأيام كلمات: اسماعيل حسن
بيني وبينك والأيام قصة حب طويلة شيدناها بالآمال والعشرة النبيلة ***** قصة حب رواهها للأيام حناني نبع الريد سقاها واخضرت أماني جار قلبك نساها كيف.. في أيام قليلة ***** كانت في خيالي ألحان في شعوري أسرار المحنة بتعذب ضميري حلفتك بربك آه .. لو في الصيف تزوري ***** إن طالت ليالي وان جارت علينا برضنا نحن .. أنحن روح وحدة بقينا ومن قول العواذل سيبك .. سيبك ما علينا ***** ديمة الناس تفرق تمنعنا التلاقي جمر البين يحرق ويزيد في اشتياقي يا مسافر مشرق وين .. أيامكم حليلا
Post: #98 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-20-2007, 04:03 AM
يا أعز الناس كلمات: اسحاق الحلنقي
يا أعز الناس حبايبك نحن زدنا قليل حنان دا العمر زادت غلاوتو معاك وصالحني الزمان يا أحن الناس حنان ****** كنت من قبلك بشيل الليل دموع واطويه هم انا كنت بخشى على الأماني الطفلة يفنيها العدم وجيت لقيتك بين قلبي دموع وغنيتك نغم ****** يا حبيب ورد الأماني الفي أعماقي فتح وابتدا القلب العاش العمر في آهاتو يفرح والزمن ماظنو بعدك انت يرجع تاني يجرح ****** نامت أحزان عمري غنى زماني واتلاشت صعاب أنا قبلك الأيام قضيتا سراب يسلمني السراب وبيك طويت من عمري صفحة ماضي مكتوب بالعذاب
Post: #99 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-20-2007, 04:27 AM
يلا وتعال يلا كلمات: اسحاق الحلنقي
يلا وتعال يلا نهاجر في بلاد الله ننسى الناس ينسونا والله ننسى الناس ينسونا وفوقنا الطيبة تتدلا ****** نعيش زي الطيور ماتعيش وتفرد لجناها الريش تضمنا عشة الريدة ويفوت فوقنا الغمام تعريش ****** نفوت من سكة رواحة ونتوه من واحة لواحة شتيلة ريدنا يا حنين يضون بهجة في الساحة حلاوة الدنيا تلقاها تجينا سحابة شايلاها دروبنا تلم وريدنا يتم وانت تقولي يا آهة ****** ونرتاح من كلام قالو ومن عينو دمعتين سالو آثار الهم نطويهو نخلي الفرح بدالو ****** يلا وتعال يلا نهاجر في بلاد الله ننسى الناس ينسونا والله ننسى الناس ينسونا وفوقنا الطيبة تتدلا
Post: #100 Title: Re: وردى...من تسجيلاااات اياام زمااان...!!! Author: Dr. Faisal Mohamed Date: 04-20-2007, 04:27 AM
وتر مشدود كلمات: محجوب شريف غناء: محمد وردي
سلمت خايف كنت ما يسلم قلب مفصود حلمت قبلك كنت لا بحلم ولا موجود معاك بحلم كأني على فرس طاير بغني على وتر مشدود واطير عبر السما المدود سما الوطن اللي مالو حدود حمامة جناها لا خايف ولا مفقود ************** واشر الغيمة خيمة على النجم وارتاح أصادف أجمل الغابات واصادق غصنك الفواح واشرب من زوايا القلب جنبك اخر الأشباح وتفتح كلمة من عينيك لي مجرى الغنى المسدود ************** واخط اسمك على باب الزمان اكليل وردة صبية تلمع فوق صديري النيل وباسمك أغني لي عالم بسيط وجميل ************** وانادي عليك ملاذا في شتا الأيام وبردا في الحياة وسلام وفي شدة هجير وزحام ************** جزيرة حنينة بين نهرين حنان القاك عليك اتلم وهودج في صحاري الهم وعالي النخيل عليك اتلم وفي السكة اللي ما بتعود معاك لآخر المشوار نغني على وتر مشدود
Post: #101 Title: Re: وردى...من تسجيلاااات اياام زمااان...!!! Author: amir elsharief Date: 04-20-2007, 04:40 AM
ألإخوة ألأعزاء هيجتم شجونى و امتلاء قلبى لوعة بالشوق للوطن رد الله غربتنا جميعا. لو أمكن نستمع لأغنية لونك أبهى لون تسجيل الإذاعة القديم مع شخشخة الراديو
Quote: هناك ملاحظة تقنية، وهي أن البوست أصبح تقيل جداً .. طبعاً بفعل الأغاني الموجودة عليه. سؤالي هل الإنتقال إلى صفحة تانية يتم تلقائياً أم يجب على صاحب البوست أن يفعل شيئاً (سؤال من جاهل تقني)
سلامات أهل الود
وفي هذه الدوحة نلتقيكم ويفرح بكم وبها القلب
الانتقال للصفحة الثانية كان يتم بعد مية مداخلة ولكن هذا السقف رفع الي 120 هذا العام او 130 ما متأكدة
_________
محمد عثمان سلامات
وجمعة سعيدة و مبروكة
Post: #104 Title: Re: وردى...من تسجيلاااات اياام زمااان...!!! Author: محمد عثمان Date: 04-22-2007, 07:41 PM Parent: #101
Quote: ألإخوة ألأعزاء هيجتم شجونى و امتلاء قلبى لوعة بالشوق للوطن رد الله غربتنا جميعا. لو أمكن نستمع لأغنية لونك أبهى لون تسجيل الإذاعة القديم مع شخشخة الراديو
الاخ امير...
نورت الداار بحضورك الجميل و ناسف للرد المتااخر و بنجيك راجعين بطلبك انشاء الله
يديك العاافية
Post: #105 Title: Re: وردى...من تسجيلاااات اياام زمااان...!!! Author: محمد عثمان Date: 04-22-2007, 07:58 PM
Quote: سلامات أهل الود
وفي هذه الدوحة نلتقيكم ويفرح بكم وبها القلب
الانتقال للصفحة الثانية كان يتم بعد مية مداخلة ولكن هذا السقف رفع الي 120 هذا العام او 130 ما متأكدة
_________
محمد عثمان سلامات
وجمعة سعيدة و مبروكة
سوداانية...
ياا سلاااام عليك و انت كل مرة تضخين الحيوية فى هذا البوست ظروف السفر ابعدتنا من البوست و اخيرا الواحد عبر المدى البعيد استطااع الدخول و خليك قريبة...
يديك العاافية...
Post: #106 Title: Re: وردى...من تسجيلاااات اياام زمااان...!!! Author: محمد عثمان Date: 04-22-2007, 10:19 PM
Post: #114 Title: Re: وردى...من تسجيلاااات اياام زمااان...!!! Author: مروان جمال الدين Date: 04-26-2007, 03:43 AM Parent: #113
Dear Mohammed,..I got to thank you again!..This time for taking us along to experience this treasure trove of the precious!....What great finds you and your loving companions are able to bring ashore!..
The frontal music of Alwood is by far a masterpiece of great proportions!.Just magnificent...what a soul cleansing experience..gratitude my friend...'
Post: #116 Title: Re: وردى...من تسجيلاااات اياام زمااان...!!! Author: Mamoun Ahmed Date: 04-27-2007, 10:39 AM
Post: #122 Title: Re: وردى...من تسجيلاااات اياام زمااان...!!! Author: محمد عثمان Date: 04-29-2007, 11:06 PM Parent: #117
شكرا ابن الرشيد....
بعد ايه جيت تصالحني بعد ما ودرت قلبي الكنت فيه جيت تشكي جيت تحكي جيت تبكي لية ليه اعتذارك مابيفيدك ودموعك مابتعيدك العملتو كان بإيدك انا ما لي ذنب فيه ليه جيت تشكي ليه جيت تحكي ليه جيت تبكي لية ليه انا خلدتك بشعري في زمانك وياما غنيت وكان كلو عشانك وكان جزاي منك صدودك وهوانك انا استاهل .. انا استاهل وضعتك في مكانا ما مكانك روح .. القدر بي نفسو ما بقسو عليك جيت تايب ياحليلك والفؤاد ملكوه غيرك ربي يعدل ليك سبيلك كل مناي في الكون عديلك ونهاية الخير نصيبك ليه ... ضيعوك ودروك انت مابتعرف صليحك من عدوك استغلو الطيبة في قلبك وبي اسم العواطف خدعوك حتى من كلمة حنانم وودادم حرموك الله ياخد ليك حقوقك ويجازي الظلموك
Post: #130 Title: Re: وردى...من تسجيلاااات اياام زمااان...!!! Author: محمد عثمان Date: 04-30-2007, 05:53 PM Parent: #116
صدفة وأجمل صدفة انا يوم لاقيتا أسعد يوم يومي الحييتا نور عينية ياما حبيتا
النظرات بريئة وممزوجة بخجل البسمات تضوي زي نور الأمل وجهك بين مسايرك زي بدر اكتمل والشامة في خديدك زي طعم القبل تسكر قلبي وتشعل حبي يشهد ربي انا بهواك
ما قادر اقولك عن حبي الكبير وصفو علي قاسي وعايش في الضمير قدر الكون دا كلو حبي واكبر بي كتير مالكني محيرني شوف قلبي الأسير اسألي قلبك يمكن يقدر يشرح حبي أنا محتار
صدفة عيوني شافت ليلي الباكي نور يا أيام ربيعي عمري معاكي أزهر فيها الطير يغني ومن الحاني يسكر عمري فراشة حولك وانت شبابك أخضر ياما بحبك وبعبد حبك علشان حبك روحي فداك
Post: #118 Title: Re: وردى...من تسجيلاااات اياام زمااان...!!! Author: محمد أبوالعزائم أبوالريش Date: 04-28-2007, 08:39 AM
سلامات الأخ العزيز محمد عثمان وكل الحلوين كل الود و لكم رائعة المرحوم الشاعر اسماعيل حسن صاحب الروائع والدرر الرحمة والمغفرة وربنا يتقبلوا مع الصدقين.
القمر بوبا كلمات: اسماعيل حسن
الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل ********** العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل ********** الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراب فوقا تقول حرير شتتي شبار يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل ********** الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سالمة يا غرق يا جيت حازمة القمر بوبا عليك تقيل ********** القديما قديما الحمام الوديزين في موجو عام يا مرايقة قليلة كلام وا حلاتا تقول السلام القمر بوبا عليك تقيل ********** الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل ********** الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي النار شافتا معزباني انا ود حلتا القمر بوبا عليك تقيل ********** الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل ********** الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل ********** بحر الدمير العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل ********** المبارك شيخ الضهر العليك ساسكت وفتر قلي جنيت ولا دستر واي أنا المرضان مكنتر جابو لي حكيم خير وشر قلي يا زول مرضك كتر سببك كم شلاخا خضر القمر بوبا عليك تقيل
Post: #121 Title: Re: وردى...من تسجيلاااات اياام زمااان...!!! Author: محمد عثمان Date: 04-29-2007, 10:46 PM
اسفاااااى
وا أسفاي .. وحاتكم انتو وا أسفاي إرادة المولى رادتني وبقيت غناي أسوي شنو مع المكتوب أسوي شنو؟ براهو الواهب العطاي منو ..?? منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي وا أسفاي ببيع الدنيا كل الدنيا وا أسفاي عشان خاطر عيون حلوين وا أسفاي منابع الطيبة متجاورين وا أسفاي ومتسامحين في السمحين واسافر فوق صُبي العين معاك سلامة يادنياي
بتمدد وبتوسد وسادة شوق وبنوم مرتاح وخالي البال واقالب تاني عهد صباي عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتاميرِ الليل ومتوكل عليك يا الله دافر الليل بِريق البسمة إن لاح لي بتتفتح مشاكل الريد واحسك جوا .. زغرد فيها صوت الناي وا أسفاي وحاتكم انتو وا أسفاي أسفاي إذا ماشفت ناس سمحين يتاتو .. زي قدلة جنا الوزين يتاتو تلاقي قليبي يرمح جاي لما يتاتو زي قدلة جنا الوزين يتاتو حليل الكان بهدي الغير صبر محتار يكوس هداي من ناس ديلا وا أسفاي من زي ديلا وا أسفاي إرادة المولي رادتني وبقيت غناي
. يا اللللللللللللللله عليك يا محمد يا عثمان ما عارف اقول ليك شنو تعرف أنا البوست ده اول ما نزل دخلت واستمتعت بخاف من الله ولأنو الأغنية عندي ( بخلت ) عليك بـ " شكرا" وتاني ما دخلتو متخيل انو ياهو فيهو الأغنية دي .. وخلاص الليلوة قلت كدي النشوف البوست ده مالو كل شوية بيجي ناطي واكتشفت انو مليان ( درر ) ياخي كنت تسميهو ( هنا وردي ) على شاكلة هنا ام درمان او تسميهو .. هنا الطرب الأصيل .. هنا الروعة عشان الواحد يجي ( يسكن) فيهو عديل كده..
تعرف ..وا أسفاي ..و بالتسجيل ده بالذات عملت فيني عمايل ما تتخيلها غيرت لي لون ورائحة وطعم اليوم وصار كل شيء حولي جميل ورائع أصلو وردي... والنيل ... والهلال ما في حاجة في الدنيا دي زيهم .
يا محمد .. أشكرك حتى تستغيث وياني السكنت ليك هنا ..
Post: #126 Title: Re: وردى...من تسجيلاااات اياام زمااان...!!! Author: محمد عثمان Date: 04-30-2007, 04:46 PM Parent: #124
Quote: يا اللللللللللللللله عليك يا محمد يا عثمان ما عارف اقول ليك شنو تعرف أنا البوست ده اول ما نزل دخلت واستمتعت بخاف من الله ولأنو الأغنية عندي ( بخلت ) عليك بـ " شكرا" وتاني ما دخلتو متخيل انو ياهو فيهو الأغنية دي .. وخلاص الليلوة قلت كدي النشوف البوست ده مالو كل شوية بيجي ناطي واكتشفت انو مليان ( درر ) ياخي كنت تسميهو ( هنا وردي ) على شاكلة هنا ام درمان او تسميهو .. هنا الطرب الأصيل .. هنا الروعة عشان الواحد يجي ( يسكن) فيهو عديل كده..
تعرف ..وا أسفاي ..و بالتسجيل ده بالذات عملت فيني عمايل ما تتخيلها غيرت لي لون ورائحة وطعم اليوم وصار كل شيء حولي جميل ورائع أصلو وردي... والنيل ... والهلال ما في حاجة في الدنيا دي زيهم .
يا محمد .. أشكرك حتى تستغيث وياني السكنت ليك هنا ..
الاخ حاااتم..........
لك التحية و شكرا للطلة البهية و العودة مجددا لهذا البوست الذى اصبح هناا وردى كما ذكرت... و نحن كذلك نحاول استعادة ذااكرة الخفقاان و الطرب الحنين.. و لعلها دعوة للعودة للغناء الجميل المعتق بفعل الزمن مع الراائع وردى...
محمد وردي - صدفة اسماعيل حسن --------------------------- صدفة وأجمل صدفة انا يوم لاقيتا أسعد يوم يومي الحييتا نور عينية ياما حبيتا
النظرات بريئة وممزوجة بخجل البسمات تضوي زي نور الأمل وجهك بين مسايرك زي بدر اكتمل والشامة في خديدك زي طعم القبل تسكر قلبي وتشعل حبي يشهد ربي انا بهواك
ما قادر اقولك عن حبي الكبير وصفو علي قاسي وعايش في الضمير قدر الكون دا كلو حبي واكبر بي كتير مالكني محيرني شوف قلبي الأسير اسألي قلبك يمكن يقدر يشرح حبي أنا محتار
صدفة عيوني شافت ليلي الباكي نور يا أيام ربيعي عمري معاكي أزهر فيها الطير يغني ومن الحاني يسكر عمري فراشة حولك وانت شبابك أخضر ياما بحبك وبعبد حبك علشان حبك روحي فداك