إختشى يا غندور...كان احسن تسكت

Quote: الخرطوم : سارة تاج السر : من ناحيته شدد امين العلاقات الخارجية بحزب المؤتمر الوطني ورئيس اتحاد عمال السودان ابراهيم غندور،على ان مقومات التغيير لم تكتمل بعد، وقال انه اذا اراد الشعب السوداني التغيير فسيفعل ،لافتا الي ان التغيير يحتاج الي اسباب موضوعية ، واقر بان تجربة الانقاذ لم تكن سمن علي عسل وان المواطن يعيش ظروفاً غير مسبوقة ،واشار الي انه كان يتوقع من المعارضة طرح بديل اقتصادي لحل الأزمة بدل الحديث عن «حكومة ذات سبعة رؤوس كما عشناها في السابق « . واعلن غندور معارضته للزيادات الاخيرة ،وقال «انا اول من عارض الزيادات» ، واردف « لو كانت المعارضة تمتلك وعيا لكنت مع من خرجوا للتنديد بالضائقة الاقتصادية، ولو كانت تمتلك وعيا لتذكروا ان هناك وفداً يفاوض ولخرجوا في وقت آخر»،وطالب غندور برفع الرقابة عن الصحف ،وقال «مافي كلام بتكتب في جريدة بقلب الحكومة». ورأى الامين العام لحزب الامة القومي ابراهيم الامين ان المعارضة قطعت شوطا طويلا فيما يتعلق بوثيقة البديل الديمقراطي ولفت الي ان قضايا السودان لاتحل بالتجزئة بل في اطار حل قومي بصورة واضحة وحيثيات مقنعة .

نقلا عن الراكوبة

قبل ايام كتبنا عن د. خالد المبارك

واليوم جاء دور د. ابراهيم غندور الرجل الذى عهد اليه النظام بتدجين و تصفية الحركة النقابية السودانية حسب قانون الانفاذ المأفون الذى جمع كل نقابات السودان وجعلها تأتمر بامرة رجل واحد.

رئيس اتحاد عمال السودان و فى نفس الوقت رئيس لجنة الشئون الخارجية فى الحزب الحاكم تصوروا.

هذا الرجل يطلب من المعارضة أن تصمت لأن هناك وفد يفاوض دولة عدوة فى أديس اباب

تصوروا تانى

طيب يا ايها الذكى لماذا لم تطلب من حكومتك أن تؤجل الزيادات ؟

مش هو ده الاسهل.

كمان اخونا غندور بيقول انه كان من معارضى الزيادات.

ممكن تورينا يا سيد غندور كيف كانت معارضتك تلك؟ هل برفع الصباع؟

يا اخى انت رئيس اتحاد عمال السودان و كان من المفروض مش تعارض كان تستقيل. ولكن انت لست بعامل ولك بجانب وظيفتك المربحة كرئيس اتحاد عمال السودان وظيفة اخرى كقيادى فى الحزب الحاكم اكثر جلبا للمال!!!

فهل يهمك العمال سيدى الدكتور؟

ثم قال لا فض فوه

Quote: انه كان يتوقع من المعارضة طرح بديل اقتصادي لحل الأزمة

بالله

يعنى وكت الحارة و الزنقة تجى المعارضة المقهورة و المسبوبة تديكم اقتراحات لحل الازمة

حاجة مضحكة والله

Quote: يا اخى انت رئيس اتحاد عمال السودان و كان من المفروض مش تعارض كان تستقيل. ولكن انت لست بعامل ولك بجانب وظيفتك المربحة كرئيس اتحاد عمال السودان وظيفة اخرى كقيادى فى الحزب الحاكم اكثر جلبا للمال!!! فهل يهمك العمال سيدى الدكتور؟

من أكبر أنواع الظلم التي أحاقت بعمال السودان بعد الفصل التعسفي وتصفية القطاع العام لصالح متمكني الإنقاذ هو تصفية الاتحاد العام لنقابات عمال السودان, وهو الهيئة المطلبية التي تتحدث باسمهم وعهدت بتلك المهمة لأحد أساطين الإسلامويين وهو البروف إبراهيم غندور وهو البروف في الطب الذي يرأس إتحاد عام نقابات عمال السودان,

أحمد الشايقي

Quote: انه كان يتوقع من المعارضة طرح بديل اقتصادي لحل الأزمة

داير ليك بديل إقتصادي أحسن من إسقاطكم ؟؟؟؟؟
شوف حنوفر كم في مرتبات الوزراء والدستوريين ورجال الأمن
الميزانية الرايح ثلاثة أرباعها أمن وجيش
شوف حنوفر منها كم بإسقاطكم ؟؟؟؟؟
(ناس الامن الشغالين مراقبة للناس وتعذيب ليه، كلهم حيمشوا يشوف ليهم شغل أشرف وأفيد ليهم وللبلد، حكومة بجيبها الشعب ما محتاجة لحماية منه)
أحسب كمية الفساد (المستمر حتي هذه اللحظة) الحتقيف!!!!!
شوف كمية التوفير الحتحصل من أيقاف الحروب المدورة في النيل الأزرق وكردفان ودارفور ومع جنوب السودان؟؟؟

فاسدين وكذابين وحرامية
دي فهمناها
البلادة شنو؟؟؟؟؟

شوف غندور وكذبه
انتو المعارضه مدنها فرقه تقول رائها
تعلن عن ندوه تلغوها
تعملها في دورها تقتحموها

يا غندور اختشي

ازيك يا هشام
بالله ناس الانقاذ ديل في كل اللحظات ما دايرين
يبطلو الاستخفاف بعقول الناس !!

Quote: وقال «مافي كلام بتكتب في جريدة بقلب الحكومة».

جرب
سلام يا صاحبي
جنى

Quote: من أكبر أنواع الظلم التي أحاقت بعمال السودان بعد الفصل التعسفي وتصفية القطاع العام لصالح متمكني الإنقاذ هو تصفية الاتحاد العام لنقابات عمال السودان, وهو الهيئة المطلبية التي تتحدث باسمهم وعهدت بتلك المهمة لأحد أساطين الإسلامويين وهو البروف إبراهيم غندور وهو البروف في الطب الذي يرأس إتحاد عام نقابات عمال السودان,

صدقت يا الشايقى

الحكومة الانقاذية البائسة اهتدت بالتجربة المصرية الكالحة وصممت قانونا للنقابات يماثلها تماما بهدف وضع كامل النقابات داخل الجيب.

اهو الحكومة المصرية السابقة سقطت بثورة ولم ينجها هذا القانون المجحف. عندما يجئ اليوم الموعود لا شئ يوقف التغيير لا شئ.

نصر

سلام

Quote: داير ليك بديل إقتصادي أحسن من إسقاطكم ؟؟؟؟؟ شوف حنوفر كم في مرتبات الوزراء والدستوريين ورجال الأمن الميزانية الرايح ثلاثة أرباعها أمن وجيش شوف حنوفر منها كم بإسقاطكم ؟؟؟؟؟

شكرا لك

Quote: شوف غندور وكذبه انتو المعارضه مدنها فرقه تقول رائها تعلن عن ندوه تلغوها تعملها في دورها تقتحموها

و فى الزنقة قالو تقترح حلول

شكرا منى

سلام ياجنى

الراجل قال على المعارضة تاجيل المظاهرات عشان مفاوضات اديس ابابا

علما بان هذه المفاوضات فلم مكرر

فى الفيلم السابق وصل الممثلون لاتفاق وما ان تم التوقيع عليه حتى عاد المخرج من الصين فالغى الفلم بكامله