Post: #1 Title: حينما يصل التأييد حد الشرك بالله Author: عادل نجيلة Date: 06-30-2012, 06:47 AM
كما جاء في الفيسبوك !!
Post: #2 Title: Re: حينما يصل التأييد حد الشرك بالله Author: عادل نجيلة Date: 06-30-2012, 12:31 PM Parent: #1
ما رأي أعضاء المؤتمر الوطني فيما كتبه محمد الحاج !!!
Post: #3 Title: Re: حينما يصل التأييد حد الشرك بالله Author: محمد فرح Date: 06-30-2012, 12:35 PM Parent: #2
الفيسبوك ده مشكلتو إنو ########ه وهايصه يعني اي زول ممكن يعمل حساب في دقيقه ويجي يكتب بيهو اي كلام ويتهم بيهو الطرف التاني ماأظن زول إتربى على اخلاق الحركة الإسلاميه ممكن يقول كلام زي ده والمؤتمر الوطني جاء لإلغاء التبجيل المبالغ فيهو العرفت بيهو الاحزاب الطائفيه ونجح في الحاجه دي شديد
Post: #4 Title: Re: حينما يصل التأييد حد الشرك بالله Author: عادل نجيلة Date: 06-30-2012, 01:23 PM Parent: #3
Quote: الفيسبوك ده مشكلتو إنو ########ه وهايصه يعني اي زول ممكن يعمل حساب في دقيقه ويجي يكتب بيهو اي كلام ويتهم بيهو الطرف التاني ماأظن زول إتربى على اخلاق الحركة الإسلاميه ممكن يقول كلام زي ده والمؤتمر الوطني جاء لإلغاء التبجيل المبالغ فيهو العرفت بيهو الاحزاب الطائفيه ونجح في الحاجه دي شديد
والله يازميل إنت تحفة .. كدي شوف مساعدين الريس منو!!! مؤونة 7 يوم من السكر ..!
Post: #5 Title: Re: حينما يصل التأييد حد الشرك بالله Author: فايزودالقاضي Date: 06-30-2012, 01:32 PM Parent: #4
يامحمد فرح في واحد سب دين عديييييييييل كده في ركن نقاش ومصور فيديو وقبل ايام كان منزله اخونا محمد عادل ولوما انا في العمل ومابقدر انزل فيديو كان جبتو ليك ..
Post: #6 Title: Re: حينما يصل التأييد حد الشرك بالله Author: معاوية المدير Date: 06-30-2012, 01:41 PM Parent: #5
Quote: يامحمد فرح في واحد سب دين عديييييييييل كده في ركن نقاش ومصور فيديو وقبل ايام كان منزله اخونا محمد عادل ولوما انا في العمل ومابقدر انزل فيديو كان جبتو ليك ..
يا ربي دا يكون إتربى وين ؟؟؟ في حظيرة الدندر ؟؟؟
Post: #7 Title: Re: حينما يصل التأييد حد الشرك بالله Author: لنا جعفر Date: 06-30-2012, 05:18 PM Parent: #6
نجيلة والشباب مساكم سعيد المادة كم وخمسين اظنها من قانون عقوبات الكيزان المشوه بتتحدث عن سب العقيدة لكن يبدو انه في تفسير سري......سب العقيدة من غير الكيزان جريمة ومن الكيزان والمتأسلمين لغو ساي....والله ما بيآخذ باللغو حسب الآية لكن بالآيمان الوقر في الصدور شايفين كيف؟؟؟؟ فديلاك مسلمين مؤمنين ياخ وبقية الشعب كفار ويترزعو في آيمان ابو أهلهم القوانين مفصلة عشان تمشي في المعارضين والما عندهم سند لكن المسلمين تبع الدولة بتظللهم رايات صكوك الغفران المتباعة من الانقاذ ماشايفين فساد آل بيت الريس ؟؟؟ماشايفين فساد الوزراء والمحاسيب تبعهم؟؟ بس داك فساد مسلمين ....قايلنو زي فساد بقية الخلق؟؟؟؟ انا شفتا الكومينت في الفيس طبعاً وكيزان هناك مابذلو جهد النصيحة ناهيك عن الردع يانجيلة عادي ياخ...في دولة المشروع الحضاري انتو لسه بتستغربو؟؟؟ دي ولا بفتحو بيها بوست زاتو...ماشايف اخوك محمد فرح جاك طوالي بشنو؟؟ نحن مشي بعيد ليه ؟؟؟بالعقل الريس ماعارف الذمة المالية للست مراتو لمن زحلقا من المرحوم؟؟؟ في فرق ولا مافي في أموالها بين زمان ولمن بقت مرات ريس بتحمل الرقم 2؟؟؟ مابيقدر يسألها يعني؟؟؟ هم ماعايزين صلاح ولا دين ولا أي شي دين مين ياعم .......الدين هو دين عمر بن عبد العزيز الحكم سنتين وبضعة اشهر وفي عهدوا كانو السريحة والمنادين بينادو في الشوارع...هل من جائع فنطعمه؟؟؟ هل من عاري فنكسوه؟؟؟هل من أيم فنزوجه؟؟ ولمن مايلاقو محتاج يرجعو القروش لي بيت مال المسلمين أما الحكم ربع قرن ده وقال جا البلد عشان ينقذها اكل عائدات بترولها وفصل جنوبها وخصخص قطاعاتها الحكومية وباع اراضيها هو وحاشيتو ومرتو وأخوانو واهلو في سوق الله اكبر قدام عيونا واتقاسمو عايدها زي كأنو ورثة وقضوا على الزراعة والصناعة والسودان بموجب كل ده بقى سادس دولة مستثمرة في ماليزيا لانهم نهبو اي شي وصفوا البلد ده غير البره والما عارفينو....وبعد ده يجي يهتف الهتاف الما هتفو عمر بن عبد العزيز التقي الورع هي لله هي لله لا للسلطة ولا للجاه دي دولة الفساد والمحسوبية والإجرام والفجور والفسوق عمادها وهيكلها المقدس فعادي يعني سب الدين والشرك والفساد ....الحاجات دي اسلامية يانجيلة وانتو هوالين ساي الشي اللذيذ الولد الكاتب الآية دي قااااعد يتونس في الفيس ويجاهد على رؤس حماة الدين المزعومين طبعاً السودان اتحول على يدهم لما يشبه ماكوندو .....بالضبط كده فهون عليك وعلينا نحن بنعاين لي شرك وسرقة وإجرام اسلاميين والمسألة دي مافيها شي لانه الله غاااااافر ليهم وهم حاولو الدولة الاسلامية واجتهدوا وكونهم فشلوا فده ما بيحرمهم الاجر الواحد حسب الحديث . تحية ومحبة للجميع هنا
Post: #9 Title: Re: حينما يصل التأييد حد الشرك بالله Author: عبداللطيف حسن علي Date: 06-30-2012, 05:49 PM Parent: #7
تحيةلنا جعفر ، مداخلة محترمة...
برضو الوهابية عندهم اسلام خاص يسمح لهم بسب الناس
ومن يسبهم ، فهو قد سب الاسلام ...
الاسلام دين اي زول ممكن يعمل فيهو فهم خاص به لوحده
في حد ادني ثم يتفق مع جماعة في تفاصيل تانية
فيدخل اليها ...
Post: #8 Title: Re: حينما يصل التأييد حد الشرك بالله Author: Al-Shaygi Date: 06-30-2012, 05:36 PM Parent: #3
Quote: ماأظن زول إتربى على اخلاق الحركة الإسلاميه ممكن يقول كلام زي ده
وهل الذي تربى على أخلاق الحركة الإسلامية : يسرق ويستبيح المال العام والخاص؟ هل يقتل النفس التي حرم الله إلا بالحق؟ هل يشرد خلق الله ويحرمهم الرزق الحلال لمجرد الطمع في الوظيفة أو مخالفة الرأي (التمكين)؟؟ وهل وهل وهل.....؟؟؟
