Post: #1 Title: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-29-2012, 04:41 PM
انتهينا من المساعد والمرة الجاية الهدف الراس بشة
Post: #2 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: هيثم التوم Date: 06-29-2012, 04:44 PM Parent: #1
نعم نعم ...
بلها واشرب مويتا
Post: #3 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد البشرى الخضر Date: 06-29-2012, 04:46 PM Parent: #1
بالدوريا ود ابراهيم لسة جمعة كلك نظر لعبد الرحيم و جمعة ح نحاكمك لعلي عثمان حتى يجي دور بشة
Post: #4 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-29-2012, 04:46 PM Parent: #1
الاخوة بتاعين الشهادة العربية دوركم هو ترجمة هذا المصطلح للقنوات العربية الاخوة في الشتات الاوروبي والامريكي والاسيوي عليكم بالترجمة الى جميع لغات دولكم
Post: #5 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-29-2012, 04:50 PM Parent: #4
يا ود البشرى كلك نظر ما بيستاهل جمعة حتة خميسك ولو تبيع قميصك بتكفي على عثمان جوز ما يخسر مع بشة بعدين ياخي لقد جلكنا في انتظار هذه الجمع وعايزين نرجع
Post: #7 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-29-2012, 04:51 PM Parent: #5
شكرا يا هيثم Like + Share لوووول
Post: #6 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Hani Arabi Mohamed Date: 06-29-2012, 04:51 PM Parent: #4
نكون حرفيين شوية وناخد الكلمة كما قالها قدّس الله سرّه "موصوها واشربو مويتها"
كما أقترح أيضاً جمعة شذاذ الأفاق وجمعة مركوب كديس وجمعة البامبي
Post: #8 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Mahjob Abdalla Date: 06-29-2012, 04:52 PM Parent: #4
غايتو انا منتظر "جمعة الضحك شرطهم" و ما تسألني اترجمو للخواجات بحكم انني متواجد في هذه البلاد.
Post: #10 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد علي شقدي Date: 06-29-2012, 05:03 PM Parent: #8
قبل الجمعة يا صاحبي دايرين نسمي الايام الميته من الاسبوع ( جرادة في سروال) نرجع نبدأ من فوق من الجمعة الجاية يعني نسمي جمعة شذاذ الافاق وجمعة الدايرنا يمرق الشارع وجمعة رجعونا محل انقذتونا وبعدين نبدأ من تحت خالص ونسمي جمعة (هكذا) متلازمة اللتخ ربيع ود عبد العاطي
Post: #12 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد علي شقدي Date: 06-29-2012, 05:22 PM Parent: #10
طبعا كلامنا ده من باب الفرح بنجاح سودنة اسماء المظاهرات لكن الاسم البحددو الشباب المتحرك علي الارض نحن معاهم تب
Post: #9 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: منتصر عبد الباسط Date: 06-29-2012, 04:59 PM Parent: #4
لك التحية أخي محمد ابراهيم لتسمية لحس الكوع كانت مبررات رغم محلية الاسم ولا ارى ضرورة للاتجاه لتبني هذا النمط نعم للمحلية ....ولكن إذا كان للاسم قوته وعمقه وتأثيره ومن قبل كان اسم الكتاحة جميل ...وبرضو لحس الكوع ... ومهلاً لا نستعجل الاسماء ليس قبل صباح الغد ... أو الاحد ليس من الصالح أن نفكر الان قبل برود نار هذه الجمعة خلونا في لحس الكوع الان ...وفي ذيلها يأتي اسم ما بعدها .
Post: #11 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: علاء الدين يوسف علي محمد Date: 06-29-2012, 05:11 PM Parent: #9
الأخ العزيز مُحمّد إبراهيم
تمخّضت جُموع المُعارضة لجُمعة النّصر فولدت فأراً صغيراً خجولا لم تنجح يا مُحمّد .. لم تنجح أين كانت بُؤرها؟ أوليست هي ذات البُؤر المُتملمِلة أصلاً بعد ضياع كُرسي الحُكم مِنها؟
كذبت كُل التّقارير المحبوكة و المُفبركة و المُغرِضة أن المُظاهرات عمّت مناطق كذا و كذا و كذا قالوا بُرِّي وشرق النّيل وعيييييييييييييييييييييك ديل الإتنين أنا أجزم و أبصم بالعشرين و مِن مُشاهدة عين ما كان فيها شيء
فأرجو إنُّو الجّماعة ما يمسِّكوك ضنب الككو
Post: #13 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: الشفيع وراق عبد الرحمن Date: 06-29-2012, 05:28 PM Parent: #11
ود ابراهيم معاييرك للنجاح شنو؟ لا تكون بوستات صلاح جادات!!!!
اقترح جمعة (تشموها قدحة)
Post: #14 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Ashraf el-Halabi Date: 06-29-2012, 05:44 PM Parent: #11
Quote: انتهينا من المساعد
"تاني ما تقول إنتهينا.. بتنهي جيل ينظر إلينا" لووول يا ود أبراهيم المساعد أب لسان كرفتة دا حرم أربع جمع ما تكفينا فيهو جمعة 2 "جمعة أبو العفين" جمعة 3 "جمعة قلع الحكومة ضراع" جمعة 4 .... أبو العفين جاب الهوا لناسو
Post: #15 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد هارون حميدان Date: 06-29-2012, 06:05 PM Parent: #14
Quote: الجمعة الجاية (جمعة بلها واشرب مويتا)
Post: #16 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: على عجب Date: 06-29-2012, 06:22 PM Parent: #15
محمد ابراهيم
بعد ان تم تلقينهم الدرس ..علينا الان ان نعود الي شعاراتنا
فارجو ان نقترح تسميتها جمعة الخلاص..
Post: #17 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Imad Khalifa Date: 06-29-2012, 06:29 PM Parent: #16
وما تنسي يا هندسة (جمعة البلاقينا مشمر بنلاقيهو عرايا)
هكذا تكون البدايات دائما وثورة ثورة حتى النصر...
تحياتي
كسرة: بالله احتفظ بكبشرة تصريح الملازم طبيب خالد حسن، سأحتاجه بعد الأرشفة لبوست أنوي كتابته عن سقوط هذا الكوز الأرعن.
Post: #19 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: على عجب Date: 06-29-2012, 06:34 PM Parent: #17
Post: #18 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: بهاء الدين سليمان Date: 06-29-2012, 06:33 PM Parent: #15
Quote: بعد نجاح جمعة لحس الكوع
استاذ محمد بعد السلام باي مقياس قست نجاح الجمعة دي جمعة صراع سلطة بين البشير والصادق والشارع برئي منها تماماً الناس عارفه بديل البشير ياهو الصادق ومافي زول عندو ذرة عقل بيصوم من سنة 1989 عشان يجي يفطر على بصلة انا شخصياً احمل حزب الامة فشل حراك الشارع لتغيير النظام بسبب خنوعهم لزعيم عليه اجماع وسط السودانيين على بغضه ويعلمون انه البديل يا ناس حزب الامة هوى وكت تقدروا تثوروا على فرد واحد وتقلبوهو تعالو ثوروا على الحكومة
Post: #20 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-29-2012, 08:50 PM Parent: #18
شكرا لك من تداخل مساندا او منتشيا(مثلي) واستميحكم عذرا ان ارد على ثلاث مداخلات علاء والشفيع (جوز ما يخسر :)) وبهاء الاخوان علاء والشفيع وراق افيقو مما انتم فيه فما زال قطار الثورة في المحطة الاولى والركوب ما مجاني لكن بشوية نقد ذاتي سالتموني ما هي مقاييسي لنجاح هذا اليوم مقاييسي لنجاحه هذا اليوم هي ما تحكيه القنوات الفضائية والصور ومحادثاتي مع ناس في عمق الحدث مقاييسي نجاحه لهذا اليوم هي حالة الرعب التي (بللت) سراويل النظام وحشد الالاف القوات النظامية وغيرها استعدادا له مقاييسي نجاحه ابسطها هو دخولك يا علاء وكتابتك لهذه المداخلة عبر كاسر للبروكسي مقاييسي لنجاحه هو جلوس الشفيع امام الكومبيوتر لاكثر من 10 ايام حتى ان خشيت ان تتفسخ ..... احنا كنا وين وبقينا وين ؟ اذا كنتم وكثيرون معكم تظنون اننا نتوقع ان هذا النظام سيذهب من يوم واحد او سابوع فهذا وهم واصحو منه على النظام ان يستعد لشهور حسوما انا بديها من 3-6 شهور اذا مشت الامور بهذه الوتيرة فالنظام يتآكل من داخله ودابة الارض (المال) تاكل من منسأته وهو لا يدري فكل ما يجمعه من رفع الدعم سيذهب للصرف على الامن والامن فقط اما اذا اردتم ان تعجلوا بذهابكم(وهذا خياركم) فاستمعوا لما يقوله الرعديد الاسير واحشدوا من تسمونهم بالمجاهدين وسلحوهم ليقابلوا العزل لتحسموا امرهم بسرعة ولكن حذاري فسفن الاوديسا لم ترجع بعد و تذكروا ايضاان السودان ليست به انفاق مثل التي اختباء بها القائد الاممي وان عيدان شجره بها شوك عظيم الاذى او (كراضم) مذهبة للبواسير وستجد الكثيرون ممن يتحرقون لمثل هذا التصرف المنكر بدأت سلمية ونتمنى ان تنتهي سلمية بل وندعو بذلك ونناصب العداء كل من ينادي بغير ذلك وبعدها يقف كل من اجرم في حق هذا الشعب امام (قاضيه الطبيعي) ليحاكم على ما ارتكب من خطايا ورزايا
الاخ بهاء الصادق المهدي اذا اتت به صناديق الانتخابات فليس لي الا ان اقبل بذلك رغم راي السلبي فيه دي الديمقراطية التي نريد ان تاتي بالصادق او تذهب به بدون اعتصامات وبمبان ورصاص طيب اذا الصادق لا زال بعد 23 سنة يحتفظ بمؤيدين يعطونه اغلبية برلمانية فكيف نحرمه من حقه يبقى فرقنا شنو من عمر البشير والترابي ما نمشي من بكرة ننضم للمؤتمر الوطني ونفضها سيرة البديل الذي ننشد ليس شخص ولكن نظام دمقراطي تحكمه المؤسسات لا الاشخاص لديه سلطة تشريعية تعرف دورها تراقب الجهز التنفيذي لديه سلطة تنفيذية واجباتها وحدودها معروفة لديه قضاء مستقل يحرس القانون والدستور ولدينا صحافة واعلام مستقل يراقب كل هؤلاء لدينا منظمات مجتمع مدني لديها من ادوات الضغط ما تحرس به منجزات الثورة نحن في العام 2012 ولسنا في الثمانينات والثورة من يقودها اليوم شباب ولدوا في ظل هذا النظام هم من سيحرس ثورتهم وتاكد لا الصادق ولا غيرو بقادر على ان يسرقها منهم
Post: #21 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: منتصر عبد الباسط Date: 06-29-2012, 09:06 PM Parent: #20
معناتو هي ( جمعة هز الضراع )
Post: #22 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: mutwakil toum Date: 06-29-2012, 09:09 PM Parent: #20
يا هندسة جمعة لحس الكوع كانت جمعة جامعة.. لكن دايرين الجمعة الحاسمة تكون جمعة (تحت جزمتي دي) .. فالتغيير التاريخي فعلاً يجب ان يكون مرتبطاً بالبشير، و البشير شعاراتو كتيرة أو ممكن تكون جمعة (الراجل الزهجان من مرتو و قالت ليو طلقني يا ابو فلان) أو جمعة (البمد ايدو للبلد دي بنقطعا ليو) أو جمعة (البتاوق لينا بنقطع رقبتو) أو جمعة (ده اغتصاب و لا شرف ليها). او جمعة (الحشرة الشعبية) البشير ده خلاّق يا هندسة. خلاّق و ما عندو اخلاق .. كع
Post: #24 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-29-2012, 09:34 PM Parent: #22
هاني عربي قعادنا الكتير مع العرب ديل اثر علينا لوووول هي فعلا (موصوها واشربو مويتا)
يا محجوب جمعة الضحك شرطهم لمن نصل ليها الخواجات بكونو بقو يفهو سوادني لوووول
يا شقدي ما شايف انك كترت لينا الجمعات كدة وناس الحكومة ما بستحملو ضنبهم رقيق وهسي علي محود بكون جاب الزيت
يا منتصر البوست طبعا نتاج انتشائي بما حصل اليوم والشباب على الارض هناك هم من يسمون ثورتهم وتراهم مبدعين في ذلك كما ذكرت انت
اشرف يا حلبي المشكلة ما عندنا جمع كتيرة دايرين ننجز سريع بعدين لو بارينا الجماعة ديل جمعو ورا جمعة الموضوع بطول حقو نخش في ايام الاسبوع بعد نافع ده خلو ليهو الاربعاء اصلها بتشبهو كدة
حميدان شايفك موافق وانت من ناس موصوها واشربو مويتا الشباب على الارض هم من يسمون ولا نسرق حقا ليس لنا
يا علي عجب
كما قلنا سابقا هذا البوست فرايحي والشباب يسمو بمعرفتهم وانا متاكد انهم سيدهشوننا
عمدة يا صديق جهز شنطك اوان الرجوع قرب وانا شايفو في المرايا وحتما سيكون الشعب هو من يلاقيهم عاريا فهم متشمرين الان
الضراع يا منتصر بعدو النترة اوان دخول الخريف الجد اهلنا بسموها(نخرة الاسد) وبعد الطرفة البكاية وهي ام السيول الجارفة الا يستحق ان يسمى خريف السودان بدلا من ربيعه ؟
يا متوكل بالطريقة اي زول يسمي جمعتو براهو لانو بطول لوووول
والود لكم (كوتة بكري تجبرنا على ضمكم في مداخلة واحدة)
Post: #23 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: علاء الدين يوسف علي محمد Date: 06-29-2012, 09:30 PM Parent: #20
Quote: مقاييسي نجاحه ابسطها هو دخولك يا علاء وكتابتك لهذه المداخلة عبر كاسر للبروكسي
هِنا تخسر يا حبيب مقياسك دة ما مقسِّم لأنُّو علاء طبيعي إنُّ, يخُش سودانيز ويكتب ويرد دة شيء عادي
أمّا مقياسي لفشلها فهو: 1- مُحاولة الكذب و الفبركة بتصوير الأمر و كأنّه خُروج في العاصِمة بأسْرِها مع إنّها كانت محدودة وفي بُؤر بعينها معروفٌ حنقها سلفاً على النِّظام وهذه مُحاولة مِن سِلسلة مُحاولات كثيرة لاسقاط النِّظام بدأت مُنذ تخرجون ولّ تُفلحون ما عارِف، مرورواً بتحالُف جوبا ومُحاولة الرِّهان على حِصان الحركة الذي "فنجط" بيهم ورماهُم في أٌقرب ملف.
2- أنا في الخرطوم لا محبوس لا مُتضاري لا لابِد في بيتنا، لفّيت الخُرطوم على فَدْ كُراع لقضاء حوائج و تأدية واجبات مُناسبات، والله لم ألحظ فيها تغيُّراً عن سابقاتها من الجُّمُع.
3- الجّماهير التي احتشدت لمُباراة الهلال ولم تلتفت لجُمعة لحس الكوع المخستكة.
وتقول لي نجحت
راجِع مقايسك يا حبيب
Post: #25 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-30-2012, 07:02 AM Parent: #23
زمان كنت بتفهمها طايرة المقصود يا حبيب انو الحكومة حاظرة موقع سودانيزاونلاين والراكوبة و حريات تفتكر لييييييييييييييييي يا علاء ؟ كم عدد المعتقلين يا علاء ؟ الحكومة من يوم الخميس جاتا حنية فجأة كدة ومش لمت كل الشماشة الموجودين في سوق ام درمان الحكومة سراويلها متبللة والما شايف بشم بعد شوية :)
Post: #26 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Hashim Taha Date: 06-30-2012, 07:43 AM Parent: #18
Quote: انتهينا من المساعد والمرة الجاية الهدف الراس بشة
أظرف معارضة و اسهل طريقة
طالما المسألة بهذه البساطة .. شوية كلكات و كم بوست و المسألة تخلص.. اقترح عليكم نقل هذه التجرية و هذا الاختراع السوداني الفريد إلى الشعب السوري المسكين الذي يعاني منذ أشهر عشان يخلص من بشار و ما قادر.. بالله ملكوه هذه الأفكار الجميلة .. و أفتحوا ليهم كم حساب كده في سودانيزاونلاين و كلها بوستين تلاتة من عينة (تشتعل) و (هادرة) و يخلصوا من المآسي بتاعتهم دي و تكتحل أعيننا ببوست ظريف زي دا كده يقول (انتهينا من بشار).
Post: #27 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Basheer abusalif Date: 06-30-2012, 07:56 AM Parent: #26
واحد من معايير النجاح كل صحف العالم كتبت عن هذه الجعمة..
Post: #29 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 06-30-2012, 09:02 AM Parent: #28
يا بشير خليهم كدة في ضلالهم يعمهون جريدة الايام الصادرة يوم 6-4-1985 كان المانشيت فيها نجاح مسيرة الردع فالشكر لكل صحافة العالم الحر لوقفتها مع شعب السودان في ثورته
بلة يا بلة ودارفور تستحق ايام السنة كلها وليست جمعة واحدة فما فعله نظام البشير في دارفور من قتل وتشريد واغتصاب لحرائرها لو كان في اي مكان اخر في السودان لرأينا الكثير ممن يتأرجحون اليوم بين الحق والباطل في مقدمة الصفوف دارفور تظلم مرتين من النظام الحاكم ومن الشياطين الخرس المعتصمين وراء عنصريتهم الخفية المغلفة بشعارات دينية ونصوص العصور الوسطى وواجب اطاعة ولي الامر يكفي دارفور فخرا انها احتجزت الجنرال الرعديد وقيدت حركته وصار منبوذا كالاجرب الكل يتحاشى الجلوس بجواره
Post: #30 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: Hashim Taha Date: 07-01-2012, 07:37 AM Parent: #29
Quote: يا بشير خليهم كدة في ضلالهم يعمهون جريدة الايام الصادرة يوم 6-4-1985 كان المانشيت فيها نجاح مسيرة الردع فالشكر لكل صحافة العالم الحر لوقفتها مع شعب السودان في ثورته
كده نحن زاتنا مبسوطين والله طالما مقياس النجاح عندكم صفحات الجرايد.. و من عندي زيادة صفحات المنتديات
مبروك عليكم نجاح الثورة و كل ثورة و انتم بخير.
بالله المقترح بتاعي ما تهملوه .. لأنو السوريين ديل مساكين ما عارفين طريق نجاح الثورات ..
Post: #31 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: محمد إبراهيم علي Date: 07-01-2012, 07:54 AM Parent: #30
لا بأس اما الابأس فهو ما ظهر من ان مناصري المؤتمر الوطني يطلبون امولا من القنوات التلفزيونية مقابل الظهور والدفاع عن نظامهم المتهالك فهل يا ترى الدفع هنا بالمداخلة ولا باليومية ؟
Post: #32 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: صديق الموج Date: 07-01-2012, 01:24 PM Parent: #31
فوق من اجل الوطن واصلو نضالكم ضد سارقى قوت الشعب
Post: #33 Title: Re: بعد نجاح جمعة لحس الكوع - الجمعة الجاية (جمعة بلها واشرب مويتا) Author: أنور أدم Date: 07-01-2012, 01:31 PM Parent: #32
