الطريف في الموضوع انو عندي بتي قاعدة بتنق جمبي برضو
-
-
اتمنى انو الجميع يكون بيشاهد في مسخرة متحدث الكيزان دي الان
Post: #43 Title: Re: ألحقوا قناة دبي: مصراني متعاطف مع مصران المذيعة! اتفقع! Author: قيقراوي Date: 07-01-2012, 09:55 AM Parent: #9
Quote: بتي قاعدة بتنق جمبي برضو
انت يا وغد مش زمااااااانك كدا كنا اصحاب؟ ما عزمتنا العرس مالك؟
----------
مريم ازيك ياخ وكويس انو لسة عندك مصارين تتفقع ياخي نحنا التلاتة وعشرين سنة دي ما خلت فينا حاجة تتفقع تاني ذاتو الغريبة بقروا كلهم من نفس س س الكتاب الناس ديل!!
وقال ليها انا اتخرجت من هذه المؤسسة وبعرف طلابها ما بيعملوا كدا
عييييييييييييييييييك
Post: #19 Title: Re: ألحقوا قناة دبي: مصراني متعاطف مع مصران المذيعة! اتفقع! Author: مريم بنت الحسين Date: 06-28-2012, 09:50 PM Parent: #18
عليك الله هو بالله يا عمر طلع الحرامي إياه!!!!!!!!!!!!!!!! والله دي قوّة عين موبااااالغة!
Post: #20 Title: Re: ألحقوا قناة دبي: مصراني متعاطف مع مصران المذيعة! اتفقع! Author: ناذر محمد الخليفة Date: 06-29-2012, 09:15 AM Parent: #19
ما في تسجيل للحلقة دي يا جماعة ؟؟!!
Post: #21 Title: Re: ألحقوا قناة دبي: مصراني متعاطف مع مصران المذيعة! اتفقع! Author: محمد عمر الفكي Date: 06-30-2012, 09:01 AM Parent: #20
بناءاً على طلب ناذر
Post: #22 Title: Re: ألحقوا قناة دبي: مصراني متعاطف مع مصران المذيعة! اتفقع! Author: عبدالله احيمر Date: 06-30-2012, 09:45 AM Parent: #21
Quote: ما في تسجيل للحلقة دي يا جماعة ؟؟!!
ناذر عاوز تفقـع مراتك لية ؟
بت الحســين ازيك
Post: #23 Title: Re: ألحقوا قناة دبي: مصراني متعاطف مع مصران المذيعة! اتفقع! Author: ناذر محمد الخليفة Date: 06-30-2012, 01:40 PM Parent: #22
سلام عبد الله ومحمد الفكي ..
وشكرا على الفيديو ..
كت عارف لكن حسيت انو الأسئلة منطقية جدا واجابات النائب فيها شي من الدبلوماسية وأهم شي أنو بيعرف يتكلم كويس وما فضحنا بين العالمين زي ما بيعملوا سياسيين كتار بي لغتم الركيكة ..!!
بس بالغ في دفاعو وتبريرو عن غلاء الطماطم واللحمة ..!!
Post: #26 Title: Re: ألحقوا قناة دبي: مصراني متعاطف مع مصران المذيعة! اتفقع! Author: Isa Date: 06-30-2012, 02:56 PM Parent: #24
Quote: الأسئلة منطقية جدا واجابات النائب فيها شي من الدبلوماسية وأهم شي أنو بيعرف يتكلم كويس وما فضحنا بين العالمين زي ما بيعملوا سياسيين كتار بي لغتم الركيكة ..!!
فعلاً يا ناذر الحاج آدم فوقو الشفاعة لو قارنتو بناس نافع وربيع وكمال عبيد وأمين ومندور وعييييييك.. بس إجاباتو ما كانت منطقية ولا دبلوماسية في رأي.. ولكن بالطبع لا نتوقع منه غير ذلك.. يعني عايزنو يقول أيوة في إحتجاجات حقيقية ضد الحكومة مثلاً؟ بالإضافة إلى إنكار ما قاله البشير وعلي محمود وغيرهم.. على الحاج أن يذكر أن البشير قال في مؤتمر الحركة الإسلامية الأخير أيضاً أن الحكم (أفسد) الإسلاميين.. الناس ديل يا ناذر (أفلسوا) بكل المعاني ال حاول الحاج يتفلسف بيها عن كلام علي محمود..
ــــ سـلام يا مريم وشكراً وسلامة مصرانك:).. والمذيعة فعلاً والله (حننتني:-)).. في النهاية وبكل ذوق شكرتو على رحابة صدرو!.. مذيعة مقتدرة جداً خسرتها الجزيرة ضمن أخريات أيضاً قديرات بسبب إدارة الإسلامويين للقناة..
الراجل ده ذكي ومراوغ من الطراز الأول ، نسخة من الترابي بل فاقه بالجدية وعدم اللجوء الى الابتسامات الصفراء بل كان مرتباً في حديثه ولم تجد المذيعة بالرغم من أنها جاءت بخلفيات مرتبة عن الوضع في السودان ثغرة تدرش بها هذا المتحدث من ناحية دفاعة عن الحكومة والمبالغة في استتباب الوضع ، هذا هو الدور الذي يجب أن يقوم به كفرد في السلطة الحاكمة حتى ولو كان بدون قناعة منه ، ومن يدري ما يدور خلف الكواليس ربما هو ممغوص أيضا ولكن هكذا يجب أن يواجه الاعلام
التحية لصاحبة البوست والضيوف الكرام
Post: #30 Title: Re: ألحقوا قناة دبي: مصراني متعاطف مع مصران المذيعة! اتفقع! Author: مريم بنت الحسين Date: 06-30-2012, 07:09 PM Parent: #29
معليش يا جماعة، البيت محروس...
مشكور اخونا محمد عمر على التسجيل... ومرحب بي عبد الله احيمر....
يا ناذر، عليك الله اسمع كلامه عن "فائدة" زيادة الاسعار في زيادة الانتاجية... والله دي طالب اولى اقتصاد ما يقولها! طبعا مقارنة بالجماعة القلتهم، الراجل "كلّام"، لكن فاقد المنطق تماماً
اهلا يا عيسى... الحقيقة انا لما كتبته البوست، هي كانت في مرحلة زهج كده من لولوته....
اهلا يا اشرف حبابك
هدير يا قايدنا... والله ابتسامته معبرة بشكل، الزوله دي بالجد حريفه ومتمكنه وداااااااااااارسه.... وبكل ثقة قالت ليه لما نكر اعتراف البشير بالفساد "امشي اتأكد"......
ترهاقا، غايته كان بقت معاها ابتسامة صفراء، انا كان قفلت التلفزيون
الاخ هاني عربي شايفك نسخت لي كلمة ( بري ) مرتين مرة بالاسود ومرة كشحتا فيها جردل صلصة
اذا عجبتك فانا عجبتني برضو وكيفتني شديد
واذا معترض عليها فالرجل دا بعد الحصل ليو من كبكبة ونشفان ريق ومصمصة شلاليف لقيت انو افضل استخدام لكلمة ( بري ) الاستنكارية الدارجية السودانية اللذيذة كان لايق مع ردودو تماما اها وازيدك بيت قال واي وسجم خشمي عديل مع ضغط المذيعة المفتحة والمتمكنة ليو
واذا ختامك بجملة ( استغفر الله ) كان من ضمن المزاح فمقبول
واذا كان من جانب ( تكفير ) لي مثلا
فانا ما سبيت ليك دين مثلا ليستوجب تلك الجملة
احترامي للجميع
Post: #32 Title: Re: ألحقوا قناة دبي: مصراني متعاطف مع مصران المذيعة! اتفقع! Author: Nagat Sid Ahmed Elshiekh Date: 06-30-2012, 09:14 PM Parent: #31
سلامة مصارينكم انتى والمذيعة بس أنا مرارتى إنفقعت ... مريوووومة إمتاع والله يديك العافية ، زرزرة بنفس ضحكت فى شرح كلمة مفلسة ههههه . العجب سؤال المذيعة عن الفساد وقروش البترول ورد الفاسد لها !!!! والله إمتاع وزرزرة بالله تحياتى للمذيعة دى هههه. ههههه دعوة من المطلوب القبض عليه برجوعنا للسودان والمشاركة فى المظاهرات والله ياريت ،
Post: #37 Title: Re: ألحقوا قناة دبي: مصراني متعاطف مع مصران المذيعة! اتفقع! Author: طارق ميرغني Date: 07-01-2012, 00:19 AM Parent: #35
مش الحاج ادم بس
انا ذاتي ريقي نشف ...!!!
Post: #38 Title: Re: ألحقوا قناة دبي: مصراني متعاطف مع مصران المذيعة! اتفقع! Author: jini Date: 07-01-2012, 00:56 AM Parent: #37
Quote: الراجل ده ذكي ومراوغ من الطراز الأول ، نسخة من الترابي بل فاقه بالجدية وعدم اللجوء الى الابتسامات الصفراء بل كان مرتباً في حديثه ولم تجد المذيعة بالرغم من أنها جاءت بخلفيات مرتبة عن الوضع في السودان ثغرة تدرش بها هذا المتحدث من ناحية دفاعة عن الحكومة والمبالغة في استتباب الوضع ، هذا هو الدور الذي يجب أن يقوم به كفرد في السلطة الحاكمة حتى ولو كان بدون قناعة منه ، ومن يدري ما يدور خلف الكواليس ربما هو ممغوص أيضا ولكن هكذا يجب أن يواجه الاعلام
التحية لصاحبة البوست والضيوف الكرام
منتهى الغباء الفضائيات كلها ناقلة المظاهرات وهو ينكر! المشكلة عندما لا تعترف ان هنلك مشكلة فكيف ستجد لها حلا وان تنكرها! هذا منتهى الغباء لرجل يحمل درجة الدكتوراة فى الهندسة الميكاكانيكية الزراعية! مكسبه الوحيد ان السي فى حقتو تتضمن انه عمل نائب رئيس جمهورية فى هذا البلد التعيس! جنى
Post: #39 Title: Re: ألحقوا قناة دبي: مصراني متعاطف مع مصران المذيعة! اتفقع! Author: محمد النيل Date: 07-01-2012, 06:32 AM Parent: #38
المذيعة دى ادت الزول دا فرصة يكضب وقدر يوصل اللى هو عايز يوصلو ما شايف لى اى نشفان ريق يقولوا عليه ولا حاجة!
... انا مغيوظ من المذيعة دى كان ممكن تزره صااااح هسة هو بيكون فرحان بالبرنامج وعلى اجوبته عنوان البوست دا فيه نوع من المبالغة
Post: #40 Title: Re: ألحقوا قناة دبي: مصراني متعاطف مع مصران المذيعة! اتفقع! Author: فيصل محمد خليل Date: 07-01-2012, 07:59 AM Parent: #39
الزول دا يسالوهو عن الثورة في السودان
يقوم يتكلم عن زراعة البسكويت في زمبابوي
Post: #41 Title: Re: ألحقوا قناة دبي: مصراني متعاطف مع مصران المذيعة! اتفقع! Author: EMU إيمو Date: 07-01-2012, 08:19 AM Parent: #40
وأنا أتمنى أن يصل رطل زيت الطعام إلى 20 جنيه و كيلو الضأن إلى 50 جنيه
Post: #42 Title: Re: ألحقوا قناة دبي: مصراني متعاطف مع مصران المذيعة! اتفقع! Author: alsngaq Date: 07-01-2012, 08:51 AM Parent: #39
Quote: هذا منتهى الغباء لرجل يحمل درجة الدكتوراة فى الهندسة الميكاكانيكية الزراعية! مكسبه الوحيد ان السي فى حقتو تتضمن انه عمل نائب رئيس جمهورية فى هذا البلد التعيس!
Post: #44 Title: Re: ألحقوا قناة دبي: مصراني متعاطف مع مصران المذيعة! اتفقع! Author: مريم بنت الحسين Date: 07-02-2012, 12:34 PM Parent: #42
اخونا مازن... هاني دي لاعب معانا ... ما تشاكل ساي....
نجاة... الزول ده طبّق نظريات، والله حير فيثاغورث زاتو... الظريفة ناس دبي امس كانوا عايدين البرنامج... ما قدرته اشوفه الحمدلله
Quote: و80% من السودانيين مزارعين ورعاة ..والناس بمارسوا الزراعة بعد عملهم
الرسول يا داليا "بقيراتك" كيفنهن....
Quote: انا ذاتي ريقي نشف ...!!!
مفروض يختو تحذير الناس يختو جنبهم مويه... وتقرطع! غلطان انت يا استاذ طارق
Quote: مكسبه الوحيد ان السي فى حقتو تتضمن انه عمل نائب رئيس جمهورية فى هذا البلد التعيس!
والله حقو المعلومة دي يشيلها من السي في... ما بتنفعه لقدّام
Quote: عنوان البوست دا فيه نوع من المبالغة
الاخ محمد النيل يعني مثلا المذيعة تعمل ليهو شنو اكتر من العملته؟ يعني اقتراحاتك شنو... اما عنوان البوست، فانا عبرته عن تأثير المقابلة فيني... هل اعتراضك على التأثير ده فيني ولا على قراءتك للمقابلة ولا رأيك انه المذيعة قصّرت
Quote: يقوم يتكلم عن زراعة البسكويت في زمبابوي
دي زي سياسة بسمارك ... يا استاذ فيصل
Quote: وأنا أتمنى أن يصل رطل زيت الطعام إلى 20 جنيه و كيلو الضأن إلى 50 جنيه
اخونا ايمو.. الزراعة في والرعي في... نهائي ما عندنا مشكلة
