Post: #1 Title: ٣٠ يونيو امام البيت الابيض......التحالف الديمقراطي! Author: بدر الدين احمد موسى Date: 06-28-2012, 07:53 AM
التحالف الديمقراطي في منطقة واشنطون يدعو الجميع للتظاهر يوم ٣٠ يونيو الساعة الثالثة مساء امام البيت الابيض.
هناك دعوة من جهات اخرى للتظاهر امام السفارة في نفس اليوم و الموعد
و كما هو معروف فنحن في امريكا و لا حجر على خيارات الناس و هدفنا في النهاية واحد هو عكس الوضع المتردي للشعب السوداني تحت سلطة الانقاذ و بربرية النظام في التصدي للمظاهرات السليمة في الخرطوم و مدن اخرى هناك عدة مزايا للتظاهر امام البيت الابيض : واحد: عدد زوار البيت الابيض في المتوسط يكون ما بين الفين الي ثلاثة الف شخص يوميا مع احتمال زيادة العدد في العطلات
اثنين: سيكون اليوم يوم سبت و هو عطلة رسمية و لن يكون هناك ناس في السفارة, على الاقل رسميا!
ثلاثة: التحالف الديمقراطي قاد مظاهرة امام السفارة الاسبوع الفائت و لا يرى داعي ليكرر نفس الفعل مرتين في اسبوعين
رابعا: كانت هناك عدة مظاهرات امام السفارة و التظاهر الان هناك لن يقدم شئ جديد فالسفارة محصورة في شارع و اليوم سيكون سبت و السفير و موظفي السفارة يعلمون باننا ضد نظامهم.
كما قيل اعلاه لا حجر على حرية اي انسان في فعل ما يريد لكن نرجو ان يقوم الجميع بحساب اثر التظاهر امام البيت الابيض و مقارنته بالتظاهر امام السفارة, و مقارنة العائد!
نلقاكم يوم ٣٠ يونيو الساعة الثالثة امام البيت الابيض
التحالف الديمقراطي بالولايات المتحدة
----
Post: #2 Title: Re: ٣٠ يونيو امام البيت الابيض......التحالف الديمقراطي! Author: بدر الدين احمد موسى Date: 06-28-2012, 08:03 AM Parent: #1
Leadership is doing the right thing!
Post: #3 Title: Re: ٣٠ يونيو امام البيت الابيض......التحالف الديمقراطي! Author: بدر الدين احمد موسى Date: 06-28-2012, 08:44 AM Parent: #2
التحالف الديمقراطي يدعوكم للتظاهر امام البيت الابيض يوم ٣٠ يونيو الساعة الثالثة مساء لنعكس للعالم الوضع السياسي الملتهب في السودان
هدفنا ان يعرف العالم ما يحدث في السودان لحماية ارواح المعتقلين و المتظاهرين فليعرف العالم من خلال وكالات الانباء المتواجدة امام البيت الابيض بربرية نظام الانقاذ
Post: #4 Title: Re: ٣٠ يونيو امام البيت الابيض......التحالف الديمقراطي! Author: بدر الدين احمد موسى Date: 06-28-2012, 08:58 AM Parent: #3
موعدنا امام البيت الابيض يوم ٣٠ يونيو الساعة الثالثة بعد الظهر التحالف الديمقراطي
Post: #7 Title: Re: ٣٠ يونيو امام البيت الابيض......التحالف الديمقراطي! Author: بدر الدين احمد موسى Date: 06-28-2012, 08:58 PM Parent: #6
لا للديكتاتورية
لا لحكم الانقاذ
اطلقوا سراح المعتقلين
لا انقاذ بعد اليوم
سقطت سقطت يا بشير
ادعموا المتظاهرين في السودان
Support peaceful protesters in Sudan
Down with Bashir Dictatorship in sudan
Stop the Bashir Wars in Sudan
Bashir killed Millions and Counting, Stop Bashir!
فلتكن تلك و غيرها شعاراتنا يوم ٣٠ يونيو امام البيت الابيض في واشنطن
التحالف الديمقراطي بالولايات المتحدة
Post: #8 Title: Re: ٣٠ يونيو امام البيت الابيض......التحالف الديمقراطي! Author: ناجي ميرغني Date: 06-29-2012, 00:34 AM Parent: #7
Post: #9 Title: Re: ٣٠ يونيو امام البيت الابيض......التحالف الديمقراطي! Author: ناجي ميرغني Date: 06-29-2012, 01:00 AM Parent: #8
فيديو من مظاهرة التحالف الديمقراطي الاولي امام البيت الابيض
موعدنا السبت الجاي 30 يونيو للمرة الثانية
العار العار جلابة الحرب
وجبهة عريضة شمال وشرق جنوب وغرب
Post: #10 Title: Re: ٣٠ يونيو امام البيت الابيض......التحالف الديمقراطي! Author: عبدالعزيز حسن على Date: 06-29-2012, 03:38 AM Parent: #9
الصحفي القامة سعد الدين إبراهيم يطلب الشعب السوداني يالتقشف
يجب أن نتقشف كمواطنين زي ما الحكومة اتقشفت.. يعني نعمل شنو ؟ يعني بدل نأكل بيتزا وكافيار.. ونحلي بالفاكهة والبسبوسة.. نكتفي بأكل ـ شنو ياربي؟ داير لي حاجة رخيصة ناكلها..؟ نأكل كسرة بي موية مثلاً .. نلقى الكسرة الموية تكون قاطعة.. نلقى الموية الكسره تكون زادت.. طيب نشوف حاجة رخيصة تانية.. ناكل طماطم بالدكوهة.. لكين الطماطم غالي.. ماغالي اشتري نص كيلو.. والدكوة قالوا بتجيب سرطان.. طيب ننساها ناكل شنو؟.. ناكل ويكة؟ ويكة بالرغيف.. عشان الكسرة أغلى من الرغيف؟ وده صاح ياربي.. طيب لفة الكسرة بجنيه.. بتطلع- لو كنت رجل «تُلقامه أي كبير اللقم- خمس لقمات.. ولو كنت لقمتك متوسطة بتعمل سبع لقمات.. يعني اللقمة بدون تمليح تطلع بي عشرين قرش، يعني خُمس جنيه اللقمة مملحه المِلِيح بي تلتين قرش.. تطلع اللقمة بي نص جنيه.. وعشان نتقشف صاح يبقى ناكل باللقمة.. يعني البالغ ياكل في حدود خمس ست لقمات.. الطفل والمسن كفاهم لقمتين تلاتة..
لكن لازم نتقشف أكتر مثلاً لو مرضت- لا قدر الله- ما تتفشخر وتمشي لي اختصاصي يشيل منك ميه وميتين الف.. أمشي لي جاركم الممرض وقول ليهو يادكتور.. انت مابتكلفك حاجة وهو بتريحو.. اتكلم معاهو في حاجات تانية غير مرضك.. الكورة.. الأغاني الهابطة.. وزي إنك اتذكرته فجأه تقول ليهو بالمناسبة يادكتور عندي حموضة وقبضة كدة.. ولواية في بطني.. يقوم يقول ليك عندك نزلة معوية أو أي حاجه.. تقول ليهو مابلقى لي عندك دواء عينات ولا كدة.. إذا اداك خلاص .. إذا ما أداك قول ليهو ماممكن استعمل دوا بلدي.. يقوم يقول ليك المورينجا.. تمشي لي زول زارعا تشيل شوية صفق وتستعملو .. قالوا بتعالج أي حاجة.. كده تكون اتقشفت تقشفاً طبياً تمام التمام.. بعدين لما تدي ولدك الصغير الفي الروضة السندوتش قول ليهو لو صاحبك شحدك قرمه ماتديهو، لأنو القرمة بي خمسين قرش.. لأنو لو ضربته السندوتش بمحتوياتو وضربتها في «القرمه» تطلع بالشي الفلاني.. أما إذا كنت تعبان ماقادر على السندوتش ذاتو.. ممكن تقول للشافع معليش الليله سندوتش مافي لكِن انت عندك كم صاحب.. خمسة ستة.. شيل من كل واحد قرمة.. قرمة ماتزيدا ماتبقى أناني.. وعشان المرة الجاية يديك، وبالطريق دي خمس ست قرمات ياها لو ضميتا مع بعض بتبقى سندوتش.
أما السكر الفقري فدكتور ياسر ميرغني حل لينا المشكلة وقال قاطعوه تعالوا نقاطع السكر وماف مشكلة.. أشربو الشاي مسيخ، فيها شنو يعني كان مافيهو سكر، لو ماقدرت تبلعو شوف واحده تكون عسل عاين ليها وأشرب تلقى السكر المعنوي، وهو أخير من السكر المادي.. أما إذا كنت ماراجل.. فاتفرجي في« مهند» واشربي الشاي المسيخ ببقى حلو جداً.. إذا ماتيسر مهند، فاشربي الشاي وانتي بتعايني لي« راجل المرا » .. مُش قالو حلو حلا ..
المهم هناك ألف طريقه للتقشف، وكده نكون اتقشفنا حكومة وشعب.. وده ح يشجع الحكومة عشان تزيد تقشفا.. لغاية ماتتلاشى.. يعني الوزراء ينقصو.. لغاية مايبقو وزير واحد.. بعدين الوزير ذاتو يستقيل إمعاناً في التقشف، تبقى مافي حكومه خالص والشعب يرتاح.. ده لو فضل شعب..
Post: #11 Title: Re: ٣٠ يونيو امام البيت الابيض......التحالف الديمقراطي! Author: أحمد طراوه Date: 06-29-2012, 04:19 AM Parent: #10
بالامس قذفت أتنوف البشير كرنقو عبد الله في جنوب كردفان و قُتل عدد من المواطنين، أتنوف أخرى قذفت أم سرديبا و أم هشيم في محلية ام دورين شرق كادقلي، قُتلت إخلاص البحر و طفلتها سميرة الشاولي .. نرفع بقوة و تركيز شعارات مباشرة امام البيت الأبيض :
No - Fly Zone In Nuba Mountains No - Fly Zone In Blue Nile Al Bashir War Criminal Al Bashir To ICC
