Post: #1
Title: سرى للغاية
Author: أيوب خليل
Date: 06-27-2012, 07:57 AM
اجتماع الحزب الشيوعى السودانى منطقة الخرطوم - الزمان الثلاثاء 26 / 6 / 2012 - المكان منزل ابراهيم باركويت جوار مسجد القبب
الحضور :-
ابراهيم - حسن - يحيى - عبد المتعال - طلعت - سناء - منتصر - الزاكى
الأجندة : -
تظاهرة يوم السبت 30 يونيو بالساحة الخضراء
*ناقش الاجتماع كيفية الترتيب للاعتصام بالساحة الخضراء والمكوث فيها اكبر فترة ممكنة تيمنا بما حدث فى ميدان التحرير بالقاهرة وماحدث مؤخرا فى قضية المناصير
* توصيات الاجتماع كالاتى : -
1 / تكثيف العمل الاعلامى والميدانى داخل الاحياء واستيعاب كل كادر الحزب فى هذه العملية ماعدا الكادر السرى نسبة لإحتمالات فشل التظاهرة واستهداف الاجهزة الامنية للحزب وخوفا من اعتقال كل الكادر لذا لابد من الاحتفاظ بالكادر السرى وعدم اقحامه فى هذه المهمة ليقوم بقيادة الحزب فى حال اعتقال الكادر السياسى العامل
2 / الاستفادة قدر الممكن من كادر الاحزاب الاخرى ( الامة والشعبى ووووووووووووووووو) فى عملية التعبئة واخراج المتظاهرين من الاحياء على ان يكون فى راس كل مجموعة كادر من الحزب يقوم بعملية التعبئة مستخدما هتافات قريبة من شعارات الحزب ومبادئه الداعية للعلمانية والدولة المدنية
3 / تجنب القيام باى دور تعبوى او الخروج للتظاهر عقب صلاة الجمعة القادمة حتى لا تختطف الثورة وتصبح اسلامية ونظل نعانى من جديد من الهوس الدينى الاسلامى.
4 / تطبيق خطة الانسحاب التى نوقشت فى الاجتماع السابق لتفادى الاعتقالات وتصدر اوامر الانسحاب من عبد المتعال لكل مجموعة فى توقيت معين , ويجب استعمال شرايح اريبا ( M T N )
5 / القيام بعملية اغتيال لبعض المتظاهرين وقد حدد العدد بثلاثة متظاهرين ( رجلين وفتاه ) حتى يتم نقل التظاهرة من تظاهرة غلاء معيشة الى ثورة لتغيير النظام
6 / تظل اللجنة فى حالة انعقاد متواصل بصورة يومية لمتابعة التعبئة والحشد ومقابلة اى احتياجات اخرى..
|
Post: #2
Title: Re: سرى للغاية
Author: عبدالوهاب علي الحاج
Date: 06-27-2012, 09:16 AM
Parent: #1
|
Post: #3
Title: Re: سرى للغاية
Author: بدر الدين محمد
Date: 06-27-2012, 09:40 AM
Parent: #2
ايوب خليل يا راجل يا منتكس خليك انت في إحاكة المؤامرات في جدة وتخيل المؤامرات في الداخل ....
الانتفاضة قائمة شئت أم أبيت ...
|
Post: #4
Title: Re: سرى للغاية
Author: كمال ادريس
Date: 06-27-2012, 09:45 AM
Parent: #3
دون استباق للأحداث ...مصدرك ياهندسة وبعدين يكون الرد على هذا الامر الخطير. فما يصح تقول سري وتكب اي شَــي هنا وتتخارج.
|
Post: #5
Title: Re: سرى للغاية
Author: Salah Abdulla
Date: 06-27-2012, 11:14 AM
Parent: #4
يا جماعة والله دي حقارة منكم عديييل كده!!
إنتو صلاح غريبة ده ما معترفين بيهو واللا شنو؟
أيوب قريبي ده وعشان عارفكم ما بتدخلوا بوستات غريبة
جاب ليكم الشغل ده هنا !!
يعني ده جزاهو ، تقوموا تشبكوا فيهو ( الشغل ) ده؟؟
|
Post: #6
Title: Re: سرى للغاية
Author: عبدالوهاب علي الحاج
Date: 06-27-2012, 12:26 PM
Parent: #5
سلام يا اب شنب
تعرف من قبيل في كلام حارقني وعايز اكتبو في البوست دا لمن لقيتو غطس
ما حبيت ارفعو وجليت الفكرة ... الكلام المكتوب هنا دا ابدا ما بوست عادي
لإثبات ان الحزب الشيوعي مخترق فحسب ، دا بلاغ كامل الأركان وبالدرب العديل
وحيتضرروا منو ناس كتيرين بدون ذنب... اي زول اسمو ابراهيم ساكن
جوار جامع القبة دا هسي بكون بيعاني الامرين بين يدي عناصر الاجهزة الامنية
فيا أيوب البوست دا خبيث ويمكن يكون أخبث بوست اقراهو في المنبر دا
المهم ان لم تكن تقصد ذلك كان ممكن تكتب تفاصيلك دي بدون ذكر اسماء
او على الاقل بدون ذكر اسم صاحب المنزل وخصوصا انو كلام مرسل وبدون دليل
أنا اتمنى بكري يحذف البوست دا
ويتخذ الاجراء اللازم تجاه كاتبه
|
Post: #7
Title: Re: سرى للغاية
Author: معتصم ود الجمام
Date: 06-27-2012, 12:36 PM
Parent: #6
سلام للجميع .......
عبد الوهاب ده كلام تأليف ساكت وركيك جدا
في محضر اجتماع يكتب فيهو مكان الاجتماع بالوصف
كان ما حضرنا اجتماعات شقينا المقابر ... يا زول لا في ابراهيم لا جامع قبب
وكان ما خايف الكضب كان قلت ليك اركويت زاتو ما في .. واتمناك بخير
|
Post: #8
Title: Re: سرى للغاية
Author: Abdelmoniem ALHAJ
Date: 06-27-2012, 12:46 PM
Parent: #7
كرت عرس بس يا معتصم
قلت لي جوار مسجد القبب
والعاقبة عندكم في المسرات
ههههههههههههههههههههههههههههههههههههههههههههههههههههههههههههههههه
|
Post: #10
Title: Re: سرى للغاية
Author: محمد الكامل عبد الحليم
Date: 06-27-2012, 02:55 PM
Parent: #9
تحية...
محاولات الالتفاف والتزييف وتغبيش الواقع وتشتيت الانتباه لازمة شعبنا الحقيقية الماثلة والتي لا تحتاج الي برهان دور مكشوف لا ينطلي علي الشرفاء في كل مكان..
معلوم للكافة القوي التي تقف ضد تيارالبطش والتنكيل وكتم الحريات...ومعلوم ايضا الادوار التي يقوم بها المكلفون بارتياد المنابر الاعلامية ومنها فضاء الاسفير بشبكاته المتعددة..
وبالتالي كل يعمل علي شاكلته لكن الفجر ات وسينجز الشعب فعله كما فعل من قبل..
|
Post: #11
Title: Re: سرى للغاية
Author: elmahasy
Date: 06-27-2012, 03:03 PM
Parent: #10
Quote: كرت عرس بس يا معتصم
قلت لي جوار مسجد القبب
والعاقبة عندكم في المسرات
ههههههههههههههههههههههههههههههههههههههههههههههههههههههههههههههههه |
يا شباب هذا متوقع من جهاز الامن و زبانيته هذه الأيام
و المقصود بالضبط هو تشتيت كورة الثورة و اثارة الفتن
بين التظيمات السياسية مع بعضها البعض و بعدين احباط
من ليس له تنظيم سياسي .. كل من عمل بالسياسة يعرف أن
توصيات الاجتماع لا يمكن أن يكون فيها وصف لمكان الاجتماع
الثورة مستمرة و لا شئ يفرق الثوار ...
|
Post: #13
Title: Re: سرى للغاية
Author: EBTIHAL OSMAN
Date: 06-27-2012, 03:20 PM
Parent: #11
ايوب خليل
طبعا محاضر الحزب الشيوعى مافى زول بيعرف ليها اكثر منك
بس دقست فى تحديد المواعيد والمكان بتاع الاجتماع
يعنى لمن تسلف غيرك الباسوورد نبهم انك كادر سابق وخبره عشان شكلك مايبقى شين
وبعدين الاسلوب الجديد دا خطير .....مابخلى ليك خط رجعه ابدا ...ما عندك عذر ببقى
لملم باسوورداتك الفى الفيس بوك وسودانيز اون لاين واحترم عقول الشعب السودانى
واختشى
|
Post: #12
Title: Re: سرى للغاية
Author: Salwa Seyam
Date: 06-27-2012, 03:07 PM
Parent: #10
| Quote: في محضر اجتماع يكتب فيهو مكان الاجتماع بالوصف |
؟؟؟؟؟؟
|
Post: #14
Title: Re: سرى للغاية
Author: Nasr
Date: 06-27-2012, 04:38 PM
Parent: #12
المحيرني في ناس الأمن والحكومة
شابكننا الحزب الشيوعي إنتهي
الحزب الشيوعي شبع موت
وأول ما تحصل كركبة طوالي جاريين للحزب الشيوعي
|
Post: #15
Title: Re: سرى للغاية
Author: سيف النصر محي الدين
Date: 06-27-2012, 05:18 PM
Parent: #14
ده محضر تاني يا ايوب خليل لقاهو واحد من المجاهدين واقع في الشارع فاخذته المفاجأة فدخل في نوبة من التهليل
حتى خشينا أن يهلك:
اجتماع سري خالص خالص
مكان الاجتماع منزل الرفيق جاد الحق كوبر محطة ستة جوار دكان ود البصير تلفون 6666666 فاكس 5555555
الحضور: جيفارا، لينين: كارل، جاد الحق، النعمة بت وراق
الأجندة: مظاهرة يوم السبت 30 يونيو بالساحة الحمراء
ناقش الاجتماع ضرورة تحويل الساحة الحمراء لساحة اكثر احمرارا و ذلك عن طريق سفك دماء المتظاهرين بعد اقناعهم بالدخول و المكوث اطول فترة ممكنة.
توصيات الاجتماع كالأتي
1- تكثيف العمل الاعلامي عبر قناة النيل الازرق و قناة الجزيرة بعد احتلالهما و تحريرهما من أيدي العملاء
2- أي مظاهرة تجي مارة بالقرب من أي مسجد يجب تصفية المشاركين فيها
3- حمل المتظاهرين و الجيش و الشرطة على ترديد هتافات عاش كفاح الطبقة العاملة، ديكتاتورية البروليتاريا خيار الشعب
4- تكليف الرفيق جاد الحق بتصفية المتظاهرين و بعض المتظاهرات.
5- استخدام هواتف الثريا على أن تكون من طراز MTV 65
6- يظل الاجتماع في حالة انعقاد دائم و أي رفيق تبدو عليه بوادر النوم أو الرغبة في الذهاب للحمام ينفذ فيه حكم الاعدام فورا
|
Post: #16
Title: Re: سرى للغاية
Author: salah elamin
Date: 06-27-2012, 07:12 PM
Parent: #15
انتو يا شيوعيين ويا شيوعيات ... سكرتيركم العام الجديد دا غير طريقة كتابة المحاضر ولا شنو ؟
|
|