محجوب شريف ( الهبباى سودانى ) نص شعرى جديد

فى مكالمة هاتفية صباح اليوم مع شاعر الشعب محجوب شريف
قرأ لى كعادته بعض النصوص الجديدة الملهمة و التى نحتاجها فى هذة المرحلة,
و أتفقنا على أن أنشر هذا النص فى سودانيزأونلاين . بعنوان ( الهبباى سودانى مدرب )

مع تحيات محجوب للجميع بالداخل و الخارج و لشباب الثورة .

فى الانتظار المدرب ..

lمعليش للأخوان المعقبين على القصيدة

عشان مافي زول يجي يقول لينا شاعر الشعب

انا سوداني وعندي جنسية سودانية وممكن لو طلبتكم انزلها ليكم هنا

محجوب شريف ما يمثلني كواحد من الشعب قولوا شاعر الشعب إلا 9990 الباقي من عندكم بس طلعوني من عندكم


معليش ما قدرت اكتب نسبة 99 وواحد في المية الكي بورد خسران

الفارهاتو مصفحة
كان السفر بالأجنحة
و اذا مشى يمشى الهوينا
مدججا بالأسلحة
حتى و ان لم يلتحى كان التحى
وما اســـــتحا

الله أكبر ثم بعدها بحبحة
قد كان هذا كله حتى مساء البارحة
لكنو وينو الليلة
يا دبورة تحت العين
تحت عمة و عصاية و مسبحة
ذمة و و صاية منقحة
بسم الله أو قواتنا المسلحة
ان الدوام لله لم تسمع بها
للقصر أنت
و نحن لينا اذا نضمنا المشرحة
الظبط و الربط انتما
للشعب شعب الملحمة
لكنما لكنما
هبت خيول المصلحة
الشعب أبقى
و الأذى حتما تميطو عن الطريق
الجلجلات الصادحة
أيدى الجموع الكادحة
النهر بيتو الضفتين
أما الجبـــــل لن تستطيع الزحزحة


****

بس طلعوني من عندكم
**


معليش طلعناك يا عبدالعزيز و نأسف للخطأ الغير مقصود

Quote: الله أكبر ثم بعدها بحبحة قد كان هذا كله حتى مساء البارحة

ما أنت المقصود بس الفارات البعدك بجيو يكوركو ونحنا ما ناقاصين

Quote: الفارهاتو مصفحة كان السفر بالأجنحة و اذا مشى يمشى الهوينا مدججا بالأسلحة حتى و ان لم يلتحى كان التحى وما اســـــتحا الله أكبر ثم بعدها بحبحة قد كان هذا كله حتى مساء البارحة لكنو وينو الليلة

يا سلام عليك يامحجوب دمت ذخرا للوطن

السلام على محجوب شاعر الشعب و صوت الثورات المشرقة.

لا يستحق ..
تجاوزوه ..

التحية لشاعر الشعب والوطن محجوب شريف والتحية
كن بخير يا شاعر الغلابة ....ومرعب الطغاة والمفسدين والمستبدين ومن ولاهم ........

السلام على محجوب شاعر الشعب و صوت الثورات المشرقة

الله أكبر
شعر زي كرات المسبحة

الله يرضي عليك يا محجوب

التحية والانحناءة لشاعر الشعب محجوب شريف

عرض اكتافكم روحوا ياالا

شعبنا أصبح أمسي وظل

كترتوها عليه الطله

اكلتوهُ زمانك ممَّ

ولبستوهُ كذلك ممَّ

عدمتوهُ الخيت والغله

شبراً شبرأً عابس ويابس

أكتر منها مابتذلّ

الكانون في الشارع ولع

طَول منها نار الحله

عِشنا وشفنا تب ماخفنا

العايزكم لمن جرب كنتو اضلَّ

تلك مأذن واللا مخازن ؟!

خمَّ ولمَّ فساد الدنيا

ثم إتنحنح ...هي لله

كبر وصلي

لما رفعتو السيف والمصحف

ولافي المتحف بقي حق الله

باسم الدين والدم والدمعه

وباسم الخالق عزَّ وجلَّ

اتعذبنا ... وماكذبنا

حليلو الفات ... المات وإتشل َّ

بيوت اشباح وجراح ومذله

دم الشهدا رصاصه رصاصه

وحبل المشنقه داك وإدلي

ومع ذلك حتي اللحظه

ماإتربصنا ...ولا فجرنا

إلاكذلك ما اتحجرنا

قد أدبنا الشعب الطيب

نحن جميعاً دونو اقلَّ

بيتنا وساسنا ورفعة راسنا

نحن حنانو وجَنا وجدانه

مش لافتات في الإيد ومظله

إيد علي إيد وسِلم سِلم

مابنسلم وشعب مُعلم

مابتخلي

حاشا وكلا مابنتخلي

غُبننا أكبر من تتصور

وحكم الفرد زمانك ولي

القذافي وأصبح مافي

حسني مبارك ...وعلي عبد الله

ياحاج زين إستغفر ربك

تسرق شعبك

وتهرب تلبد جمب بيت الله ؟

والغرقان في الدم السوري

حتي الحاجب منو اتبلَّ ومابتحلَّ

الهبباي سوداني مُدرب

جرب هدم وجرب عَلا

مابالصدفه ولاها لعلَّ

فيكم ريحه من الشبيحه

خلو البلطجه روِحو يا اللا

كل العالم عين بتاوق

صوره وصوت وكتاب ومجله

Quote: محجوب شريف ما يمثلني كواحد من الشعب قولوا شاعر الشعب إلا 9990

محجوب شريف لا يمثل أمثالك.

عشان كدا هو شاعر الشعب، وليس شاعر اذناب الكيزان

up

سلام يا عز الدين وشكرا لك. الأستاذ محجوب شريف أوصاني بعمل قليل من التصحيح ومن التحسينات والتشكيل التي تعين على القراءة الصحيحة.

الفارهاتو مصفَّحه
كان السفر بالأجنحه
و اذا مشى يمشى الهوينا
مدججا بالأسلحه
حتى و ان لم يلتحي كان التحى
وما اســـــتحى

الله أكبر ثم بعدها بحبحه
قد كان هذا كله حتى مساء البارحه
لكنو وينو الليله
يا دبُّورة تحت العين
تحت عِمَّه وعصايه ومَلفحه
ذمه وصايا منقحه
بسم الله أو قواتنا المسلحه
ان الدوامْ لله لم تسمع بها؟
للقصر أنت
و نحن لينا اذا نضمنا المشرحه
الظبط و الربط انتمى
للشعب شعب الملحمه
لكنما لكنما
هبت خيول المصلحه
الشعب أبقى
و الأذى حتما تميطو عن الطريق،
الجلجلات الصادحه
أيدى الجموع الكادحه
النهر بيتو الضفتين
أما الجبـــــل لن تستطيعوا الزحزحه

Quote: الفارهاتو مصفحة كان السفر بالأجنحة و اذا مشى يمشى الهوينا مدججا بالأسلحة حتى و ان لم يلتحى كان التحى وما اســـــتحا

ومـــــا بتدوم
وغرارة العبوس الليلة دار دولابا

تحياتي

شكراً لشاعر الشعب الشريف محجوب . فهو دوماً معبّراً بشعره ومواقفه الرائعة عن نبض الشعب . فقد ظلّ وسيبقى ملهماً للثورة وانتصار الشعب ،حتّى فى أحلك الظروف ... لك يا محجوب شريف كل الحب والتقدير والتحيّة من الشعب الذى أحبّك وعرف قيمتك وتوّجك شاعراً له . ومنّا نحن عارفى أفضالك وخصالك يا أيّها المعلّم الإنسان النبيل .
شكراً لكل من بذل جهداً فى توصيل أشعار وقصاد محجوب شريف للناس . قلوبنا معك يا محجوب. يا قلب الشعب النابض دوماً بالأمل والناظر للمستقبل بالتفاؤل المطلوب .

التحية لشاعر الشعب

شكرا لكل المتداخلين

شكرا الأخ ياسر على عمل اللازم فى مايختص بالتشكيل


فوق لمشاهدة أوسع


تحياتى للجميع

و الثورة مستمرة و حتما سننتصر

ش. افقى بالمهجر