Post: #1
Title: اعفاء9 خبراء وطنيين!!بالله دى كانت وظيفة ؟
Author: عبد الحميد حسين
Date: 06-26-2012, 05:50 PM
جاء فى الخبر ..
Quote: أصدر رئيس الجمهورية أمس مرسوماً جمهورياً قضى بموجبه بإعفاء جميع مستشاريه برئاسة الجمهورية، وعلمت (السوداني)
أن إدارة القصر سلمت خطابات إعفاء لأكثر من تسعة خبراء وطنيين صباح أمس، وشكر الرئيس مستشاريه المعفيين على جهودهم ومساهمتهم
خلال فترة توليهم مهام المنصب |
إعفاء لأكثر من تسعة خبراء وطنيين
واعلن هنا جهلي وكثيرون معى بأن حكاية (خبير وطني) هذه وظيفة لها مثل ما للوظائف توصيف وشروط خدمة ومرتبات وتوابعه وتابعي التابعين ..
واكثر من كانت تتبع اسمه هذه الصفة واحيانا تسبقه المدعو ربيع عبد العاطي ..وكنت أظن وبعض الظن أثم ان أهل الجرايد والفضائيات ينعتونه نعتا تكريميا ليس الا..
والحق انه وبعد هذا الخبر وجدت للمدعو ربيع عبد العاطي اعذارا كثير فيما كانت يهرف به هنا وهناك دفاعا مستميتا عن النظام ..فالرجل يمارس وظيفتة ..
والعتب على الجهل ..اما بقية الثمانية المعفيين برفقتة فلا تكاد تحس منهم من احد او تسمع لهم ركزا ..الا أذا كانوا يمارسوا خبرتهم الوطنية صامتين ..من التعيين حتى الأعفاء ..
|
Post: #2
Title: Re: اعفاء9 خبراء وطنيين!!بالله دى كانت وظيفة ؟
Author: GAAFER ALI
Date: 06-26-2012, 07:39 PM
Parent: #1
الحقونا يا جماعة بقائمة الخبراء المعفيين ديل
ملعون ابوكي خبرة
|
Post: #3
Title: Re: اعفاء9 خبراء وطنيين!!بالله دى كانت وظيفة ؟
Author: عبد الحميد حسين
Date: 06-26-2012, 08:41 PM
Parent: #2
ملاحظة اخري ..قال الخبر (اكثر من تسعة)
وهذا العربي يعني ان هناك خبراء وطنيين آخرين
لم تشملهم عملية الترشيق الجاريه حاليا ..
|
Post: #4
Title: Re: اعفاء9 خبراء وطنيين!!بالله دى كانت وظيفة ؟
Author: د.عبد المطلب صديق
Date: 06-26-2012, 09:30 PM
Parent: #3
موش في خبير أجنبي .. وطييييييييييييب
|
Post: #5
Title: Re: اعفاء9 خبراء وطنيين!!بالله دى كانت وظيفة ؟
Author: البحيراوي
Date: 06-26-2012, 09:38 PM
Parent: #4
الأخ عبد الحميد حسين
تحياتي - بالله العظيم لو الأزمة دي إستمرت يا ما نشوف جنس حاجات يعلم بيها الله - لو تذكر الكلام الكثير الذي صدر من مسئولين كبار بأن السودان محصن تماماً من تداعيات الأزمة الإقتصادية العالمية وبرضة محصن تماماً من أي تداعيات لإنفصال الجنوب وذهاب ثلاثة أرباع البترول . وبرضو حكومتنا مستعدة تماماً لتجاوز أي أزمة حتى غدا الطبيب يتكلم في الإقتصاد والإقتصادي بتكلم في الشأن العسكري والعسكري بتلكم في أمر الثقافة والفلكلور .
وآخر حاجة في خبراء وطنيين - يعني ديل كانوا شغالين شنو بالله حقو تكون في مواجهة شفافة لمعرفة الحقيقة كاملة إحتمال في ناس بستاهلو -
بحيراوي
|
Post: #6
Title: Re: اعفاء9 خبراء وطنيين!!بالله دى كانت وظيفة ؟
Author: Hisham Ibrahim
Date: 06-26-2012, 10:57 PM
Parent: #5
خبير وطني دي جابتها الإنقاذ لمن ترفد واحد كبير أو مدير كبير بيخلوهو يشيل حقوقو العارفنها الناس
ويرتاح ليهو كم شهر كدا وبعد داك يعملوا ليهو عقد (خبير وطني )
على وزن خبير أجنبي - يعني بدل ما يجيبوا أجنبي من وين يبلونا بي دا تاني ....
وهكذا كل واحد قاعد يا مدير او مسؤول والا خبير أجنبي بي عقود خياالية الأموال والمخصصات .....
في كل وزارة او مصلحة أو هيئة ....................... يعني زي مدير الأسواق المالية داكـــــ .... مثال .
وهم لا يفقهون شيئاً ولا يعلمون غير مصالحهم وناسهم ... لو كلامي دا ما صاح الدّخلنا في المضايق والضنك والعذاب دا شنو ...؟؟
الا لعنة الله على الظالمين ....
|
Post: #7
Title: Re: اعفاء9 خبراء وطنيين!!بالله دى كانت وظيفة ؟
Author: abubakr salih
Date: 06-26-2012, 11:04 PM
Parent: #6
يا جماعة دا اسمو الحش الرســالي ما تزعلوا.
------
العار لسارقي قوت الفقراء.
|
|