أحقاً تفضلون (البالوظة) ؟؟؟؟!!!!!!

أولاً
أجد أنه لزاماً أن أؤكد أنني ضد أي إتجاه لتكميم الأفواه وكبت الحريات
لا أدري إن كان الموقع قد تم حجبه من السودان أم أن التوقف بسبب عطل ما
لكن إن كان قد تم حجب الموقع عن السودان فهذا هو التفكير الفطير بعينه
ها أنذا من داخل الوطن الاسعارو نار أتصفح وأكتب ما أريد
إذاً لا فائده إطلاقاً من حجب أي موقع
هذا ماكان لزاماً قوله
ثانياً
في إعتقادي (لايوجد أحد) .. كائناً من كان .. مديراً أو غفيراً .. غنياً أم فقيراً لم يتضرر من تردي الأوضاع الإقتصاديه في السودان
الجميع متضرر وبلا إستثناء .. بيد أن معاناة محدودي الدخل أنكى وأمر
وانا حالي كحال الجميع .. أعاني من إرتفاع سعر طبق البيض والسكر والبنزين وووو
وروحي محرقاني شديييييييييييييد
لكن حل هذه الأزمه قطعاً لن يكون بالتظاهر الغير مؤسس والتخريب والفوضى
لاشك أن التظاهر السلمي حق مكفول للجميع .. لكن التخريب والتدمير لايختلف اثنان على عدم جدواه
وأيضاً تغيير الحكومه الحاليه لن يزيد الطين إلا بللا .. بل سيصبح الطين أشبه بالـ(بالوظة) التي كنا نأكلها عندما كنا أطفالاً
والبالوظه لمن لم يأكلها هي ماده شديدة اللزوجة مكونة من العرديب والقنقليز* بإضافه (دكوه) وبعض الشطه والماء ، ثم يعجن الخليط داخل كيس ليُأكل هنيئاً مريئا
ونحن بالتأكيد لانود أن يتحول طين وهردبيس السودان الحالي لبالوظه
أثق تماماً أن المعالجات الإقتصاديه ستفضي لواقع أفضل بكثير وبالأمس حدثنا مدير ديوان الضرائب حديثاً طيباً يؤكد أن السودان سيخرج من الأزمة الحاليه وهو أكثر (مناعه)
وكما قلت مسبقاً (ما لايقتلك يقويك بكل تأكيد)
كلنا روحنا محرقانا ياشباب لكن بالنظر للمعطيات أرى أن التغيير حالياً سيقودنا لمزيد من الغرق


*يمكن صنعها يالقنقليس فقط أو بالعرديب فقط ويمكن صنعها بهما معاً
الأمر متروك للنكهة التي تفضلها أكثر

يا محمد فرح النظام فاسد بشهادة اهله
اذن عليه ان يذهب دون ان يكلف الناس حتى عناء المظاهرات
الفاسد سيظل فاسدا ابد الدهر
23 سنة كفاية .... والله كفاية
هرمنا والله هرمنا

جابت ليها حناسة؟

ماشين كويس

حتوحشونا ايها الاخوة محمد فرح

الأخ محمد فرح

لك التحية

مثل حديثك هذا يصنفك ككوز او مندس على احسن تقدير ومن يحسن الظن سيقول انك تغرد خارج السرب لان هذه الايام يا اما ان تتظاهر مع شذاذ الافاق او تكون ضدهم وبالتالي مؤتمر وطنى وهلم تحزبا ..

لا اريد الخوض فى ذلك كثيرا

ولكنى ارد ان احادثك عن البالوظة
لقد اتيت امرا عجبا يا هذا
من الذي خدعكم فى صغركم بان ما تمطقتم به بالوظه
تبا له
لقد خدعكم الرجل بائع ذلك الشىء العجيب
البالوظة هي شكل من اشكال الايسكريم او قل هى الداندرمة
او هكذا قيل لنا وفهمنا فى صغرنا
بس انتو ناس العاصمة ديل اى حاجة بتسموها على كيفكم ياخى
والخلاص ذلك الشىء ليس بالوظة رحمك الله ...

مع مودتى

قرشو
العرديب ده ياهو بالوظة الغلابه
في ناس كمان بعملو العرديب بالكركدي ويسخنوهو بالنار
بطلع حاجه ماتخلص
طبعاً الإسم يوحي بحسن الطعم
عموماً الاكله ظريفه والماجرب أنصحو بالتجربه

مؤونة عام من الود

حسَي الحناسه وين ياأخينا

ياعصام
والله حرام أن تغمض عينك على كل ماأنجزه نظام الإنقاذ إبتداءً من السلام والطرق والمشاريع التنمويه ووووو
ماداير أعيد ليك إسطوانه الإنجازات دي لأنو متأكد إنك وقفت عليها بنفسك
نحنا الآن نمر بعثرة سببها الرئيسي عدم وصول السودان لإتفاق مع دولة الجنوب الوليده حول حقوق السودان في إستخدام الجنوب لخط الأنابيب
وده خطأ يتحمل وزره حكومتي البلدين لأنو مفروض الموضوع يحل بما فيه مصلحة البلدين
لكن الجنوب إتعنت شديد بل والأنكى أنه طغى وهجم على منشآتنا في الشمال
مصلحة البلدين إنو بترول الجنوب يمر عبرنا برسوم متفق عليها
وبتمنى إنو نصل لحل للمسأله دي
ثانياً في حاجات كثيره لم تتم الإستفاده منها بالشكل الأمثل أتمنى إنو الوعكه دي تنبه الحكومه للإلتفات ليها بشكل سليم

مؤونة عام من الود

سأشتاق اليكم فرح اخوان

Quote: في ناس كمان بعملو العرديب بالكركدي ويسخنوهو بالنار

ود فرح

بالله جهز لي شوال عرديب

رمضان معاكم

مؤونة عام من البالوظة والعرديب

اركز يا ود فرح
وود الباوقة برضو

والله حرام أن تغمض عينك على كل ماأنجزه نظام الإنقاذ إبتداءً من السلام والطرق والمشاريع التنمويه ووووو
ماداير أعيد ليك إسطوانه الإنجازات دي لأنو متأكد إنك وقفت عليها بنفسك >>>>>>>>>>>>>>>
=====================================================
طيب يا محمد فرح مشاريع التنمية الإنقاذية دي أنتجت شنو ؟ ومتين ؟ ومشت وين ؟
=================================================
أها أخبار مشروع الجزيرة شنو طيب الله ثراه ...
=========================
قبل المغادرة .. بالله في كوز بحس بأي شيء حتى ولو كان شمس النهار الحارة .. خلي ارتفاع الآسعار ؟؟
الشفيع