شـزيـت عـديـيـيـل يـا سـيّـد بِش بِـش رئـيـس الـربـاطـة . والله صـحـي.

Quote: شذذ (لسان العرب) شَذَّ عنه يَشِذُّ ويَشُذُّ شذوذاً: انفرد عن الجمهور وندر، فهو شاذٌّ، وأَشذُّه غيره. ابن سيده: شَذَّ الشَّيءُ يَشِذُّ شَذّاً وشُذوذاً: ندر عن جمهوره؛ وشَذَّه هو يَشُذُّه لا غير، وأَشَذَّهُ؛ أَنشد أَبو الفتحبن جني: فَأَشَذَّني لمرورهم، فَكَأَنني غُصْنٌ لأَوَّل عاضدٍ أَو عاسِفِ قال: وأَبى الأَصمعي شذه. وسمى أَهلُ النحو ما فارق ما عليه بقية بابه وانفرد عن ذلك إِلى غيره شاذّاً، حملاً لهذا الموضع على حكم غيره، وجاؤوا شُذَّاذاً أَي قِلالاً. وقوم شُذَّاذ إِذا لم يكونوا في منازلهم ولا حيهم. وشُذَّانُ الناس: ما تفرّق منهم. وشُذَّاذُ الناس: الذين يكونون في القوم ليسوا في قبائلهم ولا منازلهم. وشُذَّاذُ الناس: متفرقوهم. وفي حديث قتادة وذكر قوم لوط فقال: ثم أَتبع شُذَّانَ القوم صَخْراً مَنْضُوداً أَي من شذ منهم وخرج عن جماعته. قال: وشُذَّان جمع شاذّ مثل شاب وشُبَّان، ويروى بفتح الشين، وهو المتفرق من الحصى وغيره. ويقالُ: من قال شُذَّان، فهو جمع شاذ، ومن قال شَذَّان، فهو فَعْلانُ، وهو ما شذ من الحصى. ويقالُ: شُذَّان وإِنما يقال شُذَّان، بالضم، لا يجمع (* قوله «وانما يقال شذان بالضم لا يجمع إلخ» كذا بالنسخة المعتمد عليها عندنا، ولعل فيها سقطاً والأصل والله أعلم. وإنما يقال شذان بالضم لأن فاعلاً لا يجمع على فعلان يعني بفتح الفاء.) على فَعلان. ابن سيده: وشُذَّان الحصى ونحوه ما تطاير منه. وحكى ابن جني: شَذَّان الحصى؛ قال امروء القيس: تُطاير شَذَّانَ الحَصى بِمَناسِم صِلاب العُجى، مَلْثومها غَيرُ أَمعرا الجوهري: شَذان الحصى، بالفتح والنون، المتفرق منه؛ وقال: يتركن شَذَّانَ الحَصى جَوافِلا وشَذَّانُ الإِبل وشُذَّانُها: ما افترق منها؛ أَنشد ابن الأَعرابي: شُذَّانُها رائعة لِهَدْرِه رائعة: مرتاعة. الليث: شذ الرجل إِذا انفرد عن أَصحابه؛ وكذلك كل شيء منفرد، فهو شاذ؛ وكلمة شاذة. ويقال أَشْذَذْتَ يا رجل إِذا جاء بقول شاذٍّ نادٍّ. ابن الأَعرابي: يقال ما يدع فلان شاذّاً ولا نادّاً إِلا قتله إِذا كان شجاعاً لا يلقاه أَحد إِلا قتله. ويقال: شاذّ أَي متنحٍّ. شَذَّ (القاموس المحيط) شَذَّ يَشُذُّ ويَشِذُّ شَذًّا وشُذوذاً: نَدَرَ عن الجُمْهورِ، وشَذَّهُ هو، كمَدَّهُ لا غَيْرُ، وشَذَّذَهُ وأشَذَّهُ. والشُّذَّاذُ: القُلالُ، والَّذِينَ لم يَكُونوا في حَيِّهِمْ ومنازِلِهِم. والشِّذَّانُ، بالكسر: السِّدْرُ، وبالفتح والضم: ما تَفَرَّقَ من الحَصَى وغَيْرِهِ. وشَاذُّ بنُ فَيَّاضٍ: محَدِّثٌ، واسْمُهُ: هِلالٌ. وأشَذَّ: جاءَ بِقَوْلٍ شاذٍّ، و~ الشيءَ: نَحَّاهُ وأقْصاهُ. شذذ (الصّحّاح في اللغة) شَذَّ عنه يَشُذُّ ويَشِذُّ شُذوذاً: انفرد عن الجمهور، فهو شَاذٌّ. وأَشَذَّهُ غيرُه. وشُذّاذُ الناس: الذين يكونون في القوم وليسوا من قبائلهم. وشَذَّانُ الحصى بالفتح والنون: المفرِّق منه. وشَذَّانُ الناسِ أيضاً: مُتَفَرِّقوهَمْ.

غايتو انا عايز اكتبا بـ ز زرافة.
حسب نُطقنا ليها بالعامية...

ويقال أَشْذَذْتَ يا رجل إِذا جاء بقول شاذٍّ نادٍّ.

شَذَّ عنه يَشُذُّ ويَشِذُّ شُذوذاً: انفرد عن الجمهور، فهو شَاذٌّ.

الزول دا قال عندو مجاهدين حقيقيين بس هو
ما عايز يستعملهم ضد الشذاذ عشان هو حكومته
حكومة مسئولة.
والله صحي...

يا جماعة الزول دا عليكم الله ما شزّ عدييييل كدا !!!؟؟؟
قال يوم الجمعة بي في الليل متّر الخرتوم دي لي حدها
زُقاق، زُقاق ما خلآلو فيها زُقاقاً ناقص، في عربية مكشوفة!!!
(حااااامد، العجاجة). وكمان قال شنو !!! أيّ زول لآقاهو في
الشارع رفع إيدو وكبّر.
أها عاد أكان الكلآم كدي شذاذ أفاقو ديل ما جابو الصور
والفديوهات ليييه ؟؟؟

دحين عاد، الزول دا هسع يقولو عليهو شنو ؟؟؟
شاز، واللآ كضاب ؟؟؟

شزّ وهو متفنقل علي ظهره يحلم بشعب يهتف ويكبر
لسيادته.
والله صحي.
ها جماعة قِريعتي رآحت، التكبير دا ما فتر مِنّكم ...

Quote: شَذَّ عنه يَشُذُّ ويَشِذُّ شُذوذاً: انفرد عن الجمهور، فهو شَاذٌّ.

يا مدير ، صاح انفرد ، لكن جا راجع لناسو...اذا ماشاذ الا مع ناسو..(مش قال هللوا وكبرو،اها ديل منو)

بالمناسبة عايزين الحقيبة البتقول : اجري واجيهو راجع..

اعاين فيهو واضحك (الدبابين) واجري واجيهو راجع (الكيزان)

يا سعادتك الخرتوم دي ما فيها زول قاعد يحوم تلآيت الليل بعربية
كاشفة. ينكشف حالك أكتر من كدي. يا بركة من جعل محمد نبي.
ولآ حتي نُصّة نِهار. الكلآم دا خاس بالرُؤساء أمثالك، بس في حالة
يكونوا مطمئنين تماماً و وآثقين من إنوا الشعب معاهم مُش في حالة
زي حالتك المهببة دي.
كمان بتقول لآمن يشوفوك بيكبروا !!!؟؟؟ لييييه يعني، وآطة رب
العالمين دِي عِدمت الحجر ؟؟؟
زمان عندنا راجل كبير في البلد، طبق باتو فوق بعضا، وختاها جنبو
في المسجد، وقعد يسمع في خُطبة الجُمعة. أها الإمام قال للناس: إتقوا
يوماً مقدآره حمسين ألف سنة. عمنا دا قالوا: قُتَّ شنو يا شيخنا؟؟؟!
يوم وآحد بخمسين ألف سنة ؟؟؟!!!. يا شيخنا البيقولوا كلآم أخير
اليعقلو.
وطبق باتو في أباطو، ومرق من الجامع.
دحين يا عمر جنا البشير، وكت تقولك كلآم عليك الله أعقلو.
كمان قال مرقتو دي يوم الجمعة بي في الليل. عجب !!!

هوووووي يا ناس. باقي نحن السودانيين ذا ذنب دي قاعدين
ننطقا زا زرآفة، واصِلنا كدي ما يجي وآحد من العرب يِطنقع
علي ريسنا، ثمّ ومن ناحيةٍ أُخرى هو زآتو ما دآير يمد لسانو
قدآم الكمرات عشان ما يقولوا عليهو شاز...

اقعد هبش لي في بشبش دا كدا لحدي ما يجي يوريك ليهو..

يا ود المدير

سلام

وضيف للتحية شاز.. ولو خلينا حسن النية متوفر فبشبش قاصد شاذ...!!

وعلشان نشز اكتر مع بشة
نمدد رجلينا ونخلفن أمام بشة زي إللات اوباما ديك..
دحين ات شزيت
قوقلت وقومست كدا عشان تشز
هسي باكر دي بشة ده يقول فهمتكم وبيدخل ليهو في ماسورة...
لكن شزوزك ده تودي وين!!!
مش قالوا ذاكرة المنبر شازة... أقصد قوية..

بالحالة دي قبل يكش المستشارين!!


تحياتي

الزول دا بالمناسبة شزّ بحق وحقيقة.
معقولة الزول دا يكون واعي الكلآم البيقول فيهو دا؟؟؟

الرجاء ملآحظة الأتي في الفيديو الأوّل:
1# الصورة الموجودة في الخلفية، وهي تبدو صورة لمن أسماهم
بناسهم في قوله، نحن ممكن نجيبلهم ناسنا.
2# تجاوب الحضور مع كلآمه، وإكمالهم لعبارة المحرش ما بكاتل.
3# تفاعل الحضور مع الرعونة التي صدرت منه، وإستحسانهم لها.
مما يدُل علي إنهم ديل ناسو الذين أشار لهم.

معني كلآم الأرعن دا، إنو لو لأيٍ من الأسباب مؤسسات الدولة التي ذكرها
فشلت أو تقاعست عن التصدي للشعب، فملشياتهم جاهزة.
الزول دا بالمناسبة بيقول في كلآم هو زاتو ما عارف مدى خطورته، يعني
زي عبارة شذاذ أفاق الفكاها وهو ما عارف لها صايب...

Quote: يا مدير ، صاح انفرد ، لكن جا راجع لناسو...اذا ماشاذ الا مع ناسو..(مش قال هللوا وكبرو،اها ديل منو) بالمناسبة عايزين الحقيبة البتقول : اجري واجيهو راجع.. اعاين فيهو واضحك (الدبابين) واجري واجيهو راجع (الكيزان)

يا عبد اللطيف،
سلآمات.

أولاً بالتبادي، الهللو وكبروا ديل شزاز الخرتوم بالليل.
تاني هآم، الزول دا عندو ناس تانيين، وديل كمان شازين بالحيل
زيو كدي، وهم معشر الرؤساء. بس كل وآحد فيهم بشز علي
الصفحة البتريحو، لكن نحن زولنا دا شزتو حامضة بالحيل.
والله صحي.

الغنوة دي كان جبناها يا عبد اللطيف بتخرب علينا. دحين خلها.
إنت الدبابين ديل دحين ما ناسو القالهم، واللآ ديل ناساً تانيين
كمان. يمرقنا من قِلة فهمو وهواجتو اللآ بيحدسوهو، لا
بيلقنوهو. يا قول جِدتي. كلمة حبوبتي مع سماحتا وحِنيتا مسخا
علينا الجنا البقولولو غريبة دا، تمسخ عليهو قعدة منبر بكري دا،
شاحد الكريم...

إياكم و الكذب ، فإن الكذب مجانب للإيمان " .

عن عبد الله بن مسعود قال : قال رسول الله صلى الله عليه وسلم : " عليكم بالصدق فإن
الصدق يهدي إلى البر وإن البر يهدي إلى الجنة وما يزال الرجل يصدق ويتحرى الصدق
حتى يكتب عند الله صديقا . وإياكم والكذب فإن الكذب يهدي إلى الفجور وإن الفجور يهدي
إلى النار وما يزال الرجل يكذب ويتحرى الكذب حتى يكتب عند الله كذابا " . متفق عليه .
وفي رواية مسلم قال : " إن الصدق بر وإن البر يهدي إلى الجنة . وإن الكذب فجور وإن الفجور يهدي إلى النار "

ــــــــــــــــــــــــــــ ...

Quote: اقعد هبش لي في بشبش دا كدا لحدي ما يجي يوريك ليهو..

يا مجاهد من الدآخل إنت،
أعمل حسابك.
لكن بالله الزول الخِيّخة دا عثمان بيّن طلع
بيفهم أحسن مِنّو.
والله صحي...

Quote: وضيف للتحية شاز.. ولو خلينا حسن النية متوفر فبشبش قاصد شاذ...!! وعلشان نشز اكتر مع بشة نمدد رجلينا ونخلفن أمام بشة زي إللات اوباما ديك.. دحين ات شزيت قوقلت وقومست كدا عشان تشز هسي باكر دي بشة ده يقول فهمتكم وبيدخل ليهو في ماسورة... لكن شزوزك ده تودي وين!!! مش قالوا ذاكرة المنبر شازة... أقصد قوية.. بالحالة دي قبل يكش المستشارين!!

عبد العزيز يا فردة،
كيفك يا مان؟
الزول دا لو دخل في ماسورة، معناتا حاتكون ماسورة
داخل ماسورة.
يا زول مدّدِ كرعينك ودوبي كمان بس أعمل حسابك، الزول
دا عندو مجاهدين ختريين.
والله صحي.
عليك الله شوف الشماسي دا!!! قال عندو شفاتة حا ينزلهم الشارع.
يا اخي من يوم قال كلآمو دا، وأنا كرعيني ما شايلآتني. هسّع
نقبّل وين ؟؟؟.

تحياتي...