|
|
|
 Re: الجابني منو من الحبشة ياعبدالعزيز حسين عشان يرسلني ليها ؟!!! (Re: فايزودالقاضي)
|
إذا لم نستطع الخروج من منطقة النظر للغير حسب اصولهم وألوانهم وأعراقهم وإثنياتهم إذن نحن مازلنا نراوح مكاننا القديم,,,
القاعدة الأصيلة..
لأى منا أن يفخر بأجداده وقبيلته وأهله ما شاء لكن عليه أن يتذكر جيدا ألا يحرم الآخرين هذا الحق فهم يملكونه سلفا ولهم
أن يفخروا ويفاخروا كذلك دون أن ينتقصوا مما ملكت أنا حق أن أفاخر به شيئا,,,
| |
 
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: أيمن الطيب)
|
Quote: إذا لم نستطع الخروج من منطقة النظر للغير حسب اصولهم وألوانهم وأعراقهم وإثنياتهم إذن نحن مازلنا نراوح مكاننا القديم,,,
القاعدة الأصيلة..
لأى منا أن يفخر بأجداده وقبيلته وأهله ما شاء لكن عليه أن يتذكر جيدا ألا يحرم الآخرين هذا الحق فهم يملكونه سلفا ولهم
أن يفخروا ويفاخروا كذلك دون أن ينتقصوا مما ملكت أنا حق أن أفاخر به شيئا,,, |
شكراً اخي ايمن ..مشكلة النظر لاعراق الناس واصولهم دي حاجة متجذرة في الوعى الاجتماعي السوداني ودايرة زمن عشان نخلص منها ..
تحياتي ،،
| |
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: محمد البشرى الخضر)
|
يافايز ياخ سامحني
والله من عشمي فيك قلت أنك مديني مساحة للمزاح كبيرة الظاهر عليك اعتقدت انها أكبر مما أنت فرضتها لي
أول حاجة أطلب السماح من الله رب العالمين واطلب مغفرة
ثانيا أتاسف على الخطأ والغلط وأقر وأعترف به فعدم تقدير فمزاحي فاق الحد
ثالثاً أعتذر ليك لماسببته ليك من ضيق وآلم
فوالله لم أقصد أن اجرحك أو أذيك فأنت أخي وصديقي وقريبي ولأهلك وقبيلتك وكل عشيرتك الحب والاحترام وهم أهلي وأكن لهم موده كبيرة وبيني وبينهم صلات قوية ومصاهرة وصداقة
مداخلاتي العبرت فيها عن دهشتي عن النظارة كنت أعتقد أنك قد انه قد يكون لديك معلومات وسيرة قد تذكرها للمعرفه وما خاب ظني
المداخلة التانية والسببت ضيقك هي ممازحه مني تهول لك ما قد تلقاه من المعارضه وكنت أظن أنك قد تتقبلها عادي لكنك تحسست ولذا لزم أعتذاري عليها
لكن يا فايز أنا أعتقد أنك تمازحني بي كلام كوز يظهر أنك تعتقد مزاحك هذا حقيقة والله يافايز لو شخص غيرك تعرض لي بهذا لعض اصابع الندم عليه
يا فايز ما تعتقده خطأ ماني كوز ولا عندي علاقة بالكيزان ولو كنت كوز ما أظن كنت حا أستحي أني أعلنها وكان ضايرت ليك البورد دا كله بي جنبه وقعدتهم في علبهم
اكرر اعتذاري وآمل تفهمك وآسف مره اخرى
البوست ما عارف بكري قفله ليه الظاهر فيه حاجة بخصوص الأعلان وما فتحناهو إلا لخدمه الأخوان فقط
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: محمد البشرى الخضر)
|
| Quote: اخير ليك الكيزان يا فايز الكيزان وانسى حكاية تهميش دي كلنا مهمشين يجوك ناس هامش وجلابه يتفقوا يقسمو البلد بيناتهم كان ما طلعت من المولد بلا حمص حايكونو رسلوك الحبشه |
ياعزو لو قريت كلامي كويس في حتة التهميش حاتلقى كلامي كان محدد في تهميش معين وهو التهميش الثقافي وده ماكلنا مشتركين فيه لكن ربما التهميش التنموى نكون واحد فيهو وده اكيد انا ماسبب فيهو نهائي ... تهميش ثقافة الاخرين في السودان نتاجه استغرابك بعلاقة الجعليين بالبني عامر وعلاقة الاحباش بالسودان، وكذلك اختزال اسم الاعراق الحبشية في ارتريا واثيوبيا ده لو في عرق الآن اسمه (حبشي ) ولا انت قايل مافي اعراق حبشية في السودان وتحديد شرق السودان ؟!!!!!!..
اما قصة الجلابة وهامش السودان يرسلوني الحبشة- حسب كلامك - فانا ياعزو احد اسياد السودان ده ولا واحد فيهو يزيد عني بحاجة - إن لم ازد- ومافي زول كان علت مكانته ولا وطت يرسلني ولا يجيبني فيهو يبقى كوز ولايبقى شيوعي واىً كانت قبيلته في السودان من اكبر راس لاصغر شاذ (على قول رئيس المؤتمر الوطني) ...
فقط اردت توضيح ذلك ..
تحياتي ،،
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: فايزودالقاضي)
|
Quote: ياعزو لو قريت كلامي كويس في حتة التهميش حاتلقى كلامي كان محدد في تهميش معين وهو التهميش الثقافي وده ماكلنا مشتركين فيه لكن ربما التهميش التنموى نكون واحد فيهو وده اكيد انا ماسبب فيهو نهائي ... تهميش ثقافة الاخرين في السودان نتاجه استغرابك بعلاقة الجعليين بالبني عامر وعلاقة الاحباش بالسودان، وكذلك اختزال اسم الاعراق الحبشية في ارتريا واثيوبيا ده لو في عرق الآن اسمه (حبشي ) ولا انت قايل مافي اعراق حبشية في السودان وتحديد شرق السودان ؟!!!!!!..
اما قصة الجلابة وهامش السودان يرسلوني الحبشة- حسب كلامك - فانا ياعزو احد اسياد السودان ده ولا واحد فيهو يزيد عني بحاجة - إن لم ازد- ومافي زول كان علت مكانته ولا وطت يرسلني ولا يجيبني فيهو يبقى كوز ولايبقى شيوعي واىً كانت قبيلته في السودان من اكبر راس لاصغر شاذ (على قول رئيس المؤتمر الوطني) .. |
يا فايز ياخ أنت ود بلد وزول أصيل شفت أنا دا زول دخيل ساي وافد
عليك الله رجعوني محل ما جيت جدي جا نازح ساي السودان جا من حته طرف الخليج العربي أسمها جميرا رجعوني هناك ما داير منكم حاجة
------------
غايتو بعد دا إلا الواحد يطلع ليك شهادة ميلاده عشان تهزر معاه
كان ما من الخرطوم ما تهزر
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: فايزودالقاضي)
|
يا فايز عليك الله ما تفكها فيني كمان
| Quote: انا فقط استيضاحي كان في عبارة ( يرسلوك الحبشة) ودي عبارة فيها تبطين بعدم انتمائي لهذا السودان ودي الحاجة الوحيدة الانا مابسمح فيها واحد يجردني منها ولا انا املك ياعزو حق تجريدك منها وهي الحاجة الوحيدة التجمعني باى واحد في المنبر ده |
ياخ لا تبطين لا محملها الأنت عاوز تحملها ليه ما عارف انت فاير كدا مالك يا زول قول بسم الله
بي فهم بسيط كدا ياخ العارف عزو مستريح (وعزو دي شيلها أسمي وعزك) مالك جايط أنت يازول ما واثق من نفسك ولا شنو ؟
قلنا ليك الكلام دا هزار المشكلة أنك يا فايز حدك في الهزار محدود زول بدوي ساي دقسنا نحنا وهزرنا معاك هزار أولاد المدينة انقطع نفسك
هسع شفت أيمن دا لو يوم جيت سلمت عليه وين يا أيمن العب ولا حايزعل لأنه أسمه أيمن العب ود هزار أولاد المدينة الما بتعرفوه انتو
يا أيمن ياخ فهم الزول دا عليك الله
خليه يوريك أسم الجامع الفي حلتنا
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: فايزودالقاضي)
|
بوست محزن بالجد
لو سمحتوا لى اسالكم
انتوا بتستفيدوا شنو لما تجرحوا بعض و تـسـئـون لى بعض ؟؟؟؟؟؟
انتوا فاكرين الدنيا دى كلها قدر شنو يمكن اليوم مع الناس وبكرة الواحد يكون بين يدى رب العالميين
اتمنى كل واحد لما يخط بحرف يقرهوا عشرة مرات لانوا ما تكتبة يمينك تسال عنوا فى اخرتك
الناس بتجى المنتدى علشان ترفه عن نفسها من مشاكل و ضعوط الحياة وتقابل اخوان واخوات يكون حبهم لى بعض في الله
ويساعدوا بعض ويشيلوا هم بعض ويتعاونوا فى الخير
وتحزن لى فراقن وتذكرن بالخير اذا اجتمعوا
فا بالله عليكم اتقوا الله فيما تكتبون وارحموا انفسكم من هذا الاسلوب العقيم الذى لا يولد سواء الكراهية والحقد
قال تعال (((اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الْآَخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ))
اتمن لكم الهداية وتهدية النفوس
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: عبدالعزيز حسين عبدالرحيم)
|
Quote: يا فايز ياخ أنت ود بلد وزول أصيل شفت أنا دا زول دخيل ساي وافد
عليك الله رجعوني محل ما جيت جدي جا نازح ساي السودان جا من حته طرف الخليج العربي أسمها جميرا رجعوني هناك ما داير منكم حاجة |
يااخوى انت ود بلد وكلنا اولاد بلد والسودان ده حقنا كلنا ولا املك حق اني اطلعك منه ولا انت كمان ..اما اذا انت قاصد تقدم البوست ده كمستند لجوء لجميرا وتتجنس فدي حاجة تانية ..
ثم تأكد ياعزو انا ماطالب منك اعتذار والبينا اكبر من انك تعتذر ..
تحياتي ،،
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: Hani Arabi Mohamed)
|
حبيبنا هاني ...سلامات ...
| Quote: فايز ما تزعل ... عبد العزيز يحاول أن يبرئ نفسه من تهمة قديمة بالانتماء إلى الشيوعية - ويزيد في العيار حبتين حتى يرضى عنه الكيزان والحيارى :) فما تزعل منّو :) |
ياهاني مافي اى زعل وزي ماقلت اني بس حبيت استوضح عشان مااظلم زول بفهم لي قد يكون ما مستبان ..
بالله كان شيوعي وبقى كوز ؟!! هسه كده يكون ارتد ولا اسلم ولا الفهم شنو ؟!!
تحياتي ياحبيب ومافي زعل بينا ان شاء الله ..
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: Hani Arabi Mohamed)
|
الاخ فايز
سلامات
بكل صدق عبدالعزيز دا أنا اصلا زعلان منو لكن لما قريت اعتذارو ليك أنا شخصيا سامحتو
الكيبورد السجمان دا يخفى ناس كويسين و طيبين
ياخي العفو و العافية
مجرد سؤ تفاهم
تاني حبشي و عميل سعودي
ً-----------------------------------------
عند الباكستانيين كلمة حبشي تعني أفريقي - عندي ود اخوي كان بدرس مع باكستانين في الصين - بعدين هو وجيه زي عبدالعزيز بس لونو افتح شوية
طبعا مركب مكنة راغب علامة
ما عارف المناسبة شنو لكن الباكستاني قال ليهو حبشي ,,,,,, و الشكلة دورت
يا خي الزول دا عشان يفهمو اصل الكلمة في لغتهم كان مشكلة
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: hamid brgo)
|
هلا حبيبنا حامد ..
Quote: بكل صدق عبدالعزيز دا أنا اصلا زعلان منو لكن لما قريت اعتذارو ليك أنا شخصيا سامحتو
الكيبورد السجمان دا يخفى ناس كويسين و طيبين
ياخي العفو و العافية
مجرد سؤ تفاهم |
يابرقو انا مارفضت اعتذاره اذا هو معتقد اني طالب اعتذار
انا استوضحت من كلام قاله وهو وضح وانا قبلت اعتذاره وتوضيحه
يعني الموضوع انتهى بس اليقنعك ويقنع وضاحة منو ؟!!
| Quote: تاني حبشي و عميل سعودي |
حبشي ايوا .... عميل ياريت ...
بس اقنعهم كيف انه عندي قدرات عميلية ..؟!!
Quote: عند الباكستانيين كلمة حبشي تعني أفريقي - عندي ود اخوي كان بدرس مع باكستانين في الصين - بعدين هو وجيه زي عبدالعزيز بس لونو افتح شوية
طبعا مركب مكنة راغب علامة
ما عارف المناسبة شنو لكن الباكستاني قال ليهو حبشي ,,,,,, و الشكلة دورت
يا خي الزول دا عشان يفهمو اصل الكلمة في لغتهم كان مشكلة |
ياهو التنميط الانا بتكلم عنه ياحامد ..ود اختك رافض ينعتوه بالحبشي رغم ان حبشي ليست اساءة في حد ذاتها ..
مع العلم ان كلمة سوداني هي وصف للون وتعني السود .. فتأمل...
غايتو السودان ده اخير منه بورسودان ..
| Quote: بعدين هو وجيه زي عبدالعزيز |
مجاملة ظريفة منك وان شاء الله اخونا عزو يقبلها عربون تصافي ..
تحياتي ،،
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: فايزودالقاضي)
|
يا فايز
| Quote: ثم تأكد ياعزو انا ماطالب منك اعتذار والبينا اكبر من انك تعتذر .. |
يا فايز عارف
المعزة والعلاقة بيني وبينك دي بيناتنا نحن بس لكن في البورد دا المنظر غير والناس بتفهم بالظاهر ونحنا فاهمين بعض الناس الباقين ديل ماعارفين
لمن تجي تتعاور وتفتح لي بوست زي دا يكون شفقة منك ساي عشان تحرجني وتحرج نفسك (نسوي شنو بدوي دايش)
يا فايز في ناس في البورد وبره البورد منتظرين لي دقسه بس ما تبقى لي باب الهوا
في ناس بتجي خاشه دايشه ساي عاين زي وضاحة دي جات فكتها فينا حامضه كيفن عجبك كدا
وفي ناس مرضانين في البورد شخصياتهم مزعزعة وما واثقين من نفسهم ممكن يستغلوا كلامك دا لو صدقوه ممكن يزيدهم زعزعة فوق الهم عليها
| Quote: هسه الدمه فاير منو ؟!!!.. انا بتكلم بهدوء من بداية البوست وحتى نهايته اذا عنده نهاية .. |
الفتح البوست منو
| |
|
|
|
|
|
|
|
|
 Re: الجابني منو من الحبشة ياعبدالعزيز حسين عشان يرسلني ليها ؟!!! (Re: وضاحة)
|
Quote: عبد العزيز انا ما دايشه انا شخصيتك دى عرفت اقراها كويس وما تنسي انى طبيبة وقبل الطب نحن بندرس علم نفس انا متابعة كتاباتك من زمان
انت شخصتك دى شخصية Aggressive |
يعني نهائي مافي امل يتعالج ؟!!!!
والله الواحد مرات يجيهو مدد من حيث لايدري ...
ـــــــــــــــــــــ
صورة لـ معاوية وهاني
وصورة احتياطي لدينق
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: وضاحة)
|
| Quote: يا فايز في ناس في البورد وبره البورد منتظرين لي دقسه بس ما تبقى لي باب الهوا |
كدى براك كدا راجع البوست دا بس وشوف وعد لى معاك براك إنت فتحت فيك كم فرقة!!!
ياخ إنت دفروك ولا جيت براك!!
يا حفتى!! إنت مش قالو ليك أختا بوستات الشتات الأيام ديل كمان بقيت تفتحا براك | Quote: ,,لكن يا فايز أنا أعتقد أنك تمازحني بي كلام كوز يظهر أنك تعتقد مزاحك هذا حقيقة والله يافايز لو شخص غيرك تعرض لي بهذا لعض اصابع الندم عليه يا فايز ما تعتقده خطأ ماني كوز ولا عندي علاقة بالكيزان |
هذه فقط تكفى ياخ طلع ليهو شهادة إبراء ذمة..
ياخ عبدالعزيز دا شدة ما بقى حمام ميت وضاحة طلعت بيهو تستة الليلة..
والللللاهى أنا ما كوز
البوست دا إنصرافى بالمناسبة...
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: أيمن الطيب)
|
| Quote: يا حفتى!! إنت مش قالو ليك أختا بوستات الشتات الأيام ديل كمان بقيت تفتحا براك |
ياايمن تبرؤ اخونا عزو من الكيزان جا معاى في جرح مع اخواني بهناك
لانه في نظرهم اني مخالف للمتفق عليهو في مقاطعة الكيزان
والحمدلله الاخو نكرالكيزان حطب ، يعني انا طلعت بحاور زول جميرا ساى ..
| Quote: هذه فقط تكفى ياخ طلع ليهو شهادة إبراء ذمة.. |
انا بحاول اقتنع لكن اليقنع معاوية عبيد ودينق منو ؟!!
وديل اهم ناس في الساحة ..
| Quote: ياخ عبدالعزيز دا شدة ما بقى حمام ميت وضاحة طلعت بيهو تستة الليلة |
كلامك فيهو تبطين استعلائي ذكوري وتقليل من وضاحة انا لا اقبله فيها ..
هسه تجيك ترشك بمرض نفسي ومعاه آخر عضوى من القرتهم في علم النفس والطب ..
تحياتي ،،
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: عبدالعزيز حسين عبدالرحيم)
|
| Quote: (نسوي شنو بدوي دايش) |
عشان مشيت العاصمة خلاص بقيت مابدوى ؟!!
ياعزو انا مشيت الشمالية وتحديد مناطق اهلنا الجعليين
يازول نحن في الشرق بالنسبة ليكم في تورنتو
ناس جميرا لو وريتهم صور منطقتك في السودان على العرس يدوك لجوء
فما تفكها فيني وانا العارف البير وغطاها..
| Quote: يا فايز في ناس في البورد وبره البورد منتظرين لي دقسه بس ما تبقى لي باب الهوا |
بالذات قريبك معاوية عبيد
| Quote: في ناس بتجي خاشه دايشه ساي عاين زي وضاحة دي جات فكتها فينا حامضه كيفن عجبك كدا |
وضاحة زولة حبوبة واخت اخوان وده شعور نبيل منها ..لكن ياعزو الزولة دي لمتني معاك وفكتها فيني معاك
رغم اني ماعملت حاجة ..ومفروض ترشك براك بدون اقحامي ..بعدين هي اقرب ليك مني وزيتكم في بيتكم انا ذنبي شنو ؟!!
القال الكلام منو ؟!!
تحياتي ،،
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: فايزودالقاضي)
|
هههههههاي
يا واضحة انتي زيك زي فايز دا بس فايز بدوي وانتي حنكوشه (قومي أفتحي لي بيها بيها بوست حنكوشه دي كمان)
Quote: عبد العزيز انا ما دايشه انا شخصيتك دى عرفت اقراها كويس وما تنسي انى طبيبة وقبل الطب نحن بندرس علم نفس انا متابعة كتاباتك من زمان
انت شخصتك دى شخصية Aggressive |
هههههاي صحي نيتك طيبة لكن جيتي خاشه غلط وما قريتي الحاصل
بعدين زول عنده حاجات محددة بسوي فيها زيي لازم يكشر انيابه ويكون عدواني والضايق قرصة الدبيب يخاف من جر الحبل
أنتي دي في نصايحك ومواعظك دي قبل كم يوم ما مرقوك عنصرية
غلطانين نحنا الهرشناهم كان نخليهم يسيروك بيها لمن تسوي ليك سنون وتبقي Aggressive وتجي تعضي من طرف ما تفرزي
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: عبدالعزيز حسين عبدالرحيم)
|
يا فايز
Quote: عشان مشيت العاصمة خلاص بقيت مابدوى ؟!!
ياعزو انا مشيت الشمالية وتحديد مناطق اهلنا الجعليين
يازول نحن في الشرق بالنسبة ليكم في تورنتو
ناس جميرا لو وريتهم صور منطقتك في السودان على العرس يدوك لجوء
فما تفكها فيني وانا العارف البير وغطاها.. |
شمالية شنو
نحنا من كوبر محل ما ولدونا الما عاوزنا يرجعنا محل ما نزح أجدادنا جميرا
شوف الجمال دا والناس الفيها أجمل كمان ناس تفاتيح حلوين
نحبها كلنا واللمانا فيها لا جنس لا قبيلة ولا نسل من زول واحد من كل أنحاء السودان وخارج السودان أخوان
شفت ديل نحنا يا فايز أولاد العاصمة التفاتيح متسامحين كيف مش زيكم يا (غبري)
| Quote: بالذات قريبك معاوية عبيد |
شفت جا يتشمشم كيف زي كلـــــــب الخمامير
Quote: ضاحة زولة حبوبة واخت اخوان وده شعور نبيل منها ..لكن ياعزو الزولة دي لمتني معاك وفكتها فيني معاك
رغم اني ماعملت حاجة ..ومفروض ترشك براك بدون اقحامي ..بعدين هي اقرب ليك مني وزيتكم في بيتكم انا ذنبي شنو ؟!! |
يازول دي زوله دايشه ساي رشها الايام دي عامله فيها عبد الناصح ياخ دي قاعدة تنصح في دينق
بعدين انت الجبت لينا الهوى هسع عليك الله الواحد بتخيل يوم وضاحة تجي تنصحني
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: عبدالعزيز حسين عبدالرحيم)
|
الدايش التاني
| Quote: عد لى معاك براك إنت فتحت فيك كم فرقة!!! |
ما تخاف مافي زول بهوي بجاي غير الدايشين والتفاتيح وانته تفتيحه دايش
| Quote: ياخ إنت دفروك ولا جيت براك!! |
خلعوني يا أيمن ياخ ال (غبري) ديل عرفناهم في الدينا دي ايام الجامعة الواحد تكون بتتكلم معاه فجاءة تلقاه صنه تقبل عليه تلقاه بقى قربه ما تعرف تنفسه كيف
Quote: هذه فقط تكفى ياخ طلع ليهو شهادة إبراء ذمة..
ياخ عبدالعزيز دا شدة ما بقى حمام ميت وضاحة طلعت بيهو تستة الليلة..
والللللاهى أنا ما كو |
تتضحك سنونك مافي أسوي ليه شنو ياخ ؟ أمكن الوهمة راكبه ليه في راسة والزول دا يكون جادي وهو زول عزيز بعد دا لكن مشكلته (غبري)
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: عبدالعزيز حسين عبدالرحيم)
|
طبعا هنا قصد الدكتورة واااااضح | Quote: ناس الدلوكة جو ههههههههههههههههها |
البوست فيه عرووووس رقاصة رقيص!! ومعك نغنى اللول اللول اللول يا لوليةQuote: سوداة نيتك وشلاقتك وشفقتك (شفقة نفيسه....)
ياخ أنت خليتني أرد علي أيمن الطيب بعد ما كنت بعفصه ولا حاجة
شفت وصلتنا لي وين (البباري الغبري يرد علي أيمن الطيب) |
يا زول أنا عافى ليك خليك عافص لى شديد لمن أفضا ليك علما إنو بمراجعة هذا البوست فقط شايفك تكورك من الصباح ايمن ايمن وماعارف برى وناصر يا زول الحبشى المتشربك فيك هداك وما بفكك ما بفكك أنسانى أنا ياخ!!
عامل فيها بتعرف الحبش ما قالوا ليك الناس ديل ما تشاكلم هم والصواميل ما بخلييك يا تفطسو يا إفطسك ولحد هسة شايفك شغال بتكورك للجماهير من قولة تيت!!!
يا حبشى الزول دا خلاص فكو جاب ليمون
يا حفتى البوست دا قام من تالت مداخلة الجرجرة والإزعاج شنو إن شاء الله جدك هيلا سلاسى زاتو نحن دخلنا شنو بالموضوع دا!!!
____________________________
فطسو فطسو الزول الما كوز دا,,
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: عبدالعزيز حسين عبدالرحيم)
|
ول أبا أبو جنزيز
(عبد العزيز للناس الما عارفين)
سلامات ..
أنت عارف ناس الاطراف ديل مرات حنينين شديد ومرات خليهم ساكت .. أنت عارف ول خالتى، الأخ العزيز دكتور حامد برقو فى مداخلة سابقة تحدث لود القاضى، حاله مثل حال ود القاضى، ديل هم الأسرة المالكة فى الزغاوة وممسكين بتلابيب القبلية هنا فى السودان، أسرة الأخ حامد برقو، وهناك فى تشاد الاسرة من نفس خشم القبيلة .. لكن أنا على معرفة لصيقة جداً بناس بعرفونهم معرفة تامة يعتبرون من أحسن خلق الله أخلاقاً وثقافة وعلم ورقى فى غرب السودان .. دحين أخوك عنده مشكلة مع الزغاوة فى تشاد ما عايزهم يعتّبوا درب الزغاوة فى السودان، ومن خلال قراءة طويلة وجهد شخصى ، بدأت أعرف أن الحدود الجغرافية ليس هى حدود إجتماعية أو ثقافية، وقرأت عن مناسبة زواج فى هضبة الجولان المحتلة ناس العريس بهناك فى لبنان وناس العروس بهنا فى فلسطين المحتلة (أبداً لا أسمح لهم بالحق فى كلمة أسرائيل)، والأشياء يتجادعونها عبر السلك الشائك .. والرقيص بهناك والجهة التانية .. رغم الحدود عرفت ان تلك الاسر فى الحقيقة أسرة واحدة تفرقت بها الحدود الجغرافية أيدى سبأ ..
عشان كده يا حبيب، أنا أتمنى من ناس ود القاضى وول خالتى دكتور حامد برقو يثقفونا فى مسألة الحدود والناس مفروض تعمل شنو؟ أو تتعامل معهم فى المناطق الحدودية كيف؟ يعنى حسب عيشى هنا فى الولايات المتحدة لقيت نفسى داخل فى النوبا فى مصر توووووش من خلال صداقتى مع النوبا فى الشمال .. وبقيت ما عارف كوعى من بوعى الثقافى، مرات أسأل الواحد أنت من ياتو جهة حقتنا أم مصر، يضحك ويقول أخوك نوبى من أسوان .. أضحك أنا وأقول الله ينعل أبو الحدود التى وضعها المستعمر ..
البوست دا لذيذ جداً .. ومازلت حسب تخلفى فى ثقافة ناس الحدود، والمتخلف معذور، أن ود القاضى يحب الأحباش .. وفى حاجة خافية علينا فى هذه المأثرة .. وأرى أن النقاش فيها مهم، هل نحن كوسودانين علينا بحب الأحباش (التشادين فى حالتى) لأن ود القاضى حبشى (دكتور حامد زغاوى؟
يعنى حولوا لينا الموضوع إلى موضوع ثقافى ..
بريمة
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: AMNA MUKHTAR)
|
| Quote: السؤال المنطقي الذى يتهربون منه : لييييييييييييييييه المك نمر لجأ إلى الحبشة ...ومات هناك ؟ |
لجأ المك نمر للحبشه ليأكل الأنجيرا ويحتسي الطج ويتمتع بمصاحبة الحسان
الرسول الأعظم صلى الله عليه وسلم لمن ضايق الكفار الصحابة نصح الصحابة بالهجرة للحبشه بقت على المك نمر
هسع لو في عريس مفلس بمشي شهر العسل اديس
بالمناسبة يا فايز
أصحابي الحبش قالو متكيفين مني عشان بشبه تيدي أفرو
صحي الكلام دا
.JPG)
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: AMNA MUKHTAR)
|
Quote: يا فايز ياخ أنت ود بلد وزول أصيل شفت أنا دا زول دخيل ساي وافد
عليك الله رجعوني محل ما جيت جدي جا نازح ساي السودان جا من حته طرف الخليج العربي أسمها جميرا رجعوني هناك ما داير منكم حاجة |
فايز يا هبيب
غايتو اليومين ديل اكعب تتصنف فيها من حوش بانقا لانو ممكن تمشي لاهاي. الحبشه ايه يا اخي
ولدنا عبدالعزيز
سلامات يا اخي و لينا طولي
يا اخي حاول تتجاوز لغة ود بلد و دخيل و االحاجات دي
طالما تنتمي الي جغرافية هذا البلد فأنت من هذا البلد و غيرك ايضا من هذا البلد و لا يمكنك ان تكون ابن بلد جميرا هذه التي تقع علي طرف الخليج الفارسي
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: Mahjob Abdalla)
|
خارج الموضوع
للأسف الكثير من السودانيين من الشمال و الوسط والجنوب و الغرب و الشرق لا يتفهمون نبل و كرامة الانسان الإثيوبي والاريتري و خاصة الاخير
الإريتري مثال لمعظم الخصال الطيبة في الانسان من صدق و أمانة و نخوة و شجاعة و وفاء
قبل فترة ليست بقصيرة كلفت احد الأخوة الإريتريين لإنجاز عمل - دفعت له كل المبلغ الا انه تماطل بعض الشئ
ذهبت اليه في مكان عمله . و قلت له لا تشوه سمعة الشعب الإريتري لان الإريتريين صادقين و شجعان
كاد الرجل ان يمسك بي و يبكي . و اصبح صديقا لي حتى تاريخ اللحظة
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: hamid brgo)
|
Quote: خارج الموضوع
للأسف الكثير من السودانيين من الشمال و الوسط والجنوب و الغرب و الشرق لا يتفهمون نبل و كرامة الانسان الإثيوبي والاريتري و خاصة الاخير
الإريتري مثال لمعظم الخصال الطيبة في الانسان من صدق و أمانة و نخوة و شجاعة و وفاء
قبل فترة ليست بقصيرة كلفت احد الأخوة الإريتريين لإنجاز عمل - دفعت له كل المبلغ الا انه تماطل بعض الشئ
ذهبت اليه في مكان عمله . و قلت له لا تشوه سمعة الشعب الإريتري لان الإريتريين صادقين و شجعان
كاد الرجل ان يمسك بي و يبكي . و اصبح صديقا لي حتى تاريخ اللحظة |
ليس خارج الموضوع العزيز حامد برقو بل فى لب الموضوع ، شكرا لحديثك الواضح والتحية لشعب الحبشة ( أريتريا ، أثيوبيا ) شعب ذو حضارة وتاريخ ..
فائز ود القاضي
ببركة روح حبوبة تاجوج وجدو محلق تصرف الكيزان قول آميييييييييييين
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: hamid brgo)
|
| Quote: (التشادين فى حالتى) |
يا زول انت بقيت عندك جيران جدد و في اسمي معاني الحدود الجغرافية يمكنك ان ترعي ابقارك عبر الحدود و تضرب عبابير البركيب عبر الحدود و ايضا الشيلة مع الدينكا او العكس عبر الحدود.
بالمناسبة انا شفت الفيديو بتاع العرس في هضبة الجولان السورية المحتلة من قبل اسرائيل و حقيقة الزواج بين سوريين قسمت بينهم الحدود.
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: د.محمد حسن)
|
طبعا!
"ود البلد"، "سيد البلد" هو امثال هذا الجلابي!
او غيرو يا اما "غرابي حاقد" جا من تشاد، يا كمان "خاساوي" ماشي ام فكو، جا من "الحبشة"!
الطريف الرعديد ال######## ده قال بيعتذر، شغل رعب او خوف!
فمافاهم كيف الواحد يعتذر عن طريقة تفكيرو او ذهنيتو؟
ده ما "كلام" عابر عشان تعتذر عنو يا صبي الانتباهة!
ده اساس واقع المحارق والابادة للملايين في بلدنا بفضل امثالك والبشير!
البحير، ناس جعلي "حر"، خت خطين تحت "حر"، قالو جدهم العباس او بالتالي او بي اعترافم، هم، هم الوافدين، ولكن بي قدرة قادر، في يدو القلم، الوافدين ديل هم "اسياد البلد" او غيرم وافد!
اها شفتو حكم قرقوش ده؟
شطحات صبي الانتباهة ده حقيقة شغل خوف!
انا جيت منذ ايام من السودان او كالعادة مرة اخري استمعتا بي غتاتة شديدة او صمت مطبق، او ابتسامة زي هولة الترابي ديك، للكلام الذي يدور في حيشان الجلابة المغلقة، خلف الاسوار!
نعم بعضهم يعي تماما النظام الحالي نظامو هو كشمالي مش كوز ولاشيوعي، او بالتالي المعارضة، معارضة "فروخ" عديل كده رددها احدهم علي مسامعي، او بالتالي وان كان هو معارض او شيوعي في السابق، فهو مع البشير لي اخر رمق، لانو مصلحتو كشمالي هنا!
دي الحتة الجايين منها امثال صبي الطيب مصطفي ده، لو تعلمون!
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: osman righeem)
|
| Quote: لكن أنا على معرفة لصيقة جداً بناس بعرفونهم معرفة تامة يعتبرون من أحسن خلق الله أخلاقاً وثقافة وعلم ورقى فى غرب السودان |
الافتراض السليم انو كل الناس كويسين حتي يثبت لك شخص انه سئ.
و بناءا عليه كان يمكنك الا تنتظر معرفة شخص ليعرفك بشعب تنتمي اليه.
كان ايضا يمكنك ان تقول "احسن خلق الله اخلاقا و ثقافة و علم و رقي" و كفي.
| |
|
|
|
|
|
|
|
|
|
Re: الجابني منو من الحبشة ياعبدالعزيز حسين عشان يرسلني ليها ؟!!! (Re: Mahjob Abdalla)
|
دينااااااااااااااااااااك
اتاريهو البوست دا ما ساهل
غير الطريدة المحبوبه بشاشا جاب لينا الكبير رغيم
وزي ما قال الشاعر
رب بوست انت قايلو ساهل وهو ما ساهل
تتجدع زي ما عاوز في الوكت الماهل
تمشي منه وتجيه راجع كراعك فوق اضانك
ياخ كدي نرفع تمام جلابة كيتًا في بشاشا تمام احترام وحب للكبير الخليفة عثمان رغيم الله يرضى عنهد دوما
ياكبير حرام افقدنا نحنا الفينا معروفه
عارفنا المساجم والمرامد تلفونتا مقفوله
والحاره ما تعرف شنو بنبردها ..وله
| |
|
|
|
|
|
|
| |
فايزودالقاضي
محمد علي شقدي
أيمن الطيب
محمد البشرى الخضر
معاوية عبيد الصائم
ادم شحوتاي
وضاحة
Hani Arabi Mohamed
محمد عبد الماجد الصايم
ABUHUSSEIN
مزمل خيرى
بريمة محمد
تولوس
وليد الطيب قسم السيد
Mahjob Abdalla
مها عبد الله
البحيراوي
د.محمد حسن
Bashasha
osman righeem
فيس بوك
تويتر
انستقرام
يوتيوب
بنتيريست