Post: #2 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 06:09 AM Parent: #1
بعض القطاعات من السكان ..!!
احزاب طفيلية فاشلة ....!!
Post: #3 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 06:12 AM Parent: #2
الاجراءات التقشفية تشكل ضغط علي السكان...!!
اصرار علي اننا مجرد سكان ..!!
Post: #5 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 06:18 AM Parent: #3
الدقيقية 1:05
Post: #4 Title: Re: إنتوا مجرد سكان ..لامواطنين !! Author: ibrahim alnimma Date: 06-26-2012, 06:17 AM Parent: #2
حتي مواطنين دي ياعبداللطيف الراجل مستكتره علينا .... تعرف بكون شايف نفسه راعي خالص ونحن رعية شوف التسطيح ده كيف ؟ الكيزان ديل مرات لما يتكلمو علي سجيتهم بعجبوك والله حلوين جداً ... تخرج ليك منهم حاجات عجيبة .....تحت جزمتي وبلوها اشربو مويتها ....والحس كوعو ....وشذاذ الافاق ......وفي رواية اخري "تاني مافي بيوت اشباح ههههه" طبعاً الطبيعة الاستعلائية للسكان "اقصد المواطنين" هي موجودة في باطن الكوز وعائش عليها ومتربي عليها ولكنه مجبر ان يتظاهر بغير ذلك ، ولذلك فهو مزدوج الشخصية احول الرؤية .......مكرش ،يبحب الاكل وعود خلع بقية اللحمة من اسنانه ......ويموت في الجيوب الانفية الاصطناعية لانها تساعده في لعب دور رجل الدين ... سلام ياعبداللطيف
Post: #6 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 06:23 AM Parent: #4
تحياتي ابراهيم النعمة
Quote: حتي مواطنين دي ياعبداللطيف الراجل مستكتره علينا .... تعرف بكون شايف نفسه راعي خالص ونحن رعية شوف التسطيح ده كيف ؟ الكيزان ديل مرات لما يتكلمو علي سجيتهم بعجبوك والله حلوين جداً ... تخرج ليك منهم حاجات عجيبة .....تحت جزمتي وبلوها اشربو مويتها ....والحس كوعو ....وشذاذ الافاق ......وفي رواية اخري "تاني مافي بيوت اشباح ههههه" طبعاً الطبيعة الاستعلائية للسكان "اقصد المواطنين" هي موجودة في باطن الكوز وعائش عليها ومتربي عليها ولكنه مجبر ان يتظاهر بغير ذلك ، ولذلك فهو مزدوج الشخصية احول الرؤية .......مكرش ،يبحب الاكل وعود خلع بقية اللحمة من اسنانه ......ويموت في الجيوب الانفية الاصطناعية لانها تساعده في لعب دور رجل الدين ... سلام ياعبداللطيف
بالضبط ، لما يكونوا معصورين بتكلموا علي سجيتهم
وتتطاير الافراح من افواههم الللزجة..
شوف المذيعة تصلح ليهو وهو مصر علي كلمة سكان ..
Post: #7 Title: Re: إنتوا مجرد سكان ..لامواطنين !! Author: بدر الدين احمد موسى Date: 06-26-2012, 06:43 AM Parent: #6
اقطع دراع عمر البشير من الكتف, لو كان امين حسن عمر فاهم الفرق بين السكان و المواطنين!
يا عبداللطيف ياخ اخدو قدر عقلو! امين حسن عمر دا معوق معرفيا, و متخيل نفسه فاهم حاجة. و لقب دكتور دا للصنفرة ههههههه
Post: #8 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 07:00 AM Parent: #7
Quote: اقطع دراع عمر البشير من الكتف, لو كان امين حسن عمر فاهم الفرق بين السكان و المواطنين!
يا عبداللطيف ياخ اخدو قدر عقلو! امين حسن عمر دا معوق معرفيا, و متخيل نفسه فاهم حاجة. و لقب دكتور دا للصنفرة ههههههه
يابدرالدين دا كادر نيفاشا المفاوض القطع ضهر البلد عشان سكان دي خصوصا
كيف مافاهم حاجة..
المواطنة عقدتم كانت مع الجنوب ، اها الجنوب مشا لحالو ، تاني سكان لشنو؟
بس عجبني تعليق وش السحلية تحت الفيديو ، لانو السحلية قالوا بتتقلب ..
Post: #9 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 07:37 AM Parent: #8
شذاذ افاق
خفافيش ظلام
سكان ساااااس
الثائرون بلاوعي
لاحسي كوع
شحاتين
...
...
...
اضف للقائمة ، الذاكرة الجمعية اقوي ..
Post: #10 Title: Re: إنتوا مجرد سكان ..لامواطنين !! Author: طه إبراهيم عبد الله Date: 06-26-2012, 08:24 AM Parent: #9
سلام يا شاذ أفقي يا زول كتر خيرو الطلعنا سكان لأنو برضك سكان لي سكان تفرق بعدين للأمانة الراجل منسجم مع فكره كيف يمنحك وصف المواطن والمواطنة وهو لا يعترف بالوطن ؟؟؟ فاكر في مطلع تسعينيات القرن الماضي لما لسه الحديدة كانت جديدة ونازلة على كل ما يمنحك معنى أن تكون سودانيا جزا وبترا واستئصالا بحجة إعادة الصياغة والتأصيل وما إليه من الأفكار الفاسدة ... أها في تلك الأيام كانت الخرطوم تعج بألوان من البشر المستقدمين ناس حمر وناس صفر ، عرب وعجم .. وشوف عين ما سمع ، كنا شهودا على تلك الأيام ندوات ومحاضرات والموضوع واحد : العقيدة = وطن المؤمن الوطن الجغرافي والجنسية والحدود مفاهيم علمانية صليبية ابتدعها الغرب لتفكيك العالم الإسلامي والسيطرة عليه و للحيلولة دون وحدة الدول الفقيرة لكي يسهل استغلال مواردها .... .. الآن الكتاحة فقط وبكشحة واحدة أزالت غطاء النفاق الرقيق الذي يتغطى به المتأسلمون جعلت الواحد منهم من شدة الاضطراب ينسى تنميق الكلام واللف والدوران ويتحدث مباشرة بما قر في نفسه ورسخ في وعيه ... .. كل الود التوقيع: شاذ أفقي
Post: #11 Title: Re: إنتوا مجرد سكان ..لامواطنين !! Author: اساسي Date: 06-26-2012, 08:30 AM Parent: #10
وحات الله امس بتناقش مع زول مؤتمر وطني في الحاصل , لمن عصرتو شديد , قال لي , ياخ انتو مالكم ومال البلد خلونا في حالنا !!
Post: #12 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 10:20 AM Parent: #11
Quote: سلام يا شاذ أفقي يا زول كتر خيرو الطلعنا سكان لأنو برضك سكان لي سكان تفرق بعدين للأمانة الراجل منسجم مع فكره كيف يمنحك وصف المواطن والمواطنة وهو لا يعترف بالوطن ؟؟؟ فاكر في مطلع تسعينيات القرن الماضي لما لسه الحديدة كانت جديدة ونازلة على كل ما يمنحك معنى أن تكون سودانيا جزا وبترا واستئصالا بحجة إعادة الصياغة والتأصيل وما إليه من الأفكار الفاسدة ...
سلامات يا اخي في الشذوذ الافقي طه ابراهيم
فعلا حاولوا صياغة الانسان السوداني وكونوا لذلك وزارة
سموها التخطيط الاجتماعي واسندوها لصفوتهمعلي عصمان
تحديدا ، لكن الشعب السوداني شاذ الافق هو من اعاد صياغتهم
ليتخلوا عن رفض الرقص والغناء وترك الحجاب ، حتي لعضويتهم من النساء
ثم تخلوا عن هذا الهوس ، فظهرت اسماء المرشحات في انتخابات اتحادات
الطلاب (دون صورة عورة) ثم اخيرا بصور المرشحات عدييييييييل كدا هههه
كانوا يقتلون بمجرد ظهور اسم امراة مرشحة (انساك من محاولات القتل) في
قصة مهرجان العجكو ..طيب مش دا كلوا تغيير في الفتاوي حسب الطلب
من النصوص ذاتها ..فلماذا لاتصير المواطنة بديلا للسكن !!
ــــــــــــــــــ
إذا شاذ الافق يوما اراد الحياة فلابد ان يستجيب القدر
Post: #13 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-26-2012, 10:30 AM Parent: #11
Quote: وحات الله امس بتناقش مع زول مؤتمر وطني في الحاصل , لمن عصرتو شديد , قال لي , ياخ انتو مالكم ومال البلد خلونا في حالنا !!
اخونا في السكن اساسي المعاط
معطت الراجل لما اتذكر انو دي بلدم براهم كاااااااااك
ـــــــــــــــــ
إذا شاذ الافق يوما اراد الحياة ××××× فلابد ان يستجيب القدر
Post: #14 Title: Re: إنتوا مجرد سكان ..لامواطنين !! Author: عبداللطيف حسن علي Date: 06-27-2012, 07:55 PM Parent: #13
علي عصمان