شعبة المؤتمر الوطني بسودانيز أون لاين

نقرا هذا البيان ثم نعود

Quote: سم الله الرحمن الرحيم بيان هام قال تعالي : ( وَلَوْ شَاءَ رَبُّكَ لَجَعَلَ النَّاسَ أُمَّةً وَاحِدَةً وَلَا يَزَالُونَ مُخْتَلِفِينَ * إِلَّا مَنْ رَحِمَ رَبُّكَ وَلِذَلِكَ خَلَقَهُمْ وَتَمَّتْ كَلِمَةُ رَبِّكَ لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ ْ ( (هود 118 - 119 ْ} وقال الله تعالى : ( وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى العَالَمِينَ ) (البقرة: من الآية251( وقال تعالى : ( وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ * الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ) (الحج:40-41) الاخوة والاخوات ، ظللنا نتابع محاولات متكررة للسطو او تهكير موقع سودانيز اونلاين والذي يعتبر وبحق اقوي المواقع الالكترونية السودانية التي تقدم خدماتها للسودانيين عامة والمغتربين بصورة خاصة وهو موقع اعلامي شامل ورائد ومتفرد وظل منذ تاسيسه يحتضن كافة ابناء السودان ومثقفيه بكافة الوان طيفهم السياسي والفكري وظل منارة للوعي في مختلف ضروب الفكر والمعرفة . الاخوة والاخوات ايمانا منا بحرية النشر والحوار والاعلام وانطلاقا من فكرنا الذي يتيح حرية العقيدة والفكر والثقافة فاننا نستنكر هذه المحاولات وندينها بشدة ونطالب من يقوم باعاقة الموقع ومحاولة تعطيله بالكف عن ذلك واحترام ارادة ورغبات اهل السودان الاخوة والاخوات اننا نثمن عاليا مجهودات ادارة الموقع في اتاحة الفرص لكافة اهل السودان وكتابه ومدونيه للتحاور والتثاقف و الابداع وتداول الااراء ونتمني لها التوفيق ونعلن التزامنا بدعمها والوقوف معها في الاستمرار في رسالة الموقع. والله الموفق شعبة المؤتمر الوطني بموقع سودانيز اونلاين

المصدر بيان من المؤتمر الوطني حول حجب منبر سودانيس اون لاين

ياخى متعه ... من الألم ...

سلام يا عنكبة ..

و أياً كان تاريخ هذا البيان فأنا أؤيد ما جاء فيه و أدعمه و أتمنى تفعيل ما جاء فيه بتفعيل نشاط الموقع في السودان و عدم حجبه ..

تسلم استاذ عصام على تعليقك

واتمنى من جميع الاعضاء مد الايادي

لنختلف ولكن نتلاقى في ثقافة التحاور

تاريخ البيان هو اليوم 25 يونيو 2012

بالتشاور بين بعض من اعضاء المؤتمر الوطني بالمنبر
=======================================================

نامل من المهندس بكري

رفع البوست عاليا ... احتراما للاريحية التي ابداها

بعض الاعضاء في طرح رائهم الخاص في منبر يخصهم


نأمل من بكري رفع البوست ...........

لا حظ هذه الفقرة ...........

Quote: ايمانا منا بحرية النشر والحوار والاعلام وانطلاقا من فكرنا الذي يتيح حرية العقيدة والفكر والثقافة فاننا نستنكر هذه المحاولات وندينها بشدة ونطالب من يقوم باعاقة الموقع ومحاولة تعطيله بالكف عن ذلك واحترام ارادة ورغبات اهل السودان

المؤتمر الوطني يؤمن (ايماناً بليغ ) بحرية النشر ........هههههه اذن كيف يطيب لكم ولحزبكم ايقاف نشر الصحق ....ومنع الصحفين من النشر واعتقالهم ...بل ومطالبتهم بالكف عن تناول مواضيع بعينها ؟ ام هو كلام والسلام؟
ويمضي البيان في استهبال القاري .....فقي قولهم "نستنكر هذه المحاولات وندينها بشدة ونطالب من يقوم باعاقة الموقع ومحاولة تعطليه بالكف عن ذلك فهم يتظاهرون وكان من يقوم بهذا الفعل هو شخص خارج عن الحكومة ....اذن اين حجب الموقع؟ اليس هو محجوب في السودان؟ اذن من المسؤؤل ؟ هذه اساليب اقل ما يمكن ان نقول عنها انها محاولة للتذاكي والاستهبال السياسي .....
ام هي ربما رسالة لابوهم السياسي الكبير ......مفادها انك يابي المؤتمر الوطني حينما تغلق هذا الموقع فانك ترسل رسالة عدم ثقة في ابناءك الذين يبذلون اقصى جهد في تشتيت الكورة وتخريب رسالة المنبر .....وابطال اي حوار بافتعال المعارك الجانبية ....وانك ياابي حينما تغلق هذا الموقع فانك تحرجنا امام خصومنا السياسين والذين كم تظاهرنا امامهم زوراً وبهتاناً بالديمقراطية واحترام الاخر .......
نعود

سلام ياعصام ......

Quote: و أياً كان تاريخ هذا البيان فأنا أؤيد ما جاء فيه و أدعمه و أتمنى تفعيل ما جاء فيه بتفعيل نشاط الموقع في السودان و عدم حجبه ..

المعني انت ياعصام لم ياخذو برايك فيه ؟؟؟؟؟؟؟؟؟

Quote: ونطالب من يقوم باعاقة الموقع ومحاولة تعطيله بالكف عن ذلك واحترام ارادة ورغبات اهل السودان

اجمل ما في البيان هو الاعتراف بصحة ان المنبر مغلق....ولكن ربما الحياء السياسي والحرج الذي اوقعهم فيه تنظيمهم " الاب الكبير" فقد ضاعت عن البيان حقيقة ان الموقف محجوب بالسودان ، وعليه فان النظام في السودان يتحمل كامل مسؤليته الاخلاقية والسياسية عن هذا الفعل
لا حظ ان البيان تعمد ان يذكر الجاني ....عجباً ان الجاني نفسه يدين نفسه ويرتكب نفس الجريمة في نفس المكان .....
بمعني اخر اذا كان المؤتمر الوطني يغلق الصحف السياسية ويقتحم الدور السياسية ، فانه بذلك يشكل خرقاً للقانون ......يمكن ان اتقبل فكرة ادانة هذا المسلك من شخص ينتمي لهذا الحزب .......ولكن حينما يقوم باغلاق نفس الموقف في السودان ، ويقوم فرع هذا الحزب بسودانيز اون لاين بادانة التصرف ، حينئذ ماذا نسمي مثل هذا ؟؟؟؟؟؟؟
غير ان نقول متعة من الالم كما قال صديقي عصام جبر الله ؟

سلام يا الحبان

Quote: تسلم استاذ عصام على تعليقك واتمنى من جميع الاعضاء مد الايادي لنختلف ولكن نتلاقى في ثقافة التحاور تاريخ البيان هو اليوم 25 يونيو 2012 بالتشاور بين بعض من اعضاء المؤتمر الوطني بالمنبر

اها يا عصام شنو ليك ؟؟ والله انا لو منك اقوم اللف صينية جاكي وتجي راجع
كان تقدر تمرق الطمة الوصلت القمة دي !
انا هنا في بطن بيتي ده كوفرت ليك , والله صحي

أبراهيم اخوي قوم شوف لي الزول ده حبة قلية يجغمها تبرد جوفو شوية
عصام اخوي النبي فضل لي معاك , قت ليك انا زاتي كووووووووفت ليك ,,
كاااااااامل التضامن مع ود جبر الله الحنن خلق الله في محنتو الغريـــــــــتبة وعجيــــبة

الاستاذة اسماء تحياتي وتقديري ........

Quote: اها يا عصام شنو ليك ؟؟ والله انا لو منك اقوم اللف صينية جاكي وتجي راجع كان تقدر تمرق الطمة الوصلت القمة دي ! انا هنا في بطن بيتي ده كوفرت ليك , والله صحي

تعرفي نحن الكوفارة دي اصلاً جاتنا من زمان وبطنا بقت معيتقة .....وزي الحاجات دي مثلما وصفها اخ في مكان تاني بحبوب الثقالة ، خلاص معدتنا تعودت عليها .....زول يدين نفسه واخر مؤتمر وطني لا يعرف تاريخ البيان واخر يقول ليهو بالتشاور مع بعض اعضاء المؤتمر الوطني ثم يسمي الخطاب باسم شعبةالمؤتمر الوطني ياخي والله عجب عجاب
شكراً لمرورك الطريف والمؤلم في آن

سلام يا أستاذ ويا أستاذ
ويا شذاذ
و سلام للشاعرة الشاذة.
والله غلبني أمرق بي صمة خشمي.
الاستاذ الاعلامي دا تعوّزه المعارف التنظيمية وغيرها!
سودانيز أون لاين ليس به شعب (جمع شعبة) فكيف يطلب من بكري
يرفع ليه البوست فوق قبل ما بكري يفهم حكاية شعبة دي شنو؟!
الصحيح ونحن بداهة كدا واصلين ليهو هو ان تقول شعبة سودانيز أون لاين
بالمؤتمر الوطني.
لو ما طلع دا خلط من الاعلامي يبقى يكون مستوى أعلى من "التمكين" وصل
له الامنجية (ودي عبارة بتشمل جميع عضوية المؤتمر الوطني)!
التمكين بالابهار، باقناع عضوية هذا المنبر بنفوذ ما للكيزان في المنبر.
بتثبيت خبيث لفهم أنهم شركاء بكري في المنبر أو هو مقايضة حرية وجود المنبر
في فضاء السودان ببريق تسميات تنظيمية يكسب من ورائها الكيزان.
وعليه على بكري أن لا يتخم ومن حقه يطلب تعديل العنوان!
أما حكاية ما استهل به البيان من البهتان المزري، عينة تأكيد احترامهم لحرية
التعبير والنشر و و و. الأخ الاعلامي دا هو أصلا كدا في كتابته. يعني ما بالع
حبوب ثقالة ولا حاجة!
أها اتذكرت أنا الجابني هنا شنو!
أنا لي كم يوم عايز أذم البشير لأنه اتضح انه ما متربي خالص!
وبذلك أصبح لطخ وما متربي.
1- لطخ لأنه ما ممكن تصف أهل بلد انت قاعد فوق نفَسها شذاذ آفاق. يعني كدا انت زعلتهم
زيادة. لا دبلوماسية ولا حكمة ولا حتى الطيبة العادية بتاعت أهلنا ديك مافي.
وهنا أنا أسال: ياخي البشير دا قاعد يشاور زول في الكلام الماشي يقوله؟
لا أعتقد. إذا كان نائبة بيقول "شووت تو كيل" شفت ليكم نائب رئيس بيقول "شووت تو كيل"؟
أو يقول ليك قبل يومين، عن الازمة، انو "ممكن تقدمونا لمحاكم" يعني الواد عايز الناس
تقول ليه لا يا شيخ علي ياخ محاكم شنو! (تذكرك من بعيد باستقالة عبدالناصر بعد1967)
2- وهو ما متربي لأنه كان الربوهو وروهو الحِلم عند الغضب والامساك عن التجني أو العفو
عند المقدرة أو حتى كان قالوا ليهو ياخي قول أي حاجة إلاّ شذاذ آفاق دي لأنه القامو ديل
هم طلبة جامعات، نوارة البلد فكيف تصفهم بما يعني أنهم الغرباء الذين لا أهل لهم!
البشير لطخ وما متربي.
وبكرى يشوف لينا موضوع الشعبة دي شنو!

الاخ الدكتور مصطفي مدثر شاكر لك هذا المرور الجميل وساورد هنا بعض الاقتباسات التي اعجبنتي بجد

Quote: لو ما طلع دا خلط من الاعلامي يبقى يكون مستوى أعلى من "التمكين" وصل له الامنجية (ودي عبارة بتشمل جميع عضوية المؤتمر الوطني)! التمكين بالابهار، باقناع عضوية هذا المنبر بنفوذ ما للكيزان في المنبر. بتثبيت خبيث لفهم أنهم شركاء بكري في المنبر أو هو مقايضة حرية وجود المنبر في فضاء السودان ببريق تسميات تنظيمية يكسب من ورائها الكيزان. وعليه على بكري أن لا يتخم ومن حقه يطلب تعديل العنوان!

Quote: أما حكاية ما استهل به البيان من البهتان المزري، عينة تأكيد احترامهم لحرية التعبير والنشر و و و. الأخ الاعلامي دا هو أصلا كدا في كتابته. يعني ما بالع حبوب ثقالة ولا حاجة!

أخونا الجميل عنكبة
ازيك يا خ
البيانو كلو ما وقفت على حاجة فيهو غير آخر جملة

Quote: شعبة المؤتمر الوطني بموقع سودانيز اونلاين

الكذب الفوق اتعودنا عليهو كم وعشرين سنة
بس عايز اعرف تفاصيل عن شعبة المؤتمر الوطني وأهم نقطة رواتب أعضاء الشعبة ؟؟؟ وهل ممكن يشملهم التغشف؟؟ و و و و

سلام يا ابوطالب ياصديقي العزيز ......

Quote: بس عايز اعرف تفاصيل عن شعبة المؤتمر الوطني وأهم نقطة رواتب أعضاء الشعبة ؟؟؟ وهل ممكن يشملهم التغشف؟؟ و و و و

اضحكتني هذه النقطة .....ياخوي الناس دي من قامت راسمالها سير سير .........وتاتيها الاموال من خزائن قارون من حيث لا تحتسب ........ياخوي صدقت انو في تقشف ......زي ما المشير كافا وزير الداخلية ساعتئذ ، وبعيد انهيار عمار الرباط ، في اشهر فساد معروف، قام كافاه بتعينه وزير صناعة ،ر اسماله الوحيد هو الاخلاص لثورة الانقاذ "شوف الكلام ده" عاوزينا ياابوطالب نصدق انو في تقشف ؟ ياعمي ديل بياكلو من كتف الشعب السوداني وياكلو عوائلهم ونسائبهم ومن تبعهم باحسان الي يوم الانتصار ......طيب سحبو منهم الامتيازات دي بتشوف براك المذاكرات والململات التي لا يحتملها النظام ....عشان كدة النظام فضًل الضحك علي البسطاء ،لانها متعوووووودة
سلام وشاكر مرورك ياكابت

يا ابراهيم صباح الخير (عندي هنا)
بكري دا ما يمر هنا ساكت لأن هناك ادعاء بوجود شكل
تنظيمي في منبره وعليه توضيح الاشياء.
عليه تذكر أن منبره هذا كان موئلا للاصوات المعارضة
من قولة تيت. فما يخلينا نشذ. الآفاق واسعة!