Post: #1
Title: نريدها حكومة وطنية شبابية واحذروا ( الجلاكين)!!
Author: هشام هباني
Date: 06-25-2012, 08:51 AM
فاذا كان في عشية انتصار انتفاضة اكتوبر 1964م كان عمرعبد الخالق محجوب 37 عاما وعمر حسن الترابي 32 عاما وعمر الصادق المهدي 29 عاما وعمر شاعر اكتوبرمحمد المكي ابراهيم 25 عاما...فما المانع ان يحكمنا هذه المرة ايضا شباب وطني من الجنسين في ذات السن اقصاهم 40 عاما؟
|
Post: #2
Title: Re: نريدها حكومة وطنية شبابية واحذروا ( الجلاكين)!!
Author: ihsan fagiri
Date: 06-25-2012, 09:38 AM
Parent: #1
مع اني اتفق معك ولكن عنوان البوست ما ظريف
|
Post: #3
Title: Re: نريدها حكومة وطنية شبابية واحذروا ( الجلاكين)!!
Author: Tragie Mustafa
Date: 06-25-2012, 09:44 AM
Parent: #2
شنو يا هباني يا اخي
ما تبطل حساده؟!قال جلاكين قال!!
Quote:
فاذا كان في عشية انتصار انتفاضة اكتوبر 1964م كان عمرعبد الخالق محجوب 37
عاما وعمر حسن الترابي 32 عاما وعمر الصادق المهدي 29 عاما وعمر شاعر
اكتوبرمحمد المكي ابراهيم 25 عاما...فما المانع ان يحكمنا هذه المرة
ايضا شباب وطني من الجنسين في ذات السن اقصاهم 40 عاما؟ |
نحن ناس الصادق ما دايرنهم
لكن ناس د.احسان فقيري ديل دايرنهم!اها الحل شنو باقي لك؟!
بعدين يا هباني 40 دي بالقديم ولا بالجديد(هههههههههههههه)
قصدي بسنين العالم الاول ولا العالم الثالث؟!
في العالم الاول ممكن يكون فيها انجاز كبير
في العالم الثالث يكونوا لسه بيتلفتوا!!تقول لي شنو؟!
|
Post: #4
Title: Re: نريدها حكومة وطنية شبابية واحذروا ( الجلاكين)!!
Author: هشام هباني
Date: 06-26-2012, 06:19 AM
Parent: #2
العزيزة دكتورة احسان
تحياتي
خلونا الدور ده يا دكتوره نحن اجيال الترطيبة نتفرج ونشجع اللعبة السمحة لانوانا في راييي الاجيال الجديدة دي تستاهل تحكم البلد وجديرة بيهو لانهم والله مصادمين ومقاتلين وعاشوا معاناة ومقاساة صعبة ومرة جدا ما مرينا بيها نحن فوالله هم افضل من يقود الوطن لبر الامان رغم انو عمرنا لا استوزرنا ولا ضقنا المناصب ولا طمعانين في حاجة من بلدنا غير انو بس انو شعبنا اكون مبسوط .
وبعدين ما تزعلي يا دكتورة من العنوان.........اخوك البكتب ده اكبر ( جلكن) وزاهد في اي حاجة بس طمعان لي في بقية العمر الفضل ده في فت تكسي في المحطة الوسطي ومصنقع من الصباح في جريدة سودانية مليانة ديموقراطية وكلاما زين مع كباية شاي بنعناع وراجينا فطور بفول في ( ابو العباس) وونسة هلال ومريخ وكمان راجينا غدا بمفروكة بامية كاربة من ايد الوالدة اديها الصحة بكسرة بعيش صفراء مع صحن سلطة بجرجير سوداني حار مع طماطم وارد ( قراصة القرشي) وونسة عصيرية قدام البيت شايل خرطوش مويتك تسقي شديرات نيمتك وتشاغل في حاج فلان وحاجة فلانه وبعد داك راجينا العشا ( شعيرية) باللبن( المقنن تقنينا دستوريا ) وبعدها نومة سمحة والواحد موهط في عنقريب ويعاين في سما السودان المشبع بالنجوم وضاربك الهمبريب وريحة الدعاش وما عندك هم عيشة اليوم التاني وقفة الملاح !
|
|