يا شعباً لهبك ثوريتك..

على اجنحة الفجر ترفرف
فوق اعلامك
ومن بينات اكمامك
تطلع شمس اعراسك

يا شعيا لهبك ثوريتك
انت تلقى مرادك والفى نيتك
وعمق احساسك بحريتك
يبقى ملامح فى ذريتك

ماك هوين سهل قيادك
سيد نفسك .. مين اسيادك؟
ديل اولادك وديل امجادك
ونيلك هيلك جرى قدامك
تحت اقدامك
رجع صداك وسجع نحاسك
وانت نسيج الفدا هندامك
وانت نشيد الصبح كلامك
وعطر انفاسك

ارفع صوتك هيبة وجبره
خلى نشيدك عالى النبره
خلى جراح اولادك تبرا
كبروا مكان الضحكة العبرة
الا يقينهم فيك اتماسك
يا الاصرارك
سطراً سطراً ملا كراسك