مابــحــــــــــــــــــــــــلـــكم

ما بحلكم
عبو الزنازين والسجون
ما نحن في قلب الشوارع
نفس الشوارع
بكرة تشهد ذلكم
ما بحلكم
ما بكرة في يوم القيامة
قبل القيامة تهلكم
نشوف سود لون الوشوش
كانت بتنعم في نعيم مالنا وعرقنا
وحقنا
مابحلكم
كانت تدخلو كل البيوت
وتضربو الشفع
تعتقلوا الرجال بي سونكي
او نبوت
ما بحلكم
بقيتو في امرا عسير
خايفين اكيد من ضلكم
ما نحن في قلب الشوارع
من كل فج
من البيوت الضامرة جوع
من الحقيقة الكامنة في جوة الجوامع
من المدارس
نحن مارقين
لابنخاف سطوة رجالكم
لا المدافع
وما بحلكم

شعبنا عارف
مين السارق حقو تمام
ومين الباعنا عديل
وتاني اطيد ا في كلام
وزي ماقال الزول حميد
لا حصة فطرر
لا دفتر تمام
شعبنا حالف
حقو يجيبو
من الصين
او ماليزيا
وحتى الناس الفي الدمام

ما بنتراجع
الا نشوفها عجاجة تكتح عينكم وانتو بتجرو
ومما بنتراجع الا ضغيرنا الفاقد لبنو
يرجع حقو
وآخ لو تدرو
كوم الغبن الجوة نفسونا
وطعم المر الجوة حلوقنا
وانت عفنكم الليل الكون القاتم
ما بيسترو

Quote: ما بنتراجع الا نشوفها عجاجة تكتح عينكم وانتو بتجرو ومما بنتراجع الا ضغيرنا الفاقد لبنو يرجع حقو وآخ لو تدرو كوم الغبن الجوة نفسونا وطعم المر الجوة حلوقنا وانت عفنكم الليل الكون القاتم ما بيسترو

ساعة النصر اقتربت يادكتور

ان شاء الله

شكرا يوسف السماني

*

تطلق كلابك
او تزيد بمبان جيوشك
ما بحلكم

خفافيش ليل ونقلق نومكم

يا طاهرة يا مريم
انا ما بشيل
مال الحرام وابني
انا زول بشيل الهم
زي
شعبنا المقهور
شعبا نذر بالدم
القصة ما بنزين
الغصة جوة حلوق
عاشت سنين الغم
لكن صبرنا نفد
بس تاني وين حتروح
يا ما كل الاموال
حقت دوا الاطفال
يلاك يا بن العم
وجار ويا جارة
خلينا نكشف حال
ناسن نست ربا
سواها من نطفة
كنزو الدهب والمال
وحلفنا ما ننجم
لابد نعدل الحال
يا طاهرة يا مريم